angli

natura.png
G. P.22:09 | 05/03/2019

Një transplant qelizash staminale i ka mundësuar një pacienti anglez që të çlirohet nga virusi HIV. Bëhet fjalë për një praktikë mjekësore të vështirë, që aplikohet për të dytën herë në 10 vjet dhe ekspertët thonë se mund të jetë më efikase në të ardhmen.

Një pacient anglez i prekur nga virusi HIV është kuruar nga infeksioni falë një transplanti qelizash staminale. Lajmin e bën të ditur revista mjekësore “Nature”, sipas të cilës bëhet fjalë për rastin e dytë të këtij lloj mjekimi.

Pacienti, një qytetar nga Londra, i cili po trajtohej edhe për kancer, është shëruar nga HIV-i pas 18 muaj mjekim dhe nuk po merr më medikamentet e posaçme. Sidoqoftë, studiuesit paralajmërojnë se është ende herët të thuhet se personi është shëruar nga virusi.

Sipas ekspertëve, ky lloj mjekimi nuk është shumë praktik për pacientet me HIV, por mund të ndihmojë në të ardhmen për të gjetur një kurë më të përshtatshme.

Pacienti, emri i të cilit nuk është bërë i ditur, ishte diagnostikuar me HIV në vitin 2003 dhe avancoi në limfomën Hoxhkin në vitin 2012. Ai iu nënshtrua kemioterapisë dhe më pas impiantit të qelizave staminale që u ofruan nga një donator rezistent ndaj HIV-it.

Studiuesit nga Universiteti i Londrës, Kembrixhit dhe Oksfordit ishin pjesë e operacionit. Kjo është hera e dytë që një pacient trajtohet në këtë mënyrë dhe është çliruar nga virusi. 10 vjet më parë në Berlin një pacient iu nënshtrua transplantit të palcës së kockës nga një donator që ishte imun ndaj virusit./abcnews.al

shqiptare-1280x713.jpg
ent ela18:33 | 01/03/2019

Dy futbollistë të rinj shqiptarë do të kenë mundësi të përfitojnë bursa për në Angli. Kjo, pas një seleksionimi që do të bëhet në muajin maj në Akademinë “Football Republic”.

Një përzgjedhje e rëndësishme pritet të bëhet këtu. Janë fushat e Akademisë “Republika e Futbollit” që do të presin në 18 e 19 maj të këtij viti, një seleksionim të moshave nga 15 deri në 18 vjeç, dhe kjo në bashkëpunim me një akademi angleze.

Besohet se do të jenë me qindra adoleshentë shqiptarë, siç shpresojnë Besart Xhaferri i agjencisë “EB Konsultansi”, anglezi Benxhamin Uats i Akademisë “Prospektës Efsivi Intërnejshënëll” dhe Redi Jupi, numri 1 i “Republikës së Futbollit”.

Agjenti anglez tregoi se çfarë përfaqëson akademia për të cilën ai punon.

“Synimi i udhëtimit tim është që të krijojmë kushtet për një kaping dyditor në Shqipëri. Akademia jonë është shumë e përhapur në botë, në qytete të ndryshme të Australisë si Melburn, Përth apo Sidnei. Po ashtu, në vende të tjera si Nigeri, Hong Kong. Tani duam që të bëjmë të njëjtën gjë në Shqipëri”.

Redi Jupi ka kënaqësinë se ky nuk do të jetë një emigracion si ai me të cilin janë mësuar shqiptarët. Jupi, ish-futbollist i njohur, shpreson që të ketë më shumë interesim nga fëmijët për futbollin. Bursat që mund të përfitojnë dy lojtarë shqiptarë në Angli arrijnë në 23 000 paund./abcnews.al

liverpul-1280x622.jpg
ent ela13:09 | 28/02/2019

Titulli në Angli do të vendoset nga gara mes Liverpulit dhe Mançester Sitit. Dy skuadrat janë shkëputur në renditje, ndërsa trajnerët e tyre janë të lumtur për mënyrën sesi u arritën fitoret

Diferenca mbeti po ajo sepse rivali nuk gaboi, por mënyra sesi u fitua ndeshja krijoi më shumë besim për titullin. Liverpuli mundi 5-0 Uatfordin duke lënë pas dy barazime pa gola, ndaj Bajernit dhe Mançester Junajtidit, dhe mbajti vendin e parë në Premier Ligë.

Sadio Mane shënoi dy gola, dhe njëri prej tyre ishte sublim, me goditje me takë, shenjë e klasit të tij të lartë, por edhe e klasit të skuadrës së Jurgen Klopit, klas që vetëm pak ditë më parë ishte kritikuar nga trajneri i Junajtidit, Solskjer.

Norvegjezi u kishte thënë lojtarëve se “Liverpuli nuk ka shans për titullin, nuk ka klasin e duhur, nuk më bëri shumë përshtypje”. Besohet se do t’i kenë bërë përshtypje golat e Manesë, i Origit dhe dy golat e mbrojtësit Van Dajk.

Liverpuli mbajti kreun e renditjes me 69 pikë ndaj 68 të Sitit, që iu fal një penalltie të Kun Agueros për të mundur Uest Hemin në “Etihad”.

“Kështu duhet të luhet futbolli, – deklaroi i lumtur Jurgen Klopi, – një fitore 5-0 është e tillë, por unë dua të vlerësoj edhe mbrojtësit tanë, dhe portierin që bëri dy pritje të mëdha. Kundërshtari ishte shumë i fortë. Gjithsesi, nesër është një ditë e re, të harrojmë fitoren dhe të merremi me atë që na pret”.

Mançester Siti arriti fitore të vogël, por gjithsesi plotësisht të merituar. U shënua vetëm një gol, ai nga Kun Aguero me penallti në pjesën e dytë, por mund të ishin realizuar pesë apo gjashtë. Uest Hemi pati vetëm një rast gjatë gjithë ndeshjes.

“Do të ndodhin shumë gjëra deri në fund të sezonit, – u shpreh Guardiola, – Ka edhe 10 ndeshje për t’u luajtur dhe çdo fitore vlen tri pikë. Besoj se ne dhe Liverpuli, do të humbasim pikë, pra le të presim deri në fund. Fitorja ishte e mirë, dhe le të mendojmë tani për ndeshjen e radhës”.

Mediat vlerësuan siç duhet dy pretendentët për titull. “Deili Meil”: Super Sadio kthen Liverpulin siç duhet të luftën për titull, duke mbajtur epërsinë me 1 pikë në krye të Premier Ligës!

Aguero i saktë dhe Siti jep një goditje vareje për të qëndruar pranë Liverpulit! Liverpuli kryeson me 69 pikë ndaj 68 të Sitit, ndërsa Totenhemi mbeti prapa pas humbjes 0-2 në fushën e Çelsit./abcnews.al

carabao.jpg
G. P.13:59 | 25/02/2019

Pep Guardiola u barazua me Jose Mourinho-n për trofetë e fituar në karrierë, pas suksesit në Kupën e Ligës. Finalja e luajtur në “Uembli” solli një krizë të re për Chelsea-n.

Një triumf dhe një krizë e re. Finalja e Kupës së Ligës angleze, luajtur në “Uembli” nxorri fitues Manchester City-n, pas gjuajtjes së penalltive, por krijoi edhe një çështje të re krize tek Chelsea. Pas 90 minutave pa gola, të dyja skuadrat nuk arritën të shënonin as në 30 minutat e dy shtesave, ndaj edhe gjithçka u përcaktua nga 11-metërshat.

Kampionët e City-t u treguan më të saktë, duke fituar kështu trofeun e parë të sezonit, ndërsa janë në garë për gjithçka tjetër, pra për Premier Ligën, Championsin dhe Kupën e Anglisë. Trajneri Pep Guardiola regjistroi titullin e 25-të në karrierë, duke u barazuar me rivalin e tij të madh, Jose Mourinho, të cilin mund ta kalojë edhe brenda këtij edicioni.

Gjithsesi, që të dy janë shumë larg Sir Alex Fergusonit që ka 49 trofe. Përtej festës së City-t, pati krizë të Bluve të Londrës. Pikërisht përpara gjuajtjes së penalltive, portieri Kepa ndjeu shqetësime fizike, dhe trajneri i tij, Mauricio Sarri, nxitoi ta zëvendësonte, me portierin e dytë, Uilli Kabaleron.

Papritur Kepa refuzoi të dilte nga fusha duke bërë shenja se ishte mirë dhe se mund të vazhdonte. Besohet se Sarri kishte më shumë besim te Kabalero, që cilësohet specialist i penalltive, madje u pa qartë se ai u zemërua shumë me refuzimin e Kepës.

Në fund, trajneri u tërhoq duke lënë titullarin në fushë, por zemërimi i tij dhe i stafit u duk qartë deri në fund. Megjithatë, pas ndeshjes, Sarri e justifikoi Kepën.

“Mendova se portieri kishte ngërç dhe gjykova se ai nuk mund të ishte në gjendje për penalltitë, – u shpreh ai, – natyrisht, unë u nxeha shumë me të, por më pas u qetësova. Portieri tha se nuk kishte probleme fizike, pra ai kishte të drejtë”.

Mediat angleze informuan se klubi nuk ka ndërmend ta dënojë Kepën për sjelljen e tij, diçka që mund ta ulë edhe më shumë respektin e lojtarëve ndaj trajnerit. Këtë theksuan edhe analistët në studion e “Skaj Sportit”, mes të cilëve Xhon Terri, Pablo Zabaleta dhe Xhemi Redknap.

Madje ata u shprehën se trajneri duhej të ishte futur në fushë për ta nxjerrë jashtë portierin. Chelsea është i mundur në të dyja kupat angleze, dhe jashtë zonës Champions në Premier, me vetëm Ligën e Europës si trofe të mundshëm. Fati i Mauricio Sarrit duket se është i përcaktuar./abcnews.al

rusia-1-1280x960.jpg
G. P.08:05 | 18/02/2019

Një flamur rus është shpalosur mëngjesin e së dielës në Angli, në qytezën ku rreth një vit më parë u helmua me gaz nervor ish-agjenti rus Sergei Skripal dhe e bija. Të indinjuara, autoritetet lokale e kanë cilësuar veprimin një akt marrëzie dhe policia ka nisur një hetim.

Një flamur rus është shfaqur papritur jashtë katedrales së Sallisbërit, qyteti ku u helmua me agjent kimik ish-spiuni rus Sergei Skripal dhe e bija Julia. Flamuri u pikas në mëngjes nga punëtorët që po punonin për restaurimin e katedrales, të cilët dhe e hoqën. Autoritetet lokale e cilësuan episodin një “marifet idiot” në dritën e përvjetorit të ngjarjes së vitit të kaluar me gazin Noviçok.

Policia vendase deklaroi në lidhje me sa ndodhi se është herët për të dalë në përfundimin nëse vendosja e flamurit është një vepër penale, por shtoi se hetuesit po mbikëqyrin kamerat e sigurisë në zonë. Nga lënda nervore e përdorur ndaj ish-oficerit rus dhe së bijës, që i mbijetuan agresionit, gjeti vdekjen më vonë një grua, që ra në kontakt me substancën e braktisur në një lulishte të Sallisbërit.

Daun Stërxhs u sëmur bashkë me partnerin e saj Çarli Roulli, por ndërsa ky i fundit mbijetoi, gruaja ndërroi jetë në spital më 8 korrik të vitit të kaluar. Asokohe, agjencitë hetimore të qeverisë britanike identifikuan dy oficerë të shërbimit sekret ushtarak rus si përgjegjës për sulmin ndaj Skripal dhe së bijës. Ndërkohë, një i tretë është identifikuar në ditët e fundit dhe dyshohet të ketë luajtur rol në agresionin me gaz nervor./abcnews.al

united.jpg
G. P.16:54 | 09/02/2019

Mançester Junajtid arriti një tjetër fitore nën drejtimin e trajnerit Solskjer. Suksesi ishte 3-0 me dy gola të shënuar nga francezi Pol Pogba.

Për herë të parë është në zonën Champions. Mançester Junajtid vazhdon rezultatet e shkëlqyera nën trajnerin Ole Gunar Solskjer, dhe suksesi 3-0 në fushën e Fulhamit tregoi se marshimi tashmë është i pandalshëm.

Pol Pogba rikujtoi komplimentin që iu bë dikur në Itali, si “një atlet i NBA-së me këmbë braziliane”, dhe ishte i tillë edhe në Londër. Shënoi dy gola, dhe dirigjoi lojën me saktësi e vizion të madh, si dhe me një teknikë të lartë individuale.

Kur mesfushori francez është në formë të tillë, ai mund të quhet i pandalshëm. Pogba ka shënuar 8 gola dhe ka shërbyer 5 pasime përcaktuese, që kur Solskjer u emërua trajner në vend të Zhoze Murinjos.

Norvegjezi po fiton gjithnjë e më shumë besimin e drejtuesve të klubit dhe pritet shpejt që t’i jepet një kontratë e përhershme.

Solskjer bëri ndryshime, por skuadra nuk I ndjeu, edhe pse në fushë nuk ishin Lindelof, Lingard dhe Rashford. Një tjetër gol i Junajtidit u realizua nga francezi tjetër, sulmuesi Antoni Marsial, dhe “djajtë e kuq” kanë tani 51 pikë duke qenë në vendin e katërt në renditje, në zonën Champions.

Kjo mund të ndryshojë nëse Çelsi fiton me Mançester Sitin, por gjithsesi, Junajtidi i ka të gjitha shanset që të kualifikohet për në Ligën e Kampionëve sezonin e ardhshëm.

pergjiemt-1280x714.jpg
G. P.16:48 | 04/02/2019

ABC News disponon përgjime të bisedave mes anëtarëve të grupit kriminal të trafikut të njerëzve, të goditur dy ditë më parë nga policia dhe Prokuroria për Krime të Rënda. Organi i akuzës i ka si provë këto përgjime në dosjen për këtë grup kriminal.

Përgjimet telefonike janë një nga kartat më të forta të Prokurorisë për Krimet e Rënda në hetimin e bërë ndaj 36 të dyshuave për trafikimin e personave drejt SHBA-së dhe vendeve të BE me dokumente të falsifikuara.

ABC News ka siguruar një kopje të dosjes së prokurorisë, ku dalin në dritë bisedat telefonike ku flitet për paratë që duhet të paguhen për dokumentet false, për dorëzimin e dokumenteve tek kërkuesit, si edhe për koordiminin e rrugëtimeve të paligjshme. E tillë është ajo e 20 Tetorit 2018 mes të dyshuarës Moza Kamaj dhe një personi tjetër.

B: Ça bën?

A: Hiç tek Lili jam.

B: Kam një person për në Itali, sa lekë bën.

A: 600 euro.

B: Ka më pak se ia dhashë atij tjetrit.

A: Do 600 euro taksia.

B: Tani i çon Lavdoshi.

A: Më pak se 1500 euro s’ka.

Pak minuta më vonë mes të njëjtëve zhvillohet biseda:

B: Mirë ok, 1500 euro.

A: Dakord.

B: Po do presim 10 ditë sa të dali pasaporta.

A: Ok.

Në një bisedë të 26 Shtatorit 2018, i dyshuari Simon Kerri, kryetar i shoqatës së Vllehëve flet me një person në lidhje me dërgimin e disa bullgarëve drejt Britanisë.

..279: E mirë, po, o ta bëj ose ka mënyra për të ikur dhe andej, o të bëhet këto ditë shpejt. Kam njerëz që kanë ikur si puna e Bertit dhe… kam gjetur njëri që çon andej unë dhe iki.

Keri: Ku që çon n’Angli, andeja?

…279: E.

Keri: Po m’thoj mua se kam una nja katër a pes veta bullgarë.

…279: Po mirë t’bëjnë lekët gati ata e ti çoj.

Keri: Po mir, n’rregull, m’thoj mua ti sa lek duan ata edhe…

…279: Për ata dymbëdhjet.

Keri: ë?

…279: Po ja, të flasim, të them unë.

Sipas prokurorisë, anëtarët e këtij grupimi kriminal merrin nga personat e trafikuar vlera monetare që shkonin deri në 20 mijë euro. Ata prisnin shtetas të huaj kryesisht nga Lindja e Mesme dhe Kina dhe më pas i trafikonin drejt vendeve të BE-së, Mbretërisë së Bashkuar, SHBA dhe Kanadasë.

Në role të ndryshme, të koordinuar edhe me persona jashtë vendit, ata kanë siguruar dokumente false, kanë shoqëruar, akomoduar apo rezervuar linjat e udhëtimit për të trafikuarit. Në Shqipëri aktiviteti i këtij grupi është shtrirë në Tiranë, Krujë, Korçë, Gjirokastër, Sarandë, Vlorë, Përmet, Fier dhe Elbasan./abcnews.al

liverpool.jpg
ent ela17:23 | 31/01/2019

Skuadrat kryesore të Anglisë e patën sërish të vështirë në ndeshjet e Premier Ligës. Pas dështimit të dy ekipeve të Mançesterit, këtë e provuan edhe Liverpuli e Çelsi

U kuptua që në fillim se nuk ishte java e duhur për të fortët. Pasi dy skuadrat e Mançesterit provuan sesa e vështirë është Premier Liga, u erdhi radha edhe dy skuadrave të tjera të majës së tabelës.

Liverpuli dhe Çelsi dolën nga fusha krejtësisht të pakënaqur, ndonëse blutë e Londrës ishin të shkatërruar. Skuadra e trajnerit Jurgen Klop nuk arriti të përfitonte maksimalisht nga disfata e Mançester Sitit, pasi mori vetëm një barazim në stadiumin e vet, “Anfild”.

Leisteri, një rival serioz, i hapi punë dhe e mbylli ndeshjen 1-1, me Liverpulin që tani është 5 pikë larg Sitit, ndërsa shpresa ishte për të shkuar në +7. Sadio Mane kaloi vendasit në epërsi që në minutën e tretë, por mbrojtësi i kombëtares angleze, Harri Megajer barazoi në fund të pjesës së parë.

Të kuqtë kërkuan një penallti pas pushimit, dhe ajo mund të ishte dhënë, por përsa i përket lojës, Leisteri e meritoi barazimin. “Nuk duhet të shqetësohemi shumë nga ky rezultat, – theksoi Klopi pas ndeshjes, – natyrisht, nuk jam i lumtur sepse doja që të fitonim, por nuk ia dolëm dhe tani jemi edhe më shumë të shkëputur nga Siti”.

Liverpuli gjithsesi ka me vete historinë. Tetë herë në 9 sezonet e fundit, kampione ka dalë ajo skuadër që ka pasur një epërsi prej 5 pikësh ose më shumë në fund të muajit janar. E qartë që Çelsi doli nga mesjava shumë më keq se Liverpuli, pas katastrofës 0-4 në fushën e Bornmuthit.

Londinezët pësuan humbjen më të rëndë në 23 vitet e fundit, një sinjal i qartë se fundi i trajnerit Sarri mund të jetë i afërt, sidomos me një president si Roman Abramoviçi.

“Ndoshta është faji im që nuk arrij t’i motivoj këta lojtarë, – u shpreh italiani, – në fund të ndeshjes, i mbajta futbollistët për 50 minuta në dhomën e zhveshjes. Ne mund të humbasim, por jo në këtë mënyrë”. Analistët parashikuan se Sarri është në rrezik të madh, sidomos pasi kritikoi publikisht lojtarët e tij një javë më parë. Çelsi doli jashtë zonës Champions, me golaverazh më të dobët se Arsenali, ndërsa Mançester Junajtidi është shumë pranë. Liverpuli, ndërkaq, ka 61 pikë ndaj 56 të Sitit, ndërsa Totenhemi u afrua me dyshen e kreut pas suksesit ndaj Uatfordit./abcnews.al

3352.jpg
ent ela14:22 | 30/01/2019

Dy skuadrat e Mançesterit nuk patën një mesjavë të bukur në Angli. Mançester Siti humbi, dhe Mançester Junajtidi barazoi, por trajnerët e tyre mbeten me shpresë për sukses

I tha edhe një lamtumirë tjetër të vogël ndaj titullit të fituar vjet. Në një sezon, më të vështirë sesa pritej, Mançester Junajtidit pësoi një humbje të papritur në fushën e Njukasëllit, për Premier Ligën.

Duhej të kishte qenë ndeshja që do ta afronte në vetëm 1 pikë me Liverpulin kryesues të Premier Ligës, por mesjava me shumë gjasë mund të përfundojë krejt në të kundërt. Në “Sent Xhejmsis Park”, vendasit luajtën si në kohën e Alan Shirerit, duke mos u tronditur nga goli i minutës së parë, shënuar nga “snajperi” Aguero.

Reagimin e patën në pjesën e dytë, të nxitur edhe nga fjalimi në pushim i Rafa Benitezit, që nuk do të mërzitej nëse ish-ekipi i tij, Liverpuli, do ta fitonte titullin. Salomon Rondon në 66’ dhe Mat Riçi me penallti në 80’ sollën përmbysjen.

Po Pep Guardiola çfarë tha?

“Jemi në janar, jo në prill apo maj, – tha trajneri katalanas, – ka ende shumë ndeshje për t’u luajtur dhe ne mund ta mbrojmë titullin. Natyrisht, nuk është kurrë mirë kur humbet, por jemi në një kampionat shumë të fortë, dhe çdo skuadër do të humbasë pikë”.

Liverpuli kryeson me 60 pikë dhe një ndeshje më pak, Siti ka 56. As skuadra tjetër e Mançesterit nuk pati një mesjavë të bukur. Gjithsesi, barazimi 2-2 I Mançester Junajtidit me Bërnlin modest në “Old Traford” nuk u duk aq I keq, edhe pse përfundoi seria prej 8 fitoresh radhazi me trajnerin e ri, Solskjer.

Miqtë ishin në epërsi 2-0, ndërsa vendasit barazuan 2-2, me të gjithë golat në pjesën e dytë, dhe me reagimin e Junajtidit erdhi në minutat e fundit. Skuadra e sotme, në këtë aspekt, po ngjan me atë të Sër Aleks Fergusonit që fitoi gjithçka në Angli dhe në Europë.

“Lojtarët e mi treguan një karakter të madh, – u shpreh Solskjeri pas ndeshjes, – nuk mund të fitosh gjithnjë, por rëndësi ka të reagosh. Parimi I Mançester Junajtidit është që të mos dorëzohet kurrë”. Pol Pogba ktheu në gol penalltinë në 87’, dhe minutat e fundit ishin një “sulm atomik” i skuadrës së Solskjerit.

Mund të ishin shënuar më shumë se vetëm një gol, por kaq qe e thënë, dhe në të vërtetë Mançester Junajtid nuk është se meritonte shumë, për ndeshjen e luajtur, në tërësi. Mbrojtësi Lindelof barazoi në minutën e 92-të./abcnews.al

189037196.jpg.gallery.jpg
ent ela22:42 | 23/01/2019

Dy adoleshente shqiptare, shoqe me njëra-tjetrën rezultojnë të zhdukura në Angli. Ato kanë më shumë se një javë që kanë humbur kontaktet me familjet e tyre, raportojnë mediat e huaja.

Grisilda ‘Risa’ Dauti, 14 vjeç, humbi kontaktet me të afërmit më 14 Janar, ndërsa Gabriela ‘Bela’ Shenbitrasi, 17 vjeç, u pa për herë të fundit para 10 ditësh. Policia në Cardiff nxorri në Twitter fotografitë e të dyja vajzave dhe bëri thirrje për këdo që ka informacion rreth vendndodhjes së tyre të informojë autoritetet.

Dy vajzat shqiptare thuhet se kanë miq dhe shoqëri në të gjithë Londrën, duke përfshirë Barking, Thornton Heath, Stratford dhe Croydon. Policia britanike bën apel për këdo që ka informacion mbi dy të rejat shqiptare të telefonojë në numrin 101 ose te numri 004975./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono