apel

banori.jpg
ger ta13:36 | 14/01/2020

Tërmeti i 26 nëntorit ka lënë gjurmë edhe në fshatin Shpërdhet të Kurbinit. Në këtë fshat janë me janë 83 banesa të dëmtuara, nga të cilat 10 kanë dalë jashtë funksionit. E tillë është edhe banesa e Pashkë Qepurit. Për shkak të frikës se shtëpia mund tu shembet familjen e ka zhvendosur në një shtëpi në Tiranë, por vetë vazhdon dhe qëndron aty.

I zoti i shtëpisë kërkon nga shteti që ti tregojë nëse shtëpia e tij është e banueshme apo jo, pasi në shtëpi ka edhe një vajzë të sëmurë për të cilën duhet të kujdeset.

“Jam ankuar dhe ka ardhur një komision, kanë bërë këto verifikime dhe thonë, banesa juaj të riparohet. Unë dua verifikim tjetër edhe jam me një invalide të grupit të parë, në pozita shumë të vështira”, shprehet ai.

Qepuri tregon se në grupet e verifikimit i kanë thënë se banesa kërkon vetëm një rikonstruksion dhe se mund të të qëndrojë në shtëpi. Por për kryefamiljarin fjala e tyre është e pamjftueshme.n

Vath Myrta kryetari i fshatit shprehet se në këtë zonë verifikimi është bërë në mënyrë selektive.

“Ajo është prishur në strukturë totalishte dhe çatia është prishur totalisht”, thotë kryeplaku.

Si familja qepuri në këtë fshat janë edhe shumë familje të tjera, të cilat presin nga shtetit që të merren masa për rikonstruksioni ose rindërtimin ku është e nevojshme./abcnews.al

 

papa-2.jpg
So Nila18:29 | 09/01/2020

Situata e tensionuar e ditëve të fundit mes SHBA-së dhe Iranit, pas vrasjes së gjeneralit iranian Kasem Sulejmani nga forcat amerikane, ka sjellë reagimet nga lidër të ndryshëm nga e gjithë bota.

Papa Françesku gjatë fjalimit  vjetor, drejtuar ambasadorëve të akredituar në Vatikan ka bërë thirrje Shteteve të Bashkuara dhe Iranit të shmangin përshkallëzimin e situatës. Sipas atit të shenjtë është e rëndësishme që në këtë situatë të ndiqet rruga e dialogut dhe vetëpërmbajtjes, për të parandaluar një konflikt më të gjerë në Lindje të Mesme.

Ndër të tjera në thirrjen e tij Papa është shprehur se tensionet rrezikuan të komprometojnë procesin gradual të rindërtimit në Irak, si dhe të vendosin bazat për një konflikt të madh.

“Veçanërisht shqetësuese janë sinjalet që vijnë nga i gjithë rajoni, pas rritjes së tensioneve midis Iranit dhe Shteteve të Bashkuara”, tha Papa Françesku, diplomatëve nga më shumë se 180 shtete.

Udhëheqësi 83-vjeçar i Kishës Katolike gjatë fjalimit të tij, gjithashtu ka bërë një përmbledhje kryesisht të zymtë të vitit 2019, duke folur për luftëra, ngrohjen globale, ksenofobinë ndaj migrantëve dhe rrezikun e armëve bërthamore. /abcnews.al

 

ministria-e-jashtme.jpg
nev ila18:15 | 08/01/2020

Ministria e punëve të jashtme ditën e sotme përmes një njoftimi i bën apel qytetarëve shqiptarë të shmangin udhëtimet në lindjen e mesme si dhe në vendet me tensione të përshkallëzuara si Irani dhe Iraku.

Po ashtu për shtetasit që aktualisht ndodhen në katoi shtete dhe që kanë nevojë për asistencë Ministria e jashtme njofton se këta shtetas duhet ti drejtohen ambasadave shqiptare që ndodhen në Kuvajt dhe Turqi.

Njoftimi i Ministrisë së Jashtme:

“Pas ngjarjeve të fundit të ndodhura, Ministria për Evropën dhe Punët e Jashtme e Republikes se Shqiperise i ben thirrje të gjithë qytetarëve shqiptarë që të shmangin udhetimet në drejtim të Lindjes së Mesme, ne vendet me tensione te pershkallezuara, Iran, Irak.

Shtetasit shqiptarë që aktualisht ndodhen në Iran ose Irak dhe qe kanë nevojë për asistencë, janë të lutur të kontaktojnë Ambasadat e Republikës së Shqipërisë në Kuvajt dhe ne Turqi në adresat:

Kuvajt (Kuwait City):

Celular: +96594048219

Office Phone: +965 2524 0627,

E-mail: [email protected]

——————————

Embassy of the Republic of Albania to the State of Kuwait

Salam Area, Block 7, Street 717, Villa 4, Kuwait

P.O.Box. 3090, Safat-13031, State of Kuwait

Turqi (Ankara)

Tel: +90 312 441 61 03 / 04

Celular: +90 549 561 1985)

Email: [email protected]

——————————

Embassy of the Republic of Albania in Ankara

Adress: Ebu ziya Tevfik sok. No.17 Çankaya/Ankara

Tel: 0090 312 441 61 03

Fax:0090 312 441 61 09″./abcnews.al

 

 

 

Screenshot_10.png
R D13:10 | 06/01/2020

Familja Caka me 4 anëtarë jeton në çadër prej 1 muaji e gjysëm. Pa energji elektrike, pa ngrohje, në ditët më të ftohta të vitit kur temperaturat kanë zbritur në minus zero gradë.

“Abc News” pa nga afër sot kushtet ekstremisht të vështira ku jetojnë familjet e Thumanës, dhe u ndal pikërisht në familjet me nevoja të veçanta. E tillë është dhe familja Caka, me djalin autik.

Nëna e 13 vjeçarit, Flora bën apel për ndihmë.

“Jemi në çadër prej 26 nëntorit. Pak shpresë ka për ne…kemi bërë apel shumë herë por askush nuk na është përgjigjur. Shtëpinë që u shemb nuk e kemi patur tonën, ishim me qira. Gjithçka patëm brenda u shkatërrua (orenditë). Tani kërkojmë së paku një kontenier. Nuk kemi të ardhura, ndaj kemi mbetur këtu në çadër, në të ftohtë…jetojmë vetëm me KEMP-in e djalit, 10 mijë lekë në muaj”, shprehet ajo. /abcnews.al

Lexo edhe: “Abc News” në Thumanë/ Gruaja e paralizuar lëngon në barake prej 3 muajsh 

 

 

 

 

familja-1.jpg
ger ta16:45 | 28/12/2019

Familja e Brunilda Kovaçit që u vra në Francë tre ditë më parë kërkon ndihmë nga shtetit për kthimin e trupit të saj. Nëna e 37-vjeçares nga Berati, Fatimja thotë se janë të varfër dhe nuk kanë para të ndjekin procedurat. Njëkohësisht kërkojnë dhe kthimin në Shqipëri të djalit të saj 3 vjeçar.

 

Mbrëmjen e Krishtlindjes është gjetur e vrarë dhe e masakruar në një pyll të Francës një shqiptare. Familja e saj jeton në Berat dhe kërkon që shteti ti ndihmojë që të kthehet trupi I Brunilda Kovaçi pasi ata janë të vafrër. Gjithashtu kërkojnë dhe rikthimin në atdhe dhe të një prej 3 fëmijëve të saj që jetonte me të në Francë.

37 vjeçarja nga Berati, nënë e tre femijeve kishte disa vite që jetonte në Francë. Ajo me vete kishte vetëm djalin e vogël 3 vjeç, ndërsa dy fëmijët e tjerë I kishte lënë në Shqipëri. Mediat franceze kanë shkruar se e reja ishte punëtore seksi dhe në trup kishte tatuazh emrin e një mashkulli shqiptar që bëri që policia ta identifikonte, pasi trupi saj ishte pjesërisht i djegur. Teksa hetimet vijonë për ngjarjen po mbahet në paraburgim një person. /abcnews.al

80436841_2846837485367414_4027366931966197760_o.jpg
R D10:29 | 27/12/2019

Me mijëra familje po kalojnë netët e ftohta të dimrit nëpër çadra, në fshatrat e Durrësit, Thumanës, e Laçit. Lideri demokrat Lulzim Basha ka deklaruar se situata është tejet e rëndë dhe qeveria duhet tu japë menjeherë paratë në dorë banorëve të zonave rurale që nisin rindërtimin e shtëpive. “Propaganda e qeverisë nuk e mbush dot barkun e fëmijëve, nuk i ngroh dot në këtë dimër të ftohtë, nuk e heq dot rrezikun e banorëve që po jetojnë në shtëpi të dëmtuara e të rrezikshme”, shprehet Basha.

Deklarata e plotë e Bashës:

Gjendja e sotme e zonave të dëmtuara nga tërmeti, një muaj më pas është dëshmi e dështimit të qeverisë në menaxhimin e situatës.

Qytetarë, fëmijë e të moshuar që kalojnë netët e ftohta jashtë, pa ngrohje, pa ujë e me ushqime të pakta të ofruara nga vullnetarë. Kushtet e mjerueshme kanë shkaktuar probleme shendetësore tek qytetarët duke e rënduar gjendjen.

Familjarët nuk dinë nëse banesat e tyre jane apo jo të banueshme. Në shumicën e rasteve askush nuk ka shkuar të shohë e jo më vlerësojë dëmet, në shumë raste vlerësimi është kontradiktor, një herë banesa është vlerësuar e pabanueshme e njëherë e banueshme.

Kryefamiljarë, që marrin përsipër rrezikun duke futur familjarët në shtëpi të dëmtuara pasi nuk kanë mundësi për strehim, jetojnë me ankthin dhe frikën e lëkundjes së rradhës.

Ketë situate e pashë edhe në Tarinë, Mallkuç, Bubq, ndërsa banorët bashkëjetojnë me gërmadhat e mbetura nga tërmeti dhe frikën e pasigurinë për të nesërmen. Ata që janë në çadra të papërshtatshme për kohën e ftohtë e me reshje i ndjejnë të ftohtin dhe lagështirën në palcë.

Qeveria ka dështuar dhe korrupsioni i ka lidhur sytë dhe veshët që të shohë e të dëgjojë qytetarët. Nëse 150 milionë dollarët që shkojnë në xhepat e oligarkëve, do tu viheshin në dispozicion njerëzve në nevojë, do të ishin blerë kontenierë të përshtatshëm për strehimin e banorëve, dhe do të kishte nisur procesi i rindërtimit dhe riparimit të shtëpive të dëmtuara.

Paratë tu jepeshin në dorë qytetarëve ne zonat rurale për të nisur rindërtimin, duke shmangur tenderat korruptive.

Propaganda e qeverisë nuk e mbush dot barkun e fëmijëve, nuk i ngroh dot në këtë dimër të ftohtë, nuk e heq dot rrezikun e banorëve që po jetojnë në shtëpi të dëmtuara e të rrezikshme, në pamundësi të një strehe të sigurt.
Gjendja po përkeqësohet ditë për ditë. Koha nuk pret. Duhet menjëherë dedikimi i fondeve për strehim për banorët. Kjo është detyrë e shtetit, është përgjegjësi e qeverisë.

Nuk mund të sakrifikohen qytetarët, jeta dhe shëndeti i tyre për milionat e oligarkëve dhe aferat e rradhës korruptive.

familje-cader.jpg
R D15:03 | 22/12/2019

Koha e keqe që ka përfshirë vendin ka vështirësuar jetesën për banorët e dëmtuar nga termeti që flenë në çadra. E tillë është kjo familje me 4 anëtarë në Murqinë të Krujës. Nëna me dy vajza të mitura bën apel për ndihmë, pasi ka edhe fëmijën sëmurë, për shkak të të ftohtit dhe lagështirës.

Katër anëtarët e familjes Vathi në fshatin Murqinë të Krujës, pas shembjes së shtëpisë nga tërmeti janë strehuar në këtë çadër, ku balta dhe reshjet e shiut e bëjnë jetesën më të vështirë

E zonja e shtëpisë Dila tregon për ABC News se jetesa në çadër është shumë e vështirë pasi njëra nga vajzat është e sëmurë, ndaj i bëjnë apel shtetit për ndihmë.

Tërmeti i 26 nëntorit ka dëmtuar rreth 10 banesa në fshatin Murqinë të Krujës, zonë e cila vuan shpesh edhe pasojat e përmbytjes. Sipas banorëve grupet e verifikimit kanë evidentuar dëmet e shkaktuara nga tërmeti, por deri më tani asnjë ndihmë nuk u është ofruar./abcnews.al

apel-grua-ok.png
R D17:11 | 14/12/2019

Shembja e godinave pranë Universitetit Bujqësor të Tiranës ka lënë në qiell të hapur një pjesë të familjeve që jetonin aty prej 25 vitesh. Ata i bëjnë apel shtetit që ti trajtojë me bonus qiraje ose të pakten t’u sigurojë një strehë ku të fusin kokën.

Situata paraqitet e vështirë për Dilën e cila ka mbetur e pastrehë së bashku me bashkëshortin dhe djalin e saj, të dy me probleme shëndetësore.

“Që kur u shemb godina unë jam jashtë. Me burrin invalid dhe djalin e sëmurë. Plaçkat i kam çuar tek të njohurit, por vetë s’kemi ku të shkojmë. Kërkojmë një strehë të fusim kokën”, apelon ajo përmes Abc News.

Por si Dila ka edhe shumë banorë të tjerë që deri para pak ditësh jetonin tek godinat pranë Universitetit Bujqësor. Një pjesë e tyre shprehën se prej 3 ditësh kanë mbetur në qiell të hapur, ndërsa një pjesë tjetër kanë marrë shtëpi me qira të cilën e paguajnë vetë deri sa t’u dalë bonusi i qirasë.

Në zonën pranë Universitetit Bujqësor të Tiranës për shkak të amortizimit dhe dëmtimeve nga tërmeti ka nisur procesi i shembjes së 10 godinave, në 8 prej të cilave jetonin familjarë dhe 2 të tjera me studentë./abcnews.al

Capture-5.png
in a11:54 | 28/11/2019

Drama njerëzore është e madhe në Thumanë, aty ku janë shënuar 22 viktima dhe disa të plagosur nga termeti i fuqishëm i 26 nëntorit. Por përveç pallateve që u kthyen në gërmadha ka edhe plot shtëpi private të dëmtuara rëndë. Kamera e “AbcNews” dhe gazetari Andi Qosja, sjell realitetin e hidhur por edhe apelin e fuqishëm të familjes Xhixha e cila është në hasmëri, si dhe ka mbetur në qiell të hapur.

“Jam Lirie Xhixha… duam shtëpi. Nuk kam marrë asgjë… jetojmë në kushte shumë të vështira. Duam çadra, jam me fëmijët jashtë kam vëllanë në burg. Jetoj në kushte të vështira. Kam motër, babë e nënë, vëllanë e kam në burg. Shteti të vërë dorë tek ne. As çadra s’kemi marrë. Ju lutem vini dorë, na ndihmoni!”, shprehet mes lotësh gruaja nga Thumana.

Lexo edhe: “Më mirë të na vrasë tërmeti se hasmi”: Ka shtëpinë e shkatërruar, por familja nuk del dot jashtë

myftiu.jpg
ger ta14:20 | 17/11/2019

Situata social-ekonomike shihet nga Myftiu i Shkodrës si mjaft problemtatike. Kjo sipas tij ka sjellë largime masive të të rinjve, për të cilat, përgjegjës të drejtpërdrejtë bën drejtuesit e shtetit. Përballë kësaj situate, myftiu i Shkodrës Muhamet Sytari, u bën thirrje shqiptarëve për bashkim dhe distancim nga e keqja.

Largimet masive të të rinjve jashtë vendit e kanë një përgjegjës, sipas myftiut të Shkodrës Muhamet Sytari. Dhe ajo është politika. …

Është e dhimbshme Shqipëria në 2019-ën është një vend ku po largohet rinia, po shfaqen veset më të liga të historisë së racës njerëzore edhe ndërkohë që drejtuesit e vendit mburren me çështje qesharake, mjerimi dhe skamja vazhdojnë të përhapen në vend, domethënë ka nevojë për një ringritje, ka nevojë për një rimëkëmbje, ka nevojë për një frymë të re, për kapërcimin e këtij pragu të kësaj ligësie që ka përfshirë vendin të mjerimit dhe skamjes që ka përfshirë vendin.”, shprehet ai.

Me tone alarmante për situatën, Sytari u bën thirrje shqiptarëve që të bshkojnë duart për të mirën e vendit, duke u distancuar nga e keqja. Një vend pa alternative, sipas tij, nuk është asgjë më tepër se një morg.

“Një vend që nuk ka alternative kthehet në morg  dhe është e dhimbshme që ky vend i bekuar nga zoti të kthehet në morg për shkak të politikave të gabuara që e kanë marrë përdore dhe po e marrin cdo e më tepër përdore shqipërinë drejt varfërisë dhe skamjes. Ne nuk duhet të bëhemi palë me të keqen ne duhet te distancohemi nga e keqja. Ne duhet të punojmë fort që të bashkojmë duart, të gjitha mundësitë që kemi për të mirën e vendit për të mirën e së sotmes e të ardhmes së fëmijeve tanë në veçanti”, ka deklaruar ai.

Deklaratat, Myftiu i Shkodrës i bëri me rastin e 29-vjetorin e hapjes se xhamise se Plumbit dhe shpalljes se lirise se besimit ne Shqipëri./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono