Ana Brnabiç

vrasje-2.jpg
in a16:41 | 16/01/2020

Në Serbi është përkujtuar përvjetori i vrasjes së liderit të serbëve të Kosovës, Oliver Ivanovic. Ende nuk ka një autor për vrasjen e tij, por kryeministrja Brabic tha se Serbia nuk do ndalet deri sa të gjejë vrasësit e vërtetë.

Rreth orës 08:15, në këtë kohë në Mitrovicë ishte ekzekutuar lideri i serbëve të Kosovës, Olliver Ivanovic. Nderimet për të u bënë nga familja dhe zyrtarë të lartë shtetërorë. Serbia është duke bërë hetim të pavarur për vrasjen e tij, por nuk ka dhënë ndonjë rezultat.

Kryeministrja serbe, Ana Brnabic, tha se Serbia nuk do të ndalet derisa të gjej vrasësit e vërtetë. Ky mort ka ndarë shumë në Serbi, pasi vet Ivanovic kishte paralajmëruar rrezik dhe kishte qenë kritik ndaj grupeve kriminale dhe bënte politikë të pavarur. Serbia akuzon Kosovën për ngecjen e hetimeve.

“Vrasja e Oliver Ivanovic ngelet një plagë e hapur për popullin serb në Kosovë dhe Metohi dhe më gjërë. Një tragjedi edhe për familjen. Këtë duhet ta kenë në ndërgjegje ata, që këtë rast tentojnë ta keqpërdorin për arsye politike. E theksoj se Prishtina nuk ka kthyer përgjigje në 3 prej 4 kërkesave të organeve tona dhe atë që kanë kthyer ka qenë pas gjashtë muajsh”, deklaroi Marko Gjuric.

Kosova ka shpallur në kërkim personin që u shënjua si kryesori në vrasjen e Ivanovic, Millan Radojcic, i cili pasi Policia e Kosovës nuk e arrestoj dot, është parë në Serbi. Shteti serb e kishte future ish-zëvendës kryetarin e Listës Serbe dhe biznismenin në një test poligrafi. Në pafajsinë e tij besojnë.
Vrasja e Ivanovic ka shkaktuar akuza në mesin e serbëve pasi një pjesë dëshmuan tek organet e Kosovës për vrasjen e tij. Opozita do ta shënoj atentatin me protesta dy ditë më vonë. Zyrtarët serb thanë se kanë indicie për autorin, por nuk është koha.

“Shumë premtime janë bërë për zbardhjen e vrasjes, por dy hetime të ndara një në Kosovë e një në Serbi ende nuk kanë sjellë autorët para drejtësisë. Në një moment Serbia kishte përfshirë edhe Tiranën”, raporton për “ABC News” gazetari, Idro Seferi./abcnews.al

1550810260-mYfnm.jpg
nev ila16:04 | 16/09/2019

Në Beograd është zhvilluara parade e homoseksualëve kryesisht për mbrojtjen e të drejtave të këtij komuniteti. Kryeministrja serbe Ana Brnabic, një homoseksuale e deklaruar, bëri apel për paqe dhe tolerancë.

Parada gay në Serbi. E nisin më këngët e Dua Lipës. Është hera e gjashtë që organizohet protesta për të drejtat e këtij komuniteti.  Qindra aktivist nga i tërë rajoni janë mbledhur për të kërkuar më shumë të drejta. Parulla dashurie duan të çojnë dhe të drejta për të gjithë. Shqiptarët janë vellëzërit tanë shkruhet në këtë pankartë.

Një mesazh për paqe dhe dashuri e solli edhe kryeministrja serbe, Ana Brnabic, e cila është e deklaruar si pjesë e komunitetit. Ajo tha se po bëhet gjithënjë më e lehtë, por ka ende punë për të bërë. Bashkë me partneren e saj, një mjeke nga kryeqyteti serb, ajo u paraqit në mbështetje të kësaj parade.

 “Kjo është e rëndësishme për Serbinë, pasi jepet mesazh për paqe dhe tolerancë,  dhe kjo është dicka që duhet ta kultivojmë edhe më shumë.”

Kështu dukej vite më parë kjo paradë: përleshje pafund me huliganët me qindra të arrestuar e të plagosur. Tani aktivistët nga Serbia pretendojnë se do të jenë organizatorë të paradës evropiane pas dy vitesh për të dëshmuar arritjen e të drejtave të njeriut.

Ata që e kundërshtojnë tani paradën janë vetëm një numër i vogël njerëzish, kryesisht konservatorë që këndojnë këngë patriotike dhe kishtare për të mbrojtur familjen. Të dyja palët u përballen, por vazhduan në drejtimet e tyre.

Në këtë paradë kanë qenë edhe dhjetëra shqiptarë nga Shqipëria dhe Kosova që kanë qëndruar në Serbi prej disa ditësh.

Dy prej tyre, thonë se mbështetja për tërë rajonin tregon progres për të gjithë. Ajo që ngelet shqetësuese për ta është se diskriminimi vazhdon pavarësisht ligjeve progresiste që sjellin qeveritë.

Qeveria serbë u premtoi se do të punohet për mbështetjen e tyre. Kryeministrja serbe tha se gjithçka një ditë do të jetë normale.

E gjithë ngjarja përfundoi me performanca të ndryshme përfshirë edhe shqiptarët që kësaj radhe nuk e patën problem të paraqiten me muzikë shqip dhe morën mbështetje./ABC News Albania 24/7

litterally.jpg
ad min16:10 | 26/08/2019

Kryeministrja serbe Ana Brnabiç, është befasuar nga një gazetar shqiptar.

Brnabiç merrte pjesë në inaugurimin e një pike kufitare në Tabanovc-Preshevë,  ku është përballur me gazetarin shqiptar nga Maqedonia e Veriut, Furkan Saliu, i cili kishte të veshur bluzën me figurat më të njohura shqiptare, e në të cilën shkruante “Sapo dolëm nga mali”.

Nuk dihet cili ka qenë reagimi i kryeministres serbe, e cila kohë më parë kishte deklaruar për shqiptarët se “Janë njerëz të ardhur nga mali”.

/ABC News Albania 24/7

maqedoni-serbi.jpg
ad min12:57 | 26/08/2019

Ka nisur menaxhimi i përbashkët kufitar mes Serbisë dhe Maqedonisë së Veriut, me marrëveshjen e nënshkruar nga kryeministrat e të dy vendeve Ana Brnabiç dhe Zoran Zaev, në Shkup.

Më pak kontrolle, doganim dhe përshpejtim të rrjedhës së udhëtarëve, mallit dhe mjeteve transportuese do të mundësojë menaxhimi i përbashkët kufitar që nisi të hënën në vendkalimin kufitar Tabanoc-Preshevë. Kjo pas arritjes së marrëveshjes mes Serbisë dhe Maqedonisë së Veriut për menaxhim të përbashkët kufitar. Një nga objektivat është reduktimi i ndjeshëm i kohës së pritjes në kufi.

Fillimin e projektit për menaxhim të integruar kufitar “One stop shop” u firmos nga kryeministrat Zoran Zaev dhe Ana Brnabiç, e cila ndodhet në Shkup. Koncepti i kontrolleve të përbashkëta kufitare dhe kontrolleve kufitare me një ndalim nënkupton procedura më të thjeshta, që zbatohen në një vendkalim të përbashkët, gjatë numrit minimal të ndalimeve, sipas mundësisë ndalim i vetëm, përmes të cilit kontrolli i udhëtarëve, mallrave dhe mjeteve të tyre transportuese kryhet vetëm njëherë në një vend.

Me zbatimin e konceptit të kontrollit të përbashkët arrihet harmonizim më i madh dhe lehtësohet kalimi i udhëtarëve, mallrave dhe mjeteve të transportit. Sipas ekspertëve, në qendër të zbatimit të këtij koncepti është shfrytëzimi i një objekti të përbashkët në vendkalimin kufitar ku kryhen formalitetet kufitare.

Përveç kalimit së shpejtë të udhëtarëve, mallrave dhe mjeteve transportuese, doganimi i përbashkët, mes tjerash, duhet të mundësojë shkallë më të lartë të harmonizimit të kontrolleve kufitare, si dhe të ulet mundësia për mashtrime doganore, për shkak të kontrollit direkt në dokumentet komerciale që e ndjekin mallin. Doganimi i përbashkët është edhe një prej kërkesave të transportuesve, të cilët mendojnë se me këtë do të lehtësohet procesi i transportit dhe transportit të mallrave./ABC News Albania 24/7

HAHN-NE-BEOGRAD-ABCM5T1.mpg_snapshot_00.24-1280x720.jpg
ent ela15:20 | 26/07/2019

Gjatë vizitës në Serbi, komisioneri i Bashkimit Europian Johanes Hahn u shpreh optimist për faktin se Shqipëria dhe Maqedonia e Veriut mund të hapin negociatat për anëtarësimin në BE në shtator.

Komisari i Bashkimit Evropian, Johanes Hahn, është në fund të mandatit. Por, ka arritur në Serbi për të diskutuar edhe një herë për politikën në Ballkan. Ai ka theksuar se është shumë e rëndësishme që Kosova dhe Serbia të ulen në tavolinën e bisedimeve për një zgjidhje të qëndrueshme dhe afatgjatë. Ai ka theksuar se kjo pritet të ndodh pasi të jetë qartësuar situata politike në Kosovë me zgjedhje. Progresi do të vlerësohet ashtu siç shpreson çeljen e negociatave për Maqedoninë Veriore dhe Shqipërinë.

Johannes Hahn, Komisioner i BE: “Nuk ka arsye për të humbur kohë dhe shpresoj të ndodhë brenda shtatorit si është paralajmëruar. Pa progress dhe një zgjidhje të qëndrueshme nuk mund të bëjmë asgjë. Progresi duhet vlerësuar sic është rasti i Maqedonisë së veriut dhe shpresoj që jepet një dritë jeshile edhe për Shqipërinë, që të hapë negociatat ashtu si kemi bërë me Serbinë dhe Malin e Zi”.

Serbia, ka thënë kryeministrja serbe, Ana Brnabiç, shpreson që Kosova do të rishqyrtoj disa vendime të sajat dhe se do të mund të kthehen sërish bisedimet. Sipas saj, pasojat e mungesës së tij vërehen dhe bashkëpunimi rajonal është e vetmja mënyrë për progres për qytetarët.

Ana Brnabic, Kryeministre e Serbisë: “Ne do t’i përgjigjemi cdo nisme në të cilën jemi të ftuar do të jemi aty dhe do të japim mesazhe pozitive për bashkëpunim të mëtejshëm dhe ripajtimin e popullit shqiptar dhe serb”.

Hahn ka takuar edhe presidentin Vuçiç në një takim jashtë publikut, kurse pavarësisht pozitave të reja që mund të ketë, ai do të angazhohet për Ballkanin sikurse edhe strukturat e ardhshme të BE-së. /ABC News Albania 24/7

 

tension.jpg
ad min15:30 | 09/07/2019

Mediat serbe raportojnë për debatin mes kryeministres serbe Brnabiç dhe presidentit të Shqipërisë Iliri Meta, të dy të pranishëm në samitin e Procesit të Bashkëpunimit të Europës Juglindore në Sarajevë.

B92 shkruan se përplasja ka ndodhur pas kërkesës së presidentit Meta që Bosnje e Hercegovinë të njohë Kosovën si shtet të pavarur dhe Sovran. Brnabiç reagoi duke thënë se aty nuk kishte vend për provokime.

Sipas presidentit Meta përfaqësuesit e Kosovës ishin të detyruar për të mos marrë pjesë në këtë samit. Kryeministrja serbe u shpreh se përveç Bosnje e Hercegovinës, dhe Rumania, Greqia dhe Moldavia nuk e njohin Kosovën, dhe në mënyrë që samiti të vijonte punimet të gjithë duhet të respektonin marrëdhëniet diplomatike.

Ajo shtoi se nuk mund të sigurohet qëndrueshmëria rajonale dhe bashkëpunimi pa një respekt reciprok dhe duke provokuar si Presidenti i Shqipërisë Meta. Ajo u shpreh e keqardhur për mospraninë e përfaqësuesve të Prishtinës në samit, por sipas Brnabiç kjo tregon mungesën e perspektivës së Prishtinës për bashkëpunim rajonal./ABC News Albania 24/7

BRNABIC-OKB.mpg_snapshot_00.20-1280x720.jpg
ad min15:45 | 04/07/2019

Pas nënshkrimit në Tiranë të Marrëveshjes Ndërministrore mes Shqipërisë e Kosovës për bashkim të përfaqësive diplomatike e konsullore dhe për bashkëpunim strategjik në fushën e politikës së jashtme, ka reaguar kryeministrja e Serbisë, Ana Brnabiç. Ajo e ka cilësuar si skandaloz edhe mosreagimin e Uashingtonit dhe të Brukselit.

Kryeministrja serbe, Ana Brnabiç, e ka cilësuar si skandaloze marrëveshjen e sapo firmosur ndërministrore mes Shqipërisë dhe Kosovës. Ajo i tha televizionit “PINK” se është e habitur edhe nga heshtja e komunitetit ndërkombëtar ndaj paralajmërimit të Tiranës e Prishtinës zyrtare për veprim të përbashkët diplomatik dhe siç tha, politikën e jashtme të përbashkët.

“Është e tmerrshme, është e tmerrshme. Është skandal që ende nuk kemi pare asnjë reagim zyrtar as të Shteteve të Bashkuara të Amerikës, as të Bashkimit Evropian. Kjo nuk është naive, kjo është tejet serioze”, tha kryeministrja serbe duke varur shpresën tek shefi i ri i politikës së jashtme, kryediplomatit spanjoll, vendi i të cilit nuk e ka njohur Kosovën.

Ana Brnabiç, pas takimit me Eliot Engel, kryetar i Komisionit për Marrëdhënie me Jashtë i Dhomës së Përfaqësuesve të Kongresit amerikan, tha se ka përshtypjen se nuk pritet për së shpejti që të vazhdojë dialogu mes Prishtinës e Beogradit.

Megjithëse ritheksoi qëndrimin se dialogu duhet të zhvillohet nën kujdestarinë e Bashkimit Evropian, ajo la të hapur mundësinë që në lehtësimin e tij të përfshihet edhe administrata amerikane, por edhe, sikurse nënvizoi, vendet anëtare të përhershme të Këshillit të Sigurimit të Kombeve të Bashkuara./ABC News Albania 24/7

aleksander-vuccicc.jpg
ad min14:47 | 04/06/2019

Presidenti i Serbisë, Aleksandër Vuçiç, deklaroi se Gjermania dhe Franca po bashkëpunojnë me administratën amerikane për përgatitjen e samitit të Korrikut në Paris me qëllim që ky tubim të rezultojë me zhbllokimin e dialogut dhe eventualisht me ndonjë marrëveshje mes Prishtinës dhe Beogradit.

Pas deklaratës ofenduese të kryeministres serbe, Ana Brnabiç, në adresë të krerëve shtetërorë të Kosovës, ka qenë vet presidenti Aleksandër Vuçiç ai që është munduar të relativizojë komentet e vartëses së tij. Duke folur të hënën nga Krahina e  Vojvodinës, Vuçiç konfirmoi vendosmërinë e regjimit të tij për të luftuar për interesat serbe.

“Ne duhet ta kuptojmë se çfarë janë interesat tona. Interesat tona nuk duhet të jenë në dërgimin e çfarëdo ofendimeve për shqiptarët, madje as përfaqësuesit e tyre politik, ndonëse për ta mendojmë më të keqen, por duhet të punojmë që t’i tregojmë botës se ne jemi për kompromis, se është e qartë kush nuk e dëshiron kompromisin”, tha Vuçiç duke fajësuar për këtë palën kosovare dhe duke vlerësuar njëherësh se operacioni i para disa ditëve i policisë së Kosovës  ishte në funksion të fushatës parazgjedhore e jo sikurse paraqitet nga pala kosovare, për luftimin e krimit të organizuar dhe të korrupsionit.

“Njerëz hiqni taksat, shkojmë në dialog të përpiqemi që të arrijmë kompromisin, por të arrijmë kompromisin jo ashtu që ju do të thoni “Kosova brenda këtyre kufijve”! Nuk ka problem. Kosova është brenda këtyre kufijve. E përsëris edhe unë po këtë fjali! Dhe, çka pastaj? Pasi ju konsideroni “Kosova në këta kufij – ajo është e pavarur”, edhe unë konsideroj në këta kufij, se Kosova është vetëm pjesë e Republikës së Serbisë! Çka do të bëjmë pastaj”, pyeti Vuçiç.

Në intervistën dhënë televizionit shtetëror serb, megjithatë ai, duke konfirmuar pjesëmarrjen në samitin e Parisit, në fillim të Korrikut, la të kuptohet se Gjermania e Franca po bashkëpunojnë me amerikanët për të mos lejuar që, sikundër u shpreh, Parisi të jetë katastrofë/ABC News Albania 24/7

mustfa-nano.jpg
ad min20:04 | 31/05/2019

“Shqiptarët janë njerëz që faktikisht kanë dalë nga mali. Për ata është njësoj nëse bëjnë luftë apo rrojnë në paqe”. Është kjo fraza e kryeministres serbe Ana Brnabiç, të cilën e deklaroi gjatë një konference dhe ka ngjallur reagime të shumta.

Në lidhje me këtë çështje, Mustafa Nano në monologun që mbajti këtë të premte solli në vëmendje edhe një shprehje tjetër të një shkrimtari serb.

“Shqiptarët me bisht janë dy llojesh, me bisht kali të vogël e me bisht dhie. Janë njerëz të fortë shumë, e sidomos janë rezistentë gjatë ecjes më këmbë. Para disa vitesh vdiq njëri prej tyre, i cili ecte shumë, si të ishte një personazh përrallash. Ky njeri kishte një bisht dhe kur dilte për të kryer nevojat fiziologjike, e mbante bishtin me dorë për të mos e bërë pis”, thotë Vlladan Gjorgjeviç në një libër ndaj shqiptarëve.

Ai është bazuar në fjalët e një albanologu të njohur shqiptar, George Von Hahn, i cili pasi kishte dëgjuar nga vetë shqiptarët ishte munduar ta shikonte vetë diçka të tillë.

“U përpoqa mjaft të shihja një njeri të tillë, por pa sukses; të gjithë mjekët e ushtrisë turke, të cilët i pyeta mbi këtë çështje, më thanë se kjo ishte një përrallë; ata nuk kishin parë kurrë një njeri me bisht, ndonëse vit për vit kontrollonin me mijëra rekrutë të rinj nga të gjitha viset e perandorisë”, ka shkruajtur studiuesi Georg von Hahn.

Mustafa Nano i konsideron broçkulla këto deklarata, mirëpo i kupton për shkak të kohës ku Gjergjeviç ka jetuar. Mirëpo ajo që duket banale për të është deklarata e lëshuar së fundmi nga kryeministrja Brnabiç. Ajo frazë e Brnabiç e ka shokuar moderatorin Mustafa Nano.

“Gjëra të tilla kanë qenë të së shkuarës, por tani na del një personazh tjetër që na quhet Ana Brnabiç, e cila është kryeministre e Serbisë. Në një takim, në një konferencë për shtypin në Serbi, duke pasur në krahë ambasadorin e BE-së në Beograd, mesa di unë. Në mos ka qenë ai, ka qenë një përfaqësues i vendeve anëtare të BE-së. Aty ka thënë “Shqiptarët janë njerëz që faktikisht kanë dalë nga mali. Për ata është njësoj nëse bëjnë luftë apo rrojnë në paqe”. Unë e kuptoj Gjorgjeviçin që ka thënë atë që thashë në fillim të shekullit të shkuar sepse e kuptoj kur marr parasysh të gjitha sentimentet serbe në raport me shqiptarët, por në vitin 2019 të dalë dikush në Beograd dhe ky dikush është kryeministër dhe të këpusë një broçkull të tillë, kjo mua ma heq petllën. Unë kisha menduar për kryeministren Ana Brnabiç kisha menduar mirë gjatë gjithë kohës. Më dukej një vajzë e mirë, e pjekur, por mesa duket nuk ka qenë kështu. Mesa duket jemi të dënuar këtu në Ballkan që të dëgjojmë pafund gjëra të tilla të një banaliteti të pashoq. Se ky i përfaqësuar nga Ana Brnabiç është një banalitet që nuk ka shoq. Unë kam ngelur i shtangur”, tha Nano./abcnews.al

BRNABIC-1280x674.jpg
ad min14:26 | 04/01/2019

Në një intervistë për mediat serbe, kryeministrja e vendit, Ana Brnabiç, u shpreh se një marrëveshje e mundshme me Kosovën është ende shumë larg. Por arritja e saj duhet realizuar nëse Serbia ende synon të jetë pjesë e Bashkimit Europian.

Ana Brnabiç, kryeministrja e Serbisë deklaroi se marrëveshja me Kosovën ëshët ende shumë larg. Por ajo këmbënguli se kjo marrëveshje duhet gjetur nëse Serbia dëshiron të jetë pjesë e Bashkimit Europian. Në një intervistë për televizionin serb “Pink” ajo tha se Beogradi e Prishtina janë vazhdimisht e më larg arritjes së kompromisit. Kryesisht për shkak të taksës 100% për produktet serbe, për shkak të formimit të Ushtrisë së Kosovës dhe për fshirjen e kufirit mes Kosovës e Shqipërisë.

Brnabiç shtoi se konflikti i ngrirë me Kosovën nënkupton se Serbia nuk mund të bëhet anëtare e BE-së, duke theksuar se çështja e Kosovës duhet zgjidhur për të garantuar paqe, stabilitet dhe jetë më të mirë për serbët në Kosovë. Sipas saj, Serbia është në pozicion të mrekullueshëm pasi negociator kryesor i saj është kreu i shtetit, presidenti Aleksandër Vuçiç, me të cilin është e vështirë të negociohet, duke shtuar se qeveria serbe do të ndihmojë sa të ketë mundësi.

“Kosova e Metohia është krahinë në Serbi, prandaj le të bisedojmë”, përfundoi Brnabiç duke bërë të qartë se asgjë nuk ka ndryshuar nga qëndrimi i Serbisë ndaj Kosovës./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono