apolonia

lushnja.jpg
Vladimir Prenga15:48 | 10/12/2019

Interesante gara në grupin B të Kategorisë së Parë. Një garë treshe, me Pogradecin që kryeson për momentin. Liqenorët të shtunën kanë në program një ndeshje të fortë në transfertë me Ilirinë, që javët e fundit ka marrë rezultate pozitive. Në Fushë-Krujë provoi të binte edhe Lushnja, ndaj ky do të jetë një test force për skuadrën e Abazajt.

Pogradeci do mundohet të fitojë, në mënyrë që të shkëputet në krye. Lushnja dhe Apolonia përballen mes tyre në derbin e Myzeqesë dhe kjo do të jetë ndeshja më e rëndësishme e këtij grupi në fundjavë.

Në Elbasan, verdheblutë presin Besën pa turpërimit në Fier, ndërsa në Cërrik Turbinas do të mundohet të rikthehet te rezultati pozitiv. Skuadra e drejtuar nga Gentian Stojku pret Shënkollin. Takimi tjetër i javës së 11-të është ai mes Orikut dhe Devollit. /abcnews.al

Ndeshjet e javës së 11-të, që luhen të shtunën
pogradeci-devolli.jpg
Vladimir Prenga14:54 | 07/12/2019

Garë treshe në grupin B. Apolonia ka bërë detyrën ndaj Elbasanit të vendit të fundit, madje ka shpërthyer në 45 minuta dhe ka realizuar shtatë gola. Gjata realizoi dy herë dhe i la radhën Omerit, i cili realizoi më pas tre gola të tjerë. Hyseshahaj dhe Mehmeti realizuan edhe dy herë, ndaj një Elbasani inekzistent në fushën e blertë. Në pjesën e dytë pati “mëshirë”, pasi nuk u shënua asnjë gol tjetër dhe ndeshja u mbyll me rezultatin 7-0 në favor të Apolonisë.

Spektakël edhe në Pogradec, ku u shënuan shtatë gola. Devolli i shënoi tre herë vendasve në 45 minutat e para, me Çelën (dygolësh) dhe Rapon, kurse Hidri shënoi të vetmin gol për liqenorët. Në të dytën ishte Jahaj që me penallti rihapi takimin, kurse Topllari barazoi shifrat. Pura në shtesë i dha fitoren Pogradecit, që ruan kreun e klasifikimit.

Nuk pati fitues në Shënkoll. Aty ku vendasit i shënuan dy herë Lushnjës plot mungesa. Gruda ndëshkoi dy herë skuadrën mike, që reagoi me të zakonshmin Mikel Canka. Sulmuesi ngushtoi shifrat në 2-1, kurse Armando Mezini shmangu humbjen me golin e shënuar gjashtë minuta para përfundimit të kohës së rregullt. /abcnews.al

pogradeci-apolonia-1280x960.jpg
Vladimir Prenga10:24 | 04/12/2019

Beteja në distancë për kreun e grupit B në Kategorinë e Parë. Pogradeci dhe Apolonia luajnë në shtëpi, kurse Lushnja që humbi vendin e parë do të duhet të përballet me Shënkollin në transfertë. Liqenorët do synojnë fitoren e gjashtë radhazi dhe hakmarrjen ndaj Devollit, që në Bilisht fitoi 3-0 në sfidën e parë të kampionatit.

Apolonia ka një sfidë të lehtë në letër, me Elbasanin e vendit të fundit. Të tria këto sfida do të zhvillohen të shtunën, prej orës 13:00. Dy ndeshjet e tjera të javës luhen të dielën. Iliria Turbina luhet e para, ndërkohë që 30 minuta më pas Besa ndeshet me Orikun.

GRUPI B
E shtunë, më 7 dhjetor, ora 13:00

Pogradeci-Devolli
Apolonia-Elbasani
Shënkolli-Lushnja

E diel, më 8 dhjetor, ora 13:00
Iliria-Turbina

E diel, më 8 dhjetor, ora 13:30
Besa-Oriku

/abcnews.al

Renditja e grupit B në Kategorinë e Parë
besa-Devolli.png
Vladimir Prenga15:06 | 23/11/2019

Pogradeci ka marrë vendin e parë në grupin B, pasi ia doli sot të triumfonte në transfertë me ekipin e Turbinës. Liqenorët morën fitoren e pestë radhazi dhe vendimtar në Cërrik ishte veterani Jahaj, i cili nga pika e bardhë e 11-metërshit nuk gaboi.

Sigurisht pogradecarët shfrytëzuan humbjen që Lushnja pësoi në Fushë-Krujë me Ilirinë. Alushi në fundin e pjesës së parë shënoi në portën e tij, kurse më pas ishte Haxhiu që realizoi golin e dytë dhe vendasit morën tre pikë shumë të vlefshme për objektivin sezonal.

Fitore edhe për Apoloninë, që tashmë ka vetëm një pikë më pak se Lushnja. Fierakët kaluan me sukses Orikun, madje duke u shënuar tre gola. Mihana, Omeri dhe Mehmeti ishin ata që ndëshkuan vlonjatët. Me të njëjtin rezultat fitoi edhe Besa.

Kavajasit likuiduan Devollin, që kishte emëruar Fetollarin si trajner. Cara dhe më pas Onuh me dy golat e tij bënë që skuadra nga Bilishti të dilte nga fusha me kokën poshtë. I vetmi takim që u mbyll në barazim ishte ai mes Shënkollit dhe Elbasanit, që përfundoi 1-1.

KATEGORIA E PARË – JAVA 9
E shtunë, më 23 nëntor, ora 13:00

GRUPI B
Turbina-Pogradeci 0-1
Shënues: Jahaj 79′ (pen.)
Iliria-Lushnja 2-0
Shënues:
Alushi 43′ (aut.), Haxhiu 56′
Shënkolli-Elbasani 1-1
Shënues:
Gruda 31′ / Balla 70′
Apolonia-Oriku 3-0
Shënues:
Mihana 41′, Omeri 54′, Mehmeti 70′
Besa-Devolli 3-0
Shënues:
Cara 29′, Onuh 48′, 61′

/abcnews.al

Renditja e grupit B nk Kategorinë e Parë
korabi-kastrioti-1280x959.jpg
Vladimir Prenga13:51 | 23/11/2019

Të gjitha ndeshjet në një ditë, Kategoria e Parë ka rezervuar sfida mjaft interesante në javën e nëntë, që përmbyll edhe fazën e parë. Përpara pak minutash janë mbyllur pjesët e para, që kanë dhuruar pak gola.  Në grupin A është hapur vetëm një takim, teksa Burreli është në epërsi kundër Tërbunit falë golit të Stanës.

Kryendeshja mes Korabit dhe Kastriotit nuk ka ende gol, ashtu sikurse edhe tre sfidat e tjera në grupin A: Shkumbini-Egnatia, Dinamo-Veleçiku dhe Erzeni-Besëlidhja. Pjesët e dyta pritet të jenë interesante, pasi secila skuadër dëshiron maksimumin e pikëve.

KATEGORIA E PARË – JAVA 9
E shtunë, më 23 nëntor, ora 13:00

GRUPI A
Shkumbini-Egnatia 0-0

Burreli-Tërbuni 1-0
Shënues: Stana 14′
Dinamo-Veleçiku 0-0
Erzeni-Besëlidhja 0-0
Korabi-Kastrioti 0-0

Në grupin B janë zhbllokuar katër ndeshje. Apolonia, katër minuta para përfundimit të pjesës së parë realizoi me sulmuesin Redon Mihana dhe shkon në epërsi drejt dhomave të zhveshjes. Shënkollin deri më tani po e nderon i talentuari Gruda, i cili i ka shënuar Elbasanit.

Besa gjithashtu është në avantazh, Kavajasit kanë realizuar përmes futbollistit Tedi Cara. Surpriza është Iliria, që ia ka dalë t’i shënojë në portën e Lushnjës kryesuese. Turbina-Pogradeci është ndeshja e vetme në këtë grup, pa gol.

GRUPI B
Turbina-Pogradeci 0-0

Iliria-Lushnja 1-0
Shënues: Alushi 43′ (aut.)
Shënkolli-Elbasani 1-0
Shënues: Gruda 31′
Apolonia-Oriku 1-0
Shënues: Mihana 41′
Besa-Devolli 1-0
Shënues: Cara 29′

/abcnews.al

Apolonia.jpg
Veronik Istrefaj21:10 | 12/11/2019

Mesfushori Krisel Prifti nuk do të jetë më pjesë e ekipit Apolonia. Futbollisti fierak ishte pjesë prej tre vitesh e skuadrës së qytetit të tij, por tashmë, të dyja palët kanë vendosur të ndërpresin bashkëpunimin. Prifti ka falënderuar të gjithë ata me të cilët ka punuar tek Apolonia, duke shkruar: “Ju bëj me dije se nuk do të jem më pjesë e ekipit FK Apolonia, duke ndërprerë këtu marrëveshjen e arritur tre vite më parë.

Do të doja të falënderoja të gjitha trajnerët me të cilët kam punuar, me të cilët jam munduar të jap gjithmonë më shumë se maksimumin tim.  Të gjithë stafin e palodhur në këto tre vite, presidentin Koço Kokëdhima, i cili me ngrohtësinë dhe përkushtimin e tij, na ka mbështetur dhe na ka bërë të jemi ambiciozë, kudo në jetë.

Tifozët Green Boys dhe të gjithë ata që vahdojnë të mbështesin ekipin, pavarësisht se Apolonia nuk e meriton të jetë në Kategorinë e Parë.

Gjithashtu, falënderoj të gjithë çunat me të cilët kam ndarë momentet më të bukura dhe të trishta në fushë, janë ata momente që na bëjnë të ndihemi si familje.

Përzemërsisht, Krisel Prifti!

Vllaznia.png
Veronik Istrefaj21:00 | 10/11/2019

Vllaznia femra është ekipi i parë triumfues në stadiumin e ri kombëtar, “Arena Kombëtare”. Vajzat shkodrane triumfuan 2-0 përballë rivaleve të Apolonisë, falë golave të Bajraktarit dhe Lufos.

Ndeshja nisi e qetë mes dy skuadrave, megjithatë rastet nuk munguan. Vllaznia tregoi dominimin e saj edhe në këtë takim, por pjesa e parë u mbyll e barabartë pa gola.

Në të dytën, Vllaznia shënoi dy gola të shpejtë për të marrë fitoren. Ishte Bajraktari në minutën e 75-të që shënoi golin e parë për Vllazninë dhe golin e parë në “Arenën Kombëtare”, ndërsa dy minuta më vonë, Lufo vendosi rezultatin final të sfidës në 2-0./abcnews.al

Ndeshje testuese (Arena Kombëtare)

Vllaznia – Apolonia   2-0
Bajraktari 75′, Lufo 77′

1-4.jpg
Veronik Istrefaj19:58 | 10/11/2019

Stadiumi i ri kombëtar, “Arena Kombëtare”, ka hapur sot dyert për sfidën testuese mes ekipeve të femrave, Vllaznisë dhe Apolonisë. Vetëm një javë para sfidës kundër Francës, që do të luhet në këtë stadium, FSHF ka vendosur që sfida mes Vllaznisë dhe Apolonisë të jetë takimi testues.

Siç shihet nga fotot e siguruara nga ABC News, fusha e “Arenës Kombëtare” është 100% e përfunduar, si dhe tribunat duken drejt përfundimit. Nuk shihet një numër i lartë spektatorësh, edhe pse parashikohej që të ishin të shumtë në këtë debutim të stadiumit të ri kombëtar.

FSHF parashikoi se numri i të pranishmëve për këtë sfidë testuese mund të arrinte deri në 10 mijë, por diçka e tillë nuk ka ndodhur./abcnews.al

2
1
2
4
3
3
1
elbasani-iliria.jpg
Vladimir Prenga14:56 | 09/11/2019

Lushnja ka bërë autokritikë pas humbjes në shtëpi me Pogradecin. Verdhejeshilët nxorën duarbosh nga “Roza Haxhiu” Turbinën. Dy gola të shpejtë të Gjylës dhe Cankës e çuan ekipin kryesues të qetë në dhomat e zhveshjes. Roshi për Turbinën ngushtoi shifrat, por Sulkja i shoi shpresat e cërrikasve për të marrë pikë në këtë ndeshje.

Pogradeci vijon ecurinë pozitive, teksa këtë herë ka mposhtur me rezultatin 3-1 Besën. Topllari,. Alillari dhe Shyti kanë bërë që verdhezinjtë të kapitullojnë për 46 minuta. Cara shënoi një gol sa për statistika për ekipin kavajas.

Apolonia është ngjitur në vendin e tretë, pasi fitoi në transfertën e vështirë me Devollin. Hysenshahaj kaloi shumë shpejt në epërsi fierakët, ndërkohë që në fund ishte Andoni që dyfishoi. Devolli u hodh në sulm në pjesën e dytë, por shënoi vetëm një herë me brazilianin Da Motta.

Elbasani ka marrë fitoren e parë sot, madje me përmbysje kundër Ilirisë. Haxhiu shënoi për fushë-krujasit shumë shpejt, por  Dushaj baraspeshoi shifrat. Hyshmeri me penallti realizoi golin e epërsisë dhe Nuri më pas vulosi shifrat në 3-1.

E vetmja ndeshje që përfundoi në barazim ishte Oriku-Shënkolli. Vlonjatët shënuan të parë me të zakonshmin Arbër Dhrami, por e pësuan në shtesë, kur ekipi lehjan realizoi me Kuye dhe mori një pikë të vlefshme.

KATEGORIA E PARË – JAVA 8

Grupi B
E shtunë, më 9 nëntor, ora 13:00

Devolli-Apolonia 1-2
Shënues:
Da Mota 66′ / Hysenshahaj 3′, Andoni 44′
Oriku-Shënkolli 1-1
Shënues: Dhrami 71′ / Kuye 92′
Elbasani-Iliria 3-1
Shënues:
Dushaj 21′, Hyshmeri 66′ (pen.) , Nuri 71’/ Haxhiu 8′
Lushnja-Turbina 3-1
Shënues:
Gjyla 9′, Canka 28′, Sulkja 76′ / Roshi 63′
Pogradeci-Besa 3-1
Shënues
: Topllari 16′, Alillari 44′, Shyti 46′ / Cara 61′

/abcnews.al

Renditja e grupit B në Kategorinë e Parë
iliria-oriku-1280x853.jpg
Vladimir Prenga15:57 | 02/11/2019

Devolli është rikthyer te fitorja, pasi ka mundur Shënkollin me rezultatin 0-1. Skuadra e drejtuar nga Stavri Nica është nderuar nga sulmuesi Paolo Ivani, i cili është rikthyer nga pezullimi dhe i ka dhënë pikët e plota skuadrës nga Bilishti. Një ndeshje e vështirë, në transfertë, ndaj Shënkollit që ia kishte dalë të mposhte Besën një javë më parë.

Kavajasit ndërkohë ishin shumë pranë fitores me Apoloninë. Sulmuesi Cara shënoi golin e epërsisë për verdhezinjtë e Maganit, por një minuta para përfundimit të kohës së rregullt u akordua një penallti për fierakët. Kapiteni Hysenshahaj u tregua i saktë dhe shpëtoi ekipin e tij nga humbja.

Në Fushë-Krujë Iliria dhe Oriku ndanë nga një pikë. Capoj shënoi për miqtë i pari, ndërkohë që shumë shpejt barazoi kapiteni Ledio Docci. Turbina ia ka dalë të fitojë në frymën e fundit me Elbasanin dhe ishte Levendi që ndëshkoi verdheblutë në derbi.

KATEGORIA E PARË – JAVA 7
E shtunë, më 2 nëntor, ora 14:00

GRUPI B
Turbina-Elbasani 1-0
Shënues:
Levendi 94′
Iliria-Oriku 1-1
Shënues:
Doci 56′ / Capoj 48′
Shënkolli-Devolli 0-1
Shënues:
Ivani 6′
Apolonia-Besa 1-1
Shënues:
Hysenshahaj 89′ (pen.) / Cara 52′

/abcnews.al

Renditja në grupin B të Kategorisë së Parë


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono