amerikane

se.jpg
ent ela19:23 | 07/03/2019

Marta Mek Selli, senatore republikane e ka pranuar para kolegëve se ka qenë objekt abuzimesh seksuale kur ndodhej në radhët e ushtrisë. Dhe pse la të kuptohej se ishte abuzuar disa herë nga njerëz të ndryshëm, ajo nuk përmendi emra.

Para senatit amerikan, republikania Marta Mekseli, 52 vjeç ka rrëfyer se është përdhunuar në të kaluarën nga eprori i saj, por nuk kishte treguar pasi nuk kishte besim tek sistemi dhe i vinte turp nga ajo që kishte ndodhur. Senatroja amerikane është dhe gruaja e parë pilote që ka marrë pjesë në luftime në Irak dhe Kuvajt. Vetëm pas 26 vjetësh si pjesë e aeronautikës ajo arriti të merrte gradën e koloneles.

Një vit më parë ajo pranoi për mediat në vend se ishte abuzuar nga një trajner atletike në shkollën e lartë. Por në fjalën e saj para senatit ajo la të kuptohej se ishte abuzuar disa herë nga njerëz të ndryshëm, por nuk përmendi asnjë emër.

Në një intervistë për britaniken Guardian, ajo tha se u kishte treguar zyrtarëve ushtarakë ndërkohë që ishte në ushtri, për atë që kishte ndodhur por askush nuk e kishte ndihmuar apo mbështetur për të denoncuar ngjarjet./abcnews.al

insekte.jpg
G. P.10:02 | 01/03/2019

Disave mund t’u duket e neveritshme, por insektet e ngrënshme janë një burim i ushqyeshëm proteinash të cilësisë së lartë dhe mineralesh jetike si calciumi dhe hekuri. Të tilla janë vemiet e ngrënshme – larva insektesh – që ofrojnë dhe yndyrna të cilësisë së lartë, që janë të mira për zhvillimin e trurit. Insektet janë pjesë e dietës në shumë anë të botës, por jo në Shtetet e Bashkuara ku fobia për to bën një gatimet me insekte të jenë shumë të rralla. Megjithatë kjo ka filluar të ndryshojë. Shelley Schlender njofton për Zërin e Amerikës nga Kolorado.

Në një kontenier në një rrethinë në Denver të Kolorados, strehon mikro-fermën e maleve Rocky. Wendy McGill, sheh brenda enëve për gjetur gjallesat e fermës.

“Kjo mikrofermë është e para dhe e vetmja me inskete të ngrënshme . Ne rrisim bulkthe dhe krimba për t’ua shitur restoranteve dhe prodhuesve të artikujve ushqimorë”, thotë Wendy Lu McGill, Themeluese e Mikrofermës.

Organizata e Kombeve të Bashkuara për Ushqimin dhe Bujqësinë thotë se nevojat e botës për proteinë nuk mund të plotësohen vetëm me mish viçi ose pule. Proteinat nga insektet janë një alternativë. McGill rrit afro 275 kilogramë insekte çdo muaj, duke i ushqyer dhe me pure birre dhe farëra dhe një karrotë për nevojat për lëngje.

“Dua të jap kontributin tim për të gjetur burime ushqimesh, ndërsa kemi gjithnjë e më pak tokë dhe ujë dhe një planet më të nxehtë dhe më shumë njerëz për të ushqyer”, thotë ajo.

Shumë vizitorë të Mikrofermës nuk kanë ngrënë kurrë insekte më parë dhe nuk u pëlqen t’i hanë.

“Nuk mendoj se është diçka tërheqëse për të ngrënë dhe nuk më tundon të ha një gjë të tillë të egër”, thotë Terry Koelling.

Por një tjetër vizitore i pëlqen.

“Unë jam Amy Franklin dhe kam krijuar një fermë jo-fitimprurëse që quhet Ferma për Jetimët. Ne rrisim insekte për ushqim sepse në vende të tjera ku punojmë, janë ushqim shumë i pëlqyeshëm”.

“Shumë nga jetimoret nuk kanë toka në pronësi. Nuk rrisin dot bimë dhe apo pula. Insektet janë burim proteine që ata mund t’i rrisin në një hapësirë shumë të vogël”,thotë ajo.

“Mund të hash insekte?”, pyet Amy Franklin dy fëmijë.

“Jo. Se nuk jemi mësuar, apo jo?”

“Mund të provoj një?”, pyet Andrew.

“Po, patjetër”, thotë Wendy.

“Është kërce dhe e shijshme”, thotë Andrew.

Linger, është një restorant në Denver ku insektet gatuhen në mënyrë të shijshme.

“Ne gatuajmë milingona të zeza me fara susami me bulkthe të përzierë me makarona”.

“Erëzat janë shumë të mira!”, thotë Terry Koelling.

“Bulkth. Ju bëftë mirë”.

“Sado të na pëlqejë mishi i viçit, asnjë shkencëtar nuk mund të thotë që rritja e bagëtive mund të vazhdojë përgjithmonë. Duhet të hamë më shumë insekte”, thotë Jeremy Kittelson, drejtor i kuzhinës në restorantin Linger.

Një skeptik ka ndryshuar mendje.

“Gatimet në Linger ishin shumë të mira. Madje sikur nuk ka mjaft bulkthe”.

Mbi dy miliardë njerëz në botë hanë insekte. Gradualisht, amerikanët po i shtohen atij numri./VOA

ppp-1-1280x718.jpg
ent ela08:00 | 26/02/2019

Rusia ka publikuar listën me objektivat amerikanë që do të sulmojë në rast të një agresioni bërthamor ndaj saj. Mes shënjestrave të raketave të Kremlinit janë edhe Departamenti i Mbrojtjes dhe një kompleks presidencial.

Televizioni shtetëror rus ka publikuar listën me bazat ushtarake amerikane që Moska do të sulmojë në rast të një sulmi bërthamor. I njëjti burim ka deklaruar se një raketë hiper-sonike që Rusia po zhvillon aktualisht do të jetë në gjendje t’i godasë ato në më pak se 5 minuta. Objektivat përfshijnë edhe Pentagonin, si dhe selinë presidenciale në Kemp Dejvit, në Merilend. Lajmi në televizion vjen pak ditë pasi presidenti Vladimir Putin deklaroi se Rusia ishte gati për një krizë të re raketash me Shtetet e Bashkuara si ajo e stilit kubanez. Me tensionet në rritje dhe shqetësimin e Kremlinit se Amerika mund të vendosë raketa bërthamore me rreze të mesme veprimi në Europë, Putin ka paralajmëruar se Moska do të reagojë duke vendosur raketat hiper-sonike bërthamore në nëndetëset e saj në afërsi të ujërave territoriale amerikane. Nga ana e tyre, Shtetet e Bashkuara kanë deklaruar se nuk kanë në plan vendosjen e raketave të tilla dhe i kanë cilësuar paralajmërimet e Putin si një propagandë hipokrite. Dhe në fakt, aktualisht Uashingtoni nuk ka raketa bërthamore me bazë tokësore që mund t’i vendosë në kontinentin e vjetër. Sidoqoftë, vendimi për t’u tërhequr nga traktati bërthamor i vitit 1987 i hapë rrugë Shteteve të Bashkuara që të prodhojnë armatime të tilla./abcnews.al

 

wire-9775396-1550075323-269_634x519.jpg
ent ela23:20 | 13/02/2019

Tradhtoi vendin dhe kolegët për të spiunuar në favor të Iranit. Tani ish-oficeres amerikane të inteligjencës do t’i duhet të përballet me drejtësinë e Shteteve të Bashkuara, që lidhur me çështjen ka sanksionuar edhe një seri individësh e kompanish.

Autoritetet në Shtetet e Bashkuara akuzuan të mërkurën një ish-oficere të shërbimeve sekrete ushtarake për spiunazh në favor të Iranit. Sipas mediave amerikane, ish-oficerja Monika Uit kishte ndihmuar Republikën Islamike në një operacion spiunazhi kibernetik, që kishte vënë në shënjestër ish-kolegët e saj. Burimet mediatike bëjnë të ditur se drejtësia amerikane ka ngritur gjithashtu padi ndaj 4 shtetasve iranianë, të përfshirë në sulme kibernetike ndaj institucioneve të Shteteve të Bashkuara, si dhe ka vendosur sanksione ndaj dy kompanive elektronike iraniane dhe shumë personave të tjerë.

Zyrtarët kanë deklaruar se ish-oficerja kishte furnizuar me informacione palën iraniane mbi agjentët amerikanë, pasi kishte dezertuar në Teheran në vitin 2013. Ajo ishte rekrutuar për operacionin nga agjentët e Teheranit pasi kishte marrë pjesë në dy konferenca ndërkombëtare të organizuara nga kompanitë e sanksionuara iraniane, që mbështesnin institucionet e Republikës Islamike në mbledhjen e informacioneve.

Uit kishte qenë oficere e kundër zbulimit në radhët e inteligjencës së forcave ajrore nga viti 1997 në 2008 dhe më pas kishte punuar si kontraktore për shërbimet sekrete amerikane për dy vjet. Përmes informacioneve të saj, kompanitë iraniane sulmuan agjencitë qeveritare amerikane dhe adresat elektronike të personelit ushtarak me një fushatë agresive virusesh kibernetike./abcnews.al

skynews-donald-trump-us-president_4407328-933x445.jpg
ent ela20:02 | 05/02/2019

Stafit të presidentit Donald Trump do t’i duhet të japë llogari para drejtësisë amerikane për shpenzimin e një fondi rekord për një ceremoni përurimi. Edhe pse është shprehur i gatshëm për të bashkëpunuar me hetuesit, stafi i kreut të shtetit ndodhet nën ethe, për shkak se bëhet fjalë për një shifër rekord.

Prokuroria e Manhatanit në Shtetet e Bashkuara ka ftuar stafin e presidentit Donald Trump që të japë llogari në lidhje me shpenzimin e një shifre rekord prej 100 milionë dollarësh. Organi i akuzës i ka kërkuar stafit që kujdeset për ceremonitë e përurimit dokumentat që hedhin dritë mbi akumulimin e fondit, identitetin e donatorit, nënshtetësinë e tij dhe mbi mënyrën e shpenzimit të parave. Zëdhënësja e Shtëpisë së Bardhë, Sarah Sanders konfirmoi të martën për CNN thirrjen e prokurorëve, por nënvizoi se urdhëri nuk ka lidhje me presidentin. Gjithashtu, vijoi ajo, thirrja nuk flet për ndonjë keqpërdorim të fondit. Lajmi është pohuar edhe nga një zëdhënëse e komitetit përurues të Trump, e cila ka shprehur gatishmërinë për të bashkëpunuar me drejtësinë. Sipas ligjit zgjedhor federal, shtetasve të huaj u ndalohet donacioni për komitetet amerikane të përurimeve dhe një shkelje e tij parashikon dënime të rënda. Hetimi në fjalë po zhvillohet më vete nga ai i hetuesit të posaçëm Robert Myler, që po përpiqet të hedhë dritë mbi lidhjet e stafit elektoral të Trump me Rusinë. Thirrja e bërë nga zyra e prokurorit të Manhatanit vjen pas gjykimit të ish-avokatit personal të Trump, Majkëll Kohen, për shkelje të ligjeve të fushatës elektorale./abcnews.al

dddd.jpg
G. P.14:20 | 26/09/2018

Arrestohen dy shtetas amerikanë në Tiranë. Prej një viti ishin shpallur në kërkim në SHBA pasi akuzoheshin se prodhonin drogë sintetike, por zbulohet se ata ishin strehuar në Tiranë ku dhe kishin zhvendosur bazën e përpunimit të drogës.

Dy shtetas amerikanë janë vënë në prangat e policisë shqiptare, pasi kishin ardhur në Tiranë për të prodhuar drogë sintetike. Këto janë pamjet të aksionit policor të koduar “Sintetiku”.

DEA amerikane kishte nisur hetimin një vit më parë për Arbër Isakun dhe Vincent Dominic De Caro, duke u angazhuar edhe Prokuroria e Krimeve të Rënda.

“Ndaj tyre, Gjykata e Connecticut, SHBA kishte vendosur masën e sigurisë “Arrest me burg” për veprën penale “Prodhim dhe shitje të lëndëve narkotike dhe substancave psikotrope” kjo vepër e kryer nëpërmjet ‘dark web’.  Këta shtetas ishin nën hetim prej 1 viti nga DEA. Ata kishin krijuar bazë dhe fshiheshin në Tiranë, ku po përgatiteshin për të prodhuar drogë sintetike.”

Sipas shefit të policisë kriminale Eduart Merkaj, të rinjtë u prangosën në Morinë në tentativë për t’u larguar nga Shqipëria.

“Shtetasit e mësipërm u mbajtën nën vëzhgim nga agjentët e Policisë Kriminale në Policinë e Shtetit dhe u arrestuan në Morinë, në tentativë për t’u larguar nga Shqipëria. Në operacion kanë marrë pjesë edhe agjentë e DEA-s”.

Gjatë kontrollit në bazën ku fshiheshin në Tiranë u gjetën estrakte narkotikësh që do të shërbenin për përgatitjen e drogave sintetike./abcnews.al

vlcsnap-error674-1-1280x720.jpg
G. P.21:43 | 20/02/2018

Një sondazh i publikuar në mediat amerikane ka vënë në dukje se 77 për qind e qytetarëve amerikanë janë kundër presidentit Donald Trump sa i përket ligjit për armët.

Shumica e qytetarëve amerikanë mendojnë se si presidenti Trump ashtu edhe Kongresi nuk bëjnë sa duhet për të parandaluar vrasjet në masë. Kështu thotë një sondazh i përbashkët i “ABC News” dhe “Washington Post”, i cili ka vënë në dukje se të këtij mendimi janë 77 për qind e popullsisë, të paktën ndaj Kongresit. Kur bëhet fjalë për presidentin, kuota zbret në 62 për qind, gjithësesi e lartë.

Sa i takon aprovimit të ligjeve, 58 për qind e të intervistuarve beson se masat më të ashpra për armët mund të kishin shmangur masakra si ajo e javës së kaluar në Florida. Sidoqoftë, amerikanët nuk i kanë idetë e qarta për ligjet që duhen për të ulur krimet që vijnë nga liria e armëmbajtjes. Vendi është i ndarë sa i takon ndalimit të armëve automatike, masë për të cilën 50 për qind janë pro; ndërsa 46 kundër.

Sipas sondazhit, 77 për qind e njerëzve mendojnë se duhen kontrolle më të mira për shëndetin mendor; ndërsa për 42 për qind do të ishte më mirë të armatoseshin mësuesit. Një ditë më parë, vetë Trump u shpreh i hapur për ndryshime në ligjin për armët, për forcimin e sistemit federal të kontrollit./abcnews.al

vlcsnap-error103-2-1280x720.jpg
G. P.15:53 | 28/01/2018

Ndërrimi i dy frigoriferëve në avionin personal të presidentit amerikan, Donald Trump, do të kushtojë 24 milionë dollarë. Kërkesa është bërë nga administrata e tij pasi duan të shmangin furnizimin me ushqime jashtë Shteteve të Bashkuara.

“Air Force One”, avioni i presidentit amerikan, Donald Trump, do të rinovojë frigoriferët që gjenden në bord. Por ky ndryshim do t’i kushtojë 24 milionë dollar taksapaguesve në Shtetet e Bashkuara, sipas Uashington Post. Në bazë të një kontrate të re të firmosur nga qeveria me kompaninë Boeing, Aeronautika amerikane do të paguajë shumën e madhe vetëm për ndërrimin e dy nga 5 frigoriferët, që ndodhen në mjetin fluturues më të sigurtë në botë, që aktualisht përdoret nga Donald Trump.

“Dy njësitë për të ruajtur ushqimin janë instaluar në 1990, vit i dorëzimit të ‘Air Force One’ dhe nuk janë më të mjaftueshme për shkak se aeroplani presidencial ka nevojë për hapësirë shtesë për ushqim për personelin në bord për një periudhë të zgjatur kohe, në mënyrë që të shmanget furnizimi jashtë vendit”, tha zëdhënësja e Forcave Ajrore Ann Stefanek në një email për Uashington Post.

Ajo shton më tej se frigoriferët e vjetër kanë teknologjinë e epokës së vjetër dhe shërbejnë vetëm për të ruajtur ushqimin në kohë të shkurtër. Kostoja 24 milion dollarë do të mbulojnë gjithashtu testet dhe certifikatat për frigoriferët e rinj që do të dorëzohen deri në fund të tetorit 2019. Hapësira e kërkuar është 3.000 vakte./abcnews.al

vlcsnap-error178-1-1280x720.jpg
G. P.17:44 | 16/01/2018

Sipas një sondazhi të CBS Neës, 41% e amerikanëve nuk mbështesin politikat e presidentit Trump. Është edhe më i madh, rreth 67% numri i të intervistuarve që mendojnë se Amerika po qeveriset më keq se një vit më parë.

Amerikanët që kundërshtojnë politikat e presidentit Donald Trump janë thuajse gjysma e popullsisë. Kështu tregon një sondazh i realizuar nga CBS Neës, sipas të cilit 41 për qind e qytetarëve në Shtetet e Bashkuara nuk e aprovojnë vendimmarrjen e shefit të Shtëpisë së Bardhë. I publikuar në ditët e fundit, sondazhi e etiketon me termin “rezistenca” 41-përqindëshin që i kundërvihet presidentit më të fuqishëm të botës. Ndërkohë, mbështetësit e Trump, ose ata që besojnë tek ai, kanë rënë nga 22 në 18 për qind përgjatë vitit të fundit.

Pyetjeve të sondazhit, 43 për qind e të intervistuarve i janë përgjigjur se vendi është më keq se ç’ishte para se Trump të merrte detyrën. 44 për qind e te pyeturve në sondazh shprehen se ndihen të turpëruar që kanë një president si ai, ndërsa 67 për qind kanë thënë se u duket qe kreu i shtetit po punon kundër tyre.

Ndërkohë, krahas shqetësimeve për drejtimin që po merr vendi, njerëzit kanë shprehur shqetësim edhe sa i takon fenomenit të racizmit. 59 për qind e të anketuarve kanë deklaruar se ndasitë etnike janë përkeqësuar, që kur Trump mori drejtimin e Shtëpisë së Bardhë. Në vijim të pyetësorit, 39 për qind janë identifikuar si demokratë, ndërsa 33 për qind si republikanë. Në sondazhin e CBS janë pyetur 1654 persona. Ai është realizuar në periudhën 10-12 janar, kohë kur Trump bëri deklarata raciste, duke i cilësuar si “llumi i botës” disa vende nga shkojnë emigrantë në SHBA./abcnews.al

vlcsnap-error797-1-1280x720.jpg
G. P.18:27 | 12/01/2018

Prokurorë federalë amerikanë do asistojnë organin e akuzës për hetimin e çështjeve që i konsiderojnë sensitive, si atë të ish-ministrit të Brendshëm, por edhe të disa gjyqtarëve e emrave të njohur të krimit në vend. Synimi është një hetim i plotë, që të zbardhë të vërtetën. Këtë ka konfirmuar ambasada amerikane në Tiranë për ABC News pas takimit që ambasadori Lu dhe ambasadorja Vlahutin patën sot me ministrin e brendshëm.

SHBA-ja i ka ofruar Prokurorisë mbështetje me prokurorë federalë amerikanë dhe agjenci të zbatimit të ligjit të Shteteve të Bashkuara për të kryer një hetim të plotë për ish-ministrin e Brendshëm Saimir Tahirin dhe çështje të tjera sensitive për SHBA-në, si ato të Emiljano Shullazit, Lul Berishës dhe tre gjykatësve të Apelit në Durrës. Këtë lëvizje e ka konfirmuar për ABC News ambasada amrikane në Tiranë sipas të cilës, synimi është një hetim i plotë me synim zbulimin e të vërtetës për të gjitha rastet.

“Ashtu si vetë Z. Tahiri dhe shumë udhëheqës të tjerë shqiptarë e kanë thënë, kjo çështje duhet zgjidhur në gjykatë, duke shqyrtuar të gjitha faktet.Bota, përfshirë edhe Shtetet e Bashkuara, po e ndjek nga shumë afër këtë çështje dhe çështje të tjera sensitive, si ato të Emiljano Shullazit, Lul Berishës dhe tre gjykatësve të apelit në Durrës. Ne kemi ofruar mbështetjen e prokurorëve federalë amerikanë dhe agjenci të zbatimit të ligjit të Shteteve të Bashkuara për t’i ofruar ndihmë teknike Prokurorisë në kryerjen e një hetimi të plotë, i cili ka për qëllim zbulimin e të vërtetës.”

Ky qëndrim i ambasadës amerikane erdhi për ABC News pas takimit që ambasadorët Donald Lu e Romana Vlahutin zhvilluan sot ne mesditë një takim me ministrin e Brendshëm, Fatmir Xhafaj, në zyrën e këtij të fundit. Ambasada zbardh për ABC news edhe mesazhet që ka përcjellë në institucionet shqiptare.

“Ne do donim të shihnim një hetim më aktiv nga prokurorët dhe policia gjyqësore, dhe e kemi përcjellë këtë mesazh. Në një demokraci të vërtetë, askush nuk është mbi ligjin.”

Edhe ministria e Brendshme ka konfirmuar se ‘Forca e Ligjit’ dhe Vetingu në Policinë e Shtetit, kanë qenë dy temat e nxehta që janë diskutuar mes diplomateve te huaj dhe ministrit Xhafaj. Ne operacionin ‘Forca e Ligjit’ për goditjen e grupeve kriminale dhe aseteve të tyre janë angazhuar ekspertët më të mirë në vend, por edhe europiane dhe të FBI-së./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono