albin kurti

albin-kurti-tirane-1280x853.jpeg
G. P.21:21 | 20/10/2019

Mjeti me të cilin udhëtonte kreu i Lëvizjes Vetëvendosje, Albin Kurti, është përfshirë në një aksident në autostradën Tiranë-Durrës. Aksidenti ndodhi në Qafë Kashar mbrëmjen e së dielës.

Abcnews.al mëson se në aksident janë përfshirë edhe 3 makina të tjera. Sipas burimeve nga grupi hetimor, tre nga mjetet e përfshira në aksident kanë qenë të eskortës së kreut të LVV-së, ndërsa mjeti tjetër ka qenë i patrullës së policisë.

Nga përplasja ka pasur vetëm dëme materiale dhe asnjë person nuk është dëmtuar. Edhe LVV ka konfirmuar për mediat kosovare se nuk ka pasur asnjë person të lënduar.

Ngjarja ndodhi këtë të diel, teksa kreu i LVV po kthehej në Kosovë, pas aktivitetit që pati në kryeqytet me degën e VV në vendin tonë. Ai ndodhej në Tiranë për të festuar fitoren në zgjedhjet e jashtëzakonshme në Kosovë./abcnews.al

albin-kurti-2.jpg
G. P.19:25 | 20/10/2019

Albin Kurti me Lëvizjen Vetëvendosje fitoi zgjedhjet në Kosovë. Përveç festës në Prishtinë, ai ndodhet në Tiranë për të festuar me aktivistët dhe vullnetarët që gjenden në Shqipëri. LVV ka qendrën e saj në kryeqytetin shqiptar. Kurti tha se dy vendet, Shqipëria dhe Kosova duhet të bashkëpunojnë më shumë me njëra-tjetrën dhe duhet të bëjnë kujdes nga Serbia.

“Dua ti falënderoj të gjitha aktivistët që nga Tiranë erdhën dhe na e mundësuan fitoren e përbashkët në Kosovë. Tash duhet të kremtojmë dy herë, në Prishtinë dhe Tiranë, duke qenë se të dyja kontribuojnë dhe të dyja përfitojnë nga firoja e Lëvizjes sonë. Me siguri që Kosova dhe Shqipëria duhet të bashkëpunojnë më shumë. Çështja në Ballkan mes vendeve të paintegruara në BE është se Kosova nuk ka liberalizim të vizave. Vendet e tjera e kanë. Unë mendoj që është bërë padrejtësi që Shqipëria dhe RMV nuk po fillojnë negociatat. Ju takon dhe e kanë merituar një gjë të tillë. Mendo se duhet të kemi kujdes sa i takojmë raporteve me Serbinë duke qenë se dihet se çfarë u ka bërë shqiptarëve në njërën anë dhe dihet që para 3 viteve tentoi një puç në Maqedoninë e Veriut. I dështoi. Është në interesin e Serbisë të duket sa më normale duke qenë se nuk është”, tha Kurti.

Kreu i LVV-së tha se është në të drejtën e qendrës së Vetëvendosjes në Tiranë për të vendosur për të hyrë në zgjedhje ose jo. Gjithashtu ai paralajmëroi një takim me kryeministrin Rama së shpejti.

“Unë jam këtu me ftesë të LVV në Republikën e Shqipërisë dhe këta e kanë autonominë e qëndrimeve dhe veprimeve. Nuk është se unë ose LVV në Kosovë e dikton një gjë të tillë. Do kthehem sonte në Kosovë por sigurisht që do ta takoj së shpejti kryeministrin e Shqipërisë. Është çështje ditësh dhe jo javësh”, tha Albin Kurti./abcnews.al

albinkurti.jpg
Autor E15:34 | 19/10/2019

Albin Kurti ka marrë një numër rekord votash në zgjedhjet e fundit në Kosovë, të cilat u fituan nga Vetëvendosja.

Deputetja e kësaj partie, Arbërie Nagavci ka thënë se Kurti ka marrë 185 mijë vota. Në sistemin elektoral të Kosovës, me lista të hapura, votohet edhe per partinë edhe per individin. Si i tillë Kurti ka marrë 185 mijë pëlqime qytetarësh.

“185k Thyejmë rekorde. Sepse, me ♥️”” ka shkruar Nagavci, në një postim në FB.

Kurti dhe Vjosa Osmani janë takuar pak ditë më parë për të përcakrtuar modulet e qeverisjes në koalicionin VV-LDK, si dy partitë që morën numrin më të madh të votave në zgjedhjet e fundit.

albin-kurti-1.jpg
nev ila18:52 | 16/10/2019

Qendra e Vetëvendosjes në Shqipëri, ka njoftuar këtë të mërkurë se, në Tiranë ditën e dielë në orën 19:00, do të zhvillohet një festë për fitoren e “VV” në zgjedhjet e Kosovës.

I ftuar nderi do të jetë vetë kryeministri i ardhshëm i Kosovës, Albin Kurti. Festa do të mbahet në afërsi të zonës pedonale në qendër, ku Kurti do të mbajë dhe një fjalim përpara të pranishmëve.

Njoftimi i qendrës në Shqipëri:

Qendra e Lëvizjes VETËVENDOSJE! në Shqipëri ju fton të na bashkoheni në Tiranë në mbrëmjen festive që organizojmë për të shënuar fitoren e Lëvizjes VETËVENDOSJE! në Kosovë. Në këtë aktivitet i ftuar nderi është Kryeministri i ardhshëm i Republikës së Kosovës, Albin Kurti, i cili do të mbajë edhe një fjalë rasti.

Ju mirëpresim ditën e diel, më 20 tetor, ora 19:00, te Bar Kinema Millenium, pranë “pedonales” në qendër të Tiranës”. /abcnews.al

albin-kurti-shgpetim-idrzi-1280x854.jpg
nev ila15:12 | 12/10/2019

Një përfaqësi e PDIU e kryesuar nga kryetari Shpëtim Idrizi ka zhvilluar një takim ditën e djeshme me Albin Kurtin dhe përfaqësues të lartë të Lëvizjes Vetvendosja në Kosovë.

Idrizi shprehu vlerësimin e tij për aktivitetin e Vetëvendosjes në shërbim të çështjes kombëtare dhe për qëndresë e punën e Albin Kurtit për të ndryshuar gjendjen e Kosovës dikur në pushtim, e sot si një demokraci që po konsolidohet.

Sipas Idrizit, zgjedhjet ishin një test i kaluar me sukses e përbëjnë një model rotacioni, si për standardet që ruajtën ashtu edhe për rezultatin e tyre. Vota e qytetarëve të Kosovës solli një risi në politikën e vendit duke nxjerrë në skenë një brez të ri por me shumë përvojë politikanësh e së bashku me Vjosa Osmanin e LDK, e cila solli një risi të padiskutueshme në këto zgjedhje, do krijohet mundësia për një politikë të re e të suksesshme.

“Këto zgjedhje kane turbulluar dhe ujërat e ndenjura të kënetës së politikës Shqiptare dhe shpresoj që pranvera e Kosovës të vijë dhe në Shqipëri”, theksoi z. Idrizi.

VV dhe PDIU kanë patur qysh herët një bashkëpunim të suksesshëm si Parti që në fokusin e aktivitetit të tyre kanë çështjen kombëtare.

Gjatë takimit u diskutua lidhur me nevojën për të përafruar realisht sistemin arsimor e për të krijuar një model ekonomik që nuk ka barriera artificiale si ato që janë sot.

Lidhur me krijimin e të ashtuquajturit Schengen Ballkanik, Idrizi e vlerësoi si një hap jo të nevojshëm që rikthen nocione të vjetra politike si ajo e ish-konfederatës Jugosllave dhe theksoi se në Shqipëri është e nevojshme të shohim marrëdhëniet me Serbinë duke mbajtur gjithmonë parasysh interesin e Kosovës.

“Objektivi ynë kryesor është të integrohemi në Europë e jo të kërkojmë artifice që nuk ndihmojnë as Kosovën e as Shqipërinë“, theksoi Idrizi.

Albin Kurti vlerësoi mbështetjen e qytetarëve të Kosovës në këto zgjedhje dhe theksoi se puna e ardhshme do duhet të përqendrohet në rritjen e mirëqenies së tyre dhe rritjen e dinjitetit të shtetit të ri të Kosovës në arenën ndërkombëtare./abcnews.al

albin.jpg
Autor E11:44 | 12/10/2019

Gazeta serbe “Blic” e ka cilësuar një kërkesë arrogante deklaratat e Albin Kurtit që Serbia të detyrohet të paguajë reparacione të luftës ndaj Kosovës.

Gazeta e nis lajmin me titullin: “Kurti bëri kërkesën arrogante ndaj Serbisë me kosto 22 miliard euro sapo u sigurua që fitoi zgjedhjet”.

Në shkrim theksohet fakti se kjo është deklarata e parë e Kurtit pasi u sigurua se fitoi zgjedhjet, ndërkohë që kishte deklaruar se do të hiqte taksën ndaj mallrave serbe, raporton abcnews.al.

Ndër të tjera, Blic shkruan: Ne i kemi dëgjuar këto kërkesa arrogante edhe nga ish-kryeministri Haradinaj. Nga ngë përllogaritje del se ajo që Kosova kërkon është një shumë prej 22 miliard eurosh.

Shkrimi i Blic.rs

Shqiptarët kanë përgatitur një dokument 30 faqësh me 16 pika sipas të cilave kërkojnë dëmshpërblimin.

Kjo shumë nuk lidhet vetëm me dëmet e luftës në 1988-1999, por edhe më të tjera më parë ku Serbia shpallet fajtore.  /abcnews.al/

vjosa-osmani-1.jpg
G. P.23:02 | 11/10/2019

Partia Lidhja Demokratike e Kosovës ka mohuar zërat se ka ngrirë marrëdhëniet me lëvizjen Vetëvendosje, por ka deklaruar se marrëveshja me të për krijimin e qeverisë do të bëhet vetëm pas certifikimit të rezultatit të zgjedhjeve të së dielës.

Vetëm pak kohë pasi zëdhënësi i LDK-së, Besian Mustafa, tha se kjo parti i prolongon bisedat me VV-në për arritjen e marrëveshjes për formimin e Qeverisë, kreu i po të njëjtës parti ka deklaruar ndryshe. Kryetari i Lidhjes Demokratike të Kosovës, Isa Mustafa, ka thënë se partia e tij do të vazhdojë kontaktet me Vetëvendosjen për të harmonizuar qëndrimet për koalicion për të cilin, siç ka thënë ai, “mendojmë se është i mundur”.

Isa Mustafa, kryetar i LDK-së: Ulja në tavolinë për marrëveshjen përfundimtare do të bëhet vetëm kur të certifikohen rezultatet përfundimtare. Deri atëherë ne do të flasim, do të komunikojmë dhe do të kontaktojmë për të parë se sa prej çështjeve qeveritare janë të hapura, në mënyrë që të mos i bëjmë këto pas marrëveshjes.

Edhe kandidatja e LDK për kryeministre Vjosa Osmani, ka thënë se nuk është ndalur procesi i negociatave me Lëvizjen Vetëvendosje, për afrimin e programit të përbashkët qeverisës. Osmani ka thënë se grupet punuese do të krijohen varësisht prej temave.

Vjosa Osmani, kandidate e LDK për kryeministre: Disponimi në kryesi ka qenë shumë i mirë dhe nuk ka patur asnjë vendim për t’i ngrirë bisedimet me VV. Përkundrazi ka patur një vendim për të vijuar bisedimet mes ekspertëve tanë, që të diskutohen çështjet programore në mënyrë që të mos lihen pas negociatave.

Gjatë ditës pas mbledhjes së kryesisë  zëdhënësi i LDK-së, Besian Mustafa tha se nuk do të ketë negociata me Vetëvendosjen deri në shpalljen e rezultateve përfundimtare nga KQZ-ja.

“Diskutuam faktin se kemi një rezultat të ngushtë me VV, 50 me 50 dhe do presim rezultatin final, duke pasur parasysh se disa qendra votimi do të rinumërohen dhe do të numërohen votat e mërgatës”./ABC News Albania

henri-cili.jpg
G. P.21:51 | 11/10/2019

Albin Kurti me Lëvizjen Vetëvendosje fituan zgjedhjet e parakohshme në Kosovë. Analisti Henri Çili e sheh si shqetësuese faktin që Kurti do të bëhet kryeministër.

Gjatë një bisede me gazetarin Mustafa Nano në emisionin “Provokacija” në televizionin ABC News, Çili tha se vendet e vogla si ne dhe Kosova e kanë të rrezikshëm takimin me populizmin. Gjithashtu sipas tij, propozimet e Kurtit për vendin janë shkatërruese në planin e brendshëm.

“Mendoj që është regres për kulturën tonë politike, por fatmirësisht është paksa si aksident sepse nuk është rritur shumë në numër votash. Është një kombinim fatkeq me Vjosa Osmanin. Unë do e zgjedhorja vështrimin për të thënë që je  në fjalën e pjalmimit nacionalist që po ndodh rreth nesh. Në Greqi kaloi, në Itali po kalon. Ne e kemi të rreikshëm takimin me populizmin ose ekstremizmin, nëse ai është funksional.

Kurti ishte kundër paktit të Ahtisarit, që ishte pakti minimal që të njihej Kosova. Albin kuti ka qenë kundërshtues për të gjitha proceset deri në mjete guerile për procese që i shërbenin formimit të Kosovës. Në fund Albin Kurti ka qenë totalisht kundër dy proceseve të mëdha për të zgjidhur statusin e saj përfundimtar, që ka qenë koncepiti i asosacionit të komunave dhe idesë për një korrigjim kufijsh të presidentit Thaçi. Të thuash kundër çfarë je, për të mos thënë se çfare je nuk ka sens. Atëherë nëse jemi për status quo-në s’ke thënë sepse të gjithë e duam pavarësinë e plotë, por çështja është që konjuktura ndërkombëtare kërkon një sakrificë, të luash me emocionin e popullit. Po të qeverisësh është një gjë tjetër. Në planin e brendshëm propozimet e Kurtit janë disastroze, ato propozojnë shtetëzime, alternative që jo vetëm janë kundër pikëpamjeve të mia, por nuk i sjellin asgjë nga pikëpamja ekonomike Kosovës”./abcnews.al

vucicc.jpg
Autor E11:32 | 11/10/2019

Vuçiç i ka cilësuar “përralla” deklaratat e Albin Kurtit mbi reciprocitetin e marrëdhënieve Kosovë-Serbi si edhe dhënien e reparacioneve të luftës ndaj Kosovës.

Deklaratat e presidentit serb u bënë në intervistën dhënë gazetarit të ABC News, Idro Seferi.

Nuk e di për çfarë masash reciprocieteti flet (Kurti sh.r), flisni ju për dëmet e luftës, përralla të zbrazëta për përdorim të brendshëm dhe për popullin, nuk mund ti dëgjoj dhe nuk mund ti komentoj. Nuk kam problem të komentoj çdo lloj pyetje, por nuk është Albin Kurti Hegeli që ta komentojmë kaq shumë“, tha Vuçiç.

Ndër të tjera, Vuçiç theksoi se shqiptarët shohin me urrejtje këdo që është i fuqishëm në Serbi, ndërsa serbët urrejnë këdo që përpiqet të bëjë marrëveshje me shqiptarët.

Shumë eksplicit dhe këtë e them dhe sot. Siç e shihni unë nuk i frikësohem fakteve, por atyre të prishurve dhe mashtruesve. Se përse unë jam parë në mesin e shqiptarëve si një nga armiqtë më të mëdhenj të shqiptarëve edhe pse ofroj kompromis, një kompromis të vërtetë. Sigurisht që secilin që është i fuqishëm në Serbi e përjetojnë si kundërshtar dhe besoj se kjo është arsyeja.

Në fund të fundit s’është me rëndësi. Unë nuk nga ajo që gjërat nuk duken ashtu siç duan të dëgjojnë as serbët as shqiptarët. Të dyja palët i kanë veshët shumë të ndjeshëm që ta dëgjojnë të vërtetën, por mua nuk më bëhet vonë. Unë e flas të vërtetën dhe le të hidhërohen edhe njëra edhe pala tjetër. Dhe, nuk brengosem pasi në fund të fundit e di që të gjithë ata që më sulmojnë çdo ditë, ti Idro ke qenë këtu dhe mund ta pohosh apo mohosh, që kanë rrethuar presidencën dhe unë kam qenë këtu dhe nuk kam ikur, nuk largohem sepse kam ndërgjegjen e pastër. Luftoj për Serbinë, por ua them njerëzve të vërtetën“, u shpreh ai.

INTERVISTË EKSKLUZIVE | Vuçiç: Ne jetojmë më mirë dhe kemi më shumë reputacion se shqiptarët, të merremi vesh

Vuçiç gjithashtu tha se një marrëveshje mes shqiptarëve dhe serbve si popujt më të mëdhenj në Ballkan është e domosdoshme.

INTERVISTA E PLOTË

Gjithçka është mbi ne. E ardhmja jonë dhe marrëdhëniet tona na ngelen ne. Unë mendoj se nëse serbët dhe shqiptarët i rregullojnë marrëdhëniet, një herë e përgjithmonë si dy popujt më të mëdhënj në Ballkan, mendoj se 150 vjetët e ardhshme nuk do të kemi asnjë lloj problemi. Mund të përparojnë në aspektin ekonomik më së shpejti. Nëse këtë nuk e bëjmë rrezikojmë të na ngelen territore të zbrazëta. Ajo që ne sot jemi më shumë se sa ju, nuk do të thotë asgjë. Të gjithë njerëzit tuaj do të shkojnë në Zvicër, Nju Jork, të gjithë tanët do të shkojnë në Austri, Gjermani dhe nuk e di se ku. Njerëz të tjerë do të banojnë në territoret tona në të ardhmen“, vijoi ai.

/abcnews.al/

albin-kurtii-1.jpg
G. P.23:20 | 10/10/2019

Kryetari i lëvizjes Vetëvendosje, Albin Kurti ka deklaruar se si kryeministri i ri i Kosovës do të jetë ai që do të marrë në dorë frenat e dialogut me Serbinë, duke nxjerrë jashtë loje presidentin Hashim Thaçi. Në një intervistë për “Radio Europa e Lirë”, Kurti ka përjashtuar opsionet e ndarjes së Kosovës apo të shkëmbimit të territoreve.

Kryetari i lëvizjes Vetëvendosje, Albin Kurti ka deklaruar se si kryeministër i ri i Kosovës do ta udhëheqë ai dialogun me Serbinë. Në një intervistë për radion Europa e Lirë, Kurti ka theksuar se, presidenti Hashim Thaçi nuk do të jetë më përfaqësuesi i palës kosovare.

Albin Kurti, kryetar i Vetëvendosje: Dialogun do ta udhëheq unë, si kryeministër i ri i Republikës së Kosovës, meqenëse shteti ynë i pavarur është republikë parlamentare, është obligim kushtetues dhe ligjor edhe në bazë të aktgjykimit të gjykatës Kushtetuese të këtij viti që unë të jem në krye të ekipit negociator, të ekipit të dialogut për raportet me Serbinë. Presidenti i Republikës së Kosovës është, po ashtu, përfaqësues i politikës së jashtme, mirëpo nuk mund të jetë më krijues i politikës së jashtme siç ka pretenduar në këto dy vitet e fundit.

Gjatë intervistës, Kurti nuk ka dhënë një përgjigje të saktë nëse pret që dialogu të kurorëzohet me një marrëveshje të detyrueshme për të dyja palët, por ka nënvizuar se së pari duhet që dialogu të jetë solid, në mënyrë që procesi të mos dështojë.

Albin Kurti, kryetar i Vetëvendosje: Ne presim që dialogu të jetë solid, sepse i përgatitur mirë dhe me parime të qarta të dakorduar me Brukselin paraprakisht, pra, një dialog me Brukselin para dialogut me Serbinë, në mënyrë që dialogu të mos dështojë. Pjesë e kësaj është edhe një lloj bilanci që do ta bëj brenda muajit të parë të Qeverisë sonë për 33 marrëveshjet e nënshkruara përgjatë dialogut 6-vjeçar 2011-2017, lidhur me shkallën e zbatimit të tyre dhe gjithashtu me përmasën e ndikimit në realitetin e qytetarëve pa dallim etnie.

Kurti ka përjashtuar mundësinë e shkëmbimeve territoriale, apo atë të ndarjes së Kosovës.

Albin Kurti, kryetar i Vetëvendosje: Ato projektet për shkëmbime territoriale kanë dështuar, nuk them se ajo ide ka vdekur. Por, që nga protesta masive e 29 shtatorit të vitit të kaluar e deri te Qeveria jonë e re që vjen nga verdikti i popullit më 6 tetor mund të thuhet se edhe i takon së kaluarës.

Rrjedhimisht, për kryeministrin e ri të Kosovës nuk do të ketë as shoqatë të komunave serbe në veri të vendit. Albin Kurti, kryetar i Vetëvendosje: Realisht, Asociacion nuk ka më. Dhe është interesante që asnjë serb i Kosovës nuk u ankua.

Vetëm Beogradi dërgoi notë proteste. Unë mund t’i dëgjoj kërkesat për përmirësimin e jetës së pakicave në Kosovë, por jo për pretendimet territoriale siç ekzistonin në shekullin e njëzetë apo nëntëmbëdhjetë. Pra, Asociacioni i komunave me shumicë serbe, si i tillë, nuk do të mund të zbatohet në Kosovë./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono