aldo ymeraj

vlcsnap-error609-1-1280x720.jpg
gra moz12:34 | 18/02/2018

60 ditë kohë i ka lënë Gjykata e Fierit SHBA-së për të paraqitur dokumentacionin e nevojshëm për ekstradimin e hakerit, Aldo Ymeraj. Pas këtij afati, ai do të lihet i lirë pasi policia shqiptare nuk ka nisur asnjë hetim ndaj tij në lidhje me akuzat për krime kibernetike.

25-vjeçari Aldo Ymeraj i njohur për shkak të akuzave per krime kibernetike nga FBI do të qëndrojë në burg për 60 ditë.
Pas këtij afati, hakeri Ymeraj ose do të ekstradohet drejt SHBA ose do të dalë i lirë. Procedura penale dhe praktika gjyqësore në rastet e dhënies së masës së arrestit me burg për efekt ekstradimi është e kufizuar brenda afateve të parashikuara nga legjislacioni. Në rastin e 25-vjeçarit, Gjykata vendosi afatin 60 ditor.
Kjo do të thotë se nëse dokumentacioni nga SHBA për ekstradimin e Ymerajt nuk është gati pas 2 muajsh atëherë ky i fundit do të lirohet. Precedentë të tillë në Fier nuk mungojnë, ku më i famshmi është rasti Kajolli. Policia shqiptare nuk ka filluar ndërkohë asnjë hetim të pavarur për hakerin nga Fieri.
Ai u arrestua bazuar vetëm në të dhënat dhe akuzat e FBI-së. Prokuroria dhe Policia e Fierit nuk japin detaje në lidhje me dokumentacionin që FBI ka dërguar deri tani për Ymerajn. I riu nga Fieri u arrestua për llogari të një hetimi që FBI ka ngritur për 36 persona në të gjithë botën. Këta akuzohen se vidhnin miliona dollarë para nëpërmjet internetit duke hyre në të të dhëna personale dhe institucionale./abcnews.al

vlcsnap-error280-1280x720.jpg
ent ela12:46 | 15/02/2018

Gjykata e Fierit la në burg pa afat të riun Aldo Ymeraj, i cili u arrestua në Tiranë, për llogari të FBI-së me akuzën për krim kibernetik. Gjykata e vendosi këtë masë, me qëllim ekstradimin e tij në SHBA.

Mbërriti në gjykatë i mbuluar me kapuç dhe i qetë.

Aldo Ymeraj u njoh me masën e sigurisë ndaj tij për akuza që vijnë nga përtej oqeanit.

Seanca në Fier u zhvillua me dyer të mbyllura.  Familjarë të 25 vjeçarit qëndruan jashtë dyerve të gjykatës dhe larg kamerave thanë e dinë fatin e djalit.

Mund të mos e shohim më për një kohë të gjatë ka thënë një i afërm i Ymerajt duke iu referuar ekstradimit të tij.

Gjyqtari Taluant Banushi vlerësoi të ligjshëm arrestimin e 25 vjeçarit dhe caktoi masën e arrestit me burg deri në ekstradimin e tij në SHBA  kërkesë të cilën e parashtroi prokurorja Ervisa Hyka.

Aldo ymeraj u arrestua ne Tirane për llogari të një hetimi që fbi ka ngritur për 36 persona në të gjithë botën.

Këta akuzohen se vidhnin para nëpërmjet internetit duke hyre në të të dhëna personale dhe institucionale. Nga ky aktivitet i themeluar në vitin 2010 prej një shtetasi ukrainas janë shkaktuar 530 milionë dollarë humbje për konsumatorë biznese dhe banka.

/abcnews.al

vlcsnap-error988-1-1280x720.jpg
ent ela15:38 | 14/02/2018

Mbi 1 mijë karta krediti ka arritur të klonojë në vendin tonë hakeri fierak Aldo Ymeraj, i vënë në pranga dy ditë më parë. Grupi hetimor thekson se 25-vjeçari ka arritur t’i bëjë qytetarëve dhe biznesmenëve një dëm prej 1.5 milionë euro, nëpërmjet transaksioneve bankare dhe blerjet online.

Hakeri më i famshëm shqiptar Aldo Ymeraj që kërkohet me ngulm të ekstradohet drejt SHBA-s kishte arritur të shtrinte aktivitetin e tij kriminal në fushën e kibernetikër edhe në vendin tonë.

Grupi hetimor jep detaje lidhur me nurmin e kartave të kreditit si edhe ato të debitit të dubluara nga 25-vjecari fierak. Në periudhën 2016-2017, Ymeraj kishte arritur nëpërmjet pajisjes “Skimmer”të klononte në shqipëri rreth 1000 karta, llogari bankare si edhe transnksione on line.

Gjithashtu shuma që kanë arritur të përfitjnë në këtë mënyrë të kundraligjshme, sipas denoncimeve të qytetarëve dhe biznesmenëve është rreth 1.5 milion euro. Kjo vlerë monetare sipas grupit hetimor nuk është përfituar e gjitha në para kesh. Hakerat bënin transferime të mallrave dhe llogarive bankare tek anëtarët e tjerë të grupit, duke i shitur on line me çmim disa herë më të lire se sa vlera reale e tyre në treg.

Gjithashtu hetimet e deri tanishme pohojnë se Ymeraj ka pasur si bashkëpunëtor 3 persona nga kosova e dy të tjerë nga Bullgaria. Këta të fundit u prangosën në tetor në vendin tonë pas, shumë denoncimeve të nënpunësve shqiptar, pasi llogaritë e tyre ishin të boshatisura.

Në jetën virtuale Aldo Ymeraj kishte pesudonimin ose “nickname” “Kubanezi”, ku ishte pjesë e një rrjeti hakerash prej 11 mijë anëtarësh në të gjithë botën. 25-vjeçari u prangos teksa po pinte kafe në një lokal në Tiranë për llogari të një flete arresti të lëshuar nga Shtetet e Bashkuara të Amerikës, që drejtuan në të njëjtën kohë një operacion disa shtetësh për të goditur hakeruesit që besohet se kryenin krime kompjuterike që prej 2010 .

Grupi ku Aldo Ymeraj ishte pjesë ka mundur të vjedhë 530 milionë dollarë, që përvetësoheshin përmes shitjes së të dhënave të vjedhura të kartave të kreditit./abcnews.al

 

vlcsnap-error360-1280x720.jpg
ent ela15:19 | 13/02/2018

25-vjecari Fierak, i konsideruar nga amerikanët si hakeri më i mirë shqiptar, kishte arritur të klononte së bashku me 36 anëtarët e tjerë të grupit rreth 3.4 milionë karta kredi. Gjithashtu, dëmi nga blerjet e stimuluara në internet të shkaktuar qytetarëve në të gjithë botën sipas policisë së shtetit është rreth 530 milionë dollarë.

Aldo Ymeraj, 25-vjeçari që shikoni në foto, me origjinë nga qytetit i Fierit nuk do ta ketë të lehtë t’ia hedhë drejtësisë, ashtu siç bëri 3 vite më parë, kur u arrestua për klonime të kartave të kreditit në kryeqytet.

Për prangosjen e të riut fierak këtë here u inicua nga Shtetet e Bashkuara të Amerikës, të cilët kërkojnë edhe ekstradimin e tij përtej atlantikut, si pjestar I një rrjeti shumë të rrezikshëm hakerash. ABC Neës ka mësuar nga grupi hetimor se Ymeraj bashkë me 36 anëtarët e tjerët të grupit kriminal kishin arritur të klononin mbi 3.4 milionë karta krediti në të gjithë botën. Dëmi ishte kolosal tek qytetarët pagamarrës në bankat e nivelit të dytë. Policia shqiptare dhe partnerët e saj amerikanë theksojnë se nga vitit 2010 e në vijim hakerat kanë arritur të përfitojnë në mënyrë të jashtëligjshme rreth 530 milionë dollarë. Koka e grupit ishte 34-vjeçari nga Ukrahina, Svyatoslav Bondarenko. Ai ishte kujdesur që anëtarët e grupit në total që po hetohen janë 11 mijë pjesëmarrës të mos kishin njohje me njëri tjetrin, duke ngritur kështu në rrjetin më të madh të hakerave në të gjithë botën. Operacioni për kapjen e 13 personave i koduar “Infraud”u zhvillua në disa shtete, si Shqipëri, Kosovë, SHBA, Francë, Britani e Madhe Itali, Austri dhe Serbi.

Ndërkohë Aldo Ymeraj ishte prangosur edhe më herët për të njëjtën akuzë nga uniformat blu së bashku me 3 persona të tjerë si pjesëtar i grupit “Albanian Hackers Group” . Në shtator të 2013 Ymeraj u arrestua gjatë operacionit të koduar “Dark web”, duke u akuzuar për klonime kartash krediti, si edhe kishin arritur të thyenin kodet e sigurisë nga kompani ndërkombëtare të shërbimeve në Internet si, “PayPal”, “Gmail” “Facebook”./abcnews.al

hacker.jpg
gra moz19:02 | 12/02/2018

Policia e Shtetit arrestoi të premten një 25-vjeçar nga Fieri, i kërkuar nga drejtësia e Shteteve të Bashkuara të Amerikës për krime kompjuterike.
Aldo Ymeraj u prangos në Tiranë, gjatë një operacioni ndërkombëtar, mes të cilëve edhe Shqipëria, për llogari të goditjes së një organizate të krimit kibernetik.
Për 25-vjeçarin me banim në Fier ekzistonte një urdhër arresti nga SHBA.
Ai dyshohet të jetë pjesëtar i një organizate kriminale që shiste të dhëna të vjedhura kartash krediti në thellësi të internetit, duke u shkaktuar konsumatorëve një humbje prej 530 milionë dollarësh.
Nga 36 personat ndaj të cilëve u ngrit padi, 13 janë arrestuar në Shtetet e Bashkuara, Australi, Britani, Francë, Itali, Kosovë dhe Serbi. Grupi i quajtur “Infraud”, ishte krijuar në vitin 2010 nga një ukrainas./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono