albin kurti

kurti-taka.jpg
ger ta22:46 | 28/02/2020

Paralajmërimi i kryeministrit Kurti për heqjen pjesërisht të taksës javën e ardhshme  ka shënuar edhe përcarjen e parë ndërmjet partnerëve të koalicionit qeverisës.

LDK-ja e ka kuptuar këtë qëndrim të Kurtit në konferencën për media që ka mbajtur ai të enjten pasdite.

Menjehrë sot janë mbledhur disa zyrtarë të LDK-së bashkë me kryetarin e partisë në zyrat e Grupit Parlamentar të kësaj partie. Kjo parti nuk do që taksa të hiqet pjesërisht dhe nuk do dëmtimin e raporteve me Shtetet e Bashkuara të Amerikës.

Mustafa bashkë me kryetaren e parlamentit Vjosa Osmani më pas janë takuar me kryeministrin Kurti por pa praninë e mediave.

Gjatë ditës kryeministri Kurti gjithashtu ka kërkuar takim me kreun e AAK-së, ish kryeministrin Ramush Haradinaj pork y I fundit ka refuzuar.

Ndërkohë në mbledhjen e kryesisë është marrë vendim që me kërkesë të 41 deputetëve të opozitës të mbahet seancë e jashtëzakonshme për të diskutuar për paralajmërimin e Kurtit për heqjen e pjesërishme të taksës.

Derisa nga Shtetet e Bashkuara të Amerikës presidenti Hashim Thaci ka kërkuar nga qeveria Kurti heqjen e tërësishme të taksës.

Kokëfortësia dhe mungesa e veprimeve dhe vendimeve të mencura e ka thelluar izolimin e Kosovës. Hezitimi eventual për vendime të shpejta, të mençura, të plota e jo të pjesshme është i panevojshëm, sepse këto vendime janë rruga e vetme për t’i arritur qëllimet tona shtetërore dhe strategjike” ka shkruar Thaci në Facebook.

Edhe të dërguarit  special i Presidentit amerikan, për Dialogun Kosovë-Serbi, Richard Grenell nuk i ka pëlqyer idea e fundit e kryeministrit Kurti për heqjen e pjesërishme të taksës 100% ndaj mallrave serbe.

”Ne nuk e mbështesim heqjen me kushte të masës nga kryeministri Kurti. Pozicioni ynë është mjaft i qartë: tarifat duhet të bien plotësisht. Kurti është duke bërë një gabim serioz – dhe kjo u bë e qartë për Presidentin Thaçi në Shtëpinë e Bardhë”, ka shkruar Grenell në Tëitter.

Ndërkohë zyra e përfaqësuesit të lartë për politikë të Jashtme dhe Siguri e BE-së e ka quajtur hap pozitiv të Kurtit qëndrimin për heqjen graduale të taksës ndaj produkteve serbe.

haradinaj.png
ger ta17:49 | 28/02/2020

Ish-kryeministri Ramush Haradinaj e ka cilësuar edhe njëherë mashtrues kreun e qeverisë, Albin Kurti pas mbledhjes që pati me partinë.

Haradinaj tha para mediave se kanë diskutuar në mbledhjen e sotme për vendimin e djeshëm të cilin e paralajmëroi në një konferencë për media kryeministri Kurti.

“Kemi diskutuar për vendimin e djeshëm të kryeministrit Kurti për heqjen e taksës pa kushte dhe pa ndonjë kundër vlerë për Kosovën, ajo që ka ndodhë dje është heqje e taksës është pa kushte. Ajo që na bën përshtypje është copëtimi i vendimit, e ka coptu në disa pjesë. Me 15 mars e hjek për lëndën e parë me 1 prill  krejtësisht, është bërë me mashtru Kosovën, edhe me disa kurthe retorike gjoja të kushtëzimeve që i ofron kryeministri me heqjen e taksës, si ndodh kjo faktori i parë është heqja e taksës, dhe i len dy javë me vlerësu a është Serbia konstruktive, a më tregon dikush çfarë faktori janë dy javë me pa a është Serbia konstruktive, që ne e njohim që 20 vjet.

Pastaj, heqja e taksës me 1 prill krejtësisht shoqërohet me lutje dhe pritje që Serbia të jetë konstruktive, nuk është kundërvlerë e heqjes së taksës. Nuk ka të bëjë asgjë me të”, thotë ai.

Haradinaj e akuzon Kurtin për bashkëpunim me presidentin serb, Aleksandër Vuçiç.

“Heqja e taksës para zgjedhjeve në Serbi është konstruktivitet t i z.Kurti që Vuciç me i fitu zgjedhjet. Shihet se ka një marrëveshje mes dyve, kuptohet çmimi është lista serbe, votat e listës serbe për qeverinë Kurti. Më tutje, ngreh kushte dhe i drejtohet BE-së për vizat, është gabim i një qeverie ti drejtohet në atë mënyrë t’i drejtohet qeverive të vendeve të BE-së. Nuk guxon publikisht ti nxjerr para kushtëzimi se rrezikon liberalizimi. Z.Kurti s’la asnjë mik ngat vetes, mënyra qysh e lajmëroj është në konferencë për shtyp, pa i pasur partnerët e tyre LDK-në, jam i habitur me qëndrimin e tyre prej parazitëve politik. Nuk ka me falenderu kush, kanë me e rritë presionin, problemi është që ky ka dërgu sinjale që me të funksionon presioni, që ky kaq shpejtë u dorëzu para Serbisë, rrezikon me dorëzu Kosovën”, thotë ai, teksa shprehet se Aleanca do të mobilizohet për të ndalur këtë veprim të Albin Kurtit, të cilin e quan mashtrues.

“Aleanca është do të mobilizohemi dhe e ndjejmë për detyrë me e pengu mashtruesin Kurti në këtë drejtim, do të mobilizohemi me seancë por edhe qytetar publik që të pengojmë këtë drejtim që e ka marrë kryeministri Kurti. Jemi në terren gjithë kohën, kërkojmë ndihmën e mediave, ju siguroj nuk ka të bëjë me luftën për pushtet”, ka thënë ai.

/abcnews.al

aleksander-vucic.jpg
ger ta16:29 | 28/02/2020

Presidenti i Serbisë, Aleksander Vuçiç, e ka quajtur si kalkuluese lëvizjen e djeshme të kryeministrit Albin Kurtit, i cili mori vendim për heqje të pjesshme të taksës 100 %, fillimisht për produktet bazë që importon Kosova nga Serbia.

Vuçiç thotë se në mënyrë taktike  Kurti e ka marrë një vendim të tillë para nisjes në Ëashington.

“Një ditë përpara udhëtimit tim në Ëashington ai vendosi për taksën, në mënyrë që të mos e shtroja si problematikë atje”, ka thënë presidenti serb, duke thënë se vendimi i tij është një përpjekje për mashtrim.

Më tej kreu i shtetit serb ka thënë se Richard Grenell ka plotësisht të drejtë teksa e kundërshton një vendim të tillë të Kurtit për heqje të pjesshme të taksës.

Përveç tjerash Vuçiç i ka bërë edhe një pyetje Kurtit rreth asaj se kush e ka këshilluar që ta marrë një vendim të tillë.

“A ishte ide e jotja, apo dikush të ndihmoi?”, ka pyetur Vuçiç.

Vendimi i Kurtit për heqje të pjesshme të taksës është mirëpritur nga BE’ja ndërkohë u kundërshtua nga i dërguari i Trump për dialogun, Richard Grenell.

st-1-1280x790.jpg
in a12:53 | 28/02/2020

Në një intervistë eksluzive me Euronews, kryeministri i Kosovës Albin Kurti, paralajmëron zyrtarët e Bashkimit Europian se duhet të respektojnë pavarësinë e vendit të tij.

Kurti u shpreh se shefi për politikat e jashtme të BE-së Xhozef Borel, vendi i të cilit Spanja nuk e ka njohur pavarësinë e Kosovës duhet të përfaqësojë Bashkimin Europian dhe jo qëndrimin e vendit të tij të origjinës.

“Ndoshta Borel duhet t’i japë një mendësi të re të gjithë problemit të Ballkanit Perëndimor për hir të një zgjidhjeje europiane. Kushdo që e mohon këtë realitet apo përpiqet të ofrojë ndonjë zgjidhje pa pranuar këtë shtet dhe vullnetin e popullit në Kosovë vetëm sa do të dëmtojë më shumë veten”, u shpreh Kurti.

Kurti mori pushtetin në Kosovë në fillim të muajit shkurt pas më shumë dekadash në opozitë. Një nga sfidat e tij kryesore si kryeministër janë negociatat me Serbinë. Euronews shkruan se kryeministri i ri i Kosovës as nuk e merr parasysh idenë e shkëmbimit të territoreve mes dy vendeve.

“Kosova nuk mund të përfshihet në projektin e të ashtuquajturit shkëmbim të territoreve. Të gjitha këto projekte kanë dështuar në të kaluarën dhe do të dështojnë dhe në të ardhmen. Zgjidhjet territoriale janë recetë për konflikte të reja, dhe jo për paqen për të cilën kemi nevojë.”

Bashkimi Europian aktualisht po përpiqet të rinisë një dialog mes Prishtinës dhe Beogradit me shpresën për të normalizuar marrëdhëniet mes vendeve./abcnews.al

hoti.png
ger ta21:29 | 27/02/2020

Zëvendëskryeministri i parë i Kosovës, Avdullah Hoti, ka thënë se Lidhja Demokratike e Kosovës nuk rri në qeveri nëse taksa nuk hiqet pa kushte.

Në emisionin Pressing të T7, Hoti është shprehur se një qeveri e cila e izolon veten, nuk mund të çojë përpara agjendën e Kosovës

“A mundë të qeverisësh suksesshëm një qeveri e cila nuk e ka mbështetjen e SHBA’ve? Në një qeveri të tillë LDK nuk rrin. LDK nuk rri në qeveri nëse nuk hiqet taksa pa kushte. Një qeveri e cila e izolon veten, nuk mund të çojë përpara agjendën e Kosovës. LDK’ja nuk ka asnjë interes në qeveri e cila e izolon veten”, është shprehur Hoti.

Hoti tha se vendimi i Kurtit lidhur me taksën nuk është qëndrim i dakorduar. “Unë kam qenë në dakordim për t’i diskutuar kushtet. Nuk është qëndrim i dakorduar nga ne vendimi i Kurtit lidhur me taksën”, ka thënë Hoti.

Ndërkohë, më herët Kurti në konferencën e jashtëzakonshme u shpreh se vendimin për të hequr përkohësisht takësn ndaj Serbisë e ka konsultuar edhe me LDK-në.

kadri-veseli.jpg
ger ta20:38 | 27/02/2020

Kryetari i Partisë Demokratike të Kosovës, Kadri Veseli, ka reaguar pas paralajmërimit të kryeministrit Albin Kurti për heqjen e taksës 100 përqind ndaj mallrave serbe, ndërsa ka theksuar se Albin Kurti duke u shantazhuar, po djeg veten më shpejtë sesa kanë pritur të tjerët.

Lideri i opozitës ka shkruar në faqen e tij në Facebook se Albin Kurti po del që është edhe i dobët, edhe mashtrues, dhe që Kosova në krye me të mund të rrezikohet seriozisht.

Deklarata e plotë e Kadri Veselit:

Asgjë e re nga Albini! Të paktën, ta respektonte të drejtën e autorit. Sepse, vendimi i tij për taksën dhe reciprocitetin qenka huazuar nga ideja e propozimit tim të janarit të vitit 2019, të cilin, si çdo gjë tjetër, ai e pat refuzuar.

Si opozitar, ishte në gjendje ta digjte Kosovën dhe të përdorte dhunë dhe jetë të rinjsh idealistë për të ardhur në pushtet. Sot, kur udhëheq Qeverinë, ideali i tij po shihet se është vetëm mbajtja e pushtetit. Duke u shantazhuar, po e djeg veten më shpejtë sesa që kanë pritur të tjerët.

E mendonte veten si më të mençurin dhe më të fortin; sikur të ishte vetë Kosova. Po del që është edhe i padijshëm, edhe i dobët, edhe mashtrues, dhe që Kosova në krye me të mund të rrezikohet seriozisht.

kurti-haradinaj.jpg
ger ta19:01 | 27/02/2020

Ish kryeministri, Ramush Haradinaj, ka reaguar menjëherë ndaj vendimit për heqjen e taksës nga ana e kryeministrit të Kosovës, Albin Kurti.

“Sonte Albin Mashtruesi u dorëzua para Serbisë. Ky është fillimi i kthimit të Serbisë dhe Rusisë në Kosovë. Albin Mashtruesi nga sot je përgjegjës për ripushtimin ekonomik të Kosovës nga Serbia. Zoti e bekoftë Kosovën dhe popullin e saj!, ka deklaruar Haradinaj.

Kujtojmë se Haradinaj vendosi taksën në kohën që ishte kryeministër ndaj produkteve serbe dhe boshnjake, për shkak të lobimit të Serbisë për mospranim të Kosovës në organizata ndërkombëtare./abcnews.al

Capture-84-1280x652.jpg
in a14:30 | 27/02/2020

Analisti, Adriatik Kelmendi në një lidhje me “ABC News”, komentoi deklaratat e kryeministrit Rama në Rusi i cili u shpreh se Serbia duhet ta njohë Kosovën.

Kelmendi theksoi se vizita e Ramës ishte një vizitë e rëndësishme. Deklaratat e tij janë të rëndësishme edhe përgjigja e Lavrov ishte një mesazh se Rusia nuk do të bëhet problem nëse Kosova dhe Serbia meren vesh.

Do ta quaja marrëveshje gjithëpërfshirëse për njohje reciproke.

Rama është akuzuar se po punon për ndarjen e Kosovës?

“Ka pasur raporte se Rama, Thaçi dhe Vuçiç kanë pasur dakordim për levizje të kufijve, por ka hasur në kundërshtime të mëdha dhe tani po shohim një atmosferë të re. Një hapësirë që ka filluar të jepet nga vetë presidenti Vuçiç.

Kompromisi i madh që ka bërë Prishtina është plani “Ahtisari” i cili ka gëzuar të drejta. Do të jetë shumë e vështirë të bëhet një kompromis tjetër i cili do të rrezikonte funksionimin normal të Kosovës. Beogradi e ka humbur Kosovën në ’99. Serbia po synon të nxjerrë çfarë të mundet nga zero që ka rënë. Duhet të shfrytëzojmë më të mirën tonë”, u shpreh Kelmendi.

Gjithashtu ai theksoi se është me rëndësi të nënvizohet se për NATO-n Kosova ende nuk është shtet i pavarur. Besoj se do të duhej që Kurti të organizonte një takim të shpejtë me Presidentin.

“Duhet theksuar se për stabilitetin në Kosovës marrëdhënia me NATON dhe KFO-rin është i rëndësishëm, duhet të jemi të kujdesshëm që të mos bëhen veprime që mund të na kushtojnë”, u shpreh ai.

Sa i përket qëndrimit të Kurtit ndaj SHBA-ve për taksën serbe ai theksoi se duhet pasur kujdes dhe duhet krijuar një hapësirë për të arritur të marrëveshje. “Me partnerët duhet të sillemi me partneritet”, u shpreh ai.

Letra e kryeministrit Kurti, sa mund të shkarkohet Presidenti?

Kelmendi: Njohësit e çështjes Kushtetuese janë shprehur se ka shumë pikëpyetje me mënyrën se si është proceduar me letrën. Janë tre pika me të cilat mund të shkarkohet një president, njëra nga ato është tradhëtia ndaj shtetit./abcnews.al

albin.jpg
in a13:28 | 27/02/2020

Kryeministri i Kosovës, Albin Kurti i ka kthyer përgjigje negative kërkesave të Shteteve të Bashkuara të Amerikës për heqjen e taksës ndaj produkteve serbe.

Mediat kosovare kanë njoftuar se Richard Grenell, shefi aktual i të gjitha shërbimeve sekrete amerikane dhe ndërmjetësues mes Kosovës dhe Serbisë, do ta shqyrtojë situatën lidhur me heqjen apo jo të tarifës nga Qeveria e Albin Kurtit.

Kurti tashmë u është përgjigjur amerikanëve negativisht.

kurtiiiii.png
eri Ida14:39 | 26/02/2020

Kryeministri Albin Kurti në një deklaratë për mediat është shprehur se nuk nuk po tentojnë që të dërgojnë FSK-në në veri të vendit, por ai ka kërkuar një sqarim për marrëveshjen e nënshkruar në prill të vitit 2013 që sipas tij kanë qenë dy dhe jo një.

Ndër të tjera ai ka deklaruar se nuk do të marrë asnjë veprim që bie në kundërshtim, pasi synimi i tij është ruajtja e marrëdhënie të mira me NATO-n dhe KFOR-in. Shefi i qeverisë së Kosovës ka theksuar se këtë letër këmbim nuk e kam gjetur në zyrën,  por e ka marrë nga një zyrtar i NATO-s.

Kjo është qeveria e re dhe unë këtë letër këmbim nuk e kam gjetur në zyrën tim,e por më është dhënë nga një zyrtar i NATOS. Ne e morëm këtë letër këmbim dhe këshilltarët ligjore kanë dhënë dhe urdhërin që e kemi shpërndarë tashmë. Unë i kam dërguar një letër kryetares së Kuvendit, por edhe presidentit Thaçi dhe kryeprokurorit, Aleksander Lumezi, që ka të bëj me një marrëveshje sekrete të nënshkruar nga presidenti me datën 19 prill të vitit 2013. Atë ditë nuk kishim një marrëveshje në Bruksel, por kishim dy të tilla. Ishte një marrëveshje mes Thaçit e Daçiçit, dhe kjo e dyta e njëanshme e Thaçit që FSK nuk do shkojë në Kosovën veriore pa dakordim me KFOR-in. Për ne është e rëndësishme të marrim vesh se kush e ka kërkuar këtë marrëveshje, sepse nuk besoj se Brukseli e ka kërkuar këtë.  Para se të shkojmë në Mynih unë jam munduar që ta takoj presidentin në mënyrë që në politikën e jashtme mos të jemi kakofoni zërash. Prej 3 shkurtit, Kosova ka qeveri të re. Dialogun me Serbinë do ta përgatisim mirë dhe me parime, dhe atë unë e udhëheqi si kryeministër. Unë vazhdojë të insistojë që duhet të jemi njëzëri në arenën ndërkombëtare me presidentin, dhe jo vetëm”, ka thënë Kurti.

Gjithashtu në konferencën e tij për mediat Kurti ka komentuar dhe reciprocitetin me Serbinë, duke theksuar se nuk bëhet aspak për çështje inati, apo hakmarrje por ne ndihemi të diskriminuar

Kryefjala nuk ka qenë Serbia kemi shumë çështje të tjera primare për të diskutuar. Ekziston një numëri i madh shkeljes barrierash tarifore që Serbia i bën Kosovës. Përmes një dokumenti Serbia nuk pranon asnjë tjetër, receprociteti nuk është për hakmarrje, por ne ndihemi të diskriminuar dhe duam barazi. Reciprociteti është gjëja më normale dhe më e natyreshme një gjë tjëtër është se ne tashmë jemi në një situatë që ai shikohet si i pazakontë, por ai duhet të jetë si ajri dhe uji. Nuk e bëjmë për inat të Serbisë por për veten tonë, të interesave të shtetit dhe të ekonomisë sonë“, është shprehur Kurti. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono