arben ahmetaj

pro-ahmeta.jpg
in a10:53 | 10/01/2020

Ministri i Rindërtimit, Arben Ahmetaj në një konferencë me ministrin turk të Mjedisit dhe Urbanizimit, Murat Kurum bëri të ditur se Turqia do të ndërtojë 500 shtëpi në Laç, projekti i qeverisë turke është një hap konkret u shpreh ai.

 

“Qeveria e Turqisë ka marrë angazhimin për ndërtimin e 500 shtëpive. Projekti i shtëpive merr formën e një modeli të ri, përtej ndërtimit të emergjencës. Ndonëse është ende herët puna për rindërtimin tashmë ka filluar. Theksoj se projekti që kemi më Republikën e Turqisë po ecën me hapa të shpejtë. Qëllimi është që deri në të shohim lagjet e reja të të gjithë atyre që sot janë në shtëpi me qera”, tha Ahmetaj.

Ndërkohë ministri turk në fjalën e tij u shpreh se shtëpinë do të ndërtohen në përshtatje me kulturën e vendit.

“Për shkak të nevojave urgjente Ministria e Turqisë ka filluar mënjëherë studimet. Për këto 500 banesa do të zbatohet një projekt shembull, duam që brenda 6 muajve ta përfundojmë këtë projekt”, u shpreh Kurum.

Më tej ai theksoi se janë vënë në dispozicion 150 çadra dhe gjithashtu u shpreh se Shqipëria është gjithnjë në fokus të presidentit Erdogan.

/abcnews.al

ahmeta.jpg
ger ta18:13 | 06/01/2020

Kanë kaluar 40 ditë nga tërmeti shkatërrues që goditi Shqipërinë, por qeveria akoma nuk e ka listën zyrtare të familjeve të prekura.

E sikur të mos mjaftonte kjo, ministri i shtetit për rindërtim njoftoi se çdo bashki do të hapë platforma online, ku qytetarët duhet të aplikojnë nga fillimi.

Edhe pse kryeministri ka deklaruar se do të ndërtohen disa lagje të reja në bashkitë e prekura, këto troje ende nuk janë përcaktuar.

Qeveria miratoi disa vendimi për përballimin e tërmeteve.Të martën, kryeministri do të ketë një takim të posaçëm me kryetarët e bashkive për vijimin e punës. /abcnews.al

ahmetaj.jpg
ger ta16:13 | 06/01/2020

Ministri i Rindërtimit, Arben Ahmetaj në një konferencë për mediat, u ka bërë thirrje kryebashkiakëve në zonat e prekura nga tërmeti që të përcaktojnë tokat shtetërore ku do të rindërtohet. Për këtë proces, Ahmetaj tha se ka afat 20 ditë.

“Procesi konkret ka filluar që një ditë pas tërmetit ka vazhduar me akomodimin e të gjithë qytetarëve që humbën shtëpitë e tyre, bonusi i qirave bën të mundur që të gjithë familjarët të vazhdojnë të kenë mundësinë e një shtëpie me qira dhe në 2 janar kryeministri Rama ka kërkuar nga Bashkitë në zonë e Emergjencës, të gjithë kryetarëve përkatës të Bashkive të fillojnë procesin ligjor të përcaktimit të tokave ku do të ndërtohen qytezat urbane të cilat Rama u është referuar në vazhdimësi dhe janë pjesë e ligjit të posaçëm për rindërtimin.

Brenda 15-20 ditë do të kemi të përcaktuar në të gjithë territorin e Shqipërisë. Të gjitha Bashkitë janë të detyruara brenda afatit të sjellin të gjithë verifikimin e trojeve ose tokave ku do ndërtohen banesat individuale apo qytezat.

Ndërkohë, sot kemi kaluar vendime për përcaktimin e rregullave, masën e shpenzimit që kompensohen autoriteteve përgjegjëse të qytetarëve që do përfitojnë. Për herë të parë në 30 vite që hartohet një ligj i posaçëm në përgjigje të emergjencës”, tha Ahmetaj./abcnews.al

ahmetaj-meta-1.jpg
So Nila10:32 | 20/12/2019

Arben Ahmetaj have sworn  today before the President of the Republic, Ilir Meta. Ahmetaj begins today as the Minister of Reconstruction.

The new post for Ahmetaj was proposed by Prime Minister Edi Rama, where, according to him, all the damage  and compensation of the families damaged by the 26 November earthquake brought the need for a special seat at the Council of Ministers table where the trust was to his former finance minister.

Arben Ahmetaj, as minister, was opposed by the opposition as he was described as the most corrupted minister.

On the other hand, the head of the State Ilir Meta expressed his willingness to decree Ahmetaj in this post./abcnews.al

 

ahmetaj-meta.jpg
ger ta10:16 | 20/12/2019

Arben Ahmetaj është betuar sot para Presdentit të Republikës, Ilir Metës. Ahmetaj fillon kështu nga sot detyrën si ministër i Shtetit për Rindërtimin.

Posti i ri për Ahmetajn u propozua nga kryeministri Edi Rama, ku sipas tij i gjithë riparimi i dëmeve dhe kompesimi i familjeve të dëmtuara nga tërmeti i 26 nëntorit solli nevojën për hajen e një vendi të posaçëm në tryezën e Këshillit të Ministrave ku besimi shkoi për ish-ministrin e tij të financave.

Arben Ahmetaj si ministër u kundërshtua nga opozita, pasi e cilësuan si më të korruptuarin. Ndërsa nga ana tjetër kreu i Shtetii Ilir Meta shprehu gatishmërinë e menjëhershme për ta dekretuar Ahmetajn në këtë post./abcnews.al

 

myslym-murrizi.jpg
nev ila11:49 | 16/12/2019

Në Komisionin e Ekonomisë ka marrë fjalën edhe nënkryetari i Kuvendit Myslym Murrizi i cili theksoi se komisioni i Ekonomisë i mbledhur për shkarkimin e Malajt është dyfytyrësi pasi vendi nuk ka ende Kryetar të Kontrollit të Lartë të Shtetit të cilit i ka mbaruar mandati prej 13 muajsh. Sipas Murrizit ka gjëra më të rëndësishme për të nxituar siç është zgjedhja e Kreut të KLSH.

“Jam njohur me raportin si anëtar zëvendësues si këtij komisioni dhe po po më duket sikur është duke u bërë gjyqi i Kadri Hazbiut. Duhet ta dinë të gjithë që koha kur dënoheshin njerëz në sallën e Komitetit Qëndror ka shkuar në P..S…, ka kohë ka tridhjetë vjet gati.

Nuk guxojmë ta hapim televizorin se shohim gjithandej surratin e tij dhe ju s’guxoni të flisni, flisni ore pse nuk flisni, kush ju ka kapur prej fyti?

Ka 13 muaj që ka mbaruar mandati i Kryetari të Kontrollit të lartë të shtetit, ju s’keni akoma Kryetarin e Kontrollit të lartë të Shtetit, ju doni të hiqni Benit mandatin, është qesharake. Pse nuk zëvendësoni Kryetarin e KLSH?? Se nuk bini dakord për atë që do ju ngrohë petullat.

Kështuqë kjo që po bëni është një falsitet, ngutje, nxitim, grykësi për të tulatur çdo njeri që ka mendimin e tij dhe ky është një qëndrim me dy standarde, jeni pa kurajo për të mbajtur qëndrim ndaj atyre që u prishet terezia”, tha Murrizi./abcnews.al

arben-malaj-kercenimi.jpg
nev ila11:30 | 16/12/2019

Ish-ministri i Financave të kabinetit Nano, Arben Malaj ndodhet tani për seancë dëgjimore në Komisionin e Ekonomisë në lidhje me kërkesën për ta shkarkuar nga detyra e anëtarit të Këshillit Mbikëqyrës të Bankës së Shqipërisë.

Seanca është duke u shoqëruar me akuza të forta të Malajt, i cili iu drejtua kreut të Komisionit të Ekonomisë, Arben Ahmetaj se ai i kishte mësuar si të ishte i dobishëm në vitin 1997.

Sipas Malajt Komisioni i Ekonomisë nuk është profesional dhe ka ngërç institucional në lidhje me shkarkimin e tij pasi ky shkarkim është iniciuar nga vetë kryeministri Rama.

Ndër të tjera, Malaj tha se do ta dërgonte çështjen në Gjykatën e Strasburgut edhe pse nuk donte asnjë qindarkë nga shteti shqiptar.

Debati: 

Malaj: Unë do të bëj raportimin profesional në raport me propozimin  që ju mund ta thonit se iniciuesi i këtij propozimi është vetë kryeministri dhe këtu ka një ngërc institucional sepse çdo vendim i qeverisë vjen me dy firma, me firmën e propozuesit dhe me firmën e kryeministrit, në këtë rast kush është përfaqësuesi i qeverisë dhe kush është përfaqësuesi i kryeministrit në këtë ballafaqim publik, mund të më ndihmoni zoti kryetar ta kuptoj procedurën?

Ahmetaj: Po ligji i jep të drejtë këshillit të ministrave që të ketë prezent një përfaqëues, këshilli i ministrave është njoftuar për këtë seancë. Ka njoftuar që nuk do të sjellë përfaqësues. Unë do ti referohem kuvendit, është e drejtë dhe jo detyrim.

Malaj ne respekt te marrëdhënies…

Malaj: Jo unë s kam asnjë marrëdhënie me ju. Vetëm profesionale. Bashkë i lamë pas që në vitin 1997 kur digjej Shqipëria

Ahmetaj: Ju kërkuat avokat…s’është e nevojshme, por dakord

Malaj: Dikur ju mësoja unë juve të ishit i dobishëm për Shqipërinë, tani do më tregoni ju mua nëse duhet ose jo avokat

Malaj në fjalën e tij në Komisionin e Ekonomisë ka akuzuar kryeministrin Edi Rama duke e cilësuar si sulltan, ndërsa paralajmëroi se çështjen do e dërgojë në Strasburg.

Suzana Topi: A është mbledhur këshilli mbikqyrës i BSH për të shqyrtuar sjelljen tuaj? A është veprimi i qeverisë, i pastër politik?

Arben Malaj: Anëtarët e këshillit janë ndjerë shumë keq për këtë veprim, dhe kjo do të dëshmohet në vazhdim. Kam kërkuar që bazuar në Direktivat e OECD që banka të demokratizohet. Unë i mbroj të gjitha daljet e mija pavarësisht se mund të mërzitet Balla apo Lali Eri. Unë do ti mbroj deri në fund deklaratat e mija.

Arben Malaj: Nga sulmi politik që po më bëhet mua po cenohet pavarësia e BSH. Vijimi i mbledhjes pa garantuar tërësinë e dokumenteve. Shqyrtimi në këtë seancë është cenuar nga mungesa e dokumentacionit.

Më tej Malaj në fjalën e tij në Komisionin e Ekonomisë tha se shkarkimi i tij është politik dhe se në kohën kur është kërkuar emërimi si anëtar bordi në 2018 është kërcënuar familja e tij. Sipas Malaj për këtë arsye është mundësuar largimi i familjes së tij në Amerikë.

Arben Malaj: Ligji i bankës së Shqipërisë më lejon mua të jem anëtar partie por unë nuk jam anëtar, do pres ndryshimin e kodit zgjedhor do shoh pozicionin tim se ku mund të shërbej më mirë vendit tim, si anëtar i këshillit mbikëqyrës apo në një lëvizje të re politike apo përfaqësues i një partie politike, ligji është modern, ligji më lejon të punoj edhe në një bankë private. Ky ligj është bërë për ti dhënë bankës instrumentet maksimalë që të jetë sa më e dobishme për vendin e saj. Pajtohem me ju në lidhje me qëndrimin se pushteti po përqendrohet gjithnjë e më shumë në një dorë por jo rastësisht bordi i bankës së Shqipërisë ka Jo rastësisht bordi ka një konfigurim me 3 institucione që duhet të krijojnë një ekuilibër si mbrojtje nga ndërhyrjet politike apo nga duart e zgjatura për interesa joprofesionale për menaxhimin e bankës së Shqipërisë. Nuk kam kërkuar që të shkoja përsëri në Këshillin Mbikëqyrës së Bankës. Në 2014 dëshiroja të shërbeja, nuk më votoi partia socialiste dhe deklarata ime është publike, duke e ditur frikën që kanë deputetët nga liderët me pushtet absolut asokohe thashë: Në qoftëse do më votojnë do ti falënderoj, nëse nuk më votojnë do ti mirëkuptojë. Në 2016 mu krijua një mundësi, u ftova për të qenë anëtar i bordit në Bankën e Shqipërisë. Jam votuar me 107 vota pa asnjë votë kundër. Sigurisht që duke qenë me 27 vjet eksperiencë di të lexoj edhe nëpër rreshta, atë kohë i kam kërkuar kryeministrit se nuk e kisha merak nëse do isha apo jo anëtar i bordit. E kuptova shumë qartë atëherë që nuk do të votohesha më dhe në respekt të familjes time për mandatet e vështira deri në kërcënime familjare sepse për të ikur familja ime në Amerikë procedurat i ka zbatuar Ahmetaj me ata që kërkuan të iktë urgjentisht se kërcënohej njësoj si familja e  një profesori tjetër dhe gjërat nuk janë kaq të thjeshta sa i shikoni. Se ngrihet natën Edi Rama dhe i nis një sms Erjon Braces dhe i thotë: nesër në mëngjes të shkarkoni Arben Malaj,…. jo jo nuk janë aq të kollajshme. Kështuqë në këtë aspekt e sqaroj edhe njëherë, procedurat i keni të gabuara, pjesën politike nuk e diskutoj këtu sepse komisioni diskuton profesionalisht dhe jo politikisht, kolegët e opozitës mos të më provokojnë fare. Unë kujt ti bëjë pyetjet për këtë propozim? Unë nuk i kam këto argumentet. Unë kërkoj audiot e regjistruara ku është shkelje.

Avokati Jordan Daci: A mund të na thoni kush është kërkuesi i shkarkimit nga pikëpamja procedurale.

Arben Ahmetaj: Është një grup deputetësh.

Avokati  Jordan Daci: Ne kemi dyshime në anën procedurale, referuar rregullores së kuvendit, kërkoj që para se të filloj shqyrtimi, duhen dokumentet me argumentet, pasi gjykojmë se ka parregullsi procedurale.

Arben Malaj: Jeni në përplasje kompetencash dhe procedurash. Ju nuk keni shqyrtuar kërkesën e deputetëve. Shumë më kanë mbështetur jo për një karrige pasi do të marr shumë të tjera. Vrasja e fjalës së lirë ka krijuar kriza sociale të mëdha. Parandalimi i krizave nuk vjen nga heshtja. Duke u përballur me 28 deputetë dhe me sulltanin (Rama) i kam shërbyer me dashuri dhe integritet maksimal. Libri ekonomiksi i zhvillimit, është udha ime. Akuzohem se nuk kam qenë në media për gjendjen ekonomike. Nuk ka muaj që nuk kam dhënë deklarata për politikat fiskale. (Malaj sjellë në komision të gjitha daljet e tij në media të përmbledhura). Prezenca ime publike ka qenë maksimale, si për politikat monetare ashtu edhe për ato fiskale. Ju nuk doni pavarësinë e Bankës së Shqipërisë por karrigen e anëtarit të Këshillit Mbikqyrës. Banka e Shqipërisë ka dalë me një procesverbal ku tregon se është e kënaqur me shërbimin tim dhe nuk ka asnjë ankesë. Kam dhënë vlerësimin tim për çdo temë. I mohoj akuzat politike tërësisht./abcnews.al

ahmetaj-minister.jpg
ger ta16:51 | 13/12/2019

Arben Ahmetaj nga kjo e premte do të jetë ministër i Shtetit për Rindërtimin. Për kryeministrin Rama i gjithë riparimi i dëmeve dhe kompesimi i familjeve të dëmtuara nga tërmeti i 26 nëntorit solli nevojën për hajen e një vendi të posaçëm në tryezën e Këshillit të Ministrave ku besimi ka shkuar për ish-ministrin e tij të financave.

Pas propozimit të kryeministrit, Presidentit i Republikës, Ilir Meta firmosi menjëherë dekretimin e Ahmetajt si ministër shteti për rindërtimin. Nga 1 dhjetori, Arben Ahmetaj drejtonte strukturën e posaçme të Komitetit Kombëtar të Rindërtimit.

Nga kjo e premte, ish-kryetari i Komisionit të Ekonomisë në Kuvend do të jetë i ngarkuar ekskluzivisht me koordinimin e të gjitha institucioneve vendase e ndërkombëtare që lidhen me programin e rindërtimit.

Kundër propozimit të Ramës u shpreh Partia Demokratike. Nënkryetari i demokratëve, Edi Paloka kujtoi se i përzgjedhuri i kryeministrit është nga ish-ministrat e korruptuar të qeverisë.

“Caktimi i Ahmetajt si personi qe do te menaxhonte ndihmat financiare, ngjalli menjehere reagim jo vetem nga opozita. Ahmetaj eshte nga ish-ministrat me te akuzuar per korrupsion ne nje qeveri dhe administrate qe vetem pak dite me pare u shpall nga organizmat nderkombetare si nje nga qeverite me te korruptuara ne bote.Por kjo jo vetem nuk e frenon Ramen po perkundrazi si ne cdo rast tjeter, eshte kriter per ta emeruar Ahmetajn prape minister qe do te menaxhoje parate e ndihmave. E kjo ndodh pikerisht diten qe BE vendos per zhvillimin e konferences se donatoreve”.

Ndërkohë edhe Presidenti i Republikës, Meta vendosi të ketë një person të posaçëm që do ta këshillojë lidhur me Emergjencat Civile. Pas emërimit të Arben Ahmetajt si ministër shteti për rindërtimin, kreu i Shtetit njoftoi emërimin e Shemsi Prençit në poziatat e Këshillitarit të Posaçëm për Emergjencat Civile./abcnews.al

luan-rama-deklarata-1280x602.jpg
ger ta15:53 | 13/12/2019

Zv.kryetari i Lëvizjes Socialiste për Integrim Luan Rama në një deklaratë për mediat foli sot për vendimin e kryeministrit Edi Rama për të emëruar Arben Ahmetajn si ministrin e Shtetit për Rindërtimin.

Lihdur me Ahmetajn, Rama nuk ka kursyer ironinë ku thekson se: “është një shenjë e mirë që na lë të kuptojmë dhe të besojmë se me emërimin e zotit Ahmetaj si ministër për rindërtimin jo vetëm që Shqipëria do të rindërtohet por që qytetarët duhet të jenë të qetë sepse tashmë më në fund gjithçka do të zgjidhet në të mirë të tyre”.

Numri dy i LSI- u ndal edhet tek projektligji i mazhorancës për mediat, teksa thekson:“Dhe gjithmonë luftën me fjalën e lirë, luftën me shtypin dhe median e lirë regjimet e kanë humbur, siç do ta humbasë edhe ky regjim që në kuptimin më të plotë të fjalës edhe në kushtet e fatkeqësisë natyrore që gjendet Shqipëria edhe në kushtet e emergjencës ku gjendet për të përballuar pasojat e rënda të tërmetit gjen kohë të investohet, gjen vëmendje, gjen angazhim, gjen energji të merret me luftën kundër fjalës së lirë”.

Deklarata e plotë:
Sapo është shpërndarë lajmi që kryeministri ka propozuar një ministër shteti për rindërtimin ç’ka në fakt është në unison apo në vijimësi të të gjithë qëndrimit dhe të vijësjelljes që qeveria ka demonstruar në mënyrë konseguente pas tërmetit të 26 nëntorit dhe natyrisht është një shenjë e mirë që na lë të kuptojmë dhe të besojmë se me emërimin e zotit Ahmetaj si ministër për rindërtimin jo vetëm që Shqipëria do të rindërtohet por që qytetarët duhet të jenë të qetë sepse tashmë më në fund gjithçka do të zgjidhet në të mirë të tyre por paradoksalisht me atë ç’ka do duhej të bënte qeveria në fakt dhe e gjithë mazhoranca e cila në mënyrë krejt të papërgjegjshme gjen kohë që t’i ikë përgjegjësive dhe vëmendjes që duhet të jetë e fokusuar maksimalisht tek administrimi i situatës, tek zhdukja e pasojave të tërmetit, tek rikthimi i normalitetit, kjo mazhorancë gjen kohë që të vazhdojë dhe të thellohet më tej në aventurizmin e vet e madje do të thoja dhe në armiqësinë e vet të shpallur ndaj medias, ndaj fjalës së lirë dhe ndaj të gjithë atyre që punojnë në këtë profesion me misionin e tyre fisnik.

Ajo çfarë po bën mazhoranca në luftë kundër fjalës së lirë, ajo çfarë po bën mazhoranca në luftë kundër medias së lirë në fakt nuk bën asgjë më shumë, por plotëson portretin e një regjimi, i cili diferencohet apo bëhet i dallueshëm nga një sistem demokratik dhe qëndrimi ndaj fjalës së lirë, në qëndrimin ndaj medias, në qëndrimin ndaj të vërtetës sepse qëndrimi ndaj të vërtetës bën diferencën midis regjimit dhe qeverisjes demokratike.

Frika prej së vërtetës është në topologjinë e regjimeve kriminale dhe të korruptuara e për shkak se pikërisht janë të tillë, pra sepse janë regjime të korruptuara, sepse janë regjime kriminale, sepse janë regjime të ndërtuara nga një sistem kriminal, ata kanë frikë të vërtetën, kanë frikë fjalën e lirë, kanë frikë median e lirë.
Natyrisht paradoksi bëhet dhe më alarmant po të kemi parasysh faktin që Shqipëria ka presidencën e radhës së OSBE-së, të kësaj organizate, e cila lirinë e fjalës, lirinë e shprehjes, lirinë e mendimit, lirinë e medias e ka në themelin e ekzistencës së vet dhe kundërvënia ndaj kësaj vlere, kundërvënia ndaj kësaj qasjeje, kundërvënia ndaj këtij standardi që ka OSBE është në thelb ajo që e bën jo vetëm qeverinë, jo vetëm mazhorancën, por për fat të keq Shqipërinë të dëshmojë se nuk ka kuptuar ende asgjë nga çfarë do të thotë standard demokracie, nga çfarë do të thotë vlerë e një shoqërie të hapur, të një shoqërie të lirë, e një shoqërie të ndërtuar, vlerat fondamentale të demokracisë.

Mirëpo jam këtu për t’i kujtuar në radhë të parë kryeministrit si ideatori, si persekutori dhe si realizuesi i të gjithë kësaj skeme të kontaminimit, të kriminalizmit dhe të armiqësisë së qeverisë, së mazhorancës dhe të shtetit ndaj medias, i cili në fakt me këtë që po bën, nuk po bën asgjë më shumë veçse po plotëson atë që ka parathënë me fyerjet, me shpifjet, me akuzat, me trajtimin në mënyrën më diskredituese që ai mban ndaj medias dhe ndaj punonjësve të saj.

Pra, ajo që dua t’i kujtoj kryeministrit është që në Shqipëri, historia e afërt e demokracisë ka shembuj të shkëlqyer të luftës së punonjësve të fjalës së lirë, të luftës së shtypit dhe medias së lirë ndaj regjimit. Dhe gjithmonë luftën me fjalën e lirë, luftën me shtypin dhe median e lirë regjimet e kanë humbur, siç do ta humbasë edhe ky regjim që në kuptimin më të plotë të fjalës edhe në kushtet e fatkeqësisë natyrore që gjendet Shqipëria edhe në kushtet e emergjencës ku gjendet për të përballuar pasojat e rënda të tërmetit gjen kohë të investohet, gjen vëmendje, gjen angazhim, gjen energji të merret me luftën kundër fjalës së lirë.

Prandaj duhet të kuptojmë edhe një gjë tjetër, që çështja e medias së lirë, çështja e fjalës së lirë nuk është çështje vetëm e atyre që punojnë në media, nuk është çështje vetëm e gazetarëve, e editorëve, e botuesve. Nuk është çështje as e atyre që janë pjesë e këtij sistemi, pjesë përbërëse e këtij pushteti që në demokraci ka vlerën e një pushteti real. Çështja e lirisë së fjalës, çështja e lirisë së medias është çështje e të gjithë shoqërisë shqiptare, i gjithë opinioni shqiptar, e gjithë klasa politike e vendit, të gjithë njerëzit e përgjegjshëm të këtij vendi duhet të jenë bllok dhe të gjithë bashkë, jo vetëm për të mbrojtur lirinë e shprehjes dhe lirinë mediatike, por duhet të jenë të gjithë bashkë për t’i treguar vendin këtij regjimi kriminal. Kriminalizmit i të cilit shkon deri tek lufta e hapur ndaj fjalës së lirë, ndaj medias sepse në thelb duke qenë një regjim auto demokratik, ky regjim duke luftuar mediat, lufton vetë demokracinë.

 

edi-paloka.jpg
R D13:52 | 13/12/2019

Nënkryetari i Partisë Demokratike, Edi Paloka, ka reaguar me ashpërsi pasi Rama vendosi të emërojë Arben Ahmetaj si ministër Shteti për Rindërtimin. “Ky kryeministër kërkon ta vjedhë këtë popull edhe në kulmin e fatkeqësisë”, shkruan ai në rrjetet sociale, duke shtuar se Arben Ahmetaj sa ishte ministër Ekonomie është akuzuar për korrupsion.

Reagimi i plotë i Palokës

E kam thene disa here keto dite; gjithnje ne situata te veshtira e te jashtezakonshme nxjerrin koken spekullante qe perfitojne nga fatkeqesia. Kryesisht ata jane pazarxhinj pa shpirt qe kur shohin qe ka nevoje te shtuar per dicka menjehere rrisin çmimet dhe pazarin!

Fatkeqesia jone eshte se si kryespekullant kemi kryeministrin qe i le ne hije ata qe vjedhin qeset e ndihmave apo rrisin qerate e shtepive per hallexhinjte…

Deri tani Rama ka spekulluar politikisht, duke u perpjekur qe nepermjet propagandes se perditshme, minimalisht ti shpetoje pergjegjesise direkte per kete fatkeqesi dhe viktimat qe solli.
Sot, Rama vertetoi se i eshte “hapur zorra” dhe spekullimin nuk ka ndermend ta lere vetem ne rrafshin politik.

E mbani mend ; nje nga thirrjet e para qe beri Rama ishte per te ndaluar sjelljen e ndihmave materiale dhe ofrimin e mjeteve monetare, parave, megjithese njerzit ishin ne nevoje (jane dhe sot) per ushqime dhe mjete te tjera.

Caktimi i Ahmetajt si personi qe do te menaxhonte ndihmat financiare, ngjalli menjehere reagim jo vetem nga opozita. Ahmetaj eshte nga ish-ministrat me te akuzuar per korrupsion ne nje qeveri dhe administrate qe vetem pak dite me pare u shpall nga organizmat nderkombetare si nje nga qeverite me te korruptuara ne bote.

Por kjo jo vetem nuk e frenon Ramen po perkundrazi si ne çdo rast tjeter, eshte kriter per ta emeruar Ahmetajn prape minister qe do te menaxhoje parate e ndihmave. E kjo ndodh pikerisht diten qe BE vendos per zhvillimin e konferences se donatoreve.
Ne kete moment , ky kryeminister qe e ka cuar vendin drejt rrenimit te gjithanshem ; politik, ekonomik e social po kerkon ta grabise dhe ne kulmin e tragjedise. Shikimi i tij ne keto momente nuk shkon tek njerzit ne fatkeqesi por tek milionat qe shpreson te marre nga bota, jo qe ti perdor per shqiptaret, por si nje mundesi tjeter per te vjedhur.
Emerimi i Ahmetajt eshte prova e nuk ka nevoje per te tjera.

Uroj qe donatoret( sic kane bere deri me sot qe nuk i kane besuar qeverise) te kontrollojne vete e ti vene ndihmat ne funksion te shqiptareve e mos i lene ne dore te grabitqareve. Mekatet e kesaj qeverie me shqiptaret jane boll te renda, mos i lejoni ta bejne dhe kete.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono