Alfred Peza

BYRO-DT-7-JANAR-00001.mpg_snapshot_05.27-1280x720.jpg
ent ela10:46 | 08/01/2019

Byro Politike çeli sezonin e ri televiziv këtë të hënë me mosdekretetimin e ministrit të jashtëm Ditmir Bushati, ndryshimet në kabinetin qeveritar dhe rikthimin e protestave studentore. Të ftuar në studion e  Juli Xhokaxhi ishin Mimoza Koçiu, Preç Zogaj, Alfred Peza dhe Arian Curri.

Zogaj i konsideron drastike ndryshimet në qeveri dhe befasues propozimin e ministrave të rinj. Sipas tij Rama e ka bërë për të tërhequr vëmnedjen, duke u gjendur përballë një lëvizje të paparashikueshme që ishte ajo studentore.

Sipas Pezës është në të drejtën e kryetarit për të bërë ndryshime sa herë e shikon të nevojshme.

Gazetarja Koçiu tha se Kryeministri u shfaq si një lider i dobët përballë studentëve dhe vetmja gjë që bëri ishte të tregonte forcën me ndryshimet në qeveri.

Në këndvështrimin e Arian Currit, Meta ka gjithë të drejtën e tij si President për mosdekretimin e ministrit të ri të jashtëm të propozuar nga Rama, por edhe Rama duhet të ketë një arsye që e ka vënë aty. /abcnews.al

byro-politike-7-anar.jpg
G. P.10:08 | 08/01/2019

Në këtë puntatë të parë për vitin 2019, “Byro Politike” u ndal në dy çështje kryesore. Fillimisht u diskutua për vendimin e kryeministrit Rama, i cili ndryshoi kabinetin qeverisës. Më pas mes të ftuarve në studio u diskutua për mosdekretimin e shkarkimit të Ministrit të Punëve të Jashtme nga Presidenti Meta si dhe mosdekretimi i pesë emrave të rinj të propozuar nga Edi Rama. Ndërkohë diskutime pati edhe për rikthimin e protestave të studentëve.

Të ftuar ishin: Mimoza Koçiu, gazetare; Alfred Peza, analist; Preç Zogaj, analist dhe Arian Curi, politolog./abcnews.al

alfred-peza.jpg
G. P.22:05 | 25/12/2018

Sipas Alfred Pezës, protesta e studentëve ishte ndryshe nga protestat e tjera pasi nuk kërkuan heqjen e qeverisë apo të një anëtari të saj si dhe nuk pranuan opozitën. Ai ishte i ftuar në emisionin “Provokacija”, ku u shpreh se Edi Rama ka ditur ta lexojë situatën e krijuar. Analisti tha se protesta e studentëve është politike.

“Studentët në ndryshim nga të gjitha protestat e tjera kanë një ndryshim, pasi nuk kërkuan as kokën e ndonjë ministri, kryeministri apo pjesëtari të mazhorancës në kiuptimin e refuzimit kategorik dhe nuk qasën as opozitën. Pra të mos qasësh opozitën dhe të mos jesh kategorikisht kundër mazhorancës në këto raste është një qasje interesante. Është një qasje ndryshe dhe e re. Kam idenë që Edi Rama duke qenë një politikan race me shumë përvojë dhe një ish-student i Dhjetorit ka ditur ta lexojë dhe është munduar që ta minimizojë impaktin duke bërë një qasje interesante duke filluar në një farë mënyre t’i japë një rezultat.

Ata janë politikë sepse që para 2.600 vjetësh kur Platoni e ka përkufizuar njeriun si qenie politike sigurisht që përderisa votojmë, kemi që më tepër kur je në shesh me disa kërkesa adresuar dikujt je politik, por do ishte e tepërt t’i kërkosh dikujt një gjë që as vetë nuk e kërkon. Ai thotë ore unë kam hallin tim, problemi im është që kam 8 pika, të cilat janë adresuar dhe kërkon nëpërmjet këtyre tetë pikave të ndryshojë një situatë, një qasje, një lloj kënete që është krijuar aty për shumë arsye dhe kërkon ta zhvendosë atë gjë sepse ndoshta arrihen dhe shumë objektiva të tjerë që janë primarë për studentët. Mendoj që gjërat nuk mund të bëhen të programuara”, tha Peza.

Më tej, Alfred Peza u shpreh se pret që në Janar, studentët të vazhdojnë atë që kanë artikuluar gjithë këtë kohë. Sipas tij, Rama është treguar bashkëpunues në plotësimin e kërkesave.

“Unë pres që studentët të vazhdojnë atë që vetë kanë artikuluar në përpjekjet e tyre për plotësimin sipas tyre për plotësimin e kërkesave, ndërkohë që kryeministri është treguar aspak refraktar në këtë rast dhe është treguar bashkëpunues duke plotësuar jo vetëm ato 8 pika. Ne ishim në mbledhjen e Kryesisë së PS-së, ku priteshin shumë gjëra. Në përgjithësi këtu te ne tifozllëk, kush ikën, kush vjen nga qeveria quhet pritshmëri e madhe. Ne bëhemi tifozë emrash ndërkohë që aty ka ndodhur një gjë shumë e madhe sepse një parti politike që është e vetmja në pushtet dhe 6 orë diskuton seriozisht nuk e kam menduar Muç që brenda sistemit politik shqiptar të ketë diskutime aq serioze dhe aq të thelluara, aq për të shkuar deri në gjenezë i zhvillimeve politike, por brenda tyre zhvillime që pritet të ndodhin vitin tjetër u diskutuan aty”, tha analisti./abcnews.al

byoja.jpg
G. P.14:51 | 26/07/2018

Mbyllja e këtij sesioni parlamentar, ligji i magjistratëve dhe diskutimet e fundit rreth reformës në drejtësi ishin çështjet që u diskutuan në Byro Politike.

Të ftuar: Vasilika Hysi, deputete e PS; Enkelejd Alibeaj, deputet i PD-së; Silva Caka deputete e LSI-së dhe Alfred Peza, analist.

Mes të ftuarve u diskutua rreth zhvillimeve më të fundit të KPK-së. Hysi tha se nuk ka arsye për të akuzuar për dy standarde.

Ndërkohë Alibeaj tha se nuk ka Gjykatë Kushtetuese, Gjykatë të Lartë dhe prokurore të Përkohshme gjë që është problematike./abcnews.al

 

WEB-PROVOKACIJA-10.07.2018-1280x720.jpg
ent ela10:30 | 11/07/2018

Të ftuar në emisionin e radhës në “Provokacija” nga Mustafa Nano ishin:

1. Skënder Gjinushi, politikan dhe akademik. Rikthim në identitet e ka konsideruar Gjinushi rikthimin e tij  në profesionin e akademikut. Në cilësinë e kryetarit të komisionit ai ka folur për reformimin e Akademisë së Shkencave. Sipas tij në vend të reformimit tendenca ka qenë për elemimin të Akademisë. Akademia është pasoja, jo shkaktare e rënies së cilësisë, sa i përket dhënies së titujve doktoraturat dhe profesorë.

 2. Jon Tarifa, kantautor. Ka folur për muzikën e tij dhe muzikën e rrugës që sipas tij ka shumë talente.

3. Alfred Peza, Gazetar. Ai ka folur për revolucionin në gazetarinë shqiptare në këto 25 vjet nga jeta reale në atë virtuale që është sot, si edhe për fenomenin “fake news”. /abcnews.al

BYRO-POLITIKE-27-QERSHOR-2018-1280x720.jpg
ent ela10:50 | 28/06/2018

Qershori 2019 do të jetë përcaktuesi kryesor se çfarë do të ndodhë me këtë procesin e hapjes së negociatave me BE-në. Mazhoranca e ka konsideruar sukses, kurse opozita dështim. Për të folur rreth këtij procesi në studion e “Byro Politike” kanë diskutuar Grida Duma, deputete e PD-së, Ervin Bushati deputet i PS-së, Klajda Gjosha deputete e LSI-së, Alfred Peza, gazetar dhe në lidhje direkte zv/ministri për Europën, Gent Cakaj.

Për deputeten demokrate Grida Duma. ky është një kthim mbrapa në një kohë që pritej një PO e sigurtë sipas deklaratave të qeverisë. Sipas Dumës krimi i organizuar dhe droga janë kthyer në një dokument të paprecedentë. “Është e papranueshme strategjia që kemi fituar, pasi jemi të fundit në rajonin ballkanik”.

Deputeti socialist Ervin Bushati deklaroi se Shqipëria ka një rrugë të pakthyeshme drejt BE-së dhe në qershor pritet të hapen negociatat, falë progresit të reformave. Për Bushatin mbetet ende shumë për të bërë dhe qeveria do të vijojë të plotësojë kërkesat.

Depuetetja e LSI-së Klajda Gjosha e konsideron  vendimin një dështim triumfin e paraqitur nga qeveria, Sipas saj ky është një mashtrim i madh që u bëhet shqiptarëve, si politikisht dhe teknikisht. “Vendimi nuk ka të bëjë fare me çeljen e negociatave të Shqipërisë, por do të diskutohet në qershor të 2019. Shqipëria do e këtë të pamundur edhe qershorin e 2019. Ne kemi disa kushte që i janë shtuar vendit tonë që kanë të bëjë me reformën zgjedhore dhe azilkërkuesit”.

Gazetari Alfred Peza citoi presidentin Meta, i cili thotë se ne duhet ta vlerësojmë vendimin e KE dhe Knut Fleckenstein. Në këndvështrimin e tij, Peza thekson se është hapur drita jeshile për çeljen e negociatave në Qershorin 2019 dhe nuk ka kthim prapa.

Zv/ministri për Europën Gent Cakaj në një lidhje direkte në ABC News tha se nuk bëhet fjalë për kushte të reja, por për thellim të reformës. /abcnews.al

evis-kushi.jpg
G. P.12:43 | 21/06/2018

Në Byro Politike u debatua rreth çështjes së Teatrit të ri Kombëtar.

Të ftuar ishin: Evis Kushi, deputete e PS; Klevis Balliu, deputet i PD; Alfred Peza, analist dhe Alfred Lela, analist.

Këtë javë, komisioni i medias u përfshi nga një përplasje fizike dhe verbale, gjatë seancës dëgjimore që ishte parashikuar me ministren e Kulturës, por që mori pjesë edhe kryetari i Bashkisë së Tiranës, Erion Veliaj.

Pikërisht për këtë çështje u diskutua mes të ftuarve në “Byro Politike”./abcnews.al

byroja.jpg
G. P.10:07 | 07/06/2018

PS-PD në prag të vendimit për negociatat ishte tema në Byro Politike.

Të ftuar: Ervin Bushati, deputet i PS; Grida Duma, deputete e PD; Alfred Lela, analist dhe Alfred Peza, gazetar.

Mes  të ftuarve u diskutua rreth vendimit që do të marrë Këshilli i Europës për hapjen ose jo të negociatave me Shqipërinë.

Sipas Grida Dumës, kusht për hapjen e negociatave është shkarkimi i Fatmir Xhafajt nga posti i ministrit të Brendshëm./abcnews.al

byroja.jpg
G. P.11:17 | 26/05/2018

Në pritje të protestës ishte tema që u diskutua këtë të premte në “Byro Politike” nga Juli Xhokaxhi.

Të ftuar në studio ishin: Dhurata Çupi, deputete e PD; Klotilda Ferhati, deputete e PS; Alfred Lela, analist dhe Alfred Peza, gazetar.

Mes të ftuarve u diskutua rreth arsyeve që njerëzit pritet të dalin në shesh për të protestuar. Sipas deputetes Çupi, kjo do të jetë një nga protestat më të mëdha në Shqipëri.

Ndërkohë sipas deputetes tjetër, Klotilda Ferhati, protesta është e pakuptimtë sepse opozita duhet të jetë në parlament për të punuar me ligjet./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono