amerikane
Kroos dhe Guardiola duke festuar te Bayerni

bloombgerg-trump-1280x530.png
nev ila12:11 | 13/01/2020

Dhe nëse nuk do të jetë ai kandidati kryesor përballë Tramp në zgjedhjet presidenciale të 2020-ës, ish kryebashkiaku i New Yorkut, Michael Bloomberg, u shpreh se do të shpenzojë 1 miliard dollarë për të mundur kreun aktual të Shtëpisë së Bardhë.

Miliarderi Majkëll Blumberg nuk përjashtoi mundësinë për të shpenzuar një milliard dollarë të pasurisë së tij në garën për presidencialet amerikane, dhe në rast se nuk do të jetë ai kandidati i demokratëve kundër Donald Trump.

Ai premtoi se do të mobilizojë fushatën e tij të pasur për të ndihmuar dhe senatorët Berni Sanders apo Elizabet Uoren, nëse do të fitonin zgjedhjet paraprake, për të mundur Donald Trump, pavarasisht këndvështrimeve politike që i ndajnë.

Lajmi raportohet nga New York Tiems që citon Bloomberg. Gjatë një ndalese në Teksas Blumberg u shpreh se çdo gjë varet dhe nga kandidati kryesor.

Ai që do të marrë emërimin mund të mbështetet jo vetëm financiarisht por dhe në rrjetin organizativ të miliarderit.

Ish kryebashkiaku i New York, ka një pasuri prej më shumë se 50 miliard dollarësh, dhe deri tani ka shpenzuar më shumë se 200 milion dollarë në reklama, me një ritëm shpenzimesh që në muajin mars do të jetë i barabartë me shumën e shpenzuar nga Barak Obama në fushatën elektorale të vitit 2012./abcnews.al

incidenti-ruso-amerikan.jpg
nev ila18:04 | 10/01/2020

Media amerikane CNN ka njoftuar ditën e sotme se është shënuar një incident dhe një provokim nga pala ruse në detin arabik. Një anije luftarake ruse “iu afrua ne mënyrë agresive” një anijeje luftarake të marinës amerikane ndërsa ishte duke vepruar në Detin Arabik të Veriut këtë të enjte, duke injoruar paralajmërimet nga anija amerikane dhe duke rritur rrezikun e një përplasjeje, ka raportuar CNN.

Video e incidentit, tregon se anija luftarake ruse afrohet me shpejtësi drejt USS Farragut, duke iu afruar deri në 180 m largësi anijes amerikane përpara se të ndryshonte plotësisht kursin. Ky njoftim ka ardhur nga zyrtarët e mbrojtjes amerikane.

 

Incidenti është shembull i tregimit të forcës midis forcave ushtarake amerikane dhe ruse,  që zyrtarët amerikanë e kanë cilësuar si të pasigurt dhe provokues.

Ky incident vjen afro shtatë muaj pas incidentit tjetër, që ndodhi në oqeanin Paqësor, kur anijet luftarake amerikane dhe ruse iu afruan aq afër njëra tjetrës, saqë anijes amerikane iu desh të kryente një manovrim urgjent, për të shmangur një përplasje.

Në një deklaratë Flota e marinës amerikane e cila mbikëqyr operacionet detare në lindjen e mesme tha:

“Të enjten, 9 janar, ndërsa “USS Farragut” po kryente operacione rutinë në Detin Arabik,  u afrua në mënyrë agresive një anije e Marinës ruse“.

“Farragut dha sinjalin detar ndërkombëtar për rrezikun e një përplasjeje, dhe kërkoi që anija ruse të ndryshojë kursin në përputhje me rregullat ndërkombëtare detare. Anija ruse fillimisht refuzoi, por më pas ndryshoi kursin“, thuhet në këtë deklaratë.

Anija ruse përfundimisht u largua pasi u vendos komunikimi përmes radios me anijet shkatërruese amerikane.

Një zyrtar i marinës amerikane thotë se “USS Farragut” është pjesë e grupit të transportuesve të avionëve “USS Harry S. Truman” dhe “Farragut” të cilat kanë për detyrë të përgjojnë anijet e mundshme të armikut, dhe t’i parandalojnë ata të afrohen tek transportuesi i avionëve.

Pas incidentit të qershorit, Marina amerikane akuzoi një anije luftarake Ruse, se kishte ndërmarrë një veprim dyshues dhe provokues, duke u afruar në largësinë 100 metra nga “USS Chancellorsville”, duke detyruar anijen amerikane të kryejë një manovër emergjente për të shmangur një përplasje.

Në videon e marrë nga anija amerikane, të dy anijet afrohen aq shumë sa që marinarët rusë mund të shihen duke bërë banjë dielli në skajin e anijes së tyre./abcnews.al

collage.jpg
So Nila12:19 | 04/01/2020

Vrasja e gjeneralit më të lartë iranian, Qassem Soleimani, gjatë një sulmi ajror amerikan me dron në Aeroportin Ndërkombëtar të Bagdatit në Irak, ka qenë lajmi kryesor në të gjitha mediat botërore.

Soleimani, i njohur si një nga njerëzit më të fuqishëm në Lindjen e Mesme dhe numri dy i Iranit pas Ajatollah Komeinit, u vra orët e para të mëngjesit të djeshëm, teksa po udhëtonte me makinë, bashkë me disa ushtarë të personelit të tij.

Kjo ngjarje, e cila është cilësuar nga disa media si “vrasja e shekullit”, rrezikon nisjen e një konflikti ushtarak mes Iranit dhe SHBA-së.

Pas vrasjes së Soleimanit, Irani u betua për një hakmarrje të ashpër

Këto zhvillime të bujshme i ka komentuar edhe ish-drejtori i përkohshëm i CIA-s, Michael Morell.

Në një intervistë për CBS, Morell theksoi se SHBA-ja do të paguajë një çmim të rëndë për vdekjen e gjeneralit iranian.

Ai tha se do të ketë civilë amerikanë të vdekur, të cilët mund të vriten gjatë ditëve në vazhdim.

Soleimani ishte një gjeni i keq që kishte shumë gjak amerikan në duar.

Bota është një vend më i mirë pa të, por problemi është se do të paguhet një çmim i rëndë nga SH.B.A.

Së pari, do të ketë amerikanë të vdekur, civilë të vdekur amerikanë. Mund të ndodhë në ditët e ardhshme në vendet ku Irani ka ndihmësit e tij. Me shumë mundësi në Irak por edhe në Liban, Bahrein dhe vende të tjera në Lindjen e Mesme.

Ndër të tjera, ish-kreu i CIA-s paralajmëroi një sulm terrorist me qëllim vrasjen e ndonjë zyrtari të lartë amerikan, gjë e cila mund të ndodhte kudo, madje edhe në SHBA.

“Ata (iranianët) do të kryejnë një sulm terrorist, me qëllim vrasjen e një zyrtari të lartë amerikan. Kjo mund të ndodhë kudo në botë, madje dhe në tokën amerikane”, shtoi ai. /abcnews.al

zyrtaret-amerikane-1280x693.jpg
nev ila21:34 | 16/10/2019

Krerët më të lartë të shtetit amerikan kanë nisur një ofensivë diplomatike për të bindur Turqinë të heqë dorë nga sulmet në Siri. Nga ana e tij, presidenti turk Erdogan ka akuzuar klasën politike amerikane për mungesë respekti dhe ka paralajmëruar se mund të anulojë një vizitë të planifikuar muajin e ardhshëm për në Shtetet e Bashkuara.

Administrata amerikane ka dërguar zyrtarët më të lartë të saj në Turqi, për të bindur Ankaranë që të ndalë sulmet në veri të Sirisë, në një kohë kur edhe trupat ruse po përpiqen të plotësojnë vakumin e lënë nga trupat e Uashingtonit.

Kështu, Robert O’Brajan, prej muajit të kaluar këshilltar për sigurinë kombëtare në Shtëpinë e Bardhë mbërriti të mërkurën në Turqi në përpjekje për të takuar ministrin e Jashtëm Mevlut Çavushoglu.

Ndërkohë, zëvendës presidenti Majk Pens dhe sekretari i Shtetit, Majk Pompeo pritet të takohen këto ditë me vetë presidentin turk Reçep Taip Erdogan. Administrata amerikane po përpiqet në këtë mënyrë të parandalojë katastrofën si pasojë e vendimit të Erdogan për të sulmuar zonat me shumicë kurde, milicitë e të cilave dikur ishin aleate të Shteteve të Bashkuara kundër ISIS.

Nga ana e tij, Erdogan insistoi edhe njëherë se nuk do të ketë ulje të armëve dhe tha se mund të anulojë vizitën e planifikuar për muajin e ardhshëm në Uashington për shkak të mungesës së respektit të treguar sipas tij nga politikanët amerikanë.

Gjithashtu, ai i quajti të paligjshme, të shëmtuara dhe kriminale sanksionet që Shtetet e Bashkuara vendosën ndaj një banke shtetërore turke nën dyshimin se kishte shkelur sanksionet ndaj Iranit. Sulmi turk, i nisur pas një telefonate mes presidentëve Trump dhe Erdogan bëri që Uashingtoni të braktiste një strategji 5-vjeçare dhe të tërhiqte trupat nga veriu i Sirisë./abcnews.al

PUTIN-SKRIPAL-1280x620.jpg
nev ila15:58 | 11/10/2019

Raketat me rreze të shkurtër dhe të mesme të cilat Shtetet e Bashkuara të Amerikës planifikojnë të vendosin në Azi janë në gjendje të godasin territorin rus.

Deklarata është bërë nga presidenti rus Vladimir Putin, i cili theksoi se Moska nuk është aspak e lumtur për situatën aktuale.

Putin nënvizoi se dhe Rusia do të rinisë zhvillimin e këtyre raketave meqenëse dhe Shtetet e Bashkuara të Amerikës po e bëjnë./ABC News Albania 24/7

xhihadistet-1280x565.jpg
nev ila21:28 | 30/09/2019

Xhihadistët në Somali kanë sulmuar të hënën një bazë ushtarake ku trupat amerikane stërvisin komandot vendas.

Banorët e zonës, të cituar nga mediat ndërkombëtare, kanë raportuar për shpërthime dhe të shtëna gjatë sulmit, i ndodhur në rajonin jugor Shabelle.

Grupi militant Al Shabab mori përsipër përgjegjësinë e atentatit, gjatë të cilit përdori edhe një makinë-bombë për të depërtuar brenda në bazë dhe më pas futi luftëtarët e tij.

Autoritetet ushtarake deklaruan ndërkohë se, xhihadistët u zmbrapsën nga trupat e pranishme në bazë, pa arritur të avanconin shumë.

Për fat të mirë nga sulmi nuk pati viktima në radhët e ushtrisë somaleze dhe trupave amerikane.

Përmes një deklarate, ambasadori amerikan vlerësoi vigjilencën dhe reagimin e shpejtë të ushtrisë vendase.

“Ky sulm tregon sërish se militantët e Al Shabab kundërshtojnë ecurinë drejt paqes dhe prosperitetit në Somali”, tha ambasadori./ABC News Albania 24/7

trayectoria-dorian-jueves-1280x720.jpg
nev ila12:08 | 31/08/2019

 

Florida përgatitet për uraganin Dorian që sipas presidentit amerikan Donald Trump mund të jetë shkatërrues. Por ekspertët deri tani e kanë pasur të pamundur të përvaktojnë trajektoren e stuhisë.

Uragani Dorian përgatitet të përplaset në Florida dhe pak para se të prekë tokën ka arritur në kategorinë 4. Presidenti Tramp ndjek situatën në kohë reale duke paralajmëruar se uragani mund të jetë shkatërrues.

Autoritetet amerikane urdhëruan evakuimet e detyruara në një pjesë të madhe të Floridës sidomos në kontenë Brevard që do të jetë e para që do përfshihet nga stuhia

Përgatitjet vijojnë në t ë gjithë shtetin meqënëse nuk mund të parashikohet me saktësi trajektorja e uraganit. Parashikimet e fundit paralajmërojnë se ai mund të prekë vetëm bregun duke kursyer qendrën.

Por asgjë nuk është e sigurtë duke llogaritur se niveli  i ujit është rritur ndjeshëm në Majemi dhe në qytet ka pasur përmbytje. Shqetësimi më i madh është se uragani vjen në një moment që janë regjistruar dhe dallgët më të larta të vitit.

Evakuimet e detyruara po ndodhin ende në disa zona të shtetit që mendohet se do të jenë objektivë të Dorian. Autoritetet paralajmërojnë se duhet shpresuar më e mira dhe duhet përgatitje për më të keqen.

Dorian është një nga uraganët e llojit më të keq, duke qenë se do të qendrojë për shumë kohë në zonat e populluara sipas ekspertëve të cilët mendojnë se uragani do të rrijë për disa ditë në Florida.

Banorët janë furnizuar me ushqime dhe ujë, ndërsa shumë pika karburanti janë të boshatisura. Shoqëritë e rrjetit elektrik kanë marrë përforcime për tu përballur me shkëputjen e energjisë elektrike.

Dy centralet bërthamore në Florida janë gati të mbyllen dhe të ndalojnë cdo aktivitet nëse do të konfirmohet trajektorja e Dorian. Llogaritjet e para për dëme material flasin për një shifër prej 20 miliard dollarësh./ABC News Albania 24/7

Dorian-uragani-1280x856.jpeg
nev ila13:06 | 28/08/2019

 

Qendra kombëtare për uraganët në Shtetet e Bashkuara të Amerikës ka shpallur gjendjen e alarmit për një stuhi tropikale dhe një uragan në Porto Riko ndërsa stuhia tropikale Dorian vazhdon të lëvizë nëpërmjet Karaibeve drejt ishullit që është territor amerikan.

Parashikohet që Dorian të kalojë pranë ose në jug të Porto Rikos pasditen e të mërkurës dhe në mbrëmje si një stuhi tropikale, ndërsa mundësitë janë që të kthehet nga uragani. Guvernatorja e ishullit shpalli gjendjen e jashtëzakinshme ndërkohë që në vitin 2017 ishulli u shkatërrua nga dy uraganë./ABC News Albania 24/7

masakra-ne-el-paso-1280x951.jpg
nev ila18:25 | 10/08/2019

Në dëshminë e dhënë përpara policisë, një pjesë e të cilës është siguruar nga mediat amerikane, autori i sulmit të armatosur në El Paso ka konfirmuar se qëllimi i veprimit të tij ishte vrasja e sa më shumë meksikanëve.

I dyshuari për vrasjen e 22 personave në një qendër tregtare në El Paso të Teksasit ka pranuar se kishte vënë në shënjestër meksikanët. Kështu shkruajnë mediat amerikane, të cilat i referohen një dëshmie të marrë nga policia.

Patrik Krusius thuhet se ndaloi automjetin e tij në një kryqëzim në afërsi të qendrës tregtare, doli prej andej me duart lart dhe tha para policisë:

“Unë jam autori”.

Dëshmia, një kopje e së cilës është siguruar nga “Washington Post” tregon se 21-vjeçari e pranoi menjëherë se kishte hapur zjarr ndaj klientëve dhe stafit të supermarketit.

Qendra tregtare në fjalë është e njohur për frekuentimin nga klientë meksikanë që kalojnë kufirin nga qyteti i afërt i Huarezit. Nga personat që humbën jetën, 13 ishin amerikanë, 8 meksikanë dhe 1 gjerman.

Autoritetet besojnë se fare pak momente përpara sulmit, Krusius postoi një manifest racist online që fliste kundër “pushtimit hispanik të Teksasit”.

Gjuha e përdorur prej tij ngjasonte shumë me disa fraza të përdorura nga presidenti Donald Trump për emigrantët. Për këtë arsye, shumë banorë të El Pasos e kanë akuzuar kreun e shtetit për retorikën e tij, e cila sipas tyre ka nxitur ngjarje të tilla.

Në reagimin e tij të fundit lidhur me episodin në El Paso, por edhe atë në Dejton, ku humbën jetën 9 persona, Trump tha se po punon me klasën politike në Kongres për të forcuar kontrollin e armëve./ABC News Albania 24/7

190618073225-soldados-estadounidenses-full-169.jpg
nev ila11:40 | 20/07/2019

 

Në një bisedë telefinike me presidentin francez Emanuel Makron, kreu i shtëpisë së Bardhë Donald Trump paralajmëroi Iranin që të mos bënte asnjë gabim pasi do e paguante shumë shtrenjtë. Deklarata vjen pas përshkallëzimit të tensioneve në Gjirin Persik.

Përshkallëzohen tensioned në Gjirin Persik pas sekuestrimit të një naftëmbajtëse britanike në ngushticën e Hormuz. Arabia Saudite deklaron ndërkohë se do të presë në territorin e saj ushtarë amerikanë. Një burim zyrtar i ministrisë saudite të mbrojtjes konfirmpi se Mbreti Salman pranoi të mirëpresë forcat amerikane për të mbrojtur sigurinë dhe qëndrueshmërinë në rajon. Bëhet fjalë për rreth 500 ushtarë amerikanë.

Tensionet u rritën sërish në Gjirin Persik pas vendimit të Rojeve të Revolucionit Iranian për të sekuestruar naftëmbajtësen britanike me 23 personanë bord në ngushticën e Hormuz.

Naftëmbajtësja sipas pasdaranëve, nuk kishte respektuar kodin ndërkombëtar dhe sekuestrimi u bë pas kërkesës së autoriteteve të portit dhe marinës në provincën e Hormozgan. Sipas tyre naftëmbajtësja kishte fikur lokalizuesin dhe kishte lundruar duke kaluar nga dalja dhe jo hyrja e ngushticës duke injoruar paralajmërimet.

Mbrëmjen e së premtes u përhap lajmi për një sekuestrim të dytë, kësaj here  të një naftëmbajtëse liberiane e cila do të shkarkonte naftë në Arabi Saudite. Por sipas mediave iraniane anija pas një kontrolli rifilloi lundrimin duke u larguar nga brigjet iraniane.

Asnjë qytetar britanik nuk rezultoi të ishte në bordin e dy naftëmbajtësve sipas ministrit të jashtëm britanik Xheremi Hant. Ekuipazhet përfshinin persona të kombësive të ndryshme, por asnjë prej tyre nuk është britanik.

Presidenti amerikan Donald Tramp foli për Iranin në një bisedë telefonike me homologun francez Emanuel Makron dhe paralajmëroi Teheranin që të mos bënte asnjë gabim, përndryshe do të paguante një cmim të lartë si askush tjetër më parë.

Kreu i shtëpisë së bardhë shpjegoi më pas se amrikanët kanë shumë anije, anije lufte, por jo shumë naftëmbajtëse në ngushticën e Hormuz dhe në rajonin e Gjirit. Presidenti amerikan autorizoi senatorin republican të Kentakir Rand Paul që të niste negociatat me Iranin.

Më pas ai paralajmëroi se Shtetet e Bashkuara të Amerikës do të flasin me Londrën duke denoncuar përshkallëzimin e dhunës nga ana e Iranit./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono