Apple

spiunazh.png
G. P.23:40 | 04/10/2018

Kompanitë më prestigjoze të teknologjisë në Shtetet e Bashkuara, mes të cilave Apple dhe Amazon kanë rënë viktima të sulmeve kibernetike. Duke publikuar rezultatet e një investigimi, agjencia “Bloomberg” ka bërë me dije se spiunazhi kinez ka depërtuar në rrjetet e mbi 30 kompanive.

Apple dhe Amazon janë mes shumë kompanive dhe agjencive amerikane të cilave u janë vjedhur të dhënat nga shërbimet kineze të spiunazhit. Sipas agjencisë së lajmeve “Bloomberg”, të dhënat janë transmetuar përmes qarqeve të vogla elektronike të vendosura në qarqet mëmë të kompanive.

Sipas “Bloomberg”, serverat janë kompromentuar gjatë punës fizike dhe qarqet janë vënë në punë menjëherë sapo ata janë ndezur.

Vetë gjigandët e teknologjisë e kanë mohuar lajmin, por agjencia e lajmeve insiston në investigimin e saj njëvjeçar, gjatë të cilit ka gjetur prova për një sulm kibernetik në masë të madhe, që i ka mundësuar Pekinit aksesin në 30 kompani dhe institucione federale amerikane.

Sipas investigimit, të dhënat e para për një vjedhje kibernetike kanë dalë gjatë testit të sigurisë së kryer nga Amazon në vitin 2015, përpara se të kishte filluar përdorimin e serverave të një kompanie amerikane, por të prodhuar në Kinë.

Konstatimi bëri që agjencitë amerikane të inteligjencës të nisnin një hetim sekret, përmes të cilit është zbuluar se depërtimi kinez kishte arritur bazat e të dhënave të Pentagonit, sistemet elektronike të luftanijeve dhe në të dhënat e mbledhura nga dronët e CIA-s.

“Bloomberg” nënvizon më tej se, Pekini ka të gjitha mundësitë për të bërë një sulm të tillë sepse 90 për qind e kompjuterëve në mbarë botën prodhohen në Kinë./abcnews.al

iphone-1-1.jpg
ent ela22:26 | 17/09/2018

Apple ka përditësuar iPhone X me 3 modele të reja, dy prej të cilëve janë me ekrane më të mëdhenj se 6 inç.

iPhone XS Max është më i madhi, me ekran 6.5 inç. iPhone XS ka të njëjtët elementë me të, ndërsa madhësi ekrani prej 5.8 inç. Ndërkohë që ekrani i iPhone XR, versionit më të lirë, është 6.1 inç.

Një orë e re ‘smart’ u prezantua gjithashtu me funksionin e shtuar të kapjes në kohë të problemeve të rënda shëndetësore, shkruan BBC.

Vjet në këtë kohë, kishte shqetësime se çmimi i lartë fillestar prej 999 paund për iPhone X do të kufizonte blerësit e tij.

Por Apple tha kishte provuar vazhdimisht se iPhone X ka qenë më i kërkuar se modelet e iPhone 8 me çmim më të ulët. Kompanitë e studimit të tregut gjithashtu pohuan se shitja e tij ka qenë më e madhe se ajo e pajisjeve të reja nga kompanitë rivale të Apple.

Kjo ndihmoi Apple të bëhet kompania e parë në botë me një kapitalizim tregu mbi 1 trilion dollarë.

Megjithatë, Huawei i Kinës e arriti atë në aspektin e tregut të përgjithshëm të smartfonëve në tremujorin nga Prilli deri në Qershor, duke e nxjerrë Apple në vendin e tretë.

XS Max do të bëhet telefoni më i shtrenjtë që Apple ka shitur deri tani, me çmimin që varion nga 1 099 paund në 1 449 paund.

XS do të përputhet me koston origjinale të iPhone X, 999 paund deri në 1 349 paund, ndërsa çmimi i XR do të jetë 749-899 paund.

Megjithatë, Apple nuk ka përfshirë kufjet kështu që përdoruesit duhet të paguajnë një tarifë shtesë prej 9 paund.

3D-Touch-The-Most-Recent-Functionality-from-Apple-For-iPhone-6S-and-6S-Plus_12.jpg
G. P.16:12 | 28/08/2018

Në vitin 2015, kompania Apple bëri bujë kur shpalli se opsioni me prekje 3D do të ishte i pranishëm në Iphon-at e atëhershëm. Tashmë, disa lançime teknologjike më vonë, kompania ka deklaruar se kjo prurje revolucionuese e ekraneve nuk do të jetë pjesë e krijimeve të tyre.

Analisti i mirënjohur në fushën invovative Blayne Curtis, bëri publik këtë fakt duke thënë se në ditët e sotme është mëse e kuptueshme që, nga viti tjetër këto lloje ekranesh të mos jenë më në përdorim. Prekja 3D është një shtojcë me ndjeshmëri në shtypje e paraqitur nga kompania Apple në vitin 2015, për aparatët iPhone 6 dhe iPhone 6s Plus. Kjo lloj veçorie përdor disa sensorë të veçantë, të cilët masin e lëvizje të shumta bazuar nga prekja e një personi dhe reagon ndryshe në varësi të trysnisë me të cilën realizohet kjo prekje.

Prekja 3D ishte risia teknologjike më e shitur e iPhon-ëve 6, prandaj do të ishte një humbje e madhe për kompaninë. Gjithashtu do të shkaktonte një humbje të madhe resursesh. Deri tani, ky lloj shërbimi nuk ka arritur të mbetet në trend tek blerësit. Madje disa nga ata as që janë në dijeni që e kanë të pranishëm këtë opsion. Edhe përdoruesit më seriozë të këtyre celularëve duket se nuk e kanë adaptuar ashtu siç pritej. Përdorim të tij gjejmë akoma dendur vetëm në orat e dorës Apple, ndërkohë që nuk është akoma i pranishëm nëpër iPads.

Megjithatë, është akoma herët për të folur për një dështim të mundshëm, pasi ky fakt mbetet ende në stad thashethemesh. Kjo gjë mbetet për tu parë të paktën deri në mesin e muajt Shtator, kur do të lançohet versioni i ri i iPhone. Aty do të kemi mundësi të konfirmojmë nëse Apple ka vendosur të bëjë shërbime të reja duke e mbajtur prekjen 3D, apo e ka hequr qafe pa i shkaktuar ende humbje kompanisë.

Sipas të tjera thashethemeve, asnjë nga iPhonat e ardhshëm nuk do e ketë të pranishëm objektin “Apple Pencil”. Edhe pse ekrane më të mëdhenj pritet të hidhen në treg, lapsi Apple nuk është pritur mirë nga njerëzit duke e bërë përdorimin e aparatëve të bezdisshëm. Gjithashtu, sipas analistit Barclay, vitin tjetër pritet një çmim më i lirë për produktet HomePod dhe kufjet AirPod./abcnews.al

Apple-2-1-1280x853.jpg
G. P.20:53 | 02/08/2018

Me një rritje intensive të aksioneve të saj në bursë, “Apple” është kthyer në kompaninë e parë amerikane që arrin vlerën e 1 trilion dollarëve, duke u bërë kështu grupi numër 1 në tregjet financiare.

“Apple” është bërë kompania e parë në Shtetet e Bashkuara me një vlerë prej 1 trilion dollarë. Mesditën e së enjtes në bursën e Nju Jorkut, prodhuesi i iPhone-ve dhe iPad-ëve ka regjistruar një rritje me 207 dollarë të aksioneve të tij. Aksionet e kompanisë janë rritur me 9 për qind që prej së martës, kur bordi i saj raportoi një rritje të të ardhurave përtej parashikimeve për tremujorin mars-prill-maj.

Që kur hyri për herë të parë në tregjet financiare, në vitin 1980, vlera e “Apple” është rritur me mbi 50 mijë për qind. Ndërsa që kur iPhone i parë doli në shitje në vitin 2007, aksionet e saj janë ngjitur me 1 mijë e 100 për qind dhe me një të tretën e kësaj kuote në 12 muajt e fundit. “Apple” mori jetë në garazhin e Steve Jobs në vitin 1976 dhe fillimisht u bë e njohur për kompjuterët personale “Mac”, për të vijuar më pas me telefonin e parë smart që i hapi rrugën ekonomisë së aplikacioneve. Jobs, të cilit i njihet merita për ndryshimin e mënyrës së komunikimit shoqëror dhe praktikave të të bërit biznes, ndërroi jetë në vitin 2011 dhe u zëvendësua nga Tim Cook.

Me të marrë drejtimin, Cook ka dyfishuar fitimet e kompanisë, ndërsa po përpiqet të zhvillojë një produkt të ri për të alternuar ndikimin e iPhone-it në shoqëri, për shkak se në vitet e fundit ka pësuar një rënie të shitjeve./abcnews.al

tech-companies-resources-950x700.jpg
G. P.15:38 | 02/08/2018

Teknologjia në ditët e sotmë ecën më hapa galopante drejt zhvillimit dhe ndërveprimit me jetën tonë të përditshme. Kompanitë më gjigande të cilat ofrojnë këto shërbime, kanë rritur vlerën e tyre në stratosferë duke e penetruar ndikimin ne mënyrë te padiskutueshmë tek të gjithë kategoritë e njerëzve. Po cilat janë disa nga ndërmarrjet më të mëdha dhe fitimprurëse në fushën e teknologjisë?

-Apple
Kjo kompani legjendare mbetet pa diskutim më e dallueshmja në çdo lloj forme të saj. E themeluar në vitet ’70 Apple lançoi rrjeti e saj të kompjuterave dhe shpikjen e telefonave më të suksesshëm të të gjitha kohërave: iPhone.

-Amazon
Amazon.com mbetet shitësi më i madh online në ditët e sotme. Fillesat e saj i pati në një garazh të thjeshtë të një shtëpie përdhese, derisa u vendos që të ofronte shërbimet e saj nëpërmjet internetit. Kështu u bë funizuese nëpër të gjithë e botën me materiale nga më të larmishmet.

-Facebook
Një ndër rrjetet sociale më të përdorshëm në përditshmërinë e gjithsecilit, Facebook tashmë ka pushtuar realitetin dhe privatësinë tonë duke u kthyer në një nga mediat më të nevojshme dhe argëtuese.

-Microsoft
Gjigandi kompjuterik Microsoft u themelua nga Bill Gates në vitet ’70 ne Meksikë. U deshën 10 vitë për ti sjellë plotësisht në jetë idetë e tij. Tashmë Microsoft është emri më dominues në botën teknologjike.

-Netflix
Nisi fillimisht si një ide për të shitur DVD online dhe më vonë u bë dominuese nëpër të gjithë globin. Netflix ka përthithur më shpejtësi vëmendjen e konsumatorëve të saj dukë bërë që përdorimi i medias të shihet në dimensione të tjera. Tashmë shumë prej filmave dhe serialeve në TV, prodhohen dhe publikohen ekskluzivisht për rrjetin Netflix./abcnews.al

personat.jpg
G. P.19:54 | 26/03/2018

Në përpjekje që të përfaqësojë më mirë një gamë më të gjërë njerëzish, Apple ka propozuar disa emoji të rinj.

Me këto lloj emoji-sh, gjigandi telefonik synon që të përfaqësojë eedhe personat me aftësi të kufizuara.

Për të arritur në krijimin e këtyre nëntë emoji-ve, Apple bashkëpunoi me disa shoqata për të verbërit, të shurdhët dhe invalidët.

Ata kanë krijuar emoji me qen udhëzues, vesh me aparat ndihmës për dëgjim dhe persona me karrige me rrota.

Është propozuar gjithashtu, që për çdo karakter të ketë një version mashkull dhe një femër.

Mbledhja e komitetit, që vendos për miratimin e emoji-ve, do të mbahet muajin e ardhshëm./abcnews.al

applej.jpg
G. P.22:24 | 15/03/2018

Nuk ka shumë që Apple lëshoi në treg iPhone X, por mesa duket ka planifikuar projektin e ri për iPhone-in e radhës.

Në një video të shfaqur nga EverythingApplePro janë zbuluar tre modelet e ardhshme të gjigandëve të telefonëve.

Kështu që, një nga modelet e rinj pritet të jetë me ekran të madh, një tjetër i ngjashëm me iPhone X dhe një model tjetër më i vogël dhe që pritet të kushtojë më lirë.

Sipas informacioneve, modelet e reja do të kenë bateri më të mëdha. Apple do të zbulojë zyrtarisht se si do të duken iPhone-t e rinj në një konferencë në Shtator./abcnews.al

dyqani.jpg
G. P.18:52 | 06/03/2018

Një dyqan që merret me shitjen e pasjisjeve Apple u detyrua të mbyllej, pasi një turmë prej rreth 11.000 personave i ishte drejtuar biznesit.
Në fakt, dyqani Switch në Malajzi kishte vendosur një reklamë, ku thuhej se shiteshin disa produkte të ngelura, mes të cilave edhe iPhone 5S deri në iPhone 7.
Çmimet e shitjeve varionin nga 18 deri në 270 paund.
Fansat e Apple filluan të krijoni radhë të gjata 19 orë përpara se të nisnin shitjet.
Radhët vijonin nga dera e dyqanit deri në vendin e parkimit./abcnews.al

bmndzutgoqifoc8amymh.jpg
ent ela14:40 | 26/02/2018

Kompania Apple është detyruar që të dorëzohet përpara presionit të Kinës lidhur me të dhënat e përdoruesve në territorin e këtij shteti. Organizatat për Lirinë e Shprehjes dyshojnë se kjo është një lëvizje e qeverisë së Pekinit për të përndjekur disidentët.

Apple dorëzohet para Kinës: kompania e njohur e teknologjisë në fund të muajit do t’i dorëzojë qeverisë të dhënat e përdoruesve kinezë që përdorin shërbimin iCloud. Ky zhvillim përcaktohet në ligjet lokale për nevojën e informimit lidhur me sigurinë kibernetike. Në bazë të tij, komapnia Kaliforniane është e detyruar të transferojë të dhënat që mban në serverat amerikanë dhe në server të tjerë që gjenden në Republikën Popullore të Kinës.

Apple nuk mund të veprojë ndryshe nëse dëshiron që të operojë në tregun më të rëndësishëm botëror. Megjithatë vendimi i fundit ka ngritur shqetësimet e aktivistëve dhe shoqatave që merren me të drejtat e njeriut. Ata dyshojnë se kjo është një nismë e qeverisë së Kinës për të përgjuar disidentët.

Ndërkohë, dy javë më parë, Observatori Ndërkombëtar për Lirinë e Shtypit i kanë bërë thirrje gazetarëve dhe blogerve që gjenden në Kinë që të mos përdorin sismetin e Apple, “iCloud”. Sipas organizatës kjo është një masë që do të pengonte qeverinë e Pekinit të zbulojë të dhëna lidhur me jetën e tyre. /abcnews.al

apple-park.png
G. P.11:58 | 18/02/2018

Edhe pse jo plotësisht, Apple ka hapur zyrat e reja në Kaliforni në një ndertesë të mahnitshme.

Zyrat e reja të gjigandit teknologjik, e quajtur “Apple Park”, është kthyer në një tërheqje arkitekturore për të gjithë që në momentin që u zbulua projekti.

Por edhe kjo ndërtesë e madhe ka një problem.

E ndërtuar në formë rrethore, “Apple Park” është e konceptuar e tëra me xham.

Punonjësit e kompanisë kanë raportuar se kanë ecur mbi panelet e qelqit, por sipas Marketwatch, të paktën dy punonjës janë plagosur, duke u prerë.

Nuk është akoma e qartë sesa incidente kanë ndodhur që nga transferimi te zyrat e reja, por mësohet se të paktën shtatë persona të stafit janë dëmtuar sapo janë zhvendosur atje.

“Apple Park” ndodhet në Cupertino, Kaliforni dhe do të jetë shtëpia e 12.000 punonjësve të Apple./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono