aleatët

basha-meta.jpg
ger ta15:10 | 17/11/2019

Partia Demokratike dhe aleatët e saj i janë përgjigjur pozitivisht ftesës së Presidentit të Republikës Ilir Meta për një takim lidhur me krizën politike që po kalon vendi. Burime zyrtare nga Partia Demokratike konfirmojnë për ABC NEWS se takimi është fiksuar të mbahet ditën e hënë, ndërkohë që kabinetet janë duke dakordësuar orën e takimit.

Opozita pritet të ketë një ditë të ngjeshur pune këtë të hënë kur në axhendë të takimeve është parashikuar edhe një mbledhje në selinë blu me përfaqsues të OSBE-së për reformën zgjedhore.

E hëna pritet të jetë një ditë e ngjeshur edhe për kreun e shtetit, ku ashtu siç ka paralajmëruar ditën e tij të punës do ta nisë me padinë ndaj kreut të Këshillit të Emërimeve në Drejtësi, Ardian Dvorani për të cilin ka pohuar se ka fakte tronditëse për tentativa  të kapjes së Gjykatës Kushtetuetse.

Përplasja e krijuar mes institucionit të Presidentit dhe Qeverisë për anëtarët e Gjykatës Kushtetuese pritet të jetë një tjetër çështje që Presidenti do të diskutojë me partitë e opozitës.

Një ftesë për takim kreu i shtetit i ka dërguar edhe Këshillit të Ambasadorëve, ndërkohë që priten edhe takime me ish-presidentë./abcnews.al

selia-pd.jpg
nev ila12:27 | 21/10/2019

ABC News ka mësuar se Kryetari i Partisë Demokratike, Lulzim Basha do të mbledhë aleatët. Pasditen e sotme në orën 17:00 Basha do të presë në selinë e PD kryetarët e partive të aksionit opozitar.

Lulzim Basha sot më herët, ka dhënë edhe një konferencë për shtyp, ku ka kërkuar dorëheqjen e kryeministrit Rama, pas dështimit me hapjen e negociatave për anëtarësim në BE, të Shqipërisë dhe Maqedonisë më 18 tetor./abcnews.al

trump-g7-1280x818.jpg
nev ila13:24 | 25/08/2019

Presidenti Donald Trump i ka quajtur të rreme dhe të neveritshme lajmet e publikuara në media për një ftohje mes tij dhe liderëve të grupimit G7. Përmes një postimi në Twitter, Trump ka thënë se me aleatët perëndimorë po shkon shumë mirë.

Presidenti amerikan Donald Trump deklaroi të dielën se po shkon shumë mirë me aleatët perëndimorë në samitin e G7-s që po mbahet në Francë, duke hedhur poshtë zërat për një ftohje me liderët e tjerë.

Samiti i G7-s po mbahet në një kohë kur janë rritur shqetësimet për një tkurrje të ekonomisë globale, që përkon me një epokë përçarjeje ndërkombëtare për një sërë çështjesh, të cilat kanë cënuar aleancat që zgjasnin prej dekadash.

“Përpara se të mbërrija në Francë, lajmet e rreme dhe të neveritshme thoshin se marrëdhëniet me 6 vendet e tjera janë shumë të tensionuara dhe se takimet dyditore të samitit do të ishin një katastrofë”, shkroi Trump në Twitter përpara takimit me kryeministrin britanik Boris Xhonson.

“Por ja ku jemi. Po zhvillojmë takime shumë pozitive, liderët po merren vesh shumë mirë dhe vendi ynë ekonomikisht është më mirë se kurrë”, vijoi Trump.

Sidoqoftë, dallimet e thella sa i takon proteksionizmit tregtar, ndryshimeve të klimës, çështjes së Iranit dhe thirrjes së Francës për një taksë universale për gjigandët e teknologjisë dixhitale kanë bërë që re të zeza të mblidhen rreth samitit.

Në prag të takimit, Trump kishte kërcënuar se Shtetet e Bashkuara do të taksonin verën franceze si “kurrë më parë”, nëse Parisi zyrtar nuk heq taksën për kompanitë amerikane të teknologjisë.

Ndërsa presidenti i Këshillit Europian, Donald Tusk paralajmëroi se BE do t’i përgjigjet në të njëjtën mënyrë Shteteve të Bashkuara, nëse Trump konkretizon kërcënimet e tij.

“Ky samit mund të jetë shansi i fundit për të rikthyer normalitetin në komunitetin tonë politik”, tha Tusk ditën e shtunë./ABC News Albania 24/7

pd-selia-1280x718.jpg
nev ila19:26 | 01/07/2019

Partia Demokratike pas deklaratës se kryesueses së OSBE/ODHIR Audry Glover për zgjedhjet e 30 qershorit, aleatët opozitarë janë mbledhur në një takim në selinë e Partisë Demokratike.

Ish-deputeti i PD, Oerd Bylykbashi  tha se raporti paraprak  i OSBE  ODHIR vërtetoi, sipas tij, se zgjedhjet janë farsë dhe të jashtë ligjshme.

ODIHR u tha shqiptarëve se me 30 qershor nuk pati zgjedhje, ku zgjedhësit shqiptarë të kishin mundësi për të bërë zgjedhje të lira, të ndershme dhe me plot mundësi për ata që t’i përfaqësojnë. ODIHR deklaroi pa asnjë ekuivok se e vetmja gjykatë për të shqyrtuar dekretet e presidentit të republikës për datën e zgjedhjeve është Gjykata Kushtetuese.

Kapja e plotë e Komisionit Qendror të Zgjedhjeve dhe të gjitha komisioneve zgjedhore nga Partia Socialiste si dhe refuzimi i të drejtës së partive opozitare për të patur anëtarët e tyre në komisione, sipas ODIHR-it dhunoi Kodin Zgjedhor dhe qëllimin e tij për të siguruar balancimin politik të komisioneve zgjedhore, me qëllim garantimin e të drejtave bazë të zgjedhësve”, tha Bylykbashi.

Fatmir  Mediu  pasi falënderoi qytetarët që refuzuan zgjedhjet farsë sipas tij edhe raportit paraprak  i OSBE ODIHR ishte në të njëjtën linjë.

“Qytetarët shqiptarë treguan edhe një herë në maksimum vlerat e tyre tashmë për të refuzuar një qeverisje të korruptuar por edhe një proces farsë elektoral e cila vërtetohet më së mira edhe nga raporti i OSBE-ODIHR ku u shpreh se nuk është plotësuar asnjë lloj standarti dhe kjo është e papranueshme pas 30 vitesh demokraci”, deklaroi Mediu.

Mediu nuk përjashtoi edhe vazhdimin e protestave.

“Mendoj që çdo gjë që garanton zgjedhje të lira e të ndershme dhe i shërben interesave të shqipërisë duhet të zhvillohet si nga opozita dhe nga qytetarët”, tha Mediu.

Bylykbashi theksoi se procesi zgjedhor ishte nul dhe u dhunua kodi zgjedhor. Ai  theksoi se e opozita do të vijoi të nxjerrë shkelje e kontestuara nga vëzhguesit e tyre në terren./ABC News Albania 24/7

b16b8fe4-0399-4976-b560-d8f4b16fbb42-1280x853.jpg
nev ila22:18 | 27/06/2019

Pas humbjes së Stambollit në zgjedhjet lokale të Turqisë, dy ish-themelues të partisë së presidentit Erdoan kanë vendosur të shkëputen nga Partia për Drejtësi dhe Zhvillim dhe krijimin e një subjekt të ri politik, që do të rivalizojë kreun e shtetit. Lëvizja përbën një goditje për pozitat e Erdoan.

Dy figura të hershme të partisë së presidentit Recep Taip Erdoan, në Turqi, po planifikojnë krijimin e një grupi të ri politik. Lajmin e kanë bërë të ditur burime në dijeni të lëvizjeve politike turke, të cituara nga agjencia e lajmeve “Reuters”.

Sipas burimeve, bëhet fjalë për një lëvizje që ka gjasa të gërryejë mbështetjen për liderin turk, pas goditjes së marrë në zgjedhjet lokale me humbjen e Stambollit. Pas planit për shkëputje janë ish-zëvendës kryeministri Ali Babaçan dhe ish-presidenti Abdullah Gyl, të dy bashkëthemelues të partisë së Erdoan për Drejtësi dhe Zhvillim.

Zgjedhjet e së dielës shënuan humbjen e dytë të Erdoan, që përmes përsëritjes së tyre synonte të ruante kontrollin mbi qytetin më të madh të Turqisë. Gjithashtu, humbja inkurajoi kritikët e presidentit brenda partisë së tij, që prej kohësh kanë projektuar krijimin e subjekteve rivale për shkak të pakënaqësisë ndaj pushtetit të rritur të Erdoan.

Me reçesionin ekonomik, papunësinë dhe inflacionin e lartë që kanë dëmtuar qytetarët turq dhe kanë tkurrur mbështetjen për partinë për Drejtësi dhe Zhvillim, krijimi i një lëvizjeje të re politike përbën pa dyshim një goditje të rëndë për subjektin politik në fjalë, që aktualisht mbështetet tek aleanca me nacionalistët për të ruajtur mazhorancën në Parlament.

Burimet e cituara nga agjencia “Reuters” kanë deklaruar se Babaçan dhe Gyl ka gjasa ta formojnë partinë e re në vjeshtë dhe do të synojnë rikthimin e politikave të viteve të para të partisë së Erdoan, që asokohe promovoi një islam të moderuar me prirje perëndimore, si dhe promovoi tregun e lirë, gjë që i ofroi mbështetjen popullore afatgjatë./ABC News Albania 24/7

aleatet-1280x705.jpg
ad min13:50 | 27/06/2019

Kreu i Partisë Demokratike dhe aletatë e tij kanë pasur takime gjatë ditës së sotme me Presidentin e Republikës Ilir Meta. Kreu i LZHK-së, Dashamir Shehi deklaroi pas takimit me Ilir Metën, se pritet që Presidenti të dekretojë një datë të re për zgjedhjet lokale, duke qenë se nuk e njeh më 30 Qershorin.

Ndërkohë, menjëherë pas deklaratës, Shehi së bashku me anëtarët e tjerë të Grupimit të Djathtë janë nisur drejt selisë blu, aty ku ndodhen në takim kryetari i PD-së, Lulzim Basha dhe kryetarja e LSI, Monika Kryemadhi.

Pritet që në orët në vijim, si nga Presidenca ashtu edhe nga opozita, të ketë deklarata mbi një datë të re të mundshme për zgjedhjet lokale.

Sa i përket mazhorancës, Kryeministri Edi Rama ka reaguat në Twitter duke ironizuar takimet e sotme ku shkruan: “Zyrtare sot: Selia e opozitës rrugore është Presidenca e Republikës dhe udhëheqësi i katër galaktikëve të shtabit të revolucionit imagjinar për të mbrojtur me dhunë republikën e votën e popullit nga vetë populli, është vetë ai, Salvator Haxhi Qametaj. Çfarë karnevalesh politike. Qeshni me ta dhe me qetësi e dashuri t’u japim një mesazh kumbues të dielën,duke votuar ose mosvotuar,por duke qenë të gjithë bashkë në një mendje se Shqipëria s’mund të jetë kurrë, një shesh për përsheshin e gatuar tërë këta muaj, të cilin duhet ta hanë ata që na e servirën”.

Një ditë më parë kreu i qeverisë refuzoi ftesën e Metës për dialog duke theksuar se zgjedhjet do të zhvillohen më 30 Qershor./abcnews.al

DASHAMIR-SHEHI-SINKRON-abcm4t1.mpg_snapshot_00.11-1280x720.jpg
ent ela14:10 | 24/06/2019

Shtrëngojnë duart e njërit-tjetrit se ato të kundërshtarit të përbashkët politik i janë larguar më shumë me afrimin e 30 Qershorit.

Për afro 1 orë e 30 minuta, kryetari i Partisë Demokratike Lulzim Basha diskutoi me kryetarët e Partive Aleate aksion opozitar në këto pak ditë që kanë mbetur nga zgjedhjet vendore.

Me hir apo me pahir votime në 30 Qershor nuk do të ketë. Mesazhin kryeministrit Edi Rama ia transmeton në emër të opozitës së bashkuar Dashamir Shehi.

Ne do shkojmë të përballemi në çdo cep të Shqipërisë me këtë juntën e re politike, quheni si të doni. Ne këto zgjedhje nuk do i njohim. Në 30 Qershor nuk do ketë votime, kemi shumicën e shqiptarëve me vete. Jemi të qetë që po bëjmë gjënë më të mirë për Shqipërinë që po kalon një fazë të paprecedentë”, tha ai.

Kryetari i Lëvizjes për Zhvillim kombëtar nuk është i surprizuar nga vendimi i kolegjit zgjedhor që u vu në radhë me Komisionin Qendror të Zgjedhjeve kundër dekretit të presidentit për anulimin e 30 qershorit.

Kolegji Zgjedhor mori sot një vendim me një pati fantazmë. Kolegji në vetvete është një lloj fantazme, nuk ka më asnjë vlerë juridike dhe politike. Kolegjit i ka ra rasti me marr ca vendime të vështira, për veten e vet jo për ne, se ne nuk i njohim ato vendime”, tha ai.

Protesta është kryefjala e opozitës, paqësore apo e dhunshme merr një përgjigje të thjeshtë nga Dashamir Shehi.

“Rrezikshmëria e këtij presioni dhe këtij grupi është kaq e madhe saqë justifikon çdo lloj formë rezistence”, tha ai.

Opozita ka nisur përgatitjet edhe për të refuzuar publikimin e listave të zgjedhësve dhe hapjen e qendrave të votimit në bashkitë që drejtohen prej tyre./ABC News Albania 24/7

46354c29-1bbb-4ffc-a5cc-41789c1c8335-1280x853.jpg
ad min14:20 | 14/06/2019

Kryetari i Partisë Demokratike Lulzim Basha ka mbledhur sot në një takim aleatët opozitarë për të diskutuar lidhur me zhvillimet më të fundit politike si dhe vazhdimësinë e aksionit opozitar. Njëri nga drejtuesit e partive aleate, Fatmir Mediu i Partisë Republikane, tha pas mbledhjes se protestat do të vazhdojnë deri në largimin e Kryeministrit Edi Rama, por pa dhënë një datë për tubimin e radhës.

“Është shumë e rëndësime të kuptojmë se EDI Ram po frymëzon dhe organizon një grusht kushtetues në vend, jo vetëm duke u shprehu ,kundër dekretit të Presidenti në mënyrë anti-kushtetuese, por duke kontrollua të gjitha institucionet e këtij vendi dhe anti-kushtetuese. I gjithë organizimi i diskutimit të sotëm është që ne duhet të marrim çdo hap bashkë me qytetarët për të ndaluar këtë grusht shteti të organizuar nga Edi Rama”, tha Meta.

Më tej mediu tha: “Sjellja e Edi Ramës, duke arrestuar protestuesit e PD, është kriminale. Arrestimet e protestuesve na kthejnë në diktaturë dhe shqiptarët duhet të reagojnë përballë kësaj situate.  Ne vazhdojmë që të kërkojmë qeveri transitore dhe largimin e Edi Ramës, që të garantohen zgjedhje të lira.

Nëse Edi Rama kur erdhi në pushtet e gjeti Shqipërinë në NATO, ai ka sjell vetëm rrënim, e prandaj duhet të ikë që mos pengojë integrimin e vendit. Ne kemi thënë që  duhet të ikë Rama, duhet qeveri tranzitore”./abcnews.al

Lulzim-Basha-2.jpg
nev ila09:21 | 02/06/2019

Opozita shqiptare sot mban protestës e radhës në Tiranë, një ditë pas fillimit të fushatës zgjedhore nga PS për zgjedhjet e 30 qershorit.

Protesta organizohet nga Partia Demokratike dhe aleatët e tyre dhe do të zhvillohet në mbrëmje në orën 19:00.

Protesta do të zhvillohet para Kryeministrisë, ndërsa sipas burimeve njoftohet se, do të ketë edhe një marshim paqësor para Parlamentit, ashtu si edhe në protestën e 25 Majit.

Opozita shqiptare është shprehur e vendosur, gjatë gjithë këtyre ditëve në takimet e zhvilluara në qytete të ndryshme, se nuk do të ndërpres protestat deri në largimin e kryeministrit Rama, të cilin e akuzojnë për kapje të shtetit./abcnews.al

Orban-Salvini-800x450.jpg
ent ela11:20 | 27/05/2019

Zv/kryeministri Italian Mateo Salvini dhe kryeministri hungarez Viktor Orban, janë të dy fitues në vendet përkatëse, në zgjedhjet parlamentare europiane. Të dy deklaruan se tashmë Bashkimi Europian duhet të ndryshojë dhe se partitë antiemigracion duhet të kenë më shumë zë në vendimmarrje.

“Eshtë e qartë se rregullat europiane duhen ndryshuar, jemi partia e parë e Italisë dhe do ngremë zërin për të drejtat tona në Europë”.

Në këtë mënyrë Matteo Salvini komentoi rezultatet e para të zgjedhjeve parlamentare europiane; lideri i Legës në nisje të konferencës së tij për shtyp u shpreh se nuk do të përdorte këto vota për të kryer llogaritë e brendshme dhe se armiku i tij mbetej e majta.

Salvini theksoi disa herë se nuk do të kërkonte më shumë pushtet në qeverinë aktuale dhe se aleatët e qeverisë janë miq me të cilët duhet punuar në qetësi.

Nga ana tjetër sipas parashikimeve, ajo e Viktor Orban në zgjedhjet Parlamentare Europiane ishte një fitore e thellë. Partia e kryeministrit hungarez, Fidesz, ka marrë 52% të votave.

Kjo parti merr në këtë mënyrë 13 nga 21 vendet e caktuara për Hungarinë në Parlamentin Europian, një më shumë se në vitin 2014. Fidesz, disa javë më parë ishte përjashtuar nga partia popullore europiane për shkak të qëndrimit dhe të një fushate elektorale anti BE. Për më shumë Orban, i njohur për qëndrimin e tij të ashpër kundër emigrantëve, kishte propozuar një aleancë me Legën e zv/kryeministrit italian Salvini.

Pas publikimit të rezultateve, kryeministri hungarez Orban u shpreh se shpresonte në realizimin e një ndryshimi në arenën publike europiane në favor  të atyre partive që duan të ndalojnë emigracionin. /ABC news Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono