ambasadori

ambada.jpg
Autor E21:32 | 19/02/2020

Ambasadori i Kosovës në Tiranë, Nait Hasani ka ftuar ambasadorin e Serbisë për të marrë pjesë në ceremoninë e 12 vjetorit të shpalljes së pavarësisë së Kosovës. Ambasadori konfirmoi për ABC News se ftesa është dërguar zyrtarisht në ambasadën e Serbisë.

Ambasadori i Kosovës në Tiranë, Nait Hasani, thekson rëndësinë e bashkëpunimit midis Kosovës dhe Shqipërisë ndërkohë që pohon ngërcet që ndodhin herë pas here në marrëdhëniet mes tyre.

“Marrëdhëniet Kosovë-Shqipëri si dy shtete kanë divergjenca të vogla, të cilat janë në zhvillim e sipër, në përparim në përafrimin e tyre, ndërsa si komb jemi të konsoliduar. Mjaft mirë konvergojmë njëri me tjetrin, ecim përpara në zhvillimet tona, në mundësitë dhe rrethanat politike që kemi. Jemi po ashtu factor I përbashkët I Ballkanit. Për ne është me rëndësi që kombi ta ruajë identitetin dhe ta mbrojmë dhe ta zhvillojmë kombin tonë”, shprehet ai për Abc News.

Hasani ka ftuar zyrtarisht ambasadorin e Serbisë për të marrë pjesë në ceremoninë e 12 vjetorit të shpalljes së pavarësisë së Kosovës.

“Në ftesë kemi shkruar, ju presim në festën e 12 vjetorit të shpalljes së pavarësisë, të datës 17 shkurt 2008, në 12 vjetorin e pavarësisë, ta festojmë bashkarisht”, shprehet ai.

Ndiqni intervistën e plotë, dhënë për emisionin Ballkan në Abc News:

 

familja-rexha-ambasadori.jpg
nev ila13:20 | 10/02/2020

Familja e Mentor Rexhës ka hapur dyert e mortit. Nëna e tij qan përpara fotos së 36 vjecaroit pasi trupi i tij ende nuk është sjellë pranë familjes.

Familjarët e tij shprehen se Mentori nuk u kishte shprehur asnjë shqetësim gjatë komunikimeve që kishin patur me të.

Siç raporton për abcnews.al gazetari Simon Shkreli, ata ndjehen të lënduar por edhe shumë të shqetësuar ndërsa njoftojnë se nuk ka patur asnjë lloj reagimi edhe nga shteti shqiptar.

Lexo edhe: Sherre, vrasje dhe qeli të mbipopulluara: Brenda “ferrit” ku humbi jetën Mentor Rexha

Ata thonë se kanë komunikuar me ambasadorin tonë në francë Dritan Tola, por nuk kanë mundur të kenë asnjë përgjigje për zgjidhjen e kësaj çështje.

“Ambasadorit ti vijë turp që është vetëm për të zënë vendin, karrigen atje. Na ka thënë që nuk kemi çfarë të bëjmë, kaq ka komunikuar ambasadori ynë. Ne i bëjmë thirrje shtetit që të të bëjë të mundur zgjidhjen e drejtë të cështjes së djalit tonë, të bëhet ekspertiza dhe ne të paktën ta dim ë cila është arsyeja që u mbyt djali i nënës.

Me dorë në zemër i bëjmë thirje shtetit të mos qëndrojnë në heshtje, të bëjnë të mundur sjelljen e trupit të djalit tonë, ta ndihmojnë sadopak këtë familje. Sikur të kjo gjë të kishte ndodhur në ndonjë shtet tjetër do e kishin tundur shtetin, qeveria jonë rri në heshtje”, thotë për ABC News një prej familjarëve të Mentor Rexhës.

Mentor Rexha humbi jetën brenda qelisë së burgut në Francë në 1 shkurt, në rrethana ende të paqarta.

Ata thonë së djali i tyre është dhunuar dhe nuk ka kryer vetëvrasje, siç u kanë deklaruar autoritetet e burgut.

Ata madje kanë vënë në dispozicion edhe foto ku paraqiten shenjat e dhunës në trupin e pajetë të të riut.

/abcnews.al

kurti-ambasadori.jpg
ger ta21:18 | 06/02/2020

Kryeministri i ri i Kosovës Albin Kurti ka zhvilluar sot një takim me ambasadorin austriak, Christoph Weidinger.

Ndonëse takimi zyrtar shoqërohet me një shtrëngim duarsh, në rastin konkret duket se nuk shkoi siç duhet.

Ambasadori Christoph Weidinger pasi i ka dhënë dorën Kurtit, harroi t’ia lëshonte duke e tundur vazhdimisht. Ky moment tërhoqi vëmendjen e të gjithëve dhe është kthyer tashmë në viral.

Sakaq, takimi erdhi në kuadër të takimeve prezantuese që është duke zhvilluar Kurti me diplomatët e huaj pas marrjes së detyrës./abcnews.al

gazheli-2.jpg
nev ila13:08 | 19/11/2019

Presidenti Meta ka vendosur lirimin nga detyra të ambasadorit Gent Gazheli nga ambasador i Shqipërisë në Turqi. Lirimi i Gazhelit vjen pas shkarkimit të tij nga Ministria e punëve të jashtme.

Ishin të shumtë ata që kërkuan largimin e Gazhelit pas reagimit të tij në rastin e Alvin Berishës, 11-vjeçarit që qëndronte në kampin Al-Hol të Sirisë.

Gazheli u kritikua fort për qëndrim arrogant edhe nga emisioni investigativ italian, “Le Iene”, të cilët bënë të mundur gjetjen e Alvinit dhe bënë presion që ai të rikthehej në shtëpinë e tij. Ambasadori u kishte premtuar gazetarëve italianë se nuk do ta linte Alvinin në kampet e Sirisë, por në fund nuk iu përgjigj telefonatave të tyre.

Dekreti i Metës:

“D E K R E T

PËR LIRIM AMBASADORI NGA DETYRA

Në mbështetje të nenit 92, shkronja “dh”, nenit 93 të Kushtetutës, si dhe të nenit 26, të ligjit nr. 23/2015 “Për shërbimin e jashtëm të Republikës së Shqipërisë”, me propozim të Kryeministrit,

D e k r e t o j:

Neni 1

Zoti Genti Gazheli, ambasador i Jashtëzakonshëm dhe Fuqiplotë i Republikës së Shqipërisë në Republikën e Turqisë, rezident, si dhe ambasador i Jashtëzakonshëm dhe Fuqiplotë i Republikës së Shqipërisë në Republikën e Azerbajxhanit, në Republikën e Kirgistanit, në Republikën Islamike të Pakistanit dhe në Republikën e Gjeorgjisë, jorezident, lirohet nga kjo detyrë.

Neni 2

Ky dekret hyn në fuqi menjëherë.

Nr. Dekretit 11356
Tiranë, më 19.11.2019

PRESIDENTI I REPUBLIKËS

ILIR META”.

Ndërkohë në vend të Gent Gazhelit  është emëruar  Kastriot Robo.

D E K R E T

PËR EMËRIM AMBASADORI NË DETYRË

Në mbështetje të nenit 92, shkronja “dh” dhe nenit 93 të Kushtetutës, si dhe të nenit 26, të ligjit nr. 23/2015 “Për shërbimin e jashtëm të Republikës së Shqipërisë”, me propozim të Kryeministrit,

D e k r e t o j:

Neni 1

Z. Kastriot Robo, emërohet ambasador i Jashtëzakonshëm dhe Fuqiplotë i Republikës së Shqipërisë në Republikën e Turqisë, rezident, si dhe ambasador i Jashtëzakonshëm dhe Fuqiplotë i Republikës së Shqipërisë në Republikën e Azerbajxhanit, në Republikën Islamike të Iranit, në Republikën e Kirgistanit, në Republikën Islamike të Pakistanit, në Republikën e Gjeorgjisë, në Republikën Islamike të Afganistanit dhe në Republikën e Kazakistanit, jorezident.

Neni 2

Ky dekret hyn në fuqi menjëherë.

Nr. Dekretit 11357
Tiranë, më 19.11.2019

PRESIDENTI I REPUBLIKËS

ILIR META”

/abcnews.al

grate-e-unazes-se-re.jpg
ad min22:40 | 15/10/2019

Banorët e Unazës së Re i janë drejtuar me një letër ambasadave të huaja dhe institucioneve ndërkombëtare për të drejtat e njeriut ku kërkojnë shkarkimin e ambasadorit të OSBE në Tiranë, Bernd Borchardt. Nisur nga gjesti ofendues që Borchardt bëri pak ditë më parë ndaj tyre, banorët kërkojnë që përfaqësuesi i OSBE të largohet menjëherë nga Shqipëria.

Me duar të lidhura me zinxhirë e gojë të mbyllur me shirita të bardhë banorët e Unazës së Re protestuan sërish për 60 minuta kundër projektit që prish banesat e tyre.

Protesta e dominuar nga gratë që mbanin pranë vetes fëmijët e tyre në fund u mbyll me një akt proteste kundër ambasadorit të OSBE  në Shqipëri, Bernd Borchardt për gjestin e bërë prej tij pak ditë më parë ndaj tyre.

Të grupuara në atë që e cilësuan si Lëvizja e Grave për Dinjitet, protestueset nënshkruan një shkresë që synon shkarkimin e ambasadorit të OSBE, Borchardt dhe që iu drejtua disa prej institucioneve më të rëndësishme brenda dhe jashtë vendit.

Protestuesit kanë paralajmëruar një përshkallëzim të protestës. Duke kujtuar se durimi i tyre po mbaron, banorët e Unazës kanë vendosur 18 tetorin si datën finale ku qeveria do të ketë kohë t’i jap një përgjigje kërkesave të tyre./ABC News Albania

borchards.png
ad min12:09 | 14/10/2019

Deputetët e Kuvendit të Shqipërisë kanë komentuar gjestin e ambasadorit të OSBE-së, Berndt Borchardt, mbrëmjen e së dielës drejtuar banorëve të Unazës së Re të cilët qëndronin përpara drejtorisë së policisë.

Gazetarja Esiona Konomi ka raportuar për abcnews.al qëndrimet e deputetëve të mazhorancës dhe opozitës.

“Nuk e njoh atë gjest e nuk i kuptoj ato pamje. S’mund të bëhemi paragjykues”, është shprehur deputetja e PS-së, Ermonela Felaj. Ndërsa deputeti Ervin Bushati është shprehur se nuk i ka parë fare pamjet, ku ambasadori Berndt Borchardt u nxjerr gishtin e mesit protestuesve që qëndronin përpara drejtorisë së Policisë së Tiranës.

Nga ana tjetër deputetët e opozitës janë shprehur të ashpër me veprimin e ambasadorit.

“Pamje fyese dhe të papranueshme”, ka thënë Alban Zeneli.

“OSBE të ikë. E ka mbaruar misionin. Gjeste të papranueshme nga ana e ambasadorit”, është shprehur deputeti Lefter Maliqi./abcnews.al

tetori-gjerman.jpg
ad min15:59 | 01/10/2019

40 aktivitete kulturore të zhanreve të ndryshme do të mbahen në edicionin e 13 të Tetorit gjerman. Ambasadori i Gjermanisë në Shqipëri  Peter Zingraf prezantoi kalendarin artistik i cili është i mbajtur nën simbolikën e kujtimit të 30 vjetorit të rënies së murit të Berlinit.

“Gur, gur bëhet urë” nënë këtë simbolik mbahen 40 aktivitete kulturore në edicionin e 13 të Tetorit gjerman në Shqipëri. Ambasadori gjerman, i cili prezantoi kalendarin e ngjeshur të aktiviteteve kulturore  tha se si  ne e vendosim këtë jubile të tridhjetë të rënies së murit të Berlinit në qendër të javëve kulturore  gjermano-shqiptare.

Pasi rrëzimi i atij muri më pas krijoi ura komunikimi mes shumë vendeve  të Europës  edhe Shqipërisë në vitin 1990. Tetori gjerman këtë vit vjen me koncerte, ekspozita, filma, por nuk do të mungojnë edhe debatet social-politike./ABC News Albania 24/7

ambasadori-italian.jpg
ad min14:59 | 25/09/2019

Ambasadori italian në Tiranë, Alberto Cutillio ka deklaruar nga Gjirokastra se zgjidhja e krizës politike është një objektiv kryesor për një vend që kërkon të aderojë në Bashkimin Europian. Cutillio u shpreh se Shqipëria i ka përmbushur disa kushte dhe negociatat duhen hapur sa më parë.

“Përfitoj nga ky rast që të ftoj të gjitha partitë politike që të ulen në tavolinë të zgjidhin ato probleme të përbashkëta që kanë duke filluar nga reforma zgjedhore. Për sa i përket hapjes së negociatave Shqipëria i ka përmbushur kushtet prej disa kohësh tashmë dhe nuk e kuptoj pse u vendosën këto kushte.

Ne mendojmë se negociatat duhet të hapen sa më parë. Dua gjithashtu të them që hapja e negociatave nuk do të thotë që je pjesë e BE-së, por thjesht hap një shteg që Shqipëria duhet të ndjekë. E përgëzoj Shqipërinë që mori këtë hap drejt këtij shtegu. Është një shteg që kërkon shumë angazhim dhe kërkon që palët politike të jenë bashkë drejt një misioni të përbashkët”, tha Cutillio./ABC News Albania 24/7

kayli-skot-1280x725.jpg
nev ila19:06 | 15/09/2019

Ambasadori i Shteteve të Bashkuara të Amerikës në Beograd, Kajli Skot, ka theksuar se Uashingtoni dëshiron që Kosova të heq tarifat për mallrat nga Serbia dhe nga Bosnjë e Hercegovina si kusht për rifillimin e dialogut mes Prishtinës e Beogradit.

Në një intervistë për të përditshmen ‘Kurir’ në fund të mandatit të tij, Skot megjithatë ka rikujtuar se Kosova është shtet i pavarur dhe sovran.

Ambasadori i deritashëm amerikan në Serbi, Kajli Skot, ka shprehur bindjen se emërimi i të dërguarit të posaçëm për Ballkanin Perendimor nga ana e Sekretarit të Shtetit, Majk Pompeo, ka për të qenë një vendim i suksesshëm:

Matthew Palmer ‘e njeh shumë mirë rajonin, Serbinë, por edhe problemin e Kosovës, ndaj mendoj se është person ideal për të kontribuar në normalizimin e marrëdhënieve ndërmjet Serbisë dhe Kosovës”,– transmeton Klan Maqedonia deklaratën e diplomatit amerikan.

Pyetjes se si i komenton zërat se ‘thjesht është e pamundur që një fuqi botërore si Shtetet e Bashkuara të Amerikës, nuk ia doli të gjejë mënyrë për të detyruar pushtetin kosovar të heq tarifat për mallrat serbe, që është dhe pengesa kryesore për vazhdimin e dialogut Beograd-Prishtinë, ambasadori Skot i është përgjigjur duke rikujtuar qëndrimin amerikan se Kosova është një shtet sovran:

“Ata të cilët flasin kështu, thjesht nuk mund ta pranojnë se Kosova është një vend i pavarur dhe sovran. Ne nuk mund ta ‘detyrojmë’ as Kosovën, as Serbinë. Shtetet e Bashkuara të Amerikës janë këtu si partner i cili mbështet procesin e normalizimit të marrëdhënieve midis Beogradit dhe Prishtinës dhe do të bëj çmos që t’ju mundësojë të dyja palëve arritjen e marrëveshjes. Kjo është me interes  për popullin në Serbi dhe në Kosovë, por edhe në interes të të gjithë rajonit, të Bashkimit Evropian dhe të Shteteve të Bashkuara të Amerikës“.

Diplomati amerikan me këtë rast rithekson  mesazhin e Shtëpisë së Bardhë se dëshiron heqjen e tarifave me qëllim të rifillimit të dialogut me Beogradin:

“Tani është me rëndësi që Prishtina të fitojë qeverinë e re, të hiqen tarifat për mallrat nga Serbia dhe Bosnjë e Hercegovina dhe që dialogu të vazhdojë”, ka thënë për portalin serb ‘Kurir’ ambasadori i deritashëm amerikan në Beograd.

ambasadori-i-ri-gjerman-1280x853.jpg
ad min16:17 | 20/08/2019

Peter Zingraf do të jetë ambasadori i ri i Gjermanisë në Shqipëri. Presidenti i Republikës, Ilir Meta pranoi sot Letrat Kredenciale nga Ambasadori i ri i Republikës Federale të Gjermanisë.

Gjatë ceremonisë zyrtare të zhvilluar në Presidencë, kreu i shtetit vlerësoi marrëdhëniet e shkëlqyera midis dy vendeve dhe shprehu mirënjohjen për mbështetjen 30-vjeçare të Gjermanisë për zhvillimin e Shqipërisë dhe integrimin e saj në strukturat euro-atlantike.

“Shqipëria do vijojë të mbështetet me besim dhe bashkëpunim gjithnjë e më të ngushtë tek Gjermania mike dhe partnere strategjike. Ne mirëpresim angazhimin e sinqertë dhe vendimtar të Bundestagut për të ndihmuar Shqipërinë në rrugën drejt çeljes së negociatave të anëtarësimit me Bashkimin Europian”, theksoi  Meta, duke vlerësuar vizionin e Kancelares Angela Merkel për integrimin e vendit tonë dhe të Ballkanit Perëndimor në BE.

Zingraf do të zëvendësojë në detyrën e ambasadorit të Gjermanisë në vendin tonë diplomaten Susan Schutz./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono