arbitra

jareci.jpg
G. P.18:30 | 28/05/2019

Dizenjatori i arbitrave në FSHF, Sokol Jareci zbuloi se sistemi VAR do të instalohet shumë shpejt edhe në Shqipëri. Sipas Jarecit, teknologjia do të jetë gati për sezonin 2021-2022.

I ftuar në emisionin “Pressing” në ABC News, dizenjatori i arbitrave në Fshf, Sokol Jareci bëri një deklarate të bujshme rreth instalimit të sistemit VAR në kampionatin shqiptar.

Jareci shpjegon se të martën do të bëhet hapi i parë, duke aplikuar në FIFA ndërkohë që do të kontaktohet nëpërmjet një videocall me zyrtarët e IFABIT të cilët pak ditë më parë sollën një email rreth kërkesave që duhet të bëjmë për sistemin VAR.

Sipas dizenjatorit të arbitrave në FSHF, procedurat kërkojnë rreth një vit e gjysmë kohë dhe sistemi VAR do të jetë gati në Shqipëri për sezonin 2021-2022. Jareci shpjegon si do të aplikohet fillimisht sistemi VAR në kategorinë superiorë./ABC News Albania 24/7

olsi-Rama.jpg
G. P.22:54 | 06/05/2019

Për drejtorin e përgjithshëm, Olsi Rama, Partizani nuk duhet të bëjë viktimën për sa i përket vendimeve të arbitrave. I ftuar në emisionin “Pressing”, ai u shpreh se edhe ata mund të bëjnë gabime, por ‘”të kuqtë” janë një skuadër e madhe dhe duhet të vazhdojnë përpara.

“Partizani është një emër i madh. Duhet të dijë si të sillet si një ekip i madh. Partizani nuk duhet të bëjë viktimën. Arbitrat janë njerëz të zakonshëm që padiskutim në punën e tyre do bëjnë edhe gabime. Sidomos në kushtet ku punojnë. Gabimet janë pjesë. Edhe ne bëjmë gabime. Thjesht duhet të mësojmë dhe të ecim përpara”, tha Rama.

Nëse ka një model këto vitet e fundit është padyshim Skënderbeu. Por Olsi Rama shprehet se ambicia e Partizanit është të tejkalojë arritjet e korçarëve.

“Skënderbeu në vitet e fundit ka qenë model pune. Ditën të ndërtojnë me kujdes, me kohën që patën në dispozicion një ekip që arriti ato rezultate. Është një shembull për t’u marrë. Ambicia e Partizanit duhet të jetë të tejkalojë ato që arriti Skënderbeu”, tha Olsi Rama.

Për të krijuar një skuadër kompetitive dhe të shëndoshë nga ana financiare, Partizani ka një detyrë sipas Olsi Ramës. E rëndësishme për të është përfundimi i ndërtimit të kompleksit.

“Akademia e Partizanit do jetë pastaj burimi i lojtarëve. Duke qenë një emër i madh, duke pasur një traditë fitimi në kampionat është kollaj të tërheqësh talentet nga i gjithë rajoni, jo vetëm nga Shqipëria”, tha Rama./abcnews.al

tirana-dhe-laci.jpg
G. P.17:00 | 14/03/2019

Gabime të rënda të arbitrave në ndeshjen e fundit të Kupës së Shqipërisë, mes Tiranës dhe Laçit. Plot katër herë, skuadrat u dëmtuan duke mos u lejuar që të realizonin gola.

Bojkoti padyshim ishte i drejtë, edhe pse mund të ishte bërë më parë. Gjithsesi, dhuna ndaj arbitrave nuk është problemi i vetëm i futbollit shqiptar, siç u pa qartë në çerekfinalen e parë të Kupës mes Tiranës e Laçit.

Ishin jo pak, por plot katër gabime të gjyqtarëve që, padyshim ndikuan direkt në rezultat, duke dëmtuar fillimisht skuadrën mike, dhe pastaj atë vendase.

Në minutën e tretë, Hoxhallari preku topin me dorë në zonë, por gjyqtari Alla nuk sinjalizoi 11-metërsh për laçianët. Rezultati ishte 0-0 dhe epërsia mund t’i kishte ndihmuar kurbinasit.

Në minutën e 36-të, arbitri anësor bëri të pavlefshëm një tjetër aksion të miqve, kur Xhixha doli i vetëm përpara portierit tiranas, veçse u ndal nga një sinjalizim për pozicion jashtë loje të paqenë.

Kaluan vetëm dy minuta, dhe gabimet anuan në dëm të kryeqytetasve. Bedri Greca shënoi për bardheblutë, veçse sërish goli u anulua për pozicion jashtë loje, jo të atij që e shënoi, por për pozicion të tillë të sulmuesit Majkëll Ngo. Edhe në këtë rast, pamjet në kënd tjetër dhe me përsëritje, treguan se vendimi ishte i gabuar.

Së fundi, në minutën e 40-të, po në pjesën e parë, ndodhi edhe gabimi i fundit. Sërish Ngo krijoi rrezik në portën e Laçit, duke shërbyer për shkodranin Edon Hasani, i cili shënoi, por rrjeta u anulua, përsëri për pozicion jashtë loje. Në të vërtetë, goli i Hasanit ishte e rregullt./abcnews.al

ardian-takaj-1280x715.jpg
G. P.22:19 | 07/03/2019

Vendimi i arbitrave për të bojkotuar kampionatin është mbështetur nga presidenti i Skënderbeut Ardjan Takaj. Ai tha për TV Klan se ishte vetë situata e krijuar me dhunën e ushtruar ndaj Eldorian Hamitit në sfidën Kamza – Laçi që shkaktoi këtë situatë.

Ardjan Takaj, president i Skënderbeut: Është e drejtë e arbitrave që ta kërkojnë me këtë situatë dhe këtë që ndodhi. Mua më vjen mirë ta kërkojnë dhe ta kërkojnë deri në fund, sepse është shumë e rëndësishme edhe për futbollin shqiptar.

Për presidentin e Skënderbeut mungesa e policisë në ambientet e brendshme të stadiumit la pasoja që në fillim të kampionatit pikërisht në një ndeshje të zhvilluar në Korçë.

Ardjan Takaj, president i Skënderbeut: Shenjat kampionati i dha që në javën e parë, në Korçë dhe e dinim dhe e kemi paralajmëruar dhe e kemi kërkuar që të kthehet policia. Ne duam që të zgjidhet situata një orë e më parë. Të bëhet një ligj i ri për njerëzit që hyjnë në fushat e futbollit.

TV Klan kontaktoi edhe me përfaqësues të klubeve të tjerë të  Superligës, si Partizani, Kukësi, Tirana, etj të cilët nuk pranuan të prononcoheshin për situatën e krijuar në futbollin shqiptar.

Tv Klan

booked.jpg
G. P.20:42 | 06/03/2019

Shoqata e arbitrave me president Tahir Kastratin kanë vendosur bojkotimin e kampionatin në një afat të pacaktuar nën pretendimin se ndihen të pasigurtë për jetën. Në komunikatë thuhet se arbitrat do të rikthehen sërish vetëm në rast se mbarëvajtja e ndeshjeve do të sigurohet nga Policia e Shtetit. Vendimi cilësohet ekstrem dhe u mor pas incidenteve të ndodhura në ndeshjen mes Kamzës dhe Laçit ku u dhunua gjyqtari Eldorian Hamiti.

Ndërpritet futbolli shqiptar. Shoqata e arbitrave ka vendosur të bojkotojë kampionatin deri në një afat të pacaktuar. Një vendim i tillë i konsideruar ekstrem vjen pas incidenteve në ndeshjen mes Kamzës dhe Laçit, ku u dhunua gjyqtari i takimit Eldorian Hamiti. Në komunikatë thuhet se arbitrat ndihen të cënuar dhe do të përfundojnë bojkotin vetëm në rast se policia rikthehet në stadium për të siguruar rendin dhe sigurinë pasi e cilësojnë policinë private si një dështim të konsumuar. Ndër të tjera shoqata e arbitrave kërkon mirëkuptimin e klubeve shqiptare.

“Shoqata “Bashkimi i Arbitrave të Futbollit Shqiptar” e tronditur pas ngjarjes së dhunës ekstreme ushtruar ndaj gjyqtarit Eldorjan Hamiti në Kamëz, ka marrë sot vendimin e saj për të bojkotuar ndeshjet e futbollit në nivel kombëtar. Duke parë që nga java e parë e kampionatit dhe deri në të fundit ne ndjehemi të pasigurtë, sot ne vendosëm të themi: Mjaft! Mjaft më me kërcënime, fyerje e sharje. Mjaft dhe kjo është shumë më serioze dhe e rrezikshme me dhunë e ç’është më e rëndësishmja, mjaft më me pasiguri për jetën. Njëzëri arbitrat mendojnë se eksperimenti i deritanishëm për largimin e Policisë së Shtetit nga stadiumet e futbollit ka dështuar. Zëvendësimi i tyre me polici private është një dështim tjetër tashmë i konsumuar. I kërkojmë klubeve anëtare në FSHF të na mirëkuptojnë dhe të na mbështesin në vendimin që ne kemi marrë, kjo sepse vendimi që ne kemi marrë është e vetmja rrugë që gara të jetë sa më e vërtetë dhe korrekte. Ne kemi vendosur të mos luajmë me jetën tonë. Kështu nuk do të kthehemi për të gjykuar, deri sa të ndjehemi të sigurtë dhe Policia e Shtetit të kthehet në stadiume dhe autorët e dhunës të ndëshkohen. Shoqata Bashkimi i Arbitrave të Futbollit Shqiptar”, thuhej në komunikatë.

Të gjitha takimet e programuara për t’u luajtur në fundjave mund të cilësohen të anuluara si dhe ndeshjet e Kupës së Shqipërisë në mesjavën e arshshme. Tashmë pritet ndryshimi i ligjit në parlament që arbitrat të kthehen sërish në skenë./abcnews.al

farruk-sejdini.jpg
ent ela15:20 | 13/04/2018

Futbolli shqiptar ka probleme besueshmërie. Ish-trajneri i njohur, Farruk Sejdini, flet për fundin e sezonit në Superligë dhe për dënimin e Skënderbeut

Një kampionat që humb besimin. E tillë mund të quhet Superliga e Shqipërisë, të paktën për luftën për mbijetesë, në fundin e tabelës, si dhe për dyshimet për lëshime të ndeshjeve.

Kamza, dikur pretendente për Europë, tani është thuajse e piketuar për të zbritur nga kategoria, ndaj dhe ish-trajneri i njohur, Farruk Sejdini, ngre një alarm.

Farruk Sejdini: “Për Kamzën më vjen keq, jo se Teuta i ka dhënë tonin futbolkuit shqiptar, apo Vllaznia, sepse kishin një ecuri të mirë dhe dukeshin si surpriza e kampionatit. Nuk e heq edhe dyshimin që diçka i kanë hyrë në hak. Ndoshta kërkojnë ta bëjnë kokë turku, por nuk është e  mirë se aty ka 70-80 mijë banorë. Kamza është një qytet i madh. Nuk më duket që është e drejtë.”

Gjithsesi, Sejdini nuk e sheh thjesht si problem të një ekipi apo të një sezoni.

Farruk Sejdini: “Të jem realist, unë do të thosha që ka qenë, do të thosha që kjo ndodhta është një plagë europiane. Ne kemi pas një plagë dyfishe se përpos lekëve ne kemi pas probleme dhe nga politika. Këto gjëra bëheshin o për lekë o për politikë ”.

Edhe UEFA e dha dënimin për Skënderbeun pikërisht duke e akuzuar për trukime. Si e gjykon Sejdini këtë dënim?

Farruk Sejdini: “Në rast se kjo do të ndodhë dhe ka  shumë gjasa që të ndodhë . Edhe po mos të jenë 10 vjet do të jenë diçka më poshtë, po them 7 apo 5, prapë do të jetë një humbje e madhe për futbollin shqiptar nëse do të jenë të vërteta gjithmonë. Kjo ndoshta të vlejë si mësim edhe për ekipet shqiptare”.

Sejdini pret edhe një çështje të fundit, ankesat ndaj gjyqtarëve që edhe këtë sezon kanë qenë të shumta.

Farruk Sejdini: “Gangrenë e futbollit shqiptar kanë qenë gjithmonë gjyqtarët. Nëse thamë më parë që politika influencon, influencon puna e parë te gjyëqtarët. Ai është që e ka shkopin magjik dhe e kthen nga një krah në krahun tjetër. Edhe lojtarët kanë humbur besimin dhe çdo gjë e shohin me syrin e dyshimit. Instancat në Federatën Shqiptare të Futbollit duhet të jenë shumë rigoroze”./abcnews.al

vlcsnap-error051-1280x720.jpg
G. P.22:23 | 19/02/2018

Partizani bëri sulme të tjera ndaj arbitrave pas ndeshjes së humbur me Kukësin. Drejtori sportiv, Olsi Rama, deklaroi se gjykimi ishte me dy standarde dhe ishte shkaktar i disfatës.

Nuk do të lodhen duke e thënë deri në fund.

Partizani sulmoi sërish gjyqtarët në përfundim të ndeshjes së humbur ndaj Kukësit, me drejtorin sportiv Olsi Rama, që vendosi të dilte në konferencë përpara zv. trajnerit Dalipi.

Pasi e hijezoi Dalipin përpara takimit, Rama e bëri edhe pas tij, duke pasur në shënjestër arbitrin Kridenc Meta në prononcimin për Supersportin.

Olsi Rama: “Dola në një konferencë për shtyp të premten edhe thashë që këtu ka një tentativë për të falsifikuar kampionatin. Edhe normalisht sot ishte evidente, që pati një gjykim, për mua skandaloz dhe kur erdha këtu dhe pashë Nexhipin këtu thashë se kishit marrë protagonistin e ndeshjes Kridenc Meta. Faktet e tregojnë vetë: kjo është e qëllimshme! Po e shohim sesi jepen, ndeshje për ndeshje në disfavorin tonë”.

Pamjet me përsëritje tregojnë se Partizanit iu anulua gol me të drejtë, dhe se kartoni i dytë i verdhë ndaj serbit Kulum ishte i saktë, veçse Rama mendon se gjykimi ishte me dy standarde, sidomos në rastin e Bakajt.

Gjithsesi, pyetja vjen natyrshëm: A ka qetësi tek skuadra e Partizanit, pasi lojtarëve u është deklaruar hapur se të gjithë janë kundër tyre?

Olsi Rama: “Kam shkuar në pushim në dhomat e zhveshjes dhe kam thënë: “absolutisht as edhe një diskutim me arbitrin, arbitrin konsiderojeni sikur e keni kundërshtar”. Qetësia është një atribut, që ne duhet ta kemi por nuk mund ta lemë që të bëhemi një lojë në duart e disa njerëzve”.

Trajneri i Kukësi, Peter Pakult, i kënaqur me fitoren, pranoi sportivisht se skuadra e tij pati edhe fat.

Peter Pakult: “Mendoj që pjesa e parë ishte me një lojë intensive nga të dyja anët. Pjesën e dytë, ekipi tregi një karakter me të vërtetë shumë të fortë dhe arritëm ta kthejmë. Të them të drejtën mendoj që ekipi jonë me plot meritë arriti të fitojë ndeshjen sot. Ishte një moment kyç, kur lojtari i Partizanit u ndëshkua me karton të kuq. Mendoj që kampionati është ende shumë i gjatë dhe do të ndodhin shumë gjëra deri në fund”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono