ambasadorë

ambasada-amerikane-3_1510145611-8852936.jpg
G. P.20:51 | 03/07/2018

Do të jetë një grua ajo që do të zëvendësojë Donald Lu në postin e ambasadorit të Shteteve të Bashkuara në Tiranë. Presidenti amerikan Donald Trump ka emëruar diplomaten e karrierës Ann Kavalec, që pritet të marrë detyrën në muajt e ardhshëm.

Presidenti amerikan Donald Trump ka propozuar një grua për postin e ambasadorit të Shteteve të Bashkuara në Shqipëri. Bëhet fjalë për Kathleen Ann Kavalec, e cila pritet të ketë statusin e ambasadores së Jashtëzakonshme e Fuqiplotë. Sipas një njoftimi në faqen zyrtare të Shtëpisë së Bardhë, aktualisht zonja Kavalec shërben si zëvendës ndihmës sekretare për çështjet e Europës dhe Euroazisë pranë Departamentit të Shtetit.

Ajo ka mbi shpatulla një karrierë 30-vjeçare diplomatike dhe mes posteve më të spikatura janë ai i drejtoreshës së Zyrës për çështjet ruse, ai si zëvendës koordinatore në Drejtorinë Europiane, si dhe shefe e seksionit për parandalimin e konflikteve, institucione këto të akredituara pranë Departamentit të Shtetit. gjithashtu, zonja Kavalec ka përfaqësuar Shtetet e Bashkuara pranë misionit të UNESCO-s në Paris.

Ajo është diplomuar në Universitetin e Kalifornisë, ka ndjekur studimet për master shkencor në Universitetin Xhorxhtaun dhe flet 6 gjuhë të huaja. Kavalec zëvendëson në këtë detyrë ambasadorin në ikje Donald Lu, diplomati që u bë nismëtar i reformës në drejtësi, por që nuk arriti të kapte ata që i quajti “peshqit e mëdhenj”./abcnews.al

luksemburguu.jpg
G. P.10:27 | 25/06/2018

28 ambasadorët e përhershëm të Bashkimit Europian u mblodhën sot në mëngjes në Luksemburg për të rishikuar çështjet urgjente para takimit të ministrave të Jashtëm të Bashkimit Europian. Një nga çështjet më të nxehta në tryezën e 28 ambasadorëve është vendimi për hapjen e negociatave të anëtarësimit të Shqipërisë dhe Maqedonisë në Bashkimin Europian.

Ndërkohë që për Maqedoninë, pritet që ministrat e Jashtëm të japin dritën jeshile, por me disa kushtëzime, për Shqipërinë situata paraqitet më e komplikuar. Votimi i mocionit të Parlamentit të Holandës për moshapje të negociatave të anëtarësimit me Shqipërinë, ka detyruar shtetet anëtare dhe presidencën bullgare të angazhohen në negociata  për të evituar një skenar negativ për Shqipërinë.

Ndërkohë që ambasadori francez ka treguar në mëngjes, se Franca mbetet rreptësisht kundër, ambasadori holandez nuk e ka marrë fjalën për Shqipërinë, duke bërë të kuptohet se votimi i Parlamenti holandez është i qartë dhe nuk mund të neglizhohet. Ndërkohë, Gjermania është duke tentuar të bindë Francën për të ndryshuar qëndrimin ndaj Shqipërisë.

Nga ana e saj, përfaqësueseja e lartë e politikës së jashtme dhe të sigurisë së BE-së, Federica Mogherini, ka dhënë sërish njê sinjal inkurajmi për dy vendet para takimit të ministrave të Jashtëm të Bashkimit Europian mbi dosjen e mbrojtjes europiane në Luksemburg.

Federica Mogherini: “Rekomandimi i Komisionit Europian është hapje e negociatave të anëtarësimit me Shkupin dhe me Tiranën. Ky proces është i bazuar në meritë, që do të thotë që kur ka proges, ky progres duhet të njihet, të inkurajohet edhe të shoqërohet, Shpresoj, që shtetet anëtare do të marrin vendimin e duhur. Ne shohim progres impresionues në Ballkan. U njoftuam me nënshrkimin e marrëveshjes për emrin e Maqedonisë 10 ditë më parë. Eshtë një moment historik që duhet mbështetur. Dje patëm një sesion shumë të mirë të dialogut të nivelit të lartë midis Prishtinës dhe Beogradit. Dialogu po shkon në një drejtim inklurajues. Tani Bashkimi Europian duhet të jetë konsinstent me qëndrimin e tij.”

28 ambasadorët e përhershëm do mblidhen në 20:30 për të diskutuar sërish mbi versionet e fundit të formulimit mbi Shqipërinë dhe Maqedoninë. Çështje tjetër e nxehtë në tryezën e ambasadorëve të përhershëm është edhe diskutimi për Turqinë. Austria mund të bllokojë konkluzionet për zgjerimin për shkak të qëndrimit negativ mbi Turqinë. Nëse nuk arrihen konkluzione të martën 26 Qershor, vendimet për zgjerimin i kalojnë 28 liderëve të Bashkimit Europian në 28 dhe 29 Qershor./abcnews.al

palestina-1.jpg
G. P.15:59 | 16/05/2018

Palestina ka tërhequr ambasadorët e saj në Rumani, Republikën Çeke, Austri dhe Hungari. Ky vendim është marrë pasi këto katër shtete të Bashkimit Europian morën pjesë në ceremoninë e inagurimit të Selisë së re diplomatike të SHBA-ve në Jeruzalem. NJoftimi ka ardhur nga ministria e jashtëme palestineze. Autoritetet shpjegojnë se prezenca e tyre në ceremoni është “një shkelje e rëndë e ligjit ndërkombëtar dhe e disa rezolutave të OKB-së”./abcnews.al

haley.jpg
G. P.12:34 | 07/04/2018

Kombet e bashkuara janë kundër Izraelit dhe për këtë arsye i nënvlerësoj. Kështu u shpreh ambasadorja amerikane në OKB, Niki Haley, gjatë një fjalimi në një universitet në Karolinën e Veriut.

Ambasadorja amerikane në OKB, Niki Haley, ka të njëjtin mendim nënvlerësues për organizatën ndërkombëtare të shprehur dhe nga këshilltari i ri për Sigurinë Kombëtare amerikane, Xhon Bolton.

Ajo u shpreh se e njeh mirë Bolton dhe kritikat e tij për Kombet e Bashkuara, si dhe është dakord me të. Më tej, Haley shtoi se do të ketë një marrëdhënie shumë të mirë pune me të. Këtë deklaratë ajo e dha gjatë një fjalimi në Universitetin Djuk në Karolinën e Veriut.

Që nga momenti që është emëruar përfaqësuese e përhershme në Pallatin e qelqtë, Haley ka shtyrë Shtetet e Bashkura të Amerikës që të reduktojë financimin në OKB dhe ka kritikuar organizatën për atë që ajo e cilëson si një paragjykim anti-Izrael./abcnews.al

xhafaj.jpg
G. P.16:47 | 13/03/2018

Ministri i Brendshëm, Fatmir Xhafaj, zhvilloi një takim për më shumë se 2 orë me ambasadorët e vendeve të BE-së në Tiranë. Pas takimit, ministri Xhafaj publikoi në Twitter se çfarë ishte diskutuar me dyert të mbyllura.

“Prezantuam rezultate konkrete në disa fusha e veçanërisht në luftën kundër krimit të organizuar në kuadër të operacionit “Forca e Ligjit”, antikanabisin, menaxhimin e kufirit, reformën e policimit në komunitet, Vetting-un etj. Shprehëm mirënjohjen për bashkëpunimin e krijuar këto muaj pune të përbashkët”, shkruan ministri i Brendshëm.

Në fund, Xhafaj theksoi se policia është në rrugën e duhur dhe të vendosur për të ecur përpara./abcnews.al

r_1514358194-2875522.jpg
us er10:03 | 27/12/2017

Përfaqësuesit e partive opozitare dhe të shoqërisë civile kërkojnë nga kryeministri Haradinaj që gjatë emërimit të ambasadorëve serbë t’i zgjedhin kandidatët që e përfaqësojnë denjësisht Republikën e Kosovës e jo ata që instrumentalizohen nga Serbia për ta dëmtuar vendin në arenën ndërkombëtare

Kryeministri i Kosovës, Ramush Haradinaj, para pak ditësh ka paralajmëruar se shumë shpejt do të ketë edhe ambasadorë serbë, të cilët do ta përfaqësojnë Republikën e Kosovës në shtete të ndryshme të botës.

Por, përfaqësues të partive opozitare thonë se gjithçka do të ishte në rregull sikur këta ambasadorë t’i përfaqësonin denjësisht interesat e Republikës së Kosovës e jo ta dëmtojnë shtetin në aspektin diplomatik, duke u instrumentalizuar nga Serbia.

Pjesë e koalicionit qeverisës është edhe Lista Serbe, e cila, sipas opozitës në vend, është sabotuese e shtetësisë së Kosovës dhe është shprehur kundër formimit të ushtrisë së vendit, duke qenë kështu në një linjë me Qeverinë e Serbisë.

Megjithatë, ndryshe mendojnë zyrtarët qeveritarë në vend. “Përfaqësuesit e partive të komunitetit serb në Qeverinë e Kosovës dhe në Kuvend janë legalë dhe legjitimë. Kosova është shtet i qytetarëve dhe në bazë të Kushtetutës dhe ligjeve mund të emërohen kurdoherë qytetarët kosovarë në shërbimin diplomatik të vendit.

Nuk ka afate, mirëpo kjo do të ndodhë në një të ardhme të afërt”, ka thënë për “Zërin” Halil Matoshi, këshilltar për medie i kryeministrit Ramush Haradinaj.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono