apeli
Formacioni më i mirë sipas Blick

ANDI-NE-LAGJEN-18-PALLATI-I-ZHYTUR-2-METRA-1280x720.jpg
ent ela12:57 | 29/11/2019

Ministria e Mbrojtjes u bën apel gazetarëve dhe operatorëve që janë në terren dhe raportojnë për situatën nga tërmeti që të mos futen në brendësi të godinave të dëmtuara. Ministrja vlerëson mediat për kontributin në këto ditë të ëvhstira, ndërsa apelon ëpr kujdes pasi, lëkundjet vazhdojnë ende.

“I lutem të gjithë kolegëve gazetarë, që duke qenë se lëkundjet vazhdojnë, të mos futen në brendësi të godinave të dëmtuara. Në funksion të sigurisë të secilit prej jush. Lutem të bëni lidhjet direkte jashtë godinave. Është apeli që ne po i bëjmë çdo banori e sidomos për të gjithë ju, operator e gazetar që po kaloni ditëte netë të vështirë, ju lutem të tregoni kujdes.

Në emër të Ministres së Mbrojtjes, vlerësimet maksimale për kontributin e çdo përfaqësuesi të medias në këto ditë të vështira”. /abcnews.al

TERMETI-I-PAK-MIN-ME-PARE-NE-DURRES.mpg_snapshot_00.01-1280x720.jpg
ent ela08:34 | 26/11/2019

Policia e Shtetit u kërkon gjithë qytetarëve të Durrësit dhe rrethinave të kufizojnë në maksimum lëvizjet me mjetet e tyre, për t’u dhënë mundësi autoriteteve dhe shërbimeve të emergjencave civile të qarkullojnë lirshëm në rrugë, për t’ju ofruar ndihmën e nevojshme banorëve të lënduar nga pasojat e tërmetit të mëngjesit të sotëm.

Deri më tani zyrtarisht janë konfirmuar shtatë persona të vdekur nga tërmeti, ndërsa dyshohet edhe për një viktimë tjetër.

Ndërkohë më shumë se 320 persona kanë marrë plagë më të lehta duke u mjekuar në spital.

Mësohet gjithashtu se 22 persona janë shpëtuar nga rrënojat në Durrës deri më tani. /abcnews.al

REFORMA-ZGJEDHORE-1280x720.jpg
ent ela18:41 | 14/11/2019

Ekspertët zgjedhore i bëjnë apel politikës të reflektojnë dhe të punojnë për përmbylljen e reformës zgjedhore. Ish-kreu i KQZ, Ilirjan Celibashi beson se ka ardhur koha se për një model të ri të administratës zgjedhore, duke kërkuar që ky ndryshim të nisë nga KQZ. Por për këtë ndryshim nuk është optimist, ish-kreu i KQZ, Kume sipas të cilit presioni mbi administratën zgjedhore do të jetë i madh nëse do t’i besohet administrimi i zgjedhjeve.

Ekspertët Zgjedhore dhe përfaqësues të Shoqërisë Civile i kërkojnë klasës politike të gjejë konsensus për reformën zgjedhore, pasi djegia e afateve kohore do ta çojnë atë drejt dështimit. Ish-ministri, Ilirjan Celibashi thekson se ka ardhur koha që mënyra e administrimit të zgjedhjeve të ndryshojë.

Por ndryshe e mendon këtë gjë ish-kryetari i KQZ, Kristaq Kume, i cili kur bëhet fjalë për presionin që do të kishte një përfaqësues i administratës që do të menaxhonte zgjedhjet kujton një bisedë me Lulzim Bashën.

Për drejtorin e Institutit për Studime Politike, Afrik Krasniqi propozimet në draftin që po diskutohet në Kuvend nuk janë thelbësore dhe madje shpesh herë janë komike.

Disktutimet për reformën zgjedhore u diskutuan gjatë konferencës “Platforma e një debate kombëtar për kushtet e Bundestagut” të organizuar  në Tiranë. Ndërkohë që OSBE ka ftuar në 19 nëtor forcat politike të ulen edhe njëherë në tryezë për reformën zgjedhore. /abcnews.al

 

kel-demi-eliani-1280x705.jpg
nev ila13:22 | 04/11/2019

Ditën e sotme në emisionin ABC-ja e mëngjesit nën drejtimin e gazetarit Enkel Demi ka zënë vend edhe historia e një 19 vjecari, i cili vuan nga një sëmundje e rëndë. Në një lidhje direkte me Enkel Demin, gazetari i ABC News Maks Rama raportoi se një grup studentësh dhe profesorët e tij duan të ndihmojnë shokun e tyre.

Eliani Qama vetëm 19 vjeç , vuan nga një sëmundje e rëndë dhe rrallë që quhet “chordome cervikal” (tumor i rrallë dhe shumë agresiv). Ky lloj tumori rrezikon ti marrë jetën Elianit duke i bllokuar frymëmarrjen.

Që Eliani të ketë një shans për jetën i duhet ti nënshtrohet një operacioni i cili kushton rreth 300 mijë euro, shumë e cila nuk përballohet dot prej tij. Shokët e Eljanit ditën e sotme kanë filluar një fushatë për mbledhjen e këtyre fondeve dhe bëjnë apel të gjithë shqiptarëve për shpëtimin e jetës së Eljanit.

Momentalisht Eljani ndodhet në Belgjikë por e ka të pamundur të ndiqet në spitalet atje pasi shifrat janë të konsiderueshme./abcnews.al

basha-3.jpg
ent ela18:56 | 31/10/2019

Kryetari Partisë Demokratike Lulzim Basha njoftoi nisjen e turit kombëtar për rininë. Në fjalën e tij në bashkëbisedimin me të rinjtë, kreu demokrat theksoi se ky tur do të shtrihet anembanë vendit, për të çuar deri në fund betejën me një fitore për çdo shqiptar.

“Do ta çojmë deri në fund betejën që kemi nisur me një fitore për çdo shqiptar. Sot shënon nisjen e turit kombëtar për rininë që do të shtrihet anembanë vendit dhe këtë do ta bëjmë me një prani të nderuar me miqtë tanë nga Gjermania, partisë sonë simotër, partisë së kancelares Merkel”.

Ky vend për kryedemokratin Basha ka të gjithë potencialin për mirëqënie dhe zhvillim  dhe Partia Demokratike, tha ai ka të gjithë forcën dhe vizionin për t’ia arritur, duke vënë rininë dhe interesat e vendit të parat.

“Ky vend e ka gjithë potencialin për të krijuar mirëqënie, punësim, duke bërë të mundur disa gjëra të thjeshta dhe esenciale, mundësi për të gjithë qytetarët, klimë të mirë për kompanitë, biznesin refomë të thellë në arsim ku në qendër të jetë studenti, nxënësi dhe e ardhmja e tij.

Na duhet një qeveri për të vënë rininë të parët dhe jo interesat e pushtetit që e kanë tradhëtuar interesin e qytetarëv shqiptarë. Ne e kemi këtë vizion, forcë, fuqi dhe pasion e kemi treguar për gjithë vendin dhe rininë”.

Basha kërkoi nga të rinjtë që t’i dëgjojë për aspiratat e tyre, në mënyrë q ëtë rikthet shpresa në Shqipëri.

“Dua t’ju dëgjoj e të përfitoj duke ju dëgjuar shpresat, aspiratat tuaja për ne dhe jo vetëm do marrë fuqi mendimi juaj, por do jeni bashkëudhëtarë në rrugëtimin tonë, në bërjen realitet të çdo zotimi dhe kryesori është ta kthejmë shpresën në Shqipëri. T’i kthejmë shpresën rinisë përmes klimës së biznesit që të ketë mundësi të konkurojë me dinjitet dhe të krijojnë vende pune në vend, që të mos largohen, e cila u bën ju të zgjidhni dhe këtë potencial sëbashku ta bëjmë shumë shpejt realitet. Për të bërë vendin tonë, vendin ku gjithsecili të ndihet në shtëpinë e tij”. /abcnews.al

547b313f-2d2d-49b3-ad99-228aa05fecdf-1280x720.jpg
ent ela10:52 | 28/10/2019

“Arrest shtëpie” është masa e vendosur nga Gjykata e Apelit për 3 protestuesit e Unazës së Re, të cilët deri tani kanë qenë në masën “arrest në burg pa afat”. Gjykata e shkallës së dytë ka vendosur të zbusë masën e sigurisë për Gramoz Shehun, Ilir Katirajn dhe Skender Dodwn, por duke mos pranuar kërkesën e tyre për lirim.

Në shenjë proteste për këtë masë, banorët e tjerë të Unazës së re u lidhën me zinxhirë në mënyrë simbolike, për të treguar se kryeministri po u heq të drejtën e protestës. Megjithatë, ata kanë thënë se nuk do të ndalen.

Gazetarja e ABC news Glidona Daci raporton se banorët janë lidhur me zinxhirë para Gjykatës, disa prej tyre kanë vendosur dhe ngjitës për ta cilësuar si protestë të heshtur, për shkak të kërkesave të tyre.

Ka pasur shumë qytetarë të arrestuar, por pjesa tjetër janë liruar nga gjykata e shkallës së parë. Për mikrofonin e ABC News banorët shprehen se nuk tërhiqen nga kërkesat e tyre.

“Ata u lanë me arrest shtëpie, kjo gjykatë e prokurori vazhon avazin duke na persekutuar. Jo në burg të na fusin por ne nuk tërhiqemi”.

Në mbështetje të tyre janë edhe përfaqësues të opozitës. Klevis Balliu shprehet se mbajta e tyree në burg është në shkelje të ligjit. Sipas tij këta banorë nuk janë arrestuar për konflikt me policinë thjesht se kanë qenë pjesëmarrës në protestë legjitime.

“I mbajnë në arrest shtëpie që mos dalin në protestë, të mos flain në protestë. Sulmi ndaj unëzës sot është sulmi ndaj protestës dhe të drejtës për të protestuar. Urrejtja e Ramës për protesta është gjenetike”. /abcnews.al

rezart-taci.jpg
ent ela16:18 | 03/10/2019

Biznesmeni Rezart Taçi do të jetë i lirë me vendim të formës prerë, për akuzat e “fshehje të pasurisë” dhe “mopagim taksash”. Gjykata e Apelit Tiranë ka rrëzuar ankimimin e Prokurorisë duke i dhënë bisnesmenit pafajësi. Rezart Taçi u akuzua se në vitet kur ishte administrator i “ARMOS”, nuk kishte paguar 8 milionë euro detyrime tatimore.

Gjykata e Apelit Tiranë ka lënë në fuqi pafajësinë për biznesmenin Rezart Taçi për akuzat e fshehjes të pasurisë dhe mospagim taksash.  Në seancën  e zhvilluar më 2 Tetor, togat e zeza kanë rrëzuar ankiminim e prokurorisë duke lanë në fuqi vendimin e Gjykatës Penale të Tiranës, që e shpalli atë të pafajshëm.

Prokuroria e Tiranës  e akuzonte Biznesmenin Rezart Taçi se nuk kishte paguar 8 milionë euro detyrime tatimore, gjatë kohës kur ishte një nga administratorët e ARMO-s.

Për shmangjen e detyrimeve tatimore, Prokuroria asokohe  kishte lëshuar rreth 30 urdhra bllokimi për llogarit bankare të biznesmenit dhe familjarëve të tij.

Fillimisht konstatimin e shmangies së detyrimeve tatimore  e kishte bërë audit i tatimeve që kontrollonte veprimtarinë e Armo-s për vitet 2011-2013. Menjëherë pas kryerjes së këtij raporti organi i akuzës nisi hetimet dhe e dërgoi çështjen në gjykim.

Por që nga dita e mërkurë Rezart Taçi do të jetë i lirë, pasi vendimi ka marrë formë të prerë. Taçi u akuzua edhe nga autoritetet zvicerane për mashtrime me disa firma, por që nuk dihet sesi kanë përfunduar këto procedura. /ABC News Albania 24/7

mohamed-bin-salman-1280x655.jpg
nev ila18:06 | 30/09/2019

Princi saudit Mohamed Bin Salman i ka kërkuar gjithë botës që të veprojë kundër qasjes agresive të Iranit, në të kundërt ka paralajmëruar se do të vihet në rrezik furnizimi me naftë.

Në një intervistë për mediat amerikane, princi i kurorës ka pranuar pjesërisht përgjegjësinë për vrasjen e gazetarit Xhamal Kashogi.

Princi saudit i kurorës, Mohamed bin Salman ka paralajmëruar mbarë botën se çmimet e naftës mund të rriten ndjeshëm nëse nuk veprohet për të ndaluar Iranin.

Salman ka deklaruar se mungesa e një ndërveprimi mund të inkurajojë më tej Teheranin dhe madje të çojë në një luftë, që sipas tij do të shkatërronte ekonominë globale.

Deklarata e princit ka ardhur pak javë pas sulmit ndaj impianteve saudite të naftës, për të cilat ai fajëson Republikën Islamike.

Kjo e fundit nga ana e saj ka deklaruar se këto fjalë vetëm sa i sjellin turp Arabisë Saudite dhe familjes së saj mbretërore.

Në reagimin e tij, Mohamed bin Salman tha gjithashtu se pranon pjesërisht përgjegjësinë për vrasjen e gazetarit Xhamal Kashogi, por duke folur për SI BI ES, ai mohoi që ta ketë urdhëruar atë personalisht.

Princi, që konsiderohet udhëheqësi de fakto i Arabisë Saudite, dyshohet se e ka vënë në shënjestër personalisht gazetarin saudit, që me shkrimet e tij kritikonte qeverisjen në Riad.

“Marr përsipër përgjegjësi të plotë si lider i Arabisë Saudite, nisur nga fakti se vrasja u krye nga individë që punonin për qeverinë saudite”, deklaroi Salman.

Autoritetet saudite kanë fajësuar për vrasjen e gazetarit një grup agjentësh rebelë të shërbimeve sekrete saudite dhe kanë çuar në gjyq 11 persona./ABC News Albania 24/7

luan-rama.jpg
ad min12:20 | 26/09/2019

Zv/kryetari i LSI-së, Luan Rama i ka bërë edhe njëherë apel mazhorancës të reflektojë për krizën në të cilën ndodhet vendi dhe të angazhohet për një bashkëpunim me opozitën në funksion të zgjidhjes së krizës politike.

Në një dalje për mediat, Rama theksoi se kushtet e vendosura nga grupet parlamentare të CDU/CSU për çeljen e negociatave duhet të jenë një moment reflektimi për mazhorancën dhe kryeministrin Rama.

“Në emër të LSI duke e lexuar me realizëm mesazhin që na vjen nga parlamenti gjerman apelojmë mbi domosdoshmërinë që merr në këto kushte dialogu politik jo si farsë por si institucion në një shoqëri demokratike, ku interesat e vendit dhe prioriteti për integrimin evropian të Shqipërisë prevalon dhe vihet mbi gjithçka tjetër. Është për të ardhur keq që vullnetit të mirë të shprehur nga opozita për të ulur në dialog, për të marrë të gjitha kushtet që duhet të përmbushë Shqipëria një për një, përgjegjësinë dhe për t’ua angazhuar në plotësimin e tyre ka gjetur një qëndrim refraktar dhe të papërgjegjshëm nga ana e kryeministrit të vendit”, tha Luan Rama./abcnews.al

policia-e-shtetit.jpg
ad min11:55 | 24/09/2019

Ministri i Brendshëm, Sandër Lleshaj u ka bërë thirrje banorëve në Durrës, shtëpitë e të cilëve janë dëmtuar nga tërmeti që të zhvendosen drejt qendrave të pritjes. Ministri Lleshaj, vizitoi disa prej familjeve në Shijak që vazhdojnë të qëndrojnë në banesa që u rrezikojnë jetën.

Shkoi për t’u dorëzuar disa ndihma që kanë mbledhur vullnetarisht nga Ministria e Brendshme dhe Policia e Shtetit, por pa që më shumë u nevojitet largimi i menjëhershëm nga banesa.

Këto objekte nuk janë më të sigurta. Është vetëm njëra prej shumë të tillave që janë prekur nga tërmeti i 21 shtatorit në zonën Shijak-Maminas. Ministri i brendShëm Lleshaj i kërkoi që të evakuohen përkohësisht në qendrat e përkohshme pritëse dhe Shtëpinë e Pushimit të Ministrisë së Brendshme në Durrës.

“Unë e di që kanë probleme, kanë bagëti, kanë materiale por më e rëndësishmja nga të gjitha është të garantojmë sigurinë e këtyre qytetarëve. Kështu që u bëj thirrje të gjithë atyre qytetarëve që janë në kushte të ngjashme me këtë familje këtu, të bashkëpunojnë për t’u evakuuar drejt qendrave të pritjes që kemi ndërtuar”!

Ndër zonat më të dëmtuara nga tërmeti në Bashkinë Shijak janë fshatrat Bodinak, Karpen, Karreç dhe Bilalas./ABc News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono