Alfred Lela

ANALISTET-1280x483.jpg
G. P.12:28 | 17/02/2019

Protesta e djeshme e opozitës është komentuar mbrëmë në studion e ABC News nga disa analistë të ftuar. Ata u bashkuan në qëndrimin për masivitetin e protestës. Por kanë opinione të ndryshme lidhur me aktet e dhunës nga protestuesit apo përmbushjen e pritshmërive të kësaj proteste.

Artan Hoxha: Ata që lexojnë protestën me trurin e tyre dhe jo diku gjetkë kuptojnë që ata njerëz që sot ishin në shesh janë vetëm maja e ajsbergut e një piramide shoqërore që shprehet përmes tyre. Vjen një njeri mund të ketë 70 veta fis mbrapa, njerëzit e delegojnë mesazhin e tyre përmes atyre që kanë mundësi të vijnë. Masiviteti dhe qëndrueshmëria dhe kohëzgjatja e protestës janë mesazhi që duhet të lexojë çdo njeri, qoftë politika, qoftë gazetar, qoftë analist, qoftë çdo shqiptar. Ky është mesazhi. Shoqëria në mënyrë masive është tashmë jo vetëm e pakënaqur jo vetëm në mëri, por deri në urrejtje. Nuk ka pasur opozita shqiptare plan për të përdorur dhunën e asaj fuqie që ishte sot. Qeverisë i interesonte të vërtetonte atë që akuzoi që në fillim se opozita është përgatitur për dhunë.

Artan Hoxha: 21 Janari nuk u përsërit sepse reagimi i Policisë së Shtetit dhe Gardës së Republikës nuk ishte si ai i 21 Janarit. Ata zgjodhën midis dy të këqijave të keqen më të vogël. Pra dëmet materiale sado të mqëdha qofshin janë të rekuperueshme, jetët njerëzore nuk janë të rekuperueshme. Vura re një grup njerëzish pothuajse afërsisht pesë më shumë apo pesë më pak, pothuajse aq ishin sepse nuk dua të përfshij në një përfshirje aq të madhe njerëzish përqindja e tyre ka qenë minimale në krahasim me numrin e madh, por çfarë ndodhi. Aty pati fillimisht një përplasje fizike. Policia thjesht kishte krijuar një kordon. U godit me mjete të forta, kryesisht, drunj, shkopinj që dukeshin që në momentin që erdhën, pankartat ishin shumë të vogla, shkopinjtë ishin shumë të mëdhenj. Së dyti tek hyrja e kryeministrisë u hodhën lëndë djegëse, bomba molotov.  

Alfred Lela: Numrat e tregojnë një histori gjithmonë dhe historia që treguan numrat është që zemërata popullore është kanalizuar, njerëzit janë vetëdijësuar. Protesta dhe jo mitingjat perse siç jemi mësuar të shohim mitingjet me shumë zhurmë, me shumë fjalime. Kjo protestë i caktoi vetes një stacion tjetër. I dha kryeministrit një shenjë. Stacioni është e enjtja. Premtimet për protesta janë si premtimet për të bërë ndryshime vijnë në qeveri. Të thuash që do e rrëzoj me 16 është si të thuash që do i hap Shqipërsië 300 mijë vende pune. Lajmi i mirë është që njerëzit nuk u vranë, lajmi i mirë ishte që njerëzit dolën, protestuan.

Preç Zogaj: Duhet të biem dakord dhe të kuptohemi me njerëzit. Retorika politike nganjëherë shtron pritshmëri që synojnë të nxisin publikun, pjesëmarrjen. Nuk ka ndodhur që të bien qeveritë me protesta që organizon opozita. As në Shqipëri, dy herë që është shkurtuar mandati i qeverisjes ka ndodhur nga reolta popullore, situata të jashtëzakonshme, protestat e sindikatave të pavarura të minatorëve, në 97’ ishte protesta e kreditrëve që kishin humbur paratë në firmat piramidale. Opozitat i kanë shfrytëzuar këto momente, por nuk kanë qenë ata protagonistët. Një protestë e thirrur nga opozita, pavarësisht se aty thuhej që opozita e thirri, por nuk e drejtojmë ne, kishte një lloj kakofonie, por në thelb e thirri opozita dhe e mbylli, këtë arrin./abcnews.al

alfred-lela-1280x742.jpg
ent ela19:55 | 16/02/2019

Gazetari Alfred Lela është shprehu se protesta e opozitës sot fitoi një stacion tjetër. Analisti tha se kjo protestë i dha Ramës një shenjë. “Njerëzit janë ndërgjegjësuar. Përmasat që kishte protesta ishin pozitive”, tha Lela.

Por çfarë fitoi kjo protestë?

Sipas analistit, “protesta i caktoi vetës një stacion tjetër dhe i dha Ramës një shenjë. Stacioni është e enjtja”.

E ndërsa po komentonte gjuhën që ka përdorur Basha dhe Kryemadhi gjatë ditëve përgatitore të protestë, ku janë shprehur se nëse sot nuk largohej Rama do largoheshin ata, gazetari tha:

“Sigurisht që gjuha është më e ngarkuar sesa protesta mund të jetë. Çdo aksion politik është më i vogël sesa është fjala. Fjalën me aksioni nuk maten dhe po të ishte kështu asnjëherë nuk mund të arrijmë asgjëkund. Unë nuk besoj se dobësi procesin dhe Rama është me i forti që nuk u rrëzua sot. Rama nuk rrëzohet brenda ditës. Unë i besoj këtij rrethimit të butë ku do të ketë një goditje finale”.

Ndërsa reagimin e ndërkombëtareve për protestën gazetari e ka quajtur të nxituar.
“Reagimi më i nxutuar dhe më i pavend që kam parë deri më sot. Ky bëhet me vend vetëm nësë ndërkombëtarët kanë pasur informacione për ata deklarata. Nëse nuk kanë pasur një inteligjentë për zhvillimet që mund të ishin të dhunshme është një nxitim i madh”. /abcnews.al

ALFRED-LELA-1280x720.jpg
ent ela12:00 | 07/11/2018

Zgjedhjet e mes mandatit në Shtetet e Bashkuara të Amerikës ishin në fokus të bisedës në studion e Mbrëmje në ABC News të Mirela Milorit me gazetarin Afred Lela dhe në lidhje direktë nga uashingtoni gazetarja e Zërit të Amerikës Laura Konda. Sipas gazetares Konda këto zgjedhje shihen si një referndum për presidentin Trump, një lloj votëbesimi për presidentin dhe kabinetin e tij. Gazetari Lela ka komentuar edhe situatën politike në vend dhe mosdekretimin e Sandër Lleshit në postin e Minsitrit të Brendshëm nga Presidenti Meta. /abcnews.al

 

BYRO-POLITIKE-DT-22-00001.mpg_snapshot_02.26-1280x720.jpg
ent ela23:05 | 22/10/2018

Mbrëmjen e sotme u fol për të cilësuarin “megaoperacionin” nga ana e autoriteteve, ku 27 persona u arrestuan, mes tyre personazhe të njohur në botën e krimit dhe të politikës. Të ftuar në puntatën e radhës së emisionit “Byro Politike” nga gazetarja Juli Xhokaxhi ishin: Alfred Lela drejtues i politiko.al; Enton Abilekaj FAX News; Mentor Kikia Klan Plus dhe Armand Bajarami gazetar në ABC News.

Në lidhje me goditjen politike ku dy ish deputetët janë në qeli, ndërkohë që Arben Ndoka ka qenë një emër i akuzuar nga opozita, ishte e paralajmeruar per Ndokën?

Lela: “Arrestimi i Ndokës është vetëm një prej lajmeve, siç është lajm që policia dhe prokuroria po lëvizin pas një kohe letargjie. Ngjyrat politike të kësaj situate përfaqësohen nga deputetët. Prania e Çukos është habi, ndërsa Ndoka është vonesë. Pavarsisht ngjyresave operacioni është pozitiv.”

Për faktin se këto arrestime bëhen në të njëjtën operacion ku përfshihen emra të krimit të ftuarit shprehen:

Kikia: “Arrestimi i deputeteve nuk u bë si pasojë e një operacioni antikorrupsion. Ndoka nuk është arrestuar si një proces i hapur ndaj tij. Ata nuk kanë qenë nisma ndaj prokurorisë ndaj zyrtarëve të lartë ata kanë dalë të implikuar gjatë një përgjimi kriminal. Është zinxhir i përpunimit të drogës. Gjatë përgjimit të një grupi që merrej me përpunimin dhe transportin në Shijak kanë rezultuar edhe emrat e këtyre ish zyrtarëve të cilët nuk kanë të bëjnë me aktivitetin kriminal të grupit, por zbulohen rastësisht nga përgjimet për gjëra të tjera.”

A ishte arrestimi i ish deputetëve si pasojë e presionint nga ndërkombëtarët?

Abilekaj: “Aksioni i policisë ndaj një grupi kaq të madh duhet përshëndetur. Për Ndokën mund të nisej një hetim për të shkuarën. Duke pasur parasysh se një njeri që pavarsisht me të shkuar kriminale është në parlament dhe pavarsisht se jep dorëheqjen vazhdon me aktivitet kriminal, duhet që kryeministri që krenohet me ligjin që dënon këdo, të japë një përgjigje. ”

Të pyetur për informacionet e deritanishme për situatën e deputetëve Ndoka dhe Çuko të ftuarit thanë se:

Bajrami: Kemi një frymë pozitive nga organet ligjzbatuese sepse nuk është hera e parë e një situate të tillë, më parë janë pluhurosur në regjistrat e prokurorisë, në rastin në fjalë kemi nje frymë ndryshe. Hetimi ka nisur në dhjetor të vitit 2016 pas dyshimeve për Abdylajt në zonën e Shijakut. ”

A kemi të bëjmë me nje rrjet të strukturuar kriminal?

“Sipas prokurorisë të gjithë janë të lidhur. Për Çukon hetimet janë për disa biseda mes shoferit dhe një ndërmjetësi ku diskutojnë per Olsin Karagjozin e dënuar në burg dhe transferimin e tij. Ku diskutohet për 3000 euro dhe një makinë për këtë transferim. Ndarja e këtij rrejti ka qenë e llahtarshme, në të gjithë tentakulat që përfshinin të gjithë Shqipërinë, janë përgjegjës për trafikimin e 2.7 tonëve kanabis në Itali. Korrupsione në polici, hipotekë. Hetimi është në zhvillim e sipër. ”

Kikia: “Operacioni u finalizua me ardhjen e drejtorint të policisë federalë gjermane. Unë mendoj që një nga arsyet e arrestimit të deputeteve ka qenë fakti se ka detyrim për të çuar në arrest dy ish zyrtarët. Çdo zbulim shkund të dhena për aktivitete te tjera. Ajo dosje është e përkthyer në gjermanisht, në mos ka ardhur gjermanisht dhe është përkthyer në shqip. Ata nuk mund të toleronin. Tani shpresoj të jenë mbledhur prova mjaftueshëm sepse ndodh që në fund në gjykatë shkojnë 3 vetë”.

Të ftuarit gjithashtu interpretuan dhe reagimet e kryeministrit Rama për këtë çështje.

Lela: “Nuk është se këto arrestime i vunë kapak të gjitha arrestimeve. Të mos gëzohemi sepse kjo që ka ndodhur ka qenë karrem ku ata kanë rënë në grep rastësisht. Ka disa implikime në këto arrestime, i moskapuri Lul Berisha ka marrë një certifikatë politike për lirim nga kryetari i Bashkisë së Durrësit. Implikim policor ka dhe tek peshqit më të mëdhënj, të moskapurit, mua më bën të dyshoj se ka pasur një sinjalizim. Këto arrestime janë pasoja të republikës së z.Rama. Këta dy zotërinj nuk besoj se janë në krye të babëzisë së zinxhirit ushqimor në politikë. Rama nuk e ka luksin e reagimeve.”

Abilekaj:“Në shijak nuk ka pasur asnjë lloj dekonspirimi. Ata që u kapën janë kokat e një organizate të njohur prej shumë vitesh dhe që kohët e fundit mbështetnin PS.”

Bajrami: “Lulzim Berishës i është bërë një kontroll banese pa një kontroll gjykate 24 orët e fudnit. Deri në këto momente nuk ka një urdhër arresti apo masë sigurie për të.”

Kikia: “Sipas atyre që kanë dalë, Lul Berisha nuk implikohet. I vetmi veprim që e implikon është kontrolli i banesës, por që nuk u gjet gjë. Mosimplikimi i tij mund të jetë taktikë e policisë për të mos dekonspiruar deri tani, nëse ai është i përfshirë”.

Të ftuarit gjithashtu folën edhe për reagimin e kreut të opozitës Lulzim Basha, ku u shpreh se peshku i madh është kryetari i Bashkisë Durrës, Vangjush Dako.

Lela: “Dako është i dyshuari i zakonshëm. Ajo që lexoj tek deklarata e z.Basha është se opozita do të vazhdojë me ritmin e përballjes për të shkuar tek “të tjerët” tek ata që janë me gjithë mend peshqit të mëdhenj. Sepse dyshoj shumë se këto janë ende pak dhe pse policia dhe prokuroria ka shumë punë për të bërë.”

Abilekaj: “Në fashikujt e prokurorisë në çështjen Babale-Alizoti ai ishte më shumë se kurrë nën akuzëm e krimit dhe kjo i erdhi në momentin e duhur.”

Rama ka deklaruar prisni deri nesër se aksioni vazhdon, a është ai në dijeni të të dhënave të tjera?

Lela: “Kjo është një rrezik tjetër pasi është veprim politik sërish. Ka një lloj bombardimi mediatik sepse nuk dihet se e gjithe kjo është një dalje apo është hetim me gjithë mend.”

Kikia: “Ky ka një dozë marketimi politik të të gjithë operacionit. Por pompimi është shumë i madh dhe kjo lidhet me maninë e qeverisë për ta vjelur këtë histori.”

Gjithashtu u dikutuar edhe për dorëheqjen e Arben Isarajt pas arrestimit të vëllait të tij.

Abilekaj: “Akti i Isarajt vuri në pozitë të vështirë ministrin e Brendshëm. Mesazhi i kësaj dorëheqeje është se ai mban një përgjegjësi morale. Dorëheqja e këtij zyrtari për shkak se iu arrestua vëllai e nxjerr zbuluar ministrin.”

Çfarë informacionesh ka deri më tani për lokalizimin e Klemend Balilit?

Bajramit: “Rasti i Balilit nuk ka qenë synim i këtij operacioni por ka qenë një informacion që ai ka qenë në një zonë të Sarandës por nuk e kanë gjetur. Bëhet fjalë për një kontroll rutinë sipas informacionit po nuk ka finalizuar këtë arrestim.”

Kikia: “Njerëz si Balili që kanë suport politik dhe popullor dijnë të fshihen. Shpresoj që të mos ketë dekonspirim.”

Rama u shpreh se nesër priten rezultate të tjera. Do të ketë emra të rinj apo finalizim të këtij operacioni në fjalë?

Lela: “Këto paralajmërime më duken pa sens. Ç’kuptim ka, njerëz të pushtetshëm ta bëjnë propagandën pas.”

Bajramaj: “Në këto moment në Shijak po bëhen akoma kontrolle banesah në kuadër të këtij operacioni. Nuk mund të flas me siguri, por jo zyrtarisht më është thënë që edhe në ditët në vijim do të ketë të tjera arrestime të forta.”/abcnews.al

PJ-2-ALFRED-LELA.mpg_snapshot_19.53-1280x720.jpg
ent ela21:26 | 18/09/2018

Gjesti i duarve te Granit Xhakës dhe Xherdan Shaqirit në ndeshjen e botërorit Serbi-Zvicër bëri bujë në mediat ndërkombëtare. Për këtë çështje i ftuar në “Provokacija” nga Mustafa Nano, drejtuesi i Politiko.al Alfred Lela.

Sipas Lelës, Kampionati Botëror i Futbollit duhet të jetë simfoni e shenjave dhe simboleve të një kombi, përderisa ata nuk janë fyese dhe ofenduese.

“Shqiponja shqiptare nuk ka ngarkesë agresive. Qëndrimi zvicerian më zemëroi, nuk mund ta kesh ekipin fizikisht multikulturor dhe shpirtërish unikulturor.”

Ai u shpreh se shqiponja e bërë gjatë lojës së Zvicrës nuk është gjest politik në raport me Zvicrën pasi 4 lojtarë janë me ekipin dhe ata kanë treguar besnikëri duke mos e lënë Zvicrën.

“Shqiptarët janë më të mirët e asaj skuadre. Duhet të guxojmë të jemi jo politikisht korrekt sepse e kundërta grumbullon një zemërim që mbulohet. Nuk jemi ne shkaktarët, nuk duhet të biem në rolin e viktimës pasi nuk është faji ynë.”

Në lidhje me çështjen e shkëmbimit të territoreve mes Kosovës dhe Serbisë, Alfred Lela tha se nëse palët bien dakord për një shkëmbim adekuat territoresh atëhere marrëveshja duhet të bëhet./abcnews.al

BRUNA-CIFLIGU-INTERVISTE-ALFED-LELA-1280x720.jpg
ent ela12:42 | 11/08/2018

Termi korrigjim kufijsh mes Kosovës dhe Serbisë i artikuluar nga Presidenti Hashim Thaçi shkaktoi një lumë reagimesh gjatë javës, jo vetëm në Kosovë, por edhe në Serbi e më gjerë. Kundërshtues i kësaj ideje u prononcua kryeministri Haradinaj, i cili e quan të pamundur një gjë të tillë. Ky është dhe fokusi i “Balkan ABC” për këtë javë në një intervistë me drejtorin e “Politiko.al”  Alfred Lela. /abcnews.al

evis-kushi.jpg
G. P.12:43 | 21/06/2018

Në Byro Politike u debatua rreth çështjes së Teatrit të ri Kombëtar.

Të ftuar ishin: Evis Kushi, deputete e PS; Klevis Balliu, deputet i PD; Alfred Peza, analist dhe Alfred Lela, analist.

Këtë javë, komisioni i medias u përfshi nga një përplasje fizike dhe verbale, gjatë seancës dëgjimore që ishte parashikuar me ministren e Kulturës, por që mori pjesë edhe kryetari i Bashkisë së Tiranës, Erion Veliaj.

Pikërisht për këtë çështje u diskutua mes të ftuarve në “Byro Politike”./abcnews.al

byroja.jpg
G. P.10:07 | 07/06/2018

PS-PD në prag të vendimit për negociatat ishte tema në Byro Politike.

Të ftuar: Ervin Bushati, deputet i PS; Grida Duma, deputete e PD; Alfred Lela, analist dhe Alfred Peza, gazetar.

Mes  të ftuarve u diskutua rreth vendimit që do të marrë Këshilli i Europës për hapjen ose jo të negociatave me Shqipërinë.

Sipas Grida Dumës, kusht për hapjen e negociatave është shkarkimi i Fatmir Xhafajt nga posti i ministrit të Brendshëm./abcnews.al

byroja.jpg
G. P.11:17 | 26/05/2018

Në pritje të protestës ishte tema që u diskutua këtë të premte në “Byro Politike” nga Juli Xhokaxhi.

Të ftuar në studio ishin: Dhurata Çupi, deputete e PD; Klotilda Ferhati, deputete e PS; Alfred Lela, analist dhe Alfred Peza, gazetar.

Mes të ftuarve u diskutua rreth arsyeve që njerëzit pritet të dalin në shesh për të protestuar. Sipas deputetes Çupi, kjo do të jetë një nga protestat më të mëdha në Shqipëri.

Ndërkohë sipas deputetes tjetër, Klotilda Ferhati, protesta është e pakuptimtë sepse opozita duhet të jetë në parlament për të punuar me ligjet./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono