anije

anijaaaa.jpg
G. P.12:25 | 18/07/2018

Organizata ndërkombëtare për emigracionin, bëri të ditur se janë gati 1500, personat që kanë humbur jetën në Mesdhe, në përpjekje për të arritur në brigjet e Europës. Ndërkohë një anije me 40 emigrantë në bord është bllokuar prej ditësh, në brigjet e Tunizisë. Tunizia, Italia dhe Malta nuk lejojnë zbarkimin e tyre në portet përkatëse.

Një anije me 40 emigrantë në bord është bllokuar prej ditësh në brigjet e Tunizisë. Tunizia, Italia dhe Malta nuk lejojnë zbarkimin e tyre në portet përkatëse. Emigrantët ishin nisur nga Libia, një javë më parë dhe pas një avarie qëndruan në det për pesë ditë pa ushqim dhe ujë. Ekuipazhi i anijes ka bërë të ditur se ka në bord persona të plagosur dhe një grua shtatzënë.

Një nga anëtarët e ekuipazhit tregoi se situata është kritike dhe ka rezerva ushqimore vetëm për dy ditë. Autoritetet tuniziane shpjeguan se nuk duan të presin emigrantë pasi nuk dëshirojnë të bëhen një port i sigurtë për shtetet europiane.

Emigrantët vijnë nga Egjipti, Mali, Nigeria dhe Bangladeshi. Ata u sinjalizuan nga punëtorët e një platforme nafte tuniziane, të cilët i ndihmuan me ushqim dhe ujë.

Ndërkohë organizata ndërkombëtare për emigracionin bëri të ditur se janë gati 51 mijë refugjatët që kanë mbërritur në Europë nëpërmjet detit që nga fillimi i 2018-s. Ndërsa për të njëjtën periudhë janë 1.443 personat që kanë humbur jetën në përpjekje për të arritur brigjet europiane. Itenereari i Mesdheut qendror drejt Italisë mbetet më vdekjeprurësi me 1.104 viktima që nga fillimi i vitit 2018./abcnews.al

shba-2.jpg
G. P.12:55 | 10/07/2018

Qeveria italiane vijon me politikat kundër zbarkimeve të anijeve me emigrantë. Këtë herë, ministri i Brendshëm nuk lejoi ankorimin e një anije italiane që kishte shpëtuar 66 emigrantë në afërsi të brigjeve të Libisë. Megjithatë me ndërhyrjen e rojeve bregdetare, emigrantët zbarkuan në Itali.

Për herë të parë është regjistruar bllokimi nga Ministria e Brendshme e Romës të një anije italiane, e cila ka shpëtuar 66 emigrantë në afërsi të brigjeve të Libisë. Për Matteo Salvinin, remorkiatori “Vos Thalassa” i ka paraprirë ndërhyrjes së rojeve bregdetare të Libisë që ishte njoftuar më përpara dhe kështu që nuk mund të ankorohet në portet italiane. Emigrantët janë transferuar për në anijen “Diciotti” të autoriteteve, por qëndrimi i ministrisë nuk ndryshon.

Emigrantët do të zbarkojnë në Itali vetëm “për masat e nevojshme parandaluese dhe hetimet gjyqësore lidhur me sjelljen që rrezikuan jetën e ekuipazhit të Vos Thalassa”. Transportuesi komercial valvit flamurin italian. Në mes të Qershorit ishte protagonist i shpëtimit të 212 emigrantëve, të cilët më pas u besuan njësisë ushtarake italiane “Diciotti”.

Ndërkohë, vendimi i Salvinit vjen në sajë të politikave të qeverisë së tij kundër emigracionit dhe veçanërisht ndaj ankorimeve të anijeve me refugjatë në Itali. Ministri i Brendshëm më përpara ka bllokuar disa herë zbarkimin e emigrantëve, duke nisur përplasje të paprecedentë me Maltën, Spanjën dhe Francën./abcnews.al

anija-port.jpg
G. P.10:05 | 07/07/2018

Një anije siriane, e cila është larguar nga porti i Durrësit pa lejen e autoriteteve ka ngritur dyshime për ngarkesën e saj. Autoritetet kufitare shqiptare kanë njoftuar homologët italianë dhe ata kroatë për ta ndaluar anijen.

Një anije tregtare siriane e ngarkuar me 500 tonë kripë u largua nga porti i Durrësit rreth orës 02:00 të mëngjesit të së shtunes pa marrë leje nga autoritetet portuale.

Ajo kishte sjellë nga Egjipti 6 mijë tonë kripë për llogari të një biznesi në Durrës. Por pasi u shkarkua sasia prej 5500 ton kripë pati mosmarrëveshje midis subjektit pritës dhe transportuesit.

Biznesmeni shqiptar pretendoi se sasia prej 500 ton kripë ishte lagur dhe nuk u bë shkarkimi i mallit.

Anija “SEASCANER” kishte 3 ditë që ishte ankoruar në radën e portit pasi nuk kishin përfunduar proceduarat për të depozituar ngarkesën në hambar.

Por pas konfliktit midis palëve, anija doli nga kalata ku shkarkoi mallin në radën e jashtme të portit
Ky largim pa njoftuar ka ngritur ndryshime se çfarë ka pasur tjetër në bordin e saj përveç ngarkesës së deklaruar.

Sipas informacioneve më të fundit, anija është identifikuar në ujërat kroate dhe autoritetet kufitare shqiptare i kanë kërkuar homologëve kroatë dhe atyre italianë të ndalojnë këtë mjet./abcnews.al

anijaaaaaaaaaa.jpg
G. P.23:02 | 02/07/2018

Një tjetër grup emigrantësh është mbytur të hënën në brigjet e Libisë, ku 114 persona llogariten të humbur. Lajmin e bën të ditur agjencia e OKB-së për refugjatët, sipas të cilës në mjetin lundrues po udhëtonin 130 persona, nga të cilët kanë mbijetuar vetëm 16. Këta të fundit, saktëson UNHCR, janë shpëtuar dhe zbarkuar në një port të Libisë.

Po të hënën, Bashkimi Europian ka deklaruar se nga vendet anëtare nuk do ketë riatdhesime të emigrantëve në Libi dhe as kthim mbrapsht të anijeve europiane.

“Kjo praktikë bie ndesh me vlerat tona, me të drejtën ndërkombëtare dhe atë europiane”, thuhet në një deklaratë për shtyp.

Ndërkohë, Organizata e Kombeve të Bashkuara po punon për të përmirësuar kushtet e emigrantëve dhe ka gati një mekanizëm tranziti për t’i evakuuar ata nga Libia./abcnews.al

anijaaaaaa.jpg
G. P.16:03 | 28/06/2018

Anijet që operojnë në liqene dhe në det po i nënshtrohen një kontrolli nëse janë të licensuara dhe plotësojnë kushtet për të transportuar turistë. Operacioni po kryhet në Shkodër dhe në qytete të tjera, ndërsa drejtori i Përgjithshëm Detar, Paulin Ndreu, tha nga Vlora se janë marrë të gjitha masat për sigurinë e turistëve.

Në liqenin e Komanit dhe të Shkodrës po bëhet një operacion për kontrollin e anijeve turistike që transportojnë turistë.

Inspektimet dhe verifikimet e mjeteve ujore do të jenë për kushtet në të cilat ndodhen anijet, nëse janë të regjistruara apo përbëjnë rrezik për turistët që lëvizin në këto liqene.

Të gjitha anijet që nuk plotësojnë kushtet do të bllokohen. Për masat e marra, drejtori i Drejtorisë së Përgjithshme Detare, Paulin Ndreu, zhvilloi  një takim me operatorët e anijeve turistike në Vlorë.

Një udhëzim i nxjerrë nga Drejtoria Detare përcakton edhe kushtet mbi të cilat do të operojnë edhe mjetet ujore.

Anijet pasagjerë që ushtrojnë veprimtarinë e tyre në ujërat e brendshme brenda datës 01.07.2018, duhet të pajisjen me dokumentacionin e nevojshëm për kryerjen e këtij aktiviteti. Mosplotësimi i dokumentacionit do të sjellë bllokimin e tyre./abcnews.al

anija-e1528793358865.jpg
G. P.10:49 | 12/06/2018

Një gomone me 36 emigrantë në bord janë shpëtuar në detin Egje. Lajmin e ka publikuar ministrja e Mbrojtjes, Olta Xhaçka, në faqen e saj në rrjetin social Facebook. Sipas ministres Xhaçka, operacioni është realizuar nga anija shqiptare në bashkëpunim me rojën bregdetare turke e greke.
36 emigrantët, 12 prej të cilëve fëmijë e 15 gra ishin nisur nga brigjet turke. Ata iu dorëzuan rojës bregdetare greke për të vijuar procedurat në ishullin Kios./abcnews.al

anija.png
G. P.11:46 | 03/06/2018

35 emigrantë kanë humbur jetën në mënyrë tragjike në brigjet e Tunizisë ndërsa anija e tyre është fundosur. Nga ana tjetër dhe 9 emigrantë të tjerë humbën jetën në brigjet turke, ndërsa po udhëtonin drejt vendeve të BE-së për një jetë më të mirë.

Moti i mirë ka rikthyer dhe tragjeditë në Mesdhe. Tridhjetë e pesë persona u mbytën ndërsa 68 emigrantë u shpëtuan në jug të Tunizisë, njoftoi të dielën Ministria e Brendshme tuniziane. Anija e tyre ishte gati të fundosej jashtë brigjeve të zonës së njohur si Sfax. Sipas një komunikate nga ministria, u shpëtuan 68 pasagjerë, mes të cilëve tunizianë dhe të huaj.

Në mesditë, “rojet bregdetare dhe marina vazhduan kërkimin e tyre me mbështetjen e një avioni ushtarak”, sqaruan autoritetet e Tunizisë. Një thirrje për ndihmë u dëgjua mbrëmjen e së shtunës dhe orët e para të së dielës, nga “një anije peshkimi që po mbytej me emigrantët në bord”. Tunizianët përpiqen rregullisht të kalojnë Mesdheun, për të shkuar drejt Italisë, për të kërkuar një të ardhme më të mirë. Sipas OJQ-ve, kjo reflekton pakënaqësi të vazhdueshme mes të rinjve, të cilët janë shumë të prekur nga papunësia.

Ndërkohë, gjatë së dielës 9 emigrantë, mes të cilëve 6 fëmijë kanë humbur jetën pasi mjeti lundrues me të cilin udhëtonin është fundosur në afërsi të brigjeve të Turqisë. Lajmi është bërë i ditur nga agjencia shtetërore Anadollu. Mjeti lundrues ka pësuar një avari në gjirin e Antalias, një vend ky mjaft I frekuentuar nga turistët. Menjëherë në vendngjarje kanë ndërhyrë rojet bregdetare që kanë bërë të mundur shpëtimin e 5 personave. Emigrantët që po udhëtonin në det ishin nga Lindja e Mesme, kryesisht Siria. Destinacioni i tyre ishte Greqia ose Italia./abcnews.al

peshkimi.jpg
G. P.14:20 | 01/06/2018

Anijet e peshkatarëve që ndodhen të ankoruara në kalatën e portit të Durrësit duhet të zhvendosen. Aty do të nise një investim dhe mjetet lundruese do të ankorohen tek porti i ri. Peshkatarët thonë se porti i ri nuk ka kapacitete për të strehuar 30 anijet që presin të riparohen ndaj kërkojnë një zgjidhje.

Në portin e Durrësit do të nisë një investim për zgjerimin e kalatës ku ankorohen tragetet. Për këtë shkak, autoritetet shtetëtore kanë kërkuar që të lirohet kjo zonë nga të gjitha anijet e peshkimit që ndodhen aty.

Rreth 30 të tilla jashtë funksionit që presin të riparohen, duhet të kalojne tek porti i ri i peshkimit. Por peshkatarët thonë se porti i ri nuk ka hapësirën e nevojshme për të ankoruar mjetet lundruese.

Klodiam Kapiti: “Një ndërhyrje që për këto anije të ketë një vend të caktuar brenda basenit aktual sepse siç e dini porti i ri i peshkimit nuk i përmbush kushtete për t’i strehuar të gjitha anijet e peshkimit”.

Poseduesit e këtyre mjeteve lundruese kërkojnë të shikohet mundësia për tu strehuar diku në një ndër kalatat e portit të Durrësit deri në riparimin e tyre./abcnews.al

lundrimi-1280x665.jpg
G. P.11:33 | 17/03/2018

Nga moti i keq dhe me erë të fortë është pezulluar lundrimi detar në Vlorë. Një traget prej ditës së djeshme qëndron në radë, duke mos u ankoruar dot për shkak të erës së fortë dhe detit me dallgë nga 7 deri në 8 ballë.

Kapiteneria e portit të Vlorës ka urdhëruar të gjitha mjetet e tjera lundruese dhe ato të peshkimit të mos dalin në det për shkak të kushteve të këqija atmosferike.

Trageti i linjës Vlorë-Brindizi, gjatë ditës së shtunë, nuk do të kryejë itenerarin e zakonshëm, ndërsa pritet vetëm gjatë ditës së dielë të rifillojë lundrimin. Për shkak të erës së fortë, probleme ka patur dhe në qytet, me rrezimin e palmave dhe dëmtimin e një automjeti. Kurse në portin e Durrësit është pezulluar lundrimi vetëm për anijet e peshkimit./abcnews.al

anija.jpg
G. P.22:42 | 19/02/2018

Një anije, e cila nuk mund të përmbyset, është ndërtuar nga marina irlandeze.

I pagëzuar me emrin “Fëmija Vetëtimë”, anija do të shërbejë për ekipet e kërkim shpëtim.

Video e publikuar në Daily Mail tregon që, pavarësisht mënyrës sesi lëshohet nga vinçi, anija arrin të kthehet normalisht në pozicion natyral.

Frank Kowalksi, i cili dejtoi punimet për projektin e “Fëmijës Vetëtimë” thotë se për ndërtimin e saj nevojiteshin disa ndryshime në dizajn.

“Është një kombinim mes tri faktorësh: një qendre të ulët graviteti, force lëvizëze të kabinës dhe në kabinë mos të futet ujë. Kabina duhet të ketë mjaftueshëm ajër, në mënyrë që të mos përmbyset anija”, tha ai./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono