Alibeaj

alibeja-1280x732.jpg
G. P.18:45 | 02/04/2019

Opozita është mosbesuese rreth këtij qëndrimi të socialisteve për reformën zgjedhore. Pas deklaratës së kryetarit të Komisionit të reformës zgjedhore Damian Gjiknuri, ish deputeti i Partisë Demokratike Enkelejd Alibeaj tha në studion e ABC News, se problemin nuk e zgjidh reforma. Prioritet i opozitës sipas Alibeajt është largimi i Ramës dhe krijimi i një qeverie tranzitore për të zhvilluar zgjedhje të lira e të ndershme.

Mirela Milori: PS në Komisionin për Reformën Zgjedhore ju jep një avantazh dhe iu thotë eja të ulemi në tryezën e bisedimeve që të keni të njëjtin status si deputetët e mandatar dhe të kenë edhe të drejtën të vendosin veton, për aq kohë sa OSBE thotë janë dakord me propozimet e tyre. Do ta vlerësoni këtë ftesë?

Enkelejd Alibeaj: Nuk e fsheh që ka njëlloj lëshimi njëlloj çedimi nga pozitat e tyre të forta dhe kokëfortë në fakt. Ne e patëm për një vit e gjysmë mos më tepër Komisionin e Reformës Zgjedhore kur opozita ishte në Parlament. Ne i paraqitem shumë më herët se cilat ishin kërkesat për një proces teknikisht të rregullt. Në fakt ajo çka është kërkesa jonë tani nuk është një kërkesë  që përjashton ato çfarë ne kemi thënë kohë më parë por kërkesa ka evoluar jo thjesht si një dëshirë e jona. Por kërkesa ka evoluar për shkak të atyre që kanë ndodhur të paktën nga 2017 e këtej. Dhe teksa dëgjoj në fakt ato çfarë thotë zotëria që sapo dëgjova tha në fakt më shkon në mëndje një gjë fare e thjeshtë: Thënë kjo nga Damian Gjiknuri, është njeriu i cili organizoi ato zgjedhje të Dibrës të cilat tashmë janë të fshehura ne dosjen 184. Dhe çështja nuk është se do të rregullonin Komisionin e qendrës së votimit i cili realisht mund të bëhet edhe me njerëz apolitik. /abcnews.al 

LAJME-20-_-I-FTUAR-00001.mpg_snapshot_15.01-1280x720.jpg
ent ela21:33 | 16/03/2019

Protesta e pestë e opozitës brenda një muaji kulmoi sot me pjesëmarrjen masive të qytetarëve, ndërsa qytetarët vranë frikën. Këtë deklaroi në studion e Mbrëmje në ABC News demokrati Enkelejd Alibeaj, i cili shtoi se kjo protestë ishte tej pritshmërive të tyre.

“Në krye të një muaji intensiv kulmoi sot me pjesëmarrje masive shumë më tepër pritshmërive tona, tregon jo thjesht një organizimi të mirë të opozitës, por mbi të gjitha evolucionin psikologjik te qytetarët shqiptarë. Te protesta e 16 shkurtit ishte një pikëpyetje a do ta vrisnin frikën? Vetëm 30 ditë pas asaj proteste madhështore në kohë rekord, sot arrijmë në një situatë ku frika është vrarë jo vetëm te ata që besojnë te PD”.

ndërsa e quajti ilegjitim parlamentin aktual, në studion e ABC News Alibeaj përsëriti edhe njëherë arsyet dhe shkaqet që e çuan opozitën të ndërmerrte një akt të tillë, që janë mohimi i së drejtës në parlament, raporti dhe përgjimet për shitblerjen e votës dhe së fundi raporti i DASH për Shqipërinë.

Zgjedhjet e lira dhe të ndershme Aliabeaj i koncepton pa Edi Ramën dhe me dëshirën e popullit, ndërsa zgjidhjen e sheh te krijimi i një sistemi të ri politik dhe zgjedhje të parakohshme.

“Krijimi i një sistemi politik, zgjedhje të parakohshme. Kohën se kur do bëhen zgjedhjet vendore, kohën e përcaktojnë ata qytetarë. A bëhemi gati ne? Po, ne po bëhemi gati si opozitë, ne jemi gati të marim pjesë në zgjedhje me kushtin e vetëm pa Edi Ramën. zgjedhje të lira e të ndershme pa njeriun që i ka perçudnuar ato. Njeriu i cili sot ka mundësi për t’i prishur ato, Edi Rama le të mos jetë aty”. /abcnews.al

BYRO-DT-20-SHKURT.mpg_snapshot_09.32-1280x720.jpg
ent ela20:45 | 20/02/2019

Djegia e mandateve të deputetëve të opozitës, e konkretizuar tashmë me firmosjen e tyre pasditen e sotme është diskutuar në studion e Byro Politike nga deputetët opozitarë Enkelejd Alibeaj, Klajda Gjosha, Agron Duka dhe Klevis Balliu.

Enekelejd Alibeaj teksa e ka vlerësuar si një akt historik për të tashmen dhe të ardhmen e vendit, ka shpjeguar juridikisht lënien e mandatit. Sipas tij ka ligjshmëri që deputeti të vendosë për të lënë mandatin, por nuk ka ligjshmëri që Kuvendi të jetë i gjymtuar pa pjesën tjetër të deputetëve siç e thotë Kushtetuta.

“Është një akt historik për momentin, për të shkuarën dhe për të ardhmen. Kodi zgjedhor përcakton që nga momenti që një deputet, shumë deputetë vendosin të lënë mandatin me vullnetin e tyre të lirë, vijnë ata zëvendësues brenda listës së partisë ose koalicionit. Nuk ka koalicion vetëm një listë të përbërë dhe sot është proceduar me dorëheqjen e të gjithë atyre që kishin devizën e deputetit. Kanë firmosur edhe ata në lsitë në pritje, pasi jo vetëm ligji edhe precedentët se edhe ata që e kanë  fituar të drejtën e mandatit kanë te drejtën të shprehin vullnetin e tyre”.

Alibeaj theksoi se firmosja për lënien e mandateve u bë në mënyrë transparente pasi sipas tij është koncepti i besimit të publikut ndaj të zgjedhurve të vet dhe lënia duhet të jetë një akt në dritën e diellit.

“S’ka mënyrë të fshehtë. Ajo që mban fort autoritetin e parlamentit është marrëdhënia me qytetarët që i përgjigjesh çdo ditë është koncepti i besimit të publikut ndaj të zgjedhurve të vet dhe lënia duhet të jetë një akt në dritën e diellit. Ligji dhe logjika kushtetuese është që populli na ka dhënë mandate dhe është e drejta jonë t’i nënshtrohemi vullnetit të popullit”.

I pyetur a ka kushtetueshmëri një parlament pa opozitën, Alibeaj tha se ai është një parlament i gjymtuar, ndërsa pyetjes se nëse rama mund të plotësoje vendet, ai tha se kushtetueshmërisht dhe politikish nuk është e mundur.

“Jo nuk ka. Ka ligjshëmri e drejta e deputetit për të lënë mandatin e vet. Kushtetuta thotë që parlamenti përbëhet nga 140 deputetë absolutisht është i gjymtuar”.

A ka mundësi që Rama të plotësojë vendet?

Alibeaj: Kushtetueshmërisht jo, politikisht jo. Vetëm i çmendur.

Nga ana e saj deputetja e LSI-së Klajda Gjosha e vlerësoi lënien e mandateve si një nga aktet më madhështore që ka bërë opozita në këtë vend në emër të largimit të krimit nga politika.

“Të gjithë deputetë përveç Lefter Kokës të gjithë e votuam këtë nisëm. Një nga aktet më madhështore që ka bërë opozita në këtë vend në emër të largimit të krimit nga politika dhe besoj që akt më të madh se ky, opozita nuk mund të ndërmerrte”.

Ajo e konsideron këtë akt të duhurin në një kohë kur opozitës i ishin mbyllur të gjitha rrugët ligjore, si komisionet parlamentare, interpelanca dhe gjykata kushtetuese.

“Të gjithë komisionet ndërpriten kur opozita do të diskutojë.

Interpelancat. 3 herë është thirrur ministrja e Finacave dhe 3 herë ka dërguar që nuk do të jetë. Edhe ky mjet më hiqet se ministrat nuk i përgjigjen parlamentit të Shqipërisë.

Dhe akti i fundit cili është? Nëse mendoj që një ligj më duket antikushtetues duhet t’i drejtohem Gjykatës Kushtetuese dhe kjo më është hequr. Unë kur shkoj para qytetarëve me thonë që bëj diçka”.

Kreu i Partisë Agrare ambjentaliste Agron Duka edhe pse shpreh rezervat e tij për lënien e mandatit thekson se kjo justifikohet pas përgjimeve të Zërit të Amerikës.

“Kam demaskuar mënyrën si u bënë zgjedhjet, lidhjen e mazhorancës me të fortët. Dhe lidhja u përforcua pasi dolën përgjimet e Zërit të Amerikës.

Unë s’kam qenë për lënie mandatesh, as për bojkot dhe në takime me aleatët i kam thënë që nuk është kjo rruga, duhet rrugë institucionale nuk duhet të tërhiqesh nga parlamenti, por justifikohet më këtë të përgjimeve të fundit. Qe një lëvizje e detyruar edhe për arsye të mbledhjes së pushtetit në një dorë”.

Ndërsa deputeti demokrat Balliu shprehet se ky vendim nuk erdhi nga deputetët, por i diktuar nga revolta qytetare.

“Është hera e parë që aktiviteti politik i partive opozitare dhe reagimi qytetar bëhen njësh dhe nxjerrin një propozim, djegien e mandateve dhe kjo e bën historik vendimin se ky nuk erdhi si propozim i deputetëve, por i diktuar nga revolta qytetare. Ajo revoltë faktoi akuzat për mazhorancën”.

/abcnews.al

 

 

aliebaj-933x445-1.jpg
ent ela15:00 | 28/01/2019

Partia Demokratike dhe institucioni i prokurorisë janë bërë protagonistë të një debati në largësi, i cili nisi me akuzën e ish ministrit Alibeaj ndaj shefes së Prokurorisë së Krimeve të Rënda. Kjo e fundit është pjesë e dosjes 339 sipas demokratëve. Por prokurorët e çështjes e kanë quajtur jo të vërtetë akuzën, duke shkelur sekretin hetimor e duke gënjyer sipas Partisë Demokratike.

Miliona të pajustifikuara, dyshime për pastrim parash dhe në rastin më të mirë, evazion fiskal. Janë këto sipas demokratëve pjesë e dosjes së titullares së Prokurorisë së Krimeve të Rënda, Donika Prela e gjendur në tryezën e Komisionit të Pavarur të Kualifikimit duke vërtetuar se ky i fundit është, si e quan ish-ministri i drejtësisë Alibeaj, vegël në duart e pushtetit për të kontrolluar hyrje-daljet nga sistemi të prokurorëve dhe gjyqtarëve të korruptuar.

“Përpara se të japë vendimin për Donika Prelën, Komisioni i Pavarur i Kualifikimit ka për detyrë të verifikojë dy informacione të reja për Drejtuesen e Prokurorisë së Krimeve të Rënda. Së pari, të konfirmojë që Donika Prela, në konflikt të hapur interesi, është takuar gjatë periudhës që ishte nën veting me anëtaren e trupës së vetingut, Valbona Sanxhaktari”.

Për këtë, deputeti demokrat i sugjeron shkallës së parë të Vettingut, të kërkojë tek kamerat e sigurisë së Prokurorisë së Krimeve të Rënda në muajt Nëntor – Dhjetor. Së dyti, një pyetje edhe më e vështirë.

“A është Donika Prela pjesë e dosjes 339, e kapur në përgjim me bandën e Avdyljave duke biseduar me kreun e bandës Astrit Avdylaj? Përgjimet e dosjes 339 janë bërë në kohën kur Donika Prela drejtonte Prokurorinë e Durrësit dhe Astrit Avdylaj u arrestua për armëmbajtje pa leje, por më pas u lirua si i pafajshëm”.
Përgjigja për pyetjen e dytë, i erdhi shpejt selisë blu nga prokurorët e çështjes “339”, Vladimir Mara dhe Dritan Prençi. Duke e konsideruar pyetjen e shtruar nga Alibeaj, si fakt të servirur, prokurorët mohojnë e përfshirjen në përgjimet e dosjes 339 të Donika Prelës në komunikim me anëtarë të grupit Avdylaj.

Akt të paprecedent e quan Partia Demokratike këtë përgjigje të dy prokurorëve, të cilët sipas selisë blu nxorrën sekretin hetimor në shkelje flagrante të Ligjit, për të gënjyer në favor të shefes së tyre Prela. Faktet, sipas reagimit të PD-së, ndodhen pikërisht në dosjen 339.

“Këtë e provojnë përgjimet e muajit janar 2018.Duke qenë se tani Donika Prela e ka cënuar sekretin hetimor, le t’i shkojë deri në fund! Të urdhërojë të bëhen publike përgjimet audio të bandës së Avdylajve në muajin janar 2018, kur në makinën e kreut të bandës u gjet një armë pa leje, 9 mm, dhe Astrit Avdylaj u arestua në flagrancë.”

Reagimi i Partisë Demokratike vijon duke i kërkuar organeve të Vettingut që ta detyrojnë Donika Prelën të përgjigjet, nëse ka urdhëruar e firmosur lirimin e kreut të bandës së Avdylajve dhe nxjerrjen e tij të pafajshëm në janar të 2018-ës, kohë kur Donika Prela drejtonte Prokurorinë e Durrësit./abcnews.al

LAJMET-DT-17-JANAR-19.mpg_snapshot_13.58-1280x720.jpg
ent ela20:31 | 17/01/2019

Deputeti demokrat Enkelejd Alibeaj ka folur në studion e Mbrëmje në ABC News për protestën e paralajmëruar të opozitës për rrëzimin e qeverisë, pas largimit nga seanca e djeshme plenare, ku nuk ra dakord për debatin mbi shkarkimet dhe emërimet e ministrave të rinj.

Sipas tij në kushtet kur mjetet klasike të zgjedhjeve kanë rënë, fjala i takon popullit dhe opozita do t’i prijë revoltës popullore.

“Mjetet klasike me zgjedhje kanë rënë, kontrolli i i drejtësisë nuk ka funksionuar, mjeti i tretë debati parlamentar. I ezauruam të gjitha rrugët që demokracia njeh. Ajo çka bëri dje, i ka mohuar të drejtën publikut shqiptar. Akti kryesor më i rëndësishmi është formimi i një qeverie apo ripërtëritja e saj që të krijohet trupa për qeverisjen e shqiptarëve. Kjo është pika kulminate, instrumenti i fundit në një demokraci. Opozita t’i prijë të gjithë revoltës popullore, ne ofrojmë strukturimin politik të pakënaqësive të publikut se të gjitha ato janë kërkesa politike”.

Alibeaj theksoi se kjo protestë do të krijojmë kushtet për një proces zgjedhor ku shqiptarët të shprehin të lirë vullnetin e tyre, ndërsa shtoi se kusht para zgjedhjeve është rrëzimi i Ramës.

“Ne besojmë që thelbi i demokracisë është që ndëshkimi i qeverisë të bëhet nëpërmjet votës. Ajo çfarë është sfidë e madhe për opozitën dhe publikun është të krijojmë kushtet për një proces zgjedhor ku shqiptarët të shprehin të lirë vullnetin e tyre.

Kusht para zgjedhjeve është rrëzimi i Ramës, ky nuk është kryeministër, por uzurpator.

Kërkojmë qeveri që të garantojë proces elektoral të ndershëm për zgjedhjet parakohshme mos përdoren paratë e krimit, bandat e krimit, administrata shtetërore si celulë partiake e qeverisë dhe që shqiptarët të shprehin të lirë vullnetin e tyre.

Rama nuk është kryeministër që i plotëson këto. Largimi i Ramës është realizim në masën më të madhe të këtyre kushteve. Të krijohen kushte që të gjithë të shprehin me votë vullnetin e tyre”. /abcnews.al

LAJMET-DT-17-JANAR-19-00001.mpg_snapshot_00.14-1280x720.jpg
ent ela19:48 | 17/01/2019

“Vetëdorëzimi i Balilit, fundi i hidhur i sistemit të drejtësisë dhe epitafi i një shteti”. Kështu e konsideron deputeti demokrat Enkeljed Alibeaj, vetëdorëzimin në polici të “Eskobarit të Ballkanit”, pas 15 dështimeve të operacioneve policore.

“Prej 3 vitesh janë bërë jo më pak se 15 aksione të policisë dhe nuk e kapën dhe te i 16 shkon vetë e dorëzohet”.

Sipas tij kjo është një përrallë e hidhur dhe groteske

Për të kupuar a është vërtet përballje e ligjit mbi antiligjin ku shteti fiton mjafton të sjell një paragraf të shkurtër teksa dëgjohej intervista kur e pyetën se ku kishte qenë. Ishte në Tiranë.

Si nuk ju gjeti policia? Se nuk koinçidova asnjëherë me të.

E kuptoni groteskun e madh të krimit. Në 15 operacione policia do kapte krimin, te i 16-ti krimi kapi shtetin dhe për të kuptuart atë se çdo të ndodhë nuk çuditem aspak se në një sistem të tillë kur qeveria është e zhytur me krimin, s’do çuditesha fare që e gjitha kjo është një përrallë e hidhur. Kaq e turpshme është kjo situatë, bën karshillëk ndaj qeverisë e drejtësisë, publikut e partnerëve”.

Duke qenë partener me DEA-n amerikane dhe drejtësinë greke, Alibeaj shprehet se partneri shqiptar nuk është i besueshëm, ndërsa e quan karikurë të shëmtuar negocimin sipas tij të shtetit me krimin.

“DEA amerikane është prej dy vitesh që e kërkon dhe që do thotë që një qeveri që do duhet të jetë partnere do të duhet të kishte bërë minimumin e përçapjeve për ta kapur.

Partneri shqiptar nuk ëhstë i besueshëm dhe ka çeduar për këtë episod që doli papritur e papandehur, kur të gjithë e kishin harruar na u vetëdorëzua, ku drejtori i policisë i bën taksistin kriminelit më të madh dhe nuk ka karikaturë më të shëmtuar të shtetit që shkon e negocion me krimin dhe kushtet i vendos krimi”. /abcnews.al

ALIBEAJ-ABC-1280x720.jpg
ent ela16:15 | 08/11/2018

Partia Demokratike ka përsëritur edhe sot qëndrimin e saj të njohur se prokuroria duhet të arrestoje kryebashkiakun e Durrësit Vangjus Dako. Deputeti Enkelejd Alibeaj tha se tashmë ekzistojnë provat e bashkëpunimit të Dakos për blerjen e votave dhe heshtja e prokurorisë dhe e Kryeministrit nuk e fsheh dot këtë realitet.

“Dorëheqje të detyruara, panik me emërimin e nëpunësve të oborrit në krye të ministrisë më të rëndësishme të qeverisë, stisjen e thuajse-konflikteve kushtetuese me presidentin kur vendi është në mungesë të një gjykate kushtetuese, janë shenja të makthit që kreun e qeverisë Edi Rama e ka zënë për shkak të dosjes 339.”

Deklarata erdhi nga Partia Demokratike, nga ku ish-ministri i Drejtësisë Enkelejd Alibeaj, mungesën e reagimit për atë që quan krimin më të madh, atë electoral, e prezanton si pasqyrën e shkatërrimit të shtetit, drejtësisë dhe sistemit demokratik.

“Dosja 339 është “gracka ku hajduti është kapur si laraska”.

Përgjimet e dosjes 339 kanë faktuar se Vangjush Dako është në komunikim të vazhdueshëm me bandat para, gjatë dhe pas zgjedhjeve, duke shkëmbyer me pasuri dhe pushtet votat e blera për tepsinë e Edi Ramës.

Mosarrestimi i Dakos është dëshmia më e qartë e kapjes së shtetit nga krimi i organizuar me mbështetje të organizatës kriminale të Rilindjes të drejtuar nga Edi Rama.

Mosarrestimi i Dakos është prova e shkatërrimit total të prokurorisë së krimeve të Rënda.

Mosarrestimi i Dakos hedh në erë alibitë qesharake për suksesin e reformës në drejtësi”.

Vangjush Dako duhet arrestuar pa vonesë, thekson Alibeaj, sepse faktet e krimit elektoral janë ta qarta dhe sepse çdo ditë në liri ai e përdor për të shkatërruar prova, manipuluar dëshmitarët dhe gjithçka me ndihmën e të parit të shtetit, kryeministrit Edi Rama. /abcnews.al

 

 

ALIBEAJ-SINKRON-ABC-M5-T1.mpg_snapshot_01.02-1280x720.jpg
ent ela13:31 | 26/10/2018

“Strategjia e Edi Ramës për të shitur bashkëpunimin me krimin si normalitet politik nuk e shpëton Vangjush Dakon nga dosja 339!”. Kështu ka deklaruar depueti demkrat Enkelejd Alibeaj në një deklaratë ëpr emdiat. Sipas tij, Vangjush Dako duhet të ishte sot në burg, ndërsa shprehet se deri tani ka dalë vetëm maja e ajsbergut.

Demokratët dolën sërisht nga foltorja e selisë blu për të deklaruar se kryebashkiaku i Durrësit Vangjush Dako, sot duhet të ishte në burg. Kjo, sipas ish-ministrit të drejtësisë Enkelejd Alibeaj, sepse çfarë është bërë publike derimë tani nga dosja 339, është vetëm maja e ajsbergut.

“Vangjush Dako është pjesë kyçe e mekanizimit që Edi Rama ka ngritur për të ardhur në pushtet dhe për ta mbajtur atë nëpërmjet “të fortëve”, trafikantëve të drogës, tutorëve të prostitutave, përdhunuesve dhe vrasësve.  Edi Rama, kryeministri që qëndron në pushtet me të paktën 15 mandate të blerë nga krimi i organizuar, dhe Vangjush Dako, supermeni i blerjes së votave me krimin, do të bërtasin përsëri për shpifje”.

Por nuk ka asnjë tallje më të madhe me shqiptarët për Alibeajn, se përbetimi i kryeministrit se po lufton krimin, kur njerëzit e tij më të ngushtë e konsiderojnë normalitet politik bashkëpunimin me të.

“Strategjia për ta shitur bashkëpunimin me krimin si normalitet politik synon të mpijë reagimin e shoqërisë, kërkon të imponojë pranimin e krimit si pjesë të shëndetshme të saj, duke shkuar kështu drejt asgjesimit të demokracisë në vend”.    

Por të dy, edhe kryeministri Rama edhe kryebashkiaku Dako e dinë mirë, thekson Enkelejd Alibeaj, se numërimi mbrapsht për ta ka filluar. /abcnews.al

 

IMG_6164-1280x853.jpg
ent ela11:49 | 14/10/2018

Dokumentat e prokurorisë së Përgjithshme në dosjen për Fredi Alizotin i erdhën sërisht në ndihmë demokratëve për denoncimin e radhës. Nga foltorja e selisë blu, Enkelejd Alibeaj publikoi pjesë të transkrimptimeve, të marra nga policia e shtetit nën varësi të ministrit Fatmir Xhafaj, të bisedave që Alizoti ka patur në datën kur ka dëshmuar në prokurori se ishte ai zëri i denoncuar si i Agron Xhafajt në video-përgjimin e dosjes “Babalja”.

“Dokumente zyrtare të Prokurorisë së Përgjithshme, që provojnë se Fredi Alizoti, aktori i Edi Ramës, është sajesë e vetë Fatmir Xhafës”.

Biseda zhvillohet mes Fredi Alizotit dhe drejtorit të përgjithshëm të policisë Fier më 1 qershor në orën 5 pa 8 minuta.
____________________________________________________

Drejtori pol. Fier: Përshëndetje
Alizoti: Përshëndetje si ja kalon?
Drejtori pol. Fier: Si je? Kush jeni ju zotëri?
Alizoti: Unë jam Fredi Alizoti
Drejtori pol. Fier: O Fredi, unë jam Drejtori i Policisë së Qarkut Fier
Alizoti: Unë jam te QTU-ja dhe po të pres
Drejtori pol. Fier: Te QTU-ja?
Alizoti: Po
Drejtori pol. Fier: Unë jam në Lushnje
Alizoti: Dëgjo vëllanë
Drejtori pol. Fier: Po
Alizoti: Të flas nga afër unë dhe ti spjegoj të gjitha rrethanat dhe do ikim në Tiranë
Drejtori pol. Fier: Po ti ku rri me shpi?
Alizoti: Unë po të them te QTU-ja.
Drejtori pol. Fier: He
Alizoti: Po të pres te QTU-ja

17 MINUTA MË VONË
ora 5 e 13 min

Alizoti: Do ta zgjidhësh ti ktë punë apo ta zgjidhi shefi lartë e vlla, se unë po marr taksi tani e po iki lart
Drejtori pol. Fier: Do vi të marr unë thashë ore
Alizoti: Me ça do vish ti?
Drejtori pol. Fier: U ktheva nga rruga, do vi të marr unë
Alizoti: Po në rregull hajd po të pres ktu

7 MINUTA MË VONË
Ora 5 e 20 min

Alizoti: Hë o vëlla ç’bëre
700: Hiç
Alizoti: Ej mbaroi ky muhabet
700: Mirë boll e vlla, ça të them vllai
Alizoti: Dëgjo mua ej, 5 minuta vjen më merr drejtori i përgjithshëm i Fierit ktu, pesë muhabete i ka bërë, mora një pako të mirë
700: Ok lali
Alizoti: Ej do ta dëgjosh do ta dëgjosh
__________________________________________________

6 ditë pas deklaratës së dhënë në prokurori, ku Alizoti prentendoi se ishte zëri i regjistruar në audio përgjimin që pretendohej të ishte i vëllait të ministrit të brendshëm nga akuzuesit…

Enkelejd Alibeaj: “Aktori i vetëshpallur nga Edi Rama, telefonohet përsëri, personalisht nga Drejtori i Policisë Qarku Fier, i cili e pyet se çfarë po bën dhe ku ndodhet, dhe Alizoti i përgjigjet “lart ku më lartë”. Alizoti i kërkon Drejtorit të Policisë Fier që të takojë “Shefin e madh” me patjetër atë ditë, duke e garantuar se “nuk ka më kthim mbrapa, ato që janë bërë nuk kthehen më mbrapa”.

Për këtë Partia Demokratike shtroi këto pyetje:

• Çfarë “pako” ka marrë Fredi Alizoti? Kush ia ka dhënë atë?
• Kush është Taulanti nga Librazhdi që i ka thënë Fredi Alizotit “hap gojën sa do”?
• Çfarë shërbimi ka ofruar Fredi Alizoti dhe sa është paguar për këtë?
• Pse e ka telefonuar përsëri në datën 7 Qershor 2018 Drejtori i Policisë së Qarkut Fier shtetasin Fredi Alizoti?
• Cili është “shefi i madh” i Drejtorit të Policisë së Qarkut Fier që kërkon të takojë Fredi Alizoti?

Por për demokratët, çdo shqiptar i ka të qarta përgjigjet dhe Edi Rama dhe Fatmir Xhafaj nuk mund të fshihen më përballë fakteve që kanë fabrikuar dëshmitar për të mbrojtur një trafikant droge, përfundoi Alibeaj./abcnews.al

42506512_483975605441727_1572656821515059200_n-1280x487.png
ent ela19:46 | 24/09/2018

“Opozita nuk do të bojktojë zgjedhjet”. Kështu deklaroi në studion e Mbrëmje në ABC News deputeti i Partisë Demokratike Enkelejd Alibeaj.

“Ne nuk bojkotojmë nevojën ulëritëse të publikut shqiptar për të bërë zgjedhje të lira. S’ka zgjidhje tjetër, kjo do të jetë”– u përgjigj Alibeaj.

Sipas tij sfida e Partisë Demokratike, por jo vetëm asaj, por edhe e publikut është garancia për zgjedhje të lira dhe të barabarta.

“Sfida jonë është nuk është rezultati, por procesi zgjedhor. Për çdo njeri, gjëja e parë që duhet të merakoset nuk është aq shumë rezultati sesa procesi.

Sfida jonë, e publikut sepse një proces zgjedhor i deformuar i shkon kundër interesave, gara jonë, lufta jonë, që nuk duhet të bojkotojmë është të garantojmë një proces zgjedhor të barabartë, të qetë, të lirë”.

Dhe për ta arritur këtë Alibeaj garanton se do të arrihet me çdo mjet, qoftë dhe mosbindje civile.

“Do ta garantojmë me çdo mjet, me të gjitha, mosbindje civile, nuk përjashtojmë asnjë mjet për të arritur këtë standard të fituar në ’92-in, nuk kemi ndërmend tani ta lëshojmë”. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono