arbjan Mazniku
Lojtarët e River Plate festojnë kualifikimin në finale | Foto: AP / NATACHA PISARENKO

peleshi-dhe-mazniku.jpg
G. P.15:17 | 30/09/2019

Prokuroria e Tiranës ka marrë në pyetje nënkryetarin e Bashkisë së Tiranës Arbjan Mazniku pasi dyshohet së kompania “Fusha Sh.p.k.” i ka paguar faturat e fjetjes në një hotel në Barcelone në shumën e 1816 eurove. Para organit të akuzës dha sqarime edhe ish-Ministri i Bujqësisë Niko Peleshi lidhur me pesticidin “Silicon mix”.

Prokuroria e Tiranës ka marrë në pyetje nënkryetarin e Bashkisë së Tiranës Arbjan Mazniku. Partia Demokratike e akuzoi atë se pronari dhe administratori i Fusha sh.p.k. i ka paguar hotelin 908 euro nata në Barcelonë për dy net. Pas rreth dy orësh përballë grupit hetimore Mazniku deklaroi se ka sqaruar pozicionin e tij.

“Nuk do merrem me lajme të rreme. Dhashë sqarime për pozicioni tim le të merret drejtësia me ata që hedhin baltë. Ishte kënaqësi të sqaroja bashkëpunimin e Bashkisë së Tiranës me Prokurorinë”, tha Mazniku.

Ndërkohë ketë të hënë është përballur më prokurorinë edhe ish-ministri i Bujqësisë Niko Peleshi. Hetimet për Peleshin ka nisur pas publikimit në media të lajmit se kur ishte ministër i Bujqësisë ka lejuar të futet në vend pesticidi “Silicon mix” që konsiderohet i dëmshme për njerëzit. Ish-ministri i Bujqësisë nuk pranoi të jepte asnjë sqarim për mediat pas daljes nga prokuroria.

Hetimi për Niko Peleshin ka nisur pas shkresës zyrtare që Prokuroria e Përgjithshme i dërgoi Prokurorisë së Tiranës. Në shkresë thuhej se ndaj Peleshit ka dyshime se ka shpërdoruar detyrën duke lëshuar urdhrin për zhbllokimin e këtij pesticidi i cili përdoret në kultivimin e frutave dhe perimeve duke shkaktuar pasoja të dëmshme tek konsumatorët. Organi i akuzës pas marrjes së deklarimeve do të vendosin nëse Peleshi do të merret merret i pandehur për këtë çështje./ABC News Albania 24/7

arbjan-maznikuu.jpg
G. P.14:43 | 31/07/2019

Sipërfaqja e Teatrit Kombëtar nuk do të preket. Kështu thotë nënkryetari i Bashkisë së Tiranës Arbjan Mazniku, i cili thekson gjithashtu se me projektin e ri Teatri do të përfitojë dhe 8 mijë metra katrorë hapësirë.

Këto janë mjediset pas Teatrit Kombëtar në Tiranë. Kryetari dhe anëtarët e rinj të Këshillit Bashkiak një ditë pasi morën detyrën zgjodhën të vizitojnë këtë hapësirë. Me situatën i njohu nënkryetari i bashkisë, Arbjan Mazniku.

“Ajo çfarë shohim këtu janë magazina në pronë të bashkisë, por që janë në një gjendje të tmerrshme; magazina të vjetra që mbajnë materiale që nuk janë në përdorim, të mbetura nga një kohë e mëparshme, që sot nuk kanë asnjë funksion të mirëfilltë publik. Një pjesë tjetër e hapësirë është bërë parkim, por kjo është zona e cila do të shkojë në për zhvillim, ndërkohë që pjesa e Teatrit Kombëtar, pra sipërfaqja që sot i përket teatrit, do të mbetet sipërfaqe për teatrin. Po ashtu, do kemi mundësi të përfitojmë më shumë se 8000 metra katrorë ndërtesë të re teatri, sipas standardeve më të mira të mundshme që kërkon një Teatër Kombëtar”, tha ai.

Godina aktuale e Teatrit Kombëtar sipas nënkryetarit të bashkisë është ndërtuar me një material të dobët dhe nuk mund të riparohet.

“Pamë edhe materialin me të cilin është ndërtuar ndërtesa e teatrit, populiti i famshëm, i cili është bërë pothuajse një shekull më parë, por provë e qartë e faktit se kjo ndërtesë në mënyrën se si është bërë nuk ka asnjë mundësi dhe shans të funksionojë apo të qëndrojë në kohë, apo të riparohet a të ristrukturohet”.

Ndërkohë gjendja në të cilën ndodhet sot ndërtesa nuk plotëson asnjë kusht për të qenë një teatër i mirëfilltë kombëtar./ABC News Albania 24/7

arbjan-mazniku-1.jpg
G. P.19:01 | 01/07/2019

“Fokusi jonë është të bëjmë atë që është puna jonë”. Ishte ky reagimi i nënkryetarit të Bashkisë së Tiranës, Arbjan Mazniku këtë të hënë pasi u pyet se çfarë do të ndodhë nëse Gjykata Kushtetuese i shpall zgjedhjet e pavlefshme. Ai ishte i ftuar në studion e ABC News ku tha se puna e Bashkisë së Tiranës nuk është të gjykojnë vendimet e mundshme të gjykatave apo të institucioneve të tjera.

“Ne kemi fituar zgjedhjet dje me një vlerësim shumë të madh nga ana e qytetarëve. Fokusi jonë nga tani e tutje është që të bëjmë atë që është puna jonë. Puna jonë nuk është të gjykojmë as vendimet e mundshme të një gjykatë apo një tjetër, një institucioni apo një tjetre.

Puna jonë nga sot për katër vitet e ardhshme është që të zgjidhim problemet e qytetarëve tanë, probleme shumë jetike për qytetin dhe të bëjmë atë që është detyra jonë, kur aktorë që janë jashtë nesh marrin vendime cilado qofshin ato në ato moment duhet të thoshim si do sillemi karshi atyre vendimeve.

Nuk besoj se është kohë e çuar dëm që të fillojmë të përgatitemi, apo mendohemi mbi paramendimin e mundshëm ndodh kjo apo jo. Nuk na del dita dhe ora për t’u marrë me problemet që qyteti ka që të harxhojmë kohën me teori institucionesh. Detyra jonë është një dhe e thjeshtë dhe është që mandati i qytetarëve që na dhanë dje është të merremi me problemet e qytetit dhe me këtë do të merremi”, tha Mazniku./abcnews.al

arbjan-mazniku.jpg
G. P.18:37 | 01/07/2019

Sipas nënkryetarit të Bashkisë së Tiranës, Arbjan Mazniku, opozita nuk ka treguar asnjë fakt gjatë ditës së diel në lidhje me manipulimete e votave siç pretendojnë. Gjatë një bisede në studion e ABC News me gazetaren Juli Xhokaxhi, Mazniku mori parasysh raportin e OSBE/ODHIR, sipas të cilit kanë vlerësuar votimet si të mira në 94% të zonave.

“Po të kemi parasysh atë që tha sot vlerësimi i OSBE/ODHIR-it, thanë që në më shumë se 94% të zonave që ata kanë vlerësuar votimet ishin të vlerësuara si të mira me probleme të vogla. Ishin të tjerat, problemet e vogla që ata kishin parë dhe jo të tilla që mund të cenonin thelbësisht procesin. Padyshim që në një situatë ku njëra palë është prezente potencialisht mund të ketë probleme, por ju e keni ndjekur në mënyrë të detajuar gjatë gjithë ditës. Sot nuk është më si para 11-20 vjetësh dhe çdo njeri me telefon në dorë është një reporter i lajmeve dhe çdo person mund të raportonte probleme të tilla. Ne kemi dëgjuar fjalë, por besoj se gjatë ditës së djeshme nuk kemi parë asnjë fakt nga opozita që tregonte për probleme thelbësore me ditën e zgjedhjeve”, tha Mazniku.

Mazniku sqaroi gjithashtu edhe pse në disa bashki, sipas të dhënave të KQZ rezultojnë më shumë vota të hedhura sesa numri i qytetarëve votues. Sipas tij, numri zyrtar shikohet kur përfundon votimi dhe merret numri i votuesve nga procesverbalet e qendrave të votimeve.

“Nuk ekziston një disproporcion i tillë. Ajo që ka ndodhur është që KQZ siç e ka thënë disa herë në fakt. Thoshte që këto të dhëna po merren në mënyrë telefonike nga KZAZ dhe KZAZ kontaktonte me telefon nga qendrat e votimit. Në momentin kur mblidhen gjatë kohës që ndodh dita numri i votuesve është pak si ushtrim që quhet telefoni kinez. Një njeri në KZAZ merr çdo njeri në qendrat e votimit, mblidhen numrat dhe në mënyrë sistematike është raportuar nga KZAZ që këto janë të dhëna paraprake janë të dhëna që mund të kenë gabime. Të dhënat formale për pjesëmarrjen merren nga procesverbalet e qendrave të votimit, kur raportohen në KZAZ. Kur shkohet në KZAZ thuhet edhe sa ka qenë numri i njerëzve që kanë votuar dhe nuk lëviz aty me të dhënat që kam unë, nuk ka problematika në lëvizje të numrave”, tha Mazniku./abcnews.al

blendi-klosi-1280x651.jpg
G. P.19:21 | 06/03/2018

Ministri i Mjedisit dhe Turizmit, Blendi Klosi, dhe nënkryetari i Bashkisë së Tiranës, Arbjan Mazniku, pralajmëruan marrjen e masave për pikat e grumbullimit të mbetjeve që nuk plotësojnë kriteret mjedisore. Ndërkohë që akuzuan opozitën si shkaktarë të gjendjes së mjedisit sot dhe mbështetes të paligjshmërisë.

180 pika që gurmbullojnë mbetje skrapi në Tiranë po monitorohen për respektimin e kritereve mjedisore. Ministri i Mjedisit dhe Turizmit, Blendi Klosi, bashkë me nënkryetarin e Bashkisë së Tiranës, Arbjan Mazniku, inspektuan një pikë të tillë në një zonë të banuar.
Pas kryeqyetetit, aksioni do të shtrihet në të gjithë Shqipërinë.

“Janë jashtë kushteve, janë krejtësisht në kundërshtim me të gjitha rregullat mjedisore, janë pika, të cilat jo vetëm grumbullojnë të gjitha mbeturinat e qytetit, por edhe zhvillojnë aktivitetin e tyre brenda zonave të banuara. Pra nuk kemi heqje të licensave të zhvillimit të aktivitetit të ndershëm, por kemi revokim lejesh mjedisore dhe pastaj sëbashku me të gjitha organet e tjera shtetërore, evidentim të problematikave.

Keto biznese, sipas Klosit dhe Maznikut, do të zhvillohen jashtë qendrave të banuara, ndërkohë që për gjendjen e mjedisit akuzat i drejtuan nga opozita.

“Ajo që doja të thoja e të ritheksoja është edhe një përgjigje për një batare mbështetjesh për paligjshmërinë që në fillim erdhi nga Saliu, i cili mbronte guroret e paligjshme në të gjithë Shqipërinë të cilat ne po i mbyllim, po i evidentojmë dhe do të nxjerrim kriteret e reja mbi të cilat të zhvillohet biznesi guror. Sot erdhi mbështetja nga Luli për pisllëkun e qytetit”.

“Jam i sigurtë se edhe zoti Basha, që sot përmendi këto raste, në Holandë, ku edhe ka shansin të shkojë shpesh, nuk ka parë njerëz të cilët shpenzojnë një pjesë të madhe të jetës së tyre brenda kazanëve të plehrave, duke u përpjekur të marrin mbetjet dhe më pas i grumbullojnë në pika të tilla brenda zonave urbane. Ky është një akt jo vetëm joeuropian, jo vetëm i rrezikshëm për shëndetin e banorëve, por është një çështje që në mënyrë të vazhdueshme banorët e Tiranës, edhe nëpërmjet portalit të bashkëqeverisjes, e kanë denoncuar si një problem për qytetin e tyre dhe për mënyrën dhe mundësinë për të funksionuar si një qytet normal”.

Aksioni vjen në kuadër të iniciativës “Pastrojmë Shqipërinë që duam” dhe mbështetet nga Policia e Shtetit dhe ajo Bashkiake./abcnews.al

arbjan-mazniku-1280x720.jpg
G. P.18:04 | 07/02/2018

Kush ka një lidhje të paligjshme uji ta formalizojë brenda 28 Shkurtit. Apeli për konsumatorët familjarë vjen nga nënkryetari i Bashkisë së Tiranës, Arbjan Mazniku. Aktualisht grupet e task-forcës po verifikojnë bizneset, 8 përfaqësuses të të cilëve janë shoqëruar në polici për lidhje të paligjshme të ujit.

280 biznese të kontrolluara dhe 8 përfaqësues të tyre të shoqeruar në polici. Ky është bilanci i javës së parë të aksionit për ndërprerjen e lidhjeve të paligjshme të ujit të pijshëm në Tiranë.

Rreth 15 grupe Task-Forcë, me ndihmën e Policisë së Shtetit, Policisë Bashkiake dhe stafit teknik të ndërmarrjes së Ujësjellës-Kanalizimeve po vijojnë verifikimin në terren.
Aksioni pranë zonës së “21 Dhjetorit” dhe “Zogu të Zi”, u ndoq nga nënkryetari i Bashkisë së Tiranës, Arbjan Mazniku, dhe Drejtori i Përgjithshëm i UKT-së, Redi Molla.

“Vazhdon në mënyrë intensive kontrolli në të gjitha bizneset e qytetit të Tiranës, të cilët shërbehen nga UKT, për lidhje të paligjshme të ujit. Sot jemi duke funksionuar me më shumë se 15 grupe pune, të cilat njëkohësisht në disa zona të qytetit po kontrollojnë bizneset, në bashkëpunim të ngushtë me Policinë e Shtetit, Policinë Bashkiake, Tatimet Qendrore dhe Tatimet e Bashkisë, në mënyrë që çdo biznes që ka një lidhje uji, ta ketë atë me kontratë të ligjshme, funksionale dhe sipas rregullave”.

Nënkryetari i Bashkisë i bëri thirrje konsumatorëve familjarë të përfitojnë nga koha e lënë në dispozicion. Të lidhin kontrata të rregullta dhe të nënshkruajnë akt-marrëveshjet për pagesat e prapambetura deri më 28 Shkurt.

“Përfitoj nga rasti për t’u thënë të gjithë qytetarëve të Tiranës, që nëse kanë një lidhje të paligjshme të vijnë ta fomalizojnë, të marrin një kontratë me UKT-në në mënyrë që të mos penalizohen. Të kenë mundësi që në qoftë se kanë pagesa të prapambetura të bëjnë sërish një marrëveshje me UKT-n për t’i bërë këto pagesa me këste për një periudhë të gjatë”.

Mazniku theksoi se UKT është e vendosur që të përfundojë me inspektimin e gjithë bizneseve dhe nga 1 Marsi të vijojnë verifikimet edhe te konsumatorët familjarë./abcnews.al

vlcsnap-error941-1-1280x720.jpg
us er09:38 | 10/01/2018

Nënkryetari i Bashkisë së Tiranës Arbjan Mazniku, gjatë një intervistë në ABC neës ka folur rreth aksionit të pastrimit të ndërmarrë nga Bashkia e Tiranës, por jo vetëm. Sipas tij duhet të krijohet një kulturë pastrimi. Përsa i përket rritjes së taksave Mazniku tha se në buxhet nuk u prek paketën fiskale. “Ne presim që përmes mirëmenaxhimit të taksave të rrisim të ardhurat”-tha ai. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono