arben ahmetaj

arben-ahmetaj-2.jpg
G. P.14:55 | 17/07/2018

Ministri i Financave dhe Ekonomisë, Arben Ahemetaj, mblodhi Komitetin e Lehtësimit të Tregtisë. Ndërsa analizoi shkëmbimet tregtare mes vendit tonë dhe atyre të rajonit e BE-së, Ahmetaj deklaroi se gjashtë muajt e parë të ketij viti, eksportet u rritën me 18.3%.

Eksportet e mallrave shqiptare gjashtë muajt e parë të këtij viti, sipas Institutit të Statistikave arritën në 158 miliardë lekë.

Rritja prej mbi 18% e tyre krahasuar me të njëjtën periudhë të një viti më parë u konfirmua dhe nga ministri i Financave dhe Ekonomisë në mbledhjen e komitetit të lehtësimit të  tregtisë.

Kontributin kryesor e ka dhënë grupi minerale, lëndë djegesë dhe energji elektrike.

“Të dhënat paraprake të 6-mujorit tregojnë një hapje të mëtejshmë të Shqipërisë gajtë vitit 2017. Eksportet e mallrave arritën vlerat e 372 miliardë duke u rritur me 12.1% krahasuar me një vit më parë. Po t’i referohemi m6 mujorit të parë të 2018-s rritja është me 18.3%”.

Rritje me 4.7% kanë pësuar edhe importet, ndërsa defiçiti tregtar arriti në vlerën e 151 miliardë lekë duke u ulur  me 6.6% krahasuar me 2017.

Bashkimi Europian mbetet partneri kryesor tregtar, sipas ministrit të Financave, me 66.35 të volumit ndërkohë që shkëmbimet tregtare me vendet e rajonit arrijnë në 11.1%./abcnews.al

arben-ahmetaj-1.jpg
G. P.15:15 | 09/07/2018

Ministri i Financave dhe Ekonomisë, Arben Ahmetaj, në prezantimin e paketës fiskale në Kuvendin e Shqipërisë tha se kjo mund të quhet edhe paketë solidariteti pasi ndihmon sipërmarrjen e vogël të zhvillohet në favor të ekonomisë së familjare.

Në betejën e shifrave, ministri i Financave dhe Ekonomisë, Arben Ahmetaj, është i vetëm në seancën parlamentare të së hënës. Megjithatë opozitës së munguar në Kuvend ia jep përgjigjet për gjithçka e akuzon.

Pretendimit të pakicës se taksat pësuan rritje pas uljes së pragut të TVSH-së i përgjigjet me raportin e INSTAT-it.

“Inflacioni për Majin dhe Prillin rezulton të jetë në nivelet e 2 përqind, sa çka qenë në vazhdën e pesë viteve”.

Rritja e fashës së xhiros nga 8 milionë në 14 milionë lekë i lehtëson bizneset me tatim fitimin.

“Nga 15% në 5 % , tre herë më pak”.

Me paketën e re fiskale që iu propozua Kuvendit ta miratojë, 91 përqind e sipërmarrjes e ka tatim fitim ose zero ose 5 përqind.

“U ulën taksat, u fermetua çdo ditë e njëjta boleri. Biznesi vogël deri në 5 milionë tatim fitim, 0 lekë”.

Lidhur me borxhin, kjo qeveri thotë ministri Ahmetaj ka bërë të kundërtën e asaj që drejtohej nga të djathtët.

“Ju e rritët borxhin. Ne jo vetëm që po ulim taksat, por po ulim dhe borxhin”.

Skeptikëve dhe kritikëve se panorama e ekonomisë në Shqipëri transmetohet vetëm në ngjyrën rozë, ministri Ahmetaj i thotë ta kenë realist vështrimin.

“Situata nuk është rozë. Situata është më mirë se çka qenë.”

Dhe këtë e tregojnë edhe shifrat e të punësuarëve nga një Janari i 2013-s.

“Janë mbi 200 mijë mendje, zemra, qytetarë, fytyra, familjarë që shkojnë në punë më shumë se në një Janar”.

Këto dhe lehtësira të tjera për sipërmarrësit, agroturizmin, hotelet me 5 yje, e bëjnë këtë paketë që nga fiskale të quhet paketë solidariteti. Fundja për këtë u votuan socialistët, tha ministri Ahmetaj./abcnews.al

arben-ahmetaj.jpg
G. P.15:47 | 06/07/2018

Ministri i Financave dhe Ekonomisë, Arben Ahmetaj, theksoi se goditja që i ka dhënë mbiçmimi i lekut buxhetit të shtetit, ka qenë rreth 3.6 miliardë lekë. Megjithatë ministri Ahmetaj sqaroi se po tregohen të kujdesshëm që të kenë shtrirje të gjerë në treg dhe menaxhim të kujdesshëm të borxhit.

Nuk ka asnjë dyshim ministri i Financave dhe Ekonomisë, Arben Ahmetaj, në rritjen ekonomike në vend.

“Për tremujorin e parë të 2018-s sipas INSTAT, Prodhimi i Brendshëm Bruto shënoi një rritje prej 4.45%, ku kontributin kryesor e dha energjia”.

Në veçanti të dhënat për eksportet tregojnë për një rritje prej 18.4%.

“Këtë kemi parë në muajt e fundit me gjithë lëvizjen në kursin e këmbimit eksportet janë rritur që do të thotë eksportet kanë rritur produktivitetin dhe kemi një rritje 7% te importeve. Edhe pse me gjithë goditjen që kanë marrë nga luhatjet e kursit të këmbimit”.

Ka vend edhe për të treguaj kujdes, sipas ministrit Ahmetaj dhe ky është menaxhimi i borxhit.

“E vetmja goditje në të ardhura është kursi i këmbimit që shkon në 3,6 miliardë lekë. Ne kemi bërë një analizë për nevojat e financimit dhe shtrirjes se nevojave ekonomike. Ne duam të kemi një shtrirje në treg po bëjmë një menaxhim borxhi të kujdesshëm. Unë besoj që ne kemi bërë shumë mirë që po skanojmë kontratat e koncesionit”.

Në konferencën për shtyp, ministri i Financave dhe Ekonomisë sqaroi  edhe vazhdimin e procedimit me taksën e pronës sipas të cilit në 1 Janar 2019 ka vetëm një metodologji dhe taksa vazhdon të mblidhet./abcnews.al

gjiknuri.jpg
G. P.11:36 | 16/06/2018

Në vijim të turit të llogaridhënies së qeverisë dy ministrat, ai i Infrastrukturës, Damian Gjiknuri dhe ministri i Financave, Arben Ahmetaj, gjatë diskutimit me banorë të zonës në Fier janë ndalur tek investimet e kryera, por edhe ato të pritshme në zonë.

Ministri i Infrastrukturës dhe Energjisë, Damian Gjiknuri, me atë të Financave dhe Ekonomisë, Arben Ahmetaj, gjatë takimit të llogaridhënies në Fier u ndalën tek investimet infrastrukturore të pritshme në qark.

Damian Gjiknuri: “U bë rrjeti 20 kv për pjesën më të madhe të qytetit. Nuk ka përfunduar ende dhe do të vazhdojë pjesa tjetër. Kjo erdhi për shkak të reformave. Këtu do të bëhet një nënstacion i ri elektrik shumë i rëndësishëm. Fieri do të jetë një nyje e rëndësishme energjetike sidomos me linjën që do bëhet Maqedoni-Elbasan-Fier. Pra do ketë një nënstacion dhe do kthehet në qendër të rëndësishme energjetike. Sëbashku me kryetarin e bashkisë po punojmë edhe për disa projekte të tjera sociale me TAP dhe njëkohësisht do nisë edhe një investim i ri të stacionit të kompresorëve të gazit nga ku mund të përfitojë Fieri në punësim, por edhe në gaz më vonë”.

Gjatë diskutimit, ministri Arben Ahmetaj u llogariti përfitimet ekonomike banorëve, të cilat sipas tij, kanë shtuar paranë në xhepin e qytetarëve.

Arben Ahmetaj: “Kur dëgjoni fjalën taksa progresive, secili nga ju asnjëherë nuk e mendon që nëpërmjet një lëvizjeje si ajo qytetarëve iu kthyen 540 milionë dollarë mbrapsht në shtëpitë e tyre. Ka sot, 630 mijë të punësuar që kanë të njëjtin efekt për shkak të taksës progresive. Ishte TVSH-ja 10 për qind dhe çdo i sëmurë, per një aspirinë, paguante gjithmonë 10 për qind më shumë. Po e di sa ishte ai 10 %? 15 milionë dollar në vit. Në katër vite 60 milionë dollar. Atyre njerëzve që kanë hall dhe që detyrohen të blejnë ilaçe, 60 milionë ua merrte Saliu me Lulin dhe i harxhonte për rrush e kumbulla. Sot, ne e hoqëm taksën e sëmundjes”.

Ahmetaj foli edhe për taksën e biznesit të vogël, të cilën deklaron se e kanë ulur në zero, duke përsëritur përgatitjen e ndryshimit të radhës nga ligjvënësi, për uljen në 5% të tatim-fitimit për bizneset që fitojnë deri në 14 milionë lekë./abcnews.al

arben-ahmetaj1.jpg
G. P.12:59 | 12/06/2018

Ministri i Financave dhe Ekonomisë, Arben Ahmetaj, i ka kërkuar drejtuesve të doganave nga i gjithë rajoni të bashkëpunojnë me institucionet ligjzbatuese të secilit shtet për të frenuar krimin ekonomik. Gjatë një takimi që u mbajt në Tiranë, ministri Ahmetaj vuri në dukje se kjo sfidë e re për vendin tonë nuk fitohet vetëm.

Krimi ekonomik nuk pengohet e as luftohet me burokraci dhe procedura letre. Ne duhet të jemi në gjendje të kalojmë këto pengesa mes nesh dhe të jemi një hap para me qasje proaktive sesa reaktive”.

Minsitri i Financave sjell në vëmendje studimin e Bankës Botërore, e cila akuzon administratën doganore se i ka shtuar kostot sipërmarrjes gati një mijë vjet, ndërsa kërkon prej tyre shpejtësi për lëvizjet tregare.

“Sfida për ne dhe për të gjitha këto vende është që kostoja kohore e përkthyer në patjetër në vlera monetare ta zerojë në të paktën 5 deri në 7 vitet që vijnë”.

Thellimi i bashkëpunimit mes vendeve të rajonit kërkohet në kuadër të procesit të Berlinit, ku vendet e Ballkanit Perëndimor kanë shprehur angazhimin për të ulur barrierat me qëllim krijimin e një tregu të përbashkët rajonal./abcnews.al

arben-ahmetaj12.jpg
G. P.13:34 | 11/06/2018

Papunësia në Shqipëri sipas Ministrit të Financave dhe Ekonomisë ka arritur nivelin rekord më të ulët në 27 vitet e fundit, duke zbritur në 12,5%. Po ashtu, Ahmetaj tha gjatë një deklarate për mediat se edhe papunësia tek të rinjte ka shënuar shifrën më të ulët.

Modeli ekonomik i nisur para pesë vitesh sipas ministrit të Financave dhe Ekonomisë Arben Ahmetaj po funksionon.

59.2% e shqiptarëve të aftë për punë tashme e kanë siguruar një vend pune.

Tre muajt e pare te vitit shkalla e punësimit u rrit me 4.9% krahasuar me një vit më pare ndersa niveli i papunësisë sipas Institutit te Statistikave shënoi rënien më të madhe historike, në vlerën 12.5%.

“Modeli i ri ekonomik, ai që ne nisëm së bashku në 2013-ën po funksionon. Pikë së pari rritje ekonomike me rritje punësimi, rritje ekonomike me ulje papunësie, rritje ekonomike me rritje të numrit të ndërmarrjeve, rritje ekonomike cilësore me rritje të fuqisë blerëse.”

Pesë muajt e parë të vitit janë hapur 26 mijë e 500 vende pune dhe janë punësuar 11 mijë persona.

“Vetëm në muajin Maj, janë shpallur 8 mijë e 442 vende të lira pune. Ndërkohë që janë realizuar 11 mijë e 88 punësime, pra ndërmjetësime nga Shërbimi Kombëtar i Punësimit në pesëmujor dhe vetëm në muajin Maj janë realizuar 3 mijë e 439 punësime me ndërmjetësim”.

Industria dhe shërbimet shënuan rritje me të madhe të punësimit, ndërsa krahasuar me tremujorin e fundit të 2017-ës, dega e industrisë pati një rënie të vendeve të punës me -1.1%./abcnews.al

taulant-balla123.jpg
G. P.12:20 | 10/06/2018

Vettingu është një nga kryereformat që ka ndërmarrë qeveria ka vënë në dukje kryetari i grupit parlamentar socialist, Taulant Balla, gjatë turit llogaridhënës në Bashkinë Elbasan. Shembull solli ish-kryeprokurorin Adriatik Llalla që sot sipas tij i është nënshtruar këtij procesi.

Një vit më parë askush nuk do ta mendonte që Prokurori i Përgjithshëm do të kalonte në sitën e Vettingut. Sot, ai dhe shumë të tjerë duhet të japin llogari për pasuritë e tyre e kush nuk e justifikon do të jetë një figurë më pak në sistemin e ri të drejtësisë.

Mesazhin, kryetari i grupit parlamentar të Partisë Socialiste ua dha banorëve të njësisë Administrative Shirgjan, Bashkia Elbasan.

Taulant Balla: “Një vit më parë, së bashku me Edi Ramën, u angazhuam në këtë vend për të çuar përpara Vettingun. Para një vit nuk e besonte kush që Prokurori i Përgjithshëm do të ishte subjekt i Vettingut dhe sot besoj e keni ndjekur që Vettingu po shkon në themelet e sistemit të vjetër të drejtësisë, për t’i shkulur nga themelet personat të cilët nuk e meritojnë, në asnjë moment, të jenë pjesë e sistemit të drejtësisë, e për të ngritur kështu një drejtësi të re e cilat të bazohet tërësisht në meritokraci dhetë bazohet tërësisht në drejtësi atij që i takon”.

Në turin llogaridhënës ishtë i pranishëm edhe Ministri i Financave, Arben Ahmetaj, sipas të cilit, për herë të parë në Shqipëri ka ndryshuar mënyra e qeverisjes dhe qytetarët kanë akses direkt dhe konkret në vendimmarrje.

Arben Ahmetaj: “Përveç Vettingut që sot po ndodh kryeministri ka premtuar një sërë masash dhe politikash të tjera, një pjesë e të cilave kanë filluar të zbatohen, një pjesë janë në rrugë e sipër. Por ajo që ka ndryshuar tërësisht është se në fushatë midis të tjerash kemi thënë dy gjëra: Ne bëjmë çfarë premtojmë dhe ne nuk vijmë vetëm në zgjedhje. Sot rikthehemi këtu, jo thjesht deputeti i zonës dhe kryetari i bashkisë, por e gjithë qeveria, e gjithë mazhoranca, që nga Kryetari Grupit Parlamentar, ministrat dhe Kryeministri, janë të gjithë në terren, në takime me popullin për të dhënë llogari.”

Me këmbënguljen e banorëve, por edhe të deputetit Taulant Balla dhe kryetarit të Bashkisë Elbasan, Qazim Sejdini, ministri Ahmetaj pranoi rëndësinë e financimit të rrugës Kuqan – Jagodinë – Bujqës – Muriqan./abcnews.al

arben-ahmetaj-2.jpg
G. P.19:31 | 07/06/2018

Ministri i Financave, Arben Ahmetaj, ka shkarkuar 13 inspektorë të kontributeve shoqërore në drejtoritë rajonale, si dhe një kryetar dege.

Gjatë takimit me drejtoritë rajonale të sigurimeve shoqërore, Ahmetaj ka njoftuar vendosjen e objektivave të matshëm të performancës për çdo inspektor, duke paralajmëruar largimin nga puna të inspektorëve që do të kenë performancën më të ulët.

Ahmetaj ka deklaruar se Instituti i Sigurimeve Shëndetësore duhet të kthehet në një institucion që arkëton të ardhura në favor të buxhetit të shtetit dhe se për rritjen e performacës do të zbatohet një metodologji e re pune – ndërlidhja online me sistemin e tatimeve për kontributet./abcnews.al

ahmetaj-dhe-gjiknuri.jpg
G. P.20:49 | 06/06/2018

Ministri i Ekonomisë dhe ai i Infrastrukturës garantojnë biznesin kosovar se përdoruesit e shpeshtë të Rrugës së Kombit do të paguajnë tarifa më të ulëta se të tjerët. Dy ministrat Ahmetaj dhe Gjiknuri zhvilluan një konsultim për këtë çështje me përfaqësues të Odës Ekonomike të Kosovës.

Ministri i Ekonomisë dhe ai i Infrastrukturës pritën të mërkurën një përfaqësi të biznesi të Odës Ekonomike të Kosovës për një diskutim konsultues para rivendosjes së tarifës së Rrugës së Kombit. Ministrat shqiptarë garantuan biznesmenët e Kosovës së për përdoruesit e shpeshtë, tarifa do të ishte më e ulët.

Damian Gjiknuri: Ne synojmë që për ata që janë udhëtarë të shpeshtë të kemi një zbritje dhe zbritja është duke u negocuar. Ne nuk do të bëjmë diskriminim tek bizneset. Nëse është bërë një përjashtim për qytetarët e Kukësit këto njihen dhe janë praktika në raport me komunitetet lokale për shkak të mungesës së rrugës alternative. Nuk do të krijohet një konkurencë e pandershme për shkak të kostove të shtuara të transportit dhe me biznesin do të jetë praktika e njëjtë, si për shqiptarët e Shqipërisë ashtu edhe për shqiptarët e Kosovës

Arben Ahmetaj: “Pra, për t’i dhënë një mundësi atyre qe e përdorin rrugën, pra sa më shumë e përdor rrugën me kalime për kamion le të themi, aq më shumë ke mundësi të ulësh çmimin”,

Sipas Gjiknurit dhe Ahmetajt, uljet e nivelit të tarifës i ngarkohen buxhetit të shtetit shqiptar.

Damian Gjiknuri: “ Rruga do minimalisht 7 milionë euro në vit për mirëmbajtje dhe do dalë kjo shumë, ose do paguajnë gjithë shqiptarët ose përdoruesit e rrugës dhe kjo është e vërteta. Nuk janë kosto të fshehura ato”.

Arben Ahmetaj : “Janë gati 48-50 milion euro që i merr përsipër Buxheti i Shtetit të Shqipërisë për periudhën e koncesionit vetëm nga këto ndryshime që po mendojmë të bëjmë. Imagjinojeni se sa më shumë makina, kamionë e makina biznesi që të jenë, aq më shumë do paguajë Buxheti i Shtetit. Lajmi i mirë është që ju nuk do paguani aq sa mendohej në kontratën e parë”.

Nga ana tyre, veç kërkesës për gjetjen e formave lehtësuese biznesmenët kosovarë i propozuan ministrave që rifillimi i zbatimit të tarifës së kalimit të mund spostohet në kohë pasi të kalojë sezoni i ardhshëm turistik./abcnews.al

arben-ahmetaj-kadastra-fiskale-1280x658.jpg
G. P.16:31 | 05/06/2018

Ministri i Financave dhe Ekonomisë, Arben Ahmetaj, i kërkon sipërmarrësve të dërgojnë mendimet dhe propozimet e tyre për paketën fiskale që pritet të miratohet në Kuvend këtë muaj dhe për ndryshimet e ligjeve fiskale dhe buxhetit gjatë vitit të ardhshëm.

Përmes një letre, Ahmetaj i fton të gjitha shoqatat e sipërmarrjeve që të ofrojnë mendimin e tyre për rregullime në këto ligje e për të konsultuar paqartësitë që kanë.

Në Qershor, qeveria pritet të ndryshojë pragun e xhiros për vendosjen e tatim-fitimit të biznesit 5%, nga 8 në 14 milion lekë. Do të përjashtojë nga TVSH-ja makineritë në energjinë e rinovueshme dhe do të ulë disa taksa për sektorin e bujqësisë dhe agroturizmin./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono