angli

gentian-doda-gjykate-1280x712.jpg
nev ila10:19 | 13/08/2019

Gentian Doda, i akuzuar për korruptimin e gjyqtarit Shkelqim Miri në këmbim të uljes së një dënimi për  vrasje, nuk pranon akuzat. Ai doli sot para togave të zeza për tu njohur me masën e sigurisë “arrest  në burg” dhënë ndaj tij në mungesë.

Gjykata e Krimeve të Rënda ka njohur me masën e sigurisë “arrest ne burg”, Gentian Dodën, i ekstraduar nga Anglia 3 ditë më parë.

Doda akuzohet për korrupsion, pasi i ka dhënë 30 mijë euro të gjyqtarit të Apelit Tiranë, Shkëlqim Miri, për t’i ndryshuar atij veprën penale për të cilën akuzohej, duke sjellë për pasojë uljen e dënimit.

Gjatë zhvillimit të seancës në gjykatën e krimeve të rënda, Doda u shpreh para gjyqtarit Sandër Simoni se është i pafajshëm.

Sipas Organit të Akuzës, Sipas prokurorisë, kundrejt rryshfetit gjyqtari Miri la në fuqi vendimin që ndryshoi një akuzë të mëparshme ndaj Dodës nga “vrasje” në “plagosje të rëndë”.

Për shkak të ndryshimit të kësaj vepre penale, dënimi i Dodës, që akuzohej për vrasje të dyfishtë në 97, u ul në vitin 2016 dhe në 2017 ai fitoi lirinë.

Masa e sigurisë për Gentian Dodën ishte vendosur në mungesë. Rreth një muaj më parë ai u arrestua në Britaninë e madhe dhe këtë fundjavë u ekstradua.

Gjyqtari Shkelqim Miri që u akuzua për korrupsion duke marrë para nga Gentian Doda në këmbim të uljes së dënimit u dënua 2 vite e 6 muaj burg dhe tashmë është i lirë./ABC News Albania 24/7

 

policia-e-shtetit.jpg
nev ila17:00 | 10/08/2019

Katër persona kanë përfunduar në prangat e policisë së shtetit në kuadër të operacionit “DEPARTURE” , “për goditjen e veprimtarisë kriminale të dhënies ndihmë për kalim të paligjshëm të kufirit me dokumente të falsifikuara, kundrejt fitimit”. Policia e shtetit bën me dije se u kap ‘koka’ e këtij grupi dhe 3 persona të tjerë.

Njoftimi i Policisë:

“Finalizohet operacioni “DEPARTURE” , për goditjen e veprimtarisë kriminale të dhënies ndihmë për kalim të paligjshëm të kufirit me dokumente të falsifikuara , kundrejt fitimit .

Operacioni nga Seksioni për Hetimin e Trafiqeve të Paligjshme në DVP Tiranë në bashkëpunim me Policinë Kufitare të Rinasit.

Në pranga organizatori i grupit, i cili siguronte karta italiane të falsifikuara dhe kundrejt shumave të konsiderueshme në euro, siguronte kalimin për në vendet e BE-së, me destinacion final Anglinë.

Në pranga edhe 3 shtetas të tjerë për falsifikim të dokumenteve, që i kishte marrë përsipër organizatori i grupit.

Seksioni për Hetimin e Trafiqeve të Paligjshme, në Drejtorinë Vendore të Policisë Tiranë, në bashkëpunim me Komisariatin e Policisë Rinas ka finalizuar me sukses operacionin “DEPARTURE”, duke parandaluar dhe goditur një tjetër rast në fushën e dhënies së ndihmës shtetasve të ndryshëm për kalim të paligjshëm të kufirit me dokumente të falsifikuara , kundrejt fitimit, me qëllim dërgimin në vende të BE-së me destinacion final Anglinë.

Organizatorët e kësaj veprimtarie kriminale janë kapur nga Policia Kufitare me dokumente italiane të falsifikuara dhe konkretisht karta identiteti dhe karta shëndeti, të cilat do t’i përdornin pasi të kalonin kufirin nga Shqipëria në drejtim të BE-së, për të hyrë më pas ilegalisht në Mbretërinë e Bashkuar.

Specialistët për Hetimin e Trafiqeve të Paligjshme, në Drejtorinë Vendore të Policisë Tiranë në përfundim të veprimeve bënë arrestimin në flagrancë të shtetasve:

I. B., 29 vjeç, lindur në Durrës dhe banues në Itali, si i dyshuar për kryerjen e veprave penale ‘’Ndihma për kalim të paligjshëm’’ dhe “Falsifikimi i letërnjoftimeve i pasaportave ose i vizave’’ (organizator);

A.C.,19 vjeç, banues në Koplik, Shkodër, i dyshuar për kryerjen e veprave penale ‘’Ndihma për kalim të paligjshëm’’ dhe “Falsifikimi i letërnjoftimeve i pasaportave ose i vizave’’, (këtij shtetasi iu gjetën në çantë kartat e identitetit italiane dhe kartat e shëndetit italiane të falsifikuara);

F. L., 25 vjeç, banues në Durrës, i dyshuar për kryerjen e veprës penale ‘’Falsifikimi i letërnjoftimeve i pasaportave ose i vizave’’;

K. A., 30 vjeç, banues në Durrës, i dyshuar për kryerjen e veprës penale ‘’Falsifikimi i letërnjoftimeve i pasaportave ose i vizave’’.

Në cilësinë e provës materiale u sekuestruan 4 karta identiteti italiane dhe 5 karta shëndeti italiane të dyshuara si të falsifikuara, 4 aparate celulare, 3 pasaporta shqiptare, 1 pasaportë italiane, 1 leje drejtimi italiane, 4 Boarding Pass me destinacion Tiranë – Lubjanë, 4 Boarding Pass me destinacion Lubjanë – Paris.

Operacioni vijon në bashkëpunim me Prokurorinë e Rrethit Gjyqësor Tiranë për identifikimin dhe kapjen e personave të tjerë të implikuar në këtë veprimtari të kundërligjshme.

Materialet e para procedurale iu përcollën Prokurorisë pranë Gjykatës së Shkallës së Parë Tiranë, për veprat penale ‘’Ndihma për kalim të paligjshëm’’ dhe ‘’Falsifikimi i letërnjoftimeve i pasaportave ose i vizave’’”./abcnews.al

stiven-bregu.jpg
G. P.09:32 | 01/08/2019

Fati shkëlqeu edhe për Stiven Bregun. Historia e tij rrëmbeu zemrat e shumë anglezëve, të cilët luftuan që ai të qëndronte në ishullin britanik. Kjo për shkak se Zyra e Emigracionit kishte vendosur që ta dëbonte 18-vjeçarin. Mirëpo mësuesit dhe komuniteti ku ai jeton luftuan sëbashku me të që të fitonte betejën e depërtimit… dhe e arritën.

I riu shqiptar u trafikua në Mbretërinë e Bashkuar në moshën 14-vjeçare. Siç shkruajnë mediat, Stiveni u la në një rrugë në Keynsham në mes të natës. Me vete nuk kishte asgjë, as para.

Ai ishte larguar nga Shqipëria për shkak të dhunës në familje. Në momentin e arritjes në Angli dinte vetëm pak anglisht. Megjithatë, i riu arriti të diplomohej në gjimnaz dhe fitoi një vend për stazh pune në një firmë në Bristol.

Por përpara provimeve më të rëndësishme, adoleshenti shqiptar mori edhe lajmin më të keq. Zyra e Emigracioni i kishte refuzuar aplikimin për qëndrim për shkak se ishte 18 vjeç tashmë. Mirëpo Stiveni nuk ishte vetëm.

Më shumë se 90.000 persona firmosën një peticion për të ndaluar deportimin e studentit të shkëlqyer. Nismën e mori mësuesi i tij, Rob Shaë, i cili në koordinim me studentët arritën të mblidhnin të gjitha firmat.

“Jam shumë i lumtur t’ju them se ai (Stiveni) ka të drejtë për të qëndruar në Mbretërinë e Bashkuar. Zyra e Emigracionit ka dy javë për të animuar vendimin, por duke supozuar se nuk do ta bëjnë këtë, Stiveni mund të nisë stazhin”, tha ai.

Ndërkohë një zëdhënës i Zyrës së Emigracionit ka thënë se po e shqyrtojnë akoma çështjen përpara se të vazhdojnë me procedurat e tjera./abcnews.al

kamerun.jpg
G. P.16:45 | 24/06/2019

Tension dhe polemika në ndeshjen e Botërorit të femrave Angli-Kamerun. Futbollistet afrikane akuzuan për racizëm dhe nuk deshën të vazhdonin lojën.

Luhet nga femrat, por entuziazmi i afrohet turneut të meshkujve. Tifozë të shumtë në rrugët e qyteteve franceze për Kupën e Botës të vajzave, e cila po i ngjan asaj tradicionales të burrave edhe për tensionet dhe polemikat.

Një kulm u arrit në duelin e të tetave të finaleve mes Anglisë e Kamerunit, fituar 3-0 nga skuadra europiane. Rezultati ishte i thellë dhe diferenca e qartë, por disa vendime të VAR-it nuk u pritën mirë nga vajzat kamerunase.

Sidomos, protesta ishte e ashpër në rastin e golit të dytë anglez, fillimisht të anuluar nga gjyqtarja kineze Çin Lan dhe pastaj të cilësuar si të rregullt nga teknologjia. Acarimi ishte aq i madh saqë afrikanet nuk deshën të vazhdonin lojën, duke rrezikuar të krijonin një skandal të madh.

U desh ndërhyrja e trajnerit Alain Djeumfa, që ato të ktheheshin në fushë. Po ashtu, kamerunaset u ankuan disa herë gjatë ndeshjes duke thënë se “kjo është një Kupë Bote e të bardhëve”.

Ndeshja ishte e ashpër, dhe anglezet u ankuan për disa ndërhyrje të ashpra të kundërshtareve, si dhe u treguan të pakënaqura me atë që e quajtën tolerim nga ana e gjyqtares kineze. Pas ndeshjes, edhe trajneri i Anglisë, Phil Neville, nuk mundi të mos protestonte.

“Nuk mu duk se po luhej një ndeshje futbolli, – tha Neville, – ndershmërisht, nuk ishte ndeshja e duhur për Kupën e Botës, përsa i përket sjelljes. Ishte diçka që u ndoq nga gjithë bota. As unë nuk u kënaqa, dhe as lojtaret e mia. Nëse futbollistet e mia do të ishin sjellë si kamerunaset, ato nuk do të kishin pasur më vend në kombëtare”.

Këto deklarata të tij u kritikuan edhe në Angli, pasi analistët u shprehën se Neville tregoi mungesën e tij të përvojës. Trajneri i Kamerunit, ndërkaq, akuzoi edhe ai duke deklaruar se gjyqtaret donin që të fitonte Anglia.

Një atmosferë aspak e mirë, ndonëse ndeshja në stadiumin e Valensienës u ndodh nga mbi 20 000 spektatorë, dhe pati një nivel shumë të mirë. Anglia fitoi me golat e shënuar nga Houghton, White e Greenwood, ndërsa në çerekfinale luan ndaj Norvegjisë, në 27 qershor./ABC News Albania 24/7

14635352-7127241-image-a-1_1560239112856-933x445.jpg
ent ela13:00 | 11/06/2019

Një bankomat në një stacion metroje në Londër, habiti qytetarët kur filloi të nxirrte para vazhdimisht. Bankomati nxirrte vetëm kartëmonedha 20 Paund, kurse rojet e sigurisë nxituan për të rrethuar zonën dhe të mbanin larg qytetarët që të mos merrnin paratë.

Një klient, që duket në video, besohet se kishte tërhequr një shumë të madhe parash duke bërë që bankomati të nxirrte pa rreshtur kartëmonedhat. Në dysheme ai kishte vendosur një çantë për të mbledhur paratë. Klienti qëndronte i pashqetësuar dhe dukej sikur po shtynte me këmbë paratë që binin përtokë për t’i grumbulluar së bashku.

Kompania polake që zotëron bankomatin Bitcoin, tha se makineria nisi të lëshonte kartëmonedha pasi klienti kishte tërhequr një shumë të madhe parash. /tvklan.al

skysports-manchester-city-de-bruyne_4672735.jpg
ent ela11:56 | 19/05/2019

Mançester Siti hyri në histori si skuadra e parë në Angli që fiton çdo trofe kombëtar. Të besuarit e trajnerit Pep Guardiola, po ashtu triumfuan në finalen me rezultatin më të thellë në më shumë se një shekull.

Kur edhe një legjendë si Sër Aleksi dorëzohet, do të thotë se sfida është në kufijtë përtej të mundshmes.

Asnjë skuadër nuk ia kishte dalë në Angli që të fitonte një “treshe” trofesh kombëtarë në një sezon të vetëm, pra titullin kampion, Kupën e Anglisë dhe Kupën e Ligës.

Tashmë, dikush e krijoi epokën, e bëri të pamundurën të mundur, dhe kush tjetër përveç Mançester Sitit të Pep Guardiolës.

Edhe në Europë, këtë e kanë bërë shumë pak skuadra të mëdha, vetëm Bajerni, Paris SG, Rejnxhërsi e Sëlltiku apo Benfika.

Një triumf i përmasave historike u arrit me një rezultat gjithashtu historik, me rezultatin më të thellë të finales së Kupës së Anglisë në 116 vjet, dhe duke barazuar rezultatin më të thellë të të gjitha kohëve: 6-0.

“Viktima” ishte Uatfordi, një skuadër shumë e mirë përderisa kishte mbërritur në “Uembli”, por për të cilën finalja erdhi në momentin më të keq, atëherë kur “qytetarët” ishin më të frymëzuar se kurrë.

Autorë të golave ishin David Silva, Gabriel Zhezus, De Brujn, Gabriel Zhezus, Stërling dhe sërish Stërling.

Epërsia ishte e jashtëzakonshme, edhe pse Uatfordi e nisi mirë, duke pasur rast goli, e duke pretenduar për penallti.

Për fat të keq, nuk ia doli të shënonte, dhe u shkatërrua pasi pësoi të parin.

Siti mbajti topin 70 për qind, pati 23 gjuajtje drejt portës, me 11 në kuadrat (2, Uatfordi), si dhe kornet 13-1.

“Ky ishte një nga sezonet e mi më të mirë në karrierë si trajner, – tha Guardiola, – nuk mund të them se është më I miri, por është një prej tyre. Asnjë skuadër nuk ia kishte dalë më parë në këtë vend. Respekt për lojtarët e mi, ata kanë meritën kryesore. Sa për dënimin e UEFA-s, nuk e meritoj këtë pyetje sot, ndërsa ne po festojmë”.

Edhe gazetat nuk u morën me këtë pyetje.

“Deili Star”: Gëzimi i gjashtëshes! Siti shkatërron Uatfordin!

“Deili Telegraf”: Triumfatorët e treshes! Siti bën historinë me “fshesën totale” në shtëpi!

Deili Mirrër” bën lojë fjalësh me titullin e filmit “Seksi dhe qyteti”: Gjashta dhe qyteti! Fitore historike treshe e Pepit!

“Dhi Observer”: Qielli i madh blu! David Silva feston golin ndaj Uatfordit, në fitoren 6-0, që plotësoi një rekord shtëpiak trofesh!

Siti u bë skuadra e parë në Angli që arrin 50 fitore në një sezon, në çdo garë kombëtare.

Po ashtu, ajo vendosi një rekord në Angli duke shënuar 169 gola në një edicion, ndonëse nuk e barazoi apo theu dot rekordin e Barcelonës së Guardiolës në 2012, që realizoi 190 gola.

Kështu u mbyll një sezon i madh, me dështimin e vetëm, atë në Champions, ndërsa Siti rreshtoi triumfet radhazi, Superkupën e Anglisë, titullin kampion, Kupën e Ligës, dhe së fundmi Kupën e Anglisë.

Pati edhe një largim të madh, atë të kapitenit Vinsent Kompani, që deklaroi se mbylli karrierën 11-vjeçare me blutë e Mançesterit, duke fituar thuajse gjithçka. /ABC News Albania 24/7

jolie.jpg
G. P.13:00 | 03/05/2019

Shanset që të takoni Mbretëreshën e Mbretërisë së Bashkuar janë shumë të vogla. Megjithatë për të gjithë ata që ëndërrojnë të takojnë të paktën njëherë familjen mbretërore ka disa rregulla. Në një artikull britanikja “The Mirror” ka renditur 8 gjërat që nuk duhet të bëni në prani të saj.

Edhe pse në uebsajtin zyrtar të monarkisë shkruhet qartë që nuk ka rregulla sjelljeje detyruese, kur takon Mbretëreshën apo pjesëtarët e familjes mbretërore, nuk është keq të dini disa gjëra, të cilat do ishte mirë nëse nuk do i bënit në sy të saj.

Mos e prek

Ky rregull daton që nga kohët e Mesjetës për shkak se mbretërit e konsideronin veten si Zota. Fatmirësisht po zhduket pak nga pak.

Mos i dil përpara me duart bosh

Çfarë mund t’i sjellësh një gruaje që ka gjithçka? Sigurisht ajo mund të zotërojë shumë shtëpi apo bizhuteri të shtrenjta, por është e detyrueshme t’i sjellësh një dhuratë kur e takon. Dhe kjo duhet të jetë e përshtatshme me eventin, ku ajo po merr pjesë.

Gjithmonë në këmbë

Mund të jesh i lodhur, por kur hyn Mbretëresha në dhomë duhet të jesh gjithmonë në këmbë. Mund të ulesh vetëm kur ajo të jetë rehatuar.

Kujdes me shtrëngimin e dorës

Duhet të përkulesh pak kur takohesh me Mbretëreshën. Gjithmonë nuk duhet harruar, shtrëngohen duart, por nuk ka përqafime.

Mos e injoro kodin e veshjes

Sigurohu që të jesh i veshur në mënyrë korrekte, sipas eventit ku bën pjesë.

Mos i thërrit në emër

Kur takon për herë të parë Mbretëreshën duhet t’i thuash “Madhëria juaj” dhe “Zonjë”. Ndërkohë pasi largohet duhet t’i thoni “Madhëria Juaj” sërish.

Flit vetëm nëse mbretëresha të flet

Të kujtohet kur ishe një fëmijë i vogël dhe prindërit të thonin që nuk duhet të flasësh para një personi më të rritur? E njëjta gjë ndodh edhe me Mbretëreshën.

Mos fillo të hash përpara asaj

Edhe nëse përpara ke ushqimin më të shijshëm, duhet të fillosh së ngrëni pasi Mbretëresha nis e para./abcnews.al

TOTENHEMI-HUMB-NE-ANGLI.mpg_snapshot_00.01-1280x720.jpg
ent ela22:39 | 27/04/2019

Totenhemi mori një goditje të rëndë në shpresat për t’u kualifikuar në Champions. Londinezët u mundën në fushën e tyre, në derbin e Premier Ligës ndaj Uest Hemit.

Gara duket jo si për të fituar, por për të humbur.

Jo vetëm për Totenhemin që pësoi disfatën e parë në stadiumin e tij të ri, por edhe për pretendentët e tjerë për në Champions të kampionatit anglez.

Spërsat u mundën për të dytën herë radhazi, pas rezultatit minimal 0-1 në fushën e Mançester Sitit.

Pretendenti tjetër Arsenali po ashtu ka provuar dy disfata njërën pas tjetrës, Çelsi vazhdon të humbasë pikë që nuk priten, ndërsa Mançester Junajtid është në pozitën më të vështirë nga të gjithë, sepse humbi derbin me Sitin në “Old Traford”.

Me të drejtë, tabloidi anglez “Deili Meil”, pyet: A dëshiron ndokush që të jetë në katërshen e parë këtë sezon?

Gjithsesi, nuk pritej kjo rënie e Totenhemit në fushën e tij ndaj Uest Hemit, edhe pse ishte një derbi.

Çfarë ndodhi pra, me skuadrën kaq shumë të vlerësuar të trajnerit Maurisio Poçetino, të kualifikuar për në gjysmëfinalen e Championsit, duke eleminuar pikërisht Mançester Sitin?

Poçetino pohoi pas ndeshjes se lojtarët e tij ishin të lodhur, dhe kjo ndikon shumë në një kampionat tepër fizik dhe me ritëm të lartë si Premier Liga.

Në pjesën e dytë, të mbiquajtur “çekiçët” merituan gjithçka, duke vrapuar më shumë e duke patur ndeshjen në dorë.

Totenhemi mori një goditje të rëndë, kur I mbeten edhe dy ndeshje deri në fund të kampionatit, veçse Poçetino kërkoi që të harrohet sa më shpejt kjo që ndodhi, pasi objektivat duhen arritur në kampionat dhe në Ligën e Kampionëve.

manchester.jpg
G. P.23:29 | 24/04/2019

Skuadra e Manchester City mundi Manchester United në derbi me rezultatine pastër 2-0 në takimin e prapambetur. Të besuarit e trajnerit Pep Guardiola morën sërish kreun  e renditjes dhe tashme kanë një pikë më shumë se Liverpool i vendit të dytë.

Bernardo Silva realizoi golin e parë për Manchester City, ndërkohë që Sane vulosi fitoren 2-0. Në kampionatin anglez kanë mbetur për t’u zhvilluar edhe tre takime. Manchester City është favorit kundrejt Liverpool-it të trajnerit Jurgen Klop pasi ka një pikë më tepër ndërkohë që ka një kalendar të favorshëm./abcnews.al

Liverpuli-dhe-celesi-1280x633.jpg
Sej rie08:34 | 15/04/2019

Liverpuli u ngjit përsëri në krye të renditjes së Premier Ligës në Angli. Skuadra e trajnerit Jurgen Klop fitoi 2-0 ndeshjen e vështirë ndaj Çelsit.

Padyshim një nga duelet më të bukur të të gjitha kohëve. Liverpul-Mançester Siti apo Mançester Siti-Liverpul është një sfidë e madhe në kampionatin anglez, dhe nuk humbi asgjë nga emocionet e saj edhe pas kësaj fundjave.

Skuadra e Jurgen Klopit iu përgjigj asaj të Pep Guardiolës, edhe pse pati një përballje tepër të vështirë në stadiumin “Anfild”. Vizitor ishte Çelsi, një kundërshtar që vërtet ka zhgënjyer shpesh, por që ka në përbërje lojtarë të mëdhenj si Hazar, Kante, Uillian apo Azpilikueta.

Vendasit patën epërsi, ashtu siç pritej prej tyre, duke qenë vazhdimisht në sulm, duke zotëruar topin 62 për qind, e duke pasur dyfishin e gjuajtjeve të londinezëve.

Edhe goditjet nga këndi ishin 9-3, por u desh të pritej pjesa e dytë për të kaluar në avantazh. Ishin dy pjesëtarë të treshes së shkëlqyer të sulmit, që zgjidhën ndeshjen.

Fillimisht, Sadio Mane mbylli me sukses një aksion kolektiv në të djathtë, ndërsa kaluan vetëm 141 sekonda deri te goli i dytë. Ai ishte meritë ekskluzivisht e Mohamed Salahut.

Çelsi natyrisht pati krenarinë për të treguar veten dhe Eden Hazar, një nga lojtarët më të mirë të botës, pati dy mundësi për të shënuar, kur rezultati ishte 2-0. Herën e parë e ndaloi shtylla, ndërsa në aksionin e dytë shpëtimtar u bë portieri Alison.

Liverpuli ka tani 85 pikë ndaj 83 të Sitit, ndonëse skuadra e Guardiolës ka një ndeshje më shumë për të luajtur. Mos do të thotë kjo se kampionët në fuqi janë favoritë?

Edhe mundet, veçse të kuqtë kanë një kalendar më të favorshëm, ndërsa të besuarit e Guardiolës do të presin Totenhemin në stadiumin e tyre javën që vjen, si dhe do të luajnë derbin në fushën e Mançester Junajtidit./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono