alma brati

ONM-KUNDER-KPK-APLIKIMET.mpg_snapshot_01.24-1280x720.jpg
ad min14:12 | 17/08/2018

Procesi i Vettingut për gjyqtarët dhe prokurorët e Republikës së Shqipërisë, një nga arteriet kryesore të zemrës së reformës në drejtësi të 2016-s kanë krijuar debat përtej partive politike në vend. Në një bilanc të deritanishëm, bie në sy se 25% e vendimeve të dhëna nga Komisioni i Pavarur i Kualifikimit, me rekomandim të vëzhguesve ndërkombëtarë, janë apeluar nga komisioneri Publik.

25% e vendimeve, ose ndryshe 1/4 e gjyqtarëve dhe prokurorëve të konfirmuar nga Komisioni i Pavarur i Kualifikimit janë ankimuar në Kolegjin e Apelimit me rekomandim të ndërkombëtarëve. Është ky bilanci i deritanishëm i vendimeve të organeve të Vettingut për procesin më të diskutueshëm dhe rëndësishëm derimë tani të reformës në drejtësi të 2016-s.

– Bashkim Dedja , kryetar i Gjykatës Kushtetuese;

– Xhezair Zaganjori, kryetar i Gjykatës së Lartë;

– Gentian Osmani, prokuror i Krimeve të Rënda, kandidat për KLP;

– Gentjan Medja, gjyqtar i Gjykatës Administrative Tirane, kandidat për KED;

– Edmond Islamaj, gjyqtar i Gjykatës së Lartë;

– Artur Malaj, gjyqtar i Apelit Administrativ Tiranë;

– Alma Brati, gjyqtare në Rrethin Gjyqësor Tiranë;

Emrat që shihni në këtë tabelë, mes të cilëve edhe krerët e dy gjykatave më të rëndësishme të vendit, sot të dyja jo-funksionale, i janë referuar shkallës së dytë të gjykatave të Vettingut për apelim të vendimit të dhënë nga KPK, e cila i ka rikonfirmuar në detyrë, bazuar në një vlerësim, dukshëm jo të mjaftueshëm për Operacionin Ndërkombëtar të Monitorimit.

Ky i fundi, i quajtur ndryshe si “vëshguesit ndërkombëtarë” , bazuar në nenin 65 të ligjit për rivlerësimin kalimtar ka të drejtë të paraqesë rekomandim me shkrim për Komisionerin publik për të paraqitur ankim. I tillë ka qënë rasti për 7 nga 27 të konfirmuarit në detyrë nga KPK.
Me një kulmim të seancave të organizuara në shkallën e parë të Vettingut në muajin Korrik, ky numër rrezikon të rritet, duke ngritur dyshime lidhur me procesin dhe mënyrën e vlerësimit nga trupat e Vettingut të subjekteve të rivlerësimit.

Një tjetër rast i bujshëm kur përfaqësuesi i Operacionit Ndërkombëtar të Monitorimit është shprehur në linjë të kundërt me vlerësimin e KPK ka qenë edhe rasti i kryeprokurores së Përkohshme Arta Marku, mungesa së cilës në sallë solli zhgënjimin e trupës gjykuese si dhe vëzhguesve ndërkombëtar, të cilët ngritën pikpyetje për komponentin e tretë të Vettingut, aftësinë profesionale të zonjës Marku. Kjo e fundit u konfirmua nga KPK dhe duket se ndërkombëtarët këtë herë i kanë kursyer kryeprokurores së përkohshme një rekomandim për apelim./abcnews.al

MBULIM-ALMA-BRATI.mpg_snapshot_00.16-1280x720.jpg
ad min12:57 | 14/08/2018

Komisioneri Publik ka ankimuar vendimin e Komsionit të Pavarur të Kualifikimit, për gjyqtaren e Gjykatës së rrethit Gjyqësor Tiranë, Alma Brati. Në vlerësimin e Komisionerit Publik, hetimi i Komisionit të Pavarur të Kualifikimit nuk është i plotë.

Faktet dhe provat e administruara në përfundim të këtij hetimi administrativ për Bratin, kandidate për anëtare e Këshillit të Lartë Gjyqësor, janë të pamjaftueshme për të mbështetur vendimin e marrë nga KPK. Komisioneri i kërkon Kolegji të Posaçëm të Apelimit, që këto mangësi të hetimit të riparohen gjatë shqyrtimit prej tij të çështjes./abcnews.al

kaloci.jpg
ent ela15:35 | 05/07/2018

Komisioni i Pavarur i Kualifikimit konfirmoi në detyrë gjyqtaren e Gjykatës së Tiranës, Alma Brati. Të njëjtin fat nuk e pati prokurori i Apelit Tiranë, Luan Kaloçi, i cili rezultoi ngelës në vetting. KPK vendosi shkarkimin e tij nga detyra, pasi konstatoi probleme të theksuara në pasuritë e deklaruara prej tij.

Brenda një harku kohor prej 40 minutash, Komisioni i Pavarur i Kualifikimit dha dy vendimet përfundimtare për dy anëtarë të sistemit të drejtësisë, duke mbajtur në sistem një prej tyre dhe përjashtuar tjetrin.

Fatlumi ishte gjyqtarja e Tiranës, Alma Brati.

Gjyqtarja ishte e pranishme para treshes së përbërë nga Pamela Qirko, Lulzim Hamitaj e Genta Tafa (Bungo). Bazuar në hetimin e thelluar dhe raportet e përcjella nga institucionet përgjegjëse për kontrollin e trefishtë të vettingut, gjyqtarja Brati rezultonte e përshtatshme për sistemin gjyqësor. Për këtë shkak ajo u konfirmua në detyrë. Gjyqtarja zotëronte një apartament në Tiranë të blerë me kredi, hua dhe kursime, një apartament në bashkëpronësi ne Durrës dhe një automjet.

Tridhjetë minuta më pas, peshorja e vettingut anoi në krahun e kundërt për prokurorin e Apelit Tiranë, Luan Kaloçi.

Seanca për prokurorin nisi me 10 minuta vonesë, me kërkesë të avokatit të tij. Vetë Kaloçi zgjodhi të mos paraqitej në shpalljen e vendimit. Në seancën dëgjimore të zhvilluar të martë, KPK vërejti një sërë parregullsish në pasurinë e Kaloccit, fshehje llogarish, si edhe mospërputhje të vlerës së një apartamenti apo sipërfaqes së tij në tre deklarata të ndryshme. Mes vlerave të deklaruara nga Kaloçi në vite tërhiqte vemendjen një shumë prej 5.8 milionë lekë të fituara në baste sportive. /abcnews.al

kpkkk.jpg
ent ela11:17 | 05/07/2018

Gjyqtarja e Gjykatës së Tiranës, Alma Brati, rikonfirmohet në detyrë nga Komisioni i Pavarur të Kualifikimit. Ajo u vetua me përparësi për shkak të kandidimit në Këshillin e Lartë Gjyqësor. Sipas relacionit të prezantuar dje nga KPK-ja, Alma Brati nuk kishte probleme në asnjë nga tre shtyllat ku bazohet verifikimi kalimtar i gjyqtarëve e prokurorëve.

Bazuar në deklarimet e saj në ILDKPIK-se dhe hetimi i thelluar i KPK-se rezultonte se Brati ishte pronare e një apartamenti 100 m2 në Tiranë, i blerë me 50 mijë euro kredi, 25 mijë euro hua nga tezja dhe kursime familjare. Ajo është bashkëpronare më bashkëshortin dhe prindërit e tij e një shtëpie në Durrës, blerë në vitin 2002 në vlerë 1.9 milionë lekë. Po ashtu ka në pronësi dhe një autoveturë. /abcnews.al

kpkkk.jpg
ad min14:17 | 04/07/2018

Kandidimi për një post në Këshillin e Lartë Gjyqësor çoi sot gjyqtaren e Gjykatës së Tiranës, Alma Brati përballë trupës gjykuese të Komisionit të Pavarur të Kualifikimit, pasi ajo figuron në listën prioritare të Vettingut.

Trupë gjyqësore përbëhej nga Pamela Qirko, Lulzim Hamitaj dhe Genta Tafa Bungo. Sipas relatores, gjyqtarja Brati ka bërë deklarim të rregullt të pasurisë. KPK ka kryer hetim të thelluar për gjyqtaren Brati dhe mësohet se në vitin 2017 ka deklaruar apartament me sipërfaqe 100.1 metër katror në Tiranë të blerë në vlerën e 80 mije eurove.

Sipas gjyqtares së Gjykatës së Tiranës, këtë pronë ajo e ka blerë për 50 mijë euro, të cilat i ka marrë kredi që e ka shlyer pasi i ka dhënë tezja një hua prej 25 mije eurosh, ndërsa pjesën tjetër e ka paguar nga kursimet e pagave të saj dhe para të dhëna nga e ëma. Gjyqtarja Alma Brati rezulton se ka blerë një shtëpi banimi edhe në Durrës në 2002, si dhe një autoveturë.

Sipas Komisionit të Pavarur të Kualifikimit është konstatuar pasaktësi dhe mospërputhje në deklarata ndër vite. Ndërkohë që janë analizuar edhe 5 denoncime të bërë ndaj kësaj gjyqtareje. Ndërkohë edhe Drejtoria e Sigurimit të Informacionit të Klasifikuarka kryer kontrollin e figurës dhe subjekti sipas kësaj drejtorie nuk ka kontakte me personat e përfshirë në krimin e organizuar. Gjyqtarja Alma Brati kërkoi rikonfirmimin në detyrë dhe vendimi për të pritet të jepet nesër nga KPK-ja në orën 10:30./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono