anila denaj

anila-denaj-2.jpg
G. P.14:26 | 29/08/2019

Ministria e Financave dhe Ekonomisë ka nisur konsultimet publike për projektligjin e Fiskalizimit, që parashikon futjen në përdorim të faturës elektronike për të gjitha bizneset. Ministrja Anila Denaj, siguroi bizneset se ky projektligj do t’u krijojë lehtësi dhe të do të nxisë konkurrencën e ndershme.

Nga data 1 Janar 2020, të gjitha transaksionet midis bizneseve dhe konsumatorit do të raportohen te administrata tatimore në kohë reale, bazuar në sistemin e ri të pajisjeve fiskale, ndërsa nga 1 Janari 2021, të gjitha transaksionet ndërmjet biznesit me njëri-tjetrin dhe ndërmjet biznesit me organet publike do të bëhen në bazë të faturës elektronike.

Është ky qëllimi i projektligjit mbi “Faturën dhe Monitorimin e Transaksioneve”, apo thënë ndryshe projektligjin për fiskalizimin që tashmë i është nënshtruar konsultimit publik me grupet e interesit.

Sipas Ministres Anila Denaj projekt-ligji parashikon të ulë kostot për një kategori të caktuar me shërbim falas, si dhe duke ofruar një aplikacion që do të mund të shkarkohet pa pagesë.

Me miratimin e projektligjit ministria e Finacave dhe Ekonomisë pretendon të mos ketë më fshehje apo të dhëna të manipuluara, taksapagues që nuk paguajnë pjesën që u takon./ABC News Albania 24/7

voltana-ademi-1280x711.jpg
G. P.19:11 | 20/08/2019

Një ditë pas konstituimit të Këshillit të ri Bashkiak, qeveria ka dhënë sinjalet se nuk e njeh Voltana Ademin si kryetare të Bashkisë së Shkodrës. Kryetarja në detyrë e Shkodrës ka denoncuar faktin se Ministria e Financave përmes Degës së Thesarit në Shkodër ka bllokuar procedurat e likuidimit për fondet dhe investimet.

Voltana Ademi i është drejtuar me një shkresë Ministres së  Financave, Anila Denaj duke kërkuar zhbllokimin e fondeve, ndërkohë që për situatën ka vënë në dijeni edhe ambasadën e SHBA dhe ambasadat e vendeve të Bashkimit Europian në Shqipëri.

Ademi ka publikuar edhe korrespondencën me Drejtorinë e Thesarit e cila në rrugë zyrtare i bënte me dije se nuk e njeh më si kryebashkiake, pasi i ka mbaruar mandati.

Në shkresën drejtuar ministres Denaj, kryebashkiakja Ademi apelon që qeveria të tërhiqet sa më shpejt nga një qëndrim i tillë duke kërkuar të zbatohet vetëm ligji dhe jo orientimet partiake-politike.  /ABC News Albania 24/7

anila-denaj-1.jpg
G. P.14:01 | 19/08/2019

Ministrja e Financave dhe Ekonomisë Anila Denaj paralajmëron.

“Do të flasim javës tjetër me shifra, me emra kompanish dhe me numra inspektorësh të cilët do të shkojnë për masa disiplinore pasi mendoj se në këtë proces nuk mund të shkojë vetëm gjobitja tërë bizneseve që kanë parregullsi, por sigurisht edhe për ata inspektorë që kanë lejuar në këto vite këto parregullsi”, tha Denaj.

Fushata kundër informalitetit ka dhënë rezultate në rritjen e të ardhurave nga akciza. Në muajin Korrik ato arritën 4.86 mld lekë, 17,8 %  krahasuar me një vit me parë. Për rreth një muaj e gjysmë u kryen 960 kontrolle dhe 71 raste u kapën me shkelje.

Veç karburanteve fokus i kontrolleve gjatë këtij muaji do të jenë edhe produktet e alkoolit dhe duhanit. Sipas ministres së Financave dhe Ekonomisë verifikime të detajuara do të ketë edhe për periudha të pakontrolluara më parë./ABC News Albania 24/7

anila-denaj.jpg
G. P.13:04 | 14/08/2019

Nëse mendoni se tatimet ju kanë kontrolluar njëherë dhe nuk kthehen sërish, e keni gabim.  Çdo biznes sipas Drejtoreshës së  Përgjithshme të  Tatimeve është nën monitorim në çdo kohë.

Nëse jeni në shkelje të ligjit shpëtim nuk do të gjeni as nga vendimi i gjykatës shpesh të padrejta sipas ministres së Financave dhe Ekonomisë.

Me keq do t’ju ndodhe nëse hiqni vetë shiritin e bllokimit. Një fenomen ky që ministrja Denaj tregon se inspektorët e tatimeve po përballen së fundmi.

Në gati një muaj e gjysmë tatimet kanë kontrolluar 2995 biznese në të gjithë vendin ndër të cilët 1285 janë konstatuar me shkelje.

Po cilët jane shkelësit më të mëdhenj të ligjit?

“Në disa hotele dhe në disa klube nate pronarët kanë treguar sjellje jo të denje dhe qytetare e në këtë raste ne kemi lajmëruar policinë e shtetit“, tha Denaj.

Masat ndaj tyre pritet të përshkallëzohen sipas shkeljeve. Ministria e Financave dhe Ekonomisë do ti ketë gati ndryshimet ligjore brenda javës së parë të shtatorit./ABC News Albania 24/7

anila-denaj-ibrahimaj.jpg
G. P.11:29 | 31/07/2019

Ministrja e Financave, Anila Denaj ka prezantuar projektligjin e ri për fiskalizimin e bizneseve, sipas të cilit, sistemi i faturimit për të gjitha transaksionet duke nisur nga data 1 Janar 2020 do të raportohen në kohë reale tek administrata tatimore për të kaluar më pas tek fatura elektronike. Ndërsa drejtorja e Përgjithshme e Tatimeve, Delina Ibrahimaj tha se sistemi i ri tatimor nuk do të ketë kosto për bizneset dhe do të shmang evazionin fiskal.

“Ky ligj mundëson krijimin e një sistemi të ri faturimi dhe monitorimi të transaksioni të bizneseve në vend bazuar në një sistem të ri të pajisjeve fiskale, gjenerata e re e kasave fiskale. Nga 1 Janari 2020, të gjitha transaksionet midis bizneseve dhe konsumatorit do të raportohen tek administrata tatimore në kohë reale bazuar në një sistem të ri të pajisjeve fiskale ndërsa 1 Janari 2021 për të gjithë transaksionet ndërmjet biznesit me njëri tjetrin dhe ndërmjet biznesit me organet publike do të bëhen në bazë të faturës elektronike.

Nuk do të ketë kasë të re. Do të ketë një mënyrë të re të përkthimit të të dhënave, por do të ketë një akt të ri, një protokoll i cili është punuar nga kompania që suporton procesin dhe do të ketë një kosto që mund të jetë API. Ne po punojmë me AKSH-in që të prodhojmë një AP që të jetë falas për tatimpaguesit”, tha Denaj./ABC News Albania 24/7

edmond-spaho-1280x853.jpeg
nev ila14:27 | 29/07/2019

Partia Demokratike me anë të një deklarate për shtyp nga n/kryetari i saj Edmond Spaho, ka denoncuar ditën e sotme, ndërhyrjen e Ministres së Ekonomisë dhe Financave Anila Denaj.

Sipas PD, me urdhër të Edi Ramës, Denaj sulmoi procesin e përzgjedhjes në krye të institucionit të “Bashkimit të Dhomave rë Tregtisë dhe Industrisë” me një kërksesë antiligjore në favor të kandidates së tij.

Mbi 1 muaj më parë institucioni i Bashkimit të Dhomave të Tregtisë dhe Industrisë së Shqipërisë, zhvilloi zgjedhjet konform rregullave të statutit. Në garë morën pjesë dy kandidatë dhe konform rregullave, fituese u shpall zonja Elisabeta Katiaj.

Gjendur përpara këtij fakti dhe duke pasur frikë nga zgjedhjet si forma e vetme demokratike e përzgjedhjes në krye të një institucioni, Rama urdhëroi një operacion tërësisht kundërligjore. Ai angazhoi Ministrinë e Ekonomisë dhe Financave për të sulmuar procesin me një kërkesë antiligjore në favor të kandidates së tij.

Përballë këmbënguljes të mbështetur në ligje dhe procedura demokratike, insituticioni i Bashkimit të Dhomave të Tregtisë dhe industrisë procedoi me shpalljen fituese të kandidates Katiaj.

E gjendur në minorancë votash kandidatja humbëse, dhe natyrisht në mbështetje të kryeministrit Rama, përdori ministren Denaj, e cila në shkelje të Ligjit për Dhomat e Tregtisë dhe Industrisë se Shqipërisë, ndërhyri brutalisht në proces.

Nën presionin brutal të personave të lidhur ngushtë me Edi Ramën, komisioni që shpalli fitues dhe vulosi zonjën Katiaj, u tërhoq”, ka deklaruar PD./abcnews.al

kontrolli-tatimor.jpeg
nev ila13:19 | 29/07/2019

Vijojnë inspektimet nëpër biznese në kuadër të luftës kundër informalitetit. Sipas ministres Denaj ka përmirësime për shkak të rritjes së ndërgjegjësimit, por nuk mungojnë edhe abuzimet.

Inspektimet në kuadër të luftës kundër informalitetit vijojnë. Ministrja e Financave dhe Ekonomisë Anila Denaj vëren se ka një përmirësim të dukshëm të treguesve për shkak ët rritjes së ndërgjegjësimit të subjekteve për t’u përmirësuar, por nuk mungojnë rastet e shkeljeve.

“Janë konstatuar shkelje për herë të tretë të kuponit tatimor dhe bazuar në procedurat tatimore, përgjegjësit në këtë rast do të ndiqen penalisht. Është e rëndësishme të kuptohet se duhet të pritet kupon tatimor edhe në hyrje të lokaleve të natës për të shmangur penalizimet drastike. E kërkojmë këtë pasi nuk do të donim të ishim as në pozitat e vendosjes së shiritave dhe as të ndjekjes penale”, tha Denaj.

Denaj shoqërohej nga zv/drejtori i përgjithshëm i tatimeve Ervin Hoxha, sipas të cilit janë lokalet me xhiro të lartë ato që shmangin detyrimin për të prerë kuponin tatimor.

Ministrja e Financave u bën thirrje taksapaguesve që bazuar në ndryshimin e ligjit të procedurave tatimore, si pjesë e paketës “Moneyval” të hapin llogaritë bankare të biznesit të tyre, jo më vonë se 90 ditë nga hyrja në fuqi e ndryshimeve të miratuara më 26 korrik, ndërsa për tatimpaguesit e rinj, jo më vonë se 20 ditë nga e nesërmja e regjistrimit të tyre.

Gjatë verifikimeve të kryera nga strukturat e Hetimit Tatimor, në Tiranë, në orët me aktivitet më të lartë ekonomik është konstatuar se ka përmirësim të dukshëm të treguesve edhe për shkak të rritjes së ndërgjegjësimit të subjekteve për t’u vetëkorrigjuar. Megjithatë, nuk kanë munguar edhe raste të përsëritjes së vazhdueshme të shkeljeve.

“Janë konstatuar shkelje për herë të tretë të kuponit tatimor dhe bazuar në procedurat tatimore, përgjegjësit në këtë rast do të ndiqen penalisht. Është e rëndësishme të kuptohet se duhet të pritet kupon tatimor edhe në hyrje të lokaleve të natës për të shmangur penalizimet drastike. E kërkojmë këtë pasi nuk do të donim të ishim as në pozitat e vendosjes së shiritave dhe as të ndjekjes penale”, tha ministrja Denaj.

Zëvendësdrejtori i Përgjithshëm i Tatimeve, z.Ervin Hoxha, tha se gjatë kontrolleve të ushtruara janë konstatuar lokale me xhiro të lartë, që kanë shmangur detyrimin për të prerë kupon tatimor.

“Kemi vënë re tendenca për mosdeklarim dhe mos përmirësim të xhiros nga këto subjekte, që janë me risk të lartë. Ju bëjmë thirrje që të vetëpërmirësohen dhe vetëdeklarohen sepse kontrollet do të vazhdojnë në mënyrë që të përmirësojmë këtë situatë”, tha z.Hoxha.

Gjithashtu, një aspekt i rëndësishëm në luftën kundër informalitetit është edhe ndryshimi i ligjit të Procedurave Tatimore, si pjesë e paketës “Moneyval”, për të cilin znj. Denaj kërkoi bashkëpunim e tatimpaguesve për zbatimin e plotë të tij.

Ministrja e Financave dhe Ekonomisë i bëri apel tatimpaguesve të regjistruar pranë Qendrës Kombëtare të Biznesit dhe Administratës Tatimore të hapin llogari bankare të  biznesit të tyre, jo më vonë se 90 (nëntëdhjetë) ditë nga hyrja në fuqi e këtij ligji (data 26.07.2019) dhe ta deklarojnë atë në administratën tatimore. Ndërsa, tatimpaguesit e regjistruar rishtas janë të detyruar të hapin llogarinë bankare të biznesit/organizatës, jo më vonë se 20 (njëzet) ditë kalendarike nga e nesërmja e regjistrimit në QKB/Administratën Tatimore dhe ta deklarojnë atë në organet tatimore.

“Ju lutemi tatimpaguesve të hapin llogaritë bankare, të regjistrojnë biznesin sipas procedurave ligjore. Nëse respektojmë rregullat, respektojmë ligjet shqiptare, atëherë do të kemi më pak inspektime, një marrëdhënie korrekte dhe garantim të konkurrencës së ndershme në treg”, tha ministrja Denaj./ABC News Albania 24/7

anila-denaj.jpg
G. P.20:45 | 26/07/2019

Inspektimet e ministres se  Financave dhe Ekonomisë, znj. Anila Denaj janw zhvilluar nw sektorin e hidrokarbureve nw Vorw. Ministrja  premtoi se nuk do tw ketw me produkte jashtw standardeve dhe gjithashtu shmangie tw detyrimeve fiskale.

Vazhdon inspektimi i ministres sw Financave dhe Ekonomisë, znj. Anila Denaj. Ndalesa e radhws ka qenw sektori i hidrokarbureve në zonën e Vorës. Ministrja e Financave dhe Ekonomisë sqaroi se sektori i hidrokarburet wshtw me risk të lartë jo vetëm sa i përket evazionit fiskal, por edhe mungesës së cilësisë.

Kryefjala e Planit Operacional kundër informalitet do të jetë pikërisht inspektimi dhe kontrolli në sektorin hidrokarbur dhe produktet e akcizës, theksoi Denaj.

“Kërkesa ime është që, ne këtë treg duhet të kontrollojmë të gjithë. Sigurisht duhet të fillojmë nga tregtarët, të cilët kanë sasitë më të mëdha që qarkullojnë në treg e deri te më të vegjlit, por për të garantuar cilësinë e karburantit ne nuk mund të shkojmë vetëm te një grup. Duhet të shkojmë te të gjithë dhe për këtë, Plani Operacional i Gushtit është totalisht i fokusuar në këtë sektor, për të siguruar dhe cilësinë e karburantit që tregtohet në treg dhe realizimin e të ardhurave në mënyrë proporcionale me atë që duhet të ndodhë në realitet dhe jo në atë që faktikisht ndodh sot”, u shpreh Ministrja.

Drejtoria e Përgjithshme e Doganave dhe Inspektoriati Shtetëror Teknik Industrial kanë zhvilluar kontrolle të vazhdueshme në ditët e fundit në sektorin hidrokarbureve. Nga kontrollet e para, dy subjekte kanë rezultuar me produkt solar jashtë standardeve të lejuara dhe me shmangie të detyrimeve fiskale.

Kontrollet  janë fokusuar si te prodhuesit, ashtu edhe konsumatorët e mëdhenj, ku janë konstatuar shkelje edhe në cilësi dhe janë marrë masat e parashikuara në ligj./ABC News Albania 24/7

aplikacion-ministrja.jpg
G. P.15:34 | 19/07/2019

Aksioni kundër informalitetit u ndal në Tiranë. Ministrja e Financave dhe Ekonomisë Anila Denaj bëri të ditur se shumë shpejt do të nisë funksionimin një aplikacion ku qytetarët do të mund të denoncojnë bizneset me shkelje.

“Stop informalitetit” vjen në muajin Gusht. Bëhet fjalë për një aplikacion ku konsumatorë apo të punësuar mund të denoncojnë çdo biznes ku konstatojnë shkelje ligji. Ministrja e Financave dhe Ekonomisë Anila Denaj e bëri të ditur ndërsa inspektonte disa sipërmarrje në qendër të Tiranës.

“Të gjithë konsumatorët duhet të na bashkohen në këtë nismë për të sfiduar biznesin e parregullt sepse qëllimi ynë është që ata që tregohen korrekt të mos mbajnë barrën fiskale. Çdo i punësuar mund të denoncojë një biznes nëse ai nuk e ka regjistruar, nëse nuk paguhet mbi bazën e pagës reale, nëse nuk i paguan sigurimet, nuk i paguan tatimet sipas ligjit. Përmes këtij aplikacioni mund të bëhen edhe denoncime nëse konstatohen sjellje abuzive dhe korruptive nga ana e administratës tatimore”.

Ministrja e Financave dhe Ekonomisë kërkoi bashkëpunimin e sipërmarrësve për të garantuar zbatimin e ligjit. Denaj deklaroi e inspektimet në terren për të garantuar konkurrencën e ndershme, rritjen e të ardhurave, si dhe për të luftuar informalitetin nuk do të ndalen./ABC News Albania 24/7

AKSIONI-ANTIFORMALITET-DENAJ.mpg_snapshot_00.13-1280x720.jpg
ent ela19:00 | 18/07/2019

Mos e sfidoni shtetin, respektoni rregullat dhe konkurrencën e ndershme. Apeli vjen nga ministrja e Financave dhe Ekonomise Anila Denaj e i drejtohet bizneseve. Ministrja ishte ne Gjirin e Lalzit ku u ndal aksioni kundër informalitetit. 

Mbi 700 subjekte në vend paraqesin rrezik potencial për evazion fiskal dhe mosregjistrim të punonjësve. Tatimet i  kanë konstatuar gjatë fushatës ndërgjegjesuese ndërmarrë tre muajt e fundit.

“Mbi 453 subjekte në sektorin e produkteve akcizës, 270 subjekte në sektorin e ndërtimit, të cilët janë evidentuar me risk më të lartë dhe për të cilin plani operacional do të vijojë të zbatohet në të gjithë territorin e vendit”.

Ministrja e Financave dhe Ekonomise Anila Denaj e bëri të ditur nga Gjiri i Lalzit ku u ndal në një aksion kundër informalitetit.

Denoncimin e një pronari hoteli në Gjirokastër e solli si shembull.

Kjo është një luftë në mbështetje të biznesit dhe konkurrencës së ndershme u shpreh ministrja Denaj e cila i drejtoi apelin e saj sipërmarrësve. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono