Alibeaj

alibeajj-1280x705.jpg
Sej rie21:00 | 04/07/2019

Protesta e së hënës e thirrur nga opozita do të jetë një protestë falënderuese për shqiptarët të cilët refuzuan diktaturën. Kështu është shprehur në “Mbrëmje Ide”, ish-deputeti i PD-së Enkelejd Alibeaj.

“Së pari për t’u thënë faleminderit! Sepse në gjithë këtë histori jo prej 4 muajsh, jo prej 2017, jo prej 2016 por prej 6 vitesh goxha vështirësi ka pasur kjo opozitë me të gjithë angazhimin dhe mobilizimin e vet dhe me thënë të drejtë pak ishin autoritetet, faktorët , zërat të cilët e mbështetën në kohë këtë për gjëmën që i ka ndodhur Shqipërisë sot. I vetmi autoritet dhe fatmirësisht autoriteti më i lartë ai i sovranit e dha sinjalin e tij të fortë dhe të kumbueshëm më 30 Qershor. Dhe duhet t’u themi faleminderit! Faleminderit qytetarësisë shqiptare kudo nga Shkodra në Sarandë, nga Durrësi, Tirana e deri në Korçë të cilët refuzuan unazo, pavarësisht se mund të jenë demokratë të LSI-së, të PS-së apo të partive të tjera. Është një turmë njerëzish që nuk ka lidhje ideologjike por vetëm për çështjen e mbrojtjes së demokracisë u bënë bashkë kundër diktaturës”, tha Alibeaj./abcnews.al

damianii-1280x724.jpg
Sej rie20:58 | 04/07/2019

Damian Gjiknuri kryetari i Komisionit për Reformën zgjedhore është shprehur sot se nëse PD kërkon largimin e tij do të veprojë si Presidenti i vendit që ofron largimin për t’i dhënë udhë dialogut PD-PS në lidhje me reformën zgjedhore. I ftuar në “Mbrëmje Ide”, ish-deputeti Enkelejd Alibeaj është shprehur se PD nuk kërkon vetëm largimin e Damianit, Ramës, Taulanti apo Ulsiut, por pret që ata të shkojnë në burg.

“Nuk ka seriozitet në gjithë këtë histori. Çfarë kemi kërkuar ne? Ne kemi kërkuar që Damiani, Ulsi dhe Taulanti dhe Edi të shkojnë në burg. Jo se është dëshira jonë por që kanë shkelur ligjet e këtij vendi dhe besoj se nuk ka të madh e të vogël të majtë e të djathtë dhe pa parti që nuk e kanë marrë vesh, së paku nga përgjimet e fundit të “Bild” se çfarë masakre kriminale dhe elektorale kanë bërë në kurriz të popullit, publikut dhe demokracisë. Në burg po dhe kjo dhe kjo është një zgjidhe por ajo që kemi kërkuar shumë kohë më parë është ndëshkueshmëria apo pandëshkueshmëria ndan demokracinë dhe shtetin e së drejtës nga diktatura. Kjo mund të ishte një zgjidhje për të gjithë ata që listova dhe të gjithë ata që në një sistem i pavarur që do të hetonte t’i dërgonte atje ku duhet. Nga provat që kanë dalë unë besoj që askush nga këta nuk e ka vendin në Parlament sepse është turpi i shqiptarëve që të përfaqësohet”.

I pyetur se me cilin kusht hyjnë në tryezën e reformës zgjedhore, Alibeaj tha se: “Nuk besoj se është më kusht i ynë dhe ne nuk kemi artikuluar ndonjëherë  kusht për reformën zgjedhore dhe në vetvete reforma zgjedhore nuk përbën një çështje nga të cilat na ndan”./abcnews.al

shkoder-3-1280x565.jpg
Sej rie19:30 | 20/06/2019

E ndërsa në Shkodër vazhdon të jetë e tensionuar situata, aty ku mbështetësit e opozitës dhe kryebashkiakja Voltana Ademi po kundërshtojnë takimin elektoral të kryeministrit Edi Rama, në studion e ABC News ish- deputeti Enkelejd Alibeaj ka komentuar përplasjet.

Rama nga Vau i Dejës gjatë fushatës elektorale tha se duan të përsërisin 2 Prillin në Shkodër. Ish-deputeti i PD-së është shprehur se ta provojë Rama të përsërisë një 2 Prill të dytë në Shkodër dhe do të gjejë fundin.

“Kryeministri ka përmendur 2 Prillin sot? Çfarë do të shkojë dhe të vrasë njerëz në Shkodër? Por le ta provojë, se shkodranët e kanë akoma të gjallë atë çfarë ka ndodhur në 2 Prill , ku etërit politik të këtij njeriu shkaktuan atë. Arkitektin e vrasjeve të 2 Prillit e ka kryetar parlamenti ky. Nëse do ta provokojë sikur por duket do të gjejë një fund të cilin etërit e tij nuk e gjetën dikur. Sot nuk është përplasje mes PS-së dhe PD-së, sepse në ata që quhen organizime të tonat një pjesë e madhe janë edhe socialistë, jo rilindas që ta bëjmë dallimin.  Ata janë socialistë. Janë njerëz të cilët duan të punojnë në këtë vend dhe kanë besimin e tyre politik tek e majta. Sot përplasja është midis një grushti të vogël oligarkësh dhe kriminelësh, ata të cilët vidhini vota siç i patë dhe i dëgjuat”.

Nga përplasja, sot në Shkodër protestuesit kanë tentuar të çajnë kordonin e policisë dhe të marshojnë drejt sheshit ku është planifikuar të zhvillohet takimi i Ramës. Përpjekjes së protestuesve për të çarë kordonin, policia i është kundërpërgjigjur me gaz lotsjellës ndërsa ndaj efektivëve janë hedhur gurë dhe sende të tjera./abcnews.al

MBULIM-BASHA-PROTESTA-ABC-M5-T1.mpg_snapshot_00.02-1280x720.jpg
ent ela12:46 | 01/06/2019

Pak orë pas letrës së shtatë të kryeministrit Edi Rama ka reaguar dhe kreu i PD-së Lulzim Basha. Përgjigjja e tij ka qenë një video nën hashtagun “Asnjë hap pas për çlirimin e vendit nga e keqja! Nesër në ora 19:00 të gjithë në shesh”.

Ndërsa ish deputeti demokrat Enkeljd Alibeaj shkruan po në rrjetet sociale se; “Edi Rama mendon se do të gjunjëzojë popullin me presion me shantazh me kërcënim e nga ana tjetër të vazhdojë ta vjedhë e varfërojë. Kjo kohë ka mbaruar”– shkruan ish-ligjvënësi demokrat, i cili mbyll postimin e tij duke theksuar:

“Populli është në këmbë, kundër pushtetit të ardhur nga krimi e nga vota e blera për të vjedhur e grabitur Shqipërinë”. ABC news Albania 24/7

 

mirela-milori-1280x724.jpg
Sej rie19:00 | 24/05/2019

Kryeministri Edi Rama i është drejtuar me letra publike kreut të PD-së Lulzim Basha, që të ulen dhe të dialogojnë. Nga ana tjetër Basha, nuk pranon t’u përgjigjet thirrjeve të Ramës. Në studion e “Mbrëmje Ide”, Enkelejd Alibeaj është shprehur se Basha nuk mund të ulet në tavolinë me Ramën. Sipas tij, diskutimi në tavolinë mes këtyre dy palëve do prodhonte një pazar. Për të arritur të mes me artë, Alibeaj shprehur e opozita e ka kusht të panegociushëm dorëheqjen e Ramës.

Mirela Milori: “Zoti Rama po flet për dialog dhe i ka dërguar letra të hapura Lulzim Bashës. Pra kërkon dialog, pavarësisht se datën e zgjedhjeve edhe në letren e fundit thotë se nuk lëviz. Ai përsëri është i hapur për dialog. Kaq e vështirë është , për t’u ulur në një tryezë dhe për të thënë të gjitha këto në sy dhe ndoshta do të qartësohen palët dhe do digjet edhe hapi i fundit për të kuptuar më pas se çfarë do ndodhë”.

Enkelejd Alibeaj: “Tani meqë duhet të lexojmë korrekt deklaratat, ai thotë dialog dhe nga ana tjetër zgjedhjet nuk shtyhen, Kryeminsitirn ë nuk ehstojmë dhe liston një sërë gjërat që janë thelbi i asaj që duhet të dialogohet”.

Mirela Milori: “Gjithmonë kështu ka ndodhur, ulen palët me pretendimet e ashpra, fillojnë dialogjet afrohet gjuha derisa arrihet në një të mesme”.

Enkelejd Alibeaj: “Kësaj i thonë pazar”.

Mirela Milori: “Jo nuk është pazar, është dialog”.

Enkelejd Alibeaj: “Ky është pazar dhe futemi në pozita ku njëri tërheqë nga vetja dhe tjetri nga vetja dhe në mes të natës dalim me një pazar”.

Mirela Milori: “Pse keni frikë se mund të bjerë në një pazar Basha?”

Enkelejd Alibeaj: “Jo absolutisht jo”.

Mirela Milori: “Po pse? E lini Bashën të takohen me Ramën dhe t’i thotë në sy këto që për një dy tre arsye nuk të pranoj dhe të iki”.

Enkelejd Alibeaj: “Kjo çështje nuk është e Bashës”.

Mirela Milori: “Ai është përfaqësues i opozitës?”

Enkelejd Alibeaj: “Jo pra”.

Mirela Milori: “I drejtohemi zoti Basha sepse ai ka tagetin”.

Enkelejd Alibeaj : “Jo pra, sepse më tepër se çe dua unë zotin Basha nuk e doni ju”.

Mirela Milori: “Jo jo, absolutisht, nuk është çështje dashuri-urrejtje këtu”./abcnews.al

aaaaaaa-1280x721.jpg
Sej rie17:50 | 24/05/2019

Ditën e sot Presidenti Meta ka bërë dy deklarata të forta. Për të dalë vendi nga kriza, Meta është gati të shikojë mundësinë e shtyrjes së datës së zgjedhjeve. Nga ana tjerë ai ka deklaruar se është gati të heqë dorë edhe nga posti i Presidentit të Republikës. Por, në studion e “Mbrëmje Ide”, Enkelejd Alibeaj është shprehur se edhe nëse shtyhet data e zgjedhjeve, opozita nuk shkojnë në zgjedhje me Ramën Kryeministër.

Mirela Milori: “Zoti Meta propozon shtyrje të datës së zgjedhjeve, nëse zoti Rama e pranon por është Kryeministër,  ju do të ishin dakord me këtë? Pra do të shtyhet data e zgjedhjeve, por Rama Kryeministër organizon zgjedhjet e radhës”.

Enkelejd Alibeaj: “Atëherë, që të jemi të qartë për një gjë ; ajo që quhet sot krizë politike, institucione, Kushtetuese, dhe nuk po them krizë ekonomike dhe sociale sepse këto janë pasoja të qeverisjes së Ramës, kanë fytyrën e Edi Ramës. Për të eliminuar krizën kusht i panegociushëm është që Edi Rama të mos jetë Kryeministër i këtij vendi. Edi Rama është kapur duke vjedhur plaçkë, para zgjedhjet”.

Mirela Milori: “Kjo është kauza juaj dhe ne e dimë që nga shkurti dhe më pas dogjët mandatet”.

Enkelejd Alibeaj: “Dakord por a duhet t’i japim zgjedhje krisës?”

Mirela Milori: “Ai është Kryeministër i një qeverie legjitime”.

Enkelejd Alibeaj: “Jo nuk është Kryeministër, as nuk është Kryeministër legjitim dhe as nuk është qeveri legjitime. Është kapur duke vjedhur plaçkën, që janë zgjedhjet. Por ç’bëhet më një njëri dhe plaçkën e vjedhur?! Gjëja e parë i merret plaçka e vjedhur dhe ne këtë kemi kërkuar. Nuk je Kryeministër, nuk je një mazhorancë”.

Mirela Milori: “Nuk e pranon ai këtë, thotë jam Kryeministër i një qeveria legjitime? Çfarë do të bëhet tani?”

Mirela Milori: “Nëse nuk ndodh kjo gjë nuk ka më sens dhe as dialog”.

Enkelejd Alibeaj: “Cilat janë hapësirat tuaja politike qe veni në dispozicion për të mos shkuar tek përplasja?”

Enkelejd Alibeaj: “Rama, jo Kryeministër, qeveri tranzitore neutrale, e paanshme, kujdestare dhe me detyra të përcaktuar që të garantojë zgjedhje të lira dhe të ndershme. Nga kjo fitojmë të gjithë”./abcnews.al

2bf61422-056f-437a-bf43-a710086eb9ac-1280x853.jpg
Sej rie14:50 | 13/05/2019

Opozita pritet të mbajë sot pasdite një tjetër protestë kombëtare në Tiranë. Ish deputeti i PD, Enkelejd Alibeaj dënoi sërish dhunën e ushtruar, sipas tij, nga policia mbi protestuesit të shtunën. Alibeaj i kërkon Prokurorisë që të nisë menjëherë hetimet.

DEKLARATA E ENKELEJD ALIBEAJ

Partia Demokratike dënon me ashpërsi dhunën kriminale të policisë kundër protestuesve të shtunën dhe kundër sekretarit organizativ Sahit Dollapi.

Sandër Lleshaj, ky mbeturinë tranzicionit shqiptar do të mbajë përgjegjësi personale për urdhrat e paligjshëm që i ka dhënë policisë për goditjen e qytetarëve me gaz helmues luftarak dhe për përdorimin e dhunës fizike kundër protestuesve paqsorë.

Partia Demokratike disponon të dhëna të mjaftueshme për ta çuar sadistin Sandër Lleshajn para drejtësisë për shkelje flagrante të ligjit të policisë së shtetit!

Prokuroria duhet të nisë hetimet e menjëhershme për të provuar se urdhri për dhunën shtazarake kundër qytetarëve është dhënë nga Sandër Lleshaj me porosi të Edi Ramës. Sandër Lleshaj, Drejtori i Përgjithshëm i Policisë Ardi Veliu, Drejtori i Policisë së Tiranës, Rebani Jaupi dhe krimineli tjetër me uniformë Arben Baro duhet të shkarkohen nga detyra dhe të hetohen menjëherë.

Ka prova filmike se Sandër Lleshaj, i cili në shkelje të ligjit komandon operacionet e policisë kundër opozitës, është duke u larguar si hajdut nga dera dytësore e Drejtorisë së Përgjithshme të Policisë së Shtetit, pasi njoftohet të shtunën në mbrëmje për zhvendosjen e protestës së opozitës.

Bashkimi ynë në marshimin e protestës sot ne oren 18:30, për zgjedhje të lira e të ndershme të garantuara nga një qeveri e përkohshme pa kryehajdutin Edi Rama, është beteja e vërtetë europiane, që e nxjerr Shqipërinë nga udhëkryqi i rrezikshëm dhe siguron stabilitet afatgjatë për vendin.

Ne jemi sot ne krah të popullit për t’i thënë Edi Ramës dhe kujtdo tjetër që ka vendosur të ndjekë rrugën e dhunës dhe të destabilitetit, se shqiptarët e bashkuar dhe opozita nuk gjunjëzohen përpara dhunës shtazarake të një qeverie që ka ardhur në pushtet me votat e blera me krimin e organizuar.

alibeaj19.jpg
ent ela14:49 | 19/04/2019

Partia Demokratike nëpërmjet ish-deputetit Enkelejd Alibeaj, akuzoi këshillin e Lartë të Prokurorisë se ka emëruar prokuror bashkëshortin e deputetes socialiste Ermonela Felaj, në shkelje të Kushtetutës.

Nga foltorja e selisë blu, Alibeaj, ish-mninistër i drejtësisë tha se Bledar Valikaj, është emëruar nga KLP në kundërshtim me Kushtetutën dhe ligjet e reformës në drejtësi.

Sipas ligjit themeltar të shtetit, KLP mund të emërojë një prokuror vetëm pas përfundimit të shkollës së magjistraturës. Ndërsa sipas ligjeve të reformës në drejtësi, emërimi i një prokurori nuk mund të bëhet pa kaluar në procesin e vetingut.

Sipas Alibeajt, bashkëshorti i ish-ministres së Ramës, nuk i plotëson asnjë nga këto kritere. /abcnews.al

alibeasj-1280x741.jpg
Sej rie21:01 | 14/04/2019

Ish-deputeti i PD-së Enkelejd Alibeaj edhe një herë ka ritheksuar dine e numrit 2 të kësaj partie Edi Paloka se në 30 Qershor nuk do të ketë zgjedhje në vend.

I ftuar dy ditë më parë në “Mbrëmje Ide’, Edi Paloka është shprehur se: “Nuk do të ketë zgjedhje në 30  Qershor. Edi Rama nuk do zhvillojë dot zgjedhje në 30 Qershor. Zgjedhje jo të lira në Shqipëri nuk do të ketë më. Zgjedhje pa opozitën nuk do të ketë dhe zgjedhje me Edi Ramën nuk do të ketë”.

I të njëjtit mendim është edhe demokrati Enkelejd Alibeaj, se zgjedhje nuk do të ketë më 30 Qershor.

Mirela Milori: Unë do doja një opinionin tuaj për zgjedhjet e 30 Qershorit, pasi zgjedhje nuk do të ketë thotë zoti Paloka? Si ta kuptojmë këtë? Do pengoni zgjedhjet? Do pengoni njerëzit të marrin pjesë në qendrat e votimit se në 30 Qershor ai hap qendrat e votimit?

Enkelejd Alibeaj: Edhe për publikun edhe për ju për ta zgjidhur se kur flasim për zgjedhje duhet të kuptojmë, se individi duhet të jetë i lirë i qetë dhe ta hedhin votën ashtu sikundër e mendon dhe në bazë të votës të përcaktojë se kush do e qeverisë. E qeverisi mirë do e mbështesë, e qeverisi keq do e rrëzojë. Kjo bëhet vetëm me një sistem zgjedhjesh të lira të ndershme dhe të barabarta. A bën Edi Rama zgjedhje të lira dhe të ndershme? Nga sondazhet 60% e shqiptarëve ka një refuzim dhe neveri për këtë qeverisje. Sepse jo vetëm që vjedh, jo vetëm që bashkëpunon me krimin, por mbi të gjitha nuk lejon të bëhen zgjedhje dhe zgjedhje bën me krimin.

Mirela Milori: Mund të ketë përplasje më 30 Qershor?

Enkelejd Alibeaj: Po nuk do ketë zgjedhje, sepse opozita nga njëra anë dhe publiku tashmë është i bindur se nuk ka dëshirë ta shesë jetën e vet, pasurinë e vet. Nuk i bën dot zgjedhjet./abcnews.al  

alibeja-1280x732.jpg
G. P.18:45 | 02/04/2019

Opozita është mosbesuese rreth këtij qëndrimi të socialisteve për reformën zgjedhore. Pas deklaratës së kryetarit të Komisionit të reformës zgjedhore Damian Gjiknuri, ish deputeti i Partisë Demokratike Enkelejd Alibeaj tha në studion e ABC News, se problemin nuk e zgjidh reforma. Prioritet i opozitës sipas Alibeajt është largimi i Ramës dhe krijimi i një qeverie tranzitore për të zhvilluar zgjedhje të lira e të ndershme.

Mirela Milori: PS në Komisionin për Reformën Zgjedhore ju jep një avantazh dhe iu thotë eja të ulemi në tryezën e bisedimeve që të keni të njëjtin status si deputetët e mandatar dhe të kenë edhe të drejtën të vendosin veton, për aq kohë sa OSBE thotë janë dakord me propozimet e tyre. Do ta vlerësoni këtë ftesë?

Enkelejd Alibeaj: Nuk e fsheh që ka njëlloj lëshimi njëlloj çedimi nga pozitat e tyre të forta dhe kokëfortë në fakt. Ne e patëm për një vit e gjysmë mos më tepër Komisionin e Reformës Zgjedhore kur opozita ishte në Parlament. Ne i paraqitem shumë më herët se cilat ishin kërkesat për një proces teknikisht të rregullt. Në fakt ajo çka është kërkesa jonë tani nuk është një kërkesë  që përjashton ato çfarë ne kemi thënë kohë më parë por kërkesa ka evoluar jo thjesht si një dëshirë e jona. Por kërkesa ka evoluar për shkak të atyre që kanë ndodhur të paktën nga 2017 e këtej. Dhe teksa dëgjoj në fakt ato çfarë thotë zotëria që sapo dëgjova tha në fakt më shkon në mëndje një gjë fare e thjeshtë: Thënë kjo nga Damian Gjiknuri, është njeriu i cili organizoi ato zgjedhje të Dibrës të cilat tashmë janë të fshehura ne dosjen 184. Dhe çështja nuk është se do të rregullonin Komisionin e qendrës së votimit i cili realisht mund të bëhet edhe me njerëz apolitik. /abcnews.al 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono