angli
Festa e Martial pas golit të dytë (29')

Alioski.jpg
Igli Nikolli14:56 | 07/12/2019

Vjet nuk ia doli për fare pak të rikthehej në Premier League, teksa sivjet Leeds është në rrugën e duhur. Ekipi i Marcelo Bielsa po luan në transfertë kundër Huddersfield dhe është pranë arritjes së fitores së gjashtë rresht në Championship.

Ndeshja është zhbllokuar nga Ezgjan Alioski, anësori ofensiv që mbron ngjyrat e kombëtares së Maqedonisë së Veriut. 27-vjeçari kaloi Leeds në avantazh në minutën e 50-të me anë të një eurogoli.

Goditje fluturimthi e Alioskit dhe asnjë shans për portierin vendas. Ruajtja e këtij rezultati e dërgon ekipin e njohur në vend të parë me 43 pikë pas 20-të javëve të para në divizonin e dytë të futbollit anglez. /abcnews.al

arta-1280x639.jpg
So Nila09:46 | 04/12/2019

Një shqiptare është përzgjedhur mes 100 grave që kanë marrë çmimin e rëndësishëm TechWoman në Angli. Arta Cika është nga Kukësi dhe aty ka kaluar pjesën e fëmijërisë së saj dhe këtë gjë e rikujton gjatë postimit emocionues që postoi në profilin e saj në instagram.

Por cila është Arta Cika?

Ajo është Ph.D kadidate ne departamentin e shkencës së inxhinierisë po në këtë universitet.

Hulumtimi i saj përqendrohet në modelimin dhe analizimin e rrjeteve ad hoc, një lloj i veçantë i rrjetit të decentralizuar pa infrastrukturë para-ekzistuese.

Arta ka marrë dy diploma Masteri Shkencor në Inxhinieri Informacioni dhe Inxhinieri Kompjuterike nga Politekniku i Torinos dhe Telecom ParisTech në 2015-ën.

Para fillimit të doktoratës së saj, ajo punoi për një kompani telekomunikacioni në Francë. Arta është fituesja e burses IRCN dhënë nga Universiteti i Tokios.

Në vitin 2019, ajo u përzgjodh për të marrë pjesë në Shkollën Verore të Sisteme Komplekse (CSSS) në Institutin Santa Fe, NM, SH.B.A.

Përveç arritjeve të saj akademike, Arta është thellësisht e përfshirë në promovimin e grave në STEM. Ajo është anëtare e komitetit ne shoqatën e grave në fushen e inxhinierisë në Universitetin e Oksfordit dhe pjesë e Programit RisingWISE (Gratë në Shkencë dhe Inxhinieri).

Ajo ka një rol drejtues në Women in Engineering Society në Universitetin e Oxfordit ku aty organizojnë shumë evente në Oxford dhe qytetet rreth e rrotull për të promovuar gratë.

Ajo së fundmi është përzgjedhur në 100 gratë e “TechWoman100” në Angli.

Pasi është vlerësuar me këtë çmim, ajo ka vendosur t’ia dedikojë të prekurve nga tërmeti në Shqipëri, duke bërë një status emocionues:

“Ndjehem shumë e vlerësuar dhe krenare që jam zgjedhur si një nga 100 fitueset e çmimit ‘Tech Women100’ për vitin 2019 ne Mbretërinë e Bashkuar (UK).

Dua të falënderoj nga zemra Jurinë Teknike që më zgjodhi, të gjithë publikun në mbarë botën e veçanërisht atë shqiptar që më votuan. Jam shumë e lumtur për të gjitha mesazhet, vlerësimet dhe mbështetjen që më keni dhënë këto javë.

Kujtimet e mia shkojnë mbrapa tek fëmijëria ime, kur isha një vajzë e vogël që i pëlqente të luante futboll ne rrugët e Kukësit po me ëndrra të mëdha. Do doja shumë të kthehesha mbrapa në kohë, të takoja atë vajzë luftarake dhe t’i thoja që ‘Vazhdo ëndërro fort. Asgjë nuk do të të ndalojë që të arrish synimet e tua.’

Dhe ky është një mesazh që dua tua them të gjithë vajzave të vogla në mbarë botën. Mos e konsideroni inxhinierinë si një ‘profesion burrash’, dhe mos kini frike nga e panjohura. Puna gjithnjë shpërblehet.

Falë punës time 10 vjeçare dhe mbështetjes së madhe nga familja ime, që ka qenë gjithmonë krahu im i djathtë, jam sot këtu e kjo me jep forcë për të vazhduar përpara. Pa mbështetjen e tyre, asgjë nuk do të kishte qenë e mundur.

Ne fund, do doja t’ia dedikoja këtë çmim vendit tim të dashur, Shqipërisë, ku linda u rrita e mora dijet e para dhe të gjithë njerëzve në veçanti atyre të prekur nga tërmeti. Siç thotë edhe shprehja: ‘Supet e maleve dhe supet e shqiptareve nuk janë kërrusur kurrë’. Vazhdoni të qëndroni të palëkundur. Jam pranë jush. Jemi të gjithë shqiptarët bashkë anembanë botës. Kjo na jep forcë e na bën krenarë. Faleminderit të gjithëve.”- ka shkruar ajo./abcnews.al

Southgate.jpg
Veronik Istrefaj21:20 | 30/11/2019

Shorti i grupeve të Euro 2020, vendosi Anglinë në Grupin D, së bashku me Kroacinë, Çekinë dhe një nga skuadrat që do të vijnë nga Play-Off, UEFA Nations League. “Tre Luanët” kishin shumë fat në këtë short, pasi peshkuan kombëtare të lehta.

Për më tepër, ndeshjen e parë do e luajnë në shtëpinë e tyre, në “Ëembley”, si dhe të dyja kombëtares, si Kroacinë, ashtu dhe Çekinë, i kanë mposhtur pa shumë probleme kohët e fundit.

Trajneri Southgate ka preferuar të largojë euforinë dhe në fjalën e tij të parë menjëherë pas shortit, tha: “Nuk mund të ishim më me shumë fat, por duhet të qëndrojmë me këmbë në tokë. Jemi favoritë për tu kualifikuar? Po, por ndeshjet nuk kanë nisur ende. Duhet të luajmë dhe të fitojmë, më pas të shohim kë do të kemi përballë”, tha mes të tjerash tekniku britanik./abcnews.al

kuleta-600x360.jpg
in a11:51 | 19/11/2019

Tifozi anglez, Steve Bruce, i ka lavdëruar kosovarët në llogarinë e tij në Twitter, duke treguar se si i ishte kthyer kuleta me 500 funte brenda dhe me të gjitha kartat e kreditit, pasi i kishte rënë në Prishtinë.

Anglia fitoi 4:0 në një ndeshje të parëndësishme persa i përket  karakterit garues, duke qenë se Kosova i kishte humbur shancet për kualifikim dhe Anglia e kishte siguruar biletën për turneun e verës së ardhshme .

Kosova e mahniti botën me mënyrën sesi e priti Anglinë në Prishtinë, si shenjë falënderimi dhe mirënjohje për ndihmën dhe kontributin që Britania e Madhe ka dhënë në çlirimin dhe pavarësinë  e Kosovës.

Nga tifozët, lojtarët, stafi dhe trajneri, të gjithë në kampin anglez kanë mbetur të kënaqur me pritjen që kanë marrë nga kosovarët.

Rasti i veçantë  ishte i tifozit  Simon Bruce. Ai ka bërë të ditur se i kishte humbur kuleta në Prishtinë, por menjëherë i ishte kthyer me gjithçka brenda nga një shtetas kosovar.

“Më ra kuleta në rrugën kryesore në Prishtinë. Një djalë hyn në lokal dhe ma ktheu, pa më marrë asgjë. Sinqerisht, Kosova është e madhe”, shkroi Bruce në llogarinë e tij në Twitter.

Edhe qendërmbrojtësi i Anglisë dhe Manchester United, Harry Maguire, i falënderoi tifozët e Kosovës në llogarinë e tij në Twitter.

“Kosovë, ishte kënaqësi – faleminderit për mikpritjen e mrekullueshme. Vend i bukur, njerëz të dashur. Shumë fat në të ardhmen”, ka shkruar Maguire në Twitter./abcnews.al

Vojvoda.jpg
Veronik Istrefaj16:24 | 18/11/2019

Mërgim Vojvoda u shpall lojtari më i mirë i Kosovës në ndeshjen kundër Anglisë. Mbrojtësi i djathtë bëri nëj ndeshje të shkëlqyer dhe neutralizoi totalisht yllin e Chelsea, Callum Hudson-Odoi. Gjithashtu, Vojvoda ndaloi shpeshherë edhe mesfushorin e Liverpool, Alex Oxlade-Chamberlain, që u mundua të ndihmonte Odoin nga krahu i majtë.

Vojvoda e ka siguruar vendin e titullarin në formacion dhe Challandes nuk e diskuton aspak rolin e mbrojtësit të djathtë. Kjo për shkak se Vojvoda ka bërë paraqitje të shkëlqyera dhe nuk e ka vendosur asnjëherë ekipin e tij në vështirësi.

Edhe kur është në presionin e dy apo tre lojtarëve, Vojvoda tregon qetësi dhe klas, duke zgjidhur çdo situatë problematike. Në takimin e djeshëm kundër Anglisë, Vojvoda me një driblim nxori jashtë loje tre yjet e Anglisë, Odoi, Chamberlain dhe Kane. Fantastik!/abcnews.al

England.jpg
Veronik Istrefaj21:52 | 17/11/2019

Lojtari i Anglisë, Harry Maguire, u bë mbrojtësi më i shtrenjtë në botë kur u transferua nga Leicester City te Manchester United për 97 milionë dollarë. Te kombëtarja e Anglisë, gjiganti i prapavijës është shndërruar në lojtar të pazëvendësueshëm.

Edhe në takimin e sotëm kundër Kosovës, Maguire luajti si titullar, duke kompletuar 90 minutëshin e plotë në atë fitore 0-4. Pas ndeshjes, mbrojtësi i Manchester United shfrytëzoi “Twitter”-in e tij për t’i thurur elozhe Kosovës.

“Kosovë, ishte kënaqësi. Falëminderit për mikpritjen e ngrohtë. Vend i bukur, njerëz të mrekullueshëm. Fat të mbarë në të ardhmen!”, shkroi mbrojtësi i kombëtares angleze./abcnews.al

South.jpg
Veronik Istrefaj21:03 | 17/11/2019

Trajneri i Anglisë, Gareth Southgate, foli pas ndeshjes me Kosovën, ku tha se skuadra e tij lejoi shumë hapësira dhe ka disa probleme për t’u analizuar. Edhe pse triumfoi 0-4, Southgate pati kritika ndaj të tijve.

“Ne duhej t’i rezistonim presionit të Kosovës, u dhamë atyre disa shanse në pjesën e parë, që në në një ndeshje tjetër, mund të ndëshkoheshim, por në fund kundërsulmi ynë ishte absolutisht i pamëshirshëm.

“Ne kemi dalë nga ky grup më të fortë se sa kemi qenë kur e kemi filluar. Unë nuk mund t’i fajësoj lojtarët që kanë shënuar një numër të madh golash. Unë mendoj se Alex (Chamberlain) sot ishte një plus i madh për ne në mesfushë.

Aftësia e tij për të marrë topin nën presion dhe për të ruajtur qetësinë e ndihmoi skuadrën. Kemi pësuar shumë raste në këto ndeshje kualifikuese dhe ky është një problem që do të analizohet”, përfundoi Southgate./abcnews.al

Kane.jpg
Veronik Istrefaj19:51 | 17/11/2019

Është mbyllur takimi mes Kosovës dhe Anglisë, me rezultatin 0-4 në favor të “Tre Luanëve” britanikë. Ishte Winks ai që shënoi në minutën e 32-të, për të hapur serinë e golave. Në pjesën e dytë, Anglia do të shënonte dhe tri herë të tjera.

Më saktë, të besuarit e Southgate do të shënonin 3 gola në vetëm 12 minuta. Në të 78-ën, Kane përfiton nga një pasiguri e Alitit për të gjetur rrjetën, duke çuar shifrat në 0-2. Pak minuta më vonë, Rashford shënon një gol të bukur, për të trefishuar avantazhin.

Në sekondat e fundit të sfidës, do të shënonte dhe talenti Mason Maount, golin e parë personal me fanellën e Anglisë./abcnews.al

EURO 2020, KUALIFIKUESE
E diel, 17 nëntor 2019 (18:00)
Stadiumi “Fadil Vokrri”, Prishtinë

KOSOVË – ANGLI   0-4
Winks 32′, Kane 78′, Rashford 82′, Mount 90′

KOSOVA: Muric, Vojvoda, Rrahmani, Aliti, Kololli, Berisha, Dresevic, Celina, Rashica (Rashani 82′), Hadërgjonaj (Zhegrova 73′), Nuhiu. Trajner: B. Challandes

ANGLIA: Pope, Arnold, Maguire, Mings, Chilwell, Hudson-Odoi (Rashford 59′), Winks, Rice, Sterling, Kane, Chamberlain (Mount 73′). Trajner. G. Southgate

EPISODET – 

90’ – Mount shënon golin e katërt për Anglinë, pas një gabimi të Dresevic. Ky gol vendosi dhe rezultatin final të sfidës në 0-4.

82’ – Anglia shënon sërish. Një gol shumë i bukur nga Rashford, i cili shënon me të djathtën pas një pasimi të shkëlqyer nga Sterling. 0-3!

78’ – Gool Anglia, shënon Kane. Aliti gabon në mbrojtje, duke mos arritur të largojë topin dhe Kane, ndëshkon Muric, duke çuar shifrat në 0-2.

70’ – Tjetër aksion i mirë i Kosovës. Halimi sërish protagonist me pasimet e tij, por kombinimet më pas nga Rashica e Celina nuk sjellin goditje në kuadrat.

68’ – Halimi jep një pasim të shkëlqyer për Hadërgjonaj, i cili nxiton të gjuajë në hyrje të zonës dhe nuk koordinohet mirë.

46’ – Nis fraksioni i dytë i lojës, Kosova në kërkim të golit të barazimit

45’ – Mbyllet pjesa e parë në Fadil Vokrri, vendos goli i Winks

32’ – Gool Anglia! “Tre Luanët” kalojnë në avantazh me anë të Harry Winks. Mesfushori është totalisht i lirë në hyrje të zonës dhe nuk e ka të vështirë të shënojë. 0-1 Anglia!

23’ – Shumë pranë golit Kosova! Kololli shpërthen në të majtë dhe pason te Rashica, i cili gjuan fort nga jashtë zone. Gjuajtja e numrit 7 ndalet nga Pope

15’ – Tjetër rast për Anglinë, kësaj radhe tenton Sterling. Sulmuesi gjuan pas një pasimi të Kane, por Muric ndal sërish. Goditje këndi!

12’ – Rasti i parë i Anglisë. Chamberlain gjuan me të djathtën, por Muric ndal pa probleme.

6’ – Tjetër rast i mirë për Kosovën. Kololli kroson nga krahu i majtë, ndërsa Nuhiu gjuan me kokë. Sërish pret Pope

2’ – Pak sekonda nga fillimi i sfidës, Kosova rrezikon. Hadërgjonaj driblon Chilwell dhe gjuan me të majtën, por pret Pope!

1′ – Nis takimi në “Fadil Vokrri”

Borough.jpg
Veronik Istrefaj23:40 | 16/11/2019

Titulli mund t’iu ketë bërë konfuzë, por ajo çfarë ka ndodhur në ligat e ulëta të Anglisë është shumë e vështirë të përshkruhet me fjalë. Në takimin mes Nuneaton Borough-Stratford, vendasit fitojnë të drejtën e një penalltie, e cila gjuhet jashtë nga portieri.

Përveç kësaj, topi përfundon në tribunën pas portë, duke goditur dhe thyer një drite, e cila bie mbi tifozët e pakët që ishin të pranishëm. Faqja zyrtare e Borough ka bërë një përshkrim të jashtëzakonshëm, duke shkruar: “Penalltia humbet dhe topi thyen dritat e tarracës së tribunës. Çfarë ishte kjo që sapo pashë?”

Video është bërë menjëherë virale, duke marrë 1.5 milionë shikime në vetëm pak orë. Për më tepër, faqet më të mëdha sportive, si 433 dhe B/R Football, kanë kërkuar aprovim për publikimin e kësaj video, që është me të vërtetë e jashtëzakonshme!/abcnews.al

Glenn-Taplin.jpg
Veronik Istrefaj19:16 | 16/11/2019

E padëgjuar më parë ajo që ka ndodhur në Angli. Glenn Tomplin, miliarderi britanik, ka blerë klubin amator, Romford City dhe synon ta ngjesë nga ligat amatore, në kategoritë profesioniste të futbollit britanik. Tomlin i ka befasuar të gjithë, pasi që në ditët e para të tij si president i klubit, i ka shkarkuar të gjithë nga detyra, përfshirë edhe trajnerin.

Tomplin ka blerë 15 futbollistë të rinj dhe është bërë vetë trajner i Romford City. Për arsyet pse ivnestoi te ky klub amator, Tomplin tha: “I kam bërë të gjitha në jetë, jam mërzitur. Isha në kërkim të një hobi të ri.

Futbolli më pëlqen, por pse vetëm ta shikoj? Dua të jem pjesë e futbollit dhe shumë shpejt, pretentojmë të jemi në kategoritë e futbollit anglez”, tha mes të tjerash presidenti i ri i Romford./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono