apolonia

apolonia-2-1280x853.jpg
Vladimir Prenga16:00 | 23/02/2020

Pogradeci ka kapur Apoloninë në krye, pasi ka mundur me rezultatin 0-2 skuadrën e Besës. Liqenorët shënuan në pjesën e dytë golat vendimtarë. Fillimisht realizoi Alillari, për t’i lënë radhën Shytit. Ngec Lushnja në Cërrik, pasi ka barazuar me rezultatin 0-0 dhe nuk ka përfituar dot që t’i afrohej kreut të klasifikimit.

Ndeshja kryesore e kësaj jave u zhvillua në “Loni Papuçiu”, ku Apolonia nuk ia doli të fitonte kundër skuadrës së Devollit. Eyoh me penallti nuk shënoi dot, ndërkohë që miqtë nga Bilishti befasuan me anë të sulmuesit Saimir Hasani. Pjesa e dytë nisi me gol, teksa Mario Gjata ndëshkoi Devollin dhe i barazoi shifrat.  Apolonia deri në fund sulmoi për të realizuar golin e fitores, por pa ia dalë dot.

Oriku ka fituar ditën e sotme, duke mbajtur të hapur shpresat për t’u renditur në katërshen e parë. Vlonjatët mposhtën Shënkollin në transfertë dhe vendimtar ishte Kuqi, me golin e shënuar në portën e skuadrës lushnjare.

Elbasani ka befasuar Ilirinë e Fushë-Krujës, pasi i ka mundur këta të fundit falë një goli të shënuar nga Balla që në minutën e dytë. Verdheblutë marrin një fitore shprese për mbijetesën, pasi janë katër skuadra që kanë një diferencë të vogël. /abcnews.al

KATEGORIA E PARË – JAVA 17 (GRUPI B)
E diel, më 23 shkurt 2020, ora 14:00

Apolonia-Devolli 1-1
Shënues:
Gjata 46′ / Hasani 42′
Shënkolli-Oriku 0-1
Shënues:
Kuqi 12′
Iliria-Elbasani 0-1
Shënues:
Balla 2′
Turbina-Lushnja 0-0
Besa-Pogradeci 0-2
Shënues:
Alillari 53′, Shyti 60′

Renditja në grupin B, Kategoria e Parë
apolonia-1.jpg
Vladimir Prenga16:42 | 16/02/2020

Besëlidhja i kundërpërgjigjet Kastriotit, që një ditë më parë mposhti skuadrën e Dinamos. Lezhjanët morën një fitore shumë të vlefshme me Burrelin, me shifrat 2-1. Ndeshja u zhbllokua shumë vonë, në minutën e 70-të dhe në fund u vendos me një penallti.

Koleci për Besëlidhjen shënoi golin e parë, kurse matjanët u kundërpërgjigjen me Popajn. Lezhjanët u vunë në lëvizje dhe në të 86′ me penallti shënoi Dordevic, i cili i dha fitoren skuadrës së drejtuar nga Elvis Plori.

Në grupin B luhej një tjetër takim i rëndësishëm. Apolonia kryesuese ia ka dalë të fitojë kundër Besës, me shifrat 2-3. Fierakët shënuan dy gol atë shpejtë me Krasniqin dhe Zogën, ndërkohë që Onuh u kundërpërgjigj. Gjithsesi Gjata në fund pjesës së parë realizoi edhe golin e tretë.

Dhjetë minuta nga fundi Cardoso rihapi takimin me golin e shënuar, por Besa nuk ia doli dot të barazonte dhe fierakët morën pikët e plota, duke ruajtur vendin e parë. /abcnews.al

KATEGORIA E PARË – JAVA 16
E diel, më 16 shkurt, ora 14:00

Besëlidhja-Burreli 2-1
Shënues:
Koleci 70′, Dordevic 86′ (pen.) / Popaj 79′

Besa-Apolonia 2-3
Shënues:
Onuh 31′, Cardoso 79′ / Krasniqi 4′, Zoga 23′, Gjata 45′

apolonia-1280x960.jpg
Vladimir Prenga15:55 | 08/02/2020

Lushnja merr vendin e dytë, pasi mposhti Elbasanin e vendit të fundit me rezultatin e pastër 3-0. Magani ishte ai që hapi takimin, kurse fatet e kësaj përballjeje i “vulosi” Branica me golin e dytë. Në fund Ferhati realizoi edhe një autogol në portën e Elbasanit. Fitore e rëndësishme për Besën, që ia ka dalë në një transfertë të vështirë me Shënkollin. Braziliani Gonzalez i dha fitoren kavajasve. E vetmja ndeshje pa gola ishte ajo e luajtur në Cërrik, mes Turbinës dhe Orikut.

GOLEADA – Devolli shënoi që në fillim me Da Motta me penallti, ndërkohë që me nisjen e pjesës së dytë Rapo realizoi sërish për skuadrën nga Bilishti. Skuadra vendase ka reaguar menjëherë, duke shënuar fillimisht me Xhymertin golin që hapi takimin.

Më pas kapiteni Ledio Doçi ka realizuar edhe dy herë të tjera për tre minuta. Iliria e ka parë veten në epërsi për disa minuta, pasi Hasani për Devollin i çoi shifrat në 3-3.

FITORJA E FIERAKËVE – Apolonia ia ka dalë të fitojë në shtëpi me Pogradecin (ndeshja nisi ne orën 13:00) në një ndeshje shumë të luftuar. Fierakët triumfuan me rezultatin 2-0 dhe me këto tre pikë marrin vendin e parë. Skuadra e drejtuar nga Artan Mërgjyshi gjeti epërsinë që në pjesën e parë.

Aleksandros Zaimaj shënoi me penallti pas 21 minutash lojë dhe tentoi të shënonte edhe golin e dytë, Ai erdhi vetëm në minutat shtesë, kur Mario Gjata mposhti sërish portierin kundërshtar dhe bëri që stadiumi “Loni Papuçiu” të shpërthente në festë. /abcnews.al

GRUPI B
Iliria-Devolli 3-3
Shënues:
Xhymerti 51′, Doçi 57′, 60′ / Da Motta 11′ (pen.), Rapo 49′, Hasani 67′
Turbina-Oriku 0-0
Lushnja-Elbasani 3-0
Shënues:
Magani 52′, Branica 71′, Ferhati 90′ (aut.)
Shënkolli-Besa 0-1

apolonia-1280x960.jpg
Vladimir Prenga14:58 | 08/02/2020

Apolonia ia ka dalë të fitojë në shtëpi me Pogradecin, në një ndeshje shumë të luftuar. Fierakët triumfuan me rezultatin 2-0 dhe me këto tre pikë marrin vendin e parë. Skuadra e drejtuar nga Artan Mërgjyshi gjeti epërsinë që në pjesën e parë.

Aleksandros Zaimaj shënoi me penallti pas 21 minutash lojë dhe tentoi të shënonte edhe golin e dytë, Ai erdhi vetëm në minutat shtesë, kur Mario Gjata mposhti sërish portierin kundërshtar dhe bëri që stadiumi “Loni Papuçiu” të shpërthente në festë.

PJESËT E PARA – Takimet e tjera kanë nisur prej orës 14:00 dhe tashmë kanë mbaruar pjesët e para. Në Burrel Kastrioti ia ka dalë të shënojë që në minutën e dytë me anë të mesfushorit Mehmeti dhe e ka mbyllur në epërsi pjesën e parë.

Tërbuni po fiton në shtëpi me Veleçikun, falë golave të Zhivanajt dhe Dushkut. Në Shijak nuk ka akoma gol në sfidën mes Erzenit dhe Egnatias. Në grupin B ka gol vetëm në takimin Iliria-Devolli, me miqtë që kanë realizuar me penallti përmes brazilianit Da Motta. /abcnews.al

KATEGORIA E PARË – JAVA 15

GRUPI A
Burreli-Kastrioti 0-1
Shënues: Mehmeti 2′
Tërbuni-Veleçiku 2-0
Shënues: Zhivanaj 22′, Dushku 33′
Erzeni-Egnatia 0-0

GRUPI B
Iliria-Devolli 0-1
Shënues:
Da Motta 11′ (pen.)
Turbina-Oriku 0-0
Lushnja-Elbasani 0-0
Shënkolli-Besa 0-0
*Apolonia-Pogradeci 2-0
Shënues:
Zaimaj 21′ (pen.), Gjata 94′
*Ky takim ka nisur prej orës 13:00

apolonia-shenkolli-1280x960.jpg
Vladimir Prenga08:43 | 08/02/2020

Apolonia-Pogradeci është ndeshja e ditës në Kategorinë e Parë. Dy skuadra e kreut në grupin B do të përballen mes tyre prej orës 13:00, një ndeshje që edhe do të transmetohet në RTSH. Fierakët kanë mundësinë të dalin në krye, por për të mposhtur liqenorët do të duhet të djersijnë fort.

Lushnja e vendit të tretë do dëshironte një barazim mes dy skuadra të kreut dhe të përfitonte. Verdhejeshilët kanë një takim të lehtë në program, teksa presin Elbasanin e vendit të fundit. Turbina-Oriku, Iliria-Devolli dhe Shënkolli -Besa janë tre takimet e tjera të këtij grupi.

 

Takimet e javës së 15-të, grupi B

Në grupin A, Besëlidhja është pushim për shkak se Shkumbini është përjashtuar dhe Kastrioti do tentojë ta çojë në shtatë pikë diferencën me lezhjanët. Kjo do të ndodhë nëse skuadra e drejtuar nga Ramadan Ndreu do të triumfojë në Burrel, kundër një skuadre që falë disa rezultateve pozitive radhazi është ngjitur në vendin e tretë.

Interesant takimi mes Tërbunit dhe Veleçikut sot, sikurse edhe ai që përball Erzenin dhe Eganatian. Skuadra fqinje, që kërkojnë të marrin maksimumin e pikëve dhe të realizojnë objektivat e tyre, që nuk janë madhore në fakt. /abcnews.al

 

Takimet e javës së 15-të, grupi A
apolonia-shenkolli-1280x960.jpg
Vladimir Prenga15:52 | 02/02/2020

Festojnë Apolonia dhe Dinamo. Fierakët ia kanë dalë të fitojnë në shtëpi me Shënkollin, madje me rezultatin e thellë 5-1. Skuadra e drejtuar nga Artan Mergjyshi i mbylli llogaritë që në pjesën e parë, kur shënoi tre gola.

Gjata dhe Zaimaj realizuan për pesë minuta dhe i dhanë qetësinë e duhur Apolonisë, që në fundin e fraksionit të parë të lojës shënoi edhe golin e tretë me Mehmetin. Dhjetë minuta nga nisja e pjesës së dytë Danaj i ngushtoi shifrat në 3-1.

Fierakët u rihodhën në sulm dhe mesfushori Ymeraj shënoi edhe golin e katërt për Apoloninë. Deri në fund pati kohë edhe për një gol të Krasniqit. Me këtë fitore fierakët u ngjitën në vendin e dytë, me një pikë më pak se Pogradeci kryesues.

Fitore e madhe për Dinamon në Shijak. Erald Kolgega nderoi blutë e kryeqytetit me golin e shënuar dhe u dha tre pikë jetike. Gjithsesi heroi i vërtetë ishte portieri Klajdi Kuka, i cili në fundin e pjesës së parë priti një penallti të gjuajtur nga Ermir Rezi.

KATEGORIA E PARË – JAVA 14
E diel, më 2 shkurt, ora 14:00

Grupi A
Erzeni-Dinamo 0-1

Shënues: Kolgega 69′

Grupi B
Apolonia-Shënkolli 5-1

Shënues: Gjata 13′, Zaimaj 18′, Mehmeti 45′, Ymeraj 67′, Krasniqi 90’/ R. Danaj 55′

iliria-apolonia.jpg
Vladimir Prenga14:57 | 25/01/2020

Lushnja ka marrë kreun e klasifikimit, pasi ka bërë detyrën në shtëpi kundër skuadrës së Devollit dhe ka shfrytëzuar barazimin pa gola të Pogradecit në transfertë me Shënkollin. Verdhejeshilët fituan me rezultatin e ngushtë 1-0 dhe heroi i takimit ishte Mezini. Brunild Pepa më parë kishte rrëshqitur në momentin e ekzekutimit të një penalltie, duke humbur mundësinë më të mirë për të shënuar.

Renditja në krye është bërë interesante, pasi edhe Apolonia ka fituar dhe diferenca mes tre skuadrave të para është vetëm një pikë. Fierakët mposhtën në transfertë Ilirinë e Fushë-Krujës. Mihani realizoi golin e vetë, madje ka pasur shumë kontestime të vendasve për gjykimin. Jo vetëm kaq, pasi Apolonia shkruan  se arbitri pretendon se është goditur në pjesën e parë.

Besa gjithashtu mori një fitore me vlera, madje me përmbysje. Kavajasit luanin në transfertë me Turbinë, që shënoi e para me Jaupin me penallti. Verdhezinjtë patën mundësinë të ekzkeutinonin dy 11-metërsha më pas dhe Çelhaka i ktheu të dyja në gol, duke i dhënë fitoren me rezultatin 1-2 Besës.

Tre pikë të rëndësishme për Elbasanin, që ia ka dalë të mposhtë skuadrën e Orikut që luajti prej minutës së 20-të me një lojtar më pak. Kongjini u ndëshkua me karton të kuq dhe epërsia numerike u shfrytëzua nga skuadra vendase. Peposhi fillimisht dhe më pas Duka shënuan golat që i dhanë fitoren e pastër 2-0 skuadrës së Elbasanit. ./abcnews.al

KATEGORIA E PARË – JAVA E 13

GRUPI B
Lushnja-Devolli 1-0
Shënues:
Mezini 35′

Shënkolli-Pogradeci 0-0

Iliria-Apolonia 0-1
Shënues:
Mihana 77′

Turbina-Besa 1-2
Shënues:
Jaupi 71′ (pen.) /Çelhaka 82′ (pen.), 86′ (pen.)

Elbasani-Oriku 2-0
Shënues:
Peposhi 45+1′, Duka 50′

Klasifikimi në grupin B të Kategorisë së Parë
apolonia-bylisi-mbaron-miqesorja-1280x960.jpg
Vladimir Prenga15:39 | 12/01/2020

Apolonia dhe Bylisi janë ndarë në barazim 2-2 në miqësoren e sotme që është zhvilluar në stadiumin “Loni Papuçiu” të qytetit të Fierit. Ballshiotët kanë kaluar dy herë në avantazh, por futbollistët e drejtuar nga Artan Mërgjyshi janë kundër përgjigjur.

Takimi u zhbllokua në fundin e pjesës së parë, kur mesfushori Mario Bajramaj gjeti rrugën e rrjetës. Apolonia reagoi menjëherë, teksa barazoi shifrat tre minuta nga nisja e fraksionit të dytë të lojës.

Bylisi u hodh sërish në sulm dhe sërish Bajramaj u tregua i saktë para portës së fierakëve, duke shënuar dhe rikthyer epërsinë në kampion ballshiot. Gjithsesi në fund nuk pati fitues.  Pak minuta nga fundi i ndeshjes, Krasniqi shënoi në portën e Bylisit dhe barazoi shifrat në 2-2, rezultat që ishte edhe përfundimtari i kësaj miqësoreje. /abcnews.al

Apolonia-Bylisi 2-2
Shënues:
Gjata 48′, Krasniqi 84’/ Bajramaj 45′, 67′

Bylis.jpg
Veronik Istrefaj18:25 | 28/12/2019

Është mbyllur takimi miqësor mes Apolonisë dhe Bylisit, me fitoren e ekipit fierak 2-1. Edhe pse në periudhë festash dhe pushimet, këto dy skuadra nuk e kanë në plan të pushojnë dhe kanë zbritur sot në fushën e lojës.

Mesfushori Donald Mëllugja shënoi për ekipin ballshiot, por ky gol nuk mjaftoi që të shmangej humbja në këtë takim miqësor. Bylis ka qenë një skuadër surprizë këtë sezon në Superiore.

Ekipi ballshiot u shpall kampion i Kategorisë së Parë sezonin e shkuar, por askush nuk e mendonte se do të bënin një sezon kaq të mirë në Superiore.

Momentalisht, ekipi i drejtuar nga Vejlko Dovedan, renditet në vend të dytë në Superiore, me vetëm një pikë më pak se Kukësi kryesues.

Ndërsa Apolonia renditet në vend të tretë në KAtegorinë e Parë në Grupin B, aty ku po lufton me Pogradecin dhe Lushnjën për kreun e renditjes./abcnews.al

Miqësore (28 dhjetor 2019)

Apolonia – Bylis  2-1
Shënues: Andoni, Ymeraj /Mëllugja (pen.)

shenkolli-iliria.jpg
Vladimir Prenga14:55 | 21/12/2019

Pogradeci nuk e lëshon vendin e parë në grupin A, pasi ka mundur ditën e sotme skuadrën e Orikut. Vlonjatët rezistuan gjatë, por në minutën e 82-të nuk e ndalën dot Shkullakun të realizonte golin e triumfit për liqenorët.

Apolonia i është kundërpërgjigjur rivalëve, duke mundur Turbinën me shifrat 3-1. Gjata, i cili nuk shënoi edhe nga penalltia, ishte ai që hapi takimin. Llanaj vendosi baraspeshën përkohësisht, pasi Zoga dhe Mihana realizuan dy herë në fraksionin e dytë të lojës dhe i dhanë fitoren skuadrës së drejtuar nga Artan Mergjyshi.

Në Bilisht Devolli ka mposhtur me përmbysje ekipin e Elbasanit, që renditet në vendin e fundit në klasifikim. Miqtë shënuan të parët me Çemën, por Cane, Sadik Çela dhe Kame gjetën rrugën e rrjetës dhe i dhanë fitoren skuadrës vendase.

Fitore me shumë vlera ka marrë Shënkolli, që ka lënë vendin e parafundit. Lezhjanët, edhe pse pësuan të parët, ia dolën të triumfojnë. Xhymertit të Ilirisë iu përgjigj fillimisht Gruda, kurse më pas Redon Danaj realizoi edhe dy herë të tjera. Xhaferri në fund shënoi për statistika. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono