arben dervishaj

arben-dervishaj.jpg
G. P.22:59 | 25/06/2019

Anëtari i Komitetit Ekzekutiv në FSHF, Arben Dervishaj i ftuar në emisionin “Pressing” premtoi se “Arena Kombëtare” do të jetë gati për ndeshjen Shqipëri-Islandë. Sa i përket stadiumit të skuadrës së Kukësit, Dervishaj zbuloi se projekti është gati dhe pritet të arrihet marrëveshja me bashkinë.

Impianti i ri që po ndërtohet “Arena Kombëtare” pritet të jetë gati për ndeshjen Shqipëri-Islandë, të paktën kështu thekson anëtari i Komitetit Ekzekutiv në FSHF-së, Arben Dervishaj. Në studionin e emisionit “Pressing”, Dervishaj zbulon edhe koston totale të projektit më të rëndësishëm futbollistik në Shqipëri.

Një tjetër impiant pritet të ndërtohet në Kukës aty ku skuadra verilindore do të luajë ndeshjet e saj. Sipas Dervishajt, projekti është gati dhe pritet të nisë punimet në momentin që do të gjendet gjuha e përbashkët me bashkinë e këtij qyteti.

Punimet po vijojnë me ritme të larta edhe në selinë e re të FSHF-së, kostoja e së cilës arin shifrën e 10 milionë eurove. Ndër të tjera, anëtari i Komitet Ekzekutiv në FSHF, Arben Dervishaj, premton se Federata Shqiptare e Futbollit ka në projekt ndërtimin e 30 fushave të tjera sportive./ABC News Albania 24/7

fasada.jpg
G. P.22:54 | 24/06/2019

Anëtari i komitetit të FSHF-së, Arben Dervishaj, deklaroi këtë të hënë gjatë emisionit “Pressing” të Gerti Çarçanit se punimet për stadiumin “Arena Kombëtare” vazhdojnë. Ai theksoi se Federata Shqiptare e Futbollit ka besimin se do arrijë t’i kapë afatet dhe ta përfundojë ndërtimin e stadiumit në Shtator.

“Në këto momente në “Arenën Kombëtare” vazhdohet të punohet për të arritur atë premtimin që është në Shtator do të jetë gati për të bërë ndeshjen me Islandën. Sot ne ishim përsëri në mbledhje, ishim me kompaninë dhe vetë presidentin për të diskutuar problematikat që ne kemi në lidhje me përfundimin e “Arenës Kombëtare”. Fasada është përfundimin e saj të plotë. Jemi në punimet e brendshme. Jo më larg se para një jave kishim ekipin e ekspertëve të Uefa-s që erdhën dhe check-uan gjithë punimet në stadium dhe nga ajo që panë ata ishin shumë të kënaqur për cilësinë dhe kushtet që kërkon një stadium i kategorisë së 4-ërt. Patën disa vërejtje, të cilat i kemi rregulluar dhe tani po vazhdohet me punimet për të kapur këtë afat. Ne themi se i kapim afatet. Punimet e brendshme kanë avancuar”, tha Dervishaj.

Megjithatë, Dervishaj tregoi edhe një problem që mund të pengojë procesin e punimeve.

“E vetmja gjë që mund të na pengojë dhe që nuk varet nga ne është sheshi para stadiumit. Sheshi përpara stadiumit ka një projekt që është bërë nga ana e bashkisë rreth 200 automjete. Aty do prishet ai objekti 3-katësh dhe do hapet sheshi do bëhet pedonal. Do kenë punime që do kërkojnë kohën e duhur dhe ndoshta ne do na pengojnë për pjesën e Shtatorit. Ne në datë 15 korrik fillojmë punimet për fushën dhe largohen të tëra skelat. Na duhen vetëm 1 muaj që fusha të jetë gati për t’u luajtur. Kemi rënë dakord me përfaqësuesit e Uefa-s që të kemi një kontroll nga ana e tyre me 15 Gusht dhe në shtator stadiumi do jetë gati”, tha Dervishaj.

Përpara se kombëtarja të zhvillojë ndeshje zyrtare në “Arenën Kombëtare”, aty do të luhet një ndeshje kontrolli. Devishaj tregoi se mund të luhet edhe superkupa e Shqipërisë për të shikuar defektet dhe problematikat që mund të hasen./ABC News Albania 24/7

arben-dervishaj.jpg
G. P.23:59 | 29/01/2019

Federata Shqiptare e Futbollit ka dërguar në gjyq Drejtorinë e Tatimeve. Anëtari i Komitetit Ekzekutiv pranë Federatës Shqiptare të Futbollit, Arben Dervishaj tha për ABC News se stadiumi është në rrezik për të përfunduar pasi mungon një sasi e konsiderueshme fondesh. Tatimi mbi Vlerën e Shtuar që Federata kërkon të kthehet është rreth 2.5 milionë Euro.

Federata Shqiptare e Futbollit e ka dërguar Drejtorinë e Tatimeve në Gjykatën administrative. Anëtari i Komitetit Ekzekutiv, Arben Dervishaj, tha për ABC Neës është i bindur se federata do të fitojë pasi ka plotësisht të drejtë në të kundërt stadiumi nuk përfundon pasi mungon një sasi e konsiderueshme fondesh. Tatimi mbi mbi Vlerën e Shtuar që federata pretendon të kthehet është rreth 2.5 milionë Euro.

I mungon pjesa e rimbursuar e TVSH-së të cilën ne kishim bërë plan biznesin tonë që do mbyllnim punimet në stadium. Stadiumi vazhdon ende të rrezikohet që të mos përfundojë plotësisht në aspektin e plotësimit me të gjitha gjërat e nevojshme sepse Federatës i mungon një sasi lekësh. Shpresojmë që organet gjyqësore ta shikojnë me precedencë këtë problem për të dhënë një zgjidhje”, tha Derishaj.

Federata shqiptare e Futbollit nuk dëshiron të komentojë nëse qeveria nuk i jep paratë edhe në rast se gjyqi i jep të drejtë Federatës. Gjithashtu Federata vlerëson bashkëpunimin me qeverinë për stadiumet e ndërtuara në Elbasan, Shkodër dhe Kukës.

“Ne shpresojmë që dhe qeveria të gjejë mirëkuptimin përveç problemit të TVSH qeveria do na ndihmojë ashtu siç na ka ndihmuar. Ne nuk po ankimojmë qeverinë sepse qeveria është treguar të paktën me Federatën jashtëzakonisht bashkëpunuese për problemet e investimeve në infrastrukturë”, tha Dervishaj.

Stadiumi “Arena Kombetare” parashikohet të përfundojë nëmuajin Qershor, por problemet gjatë rrugës pritet ta shtyjnë akoma më tej datën për inagurimin e impianitt më modern në Shqipëri./abcnews.al

dervishaj.jpg
G. P.16:42 | 22/01/2019

Arena e re kombëtare pritet të testohet pas pak muajsh. Anëtari i Komitetit Ekzekutiv të Federatës, Arben Dervishaj, flet për stadiumin, i ftuar në emisionin “Presing” në ABC News.

Afatet janë kaluar, por fundi nuk duket larg. Arena e re Kombëtare pritet të vihet shpejt në dispozicion të ekipit përfaqësues dhe të skuadrave të Superligës, ndonëse punimet ende nuk kanë përfunduar. Arben Dervishaj, anëtar i Komitetit Ekzekutiv të FSHF-së, i ftuar në emisionin “Presing” në ABC News, deklaron se 70 për qind e projektit ka përfunduar.

“Jo më larg se sa javën e kaluar ne diskutuam me problemet e arredimit, të cilat po i përgatit i njëjti arkitekt. Menaxhimi i stadium sa i takon pjesës VIP, gazetarëve dhe shumë shpejt do fillojmë porositjen e pajisjeve të arredimit në mënyrë që në Qershor ta kemi gati stadiumin për kolaudim, ndërsa me një ndeshje stërvitore, jo ndeshje të ekipit kombëtar pasi duhen provuar të gjitha sistemet”, tha Dervishaj.

Dervishaj sqaron edhe se kur do të jetë gati fusha, apo sektorë të tjerë.

“Fusha besoj se fillon nga muaji Mars se atëherë është dhe periudha më e mirë për të mbjellë barin. Nuk ha shumë kohë fusha. Bazamenti maksimumi dy-tri javë dhe bëhet, ndërsa tapeti do porositet që tani që të jetë gati për në Mars që të instalohet. Pjesa e tifozërisë ka përfunduar dhe do vendosen stolat të cilat kanë ardhur, ndërkohë po punohet kryesisht te tribuna VIP. Pjesa e parkingut e të gjitha gati kanë përfunduar. Dhe në fasadë po punohet”, tha ai.

Dervishaj flet për shtetin dhe problemet e krijuara.

“Nëse Federata ka kontribuar me 10 milionë Euro, qeveria nuk e ka dhënë pjesën e vet. Ne i themi që na rimburso TVSH-në dhe nuk na duhet pjesa tjetër. Pra neve po të na rimbursohet TVSH-ja, ne arrijmë t’i plotësojmë të gjitha kërkesat. Ne na vonoi shkalla monumentale sepse në projektin e parë ishte që nuk do kishte. E dyta në pjesën veriore të stadiumit si rezultat i gërmimeve doli bazamenti shumë i ulët dhe shkojmë një kat më poshtë”, tha Dervishaj

Vlerësimi i Federatës për stadiumin e ri të Tiranës është vërtet tepër i lartë.

“Do jetë një nga stadiumet më të mira në Europë. Nuk e them për mburrje, por e them sepse unë e kam parë projektin, kam parë dhe cilësinë e materialeve që vendosen. Materialet janë të cilësisë së parë”, tha Dervishaj.

Në Qershor, pra Arena Kombëtare, do të testohet. Me shumë gjasë, ajo do të jetë gati për ndeshjet e ekipit përfaqësues në muajin shtator./abcnews.al

PRESING-DT-21.mpg_snapshot_01.39-1280x720.jpg
G. P.12:12 | 22/01/2019

Në këtë puntatë të emisionit “Pressing” u diskutua rreth “Arenës Kombëtare”. Stadiumi më i ri i kombëtares shqiptare të futbollit ka kushtuar rreth 75 milionë Euro dhe do të ketë kapacitete prej 22 mijë spektatorësh. Gjithashtu nën drejtimin e Gerti Çarçanit dhe Joana Grabollit u fol edhe superligës shqiptare.

Të ftuar në studio ishin: Arben Dervishaj, anëtar i Komitetit të FSHF-së; Kostandin Grillo, gazetar sportiv; Ervin Baku gazetar sportiv dhe Eno Skarço, gazetar sportiv./abcnews.al

dervi.jpg
G. P.22:49 | 21/01/2019

Anëtari i komitetit të FSHF-së, Arben Dervishaj, ndau disa detaje interesante rreth ndërtimit të stadiumit të ri kombëtar. I ftuar në “Pressing”, ai tregoi se kostoja totale e stadiumit shkon rreth 75 milionë Euro. Në kontratën e lidhur me kompaninë që po ndërton stadiumin, Dervishaj tha se FSHF do të jetë pronare e stadiumit, ndërsa pjesa tjetër do të jetë në pronësi të kompanisë.

“Deri tani sa di unë, kostoja totale do shkojë diku te 75 milionë Euro. Kapaciteti 22 mijë të ulura neto, spektatorë.  Kostoja nuk është për ne. Është për ata që ka hedhur lekët. Kontrata është e tillë që ajo i merr ambientet vetë. Ne na tranferohen stadiumit dhe ambientet e saj ndërsa pjesën tjetër e ka kompania tjetër në pronësi. Kjo është formula e bashkëpunimit”, tha ai.

Përsa i përket emrit nëse do quhet “Arena Kombëtare” apo jo, Dervishaj theksoi se mund të ndryshohet duke qenë se emri është subjekt marketingu.

“Emri është subjekt marketingu. Ajo do bëhet me ankand. Nuk e vendos unë. Emri siç janë të gjitha stadiumet në botë është subjekt i marketingut. Ata do ta vendosin  janë shoqëria “Kuqezi” që vendosin nëse e shesin apo jo. Procedura do të jetë në formën e ankandit. Ai që ofron më shumë ai do të marrë dhe ankandin”, tha Dervishaj.

Dervishaj tregoi se si po vazhdojë punimet dhe se si do të ndahen disa nga ambienetet e “Arenës Kombëtare”. Në Qershor pritet që fusha të jetë gati.

“Tribuna e gazetarëve është menduar të ketë 160 gazetarë në ndeshjet e kategorisë A. Ambientet do të jenë më të mira se në Shkodër. Tribuna e gazetarëve do të jetë mbi tribunën VIP.

Në këto momente vazhdohet të punohet. Fusha fillon në muajin Mars se atëherë është dhe periudha më e mirë për të mbjellë barin. Tapeti do porositet që tani që të jetë gati për në Mars që të instalohet. Nga Marsi në Qershor është kohë e mjaftueshme që ai bar të stabiliziohet që të luhen ndeshjet.

Nuk ndodhi ndonjë gjë, punimet nuk janë shtyrë aq shumë. Ne na vonoi shkalla monumentale se në projektin e parë nuk ishte dhe ne na detyroi të ndryshonim planin. Në pjesën veriore të stadiumit, në gërmie bazamenti doli më i dobët dhe u detyruam të shkonim një kat më poshtë. Kjo na vonoi që na kërkon këtë kohë. Nuk është se ka vonesa për gjëra të tjera.

Stadiumi është i mbuluar në të gjitha tribunat. Biles tribunat janë mbuluar më shumë se stadiumet e tjera. Asnjë nga rrjeshtat e parë nuk mund të lagen. Fusha nuk do mbulohet. Kemi pororsitur mbulesë që do përdoret për të mbuluar fushën në raste kur ka shtrëngatë apo bie borë”, tha anëtari i Komitetit të FSHF-së.

Përveç ndeshjeve të futbollit, “Arena Kombëtare” do shërbejë edhe për koncerte apo aktivitete të tjera të ndryshme. Përveç kësaj, Dervishaj theksoi se stadiumi më modern në Shqipëri do t’i ketë dyert e hapura për ekipet e kryeqytetit.

“Ndeshjet i zhvillon federata jo stadiumi. Ky stadium do funksionojë si ekonomi. Do krijojë të ardhura. Përveç të ardhurave nga ndeshjet do nxjerrë dhe të ardhura të tjera sepse ka kosto. Zoti Bardhyl Minxhozi do menaxhojë stadiumin dhe është menduar të zhvillohen koncerte.

Në atë stadium kombëtarja do lozë. Ekipet e kryeqytetit natyrisht e kanë të hapur për të luajtur. Tirana ka një stadium, mesa di unë ka dhe në plan për ta rregulluar. Partizani hë për hë nuk ka një stadium, por ka nisur për të pasur një misnitadium. Derbi do ta shijojmë në stadium tamam me të gjitha kushtet”, tha ai./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono