ankesat

ankesat-kosove-1280x699.jpg
nev ila12:59 | 08/11/2019

Në Kosovë, partitë dhe koalicionet politike si dhe kandidatët kanë shprehur pakënaqësitë e tyre me rezultatin e zgjedhjeve të 6 tetorit, i cili u shpall të enjten nga KQZ-ja, duke apeluar vendimet e Komisionit.

67 ankesa janë bërë deri tani, të cilat duhet të shqyrtohen dhe përmbyllen para se të shkohet drejt certifikimit të rezultatit zgjedhor. Ndërkohë, grupet punuese të Vetëvendosjes dhe LDK-së kanë përmbyllur punën e tyre dhe tani i mbetet udhëheqësve të dy partive të konkludojnë në një marrëveshje përfundimtare për bashkëqeverisje.

Subjektet politike dhe kandidatët të cilët janë të pakënaqur me rezultatet përfundimtare të KQZ-së kanë të drejtë të paraqesin ankesa brenda 24 orësh nga shpallja e rezultatit.

67 ankesa janë paraqitur brenda këtij afati. Sipas dokumentit, Valon Ramadani, kandidat për deputet nga Lëvizja Vetëvendosje ka dërguar një ankesë. Lidhja Demokratike e Kosovës ka dërguar 14 ankesa, ndërsa koalicioni, i cili pretendon se i ka mbi 5% të votave, NISMA-AKR-PD ka dërguar në PZAP dy ankesa.

Më shumë ankesa janë dërguar nga Samostalna Liberalna Stranka- SLS, e cila ka çuar 42 ankesa.

Ndërkohë grupet punuese të Vetëvendosjes dhe LDK-së kanë përmbyllur punën e tyre dhe tani i mbetet udhëheqësve të dy partive, Albin Kurti dhe Isa Mustafa, të konkludojnë në një marrëveshje përfundimtare për bashkëqeverisje.

Koalicioni i dy partive pritet të prodhojë një cabinet qeveritar më të vogël, me vetëm 12 ministri nga 22 sa janë aktualisht. Shumë nga ministritë do të shuhen dhe do t’u bashkohen ministrive të tjera. Nënkryetari  i Vetëvendosjes, Besnik Bislimi, ka thënë për mediat në Kosovë se megjithatë janë dy versione të formatit të Qeverisë, por që kanë dallime shumë të vogla.

Në një zhvillim tjetër, kryeministri i ardhshëm i Republikës së Kosovës, Albin Kurti, ka takuar të enjten në mbrëmje këshilltarë të Presidentit Francez, Emmanuel Macron. Këshilltari për Evropë dhe G20, Clément Beaune, Këshiltari zëvendës përgjegjës për Evropë,.Alexandre Adam, si dhe Këshilltari për Çështje Startegjike, Etienne de Gonneville, kanë uruar Kurtin për fitoren e zgjedhjeve të 6 tetorit.

“Më uruan për fitoren në zgjedhje, i falenderova për përkrahjen dhe ndihmën e Francës për Republikën e Kosovës dhe biseduam për avansimin e marrëdhënieve bilaterale ndërmjet dy shteteve tona. Shpjegova ndryshimin e madh politik në Kosovë me zgjedhjet e 6 tetorit, për synimet tona që këtë vullnet të qytetarëve ta bëjmë reformë të drejtësisë, zhvillim ekonomik e progres shoqëror. Diskutuam edhe për situatën politike në Ballkan, nevojën për raporte të mira fqinjësore midis shteteve dhe demokratizimin e tyre të brendshëm”, tha Kurti./abcnews.al

prokuroria-e-tiranes.mpg_snapshot_10.48-1280x720.jpg
ent ela10:47 | 07/06/2019

10 punonjës policie janë penalizuar për shkak se kanë shpërdoruar detyrën, Prokuroria e Tiranës pas sinjalizimit nga autoritetet franceze në bashkëpunim me Drejtorinë e Doganave dhe SHÇBA-në ka zbuluar një rast të kontrabandës së automjeteve. Në pranga ka rënë Arben Grabovari së bashku me 4 punonjës policie, ndërsa 6 të tjerë janë pezulluar nga detyra.

Prokuroria e Tiranës në bashkëpunim me drejtorin e doganave dhe Shërbimin e Çështjeve të Brendshme dhe Ankesave, kanë finalizuar një operacion që kishte të bënte me kalim kontrabandë të automjeteve të cilat ishin të vjedhura në Francë. Kjo aferë korruptive e punonjësve të policisë doganore ishte sinjalizuar nga autoritetet franceze. Drejtuesja e Prokurorisë së Tiranës Elisabeta Imeraj gjatë një konferencepër mediat së bashku me zëvëndës-drejtorin e SHÇBA Adriatik Ago dhe Drejtorin e hetimit në Drejtorin e Doganave Ervin Braja u shpreh se punonjësit e policisë janë bërë pjesë konkrete e veprimtarisë së Kontrabandimit.

Prokurorja e çështjes Mirela Çano Zavalani ka treguar më tepër detaje për këtë hetim të nisur në shkurt të 2019. Arben Grabovari, ky person ka arritur që të kalojë kontrabandë 54 makina është arrestuar në prill. Ndalimi i tij u bë në pikën e Qafë Botës pasi tentoi të hynte në shtetin Grek duke përdorur një pasaportë greke.

Kjo veprimtari është kryer në 4 pika kufitare atë të Qafë-botës, Kapshticë, 3 urat dhe Morinë. Hetimet për këtë çështje nuk janë mbyllur pasi dyshohet se një pjesë ë automjeteve të cilat janë futur kontrabandë në vendin tonë, mund të jenë përdorur për të kryer akte të ndryshme kriminale. Pasi policët e pikave kufitarë nuk kanë pasqyruar numrat e shasive.

/ABC News Albania 24/7

 

KRONIKE-RAMA-BASHKEQEVERISJA.mpg_snapshot_00.00-1280x720.jpg
ent ela14:11 | 24/04/2019

Në aktivitetin e përjavshëm të organizuar në kryeministri për dëshminë e rasteve të zgjidhura përmes portalit shqipëriaqëduam.al, kryeministri Edi Rama theksoi arritjet e këtij portal dhe nxiti qytetarët të vijojnë denoncimet.

Qytetari: “Kisha 3 vjet që vija lart e poshtë dhe nuk merrja zgjidhje, u detyrova pastaj te portali dhe e zgjidha brenda 10 ditësh”.

Janë këto tregime dëshmia më e qartë sipas kryeministrit Rama, e marrëdhënies më të drejtpërdrejtë mes qeverisë dhe qytetarëve, në zgjidhjen e problemeve që nuk gjejnë zgjidhje në rrugën e tyre. E nuk mbaron me kaq thekson ai.

”Pas zgjidhjes vjen hetimi dhe personat përgjegjës marrin ndëshkimin që meritojnë. Janë sot mbi 600 individë të pushuar. Miku i famshëm që ishte ilaçi tradicional që duhet të zgjidhte probleme që duhet t’i zgjidhte shtetit, sot ka pamjen dhe trajtën e vet qeverisë. Është qeveria miku më i madh i atij që shkruan”.

Arritjet e platformës, i komunikon vetë.

“Numri total i adresimeve në platformë që janë ankesa, kërkesa, opinione ka kaluar 41 mijë dhe po i afrohet 30 mijëshit numri i rasteve të zgjidhura”.

Për këto arsye i këshillon kujtdo që të gjejë të drejtën e tij përmes ankesave apo denoncimeve në portalin shqipëriaqëduam.al. /abcnews.al

MAKRON-PENSIONISTI-1280x720.jpg
ent ela18:09 | 06/10/2018

Sërish në qendër të polemikave në një kohë që popullariteti i tij shënon rënie të vazhdueshme. Presidenti francez Emanuel Makron i ka kërkuar të mos ankohen pensionistëve që i thonin se jetesa në vend është bërë shumë e shtrenjtë

Presidenti i Francës Emanuel Makron i ka bërë apel pensionistëve që të mos ankohen. Përgjigja e tij ndaj një grupi pensionistësh gjatë vizitës në qytetin e lindjes së Sharl De Gol, rrezikon të ngjallë polemika të tjera në vend. Makron është në qendër të kritikave për shkak të marrëdhënieve që ka me njerëzit e zakonshëm.

Kreu i shtetit francez gjatë vizitës së tij u ndalua nga një grup pensionistësh që u ankuan për jetesën e shtrenjtë. Macron u përgjigj duke cituar një shprehje të Sharl de Gol:

“Nipi i gjeneralit sapo më tha: “me të mund të flisje shumë lirshëm, por e vetmja gjë që s’mund të bëje sihte të ankohej. Mendoj se kjo është një praktikë shumë e mirë”.

Presidenti shtoi më pas se Franca do të përparonte më mirë nëse të gjithë do të respektonin këtë princip. Më pas ai u tha pensionistëve që të kuptonin se sa me fat ishte, dhe mohoi se fuqia blerëse e kësaj kategorie sociale ka rënë. /abcnews.al

ES1A3477-1280x1070.jpg
ent ela11:48 | 05/10/2018

Deputetja e Partisë Demokratike Jorida Tabaku ka vizituar banorët e 6 fshatrave të bashkisë së Tiranës, të cilat sipas janë janë lënë në mëshirë të fatit nga qeveria. Pesë mijë banorët e këtyre fshtarave ankohen se tokat u janë të shkretuar nga mungesa e ujësjellësit dhe kanaleve vaditëse, kurse rrugët janë të pashtruara dhe qendra shëndetësore është jashtë funksionit.

Njoftim i takimeve të deputetes Jorida Tabaku, me banorë të 6 fshatrave të braktisura

Gjashtë fshatra të Bashkisë Tiranë, Kasallë, Çekrez, Qinam, Kallmet, Orit dhe Rradhesh, janë lënë në mëshirë të fatit pas Reformës territoriale.

Deputetja Jorida Tabaku ishte në këto zona ku banojnë rreth 5 mijë qytetarë por nuk ka pasur asnjë investim.

Qytetarët u ankuan se nuk kanë ujë, rrugë dhe investime.

Ata i treguan deputetes Tabaku se mënyra e vetme e jetesës është emigracioni i të rinjve dhe puna e grave në fasoneri.

“Kemi harxhuar 6 milionë lek për të hapur puset. Blejmë çdo vit pompa nga 700 mijë lek. Tokat nuk përdoren sepse nuk ka ujë”, thotë një banor.

Shqetësim tjetër i banorëve ishte edhe taksa për puset të cilëve do t’u vendoset sahat që nga muaji Janar.

“Po edhe atë punë e bëjnë ata”, shtoi banori,”e kanë në dorë me na mbyt”.

Jorida Tabaku theksoi se taksat e ulëta janë një mundësi për hapjen e vendeve të reja të punës që të rinjtë të mos largohen nga vendi.

“Këtu nuk ka ardhur asnjë njeri, jemi të diskriminuar”, tha një tjetër banor.

Hasi është një i ri 16 vjeçar i cili shprehet i shqetësuar për largimin e bashkëmoshatarëve të tij dhe situatën ekonomike të familjes.

“Taksa kanë për të vendosur edhe për tokat tona. ujin e nxjerr me lekët e tua e ata të vënë taksën për ujin që e ke nxjerrë me lekët e tua, me djersën tënde. Nuk ka një familje këtu që nuk ka një fëmijë në Angli ose Gjermani. Vëllai im ka tre vjet në Gjermani, kot.”

Mungesa e investimeve në rrugë është një tjetër shqetësim i banorëve.

“Këtë rrugë e kanë lënë pas dore. Duhet ndërhyrje në mënyrë emergjente”.

Deputetja Tabaku theksoi se 5 mijë banorët e lënë në mëshirë të fatit paguajnë rregullisht taksat, ndërsa shteti nuk u jep asgjë në këmbim.

 “Një zonë pothuajse e izoluar e cila duhej të ishte pjesë e administrative e Tiranës, por fatkeqësisht e kanë ndarë dhe e kanë izoluar duke e kthyer në një zonë të varfër, një zonë pa asnjë mundësi mbijetese. Banorët më thonë që kanë kohë që nuk shohin një përfaqësues të qeverisë, kanë kohë që nuk vjen një investitor në këtë zonë për të ofruar një mundësi punësimi e vetmja mundësi punësimi është për zonjat e kësaj zone në fasonë të cilët ndodhen pothuajse një orë e gjysëm larg. këta qytetarë të Tiranës paguajnë çdo taksë, edhe taksa të rritura, paguajnë energjinë elektrike, edhe atë të rritur, paguajnë vetë për të sjellë ujin në shtëpitë e tyre, ndërkohë që shteti nuk u jep asgjë në këmbim. këtu duket sikur shteti nuk ekziston, sikur shteti e ka harruar këtë zonë e cila duhej të ishte si çdo zonë tjetër e Tiranës”, tha Tabaku.

 

 

vlcsnap-error860-1-1280x720.jpg
ad min15:53 | 22/11/2017

Drejtuesit e rinj të spitaleve do të emërohen pas pak ditësh. Ministja e Shëndetësisë thote se po presin ankesat e kandidatëve, ndërkohë që akuzat e opozitës për konkurse farse dhe emërime politike i konsideroi të pabaza.

Ministria e Shëndetësisë po pret ankesat e kandidatëve për drejtorë spitalesh para se të emërojë drejtuesit e rinj të tyre.
Renditja e kandidatëve sipas pikëve për shtatë spitalet rajonale, Qendrën Spitalore Universitare “Nënë Tereza”, atë “Shefqet Ndroqi”, maternitetin “Mbretëresha Geraldinë” dhe “Koço Glozheni” në Tiranë, publikuar dy ditë më parë.
Ministrja Ogerta Mansatirliu, deklaroi se vlerësimi është bërë nga një komision i përbërë nga gjashtë ekspertë të huaj dhe vendas, profesionistë të fushës apo menaxhimit shëndetësor.
Sa i takon spitaleve të tjera rajonale në Gjirokastër, Korçë, Elbasan dhe Vlorë, Ministria e Shendetësisë ka rihapur konkursin, pasi pjesëmarrësit nuk përmbushnin kriteret./abcnews.al

 

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono