Arbër Çyrbja

arber-cyrbja.jpg
Vladimir Prenga12:21 | 04/12/2019

Momente makthi! Arbër Çyrbja dhe familja e tij kanë përjetuar tmerr pas tërmetit të 26 nëntorit. Mesfushori anësor i Teutës rrëfen gjithçka ndodhi, reagimin e tij dhe situatën jashtë shtëpisë së tij.  “Çfarë të them, kemi përjetuar tmerr. Por, duhet thënë shyqyr që jemi mirë si familje”, nis rrëfimin e tij Çyrbja.

Më tej ai shton: “Shpresoj që instancat përkatëse të na gjejnë një zgjidhje, sepse bëhet fjalë për shtëpinë ku fusim kokën. Nuk di ç’të them, s’jemi në terezi. Atë mbrëmje dola me shpejtësi pas tërmetit dhe më pas qëndrova jashtë. Duket si një ëndërr e keqe ajo që ndodhi”.

“Ajo që pamë ishte sikur të kishte rënë një bombë. Kudo kishte pluhur dhe njerëz që vraponin dhe ulërinin. Diku kam parë një pamje që nuk do ta harroj kurrë, që më tronditi. Kudo kishte shkatërrim dhe rrënoja, gjithçka që mund të dëgjoje ishin zëra dhe të qara nga njerëz që po kërkonin për familjarët e tyre”, tregon i emocionuar durrsaku, në intervistën e dhënë për “Panorama Sport.

Në fund ai jep edhe një mesazh: “Në këto momente tragjike, mbështetja duhet të jetë nga të gjithë për vëllezërit dhe motrat tona që u goditën nga tërmeti katastrofik. Duhet të qëndrojmë të fortë dhe të bashkuar, pasi vetëm kështu do të arrijmë që ta kalojmë ketë momente të vështirë. Zoti i bekoftë të gjithë!”. /abcnews.al

arber-cyrbja.jpg
Vladimir Prenga14:05 | 22/10/2019

Arbër Çyrbja u largua verën e vitit 2018 nga Teuta dhe nënshkroi për Kukësin. Anësori i djathtë, pas një sezoni me verilindorët u rikthyer sërish tek ekipi “mëmë” dhe po luan rregullisht si titullar. Në konferencën e sotme për shtyp, ai pranoi se durrsakët kanë ndryshuar shumë.

“Së pari i falënderoj të gjithë për rikthimin këtu. Nga atëherë Teuta ka ndryshuar shumë. Përgjegjësitë janë më të mëdha tani dhe jemi të gjithë bashkë për një objektiv”, tha fillimisht Çyrbja, i cili ishte shumë i kujdesshëm në përgjigjet e dhëna.

Në lidhje me ndeshjen e radhës, kundër Laçi, ai tha: “Çdo ndeshje vlerësohet maksimalisht për tre pikët. Çdo ndeshje e marrim shumë seriozisht. Kampionati është shumë i gjatë, në fund e shikojmë ku do arrijmë”.

Çyrbja ka besim se mund ta fitojnë titullin kampion: “Po të vazhdojmë kështu, mund t’ia arrijmë”. Në fillim të kampionatit anësori pësoi një dëmtim dhe nuk mund të thotë nëse momentalisht po shohim Çyrbjen më të mirë. “Çdo futbollist ka ulje dhe ngritjet e veta. Mundohemi të stërvitemi fort. Në fund shikohet”, përfundoi 26-vjeçari. /abcnews.al

TEUTA-PREZANTON-ARBER-CYRBJA_ABC-M4-T2.mpg_snapshot_00.28-1280x720.jpg
ent ela20:45 | 31/07/2019

Arbër Çyrbja është zyrtarisht një futbollist i Teutës. Skuadra durrsake e konfirmoi lajmin në rrjetin social Facebook.

Skuadra e Teutës vijon përforcimet në merkaton e transferimeve. Klubi durrsak ka njoftuar se ka nënshkruar për dy sezone me Arbër Çyrbjan. Zyrtarizimi i futbollistit u konfirmua nga skuadra nëpërmjet një njoftimi në Facebook.

“Arbër Cyrbja nënshkruan kontratë për dy vite me Klubin tonë. Tashmë ka ardhur edhe zyrtarizimi: Arbër Çyrbja kthehet tek Teuta, pas një viti në “Shtegëtim”, ai kthehet të veshë fanelën ku hodhi hapat e para të karrierës. Tani mesfushori i talentuar kthehet në shtëpi, duke firmosur deri në verën e vitit 2021”.

Për futbollistin është një rikthim tek Teuta pas një sezoni të kaluar tek skuadra e Kukësit. Futbollisti në fjalë ishte një nga pikat më të forta të skuadrës durrsake i cili tashmë ka mundësinë ta përfaqësojë denjësisht fanellën e skaudrës ku hodhi hapat e para si futbollist profesionist.

Teuta ka nënshkruar me disa futbollistë pas dështimit në kupat e Europës. Trajneri Bledi Shkëmbi synon të ketë në dispozicion lojtarë cilësorë që mund të përballojnë një sezon të gjatë dhe të lodhshëm. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono