allegri

pjimage-2.jpg
Veronik Istrefaj21:41 | 03/11/2019

Niko Kovac u shkarkua pak çaste më parë nga skuadra e Bayern Munchen dhe klubi gjerman ka nisur menjëherë punën për të gjetur pasuesin e tij. Siç raportojnë mediet gjermane, janë tre emrat që mund të pasojnë teknikun kroat në krye të bavarezëve.

I pari është Jose Mourinho, një trajner për të cilin nuk ka nevojë për prezantim. Portugezi ka fituar kudo ku ka shkelur dhe duket gati për të provuar një aventurë të re në Gjermani. Alternativa e dytë, është Massimiliano Allegri. Strategu italian është i papunë, që kur u largua nga Juventusi në fund të sezonit të shkuar.

Emri i tretë, është surprizë. Bëhet fjalë për teknikun e Ajax, Eric Ten Hag. Ky i fundit është një ndër trajnerët që kërkohet më së shumti nga skuadrat gjigante të Evropës, pasi në krye të Ajaxit, ka bërë një punë të shkëlqyer. Drejtuesit e Bayernit duhet të zgjedhin sa më shpejt, pasi kampionati po futet në një fazë shumë delikate./abcnews.al

Mourinho-1280x884.jpg
Vladimir Prenga15:14 | 26/10/2019

Real Madrid dhe Zinedine Zidane nuk mendohet se do të bashkëpunojnë gjatë. Ky sezon ka nisur keq për spanjollët, por mbetet të shihet ecuria në vazhdim. Prej kohësh po qarkullojnë emra të ndryshëm për ta pasuar francezin, madje një ditë më parë AS shkruante se ka një akord me Jose Mourinho.

Gazetari i El Mundo Deportivo, Francesc Aguilar, në llogarinë e tij në Twitter shkruan në lidhje me kalimin e Mourinho te Reali dhe vë në dukje një problem që mund të lindë.

“Florentino mund të dojë Mourinho në vend të Zidane, por kjo do të sillte një ‘luftë civile’ në dhomat e zhveshjes, me Sergio Ramos që udhëheq aty. Pranaj, Massimiliano Allegri, i cili vazhdim të refuzojë Manchester United, është zgjedhja më e mirë për Real Madridin”, shkruan Aguilar. /abcnews.al

Allegri.jpg
Veronik Istrefaj12:17 | 16/10/2019

Massimiliano Allegri do të jetë trajner i Manchester United. Strategu italian u largua nga Juventusi në fund të sezonit të shkuar dhe që nga ajo kohë, ka nisur kurse për të mësuar gjuhën angleze. Allegri e ka pranuar publikisht se dëshiron të drejtojë një ekip në Premier League dhe Manchester United është ekipi i duhur për të.

Ole Gunnar Solskjaer është në fije të perit dhe në rast se e humbet sfidën kundër Liverpool, me shumë gjasa është i larguar. Raportohet se Allegri dhe drejtuesit e Manchester United kanë pasur edhe bisedime konkrete, me të dyja palët që kanë gjetur një akord sa i takon kushteve financiare.

Allegri do të përfitojë më shumë se 7 milionë euro në sezon (rroga që merrte te Juventus) dhe flitet se paga e tij do të jetë rreth 9-10 milionë euro. Gjatë javës së ardhshme, pritet dhe zyrtarizimi i italianit në krye të “Djajve të Kuq”./abcnews.al

Mou-Allegri-1280x720.jpg
Veronik Istrefaj20:24 | 09/10/2019

Jose Mourinho dhe Massimiliano Allegri janë për momentin papunë. Dy trajnerët e mirënjohur po presin që të rikthehen në botën e futbollit. Mediat britanike kanë ndjekur nga afër lëvizet e dy strategëve, duke zbuluar dhe disa detaje interesante.

Jose Mourinho ka refuzuar ekipin francez të Lyonit, pasi po pret me padurim të vazhdojë karrierën te skuadra e Tottenham. Strategu portugez po pret dita-ditës shkarkimin e Mauricio Pochettinos, në mënyrë që të vazhdojë nga puna.

Edhe Massimiliano Allegri mund të drejtojë në Angli. Tekniku italian ka një CV shumë të pasur dhe është favoriti për të zëvendësuar Ole Gunnar Solskjaer te United, pasi ky i fundit me shumë gjasa do të shkarkohet./abcnews.al

massimilianoallegri-cropped_1mm4wnpobiehx1fjenytnquu9a-1280x720.jpg
Vladimir Prenga09:21 | 02/10/2019

Max Allegri duket pranë një aventure të re në Angli. Ish-trajneri i Juventusit nuk po drejton asnjë skuadër për momentin, edhe pse me bardhezinjtë ka një kontratë deri në verën e vitit 2020. Mjafton një projekt bindës dhe trajneri italian do ta zgjidhte menjëherë. Së fundmi janë të shumtë zërat që thonë se ai do të drejtojë në Premier League.

Mbrëmjen e djeshme ai ka ndjekur sfidën Tottenham-Bayern Munich, që përfundoi me triumfin 2-7 të gjermanëve. Allegri më parë është lakuar si zëvendësues i mundshëm i Mauricio Pocchetino, i cili pas kësaj humbjeje rrezikon shumë të shkarkohet.

Gjithsesi në Angli raportojnë se Allegri dëshiron të drejtojë Manchester United. Fakti që ka nisur të mësojë anglishten është një arsye më shumë për të besuar në një kalim të mundshëm drejt Premier League. United i ka bërë nisjen më të keqe të mundshme kampionatit dhe Ole Gunnar Solskjaer – ka kontratë 3-vjeçare me anglezët – rrezikon të largohet nga “Djajtë e kuq”. Allegri është në pritje. /abcnews.al

all-1068x623.jpg
ad min22:30 | 18/05/2019

Në konferencën e fundit për shtyp me skuadrën e Juventusit, trajneri Masimiliano Allegri qartësoi se cikli i tij kishte përfunduar dhe se largimi nga bardhezinjtë ndodhi në paqe.  

Andrea Agnelli dhe Masimiliano Allegri dolën bashkë para mediave në konferencën e fundit për shtyp të teknikut liveronez. Allegria deklaroi  se u nda pabesisht me klubin Italian dhe arsyeja ishte domosdoshmëria për të filluar një cikël të ri ne klub pas pesë viteve nën drejtimin e tij.

“Falënderoj presidentin e Juventusit dhe lojtarët për emocionet dhe sukseset gjatë këtyre pesë viteve të mrekullueshme. Po lë pas një skuadër shumë të fortë dhe të suksesshme. Unë nuk kërkova revolucion në skuadrër. Shoqëria bardh e zi ka bërë vlerësimet e saj dhe zgjodhëm rrugën më të mirë të mundshme. Jemi ndarë paqësisht dhe nuk kemi hatër mbetje. Kishte ardhur moment për të mbyllur këtë cikël dhe kjo është arsyeja e largimit. Largohem si juventin dhe është krenari e jashtëzakonshme të jesh pjesë e një familjeje që ka në AND-në, fitoren”.

Presidenti i Juventusit Andre Agnelli falënderon Allegrin për punën e suksesshme gjatë këtyre pesË viteve dhe shpjegon arsyen e divorcit.

“Kemi kaluar së bashku 5 vite mjaft të bukura të mbushura me trofe. Pas ndeshjes me Ajaksin thashë  me bindje të plotë se Allegri do të qëndrojë. Më pas kemi reflektuar për të mirën e klubit, trajnerit dhe të gjithëve për të arritur në këtë pikë. Nuk ishte një vendim i emrave të përveçëm por një analizë dhe konkluzion i përbashkët”, tha numri  një i skuadrës së Juventusit, Andre Agnelli.

Alternativat për pasuesin e Allegrit janë të shumtë por Guardiola dhe Pochetino ane ëndrra e shoqërisë bardh e zi e natyrisht më të vështirët për tu arritur./ABCN News Albania 24/7

contallegri.jpg
nev ila22:40 | 09/05/2019

E ardhmja e trajnerit të Juventusit, Masimiliano Allegri është në udhëkryq. Mediat në Itali raportojnë se trajneri Livornez, do të largohet shumë shpejt nga bardh e zinjtë, pasi nuk ka gjetur akordin me presidentin Anjeli për të vijuar bashkëpunimin, për në sezonin e ardhshëm.

Ndërkohë që, pasuesi i Allegrit mund të jetë Antonio Konte, i cili e shpalli Juventusin tre herë kampion në Itali.

Sipas mediave italiane, Zv/presidenti Pavel Nedved, i ka propozuar presidentit Anjeli, emrin e Kontes për stolinë e bardh e zinjve. Gjithsesi në Itali flasin edhe për një kalim të Kontes tek Inter, duke e bërë akoma më të paqartë situatën.

Pak ditë më parë ish-trajneri i Chelsea-t, refuzoi kalimin te Roma dhe tha se do të zgjidhte një projekt ambicioz, duke mos refuzuar Juventusin dhe Interin.

Një zhvillim tjetër pritet edhe tek skuadra e Romës, e cila nuk do të zgjasë më tej, bashkëpunimin me trajnerin Ranieri.

Roma synon të nënshkruajë bashkëpunimin me Gasperinin ose Arsene Venger. Me këtë të fundit ka më tepër shanse, pasi nuk është nën kontratë, ndërkohë që i pari po bën një punë të shkëlqyer tek skuadra e Atalantes./ABC News Albania 24/7

bayern.jpg
ad min14:39 | 12/12/2018

Bayerni i Mynihut dhe Juventusi kërkojnë të ruajnë vendin e parë në grup në Ligën e Kampionëve. Dy skuadrat e mëdha luajnë sot ndeshjet e fundit, dhe gjermanët kanë një sfidë klasike ndaj Ajax-it.

Vetëm njëra prej tyre do të jetë klasike, por vëmendja ëshë tek të dyja. Bajerni dhe Juventusi zbresin sot në fushë në Ligën e Kampionëve, në orën 21:00, me objektiv të njëjtë, të sigurojnë vendin e parë në grup. Gjermanët udhëtuan për në Holandë, ku i pret një klasike europiane, ndeshja me Ajaksin në Amsterdam, dhe atyre u bën punë edhe një barazim.

Do të ketë mungesa, sërish. Arjen Roben është lënë jashtë ekipit, për të qenë gati për Bundesligën. Po ashtu, janë mungesat e James Rodrigezit dhe Korenten Toliso, por trajneri Niko Kovaç flet pa asnjë lëkundje.

“Duam të dalim në vend të parë në grup, – tha kroati, – dhe ta luajmë ndeshjen e dytë në turin tjetër, në shtëpi. Nuk kemi probleme, dhe nuk jam i shqetësuar nga deklaratat e Komanit, pasi janë normale në futboll. Ajaksi është një ekip shumë i mirë, dhe unë këtë e kam ditur që më përpara”.

Ajax-i gjithsesi, nuk pritet të jenë me potencial të plotë. Trajneri Ten Hag, sipas mediave holandeze, po mendon të lerë jashtë ekipi disa nga yjet si Dolbergun, Zijeçin dhe Van de Bekun, që janë në rrezik për t’u dëmtuar. Pesë herë kampionët e Europës duan të ruajnë forcat edhe për kampionatin, pasi konkurrimi për titull me PSV Eindhovenin është shumë i fortë.

Kjo mund t’ia lehtësojë detyrën bavarezëve, që të paktën do të kenë një sukses të rëndësishëm në një sezon të vështirë, ku ndodhen në vend të tretë në Bundesligë. Skuadra tjetër e madhe që kërkon të mbajë vendin e parë është Juventusi. Trajneri Masimiliano Allegri e ka përgatitur skuadrën që të shkojë në Zvicër vetëm për fitore ndaj Young Boys-it. Kampionët e Italisë kryesojnë grupin H me 12 pikë ndaj 10 të Mançester Junajtidit, dhe vetëm fitorja ia bën të sigurt kryesimin.

“Dua që të luajmë një tur të dytë më të qetë, – u shpreh Alegri, – për këtë na duhet vendi i parë, pra normalisht na duhet fitorja. Nëse do të ishte ndryshe, CR7-ta do të pushonte ndaj Young Boys-it. Nëse nuk dalim të parët, rrezikojmë të ndeshemi me rivalë shumë të fortë si Barcelona, Reali, Bayerni, City apo Paris SG”.

Pra, Cristiano Ronaldo do të jetë në fushë, por nuk do të luajë Giorgo Chielini. Fusha e Young Boys-it është me bar sintetik dhe Allegri ka frikë se kapiteni do të dëmtohet. United, ndërkaq, do të ketë një ndeshje të vështirë në Spanjë ndaj Valencias.

Anglezët janë të kualifikuar, por trajneri Jose Mourinho po kalon një moment të vështirë, ndaj kërkon që ekipi të luajë mirë dhe për fitore. Ai u shpreh se do t’i japë mundësi të shumëkritikuarit Paul Pogba që të luajë në formacion për të treguar veten./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono