arben malaj

malaj-1280x803.jpg
in a14:34 | 09/01/2020

Edhe pse larg Shqipëria mund të preket nga konflikti SHBA/Iran. Eksperti Arben Malaj deklaron se qeveria duhet të bëjë kujdes dhe të monitorojë tregjet e karburanteve për të shmangur efektin në ekonomi. Ashpërsimi i konflikteve midis dy vendeve mund të shkaktojë një krizë tjetër ekonomike në botë, por Malaj analizon se vendet e BE-së nuk kanë interes ekonomik për të lejuar rritjen e tensioneve midis Iranit dhe SHBA-ve.

Tregu i karburanteve në Shqipëri është shumë i ndjeshëm ndaj luhatjes së çmimeve të naftës në tregjet botërore.

Edhe pse aktualisht nuk ka ndryshime të çmimeve në pikat e tregtimit me pakicë, Arben Malaj i sygjeron qeverisë shqiptare të bëjë kujdes dhe të monitorojë tregjet pasi kjo do të ndikonte direkt në ekonomi.

“Nëse konflikti SHBA – Iran do të ashpërsohej, atëherë ndikimet në ekonominë botërore do të ishin të mëdha”, u shpreh ai. Malaj deklaron se impakt negativ do të kishte sidomos në çmimin e naftës, rënie të investimeve dhe të tregtisë rajonale e globale.

Por interesat ekonomikë mesa duket janë më të mëdha. Malaj shprehet se  shumë shtete që janë jashtë konfliktit përfshirë këtu edhe vendet e BE-së krijojnw premisa për ndaljen e përshkallëzimit të konfliktit Iran – SHBA.

Nëse tensionet Iran –SHBA do të rriteshin efektet negative për ekonominë botërore do të ishin të larta. Aktualisht çmimi i naftës në tregjet botërore  është strabilizuar pasi pësoi një rritje me rreth 7% pas vrajses së gjeneralit Iranian./abcnews.al

bojaxhiu.jpg
ger ta11:37 | 20/12/2019

I ftuar në studion e Abc News, aktivisti Gjergj Bojaxhi komentoi shkarkimin e Arben Malajat si anëtar i Këshillit Mbikqyrës së Bankës së Shqipërisë.

Sipas tij Malajn e përjashtuan qëndrimet e tij.

“Duket që ka pasur një qendrim të vetin kur ka folur dhe është penalizuar pikërisht për këtë. Unë Malajn e kam vlerësuar për qendrimet që mbaj, kjo më shumë reflekton te PS si admistron kjo parti në pushtet. Unë mendoj se kjo është pjesë e saj, jo vetëm për Malajn, por për të gjitë ata që janë pjesë e orbitës së PS, që nëse ju nuk jeni në të njëjtën valë me kryeministrin ka pasoja.

Malaj është në perferi e PS në sensin e mënyrës së si debaton. Malaj nuk flet në atë mënyrë edhe sikur të jetë në të njëjtin mendim me PS e thotë në mënyrën e vet. As kjo nuk ndodh më”, tha ai./abcnews.al

 

daci.jpg
nev ila18:12 | 19/12/2019

I ftuar në studion e “ABC News” avokati Jordan Daci ka folur për shkarkimin e Arben Malajt nga Këshilli Mbikëqyrës i Bankës së Shqipërisë.

“Janë disa veprime që po planifikojmë. Veprimi i parë do të jetë dërgimi në Gjykatën Kushtetuese pavarësisht se ajo nuk ekziston do ta përmbushim si detyrim formal. Nëse Gjykata Kushtetuese nuk do të ngrihet shpejt atëherë do të shkojmë drejtpërdrejtë në Strasburg”, deklaroi Daci.

Më tej ai theksoi se po vlerësohet mundësia e bërjes së disa padive me karakter civil për shpifje për disa nga deputetët.

“Shkarkimi i Arben Malajt është jo Kushtetues. Kuvendi nuk ka të drejtë të marrë në shqyrtim kërkesën as nga 28 deputetë dhe as nga qeveria. Një gjë të tillë mund ta bëjë nëse propozimi vjen nga Këshilli Mbikëqyrës i Bankës së Shqipërisë. Është shkelur hapur rregullorja e Kuvendit. Kuvendi pretendon që është duke ushtruar pushtetin diskrecionar, por vet logjika e një pushteti diskrecionar nuk pranon idenë që të kemi dy institucione njëkohësisht me pushtet diskrecioner”, tha ndër të tjera Daci.

Pyetje: Kush janë personat që j’u dhe zoti Malaj mendoni të shigjetoni për shpifje?

Daci: Këtë e përcakton Malaj, i ka emrat por nuk jam në dijeni

/abcnews.al

99.jpg
in a20:05 | 18/12/2019

Socialistët vendosën të shkarkojnë me 72 vota ish-kolegun e tyre Arben Malaj si anëtar i Këshillit Mbikqyrës së Bankës së Shqipërisë. Apeli i fundit nga foltorja e Kuvendit nuk ndryshoi mendjen e socialistëve për shkarkimin e tij.

Edhe pse nuk ishte në sallë, ish-deputeti socialist iu drejtua drejtëpërdrejtë edhe kryeministrit Rama.

Propozimit të kreut të qeverisë për të zgjeruar kabinetin pas tërmetit të 26 nëntorit, mazhoranca iu përgjigj pozitivisht duke votuar Arben Ahmetajn si Ministër Shteti për Rindërtimin me 72 vota pro dhe 10 kundër.

Deputetët e Kuvendit u bënë të gjithë bashkë për aktin normative të qeverisë për fatkeqësinë natyrore duke e kaluar atë me 100 vota pro dhe asnjë kundër. Buxhetin i shtetit për vitin 2020 kaloi me 90 vota pro, 2 kundër dhe 2 abstenim ndërkohë që kartonat e shumicës u ngritën kundër dekreteve të Presidentit Meta për kthimin e ligjeve për “Korporatën e Investimve Shqiptare” dhe atë për Rininë. Vendin e Ilir Zelës në krye të Autoritetit të Komunikimeve Elektronike dhe Postare do ta zërë Tomi Frashëri i cili mori besimin e 80 deputetëve në Kuvend./abcnews.al

arben-malaj.jpg
R D17:43 | 18/12/2019

Arben Malaj, ish-deputet, ish-ministër i PS-së për disa vite, sot përballet me kolegët socialistë në Parlament, pasi Edi Rama ka propozuar shkarkimin e tij nga Këshilli Mbikëqyrës i Bankës Shqiptare.

Përpara se të bëhet votimi, Arben Malaj ka mbajtur një fjalim “himn”, duke deklaruar se deputetët po vendosen në rresht, gjë që s’ka ndodhur as në 1992. Ai deklaroi se po shkarkohet vetem se ka guxuar të thotë fjalën e lirë. Fjalën e lirë për keqqeverisjen e vendit nga Kryeministri Rama.

Ai e quajti “goditje pas shpine”, atë që po bën Rama. Ndërsa për kreun e Parlamentit, Gramoz Ruçi u shpreh se “me votimin për shkarkimin e tij në parlament po e mbyll karrieren politike me turp”.

“Korrupsioni dhe kapja e shtetit vret më shumë se termeti. Kostot financiare ndihen në jetën e shqiptarëve, në pasigurinë e tyre për të ardhmen. Një aksiomë thotë “pushteti absolut korrupton në mënyrë aboslute”. Asnjë bankë qendrore nuk ia del të mirëmbajë financat kur atmosfera politike është acid.

Nëse institucionet kushtetuese nuk funksionojnë, nëse vendi keqqeveriset atëhere pushtetarët kanë vetëm një qëllim: Pasurimin personal.

Kërkesa për heqje imuniteti kanë ardhur edhe dy herë të tjera në këtë parlament por kanë dështuar. Heqja e imunitetit dështoi në vitin ’92 kur deputetët me integritet refuzuan ti heqin imunitetin Rulit dhe Rukës. Në vitin 2004, PS-ja shpëtoi nga njolla kur vendosi të mos i heqë mandatin e deputetit Nikoll Lesit.

Sot Rilindja po më bën një gjyq politik. Ky është një turp në historinë e parlamentarizmit. Në vitin 2019 deputëtët e PS ndjehen të frikësauar nga Rama i cili po mbjell frikë kudo dhe po rrezikon ta kthejë vendin në neodiktaturë.

Duke shfrytëzuar gjithçka negative ju Shoku Rama arritët të bëheshit kryetari i rilindjes në PS dhe kryeministër i Shqipërisë. Por siç thotë Ezopi krushqia me njerëzit e ligj përfundon gjithmonë keq siç është duke përfunduar në mënyrë dështuese epoka juaj e drejtimit të Rilindjes dhe Shqipërisë.

E majta ka shumë personalitete që mund ta qeverisin Shqipërinë shumë më mirë sesa ju por dehja nga pushteti abuziv ju mban të lidhur siç mban droga të droguarit. Në jetë janë disa gjëra që nuk janë për shitje, integritetin tim nuk e kam ofruar për shitje.

Unë e kam kryer me korrektesë detyrën si anëtar i Këshillit Mbikëqyrës së BSH-së. Shkarkimi im është vetëm një hakmarrje personale e Edi Ramës”, u shpreh ndër të tjera Arben Malaj.

/abcnews.al

 

malaj-abc-e-mengjesit.jpg
ger ta14:49 | 17/12/2019

Arben Malaj shpreson që nesër opozita dhe disa socialistë ta mbrojnë nga shkarkimi. I ftuar në “Abc e mengjesit” nga Enkel Demi, anëtari i Këshillit Mbikrqyrës të Bankës së Shqipërisë, e quan Ramën neo-diktator, ndërsa thotë se arsyeja e vërtetë e shkarkimit janë interesa të fshehta të disa bankave.

Arben Malaj do të jetë të mërkurën në Parlament, nga ku për 15 minuta, do të mbrojë karrigen e tij si anëtar i Këshillit Mbikrqyrës të Bankës së Shqipërisë.

I ftuar në “Abc e mëngjesit” nga Enkel Demi, Malaj shpreson që Parlamenti të mos e miratojë kërkesën e Ramës për ta pezulluar.

“Opozita duhet të mbrojë kredibilitetin e saj sepse ka akuza publike që Rama i blen disa prej tyre, në rastet e tjera, nuk e di në këtë rast. Kështu që nëse do mbetemi në dy solidaritete në të majtë dhe në të djathte, i mbetet që 4-5 burra dhe zonja të grupit parlamentar të PS mund t’ja heqin njollën e zezë”, tha Malaj.

Procesin do ta dërgojë në Gjykatën Evropiane të Njeriut, siç thotë, jo për veten, por për parimin.

“Patjetër, nuk dua ta çoj për vete, dua të krijohet precedenti që asnjë neodiktator nuk mund në një demokraci…’, tha Malaj.

Arsyeja e vërtetë e shkarkimit, sipas Profesor Malajt, nuk janë kritikat ndaj qeverisë dhe kryebashkiakut Veliaj.

“Arsyeja reale për mua janë duart e zgjatura në institucionet pavarura të vendit tim që nuk kanë guximin të pranojnë njerëz që votojnë edhe kundër”, u shpreh ai./abcnews.al

 

arben-malaj-shkarkimi-veliaj.jpg
nev ila10:10 | 17/12/2019

I ftuar në studion e ABC-ja e Mëngjesit me gazetarin Enkel Demi, ish-ministri i Financave dhe anëtar i Këshillit Mbikqyrës së Bankës së Shqipërisë Prof. Arben Malaj, ndau me publikun perceptimet dhe opinionet e tij, në lidhje me kërkesën për shkarkim, nga ana e qeverisë nga detyra e tij në Bankën e Shqipërisë.

Malaj tha se e gjitha bëhet sepse ka qenë kritik ndaj kryeministrit, qeverisë, por edhe ndaj bashkisë dhe kryetarit të saj. Malaj gjithashtu tha se ishte tërhequr nga angazhimi i tij si Koordinator i grupit të ekonomistëve në bashkinë e Tiranës sepse punohej me arrogancë ndaj vendit.

Pjesë nga biseda:

Enkel Demi: Këta thonë që ju keni shkelur etikën.

Arben Malaj: Unë para se të jem profesor dhe anëtar i bordit, jam qytetar i vendit tim, dhe kërkoj të jetoj i lirë, në qytetin tim. Disa thonë që profile kaq të larta politike, nuk merren me gjëra të vogla, siç janë gjobat e bashkisë, siç është arroganca e nxjerrjes së 400 fëmijëve në mes të dimrit te rruga Astir, siç është etiketimi i qytetarëve që protestojnë shpellarë, siç është fakti që dikush që ka shitur fiq e bën dasmën në kala, apo një nënkryetar bashkie që fle me 900 euro në Spanjë, dmth unë kam reaguar për të gjitha këto.

Enkel Demi: Ju keni qenë këshilltar i Kryetari të Bashkisë së Tiranës?

Arben Malaj: Po, edhe i Edi Ramës sa herë më ka kërkuar.

Enkel Demi: Ju e dinit këtë punën e fiqve përpara se të bëheshit Këshilltar, pse e thoni sot?

Arben Malaj: Nuk është se e them sot se s’jam më, por sepse jam inspiruar shumë edhe nga rasti i Hillary Clinton me Barack Obamën e cila tha: “Ju nuk  e dini se sa shumë e kemi sharë ne njëri tjetrin, bile Obama i pagoi dhe deficitin e fushatës, por kur ftohesh për ti shërbyer vendit tënd të gjitha harrohen”.

Enkel Demi: Të jesh Këshilltar i Kryetarit të Bashkisë i shërben qytetit…

Arben Malaj: Jo unë isha Koordinator i Grupit të Ekonomistëve dhe kam shërbyer me shumë profesionalizëm, dhe në momentet që kam dëshiruar të qeveriset me zemër, dhe jo me arrogancë, nuk u morën parasysh këshillat e mia dhe atëherë u tërhoqa.

Ditën e djeshme Komisioni i Ekonomisë miratoi kërkesën e qeverisë për shkarkimin e Arben Malajt si anëtar i Këshillit Mbikqyrës së Bankës së Shqipërisë, ndërsa Kuvendi do të votojë ditën e nesërme për shkarkimin e tij. Malaj njoftoi se do të mbajë një fjalë prej 15 minuta në parlament./abcnews.al

malaj-abc.jpg
ger ta08:31 | 17/12/2019

I ftuar në studion e “Abc-ja e mëngjesit” me Enkel Demin, Arben Malaj ka hedhur akuza të forta në drejtim të qeverisë, duke mos kursyer kryeministrin Edi Rama.

Malaj këtë të fundit e cilësi si “neodiktator”, ndërsa ritheksoi edhe njëherë se do e dërgojë në Strasburg çështjen e pezullimit të tij nga Këshilli Mbikqyrës i BSH.

Po ashtu gjatë bisedës në studio, duke folur për deklaratat e tij kundër kreut të bashkisë së Tiranës, Erion Veliajt, Malaj zbuloi se nuk kishte votuar në zgjedhjet e 30-qershori, në të cilat nuk mori pjesë opozita.

Pikërisht për këtë arsye, Malaj tha se nuk ka votuar, madje ka këshilluar edhe ambasadorët.

“Paskam ndikuar në zgjedhjet . Unë nuk kam bërë asgjë. Vetë nuk kam votuar.  Ua kam thënë edhe ambasadorëve nëse i dhatë një mudësi PD që të mësonte gabimin që bëri për mandatet nuk mund ta përsërisni. Nuk mundet që në Shkodër një bastion i PD, të qeverisë PS me 5%”, tha Malaj./abcnews.al

malaj-1.jpg
ger ta08:21 | 17/12/2019

I ftuar në “Abc-ja e mëngjesit” të gazetarit Enkel Demi, Arben Malaj është shprehur se deklaratat e tij publike janë përdorusr si skenar për ta pezulluar nga Këshilli Mbikqyrës i Bankës së Shqipërisë.

Në studio me Enkel Demi, teksa Kuvendi pritet të votojë pezullimin e tij, Malaj theksoi edhe njëherë se çështjen do e çojë në Strasburg.

Pjesë nga biseda.

Malaj: Nuk është luftë për karrigen por për të mbrojtur strukturën kushtetuese të vendit. Është në sfidën e tyre unë nuk kam asnjë merak. Përveç Gramozit që shpesh nuk voton, vetëm 3 vota duhen që ajo të bjerë.

Demi: Ju e patë dje në Komisioni që ishin 12 vota

Malaj: Patjetër, por ishin vota të hapura. Nuk është sfida ime.

Demi: Ju dje thatë, ky nuk është gjyqi im, është gjyqi juaj, pra ju luani vini ndë dukje ndërgjegjen politike të gjithsecili.

Malaj: Kredibilitetin politik. Siç ju e dini por edhe në raste të mëparshme, në raste kur merren vendime që prekin lirinë e fjalës së lirë dhe lirinë e mendimit të lirë çështja shkon deri në gjykatën e Strasburgut dhe penalitete i paguajnë taksapaguesit shqiptarë, deputetët ikin, gjysma e tyre nuk zgjidhen. Unë nuk e lë kredibilitetin tim.

Demi: Do e çosh në Strasburg?

Malaj: Patjetër, nuk dua ta çoj për vete, dua të krijohet precedenti që asnjë neodiktator nuk mund të në një demokraci..

Demi: Cili është nediktatori

Malaj: Propozuesi, ia kam thënë në sy. Mua më vjen keq që një njeri që hyri në politikë si shpresa e të rinjve sot është njeriu që të rinjtë kërkojnë që të largohet ai nga politika.

Demi: Për Edi Ramën e keni?

Malaj: Me emra të përveçëm asnjëherë nuk flas. Kam probleme me atë që ka guxuar dhe ka mashtruar për të marrë qeverisjene PS dhe qeverisjen e vendit.

Demi: Cila është arsyeja e vërtetë që duna tju shkarkojnë nga Këshilli Mbikqyrës?

Malaj: Arsyeja reale janë duart e zgjatura në institucionet pavarura të vendit tim që nuk kanë guximin të pranojnë njerëz që votojnë edhe kunder.

Demi: Nuk është pëlqyer sjella juaj ?

Malaj: Ju analizoni dy faktorë aktivitetin publik dhe në bankë. Ativiteti im kritik ka qenë i përhershëm. Përdoret kjo si fasadë publike për thelbin e asaj. Nuk donin të më çonin si anëtar i Këshillit Mbikqyrës. Pastaj u detyruan të më çojnë bashkë me të tjerët. Unë nuk besoj se më kanë çuar që më kanë dashur. Më fal të pyes dini ju ndonjë gazetarin tuaj, që unë ti kem thënë nuk të jap intervistë./abcnews.al

arben-malaja.jpg
Autor E12:27 | 16/12/2019

Komisioni i Ekonomisë miratoi pak më parë propozimin e maxhorancës për shkarkimin e Arben Malajt nga detyra e anëtarit të Këshillit Mbikëqyrës të Bankës së Shqipërisë.

12 anëtarë të Komisionit të Ekonomisë kanë votuar pro shkarkimit të Malajt, ndërsa 5 të tjerë kundër.

Pas këtij vendimi, i mbetet Seancës Plenare në Parlament që të votojë ose jo për shkarkimin përfundimtar të tij.

Seanca dëgjimore u shoqërua me akuza të forta të Malajt, i cili iu drejtua kreut të Komisionit të Ekonomisë, Arben Ahmetaj se ai i kishte mësuar si të ishte i dobishëm në vitin 1997.

Sipas Malajt Komisioni i Ekonomisë nuk ishte profesional dhe ka ngërç institucional në lidhje me shkarkimin e tij pasi ky shkarkim është iniciuar nga vetë kryeministri Rama.

Ndër të tjera, Malaj tha se do ta dërgonte çështjen në Gjykatën e Strasburgut edhe pse nuk donte asnjë qindarkë nga shteti shqiptar, ndërkohë që dha edhe një mesazh për deputetët e PS.

Gjatë përmbylljes së fjalës së tij në Komisionin e Ekonomisë për shkarkimin e tij Malaj tha se deputetët socialistë nuk po guxonin të thonin asgjë në atë komision dhe qëndronin kokulur përballë tij .

Malaj tha se ky ishte gjyqi i solidaritetit socialist dhe jo i tij.

Me ton ironik Malaj përcolli falënderime për të gjithë sidomos për kryetarin e Komisionit të Ekonomisë Arben Ahmetajt të cilit i kujtoi për të disatën herë se kishte investuar për të që të bëhej i dobishëm për Shqipërinë.

Malaj kërkoi që të shtyhet vendimi që duhet të marrë Komisioni i Ekonomisë pasi nuk është sjellë asnjë dokument mbi të cilin do të votohet.

“Duhet të dokumentohet kërkesa tërësisht ligjore që në rastin kur shqyrtohet një inisiativë ligjore propozuesi duhet të jetë në tavolinën e mbledhjes së Komisionit për t’iu përgjigjur pyetjeve të personit ndaj të cilit ka dalë akti ligjor. Kjo duhet të shprehet dhe të dokumentohet si kërkesë dhe e dyta mendoj dhe vlerësoj se vazhdimi i mbledhjes në votë pa na garantuar ju si Komisioni Parlamentar i Kuvendit që keni detyrimin kushtetues të mbroni paanësinë reale të bankës së Shqipërisë, dokumentacionin bazik të qeverisë mbledhja të shtyhet për një kohë të dytë. Nuk mund të merret një vendim në mungesë të dokumentacionit të plotë.

E para ka një pyetje që duhet të protokollohet. E bën avokati im por që ju e penguat. Cilat janë provat që keni administruar përveç shkresës për të bërë këtë gjykim që është për një anëtar të një institucioni kushtetues. E dyta dëshiroj të falënderoj nga zemra solidaritetin socialist, i shikoj në sy të gjithë deputetët socialist, më vjen keq që nuk kanë kurajo të bëjnë pyetje sikur dhe të flasin e të thonë çfarë të dëshirojnë, gjysmat rrinë kokulur e gjysmat shikojnë sms-të por ky nuk është gjyqi im, ky është gjyqi juaj, ky është gjyqi i pushtetit që kërkon gjithë pushtetet, ky është gjyqi i atyre që duan të shtrijnë duart në gjithë institucionet kushtetuese të vendit, kjo është krenaria ime përballë jush, i kam shërbyer vendit tim dhe do i shërbej gjithë jetën me dashuri maksimale dhe përkushtim maksimal me mendje dhe jo me atë që ju meritoni por që nuk do ua them këtu por në seancë. Ju e meritoni që këtu të bie grupin e Vlorës dhe tu këndojë ballë përballë poezinë e Ali Asllanit por nuk po e bëj këtu por do e bëj në seancë. Faleminderit prej jush dhe nuk kam asnjë zhgënjim nga ju sidomos nga ju zoti Ahmetaj që kam investuar shumë që të bëheshit i dobishëm për vendin tënd por ti duket se je pjesë e të njëjtës strategji”, përmbylli fjalën e tij Malaj.

Debati: 

Malaj: Unë do të bëj raportimin profesional në raport m epropozimin  që ju mund ta thonit se iniciuesi i këtij propozimi është vetë kryeministri dhe këtu ka një ngërc institucional sepse cdo vendim i qeverisë vjen me dy firma, me firmën e propozuesit dhe me firmën e kryeministrit, në këtë rast kush është përfaqësuesi i qeverisë dhe kush është përfaqësuesi i kryeministrit në këtë ballafaqim publik, mun të më ndihmoni zoti kryetar ta kuptoj procedurën?

Ahmetaj: Po ligji i jep të drejtë këshillit të ministrave që të ketë prezent një përfaqëues, këshilli i ministrave është njoftuar për këtë seancë. Ka njoftuar që nuk do të sjellë përfaqësues. Unë do ti referohem kuvendit, është e drejtë dhe jo detyrim.

Malaj ne respekt te marrëdhënies…

Malaj: jo unë s kam asnjë marrëdhënie me ju. Vetëm profesionale. Bashke i lame pas qe ne vitin 1997 kur digjej Shqipëria

Ahmetaj: ju kërkuat avokat…s’është e nevojshme, por dakord

Malaj: dikur ju mësoja unë juve të ishit i dobishëm për Shqipërinë, tani do më tregoni ju mua nëse duhet ose jo avokat

Malaj në fjalën e tij në Komisionin e Ekonomisë ka akuzuar kryeministrin Edi Rama duke e cilësuar si sulltan, ndërsa paralajmëroi se çështjen do e dërgojë në Strasburg.

Suzana Topi: A është mbledhur këshilli mbikqyrës i BSH për të shqyrtuar sjelljen tuaj? A është veprimi i qeverisë, i pastër politik?

Arben Malaj: Anëtarët e këshillit janë ndjerë shumë keq për këtë veprim, dhe kjo do të dëshmohet në vazhdim. Kam kërkuar që bazuar në Direktivat e OECD që banka të demokratizohet. Unë i mbroj të gjitha daljet e mija pavarësisht se mund të mërzitet Balla apo Lali Eri. Unë do ti mbroj deri në fund deklaratat e mija.

Arben Malaj: Nga sulmi politik që po më bëhet mua po cenohet pavarësia e BSH. Vijimi i mbledhjes pa garantuar tërësinë e dokumenteve. Shqyrtimi në këtë seancë është cenuar nga mungesa e dokumentacionit.

Më tej Malaj në fjalën e tij në Komisionin e Ekonomisë tha se shkarkimi i tij është politik dhe se në kohën kur është kërkuar emërimi si anëtar bordi në 2018 është kërcënuar familja e tij. Sipas Malaj për këtë arsye është mundësuar largimi i familjes së tij në Amerikë.

Arben Malaj: Ligji i bankës së Shqipërisë më lejon mua të jem anëtar partie por unë nuk jam anëtar, do pres ndryshimin e kodit zgjedhor do shoh pozicionin tim se ku mund të shërbej më mirë vendit tim, si anëtar i këshillit mbikëqyrës apo në një lëvizje të re politike apo përfaqësues i një partie politike, ligji është modern, ligji më lejon të punoj edhe në një bankë private.

Ky ligj është bërë për ti dhënë bankës instrumentet maksimalë që të jetë sa më e dobishme për vendin e saj. Pajtohem me ju në lidhje me qëndrimin se pushteti po përqendrohet gjithnjë e më shumë në një dorë por jo rastësisht bordi i bankës së Shqipërisë ka Jo rastësisht bordi ka një konfigurim me 3 institucione që duhet të krijojnë një ekuilibër si mbrojtje nga ndërhyrjet politike apo nga duart e zgjatura për interesa joprofesionale për menaxhimin e bankës së Shqipërisë. Nuk kam kërkuar që të shkoja përsëri në Këshillin Mbikëqyrës së Bankës.

Në 2014 dëshiroja të shërbeja, nuk më votoi partia socialiste dhe deklarata ime është publike, duke e ditur frikën që kanë deputetët nga liderët me pushtet absolut asokohe thashë: Në qoftëse do më votojnë do ti falënderoj, nëse nuk më votojnë do ti mirëkuptojë. Në 2016 mu krijua një mundësi, u ftova për të qenë anëtar i bordit në Bankën e Shqipërisë.

Jam votuar me 107 vota pa asnjë votë kundër. Sigurisht që duke qenë me 27 vjet eksperiencë di të lexoj edhe nëpër rreshta, atë kohë i kam kërkuar kryeministrit se nuk e kisha merak nëse do isha apo jo anëtar i bordit. E kuptova shumë qartë atëherë që nuk do të votohesha më dhe në respekt të familjes time për mandatet e vështira deri në kërcënime familjare sepse për të ikur familja ime në Amerikë procedurat i ka zbatuar Ahmetaj me ata që kërkuan të iktë urgjentisht se kërcënohej njësoj si familja e  një profesori tjetër dhe gjërat nuk janë kaq të thjeshta sa i shikoni.

Se ngrihet natën Edi Rama dhe i nis një sms Erjon Braces dhe i thotë: nesër në mëngjes të shkarkoni Arben Malaj,…. jo jo nuk janë aq të kollajshme. Kështuqë në këtë aspekt e sqaroj edhe njëherë, procedurat i keni të gabuara, pjesën politike nuk e diskutoj këtu sepse komisioni diskuton profesionalisht dhe jo politikisht, kolegët e opozitës mos të më provokojnë fare. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono