albana vokshi

albana-vokshi.jpg
ad min20:45 | 15/12/2018

Deputetja e Partisë Demokratike, Albana Vokshi, ishte e ftuar në ABC News ku u shpreh se opozita është në mbështetje të protestës së studentëve. Në Këshillin Kombëtar të PD-së që u zhvillua këtë të shtunë, Lulzim Basha ftoi qytetarët që të hënën të bëhen pjesë e saj. Vokshi sqaroi se opozita nuk kërkon të marrë protagonizëm në këtë protestë. Sipas saj, kauza e studentëve është e drejtë dhe ajo që duhet të bëhet është shfuqizimi i ligjit për arsimin e lartë.

“Të gjithë kemi fëmijë. Të gjithë kemi qenë të emocionuar për mënyrën e protestimit të studentëve. Të gjithë kemi qenë aty. Kemi respektuar dëshirën e studentëve për të mos qenë të pranishëm politikisht. Por a është një protestë me kërkesa politike? Basha e ka sqaruar sot. Nuk marrim protagonizëm. Kjo është protestë e studentëve. Por kërkesat e tyre janë të çdo familjeje. Unë kam qenë që ditën e parë me studentët. Të gjithë deputetët e PD-së janë me ta. Dy minuta i mjaftojnë Edi Ramës për plotësimin e kërkesave. Edi Rama nuk do t’i bëjë se do të tallet me ta. Ai do të shtypë shpresën, ndaj kudo në Shqipëri ke protesta. Ajo ç’ka unë kam këshilluar është që tetë kërkesat e tyre janë pasoja. Ligji i arsimit të lartë është e keqja. Nuk ka nevojë për amendime. I tëri duhet shfuqizuar.

Zoti Basha ka ftuar çdo demokrat, çdo qytetar që të hënën t’i bashkohet protestës së studentëve. Kauza e tyre është e drejtë. Edi Rama sot e kësaj dite nuk iu ka kërkuar falje studentëve për fyerjen që iu bëri”, u shpreh ajo.

Ndërkohë Vokshi ripërsëriti atë që kreu i opozitës Lulzim Basha tha në Këshillin Kombëtar se PD asnjëherë nuk do të vijë në pushtet me anë të dhunës.

“Asnjëherë PD nuk ka bërë një protestë të dhunshme. Përkundrazi ka pasur protesta në të cilat, pjesëmarrës kanë tentuar që të ushtrojnë dhunë, por kryetari Basha i ka tërhequr sepse kjo ishte mënyra që Edi Rama tentoi dhe erdhi në pushtet, mbi kufoma. Protestat nuk bëhen që të merret pushteti me dhunë, por për të protestuar kundër keqqeverisjes. Ne nuk e duam pushtetin me dhunë. PD do vijë në pushtet vetëm me anë të zgjedhjeve. Kjo është ajo që do tentojmë të bëjmë.

Ajo ç’ka unë dua të theksoj është që Edi Rama duhet larguar. Është e keqja më e madhe, është penguesi i zhvillimit, është penguesi i të ardhmes. Largimin nuk do ta bëjmë me dhunë. Largimin do ta bëjmë në bazë të protestave të përditshme”, tha ajo./abcnews.al

VOKSHI-SINKRON.mpg_snapshot_00.05-1280x720.jpg
ad min14:04 | 01/12/2018

Pas publikimit të raportit për lirinë e medias “Reportere pa Kufij” ku përfshihen edhe emrat e tre gazetarëve shqiptar ka reaguar Partia Demokratike. Sipas kryetares së Komsionit Parlamentar për median dhe edukimin Albana Vokshi, Shqipëria është një ndër pesë shtetet me krim të organizuar të rrezikshëm.

Albana Vokshi, kryetare e komisionit parlamentar të medias dhe edukimit: “Historitë e 3 gazetarëve: Klodiana Lala, Basir Çollaku dhe Alida Tota, janë 3 rastet që janë përfshirë në raportin e fundit të Reporterëve pa Kufij. Të treja historitë kanë një gjë të përbashkët, gazetarët janë kërcënuar, shantazhuar për shkak të denoncimeve që ata u kanë bërë lidhjeve të ngushta mes krimit të organizuar me pushtetin, Jurgis Çyrben, Emiljano Shullazin, Saimir Tahirin me drogën e Habilajve, Erion Veliajn me mafian e plehrave.”/abcnews.al

IMG_0935-1280x854.jpg
ent ela14:37 | 10/11/2018

Partia Demokratike ka akuzuar përsëri kryeministrin Edi Rama se po e mban të kyçur në sirtarët e Prokurorisë provën që çon në burg Vangjush Dakon, dosjen “339”.

Deputetja Albana Vokshi nëpërmjet një deklarate për shtyp kërkoi arrestimin e menjëhershëm të kryetarit të Bashkisë Durrës të cilin e cilësojnë autor të masakrës elektorale në qarkun e Durrësit, në bashkëpunim me bandat.

Albana Vokshi, deputete e PD

Dosja  “339” që Edi Rama po e mban te kyçur në sirtarët e Prokurorisë është prova që çon në burg Vangjush Dakon si autor i masakrës elektorale në qarkun e Durrësit, në bashkëpunim me bandat.

Përgjimet e dosjes 339 kanë faktuar se Vangjush Dako është në komunikim të vazhdueshëm me bandat para, gjatë dhe pas zgjedhjeve, duke shkëmbyer me pasuri dhe pushtet votat e blera për tepsinë e Edi Ramës.

Dosja “339-a” është faktimi i asaj  që panë  vëzhguesit ndërkombëtarë të zgjedhjeve, kur raportuan se vota në Shqipëri u ble, se qytetarët nuk votuan të lirë dhe votuesit u kërcënuan dhe u shtrënguan nga bandat, siç është rasti i Durrësit.

Faktet e krimit elektoral të Vangjush Dakos janë të qarta dhe për këtë krim ai duhet të jetë në burg!

Vangjush Dako duhet të arrestohet pa vonesë.

Çdo ditë në liri ai shkatërron prova dhe manipulon dëshmitarët, i ndihmuar plotësisht nga kryeministri i vendit Edi Rama.

Dosja “339” vërteton pa asnjë dyshim më :

  • Se Zgjedhjet e 2017-ës u blenë bashkë me krimin,
  • 10-15 deputetë u blenë nga krimi,
  • Se ky Parlament është i paligjshëm dhe
  • se Edi Rama është një kryeninistër i paligjshëm dhe provat për këtë Prokuroria i ka në dosjen “339”!

Në Shqipëri nuk ka për të patur as drejtësi, as luftë kundër krimit dhe asnjë zhvillim normal pa u ndëshkuar krimi elektoral që mban në pushtet qeverinë ilegjitime të Edi Ramës! /abcnews.al

SINKRON-VOKSHI.mpg_snapshot_00.40-1280x720.jpg
ad min13:48 | 30/09/2018

Partia Demokratike ka akuzuar kryeministrin se me reagimin e tij, të ardhur katër ditë pas shpërthimit të skandalit të shtetases Xheisela Maloku, ai ka mbrojtur përdhunuesin e vajzës duke dënuar akuzuesin e rastit, nënkomisarin Emiljano Nuhu. Është mbështetja e kryeministrit sipas selisë blu, ajo që mban ende të veshur me pushtet deputetët e akuzuar drejtpërdrejtë në këtë histori, ndërsa vajzën ende pa asnjë urdhër mbrojtje nga shteti.

Albana Vokshi: “Edi Rama zgjodhi të mbrojë publikisht horrat dhe përdhunuesit e tij parlamentar duke mos treguar shenjën më të vogël të mbështetjes apo dhembshurisë njerëzore për vajzën e torturuar. Ajo vazhdon të jetojë në kërcënimin e bandës me pushtet, e cila ka garancinë e Edi Ramës për paprekshmëri. Vajza e re dhe familja e saj ende nuk janë marrë në mbrojtje sepse asnjë hallkë e mekanizmit për parandalimin e dhunës ndaj grave dhe vajzave qëllimshëm nuk funksionon. Data raportojnë sot një skenar edhe më makabër. Është vetë Edi Rama që po bën çdo përpjekje që ta shfaqë vajzën publikisht para gazetarëve për të fshehur kriminelët e veshur me imunitet dhe pushtet. Nëse deputetët me akuzë publike Taulant Balla, Rrahman Rraja, nuk do të kishin bekimin e kryeministrit sot ata do të ishin jashtë grupit parlamentar dhe do të ishin vënë para drejtësisë. Sot viktima duhet të ishte marrë në mbrojtje dhe djali përdhunues i deputetit duhet të ishte në burg.”/abcnews.al

KRONIKE-PD-PER-MBYLLJEN-E-SHKOLLAVE.mpg_snapshot_00.25-1280x720.jpg
ad min13:29 | 17/09/2018

Deputetët e Partisë Demokratike kanë nisur një fushatë denoncimi për përkeqësimin e arsimit në vend vit pas viti. Në zonat zgjedhore që i kanë dhënë mandatin, deputetët kanë evidentuar largimin e nxënësve nga shkollat apo edhe mbylljen e disa prej këtyre institucioneve arsimore.

Kryetarja e Komisionit të edukimit, demokratja Albana Vokshi pasi uroi nxënësit dhe mësuesit për ditën e parë të shkollës ka akuzuar ministrinë e arsimit, por edhe vetë kryeministrin për politika anti-sociale dhe shkelje të ligjit në mbylljen e mbi 100 shkollave në të gjithë shqipërinë.

Albana Vokshi: “Janë me mijëra fëmijë në të gjithë Republikën e Shqipërisë, kryesisht në zonat rurale ose që nuk kanë pasur mundtësinë që të shkojnë në shkollë, paso shkollat e tyre janë mbyllur ose janë detyruar që të udhëtojnë me kilometra të tërë. Nuk kemi as edhe një informacion nga ministria e arsimit se sa është numri në total dhe ku janë shkollat që janë mbyllur. Sa është numri në total i nxënësve që duhet të shkojnë nga njëra shkollë në tjetrën. Është tronditëse pasi janë 150 shkolla. PD ka pasur në terren të gjithë deputetët e saj të cilët kanë vizituar në terren të gjitha shkollat e mbyllura në të gjithas fshatrat.”

Në ditën e parë të vitit të ri shkollor Jorida Tabaku denoncoi mbylljen e shkollave në zonën e Priskës, fshatin Herras dhe atë Pinar duke detyruar prindërit të zhvendosin fëmijët e tyre në shkolla më të largëta. Mbi 85 nxënës do të detyrohen të mos vijojnë mësimin në shkollën ekzistuese në Pinar duke u zhvendosur në qendër të njësisë administrative, theksoi Tabaku.

Jorida Tabaku: “Është një zonë që nuk ka parë investime në 5 vitet e fundit ku po i detyron fëmijët e zonës të shkojnë deri në 7 km më larg, në qendër të Zallherrit, me rrugë të pashtruar, pa kushte, pa i njoftuar. I kanë njoftuar ditën e premte që do të spostohen mësuesit dhe nxënësit”.

Deputetja Lindita Metaliaj deklaron se janë 9 shkollat e mbyllura në qytetin e Lezhës.

Lindita Metaliaj: “Shkolla 9-vjeçare Gramsh e cila do të mbyllet dhe do të shkojë në Xhadër, shkolla Gocaj do t shkojë në Kakarriç, shkolla Baçaj shkon në Blinisht, shkolla Kodhel shkon po në Blinisht, shkolla Fishtë e cila transferohet në Troshanë, shkolla Krajen shkon përsëri në Troshan, shkolla Dragushë e cila transferohet në Mapë, shkolla Shkëmbi i Kuq e cila transferohet në Kolajakaj dhe shkolla Mërçi e cila transferohet në shkollën Rraboshtë.”

Të njëjtin fat ka patur edhe shkolla në fshatin Dajç të Shkodrës denoncon deputetja Izmira Ulqinaku.

Izmira Ulqinaku: “Nuk është e vetmja që kjo ditë e parë i gjen të mbyllura pasi deri vjet kanë funksionuar”.

Në Elbasan 18 janë shkollat e mbyllura sipas demokratëve.

Endri Hasa: “Shkolla e cila ka kushtuar rreth 2 milionë euro, sot që duhet të gumëzhinte rri e mbyllur. Si kjo shkollë ku investimi po shkon dëm po mbyllen qindra shkolla në të gjithë vendin”.

Luciano Boci: “Ne kemi denoncuar se kjo shkollë është dhënë për destinacion tjetër me qira edhe kjo është krejtësisht ë papranueshme. Janë 18 shkolla që janë mbyllur pothuajse në të gjitha qarqet e Shqipërisë”.

E tillë shfaqet situata edhe në qarkun Dibër ku deputetja Dhurata Çupi denoncon mbylljen e rreth 30 shkollave, 6 të tjerave në Klos, 10 ne Mat dhe10 të tjera në Bulqizë. Denoncimet e demokratëve kanë vijuar edhe nga Peshkopia, Vlora, Pogradeci dhe Fieri./abcnews.al

SHALSI-VOKSHI-TEATRI.mpg_snapshot_00.16-1280x836.jpg
ad min17:06 | 12/09/2018

Socialistët i pranojnë këshillat e Komisionit Evropian dhe do të ulen të përmirësojnë ligjin për teatrin.

Eduard Shalsi: “Në fillim të javës tjetër, komisioni do të mblidhet për të rishikuar edhe një herë një nga pikat për të cilat edhe presidenti Ilir Meta nuk ishte dakord kur vendosi të mos dekretojë ligjin për shembjen e Teatrit Kombëtar. Këtë pikë mendojmë ta përmirësojmë, pra të garë të mos jetë vetëm një subjekt, por të kemi një thirrje të hapur për cilindo subjekt të interesuar”.

Rihapja e garës është thelbi i ndryshimeve që do të bëjë mazhoranca por opozita ka përsëritur qëndrimin e prerë se është kundër prishjes së godinës altuale të teatrit kombëtar.

Albana Vokshi: “Legjislacioni aktual i ka shumë të qarta procedurat që duhen ndjekur. Rama nuk ka nevojë për një ligj special dhe këtë e vërtetoi edhe përgjigja e BE. PD denoncon talljen që po bën Rama për hapjen e kësaj gare”.

Ligji është antikushtetues tha deputeteja Vokshi duke i bërë thirrje kolegëve të mazhorancës që të miratojnë dekretin e Presidentit të Republikës ligjin për teatrin./abcnews.al

ALBANA-VOKSHI-2-1280x854.jpg
ad min15:58 | 05/09/2018

Mirë që e kanë kopjuar keq programin e Partisë Demokratike për librat falas dhe studime pas shkolle por të paktën ta realizonin të plotë. Akuzat i ngre Partia Demokratike nëpërmjet deputetes Albana Vokshi.

“Duke kopjuar keq dhe më pas duke sulmuar opozitën, Edi Rama dhe Lindita Nikolla nuk i shpëtojnë dot përgjegjësisë për shkatërrimin e arsimit”. 

Për ta argumetuar demokratët kanë bërë publike një tabelë, ku tregohet se 133 mijë nxënësë kanë braktisur shkollën në 4 vitet e fundit, është rritur në 64 mijë numri i analfabetëve.

“Në vend të mashtrimit, duke përdorur klasat kolektive, Lindita Nikolla duhet t’u thotë shqiptarëve sa shkolla po mbyllen në të gjithë Shqipërinë për shkak të braktisjes së tyre nga 133 mijë nxënës gjatë qeverisjes së Edi Ramës”.  

Nuk bëhet fjalë për klasa kolektive, por për shkolla mëmë që mbyllen: 16 në Fier, 9 në Vlorë, 8 në Lezhë janë këmbanë alarmi për të gjithë prindërit se situata është katastrofë, deklaroi Albana Vokshi./abcnews.al

ALBANA-VOKSHI-KRONIKE.mpg_snapshot_00.40-1280x720.jpg
ad min13:04 | 01/09/2018

Partia Demokratike ka akuzuar sot kryebashkiakun e Tiranës Erion Veliaj për mungesë të investimeve në rrjetin e furnizimit me ujë të pijshëm në kryeqytet. Përmes një deklarate për mediat, deputetja demokrate Albana Vokshi tha se ndonëse fatura e ujit është rritur, qytetarëve të Tiranës u mungon uji në rubineta.

Deputetja e Partisë Demokratike Albana Vokshi, ka akuzuar kryetarin e Bashkisë së Tiranës Erion Veliaj për keqmanxhimin e situates për furnizimin me ujë të pishëm të banorëve të kryeqytetit gjatë sezonit veror.

Albana Vokshi, deputete e PD: “Të gjithë qytetarët e Tiranës e dinë dhe e ndjejnë se Fatura e ujit të pijshëm po shtrenjtohet çdo vit, që kur qyteti drejtohet nga Erion Veliaj. Por, megjithëse paguajnë shumë herë më shtrenjtë, ujë të rrjedhshëm në rubinet nuk ka”.

Sipas Vokshit, Veliaj ka blerë 5 automjete elektike me paratë e arkëtuara nga ujësjellësit i Tiranës.

“86 tendera nga 260 ose 1 në 3 tendera jepet pa garë. Erion Veliaj ka  blerë këto ditë 5 makina elektrike. Ajo ç’ka bie në sy janë specifikimet e ujësjellësit për aksesorët luksozë të makinave të blera. Që nga pasqyrat me palosje elektrike deri tek sistemi i navigimit. Partia Demokratike disponon të dhëna se vendimi i ujësjellësit të Tiranës për të blerë makina luksoze elektrike është korruptiv dhe për interesa biznesi që lidhen me atë vetë, me miqtë e tij dhe me familjen e kryeministrit.”

Në fund deputja e PD theksoi se numri 1 i bashkisë së Tiranës, nuk e trajton veten njësoj si qytetarët e tjerë, pasi në zonën e tij rezidenciale ka investuar rreth 300 milionë lekë që të mos i mungojë uji në shtëpinë e tij./abcnews.al

albana-vokshii.jpg
ad min16:12 | 25/08/2018

Deklaratës së kryebashkiakut, Erion Veliaj, i cili si përgjigje lidhur me dy rastet e zjarrit në çerdhet e Tiranës zgjodhi të akuzojë opozitën, kjo e fundit iu përgjigj dhëmbë për dhëmbë.

https://youtu.be/8s5XSika6L8

“Është për të ardhur keq që Tirana drejtohet nga një kryebashkiak që nuk mban asnjë përgjegjësi”, tha Albana Vokshi.

Përpara se kryebashkiaku të njoftojë qëllimin për rritjen e numrit të rojeve në çerdhet dhe kopshtet e kryeqytetit, ai duhet t’i thotë qytetarëve përse çerdhja që mori flakë nuk kishte asnjë të tillë, thekson Vokshi.

“Sipas dosjes referuar prokurorisë, çerdhja nuk ka patur roje prej datës 6 Gusht. Së dyti, qytetarët e Tiranës duhet të dijnë se në komunikatën e brendshme të policisë në datën 22 Gusht ngjarja në kopshtin tek ish-Blloku është referuar si aksidentale. Të dy këto fakte provojnë se Veliaj është mashtrues i rrezikshëm”, tha ajo.

Për demokratët deklaratat e kryebashkiakut Veliaj që sulmojnë punën e paraardhësit të tij, nuk zhbëjnë dot të vërtetën.

“Mashtrimet e Erion Veliajt nuk zhbëjnë dot investimet e bëra gjatë 4 viteve kur bashkia drejtohej nga Lulzim Basha. Në fund të këtij mandati të gjitha çerdhet janë rikonstruktuar. Në fund të vitit të tretë, Veliaj jo vetëm nuk ka ndërtuar asgjë të re, por vë në rrezik jetën e tyre”, tha Vokshi.

Për demokratët janë këto gënjeshtra të kryebashkiakut, të cilat i morën jetën edhe 16 vjeçarit, Ardit Gjoklaj, për punëdhënësin e të cilit Veliaj dha të njëjtën siguri që po mundohet t’i japë prindërve të vogëlushëve të Tiranës./abcnews.al

VOKSHI.mpg_snapshot_00.02-1280x720.jpg
ad min14:35 | 23/08/2018

Partia Demokratike ka reaguar pas njoftimit të Drejtorisë së Mbrojtjes nga Zjarri dhe Shpëtimit lidhur me zjarrin e rënë në çerdhet e Tiranës në ditët e fundit. Sipas kryetares së Komisionit të Edukimit Albana Vokshi, shërbimi i zjarrëfikseve, ashtu si drejtoresha e çerdhes po ndihmojnë kryebashkiakun në fshehjen e së vërtetës dhe largimit të përgjegjësisë nga pushteti vendor.

Mungesa e reagimit zyrtar të kreut të bashkisë së kryeqytetit Erion Veliaj për shërthimin e bombolës së gazit në çerdhen 14 dhe zjarrin në çerdhen 16 në Tiranë, ka nxjerrë sërisht në deklaratë Partinë Demokratike.

Jo vetëm nuk ka asnjë reagim zyrtar nga Kryetari i Bashkisë, Erion Veliaj, por ai po bën gjithçka për të manipuluar opinionin publik”.

Për këtë përdor institucionin në varësi të tij, thekson selia blu, të cilët njoftuan se shpërthimi në çerdhen 16, sipas ekspertizës ishte i qëllimshëm, duke konfirmuar versionin e dhënë që ditën e parë nga drejtoresha e çerdheve në bashki.

Drejtoresha e çerdhes: “Ka një disinformim për një ngjarje që ka ndodhur ngjitur me godinën e çerdhes, e theksoj ngjitur me godinën dhe jo në godinën e çerdhes. Për sa i përket sigurisë së elementëve të shërbimit dhe në rastin konkret, bombulat e gazit janë me çerifikatë sigurie. janë të kolauduara dhe nuk ka patur shpërthim bombule, as flakë në godinë”

Vokshi: “Nëse e vërteta do të ishte kjo që po tenton të na imponojë Erion Veliaj, atëherë i gjithë shteti duhet të ishte në këmbë, sepse do të ishim përpara akteve të mirëfillta terroriste.
Në të dyja rastet, si drejtoresha e çerdheve, si zjarrfikësit, po manipulojnë të vërtetën, duke konsumuar disa vepra penale, për të fshehur përgjegjësinë e Erion Veliajt, njësoj siç u veprua edhe me fshehjen e vrasjes së 16 vjeçarit Ardit Gjoklaj në landfillin e Sharrës 2 vjet më parë”.  

Është heshtja e kryebashkiakut për demokratët prova më e qartë e përgjegjësisë së tij ligjore për sigurinë e cënuar të dhjetëra vogëlushëve të cilët Veliaj, thekson vokshi, i përdor vetëm si fasadë dhe kapital politik./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono