antidroge

policia-3-1-640x374-1.jpg
in a07:47 | 21/01/2020

Aksioni antidrogë i Policisë së Gjirokastrës i zhvilluar mbrëmjen e djeshme ka çuar në pranga 6 persona. Burime nga Policia e Gjirokastrës konfirmojnë se janë vënë në pranga autorët e dyshuar, ndërsa një prej tyre është shpallur në kërkim.

Ndërkohë materialet i kaluan Prokurorisë së Rrethit Gjyqësor Gjirokastër, për hetime të mëtejshme, për veprat penale “Mbajtja pa leje e armëve luftarake dhe municionit” dhe “Prodhimi dhe shitja e lëndëve narkotike” e kryer në bashkëpunim.

Memaliaj / Informacion

Finalizohet me sukses operacioni policor i koduar “Vasjari”.

Sekuestrohen 103 kg lëndë narkotike Cannabis Sattiva dhe një armë zjarri pistoletë.

Arrestohen në flagrancë 6 shtetas:

Ramiz Jahaj nga Vlora

Mikel Ziflaj nga Memaliaj

Leonidha Kociaj nga Mallakastra

Sefer Dukaj nga Vlora

Matjana Betaj nga Memaliaj

Ervin Saka nga Vlora

Në vijim të punës për parandalimin, evidentimin dhe goditjen e veprimtarisë kriminale në fushën e narkotikëve si dhe mbi bazën e informacioneve të marra në rrugë operative, specialistët e Seksionit për Hetimin e Narkotikëve në DVP Gjirokastër në bashkëpunim  me shërbimet e Komisariatit të Policisë Tepelenë dhe të Stacionit të Policisë Memaliaj, organizuan dhe finalizuan operacionin “Vasjari”, ku si rezultat i këtij operacioni u arrestuan në flagrancë shtetasit :

  1. , 45 vjeç, banues në Vlorë;
  2. , 26 vjeç, banues në fshatin Amanikaj, Memaliaj;
  3. , 55 vjeç, banues në Mallakastër;
  4. , 30 vjeç, banues në Vlorë;
  5. , 20 vjeç, banues në fshatin Vasjar, Memaliaj dhe
  6. , 30 vjeç, banues në Memaliaj.

Gjithashtu u shpall në kërkim dhe një shtetas tjetër.

Këta shtetas në bashkëpunim me njeri-tjetrin në vendin e quajtur Mogila, në një banesë të pabanuar po përpunonin dhe paketonin 103 kg lënde të dyshuar narkotike Cannabis Sattiva, me qëllim transportimin  në drejtim të qytetit të Vlorës.

Në cilësinë e provës materiale u sekuestrua lënda narkotike, një armë zjarri pistoletë TT, 3 automjete, 11 telefona celularë, një peshore mekanike, një sasi parash dhe numra të ndryshëm telefonash.

Materialet i kaluan Prokurorisë së Rrethit Gjyqësor Gjirokastër, për hetime të mëtejshme, për veprat penale “Mbajtja pa leje e armëve luftarake dhe municionit” dhe “Prodhimi dhe shitja e lëndëve narkotike” e kryer në bashkëpunim./abcnews.al

 

shqiptaret-spanje.jpg
nev ila16:26 | 03/01/2020

Garda Civile dhe Policia Spanjolle kanë sekuestruar një sasi prej 2,800 bimë të llojit “marijuana”, e cila ishte kultivuar  nga një grup i përbërë nga gjashtë persona, të cilët kishin mbjellë bimën në zona të ndryshme në provincën e Valencias.

Sipas një deklarate të përbashkët të Policisë dhe Gardës Civile, të arrestuarit janë  tre shqiptarë dhe tre gra me origjinë shqiptare dhe kolumbiane, të cilët janë midis moshës 28 dhe 45 vjeç.

Të arrestuarit akuzohen për vepra të ndryshme penale, atë të përfshirjes me krimin e organizuar, për kultivim të lëndëve narkotike, trafik droge, mashtrim dhe falsifikim dokumentash.

Operacioni i koduar “Lavori”  i cili ka patur në mbikqyrje prej 7 muajsh shqiptarët, të cilët e kryenin aktivitetin e tyre në rajonin e Valencias, arriti në përfundimin se ky grup, përbënte një organizatë të mirëfilltë dhe të mirëorganizuar kriminale, në fushën e kultivimit të lëndëve narkotike.

Deri tani në 3 zona në provincën e Valencias, janë sekuestruar  tre plantacione me 361 kilogramë marijuanë, por sasia më e madhe e bimëve të sekuestruara, u kap në një vilë në Chiva, ku agjentët sekuestruan 1.300 bimë kanabis.

Agjentët spanjollë gjithashtu kanë sekuestruar pajisje moderne dhe tepër të sofistikuara, të cilat ndihmonin në rritjen e shpejtë të bimës, të cilat kapin vlerën e 160,000 euro.

Po ashtu u sekuestruan  tre automjete super luksoze, 10 celularë, një makinë për numërimin e parave, 7442 euro cash, dy makina paketimi e një sërë materialesh të tjera, që ndihmonin në kultivimin, deri në nxjerrjen në treg të bimës.

Autoritetet spanjolle njoftuan se materialet e sekuestruara kapnin shifrat e më shumë se 2 milion euro.

Policia spanjolle ka njoftuar se hetimet janë ende në zhvillim e sipër, dhe nuk bëhen me dije detaje të tjera në lidhje me këtë operacion antidroge./abcnews.al

policia-1280x711.jpg
nev ila09:05 | 01/11/2019

Finalizohet operacioni policor antidrogë i koduar “Kreshpan”.

Operacion për goditjen e veprimtarisë kriminale të prodhimit dhe shitjes së narkotikëve, i ndjekur me metodat speciale të hetimit. Sekuestrohen rreth 13 kg kanabis, 2 automjete, 7 aparate celulare dhe një sasi parash. Në pranga 3 shtetas që ushtronin këtë veprimtari kriminale.

“Në vijim të punës për parandalimin dhe ndëshkimin e veprimtarisë kriminale në fushën e narkotikëve, nga specialistët për Hetimin e Krimeve në Komisariatin e Policisë Fier, në bashkëpunim me Seksionin për Hetimin e Narkotikëve në DVP Fier, pas një pune hetimore 10-ditore, të ndjekur me metodat speciale të hetimit, u finalizua me sukses operacioni policor i koduar “Kreshpan”, gjatë të cilit u bë arrestimi në flagrancë i shtetasve:

E. Y., 35 vjeç, banues në Kreshpan, Fier;

S. T., 38 vjeç, banues në Kreshpan, Fier;

E. S., 27 vjeç, banues në Tiranë;

Si rezultat i operacionit, në aksin rrugor Levan-Tepelenë, shërbimet e Policisë kapën në flagrancë shtetasit E. Y., S. T. dhe E. S. duke shkëmbyer një sasi lënde narkotike kanabis.

Gjatë kontrollit të ushtruar në automjetin tip Audi në pronësi të shtetasit E. S., u gjet një sasi prej 5 kg lëndë narkotike kanabis, e cila dyshohet të jetë blerë te shtetasit E. Y dhe S. T.

Gjatë kontrollit fizik, shtetasit E. Y. iu gjetën dhe sekuestruan 1 550 euro dhe 90 000 lekë, të cilat dyshohet se janë përfituar nga shitja e lëndës narkotike.

Gjithashtu, nga kontrolli i banesës së shtetasit E. Y., u gjet dhe sekuestrua në cilësinë e provës materiale rreth 8 kg lëndë narkotike kanabis.

Materialet procedurale i kaluan Prokurorisë pranë Gjykatës së Shkallës së Parë Fier, për veprën penale “Prodhimi dhe shitja e lëndëve narkotike” kryer në bashkëpunim”./abcnews.al

droga-brescia.jpg
nev ila09:08 | 11/10/2019

Një operacion antidrogë është finalizuar në orët e para të mëngjesit të sotëm duke arrestuar 32 persona në zonën e Brescia, Bergamo, Monza, Reggio Emilia dhe Bolzano.

Video nga operacioni

Nga ky operacion u kapën rreth 157 kg drogë përfshirë kokainë, hashash dhe marijuanë, të cilat vinin nga Shqipëria, Spanja dhe Hollanda. Droga e kapur, nëse do të hidhej në treg kapte shifrën prej 6 milion euro./abcnews.al

sander-lleshaj.jpg
nev ila19:10 | 26/06/2019

Kreu i nje grupi kriminal i cili dyshohet se ka trafikuar ne disa vende te europes mbi 1.5 ton kokainë është vënë në pranga.  51 vjecari Astrit Beqiri, banues në Shkodër është arrestuar nga policia vendore, e mbështetur nga forca policore të Tiranës e Korçës, në bashkëpunim me Prokurorinë e Krimeve të Rënda. Aksioni ishte pjesë e një operacioni ndërkombëtar të koordinuar nga EUROPOL, i shtrirë në Danimarkë, vendi iniciues, Suedi, Gjermani, Belgjikë, Holandë, Slloveni e Shqipëri.

Pas ketij operacioni ka reaguar Ministri i Brendshem Sandër Lleshaj. Lleshaj përmes një statusi në rrjetet sociale ka shkruar se pjesë e goditjes së këtij operacioni janë shumë pjestarë të krimit të organizuar.

“Goldfinger”, operacioni i koordinuar nga EUROPOL, ku merr pjesë Policia dhe Prokuroria Shqiptare, godet fort në Europë dhe në Shqipëri. Pjesë e goditjes janë shumë pjestarë të krimit të organizuar dhe sasi të mëdha asetesh kriminale. Kjo goditje e radhës provon pjekurinë, motivimin, besueshmërinë dhe profesionalizmim e lartë të organeve tona ligjzbatuese“, shkruan Lleshaj./abcnews.al

goldginger-1280x755.jpg
nev ila17:05 | 26/06/2019

Një 51 vjeçar me inicialet A.B. banues në Shkodër është arrestuar mëngjesin e sotëm nga policia vendore, e mbështetur nga forca policore të Tiranës e Korçës, në bashkëpunim me Prokurorinë e Krimeve të Rënda. Aksioni ishte pjesë e një operacioni ndërkombëtar të koordinuar nga EUROPOL, i shtrirë në Danimarkë, vendi iniciues, Suedi, Gjermani, Belgjikë, Holandë, Slloveni e Shqipëri.

51 vjecari i arrestuar në Shkodër, sipas njoftimit të policisë, ka rol aktiv si kryetar i grupit kriminal. Ai akuzohet për veprat penale “Pastrim i produkteve të veprës penale ose veprimtarisë kriminale”, “Grupi i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”.

Po sipas njoftimit të policisë, një tjetër person është shpallur në kërkim, por gjeneralitetet nuk jepen për arsye hetimi.

Gjatë operacionit në Shqipëri janë sekuestruar rreth 200 mijë euro, 10 milion lekë, 7 automjete, 1 biznes me vlerë investimi mbi 1 milion euro. Grupi kriminal kishte aktivitet në gjashtë shtete në fushën e trafikimit e shpërndarjes së kokainës, heroinës etj.

Si rezultat i operacionit të realizuar njëkohësisht në gjashtë shtete,  u arrestuan mbi 42 persona, u sekuestruan 40 kg kokainë, u kontrolluan dhjetëra ambient, u sekuestruan 600 mijë euro, armë zjarri, granata, disa automjete e objekte të ndryshme. Po sipas njoftimit të policisë është dokumentuar se ky grup kriminal ka trafikuar mbi 1650 kg kokainë e heroinë brenda vendeve të BE. Në Shqipëri është regjistruar procedim penal në vitin 2019./ABC News Albania 24/7

 

PRELA.mpg_snapshot_00.00-1280x720.jpg
ent ela11:00 | 12/02/2019

Policia e Shtetit u përfshi në një operacion të përbashkwt anti-drogë mes Shqipërisë dhe Italisë për arrestimin e 27 personave, të dyshuar për trafikimin e 9.3 tonëve kanabis në total. 21 nga të dyshuarit si anëtarë të katër grupeve kriminale, ishin shtetas shqiptarë, nga të cilët gjashtë u arrestuan në Vlorë. 

Gjashtë persona të dyshuar si trafikantë drogë të katër grupimeve kriminale dhe të shpallur në kërkim nga drejtësia italiane u arrestuan mëngjesin e së martës në Vlorë. Prangosja e tyre nga Policia e Shtetit ishte finalizimi i një operacioni të përbashkët dhe të njëkohshëm anti-drogë mes Shqipërisë dhe Italisë, të koduar “Lulet e pranverës”. Në tokën fqinje u prangosën 11 persona të tjerë, gjashtë prej të cilëve shqiptarë.

E përbashkët ishte edhe konferenca e shfaqjes së rezultateve, ku prokurorët e Krimeve të Rënda qëndruan në lidhje direkte përmes skype-it, me homologët italiane.

Donika Prela: “Ky operacion është shtrirë në disa Drejtori Vendore të Policisë së vendit, si Durrës, Vlorë, Lezhë, gjatë harkut kohor të mbi dy viteve nën drejtimin e Prokurorisë për Krime të Rënda”

Tek Krimet e Rënda prokurorët e Leçes kanë bashkëpunuar me prokurorët Përparim Kulluri dhe Pranvera Pustina. Për këtë hetim drejtësia italiane nxorri 27 masa sigurimi “arrest në burg” nga të cilët 21 shqiptarë dhe 6 italianë.

Donika Prela: “Nga operacioni i zhvilluar në orët e para të mëngjesit është arritur të ekzekutohen nga policia Urdhërat e Arrestit ndërkombëtarë të 6 shtetasve shqiptarë në territorin e Republikës së Shqipërisë, ndërsa 3 të tjerë, 2 shtetas italian dhe 1 shtetas shqiptar ndodhen në burg në Shqipëri. Në Itali janë arrestuar 10 shtetas nga të cilët 5 shtetas shqiptarë dhe 5 italianë, ndërsa një shtetas shqiptar ndodhet në burg në Malin e Zi dhe janë shpalluar në kërkim 7 shtetas të tjerë”.

Në Shqipëri “Lulet e pranverës” arrestoi të dyshuarit Denis Pashaj, Kristian Llanaj (Nuredinaj), Luka Beqiraj, Bilbil Kabello, Arbnor Xhimaj (Hoxhaj) dhe Kujtim Elmazi. Ndërsa në Itali u prangosën Dorian Alikaj, Altin Avruramani, Ajet Çepaj, Kaludio Fani, Artuar Mani dhe Raul Zenunaj.

Sipas hetimit të skuadrës së përbashkët hetimore mes prokurorive të dy vendeve, rezulton se të arrestuarit janë përgjegjës për të paktën katër episode të trafikimit apo tentativës së trafikimit të më shumë 3 tonëve kanabis. Nërsa dyshimet e prokurorisë flasin për 9.3 tonë. Në itali operacioni është zhvilluar në Calabri, Toscana, Emilia Romagna dhe Siçili. Pala italiane ka dyshime për përfshirjen e të arrestuarve në trafikun e drogës, por edhe të armëve./abcnews.al

4417058.jpg
ent ela09:12 | 17/02/2018

Policia e Shtetit, në bashkëpunim me policinë italiane nëpërmjet Zyrave Ndërlidhëse në Tiranë e Bari, si dhe me Kompaninë e Karabinierisë së Roma Centro, kanë vijuar arrestimet duke bërë të mundur kapjen e një tjetër të kërkuari ndërkombëtarisht, në kuadër të operacionit antidrogë të koduar “NADIR”.

I arrestuari është shqiptari Nikolla SH. 40 vjeç.

Në kuadër të këtij operacioni të përbashkët policor më 15 shkurt u bë e mundur arrestimi i 11 personave, 3 nga të cilët në arrest shtëpie në Itali dhe një tjetër i arrestuar në Shqipëri./abcnews.al

vlcsnap-error130-2-1280x720.jpg
ent ela13:52 | 19/01/2018

Pronari i autobusit ku u gjetën dy kg heroinë është oficer policie. Ai është Edmond Çela me detyrë shef i hetimit të krimit në Drejtorinë e Kufirit të Migracionit në Korçë. Nuk dihet ende nëse Çela ka lidhje me drogën që u gjet në mjetin e tij të linjës Shqipëri-Greqi, por policia greke ka ndaluar drejtuesin. Operacioni sipas policisë shqiptare nisi në doganën tonë në Kapshticë. Por pasi kaloi në skaner nuk kanë mundur ta zbulojnë dhe sipas policisë sonë iu kërkua ndihmë palës greke për një kontroll të ri me aparatura më speciale. Siç edhe dyshohej droga u zbulua në një vend të fshehtë të autobusit. Për të hetuar pozicionin e Çelës nga Tirana drejt Korçës janë nisur specialistë të Krimeve të Rënda./abcnews.al

325597_369555.jpg
ad min09:10 | 05/12/2017

Policia italiane po  zhvillon një operacion të madh antidrogë për arrestimin e 35 personave në Trentino, mes tyre edhe shqiptarë. Të arrestuarit janë pjesë e 3 bandave të ndryshme

Operacioni antidrogë ka nisur prej orëve të para të mëngjesit të sotëm nga 80 karabinierë në Trentino. Arrestime edhe në Verona, Bergamo, Pavia e Milano

Hetimet për nisjen e këtij operacioni në Trentino të Italisëkanë nisur që 2016-ën./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono