Arabia Saudite

vrasja-1.jpg
in a08:21 | 25/12/2019

Arabia Saudite dënoi me vdekje pesë persona për vrasjen e gazetarit saudit Jamal Khashoggi.

Khashoggi, një kritik i qeverisë Saudite, u vra brenda konsullatës së mbretërisë në qytetin turk të Stambollit nga një ekip agjentësh saudit.

Prokurori tha se Saud al-Qahtani, një ish-këshilltar mbretëror saudit ishte hetuar, por nuk u akuzua dhe u la i lirë.

Vrasja e Khashoggi shkaktoi krizën më të madhe diplomatike të Arabisë Saudite që nga sulmet e 11 shtatorit, pasi udhëheqësit botërorë dhe drejtuesit e biznesit kërkuan të distancohen nga Rijadi.

Ndërkohë Bashkimi Evropian ka kundërshtuar dënimin me vdekje, të shpallur nga gjykata saudite, ndaj të akuzuarve për vrasjen e gazetarit saudit, Jamal Khashoggi. Prokurori publik i Arabisë Saudite tha më 23 dhjetor, se pesë persona u dënuan me vdekje për vrasjen e Khashoggit.

“Bashkimi Evropian është pa mëdyshje kundër dënimit me vdekje gjithnjë dhe pa përjashtim”, tha zëdhënësi për politikën e Jashtme të BE-së, Peter Stano, përmes një deklarate.

Dënimi i njerëzve me vdekje është një “dënim mizor dhe çnjerëzor, i cili nuk arrin të veprojë si një parandalues dhe përfaqëson një mohim të papranueshëm të dinjitetit dhe integritetit njerëzor”, thuhet në deklaratë.

Shërbimet e inteligjencës amerikane arritën në përfundimin se Princi i Kurorës Saudite, Mohammed bin Salman, sundimtari de fakto i mbretërisë, urdhëroi vrasjen e gazetarit Khashoggi.

Gjithashtu BE-ja theksoi nevojën e ndjekjes penale për të gjithë ata që ishin të përfshirë në vrasje.

“Kjo duhet të bazohet në parimet e transparencës, respektimit të procedurave ligjore dhe procesit të duhur”, tha zëdhënësi Stano./abcnews.al

arabii.jpg
So Nila11:11 | 23/12/2019

Arabia Saudite ka dënuar me vdekje pesë persona për vrasjen e gazetarit saudit Jamal Khashoggi .

Khashoggi, një kritik i shquar i qeverisë Saudite, u vra brenda konsullatës së mbretërisë në qytetin turk të Stambollit nga një ekip agjentësh saudit.

Prokurori tha se Saud al-Qahtani, një ish-këshilltar mbretëror saudit ishte hetuar por nuk u akuzua dhe u la i lirë.

Vrasja e Khashoggi shkaktoi krizën më të madhe diplomatike të Arabisë Saudite që nga sulmet e 11 shtatorit, pasi udhëheqësit botërorë dhe drejtuesit e biznesit kërkuan të distancohen nga Rijadi.

CIA arriti në përfundimin se princi i vendit, Mohamed bin Salman, urdhëroi vrasjen e Khashoggi, sipas një raporti nga Washington Post. Princi ka mohuar përfshirjen, por tha në TV amerikan në shtator se ai mer “përgjegjësinë e plotë si një udhëheqës në Arabinë Saudite”.

Prokurori tha se edhe tre persona të tjerë në këtë rast ishin dënuar me 24 vite burg por të gjithë mund të apelojnë aktgjykimet./abcnews.al

image-5.jpg
in a15:12 | 22/11/2019

Lufta për sovranitet në botën islamike midis arabëve dhe Turqisë ka vazhduar për vite më radhë e vazhdon të jetë e njejtë dhe në ditët e sotme.

Në këtë luftë për sundim në botën myslimane, televizioni luan një rol të madh.

Të gjithë e mbajmë mend serialin e famshëm qe na mbertheu në ekranet shqiptare “Sulejmani i Madherishem”, tashmë televizioni arab do ta “risjellë” me titullin , “Mbretëria e Zjarrit “.

Ky serial ka si qëllim të rrëzojë gjithë historinë që ka treguar seriali turk, duke zbuluar krimet që shteti Osman ka bërë ndaj popullit arab.

“Mbretëria e Zjarrit” tregon një periudhë të trazuar historike, ku Sulejmani i Madhërishëm bën fushata kundër Mameluksit të Egjiptit për të siguruar kontrollin e Kalifatit pasi selia e Islamit në atë kohë ndodhej  në Kajro dhe në duart e Mamelukëve.

Seriali është realizuar me qëllim zbulimin e krimeve të ushtrisë osmane kundër muslimanëve arabë.

Kjo ka të bëjë me historinë, ose më saktë interpretimin e historisë ashtu siç e dëshirojnë arabët, përkundër interpretimit historik neo-otomanë të Tayip Erdogan.

“Mbretëria e Zjarrit “ është një nga projektet më të medha të realizuara dhe Arabia Saudite, Emiratet e Bashkuara Arabe dhe Egjipti kanë siguruar mbështetje financiare për projektin, i cili pritet të kushtojë rreth 40 milion dollarë.

Prodhimi është nga kanali MBC i Arabisë Saudite. Protagonisti që mishëron Princin Mameluk është një egjiptian. Regjisori është britaniku  Peter Weber, i njohur për filmat si: ” “Girl with a Pearl Earring”, “Hannibal Rising” and “Emperor”./abcnews.al

Lazio-1280x640.png
Igli Nikolli17:50 | 05/11/2019

Juventusi dhe Lazio do të përballen mes tyre për Superkupën e Italisë. Bardhezinjtë fituan titullin kampion sezonin e kaluar, të tetin rresht, ndërsa bardhekaltrit nga kryeqyteti triumfuan në finalen kundër Atalantës dhe fituan Kupën e Italisë për herë të shtatë në histori.

Finalja e këtij viti do të zhvillohet sërish në Arabinë Saudite. Edhe vjet u zhvillua në të njëjtin vend, por ndryshojnë vetëm qytetet.

“Zonja e Vjetër” mposhti 1-0 Milanin në Jeddah, ndërsa finalja e radhës do të luhet në Riad. Juventusi do të përballet për herë të tretë në shtatë vitet e fundit kundër Lazios për këtë trofe.

Bardhezinjtë fituan 4-0 finalen e vitit 2013, ndërsa lacialët ia dolën 3-2 në atë të vitit 2017. Finalja e këtij viti do të luhet me datë 22 dhjetor dhe ndeshja nis në orën 17:45. Bardhezinjtë nisen si favoritë, por ekipi i Inzaghit ka treguar se mund të befasojë dhe surprizojë. /abcnews.al

trankeri.jpg
Autor E11:10 | 11/10/2019

Një tanker nafte iranian është goditur me raketa teksa po lundronte në detin e Kuq duke shkaktuar zjarr të madh në të.

Ngjarja ndodhi gjatë orëve të natës, ndërkohë që ka risjellë tensionin në rajon për shkak të rivalitetit të fortës mes Arabisë Saudite dhe Iranit, të cilët po përballen ne disa zona lufte në mënyrë indirekte.

Më parë, disa tankera nafte ishin sulmuar në ngushticën e Hormuzit duke shkaktuar alarm në botë si edhe rritje të çmimit të naftës.

Mediat iraniane kanë njoftuar se stafi i tankerit iranian të qëlluar sot me raketa është shpëtuar dhe ndodhen në portin e Jeddah të Arabisë Saudite. /abcnews.al

ROUHANI-MACRON.mpg_snapshot_00.26-1280x718.jpg
ad min14:56 | 22/09/2019

Presidenti i Iranit, Hasan Rouhani ka deklaruar se do të prezantojë në Asamblenë e Përgjithshme të OKB-së një plan për paqen në Lindjen e Mesme. Rouhani ka nënvizuar se pjesë e planit do të jenë vetëm vendet e rajonit, pasi ndërhyrjet e huaja vetëm sa do të përkeqësonin situatën.

Presidenti iranian Hasan Rouhani do të prezantojë javën e ardhshme në Asamblenë e Përgjithshme të OKB-së një plan për vendosjen e paqes në Lindjen e Mesme. Përmes një deklarate për shtyp, Rouhani ka shprehur bindjen e tij se plani në fjalë do të vendosë sigurinë dhe do të shmangë konfliktet mes vendeve të Gjirit Persik.

“Këtë vit ne do t’i prezantojmë botës një plan të hartuar nga Republika Islamike e Iranit dhe vendet fqinje, që do të krijojë siguri në Gjirin Persik dhe atë të Omanit, vetëm me pjesëmarrjen e vendeve të rajonit”, ka deklaruar Rouhani.

Presidenti iranian nuk ka dhënë detaje të tjera, por ka shtuar se prania në rajon e forcave të huaja vetëm sa do të krijonte pasiguri për prodhimin e naftës dhe tregtinë në rrugë detare.

Lajmi për planin vjen në një kohë kur Arabia Saudite dhe Shtetet e Bashkuara akuzojnë Iranin se ka sulmuar impiantet saudite të naftës më 14 shtator, që ishte dhe sulmi më i madh i kryer deri më sot ndaj eksportuesit kryesor të arit të zi në botë.

Nga ana e tij, Irani e mohon përfshirjen në sulm, që u mor përsipër nga rebelët Huthi, një grup aleat me Iranin dhe që lufton kundër aleancës së udhëhequr nga sauditët në luftën e Jemenit. Ditën e premte, presidenti Donald Trump aprovoi dërgimin e trupave amerikane në Arabinë Saudite për të përforcuar sistemet ajrore të mbrojtjes./ABC News Albania 24/7

saudi.jpg
ad min18:33 | 18/09/2019

Arabia Saudite i ka mëshuar pistës iraniane në lidhje me sulmet ndaj impianteve të naftës të fundjavës së kaluar. Autoritetet mbretërore kanë publikuar një sërë provash që sipas tyre vërtetojnë përfshirjen e Republikës Islamike.

Ministria e Mbrojtjes në Arabinë Saudite ka treguar të mërkurën mbetjet e dronëve dhe raketave “Kruis” që u përdorën për të sulmuar impiantet e naftës, si provë për të konfirmuar përfshirjen e Iranit.

Ministria ka saktësuar se 18 dronë dhe 7 raketa “Kruis” sulmuan nga një drejtim që e përjashton përfshirjen e Jemenit, edhe pse rebelët Huthi të mbështetur nga Irani morën përsipër përgjegjësinë.

Nga ana e tij Teherani ka mohuar çdo përfshirje dhe ka paralajmëruar se do të reagojë ndaj çdo përgjigjeje ushtarake që mund të bëhet ndaj tij. Por për qeverinë saudite, mbetjet e publikuara janë një provë e pakundërshtueshme se sulmi është sponsorizuar nga Republika Islamike.

Zëdhënësi Turki al Maliki deklaroi se 18 dronë vepruan mbi impiantin e naftës në Abkaik, ndërsa 7 raketa “Kruis” u qëlluan ndaj fushës së naftës në Kurais, tre nga të cilat nuk e kapën objektivin.

Zëdhënësi i shoqëroi objektet e treguara me foto, video dhe harta që tregojnë sipas tij përgjegjësinë e Teheranit. Ai shtoi se bazat nga u nisën dronët dhe raketat nuk mund të thuhen ende, por me t’u identifikuar ato do të njoftohen në një konferencë tjetër./ABC News Albania 24/7

425B4FD5-416A-455D-AA1D-63695C14720E_w1023_r1_s.jpg
ent ela09:00 | 16/09/2019

Bashkimi Evropian tha sot se ka “një kërcënim real në sigurinë e rajonit” të Lindjes së Mesme, pas sulmeve ndaj ndërtesave të përpunimit të naftës në Arabinë Saudite.

Sulmet e djeshme me dronë në dy ndërtesat e naftës të kompanisë Armaco në Arabinë Saudite, paraqesin rrezik real për sigurinë rajonale”, thuhet në deklaratën e zëdhënëses së shefes së BE-së për Politikë të Jashtme, Federica Mogherini.

“Në këtë kohë, kur tensionet janë të larta në rajon, ky sulm minon punën që po vazhdon për uljen e tensioneve dhe dialogun”, thuhet në deklaratë, ku bëhet thirrje për “përmbajtje” me qëllim që të mos përshkallëzohet më shumë situata.

Rebelët jemenas Huthi, që mbështeten nga Irani morën përgjegjësinë për sulmet e së shtunës.

Por, Sekretari amerikan i Shtetit, Mike Pompeo tha se pas këtyre sulmeve qëndron Irani. Zyrtarët iranian kanë mohuar çdo përfshirje në këto sulme. /REL

MBLIM-ARABIA-SAUDITE.mpg_snapshot_00.06-1280x720.jpg
ent ela10:00 | 15/09/2019

Shtetet e Bashkuara kanë fajësuar Iranin për sulmet me dronë ndaj impianteve saudite të naftës. Dy atentatet kanë bërë që prodhimi i arit të zi në Arabinë Saudite të tkurret me 5.7 milionë fuçi, thuajse gjysma e prodhimit ditor në mbretërinë saudite.

Sekretari amerikan i Shtetit, Majk Pompeo ka fajësuar Iranin për sulmet me dronë ndaj impianteve saudite të naftës. Pompeo ka hedhur poshtë zërat se sulmi ndaj dy impianteve ishte bërë nga rebelët jemenas të etnisë Huthi. Në një postim në rrjetin social Twitter, Pompeo tha se nuk ka asnjë provë që dronët të kenë ardhur nga Jemeni. Ai e cilësoi sulmin një “agresion të papreçedent ndaj furnizimit me energji të të gjithë botës” dhe u bëri thirrje të gjitha vendeve që ta dënojnë këtë sjellje të Iranit. Ndërkohë, ministri saudit i Energjisë deklaroi se sulmet kishin reduktuar prodhimin e naftës me 5.7 milionë fuçi në ditë, thuajse gjysma e prodhimit të mbretërisë saudite. Korrespondentët e mediave ndërkombëtare shkruajnë se ngjarja mund të ketë një impakt të fortë në çmimet e naftës nëpër botë. Sulmet ndodhën i pari në Abkaik, pjesë e kompleksit më të madh të procesimit të naftës në Aramko; ndërsa i dyti në fushën e naftës Khurais. Sulmet vijnë në një kohë kur sauditët udhëheqin një koalicion ushtarak të favorizuar nga Perëndimi në mbështetje të qeverisë në Jemen dhe kundër rebelëve Huthi. Gjithashtu ato ndodhën në një periudhë tensionesh të vazhdueshme mes Shteteve të Bashkuara dhe Iranit, pas braktisjes që presidenti Donald Trump i bëri marrëveshjes bërthamore të vitit 2015 dhe rivendosi sanksionet ndaj Republikës Islamike. Nga Shtëpia e Bardhë mësohet se presidenti Donald Trump i ka ofruar ndihmë Arabisë Saudite.

/ABC news Albania 24/7

190618073225-soldados-estadounidenses-full-169.jpg
nev ila11:40 | 20/07/2019

 

Në një bisedë telefinike me presidentin francez Emanuel Makron, kreu i shtëpisë së Bardhë Donald Trump paralajmëroi Iranin që të mos bënte asnjë gabim pasi do e paguante shumë shtrenjtë. Deklarata vjen pas përshkallëzimit të tensioneve në Gjirin Persik.

Përshkallëzohen tensioned në Gjirin Persik pas sekuestrimit të një naftëmbajtëse britanike në ngushticën e Hormuz. Arabia Saudite deklaron ndërkohë se do të presë në territorin e saj ushtarë amerikanë. Një burim zyrtar i ministrisë saudite të mbrojtjes konfirmpi se Mbreti Salman pranoi të mirëpresë forcat amerikane për të mbrojtur sigurinë dhe qëndrueshmërinë në rajon. Bëhet fjalë për rreth 500 ushtarë amerikanë.

Tensionet u rritën sërish në Gjirin Persik pas vendimit të Rojeve të Revolucionit Iranian për të sekuestruar naftëmbajtësen britanike me 23 personanë bord në ngushticën e Hormuz.

Naftëmbajtësja sipas pasdaranëve, nuk kishte respektuar kodin ndërkombëtar dhe sekuestrimi u bë pas kërkesës së autoriteteve të portit dhe marinës në provincën e Hormozgan. Sipas tyre naftëmbajtësja kishte fikur lokalizuesin dhe kishte lundruar duke kaluar nga dalja dhe jo hyrja e ngushticës duke injoruar paralajmërimet.

Mbrëmjen e së premtes u përhap lajmi për një sekuestrim të dytë, kësaj here  të një naftëmbajtëse liberiane e cila do të shkarkonte naftë në Arabi Saudite. Por sipas mediave iraniane anija pas një kontrolli rifilloi lundrimin duke u larguar nga brigjet iraniane.

Asnjë qytetar britanik nuk rezultoi të ishte në bordin e dy naftëmbajtësve sipas ministrit të jashtëm britanik Xheremi Hant. Ekuipazhet përfshinin persona të kombësive të ndryshme, por asnjë prej tyre nuk është britanik.

Presidenti amerikan Donald Tramp foli për Iranin në një bisedë telefonike me homologun francez Emanuel Makron dhe paralajmëroi Teheranin që të mos bënte asnjë gabim, përndryshe do të paguante një cmim të lartë si askush tjetër më parë.

Kreu i shtëpisë së bardhë shpjegoi më pas se amrikanët kanë shumë anije, anije lufte, por jo shumë naftëmbajtëse në ngushticën e Hormuz dhe në rajonin e Gjirit. Presidenti amerikan autorizoi senatorin republican të Kentakir Rand Paul që të niste negociatat me Iranin.

Më pas ai paralajmëroi se Shtetet e Bashkuara të Amerikës do të flasin me Londrën duke denoncuar përshkallëzimin e dhunës nga ana e Iranit./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono