angli

Bullgaria-UEFA.png
Veronik Istrefaj16:57 | 29/10/2019

UEFA ka dënuar Bullgarinë me 75 mijë euro gjobë, si dhe me dy ndeshje pa tifozë, për shkak të sjelljeve të tifozëve në sfidën kundër Anglisë. “Tre Luanët” anglezë shkatërruar Bullgarinë me rezultatin 0-6, sfidë e vlefshme për kualifikueset e Euro 2020. Përgjatë gjithë takimit, pati kore raciste nga tifozët e Bullgarisë për futbollistët anglezë, që ishin shumë pranë ndalimit të ndeshjes.

Sot, ka ardhur dënimi dhe nga UEFA, e cila ka treguar një dorë të butë ndaj Federatës Bullgare. Për referencë, sulmuesi danez, Nicklas Bendtner, është dënuar me 90 mijë euro gjobë vetëm për një festim goli të pahijshëm.

Racizmi vazhdon të mbetet problem në futboll, sidomos kur luajnë dy kombëtare përballë njëra-tjetrës, pasi numri i tifozerisë është më i madh. Ndërsa UEFA, vazhdon të bëjë një “vesh të shurdhër” dhe të japë gjoba modeste./abcnews.al

109346458_morobinsonpic_touse.jpg
ent ela08:39 | 28/10/2019

Shoferi që akuzohet për vdekjen e 39 personave të gjetur në një kamion në Essex do dalë sot para gjykatës.

Maurice Robinson nga Craigavon, Irlanda Veriore do paraqitet përmes një video në Gjykatën e Magjistraturës në Chelmsford.

Trupat u gjetën në një kamion në orët e para të së mërkurës, në një pronë industriale në Grays.

Testet e ADN-së po kryhen në Vietnam për të ndihmuar në identifikimin e të vdekurve.

Ndaj 25-vjeçarit rëndojnë 39 akuza për vrasje, komplot për trafikimin e njerëzve, komplot për të ndihmuar imigracionin e paligjshëm dhe pastrimin e parave.

Tre persona të tjerë të arrestuar në lidhje me vdekjet janë liruar me kusht, tha Policia e Essex të dielën.

Detektivët po punojnë për identifikimin e viktimave.

Policia tha fillimisht se viktimat ishin me shtetësi kineze, por një numër familjesh vietnameze janë në ankth se të dashurit e tyre janë mes të vdekurve.

Disa prej viktimave raportohet se kanë paguar mijëra paund për të garantuar kalimin e tyre të sigurt në Mbretërinë e Bashkuar.

Gjithashtu po hetohen fakti se kamioni mund të ishte pjesë e një kolonë prej tre mjetesh që transportonin rreth 100 persona. /abcnews.al

kastrijot-ahmati.jpg
nev ila20:37 | 27/10/2019

Pak ditë pas tragjedisë së 39 personave që u gjetën të pajetë në një kamion frigoriferik në Angli, media britanike “DailyMail” ka publikuar një artikull pasi një gazetar i saj ka zhvilluar një investigim, sipas të cilit një shqiptar “minimizon” tragjedinë dhe për më tepër premton kalimin ilegalisht për në Britaninë e Madhe kundrejt 14 mijë paundëve si pagesë.

Media britanike e identifikon atë si Kastriot Ahmati. Ai jeton në Londër dhe prej andej është pjesë e një grupi trafikimi klandestinësh për në ishull. “DailyMail” thotë se gjatë investigimit ka përdorur një gazetare të maskuar si person që kërkonte të hynte ilegalisht në Britaninë e Madhe.

“Rrugët që i ofron trafikanti janë dy. E para, përmes dokumentacioneve false dhe nisjes nga Tirana me avion kundrejt 17 mijë paundëve. E dyta është hyrja në Angli si klandestin duke u fshehur në një kamion që niset nga Belgjika, që kushton 14 mijë paundë”, thotë “DailyMail”.

Media britanike thotë se përveç kësaj, shqiptari Kastriot Ahmati e publikonte nëpër rrjetet sociale aktivitetin e tij, përmes pseudonimit Kaçe Kaçe, madje duke postuar edhe numrin e telefonit ku mund të kontaktohej.

“Ahmati reklamonte shërbimet që ofronte dhe postonte numrin e tij të telefonit në Facebook në faqen “Albanian in London”, që ka më shumë se 16 mijë ndjekës”, thuhet në artikull.

“DailyMail” pretendon se herën e fundit që gazetarja e infiltruar ka komunikuar me Ahmatin në telefon ka qenë ditën e premte, vetëm dy ditë nga tragjedia e Eseksit, ku 39 klandestinë aziatikë u gjetën të vdekur në një kamion frigoriferit.

Ka qenë e shkruar!”, citon media britanike të ketë thënë në telefon trafikanti shqiptar.

Sipas DailyMail, gazetarja e infiltruar i thotë se pas këtij rasti ka shumë frikë që të udhëtojë me kamion për në Angli. Por, Ahmati e qetëson duke i thënë se nuk ka asnjë rrezik dhe se edhe ai vetë kishte hyrë ilegalisht në Britaninë e Madhe duke u fshehur në një kamion.

Kur pyetet për detajet e udhëtimit nga Belgjika me kamion, shqiptari i thotë se udhëtimi mund të zgjasë nga 12 deri në 16 orë, në varësi të trafikut që mund të haste kamioni gjatë rrugës.

E kam bërë vetë këtë rrugë, ndaj po mundohem të të gjej ty rrugën më të thjeshtë”, citohet Ahmati.

DailyMail thotë se Ahmati besohet se është nga qyteti i Hasit në Shqipëri. I kontaktuar në telefon nga kjo media, Ahmati ka konfirmuar se ndodhej në Londër. Se sa kohë ka në Angli, media nuk mund ta japë si përgjigje të saktë, por thotë se prej të paktën një viti në rrjetet sociale gjen postime të tij nga kryeqyteti britanik.

Ndërkohë, llogaria me pseudonimin “Kaçe Kaçe”, e përdorur prej Kastriot Ahmatit aktualisht rezulton e mbyllur në Facebook. DailyMail thotë se nga investigimi që ka kryer, Ahmati është njëri nga të paktën katër shqiptarë të tjerë që përdornin faqen “Albanians in London” për të rekrutuar klandestinë kundrejt shumave të majme me para.

Agjencitë ligjzbatuese britanike kanë ngritur shpesh shqetësimin mbi rritjen e aktiviteteve të paligjshme me autorësi shtetas shqiptarë. Vitin e kaluar, shifrat ofruan një rritje me 80 % të trafikut njerëzor krahasur me 2016, duke shkuar në rreth 7 mijë persona. Rreth 20 % e personave që besohet se kanë hyrë ilegalisht në Britaninë e Madhe për 2018 besohet se janë shqiptar./abcnews.al

kokegjarper-1280x678.jpg
Autor E11:04 | 25/10/2019

Policia anglezë ka nisur hetimet për rrugën që ndoqën 39 emigrantët kinezë që u gjetën të vdekur në kamion pak ditë më parë.

Dyshimet e para janë për një grup të madh të trafikimit të qënieve njerëzore i themeluar në fillim të viteve ’90 në rajonin Fuxhian të Kinës.

Bëhet fjalë për “kokë gjarpërinjtë” të njohur botërisht për trafikimin e njerëzve nga Kina në Perëndim dhe vende të tjera si Australia apo Amerika.

Kreu më i famshëm i grupit ka qenë Motra Ping, e cila në vitet 1980 u merrte nga 17 mijë dollarë për kokë kinezëve emigrantë për t’i sjellë në SHBA; nga 35 mijë dollarë në vitet 90, dhe sot mendohet se ky çmim është rritur edhe më shumë, edhe deri në 70 mijë dollarë.

Motra Ping u arrestua në Hong Kong në vitin 2000, u ekstradua në SHBA në vitin 2003, dhe vdiq në burg nga kanceri në vitin 2014, por shumë kinezë në SHBA e përcollën me nderime, pasi u dha mundësinë të krijonin një jetë të re në Amerikë.

Por Motra Ping nuk e bënte nga zemra e bardhë. Për t’i detyruar që të paguanin tarifën, pasi vinin në SHBA, ajo përdorte gangsterët e Fuxhianit për t’i rrahur e për t’i trembur me dhunë. Metoda më e shpeshtë ishte t’u merrnin peng një anëtar të familjes derisa të tjerët të jepnin paratë.

Edhe pas vdekjes së saj, mafia Fuxhianeze ka vazhduar të kryejë rrëmbime nga më të ndryshmet, duke u bërë gjithnjë e më e rrezikshme, gjithnjë e më e dhunshme. Gjatë viteve 2000-2010 ka pasur disa arrestime në Britaninë e Madhe dhe në SHBA.

Ata i sillnin emigrantët nga Kina në vendet perëndimore me mënyra nga më të ndryshmet, edhe kamionë si rasti i Anglisë, por shpesh përfundonin të marrë peng.

vdekja.jpg
Autor E09:10 | 24/10/2019

Një vdekje e ngadaltë dhe e tmerrshme. Ky është përfundimi i parë që kanë arritur ekspertët në lidhje me 39 personave në kamionin që u gjet në Essex të Britanisë së Madhe.

39 persona kishin destinacion Britaninë e Madhe dhe ishin nisur për atje me një kamion.

Ata hipën në kamionin e drejtuar nga Mo Robinson, 25 vjeç, që tashmë është i arresuar si i dyshuar për vrasje në masë.

Në përfundim të rrugës ata u gjenden të gjithë të vdekur.

FOTO/ Ngrinë 15 orë në -25 gradë, zbulohet kombësia e viktimave në kamionin britanik

Hetimet nxorrën se ata u përballen me temperatura shumë të ftohta brenda në kamionin frigorifer, i cili transportonte biskota.

Temperatua ishte -25 gradë, ndërsa ekpertët kanë zbuluar se gjatë udhëtimit personat kanë kërkuar ndihmë, por pa rezultat.

Në fund të 15 orëve rrugë ata përfunduan të gjithë të ngrirë duke shkaktuar kështu një ndër tragjeditë më të mëdha në këtij lloji në Britaninë e Madhe. /abcnews.al

 

cunat.jpg
Autor E08:55 | 17/10/2019

Policia angleze ka deklaruar se këtë pasdite, datë 16 tetor 2019 dy shqiptarë kanë marrë dënimin nga gjykata me 32 muaj burgim secili. Dy djemtë kanë pranuar fajësinë, duke thënë se kanë furnizuar zonën me më shumë se 23.000 euro kokainë dhe kanabis, në Brighton.

Mediat britanike shkruajnë se shqiptarët e arrestuar janë Eraldo Saraseli, 20 vjeç dhe Klaudio Ago, 27 vjeç, me vendbanim në Bristol Gardens, Brighton.  Ata u arrestuan më 30 prill dhe secili u akuzua për dy vepra penale posedimi me qëllim furnizimin me kokainës dhe kanabis në Neë Steine, Brighton. Saraseli u akuzua edhe për posedim të dokumenteve të rreme të identifikimit.

Si u arrestuan dy shqiptarët

Dy shqiptarët janë arrestuar më datë 28 prill të këtij viti. Në apartamentin ku ata jetonin u gjet drogë e llojit kokainë dhe para të gatshme. Të rinjtë nga Shqipëria fillimisht ia dolën që të largohen, por se më pas u arrestuan njëri pas tjetrit.

Saraseli i pranoi akuzat dhe u dënua me dy vjet e tetë muaj. Po ashtu edhe Klaudio Ago pranoi akuzat dhe ai gjithashtu u dënua me dy vjet e tetë muaj. Gjykata vendosi që të rinjtë shqiptarë, pasi të përfundojnë dënimin në Angli, do të depërtohen në Shqipëri.

Stoichkov.jpg
Veronik Istrefaj16:16 | 16/10/2019

Ndeshja mes Bullgarisë dhe Anglisë vazhdon të bëjë jehonë në media, vetëm për shkaqet e gabuara. Koret raciste që tifozët bullgarë përdorën kundrejt lojtarëve të Anglisë ishte diçka shumë e shëmtuar dhe që është kritikuar gjerësisht nga mediet ndërkombëtare.

Në Bullgari, legjenda e futbollit vendas, Hristo Stoichkov, ka shpërthyer në lot në një emision live, ku u ftua për të folur për këtë ndeshje problematike. “Bullgaria të dënohet me 5 vite nga të gjitha kompeticionet. Vetëm kështu luftohet racizmi”, tha fillimisht Stoichkov. “Kujtoni se unë jam rehat me këtë gjendje? Me këtë situatë?” Këtu ishte momenti kur Stoichkov shpërtheu në lot, duke e treguar në këtë mënyrë dëshpërimin e tij prej asaj çfarë ndodhi.

Sot, policia bullgare ka arrestuar dhe pesë tifozë që ishin të pranishëm në stadium. Pas identifikimit të këtyre 5 individëve, policia i ka vendosur në pranga dhe i ka shoqëruar në rajonin e policisë. Të pestë të arrestuarit janë në pritje të vendimit të Gjykatës për akuzat e ngritura ndaj tyre./abcnews.al

 

Bullgari-Angli.jpg
Veronik Istrefaj09:22 | 16/10/2019

Mesfushori i Anglisë, Jordan Henderson, është një nga liderët e “Tre Luanëve”. Kapiteni i Liverpool është një lojtar shumë i rëndësishëm në dhomat e zhveshjes, si tek Anglia, ashtu dhe tek të kuqtë e Jurgen Klopp. 29-vjeçari ishte ai që ndaloi ndeshjen kundër Bullgarisë për herë të parë, pasi tifozët bullgarë vazhdonin të ofendonin me kore raciste.

Sot, Henderson ka folur për mediet britanike, ku ka shpjeguar gjithçka çfarë ka ndodhur: “Vendosa të shkoj tek arbitri i takimit, pasi situata sa vinte dhe përkeqësohej. Ndikoi në rezultat? Fatmirësisht jo, por ky fenomen negativ nuk duhet të ndodhë kurrsesi. Shokët e skuadrës po mendonin seriozisht bojkotin, por së bashku me Kane, vendosëm që të mos largoheshim nga fusha.

Arsyeja? Nëse do ta bënim këtë gjë, do të fitonte racizmi. Ne nuk e duam kurrsesi këtë gjë. Qëndruam me kokën lart në fushë dhe i mposhtëm me futboll. Shpresoj që të gjithë tifozët tanë të jenë kthyer shëndoshë e mirë në shtëpitë e tyre”, përfundoi zv. kapiteni i Anglisë./abcnews.al

Southgate.jpg
Veronik Istrefaj00:03 | 16/10/2019

Trajneri i Anglisë, Gareth Southgate, ka dalë sot kundër UEFA-s, pasi këta të fundit nuk po reagojnë për koret dhe ofendimet raciste që u përdorën ndaj futbollistëve të tij nga tifozët e Bullgarisë. Deri më tani, UEFA ka ngritur katër akuza ndaj Bullgarisë dhe dy kundër Anglisë, por asnjë masë nuk është marrë.

Për këtë gjë, Southgate tha: “Me gjithë respektin, njerëzit që kanë pushtet për të ndryshuar gjithçka, duhet të veprojnë sa më parë. Lojtarët e mi dhe unë personalisht kemi vuajtur disa herë nga ky fenomen. Është diçka e shëmtuar dhe që duhet ndaluar sa më parë.

Ndeshja ishte e shkëlqyer, djemtë bënë një punë fantastike. Por ne nuk po flasim për këtë gjë, por për diçka që nuk ka lidhje aspak me futbollin. Gjëra absurde dhe të papranueshme!”, tha mes të tjerash Southgate. Anglia e mposhti Bullgarinë me rezultatin e thellë 0-6./abcnews.al

Ilyev.png
Veronik Istrefaj20:32 | 15/10/2019

Racizmi në takimin mes Bullgarisë dhe Anglisë është në qendër të vëmendjes së medieve. Kjo ndeshje kualifikuese pati shumë probleme brenda stadiumit, pasi tifozët vendas ofendonin me kore raciste lojtarët anglezë.

Portieri i Bullgarisë, Plamen Iliev, ka folur për këtë çështje delikate, ku është shprehur se futbollistët anglezë po e teprojnë dhe se nuk kishte asnjë abuzim apo ofendim me kore raciste. Në fjalën e tij, gardiani bullgar tha:

“Të jem i sinqertë, tifozët tanë u sollën shumë mirë. Nuk kishte asnjë ofendim apo kor racist me aq sa dëgjova unë. Mendoj se lojtarët e Anglisë po e teprojnë”, tha mes të tjerash Iliev për “The Guardian”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono