anila denaj

kontrolle.jpg
in a14:30 | 22/02/2020

Shqipëria është rreshtuar në listën e vendeve gri që përbëjnë rrezik për pastrim parash.Task Forca Financiare e Moneyval një organizatë pranë Këshillit të Europës ka rikthyer në listë vendin tonë pas 5 vitesh.

Shqipëria kishte dalë nga monitorimi i këtij organizmi që prej vitit 2015.

Sipas Task Forcës Financiare theksohet se këto vende janë nën monitorim të shtuar. Ndërsa theksohet se po punohet intensivisht  për të adresuar mangësitë strategjike për të luftuar pastrimin e parave dhe financimin e terrorizmit. Në se një vend vendoset nën juridiksionin e Task Forcës Financiare  kjo do të thotë se ai është nën një monitorim  të thelluar ndërsa vendi është  i angazhuar të zgjidhë me shpejtësi mangësitë e identifikuara.Në listën gri konstatohet se pas Shqipërisë renditen Bahamas,Barbados dhe Bostvana. Ndërkohë nga vendet e Ballkanit në listë rezultojnë të jenë edhe Serbia,  Bosnje Hercegovina si dhe Kroacia. Pas publikimt të këtij raporti ka reaguar edhe ministra e Financave, Anila Denaj e cila shprehu angazhim në luftën ndaj pastrimit të parave. Denaj paralajmëroi forcim të ligjit kundër pastrimit të parave.

 “Janë kryer 2063 kontrolle në kufi me 4.7 mln euro të sekuestruara. 60.5 mln euro asete të sekuestruara nga hetimet për pastrim të parave. 74 mln euro asete të sekuestruara nga hetimet e grupeve kriminale përmes ligjit antimafia. 327 letër porosi janë dërguar lidhur me pastrimin e parave gjatë vitit 2018-2019. Vëmendje e shtuar kërkohet në lidhje me domosdoshmërinë e rritjes së dënimeve për pastrim të parave në sistemin gjyqësor”, tha Denaj.

Një raport i Moneyval i publikuar në fund të vitit 2018, i bëhet thirrje autoriteteve shqiptare të shtojnë përpjekjet në ndjekjen e pastruesve të parave dhe konfiskimin e aseteve të tyre, të lidhura me aktivitete që gjenerojnë të ardhura të konsiderueshme dhe në trajtimin e rreziqeve terroriste të financimit të lidhura me to.Në raportin që ishte shumë negativ për Shqipërinë vihej në dukje lidhja mes korrupsionit dhe organizatave kriminale për pastrimin e parave, ndërkohë që u tërhiqej vëmendja autoriteteve që  nuk po merrnin  masat e duhura për të luftuar këtë fenomen./abcnews.al

Capture-147.jpg
in a17:30 | 27/01/2020

Ministrja e financave dhe Ekonomisë, Anila Denaj i ka bërë thirrje bashkive që të fokusohen në ngritjen e Kadastrës fiskale.

Gjatë mbledhjes së Këshillit të Investimeve ministrja deklaroi se Kadastra është baza për  një sistem më të drejtë për pagesën e taksës së pronës e cila do të zbatohet në bazë të vlerës. Ndër të tjera Ministrja e Financave bëri apel për më shumë kujdes në mbledhjen e të ardhurave.

Gjithashtu Denaj në mbledhjen e Këshillit të Investimeve deklaroi se Kadastra fiskale është e rëndësishme për zbatimin e taksës së pronës e cila do të jetë sa 0.05% e vlerës së banesës.

“Duhet të ketë një angazhim të shtuar për reformën e Kadastrës fiskale”, tha Denaj.

Ministrja e Financave i bëri apel bashkive që të kenë në vëmendje edhe mbledhjen e të ardhurave. Sipas të dhënave niveli i borxheve të pushtetit vendor arriti në 6,2 miliardë lekë gjatë vitit të kaluar.

“Të ardhurat nga burimet e veta përfaqësojnë rreth 29.1% ndaj burimeve financiare totale. Lidhja e transfertës së pakushtëzuar të përfituar nga bashkitë rriti fondet në dispozicion të bashkive duke e çuar këtë shumë në 42% në vitin 2019 krahasuar me 2015 rreth 38% më shumë në të gjithë nivelin e saj historik”, theksoi Denaj.

Aktualisht taksa e pronës në bazë të përllogaritjes së re nuk ka nisur të zbatohet në të gjithë vendin pavarësisht se ka hyrë në fuqi që në prill të 2018.Shkak për këtë ka qenë mungesa e të dhënave ndërkohë që ngritja e kadastrës fiskale është vlerësuar si zgjidhje për çështjet e pronësisë./abcnews.al

aniladenaj.jpg
Autor E16:46 | 04/11/2019

Qeveria ka bërë një rishpërndarje të fondeve në buxhetin e vitit 2019, përmes një akti normativ. Tre ministri si dhe organet e reja të drejtësisë përfitojnë fonde shtesë. Por qeveria nuk sqaron se nga janë hequr fondet që do rishpërndahen. Kjo ishte një pikë debati e ministres Denaj me deputetin Murrizi.

Qeveria ka ndryshuar buxhetin e vitit 2019 duke rishpërndarë fondet mes disa sektorëve përmes një akti normativ.  Më shumë para kalojnë tek pushteti local që përfiton një rritje të shpenzimeve me 4 miliardë lekë,  ministritë e bujqësisë, mbrojtjes dhe rendit. Duke argumentuar këto lëvizje në buxhet, ministrja e Financave Anila Denaj konfirmoi gjithashtu një shtesë fondi edhe për organet e reja të drejtësisë.

Në relacionin që shoqëron aktin normativ listohen sektorët që përfitojnë fonde shtesë, por nuk thuhet se nga ku janë hequr këto fonde, fakt që e përmendi edhe depiteti demokrat Myslim Murrizi

Pavarësisht rakordimeve të bëra, qeveria ka ruajtur të pandryshuar treguesit e të ardhurave dhe shpenzimeve. Por rishikimi me ulje i parashikimit për rritjen ekonomike të vendit nga Banka Botërore për 2019-ën nga 3.8 në 2.9% pati ëvmendjen e deputetëve. Edhe pse pranon vështirësitë, Denaj shprehet optimiste.

Krahas thatësirës, ministrja Denaj pranoi se një factor që ndikoi negativisht në rritjen ekonomike është mbyllja e lojërave të fatit. Ministrja ka renditur konsumin si një ndër faktorët që po ndihmon në rritjen ekonomike, megjithatë në arkën e tatimeve mungojnë 10 milionë dollarë nga TVSH-ja. /abcnews.al

anila-denaj-1280x720.jpg
nev ila16:15 | 04/10/2019

Rritja ekonomike në 3 vitet e ardhshme në Shqipëri, sipas ministres së Financave dhe Ekonomisë, Anila Denaj parashikohet të jetë në shifrën 4 për qind.

Gjatë mbledhjes së Këshillit të Investimeve, ministrja Denaj tha se përmes reformave po synohet tërheqja e më shumë investitorëve.

Ulja e tatim fitimit nga 15% në 5% për kompanitë që ushtrojnë aktivitet në sektorin e prodhimit/zhvillimit të software ka ndihmuar në hapjen e kompanive të reja në fushën e Informacionit dhe Komunikimit.

Vetëm gjatë vitit 2018 janë 742 të tilla, kryesisht kompani të vogla me rreth 9 punëtorë.

Të dhënat i bëri publike ministrja e financave dhe ekonomisë Anila Denaj në mbledhjen e Këshillit të Investimeve tregojnë edhe për zhvillim të sektorit të agroturizmit.

Synimi i qeverisë për rritjen ekonomike nuk ka ndryshuar bën me dije ministrja Denaj.

Në konkluzionet e Fondit Monetar Ndërkombëtar në përmbyllje të misionit të radhës në Shqipëri, u nënvizua se rritja ekonomike pritet të jetë e moderuar gjatë 2019, pritet të jetë rreth 4% në periudhën afatmesme.

Këtë vit do të ngadalësohet me 3,5% për shkak të uljes së prodhimit të energjisë elektrike.

Fillimi i qëndrueshëm varet edhe nga përmirësimi në fushën në fushën e ligjit dhe treguesve të korrupsionit./ABC News Albania 24/7

anila-denaj.jpg
ad min13:30 | 25/09/2019

Dëmet që kanë pësuar bizneset në Durrës nga tërmeti i 21 Shtatorit do të përballohen nga buxheti i shtetit. Konfirmimin në emër të qeverisë e bëri ministrja e Financave dhe Ekonomisë. Anila Denaj gjatë inspektimeve në disa prej këtyre bizneseve në qytetin bregdetar.

Ngado që hedh sytë sheh pasojat që la pas tërmeti edhe në këtë biznes në Durrës. Tashmë është koha të bëhet vlerësimi i dëmeve që të nisë menjëherë më pas lëvrimi i fondeve nga buxheti i shtetit. Garancinë për t’i rimbursuar ua dha ministrja e Financave dhe Ekonomisë, Anila Denaj.

“Buxheti i shtetit disponon fondet për ta mbështetur të gjithë pjesën e konstatimit të dëmeve, me rimbursim. Ky vlerësim dëmesh duhet të ndodhë këto javë dhe ne pastaj të kemi mundësi që menjëherë të hapim fondin, i cili është i plotë, por do të ketë edhe fonde shtesë. Unë jap garanci që i gjithë ky proces do të mbulohet 100%”.

Gjatë bashkëbisedimit me biznese të zonës, Ministrja Denaj kërkoi mirëkuptimin e tyre për procedurat që do të ndiqen dhe theksoi nevojën për një mirëkoordinim mes strukturave shtetërore, në mënyrë që vlerësimi i dëmeve të bëhet sa më shpejt dhe më pas të vijohet me pjesën e fondeve për rimbursimin e tyre.

“Ne sigurojmë  që fondi i emergjencës ekziston dhe në pamundësi për të qenë i plotë, ne siç e thashë më parë, kemi akoruar disa fonde shtesë për tu vendosur në ndihmë, nga fondi rezervë, për të kaluar te fondi i emergjencës. Në kontekstin e fondeve jemi të qetë. Ajo që ne duhet të koordinojmë është në raport me procedurat për rimbursim sepse edhe nga ana proceduriale është e vështirë që ne të angazhohemi përpara se ekspertët të flasin për vlerën e demit për çdo familje”.

Ministrja Denaj u bëri thirrje të gjithë bizneseve për t’u solidarizuar me familjet dhe bizneset e prekura nga tërmeti./ABC News Albania 24/7

sigurimi-ashensoreve.jpg
ad min11:30 | 24/09/2019

Sigurimi teknik i ashensorëve të dëmtuar si pasojë e tërmetit të ndodhur pak ditë më parë duhet të bëhet sa më shpejt. Apeli vjen nga ministrja e Financave dhe Ekonomisë, Anila Denaj, e cila bashkë me kryeinspektorin e Inspektoriatit Shtetëror të Mbikëqyrjes së Tregut Lavdrim Sahitaj monitoruan situatën në terren. 

Pas tërmetit që goditi vendin të shtunën, Inspektoriati Shtetëror i Mbikëqyrjes së Tregut i ka kërkuar kompanive përgjegjëse të bëjnë një rivlerësim të gjendjes së ashensorëve në Tiranë dhe Durrës.

“Kemi komunikuar me të gjithë administratorët e njësive kryesore, siç janë qendrat  e bizneseve, spitalet dhe vendet që janë të mbipopulluara nga qytetarët. Kemi pare një angazhim të kompanive, të cilat kanë instaluar dhe janë përgjegjëse për ashensorët. Me këtë rast dua t’i bëj thirrje edhe një herë njësive vendore dhe të gjithë administratorëve që pas tërmetit të bëjnë të mundur një rivlerësim tëashensorëve, te kompanitë që janë përgjegjëse për këtë pjesë”.

Ndërsa ministrja e Financave dhe Ekonomisë Anila Denaj paralajmëroi ndryshime ligjore për të rritur elementet e cilësisë së  certifikimit sa i përket sigurisë së ashensorëve.

“Ka elementë sigurie shtesë që gjithnjë duhet t’i vlerësojmë, pasi ka investime të cilat mund të jenë bërë shumë vite para dhe kërkojnë të rishikohen mbi nevojën për të rritur cilësinë. Për të gjitha kompanitë, ato të ndërtimit dhe kompanitë që instalojnë dhe monitorojnë ashensorët, certifikimi sipas standardeve të BE-së është një kusht”.

Një projektvendim i posaçëm për këtë çështje sipas ministres Denaj shumë shpejt do t’i kalojë për miratim Këshillit të Ministrave./ABC News Albania 24/7

takimee.jpg
ad min16:22 | 18/09/2019

Zyra të përbashkëta me një ndalesë pritet të ngrihen në pikat kufitare mes Shqipërisë dhe Maqedonisë së Veriut. Nisma mes dy vendeve ndërmerret për të lehtësuar lëvizjen e mallrave dhe udhëtarëve më qëllim shkurtimin e kohës së qëndrimit në kufi.

Ministrja e Financave dhe Ekonomisë, Anila Denaj dhe homologu maqedonas Kreshnik Bekteshi zhvilluan një takim ku ranë dakord për krijimin e grupeve të përbashkëta të punës.

Një tjetër çështje e diskutuar mes dy ministrave ishte orientimi i politikave të përbashkëta për të tërhequr investimet e huaja. Ndërkohë, Rruga e Arbrit sipas Denajt dhe Bekteshit është një mundësi më shumë për të nxitur bashkëpunimin mes dy vendeve./ABC News Albania 24/7

anila-denaj-2.jpg
ad min14:26 | 29/08/2019

Ministria e Financave dhe Ekonomisë ka nisur konsultimet publike për projektligjin e Fiskalizimit, që parashikon futjen në përdorim të faturës elektronike për të gjitha bizneset. Ministrja Anila Denaj, siguroi bizneset se ky projektligj do t’u krijojë lehtësi dhe të do të nxisë konkurrencën e ndershme.

Nga data 1 Janar 2020, të gjitha transaksionet midis bizneseve dhe konsumatorit do të raportohen te administrata tatimore në kohë reale, bazuar në sistemin e ri të pajisjeve fiskale, ndërsa nga 1 Janari 2021, të gjitha transaksionet ndërmjet biznesit me njëri-tjetrin dhe ndërmjet biznesit me organet publike do të bëhen në bazë të faturës elektronike.

Është ky qëllimi i projektligjit mbi “Faturën dhe Monitorimin e Transaksioneve”, apo thënë ndryshe projektligjin për fiskalizimin që tashmë i është nënshtruar konsultimit publik me grupet e interesit.

Sipas Ministres Anila Denaj projekt-ligji parashikon të ulë kostot për një kategori të caktuar me shërbim falas, si dhe duke ofruar një aplikacion që do të mund të shkarkohet pa pagesë.

Me miratimin e projektligjit ministria e Finacave dhe Ekonomisë pretendon të mos ketë më fshehje apo të dhëna të manipuluara, taksapagues që nuk paguajnë pjesën që u takon./ABC News Albania 24/7

voltana-ademi-1280x711.jpg
ad min19:11 | 20/08/2019

Një ditë pas konstituimit të Këshillit të ri Bashkiak, qeveria ka dhënë sinjalet se nuk e njeh Voltana Ademin si kryetare të Bashkisë së Shkodrës. Kryetarja në detyrë e Shkodrës ka denoncuar faktin se Ministria e Financave përmes Degës së Thesarit në Shkodër ka bllokuar procedurat e likuidimit për fondet dhe investimet.

Voltana Ademi i është drejtuar me një shkresë Ministres së  Financave, Anila Denaj duke kërkuar zhbllokimin e fondeve, ndërkohë që për situatën ka vënë në dijeni edhe ambasadën e SHBA dhe ambasadat e vendeve të Bashkimit Europian në Shqipëri.

Ademi ka publikuar edhe korrespondencën me Drejtorinë e Thesarit e cila në rrugë zyrtare i bënte me dije se nuk e njeh më si kryebashkiake, pasi i ka mbaruar mandati.

Në shkresën drejtuar ministres Denaj, kryebashkiakja Ademi apelon që qeveria të tërhiqet sa më shpejt nga një qëndrim i tillë duke kërkuar të zbatohet vetëm ligji dhe jo orientimet partiake-politike.  /ABC News Albania 24/7

anila-denaj-1.jpg
ad min14:01 | 19/08/2019

Ministrja e Financave dhe Ekonomisë Anila Denaj paralajmëron.

“Do të flasim javës tjetër me shifra, me emra kompanish dhe me numra inspektorësh të cilët do të shkojnë për masa disiplinore pasi mendoj se në këtë proces nuk mund të shkojë vetëm gjobitja tërë bizneseve që kanë parregullsi, por sigurisht edhe për ata inspektorë që kanë lejuar në këto vite këto parregullsi”, tha Denaj.

Fushata kundër informalitetit ka dhënë rezultate në rritjen e të ardhurave nga akciza. Në muajin Korrik ato arritën 4.86 mld lekë, 17,8 %  krahasuar me një vit me parë. Për rreth një muaj e gjysmë u kryen 960 kontrolle dhe 71 raste u kapën me shkelje.

Veç karburanteve fokus i kontrolleve gjatë këtij muaji do të jenë edhe produktet e alkoolit dhe duhanit. Sipas ministres së Financave dhe Ekonomisë verifikime të detajuara do të ketë edhe për periudha të pakontrolluara më parë./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono