arben malaj

arben-malaj123.jpg
G. P.19:32 | 08/10/2019

Banka Botërore ndryshoi parashikimet për rritjen ekonomike të Shqipërisë për vitin 2019. Në konferencën ku u paraqit Raporti Ekonomik Rajonal për Ballkanin Perëndimor, Banka Botërore korrigjoi treguesit duke thënë se ekonomia shqiptare do të rritet me 2.9 për qind nga 3.8 për qind që kishin parashikuar në fillim të këtij viti.

Eksperti i ekonomisë dhe i financave, Arben Malaj, tha këtë të martë se rënia me 1% e rritjes ekonomike nuk është lajm shqetësues. Gjatë një interviste për ABC News, ai theksoi se vendi është i varura nga burimet energjetike dhe për këtë arsye duhen gjetur mënyra të tjera konkurruese për të rritur ekonominë.

Rënia me 1% e rritjes ekonomike është lajm jo i mirë, por jo shqetësues, në kuptimin që jo ndonjë gjë e madhe ka ndodhur. Duhet të theksojmë se kjo ulje është kryesisht për rënien e prodhimit të energjisë. Nuk mund justifikohemi më që jemi kaq të varur nga shiu. Një vend kur bën një strategji afatgjatë mendon si të ushqejë më mirë rritjen ekonomike. Ne kemi historikisht varësi nga burimet energjetike, por duhet të gjejmë sektorë të tjerë ku jemi më konkurrues dhe nuk na lenë ne në mëshirë të fatit. Rritja më e madhe  është e rëndësishme në dy aspekte. Së pari rrit të ardhurat në duar që marrin njerëzit dhe e dyta na zvogëlon distancën me vendet e tjera të BE-së dhe pastaj në mënyrë graduale me vendet tradicionale të BE-së. Ky mesazh i BB, parashikimi që bën në vijim mendoj se ka nevojë për disa reforma thelbësore në ekonomi dhe vonesa në këto reforma krijojnë shqetësime”, tha Malaj.

Për këtë ai mori në shembull studimin e FMN-së në Bosnjë në lidhje me kompanitë publike.

“Nga një rishikim kritik i FMN-së, po të menaxhoheshin me kujdes rritja arrinte në 3.5. Unë mendoj që po të menaxhohen në Shqipëri rritja mund të jetë 1.5, pra ja nga e nxorrëm një burim”, tha Malaj./abcnews.al

banka-1280x698.jpg
nev ila15:59 | 17/07/2019

Pas kërkesës së 28 deputeteve për të  shkarkuar nga detyra anëtarin e Këshillit Mbikëqyrës, Arben Malaj, për shkelje të etikës, ka reaguar Banka e Shqipërisë. Banka Qendrore nuk e përmend me emër anëtarin e saj, por sqaron rastet kur shkelet kodi i etikës.

Kodi i Etikës përcakton shprehimisht se çdo veprimtari tjetër e anëtarit të Këshillit Mbikëqyrës, e cila kryhet jashtë detyrave të tij të përcaktuara në Ligjin për Bankën e Shqipërisë, nuk duhet të ketë ndikim negativ mbi detyrimet që ai ka ndaj Bankës së Shqipërisë dhe nuk duhet të dëmtojë imazhin e saj” shkruhet në njoftimin për shtyp të Bankës Qendrore.

Ndërkohë Banka e Shqipërisë thotë se u ka bërë të ditur, të gjithë anëtarëve të Këshillit Mbikëqyrës detyrimin për të mbajtur parasysh se, që nga momenti i emërimit, deri në përfundim të mandatit, ata përfaqësojnë, në çdo situatë, organin më të lartë drejtues të institucionit dhe se me deklarimet apo veprimet e tyre mund të dëmtojë imazhin e tij.

“Çdo qëndrim individual që bie ndesh me karakterin publik të rolit të anëtarëve të Këshillit Mbikëqyrës dhe detyrimin e tyre për të promovuar besimin publik në integritetin, paanësinë dhe efektivitetin e Këshillit Mbikëqyrës, duhet detyrimisht të trajtohet si jopërfaqësues i institucionit dhe në kundërshtim me rregullat e Kodit të Etikës”, përfundon deklaratën Banka Qendrore./ABC News Albania 24/7

Arben-Malaj.jpg
nev ila12:59 | 16/07/2019

Zbardhet kërkesa që deputetët e partisë socialiste i kanë dërguar Kryetarit të Kuvendit, Gramoz Ruçi, në lidhje me shkarkimin e Arben Malaj si anëtar i Këshillit Mbikëqyrës të Bankës së Shqipërisë.

Kërkesa për shkarkimin e Malajt bazohet në qëndrimet e tij publike, që sipas deputetëve të PS, dëmtojnë imazhin e  Bankës së Shqipërisë./abcnews.al

 

 

arben-malaj.jpg
nev ila11:02 | 16/07/2019

 

28 deputetë të Partisë Socialiste kanë firmosur kërkesën për shkarkimin e Arben Malajt nga Këshilli i Mbikëqyrjes së Bankës së Shqipërisë, me argumentin se ka shkelur Kodin e Etikës. Vetë Malaj thotë se shkarkimi vjen pasi nuk i ishte bindur Taulant Ballës për emërime partiake në Bankën Qendrore.

Arben Malaj është një socialist i vjetër. Ai u rizgjodh në anëtar i Këshillit Mbikëqyrës të Bankës së Shqipërisë në vitin 2018, por postin e lakmuar tashmë e ka në rrezik.

28 deputetë socialistë, kanë kërkuar shkarkimin e tij, me argumentin se ka shkelur Kodin Etik dhe ka cenuar besueshmërinë e institucionit që përfaqëson.

“Secila prej daljeve publike të anëtarit të Këshillit Mbikëqyrës dhe të gjitha të marra së bashku, mund të çojnë në konkluzionin se temat e trajtuara dhe qëndrimet e shprehura, mund të kenë ndikim negativ në detyrimet që ai ka ndaj Bankës së Shqipërisë, dhe duke qenë se ato shprehin vlerësime që janë pjesë e analizave politike, të lidhura me grupime politike, besojmë se ato dëmtojnë edhe imazhin e Bankës së Shqipërisë”.

ABC News pyeti disa prej firmëtarëve, nëse shkarkimi kërkohej për shkak të qëndrimeve kritike të Arben Malajt ndaj lidershipit të kryeministrit Rama.

Disa nuk janë të ndërgjegjshëm që kanë firmosur. Vetë Malaj bëri një sqarim në rrjetet sociale, duke thënë se ishte paralajmëruar për shkarkimin.

“Kërcënimet paralajmëruese mi ka dërguar Taulant Balla pas mos pranimit te ndërhyrje se tij edhe me SMS me rekomandime partiake ne proceset përzgjedhjes ne Bordin e Bankës se Shqipërisë. Shqetësimi është i protokolluar ne mbledhjen e Bordit te BSH.  Fakti qe pas shkarkimit nga Erdogan te Guvernatorit te Bankes se Turqise, ky mund te rast i dyte qe maxhorancat e gjithe pushteteshme shkarkojne nje anetar Bordi te Bankes Qendrore, Vetem profesionalisht me trishton. Veprimi i tyre eshte i paster politik”.

Malaj, një socialist i hershëm që, veçse deputet, ka shërbyer edhe si Ministër Financash gjatë qeverisë socialiste, e mbyll reagimin e tij duke ju kujtuar ish kolegëve se mes karriges dhe lirisë, do të zgjidhte gjithmonë këtë të fundit./ABC News Albania 24/7

ekonomia.jpg
G. P.21:13 | 08/05/2019

Që prej fillimit të krizës politike në vend, Banka e Shqipërisë ka shprehur shqetësimin se mund të ndikojë edhe në ekonomi. Arben Malaj, anëtar i Këshillit Mbikëqyrës të Bankës së Shqipërisë, deklaroi këtë të mërkurë në Abc News se çdo acarim i situatës politike ka ndikime negative në ekonomi. Në emisionin “Byro Politike” nga Juli Xhokaxhi, Malaj nënvizoi se Banka e Shqipërisë nuk do të interferojë në ballafaqimin e brendshëm politik.

“E kemi ngritur këtë shqetësim që ka aktualisht vendi ynë. Ne nuk duam të interferojmë në ballafaqimin politik mazhorancë-opozitë, por nuk mund të ngurojmë që të japim mesazhin publik që çdo acarim i situatës politike dhe çdo zvarritja e zgjidhjes ka ndikime negative në ekonomi. Pastaj sa do jenë këto ato do jenë për t’u matur. Ne jemi në detyrimin emergjent të ndryshojmë mënyrën e qeverisjes së vendit nga qeverisja me statistika, nga qeverisja me emocion, nga qeverisje me telefon, në një qeverisje që duhet të bazohet në kërkimin shkencor sipas ministrive përkatëse. Është e detyrueshme dhe imediate që çdo dikaster të ketë departament të kërkimit shkencor, ku mund të gjesh shumë mirë të rinj të talentuar shqiptarë”, tha Malaj.

Eksperti i ekonomisë Vjold Danaj nga ana tjetër tregoi se si ndikon kriza politike në ekonomi. Ai u shpreh se situata aktuale mund të çojë në frenimin e investimeve, frenimin e konsumeve dhe largimin e shqiptarëve nga vendi.

“Ndikimet janë qoftë në frenimin e investimeve të bizneseve qoftë edhe shqiptare vendase duke e parë situatën jo të qartë dhe ecurinë e saj, asnjë biznes nuk e merr guximin të bëjë investime madhore në vend. Gjëja tjetër është frenimi i investimeve të huaja. Asnjë i huaj nuk mund të vijë në një vend që nuk ka stabilitet ekonomik. Problemi i pronës në Shqipëri është një problem madhor që ul ose kufizon investimet e huaja. Kjo situatë politike krijon këtë zymtësinë e situatë ekonomike e cila çon në frenimin e investimeve, frenimin e konsumeve dhe largimin e mëtejshëm të shqiptarëve. Aq më keq që ne kemi një mungesë të madhe edhe në pjesën e investimit në infrastrukturën e arsimit”, tha Danaj./abcnews.al

byroja.jpg
G. P.21:19 | 18/03/2019

Rajoni ynë është përfshirë protesta. Në Serbi, Mal të Zi, por edhe në Shqipëri njerëzit kanë protestuar gjatë javës së kaluar. Për Paskal Milon, kjo situatë është reflektim i asaj që po ndodh në Europë. I ftuar në emisionin “Byro Politike”, ai tha se arsyeja kryesore e protestave është dobësia e demokracisë në këto vende.

Paskal Milo: Është më tepër një reflektim i një situate të paqëndrueshme në të cilën ndodhet vetë Evropa. Duke qenë se Evropa është vetë në lëvizje, por që në Ballkan përgjithësisht përkthimi që i bëhet këtyre lëvizjeve gjithmonë kanë të njëjtin tekst. Arsyeja kryesore është te dobësia e demokracive në këto vende, të cilat nga një paqëndrueshmëri masive.

Ndërkohë për diplomatin, Agim Nesho, kemi një krizë të përhapur në vendet e Ballkanit. Gjithashtu rreth protestave në kryeqytetet e rajonit tonë, foli edhe Arben Malaj, i cili tha se është një gjë jo shumë e mirë që ka zhvillime të tilla.

Agim Nesho: Kemi një krizë të përhapur në vendet e Ballkanit. Problemet kryesore qëndrojnë problemet e demokracisë.

Arben Malaj: Fakti që ka zhvillime të tilla në të gjithë Ballkanin është një gjë jo shumë e mirë. Unë besoj që pjesa që nuk është bërë ende pjesë e NATO-s. Problemet që do kenë zhvillimet në Serbi dhe Shqipëri do jenë probleme në sfidat me demokracinë. Burimet e protestave kanë edhe një fenomen që ndodhet në BE, që është zhgënjimi që kanë njerëzit nga qeverisja.

Ish-deputeti Edmond Panariti tha se shkak i situatave politike në këto vende është vendimtar faktori i brendshëm.

Edmond Panariti: Unë mendoj që faktori i brendshëm është vendimtar. Në të gjitha këto vende pjesa më e madhe e pasurisë kombëtare kontrollohet nga një pjesë e njerëzve. Këtu duhet të shikojmë edhe bazën e këtij konflikti që po përshkallëzohet. Në një farë mënyrë ky model kalcifikon dhe elitat. Në disa vende kemi modele të ndryshëm të reagimit qytetar./abcnews.al

byrojaaaa.jpg
G. P.23:59 | 26/11/2018

Marrëdhëniet mes Shqipërisë dhe Kosovës. Sot në Pejë u mbajt mbledhja e pestë e përbashkët mes qeverive të dy vendeve. Marrëveshje të ndryshme dhe protokolle janë nënshkruar mes institucioneve is dhe fjalimet që u mbajtën sot mes kryeministrave ishin në qendër të diskutimeve këtë puntatë të emisionit “Byro Politike”.

Të ftuar në studio: diplomati Agim Nesho, analisti Enver Bytyçi dhe ekonomistët Arben Malaj dhe Gjergj Buxhuku.

/abcnews.al

b.jpg
ent ela20:29 | 26/11/2018

Byro Politike u rikthye këtë të hënë me vendimet e qeverive të përbashkëta të Shqipërisë dhe Kosovës të marra sot në Pejë, të para në këndvështrimin e diplomatit Agim Nesho, analistit Enver Bytyçi, dhe ekonomistëve Arben Malaj dhe Gjergj Buxhuku.

Sipas diplomatit Nesho kjo ishte një shfaqje populiste që kërkonte të dilte te nacionalizmi, ndërsa thekson se të gjitha marrëveshjet dhe vendimet që u morën sot duhet të ishin realizuar më përpara për të rritur mirëqënien.

“Shumë marrëveshje që u bënë dhe u thanë duhet të ishin realizuar më përpara dhe mos prisnin 5 vjet kohë të realizoheshin këto gjëra. Edhe çështja e diplomave është e rregulluar mes dy vendeve. Të dy ekonomitë  e vendeve tona duhet të shkojnë së bashku për të rritur mirëqënien e vendit.

Kjo duket si shfaqje e madhe, pjesa shqiptare e menaxhon shumë bukur. Duket sikur nuk u intereson se çfarë duhet të bëhet. Ishte një shfaqje populiste pavarësisht se në rastet e çdo partie më pak fjalë dhe shou dhe më shumë punë, nuk duhet shitur kjo gjë. 120 mijë euro pala kosovare për të realizuar këtë takim, po kaq dhe qevria shqiptare që mund të ishin kanalizuar për një projekt në ndihmë qytetare. Duket sikur ka shteruar qeverisja e vendit në Shqipëri dhe kërkohet një mënyrë daljeje drejt një nacionalizmi”.

Në të njëjtën linjë edhe analisti Enver Bytyçi tha se ka shumë fjalë dhe pak punë nga 5 mbledhjet e përbashkëta të dy qeverive. Sipas tij gjysma e këtyre marrëveshjeve të nënshkruara sot janë firmosur edhe 2-3 vite më parë dhe nuk janë realizuar, por bëhen vetëm për t’ia shitur publikut. Përsa u takon deklaratave të Vuçiç, i cili e quan hipokrizi mbeldhjen e qeverive në Pejë, Bytyçi thotë se Presidenti serb nuk shqetësohet nga mesazhe të tilla.

“Vuçiç e di më mirë se më shumë se kushdo tjetër se çfarë ka ndodhur sot në Prishtinë ai mbase është informuar para se të bëhej mbledhja për atë. Ai e quan hipokrizi se ai nuk është i shqetësuar për këtë mbledhje, le të vazhdojë shou, mesazhet e tilla, se andej nga anët tona edhe pula bën vezët pastaj kakaris. Në këto raste po sohim që ka shumë kakarisje dhe pak punë. Është mbledhja e 5 dhe gjysma e këtyre janë nënshkruar edhe para dy-3 vitesh dhe nuk janë realizuar janë të përsëritura nëshkrimet dhe gjicthcka që bëhet, bëhet për t’i shitur diçka publikut. Puna konkrete është të konsultohen. Taksa te Rruga e Kombit nuk ka konsultim paraprak. Kryeministri i veendit tonë luajti vendin e paternistit kur ta të përgatisnin studimin dhe dy qeveritë të japin fondet për këtë.Ai e dha në këtë me arrogancë, pa përmendur që siç u konsultova me Haradinaj”.

Ekonomisti Arben Malaj duke marrë shembullin e Bashkimit Evropian, theksoi se duhen institucione të përbashkëta ku të përafrohet dhe zhvillohet territori si një i vetëm.

“Duhen institucionet të jenë të përbashkëta pastaj përafrimi ku zhvillohet territori si një i vetëm besoja se dy qeveritë se do ndiqnin shembullin e BE, që e nisi nga energjia dhe hap pas hapi shkoi te integrimi. Është mrië që ka marrëveshje, por duhet të ketë sistem monitorimi”.

Në këndvështrimin e kreut të Konfindustrisë Gjergj Buxhuku, marrëdhëniet mes Kosovës dhe Shqipërisë kanë pësuar hap mbrapa që pas ndërtimit të Rrugës së Kombit. Sipas tij takimi i sotëm tregoi edhe njëherë problemet e mësha politke dhe ekonomike mes Kosovës dhe Shqipërisë.

“Kjo ishte një nga ato takime që ndoqa me vëmendje se edhe vetë organizimi dhe mënyra e të folurit ishin pak skajore. Sa u takon marrëveshjeve janë shumë të vonuara. Pas ndërtimit të rrugës së kombit marrëdhëniet kanë pësuar hap mbrapa dhe jo nga tregtia, por kur themi Shqipëri- Kosovë duhet të integrojmë ekonomitë, duhet të ngremë institucione. E vërteta e takimit të sotëm ishte se është një takim politk, që tregon problemet e thella politike dhe problemet e thella ekonomite që i detyrojnë të bëjnë shfaqje të tilla. Të gjitha këto duheshin bërë më përpara. Ne kemi bërë hapa mbrapa”./abcnews.al

PROVOKACIJA-ARBEN-MALAJ-PJ-3-1280x720.jpg
ent ela22:09 | 16/10/2018

Profesori Arben Malaj i ftuar në studion e “Provokacija” ka folur për sfidat e arsimit të lartë në Shqipëri dhe përshtatjen me ato Perëndimore. Sipas tij qëndrimi i fëmijës me arsimin ndahet që në moshën 3-5 vjeç.

“Problemi i madh kulturor është që ne fillojmë analizën e arsimit të lartë ku në të gjitha teoritë moderne të arsimit, qëndrimi i fëmijës me arsimin ndahet që 3-5 vjeç dhe qeliza e parë me të cilin ka kontaktin është familja. Në këtë aspekt politikanë ta shohin jo të copëzuar, por si pjesë të pandarë të një kombi”.

Malaj thekson se arsimimi i nënës konsiderohet si strategjia më e mirë për të arsimuar një komb.

“Pjesa më e madhe e arsimimit janë femra dhe arsimi i nënës konsiderhet si strategjia më e mirë për të arsimuar një komb”.

Sipas ka shumë për t’u përmirësuar, por nuk duhet parë si diçka e pashpresë, shumë vende kanë kaluar fluks largimi të studentëve, por tashmë ka një fluks kthimi, dhe këtu ai rendit disa arsye:

“Nuk mund të bësh karrierë të lehtë nëse nuk je në vendin tënd. Të ardhurat neto janë më të mëdha se jashtë.  Kompanitë e mëdha dhe këtë duhet të arrijë Shqipëria dhe ai lëviz nga një vend i BE në vendet ku jetojnë. Patriotizmi dhe lloji i dëshirës dhe vihet re nje fluks që vijnë.

Ka shqiptarë të talentuar që janë kthyer nga jashtë, por në momentin që panë vështirësi me brezin evjetër, ku të dy palët kishin rezervat e tyre nuk u përshtatën mirë dhe ikën, më shumë i vriste mundëisa për të bërë karrierë. Ata eduukohen për të bërë karrierë dhe kur ndjejnë pengesa për sfidat largohen”.

Në këndvështrimin e Malajt që të përmirësohet cilësia e arsimit, duhet të përmirësojë përgjedhjen e karrierës në administratën publike.

“Nëse shteti mund të bëjë diçka për të përmirësuar cilësinë e arsimit duhet të përmirësojë përzgjedhjen e karrierës në administratën publike  për aq kohë vë njerëz me ndere persanale, nepotizëm apo preferenca të tjera nuk është se i bën nder një personi, por ti vret dhjetra të tjerë, një pjesë largohen, një pjesë përshtaten, por shpirtërisht janë të vrarë”.

Malaj sqaroi se po ndryshon rrënjësisht struktura e punës, ky ishte dhe debati i forumit të Davosit, nëse universitetet tona po i përshtaten trendit apo jo.

“Po ndryshon rrënjësisht struktura  e punës, deri në 2022 kjo teknologji e re do prodhojë  133 mln vende të reja, ndërsa vendet që do zhduken janë 75 mijë, po sa përshatet vendi ynë në standardizimin dhe robotizimin e  saj. Kështu që detyra është që t’i standardizojë. Nuk ka nevojë që studentët të kenë diplomë, por duhen të dinë gjuhën angleze dhe dy gjëra disa elementë fillestarë të programimit”.

Politikat publike sipas Malajt duhet të gjejnë talentin atje ku ndodhen, në mënyrë që Shqipëria të ketë më shumë kapital e të zhvillohet më mirë.

“Ne duhet ta gjejmë talentin atje ku është edhe në fshatin më të varfër të Shqipërisë të shkencave ekzakte. Kanali kryesor duhet të jenë mësuesit, sepse mund të jetë një talent i fjetur dhe i ka humbur shpresat”. /abcnews.al

vlcsnap-error570-1280x720.jpg
us er15:00 | 23/11/2017

Një sipërmarrës dhe një ekspert ekonomie, janë vlerësuar sot nga Dhoma e Tregtisë dhe Industrisë Tiranë për kontrobutin që ata kanë dhënë në zhvillimin ekonomik të vendit.

Në forma të ndryshme kanë kontribuar në ekonominë e vendit. Dhoma e  Tregtisë dhe Industrisë së Tiranës ka njohur me vendim të bordit të saj si President Nderi, sipërmarrësin Samir Mane dhe ekspertin e Financave Arben Malaj.

Praktikat e mira të të bërit biznes, vlerësohet të rrisin krahas fitimeve të qendrueshme të kompanive standardin e jetesës së zonave, ku këto biznese zhvillohen./abcnews.al

 

 

 

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono