anglezi

wayne-rooney.jpg
ent ela11:50 | 27/06/2019

Uejn Runi shënoi sërish një gol nga mesi i fushës. Sulmuesi anglez i dha fitoren skuadrës së tij në ligën profesioniste amerikane.

Në moshën 33-vjeçare nuk i ka humbur aftësitë e dikurshme.

Uejn Runi realizoi një tjetër gol sensacional, këtë herë në futbollin amerikan, duke ndihmuar edhe ekipin e tij që të fitonte.

Sulmuesi anglez shënoi nga 60 metra largësi, pra përtej mesit të fushës, në ndeshjen DiSi Junajtid-Orlando, duke e zënë në befasi portierin kundërshtar.

Ishte minuta e 10-të, dhe DiSi Junajtid e fitoi ndeshje pikërisht falë golit të sulmuesit të tyre.

Runi prej dy sezonesh po luan në Shtetet e Bashkuara, ku ka shënuar 20 gola në 35 ndeshje, dhe po përpiqet të fitojë trofe, pasi mori 16 kupa në radhët e Mançester Junajtidit.

Rekordmen i golave të Junajtidit, dhe po ashtu rekordmen i golave të kombëtarëes angleze, Runi e ka provuar edhe më parë se çdo të thotë të shënosh nga një largësi e madhe.

Thuajse nga mesi i fushës, ai shënoi për Mançester Junajtidin, në ndeshjen e luajtur në mars 2014 në fushën e Uest Hemit.

Runi goditi në të njëjtin krah, veçse pak më afër, në fitoren 2-0 të “djajve të kuq”.

Goli tjetër nga mesi i fushës erdhi në 2017, kur futbollisti ishte kthyer tek Evertoni.

Ai goditi nga më shumë se 50 metra, duke ndëshkuar ish-portierin e Anglisë, Xho Hart, në suksesin 4-0 të Evertonit po ndaj Uest Hemit, në “Gudison Park”. /ABC News Albania 24/7

ANGLEZI-ARABI-1280x584.jpg
ent ela22:39 | 21/11/2018

Pas vrasjes së gazetarit Xhamal Kashogi, një tjetër ngjarje rrezikon të tensionojë më tej marrëdhëniet mes Perëndimit dhe botës arabe. Bëhet fjalë për rastin e një studenti anglez, që në Emiratet e Bashkuara Arabe i është dhënë dënimi kapital nën akuzën e spiunazhit për llogari të qeverisë britanike.

Një student britanik është dënuar me burgim të përjetshëm nga drejtësia në Emiratet e Bashkuara Arabe, pasi është shpallur fajtor për akuzën e spiunazhit. Methju Hexhs, 31 vjeç, ishte vetëdeklaruar i pafajshëm dhe kishte sqaruar se po mblidhte informacione mbi sistemin arab të sigurisë për temën e diplomës. Por prokurorët janë shprehur të bindur se ai po punonte për llogari të qeverisë britanike dhe madje kanë deklaruar se i ka pranuar akuzat. Duke reaguar, ministri i Jashtëm i Mbretërisë së Bashkuar ka deklaruar se ndihet i tronditur nga vendimi i gjykatës. Xheremi Hant ka bërë me dije se e ka ngritur çështjen në nivelet më të larta të qeverisë së Emirateve. “Dënimi me burgim të përjetshëm nuk është ajo çfarë Britania pret nga një vend mik dhe aleat”, ka thënë Hant. Ndërkohë, familja e 31-vjeçarit ka akuzuar autoritetet arabe se kanë keqtrajtuar djalin e saj, se për 6 muaj e ka marrë në pyetje pa praninë e një avokati dhe se e ka detyruar të nënshkruajë një deklaratë në gjuhën arabe ku pranohej faji. “Methju nuk di arabisht”, ka thënë familja. Edhe bashkëshortja e Hexhs, e cila ishte e pranishme në leximin e vendimit, është shprehur se ka mbetur e tronditur nga dënimi i tij. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono