Angela Merkel

angela-merkel-1-1280x697.jpg
Autor E09:49 | 08/02/2020

Presidenti i Serbisë, Aleksandër Vucic, gjatë muajit të ardhshëm pritet që të takohet me kancelaren gjermane, Angela Merkel.
Në këtë takim pritet të diskutohen një sërë çështjesh, duke filluar me problemin Prishtinë-Beograd dhe më pas edhe me politikën e re të Bashkimit Evropian për Zgjerimin.

Siç shkruajnë mediat serbe sot, në këtë takim që do të mbahet në Berlin, kancelarja Merkel pritet që t’i prezantojë presidentit të Serbisë ‘planin për Kosovën’.

Ndërkohë të thirrura në burimet e tyre, mediat serbe raportojnë se në këtë takim do te diskutohet edhe për emërimin e mundshëm të Miroslav Lajcak si Përfaqësues Special të Bashkimit Evropian për dialogun Kosovë-Serbi, raporton ‘blic.rs’.

“Një pjesë e madhe e këtij takimi do t’I kushtohet cështjes së të dërguarit të ri të BE’së për bisedimet Prishtinë-Beograd dhe agjendën e tij të ardhshme. Vucic mund të zbulojë pastaj se në çfarë drejtimi do të shkojnë bisedimet që do t’I udhëheq Miroslav Lajcak”, ka thënë ky burim.

Megjithatë nga BE-ja i kanë quajtur spekulime raportimet rreth emrit të Miroslav Lajcak. Ata kanë thënë se janë duke diskutuar rreth çështjes së Përfaqesuesit Special, megjithatë thonë se procesi është vetëm në hapat e parë dhe janë shumë larg marrjes së vendimit.

E në një përgjigje të para pak ditëve nga Qeveria Gjermane është thënë që çështja e emërimit të një Përfaqësuesi Special të BE është në dorën e Josep Borellit.

takimi-1.jpg
in a15:55 | 27/01/2020

Pas Italisë, kryeministri Edi Rama mori edhe nga Gjermania mbështetjen si pjesë e konferencës së donatorëve që do mbahet në Bruksel më 17 shkurt për të ndihmuar financiarisht Shqipërinë në kapërcimin e pasojave të tërmetit shkatërrimtar të 26 nëntorit. Para takimit me Ramën në Berlin, kancelarja ka nënvizuar gadishmërinë e Gjermanisë.

“Jam e kënaqur që Komisioni Evropian ka thirrur një konferencë donatorësh më 17 shkurt për të avancuar rindërtimin. Gjermania do të marrë pjesë në këtë konferencë të donatorëve. Bashkëpunimi në rajon ishte vërtet mbresëlënës. Sidoqoftë, tërmeti ka qenë një goditje e fortë për Shqipërinë”, u shpreh Merkel.

Kryeministri falenderoi interesimin dhe solidaritetin nga të gjitha strukturat ndihmëse nga Gjermania dhe vendet e tjera të rajonit si një lehtësim për popullin shqiptar.

“Shqipëria ka një nevojë të madhe për të gjetur mbështetje nga të gjithë miqtë e partnerët në procesin e vështirë të rindërtimit, i cili bazuar në raportin e dëmeve të hartuar në bashkëpunim me BE, kërkon një shumë që është përtej mundësive tona”, tha Rama.

Shqipëria, ashtu si Maqedonia e Veriut janë në pritje të një vendimi të ri të Këshillit Europian për hapjen e negociatave të antarësimit. Kancelarja Merkel konfirmoi qëndrimin pro të Gjermanisë në takimi e Këshillit në Mars.

“Do doja ta thoja qartë se ka shumë arritje, sidomos për sa i takon reformës në drejtësi. Kjo reformë duhet të vazhdojë në mënyrë që të plotësohet. Reforma në drejtësi është një komponent kyç për të ardhmen e Shqipërisë. Në BE të gjithë duam që të arrijmë një marrëveshje në takimin e ardhshëm të Këshillit Europian për hapjen e negociatave me Shqipërinë dhe Maqedoninë e Veriut. Të dyja vendet kanë shumë arritje. Ne e patëm këtë qëndrim gjatë mbledhjes sonë të fundit. Tani ne do punojmë fort për të arritur rezultatet që duam në muajin Mars. Unë besoj se e ardhmja e vendeve të Ballkanit Perëndimor është në Bashkimin Europian, edhe e Shqipërisë e nuk është vetëm në interesin e këtyre vendeve por edhe në interesin tonë. Sepse kushdo që shikon hartën, kush njeh kontekstin gjeopolitik, e di që është mirë për të gjithë nëse një ditë vendet e Ballkanit Perëndimor të jenë anëtare të BE. Meqenëse edhe Komisioni i ri Europian synon të jetë një komision gjeopolitik, ka më shumë se më pak arsye për ta çuar përpara këtë process me vendosmëri”, tha Merkel.

Kryeministri ka vlerësuar rolin gjithnjë mbështetës të kancelares, por edhe punën e Komisionit të ri Europian.

“Roli i Gjermanisë dhe juaji personal kanë qenë një mbështetje e jashtëzakonshme dhënien e dritës jeshile në përparimin e këtij procesi. Do doja të shprehja edhe një herë vlerësimin tim për mënyrën se si e ka nisur punën Komisioni i ri Europian. Tepër e rëndësishme që edhe ju e nënvizuat këtë. Ne tashmë kemi një dimension më të qartë gjeopolitik në punën e Komisionit. Kjo do na ndihmojë shumë ne dhe të gjithë rajonin

Në njoftimin e kancelarisë gjermane thuhet se tema të takimit Merkel Rama janë marrëdhëniet dy palëshe mes dy vendeve, por edhe presidenca shqiptare e OSBE dhe cështjet rajonale”, tha më tej Rama./abcnews.al

angela-merkel-berlin.jpg
nev ila13:18 | 27/01/2020

Kryeministri Edi Rama ndodhet në Berlin ku në është takuar me kancelarin gjermane Angela Mercel.

Në këtë takim është diskutuar për konferencën e donatorëve gjithashtu edhe për procesin e integrimit të Shqipërisë në BE.

Në përfundim të bisedës kryeministri shqiptar Edi Rama shprehu mirënjohjen e tij për rolin e rëndësishëm të Gjermanisë si ndaj situatës së vështirë pas tërmetit por edhe për mbështetjen e Merkel në procesin e integrimit të Shqipërisë në BE.

Kryeministri Edi Rama në fjalën e tij tha:

Mirënjohës që  zhvillojmë këtë takim, diskutuam për konferencën e donatorëve dhe nevojën e madhe që Shqipëria ka për të gjetur mbështetjen e partnerëve në procesin e vështirë të rindërtimit. Dëmet e shkaktuar nga tërmeti janë të mëdha fatura e papërballueshme për Shqipërinë.  

Ju falënderoj për interesimin tuaj dhe të ndihmës së parë nga Gjermania, ndihma ka qene lehtësuese për popullin shqiptar.

Më vjen mirë që po diskutojmë edhe për perspektivën e bashkëpunimit të BE ku roli i Gjermanisë ka qenë i jashtëzakonshëm për procesin e integrimit.

Dëshiroj të shpreh të gjithë konsideratën për mënyrën se si ka nisur punën Komisioni i ri Europian, një dimension më i qartë edhe gjeopolitik, do jetë ndihmë e madhe për ne dhe gjithë rajonin”, tha Rama./abcnews.al

merkel-rama-1-1280x691.jpg
nev ila13:11 | 27/01/2020

Kryeministri Edi Rama ndodhet në Berlin ku në është takuar me kancelarin gjermane Angela mergel.

Në këtë takim është diskutuar për konferencën e donatorëve gjithashtu edhe për procesin e integrimit të Shqipërisë në BE.

Në përfundim të bisedës kancelaria gjermane dhe kryeministri shqiptar Edi Rama mbajtën një fjalë përpara mediave.

“Gjermania do të marrë pjesë në këtë konferencën e donatorëve në 17 shkurt ku do të përpiqemi të ndihmojmë sa më shumë Shqipërinë. Ne do të flasim për një seri marrëdhëniesh të mëparshme dhe kursin e reformave të qeverisë. Në lidhje me reformën në drejtësi janë arritur shumë gjëra. Kjo reformë ka rëndësi të madhe për perspektivën e Shqipërisë. Ne duam që këto dy shtete të shkojnë drejt BE-së dhe duam që të arrijmë një marrëveshje në takimin e ardhshëm të Këshillit të BE-së në mars për të filluar çeljen e negociatave me Shqipërinë, si edhe me Maqedoninë e Veriut. Të dy vendet e kanë merituar. Këtë qëndrim e kemi pasur edhe në takimin e kaluar dhe tani do të punojmë me forcë që në mars të arrijmë rezultatin e dëshiruar. Nuk është vetëm në interes të këtyre vendeve por edhe në interesin tonë që këto vende të afrohen me BE-në”, tha kancelarja Merkel./abcnews.al

 

merkel-rama-1280x732.jpg
nev ila11:10 | 27/01/2020

Kryeministri Edi Rama ka mbërritur në zyrën e Kancelares Gjermane, Angela Merkel. Ka qenë vetë Rama që ka publikuar një videon në rrjetet sociale, ku shihet teksa zbret nga makina dhe takon kancelarin Merkel.

Më tej Kancelarja i uron mirëseardhjen, duke i folur anglisht dhe bashkë bëjnë dhe foto. Më herët, përpara kreut të qeverisë, në zyrat e qeverisë gjermane kishte mbërritur delegacioni shqiptar, ku Rama i ka prezantuar një e nga një me Merkel-in.

Rama njoftoi ditën e djeshme se do të ishte në një takim me kancelarin mergel ku do të diskutohet për rindërtimin pas tërmetit të 26 nëntorit në Shqipëri./abcnews.al

edi-rama-avion.jpg
nev ila15:33 | 26/01/2020

Kryeministri Edi Rama ka postuar sot një foto nga brenda avionit me të cilin po udhëton për në Gjermani.

Në një reagim në rrjetet sociale, Rama shkruan se është nisur për në Berlin dhe do takohet me Kancelaren Angela Merkel, për të biseduar me të për Konferencën e Donatorëve.

“Për në Berlin për takimin me Kancelaren Merkel, enkas për Programin e Rindërtimit në vigjilje të Konferencës së Donatorëve, që do të mbahet në Bruksel më 17 shkurt ”, shkruan Rama./abcnews.al

rama-merkel.jpg
So Nila14:31 | 24/01/2020

German government deputy spokeswoman Ulrike Demmer announced that german chancellor Angela Merkel is going to meet with albanian prime minister Edi Rama on Monday in Berlin.

The focus of the conversation will be on the assistance that Germany can provide for earthquake damage recovery on November 26, 2019.

Albanian prime minister Edi Rama had announced a meeting with the german chancellor as part of his visit to Rome, where he received the promise of Italy’s support at the donor conference, which will take place in Brussels on 17 February 2020 under the leadership of EU Commission President Ursula von der Leyen.

Rama said during an informal conversation with Italy’s Foreign Minister Luigi di Maio that the cost of recovering earthquake-damaged areas is estimated to be around 1 billion euros so far.

Another topic of discussion, according to Demmer, will be Albania’s next presidency in the OSCE, bilateral relations, the situation in the region and the European perspective of the EU.

Angela Merkel and Germany are committed to open the negotiations with Albania and Northern Macedonia as soon as possible.

After last week conversation with Croatian Prime Minister Plenkovic, Merkel has refused to treat the two Western Balkan countries separately.

“If we want to be fair, then we have to treat the two countries together, although they will then follow different procedures, based on the estimates that will be made to them, “stated Merkel./abcnews.al

angela-merkel.jpg
in a07:12 | 24/01/2020

Kancelarja gjermane, Angela Merkel deklaroi se Bashkimi Europian duhet të gjejë një politikë të përbashkët dhe të qëndrueshme për marrëdhëniet me Kinën.

Merkel gjithashtu bëri të ditur se në samitin e ardhshëm BE-Kinë që do të zhvillohet në muajin shtator në Leipzig, prezantimi i Kinës për një sistem të tregtimit të emetimeve do të jetë i rëndësishëm, duke shprehur shpresë për bashkëpunim lidhur me këtë fushë.

Në Forumin Ekonomik Botëror, Merkel theksoi se bisedimet duhet të përqendrohen edhe në politikën e jashtme aktive të Kinës në rajone si Afrika, ndërsa theksoi se BE duhet të ketë një rol më aktiv.

Capture-89.jpg
in a11:09 | 19/01/2020

Zëdhënësi i qeverisë greke, Stelios Petsas tha në një intervistë për TV ANT1 se kryeministri, Kyriakos Mitsotakis i ka shprehur pakënaqësinë e tij kancelares gjermane, Angela Merkel për faktin se Greqia nuk ishte e ftuar në Konferencën e Berlinit pavarësisht se kishte kërkuar të ishte atje.

Mitsotakis i cili foli në telefon me Kancelaren gjermane, i kujtoi zonjës Merkel siç ua kishte kujtuar të gjithë drejtuesve të shteteve anëtare të BE-së, presidentit të Këshillit Evropian, Charles Michel dhe presidentes së Komisionit Evropian Ursula Von der Leyen përmes letrave që u ka dërguar, se Greqia ka interesa jetike në rajon dhe se do të mbrojë të drejtat e saj sovrane në çfarëdo mënyre të mundshme. Kryeministri grek iu ka kujtuar edhe përfundimin e Samitit të BE-së në Dhjetor 2019 mbi Libinë dhe ‘memorandumet’ midis Turqisë dhe qeverisë libaneze të Faiz Saraj, të cilat janë karakterizuar të pavlefshme dhe jo ekzistente shtoi Petsas.

Zëdhënësi i qeverisë tha se është e qartë se Gjermania, si vend pritës, nuk dëshironte që diskutimi të përfshinte çështje të zonës detare dhe se dëshironte që konferenca të përqendrohej qartë në çështjen e zgjidhjes politike në Libi, tha Petsas. Zëdhënësi i qeverisë greke tha gjithashtu se Athina do të bëjë gjithçka që është e nevojshme për të mbrojtur të drejtat e saj sovrane duke përfshirë edhe veton.

Përfaqësuesit e më shumë se dhjetë shteteve, përfshirë Shtetet e Bashkuara, Turqinë dhe Rusinë, takohen të dielën në Berlin në përpjekje për t’i dhënë fund konfliktit të armatosur në Libi dhe parandalimin e asaj që mund të jetë krizë e re e refugjatëve, e ngjashme me atë të Sirisë. Kina, Britania e Madhe, Italia, Franca, Egjipti, Algjeria dhe Emiratet e Bashkuara Arabe gjithashtu kanë përfaqësuesit e tyre në këtë Samit, i cili udhëhiqet nga kancelarja gjermane, Angela Merkel.

Zyrtarët gjermanë thanë se në këtë takim të nivelit të lartë do të marrin pjesë edhe përfaqësues të Kombeve të Bashkuara, Bashkimit Evropian dhe Ligës Arabe. Sekretari amerikan i Shtetit, Mike Pompeo, presidenti francez, Emmanuel Macron, presidenti turk, Rexhep Erdogan, presidenti rus, Vladimir Putin, dhe kryeministri britanik, Boris Johnson, tashmë kanë arritur në Berlin ose e kanë konfirmuar pjesëmarrjen. Një zyrtar amerikan, i cili është pjesë e delegacionit të sekretarit Pompeo, tha se problemi i Libisë gjithnjë e më shumë po i ngjan Sirisë, ku në luftën e gjatë civile janë vrarë qindra mijëra njerëz dhe janë zhvendosur miliona të tjerë./abcnews.al

angela-merkeli.jpg
ger ta07:27 | 18/01/2020

Kancelarja gjermane, Angela Merkel, më 24 janar do të zhvillojë një vizitë zyrtare në Turqi.

Zëdhënësi i qeverisë gjermane, Steffen Seibert, tha se Merkel gjatë vizitës së saj do të takohet në Stamboll me presidentin turk, Recep Tayyip Erdoğan.  Gjatë takimit në rend dite kpërveç çështjeve ndërkombëtare do të jenë edhe marrëdhëniet dypalëshe.

Seibert bën me dije se Merkel dhe Erdogan do të marrin pjesë në ceremoninë e hapjes së kampusit të Universitetit turko-gjerman.

Po ashtu pritet që Merkel të marrë pjesë edhe në aktivitete lidhur me ekonominë me ftesë të Dhomës së Tregtisë Turko-Gjermane si dhe të zvhillojë takime me përfaqësues të institucioneve të shoqërisë civile në Turqi./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono