albana vokshi

vokshi.jpg
ent ela11:27 | 12/11/2019

Nga spitali i Traumës ish deputetja demokrat Albana Vokshi deklaroi se ka banorë që u janë thyer dhëmbët dhe u ka dalë kavalija për shkak të dhunës së ushtruar nga policia.

Në një lidhje direkte ajo tha se askush nuk jep asnjë informacion se ku ndodhen, pasi është urdhri i Ramës që gjithçka të mbahet në terr informativ.

Lista e të lenduareve në Spitalin e Traumës

“Ka banorë që u ka dalë kavilja, u janë thyer dhëmbët për shkak të dhunës që ka ushtruar polici, ka zonja që kanë pësuar djegie të gradës së lartë. Por unë nuk di ku ndodhen dhe askush nuk na jep informacion.

Ka dhjetra të arrestuar që janë dhunuar në mënyrë ç’njerëzore nga policia. Çdo gjë mbahet në një terr informativ. Urdhri nga Rama është që asgjë të mos jetë transparente”.

Mahmut Himallari, i shtrirë në tokë. Ky i fundit u shpall fillimisht i vdekur nga ish-deputetja Oriola Pampuri, por me pas rezultoi se ishte jashtë rrezikut për jetën në Spitalin e Traumës

Ish deputetja demokrate Albana Vokshi dhe Dhurata Çupi kanë vizituar në spitalin e Traumës Mahmut Himallarin.

Të lënduarit, të cilët po marrin mjekim në spitalin e Traumës janë: Mahmut Imallari, 57 vjeç, Isuf Gjata, 80 vjeç,  Artur Muja, 43-vjeç, Gentian Alla, 36 vjeç, Çerçiz Jaçe, 74 vjeç, Adelina Shehu, 46 vjeçe, Dhurata Shehu, 69 vjeçe. /abcnews.al

Vokshi-1280x720.jpeg
ad min13:08 | 28/08/2019

Partia Demokratike ka vijuar denoncimet për kryebashkiakun socialist të Vorës, Agim Kajamaku. Në një deklaratë nga selia blu, ish-deputetja e PD, Albana Vokshi publikoi fakte të reja, që sipas demokratëve i sigurojnë kryebashkiakut socialist mbrojtje politike nga Edi Rama.

Vokshi deklaroi se Partia Demokratike ka mundur të zbulojë se kryebashkiaku i Vorës me kompaninë e fidanëve “Kajmaku sh.p.k” ka marrë nga pushteti i Edi Ramës rreth 2.6 milionë euro para publike.

“Ne e zbuluam atë sipas parimit “ndiq paratë”. Edi Rama dhe Jorgo Toto i Bashkisë së Vorës ndajnë bashkë miliona euro. Paratë janë mburoja e Jorgo Kajmakut nga drejtësia greke dhe drejtësia shqiptare. Krimineli në kërkim në Greqi, me kompaninë e fidanëve “Kajmaku sh.p.k” ka marrë nga pushteti i Edi Ramës rreth 2.6 milionë euro para publike, të marrë me tendera duke qenë, në pjesën më të madhe të tyre, i vetëm në garë. Agim Kajmaku i Vorës, i arrestuar dhe akoma në kërkim në Greqi është klient pothuajse ekskluziv i Bashkisë së Tiranës dhe i Erion Veliajt”, tha Vokshi./ABC News Albania 24/7

albana-vokshi-1.jpg
ad min20:36 | 25/08/2019

Partia Demokratike ka hedhur poshtë pretendimet e ngritura nga ministrja Gjonaj në lidhje me çmimet e larta për udhëtimet dhe hotelet gjatë vizitave jashtë vendit. Ish-deputetja demokrate, Albana Vokshi duke iu referuar faturave të publikuara në media theksoi se dhoma e luksit me 700 euro nata është në emrin e Ministres së Drejtësisë, Etilda Gjonaj.

Është dhomë teke dhe është dhomë e paguar për 1 person, ku normalisht, nuk mund të gjente strehë gjithë delegacioni. Vokshi e sheh kontrollin e brendshëm të ministres Gjonaj si një mënyrë për të larë duart me opinionin publik./ABC News Albania 24/7

albana-vokshi-1.jpg
nev ila18:09 | 28/06/2019

Është duke u ushtruar presion mbi punonjësit e administratës publike që të marrin pjesë në zgjedhjet e 30 qershorit së bashku me familjarët e tyre, në të kundërt rrezikojnë vendin e punës. Denoncimet janë bërë nga Partia Demokratike

“Edi Rama edhe kur është i vetëm në votime, nuk mund të rrijë pa i manipuluar ato”, deklaroi Jorida Tabaku nga selia e PD.

Një nga mjetet e manipulimit sipas ish deputetes së Partisë Demokratike është presioni ndaj administratës publike për të marrë pjesë forcërisht në votime.

“Mesazhe zanore, urdhra verbale, formularë detyrues që shkelin të drejtat kushtetuese të u janë dhënë njerëzve të administratës, duke i paralajmëruar që mosdalja në votime të dielën, do të shoqërohet të hënën me largim nga puna. 
Është e njëjta gjë bënte Pjerin Ndreu në zgjedhjet e Dibrës, i dalë në përgjimet e gazetës gjermane Bild”, tha Tabaku.  

Paraqitja me dhunë sipas Partisë Demokratike është e tillë që detyron individët që të marrin me vete të paktën 5 persona të tjerë në votime.

E njëjta skemë po zbatohet edhe 18.500 punonjësit në personelin shëndetësor është denoncimi tjetër që vjen nga selia e Partisë Demokratike.

“Ata telefonojnë personelin mjekësor sipas listave që u janë vënë në dispozicion në mënyrë të paligjshme duke i kërcënuar se nëse duan ta ruajnë vendin e punës duhet të dalin në votime të dielën”, deklaroi më pas, po nga selia e PD, Albana Vokshi.

Edhe ish deputeti demokrat Oerd Bylykbashi ka denoncuar nga rrjete sociale se po ushtrohet presion mbi tregtarët e tregut të fruta perimeve në Durrës që të marrin pjesë në votimet e 30 qershorit, në të kundërt do tu hiqet leja e tregtimit./ABC News Albania 24/7

 

albana-1280x567.jpg
ad min23:27 | 11/05/2019

Ish-deputetja e PD-së Albana Vokshi është përplasur fizikisht me një efektiv. Momenti ka ndodhur tek Drejtoria e Policisë së Tiranës, ku Vokshi shikohet të shtyhet me efektivin. Ajo ka ndërhyrë për penguar policinë e cila po bënte ndalimin e disa prej protestuesve. Kjo është herë e dytë që sonte ish-deputetja përplaset e policinë, pasi më parë ajo u përplas me efektivët kur bënë ndalimin e Sait Dollapit para Kuvendit./abcnews.al

IMG_9505-1280x853.jpg
ad min12:47 | 16/04/2019

Ish-kryetarja e komisionit të medias dhe edukimit publik, Albana Vokshi përmes një deklarate për media i ka dhënë zë shqetësimit të artikuluar nga “Reporterët pa kufij” lidhur me trajtimin e gazetarëve gjatë protestës së opozitës ditën e shtunë.

“Organizata më e njohur e gazetarëve në botë u kërkon autoriteteve shqiptare të mos përdorin forcë në mënyrë jo proporcionale, veçanërisht jo kundër gazetarëve dhe videoreporterëve që mbulojnë protestat”, deklaron Vokshi, sipas të cilës gjendja elirisë së medias në Shqipëri është përkeqësuar dukshëm në javët e fundit.

Duke listuar rastet e dokumentuara kur gazetarë dhe fotoreporterë janë dhunuar dhe penguar të kryejnë punën e tyre, Vokshi thekson bindjen se kryeministri Rama kërkon kontrollin e plotë të mediave me qëllim zhdukjen e investigimeve për korrupsion dhe blerjen e heshtjes./abcnews.al

SINKRON-SPIROPALI-PER-THUMANE-KASHAR.mpg_snapshot_00.34-1280x720.jpg
ad min15:54 | 04/04/2019

Ministrja e Shtetit për Marrëdhëniet me Parlamentin njëherazi edhe zëdhënëse e qeverisë, Elisa Spiropali, i përgjigjet ish-deputetes demokrate Albana Vokshi.

Përmes një postimi në  rrjetin social Twitter, ministrja Spiropali sqaron se pagat e muajit Prill paguhen në Maj, kur dhe do të jetë e reflektuar rritja për mësues e mjekë.

“Si duket, dalja nga Parlamenti shkaktoka probleme serioze edhe me njohuritë mbi institucionet e tjera shtetërore”, shkruan ministrja Elisa Spiropali në rrjetet sociale./abcnews.al

IMG_7673-1280x853.jpg
ad min14:28 | 02/03/2019

Ndërkohë, Partia Demokratike ka bërë denoncimin e radhës. Albana Vokshi, anëtare e kryesisë së kësaj partie, akuzon kryetarin e Bashkisë së Tiranës, Erion Veliaj, se po grumbullon kartat e identitetit të qytetarëve për të vjedhur votat në zgjedhjet lokale.

“Vjedhja e votave dhe manipulimi i zgjedhjeve është prioriteti numër një i Edi Ramës dhe pupacit të tij në Tiranë, Erion Veliaj. Erion Veliaj është kapur në flagrancë duke grumbulluar karta identiteti për të vjedhur votat. Me urdhër të Erion Veliajt, ky formular u është shpërndarë  prindërve që kanë fëmijët në çerdhet dhe kopshtet e Tiranës, për t’u marrë gjoja leje për publikimin e fotove të tyre.

Një nga kërkesat e formularit, është dorëzimi i të dhënave personale, përfshirë numrin e kartës së identitetit. Urdhri i Erion Veliajt është i paligjshëm. Ligji e ndalon Bashkinë e Tiranës apo çdo institucion tjetër, të marrë të dhënat personale të qytetarëve të saj. Numri i kartës së identitetit është një prej këtyre të dhënave dhe përbën një informacion kyç për zgjedhjet, për sa kohë, karta e identitetit është mjeti kryesor i votimit. Abuzimi flagrant me detyrën i Erion Veliajt, në shkelje të hapur të Kushtetutës dhe legjislacionit në fuqi duhet të jetë këmbanë alarmi për institucionet e drejtësisë. Prokuroria dhe Komisioneri për Mbrojtjen e të Dhënave Personale duhet të urdhërojnë nisjen e hetimeve për të ndaluar skemat e vjedhjes së votave”, tha Vokshi./abcnews.al

IMG_6269-1280x853.jpg
ad min15:01 | 26/01/2019

Hapja e ekspozitave dhe shitja e veprave të artit  gjatë ushtrimit të detyrës si kryeministër e bën të të pavlefshëm mandatin e Edi Ramës. Kështu ka deklaruar në emër të Partisë Demokratike deputetja Albana Vokshi sipas të cilës, kryetari i qeverisë duke shitur krijimtarinë e tij artistike, ka shkelur Kushtetutën dhe ligjin për parandalimin e konfliktit të interesit.

I rrethuar nga familja e tij kryeministri Edi Rama publikon një foto nga ekspozita e tij e rradhës në Berlin. Nga Tirana Partia Demokratike kërkon heqjen e mandatit të tij të deputetit.

“Edi Rama e ka braktisur detyrën, për të hapur në Berlin një ekspozite të re për shitjen e krijimeve të tij, në shkelje të hapur të ligjeve dhe të Kushtetutës së vendit, e cila detyron heqjen e mandatit për deputetin Edi Rama”.

Këtë deputetja demokrate Albana Vokshi e shpjegon me deklarimet që ka bërë më herët kryeministri Edi Rama.

“Deri në vitin 2014, Edi Rama ka deklaruar zero lekë nga krijimtaria artistike. Pasi bëhet Kryeministër, Edi Rama, nis të hapë ekspozita në Europë dhe në Shtetet e Bashkuara. Për 3 vjet rresht, në 2015-2016-2017, ka deklaruar 79 milionë lekë të ardhura nga krijimtaria artistike. Gjithçka është në kundërshtim me ligjin dhe detyrën e tij si kryeministēr dhe si deputet”.

Ligji për parandalimin e konfliktit të interesit në ushtrimin e funksioneve publike, pērcakton në nenin 27 të tij se, “Kryeministri nuk mund të ushtrojë veprimtari private që krijon të ardhura në formën e personit fizik tregtar”. Sipas demokratwve  duke shitur krijmtarinë e tij artistike dhe duke krijuar të ardhura të deklaruara 79 milionë, kryeministri Edi Rama ka vepruar në cilësinë e personit fizik tregtar, siç e përcakton ligji për të drejtat e autorit.

Kjo përbën qartazi papajtueshmëri me funksionin e Kryeminstrit dhe deputetit, duke shkelur hapur Kushtetutën –deklarojnw nga selia blu.

“Në këto kushte, Kuvendit të Shqipërisë i takon të mos sillet si vegël në duart e Edi Ramës, por të ushtrojë të drejtën e vet: të konstatojë papajtueshmërinë me funksionin e Kryeministrit/deputetit dhe të deklarojë mbarimin e mandatit të Edi Ramës në bazë të nenit 71 të Kushtetutës”./abcnews.al

425A0055-1280x853.jpg
ad min15:30 | 21/01/2019

Por për demokratët, ndërprerja e financimit të rrugës Thumanë-Kashar dhe kalimi i këtij fondi për Paktin e Universitetit është mashtrimi i radhës që qeveria bën për studentët. Sipas deputetes së PD-së, Albana Vokshi në buxhetin e shtetit nuk është parashikuar asnjë qindarkë këtë vit për aksin Thumanë-Kashar.

“Edi Rama u tall edhe sot në mënyrë të paturpshme me studentët, duke thelluar më tej përçmimin dhe hakmarrjen ndaj kujtdo që ngre zërin kundër qeverisë së tij hajdute. Studentët nuk përfitojnë asnjë qindarkë nga pazari dhe hilet e Edi Ramës me koncesionin Thumanë – Kashar. Kryeministri i ka gënjyer studentët, sepse për Thumanë – Kashar këtë vit në buxhetin e shtetit nuk është parashikuar asnjë qindarkë. Është për të ardhur keq, sesi Ministrja e Ekonomisë, edhe pse vetë është nënë, pranon me gjakftohtësi të mashtrojë studentët, duke u bërë vegël e bindur e Edi Ramës kundër tyre. Për t’i sjellë në vëmendje publikut dhe medias:  Buxheti i vitit 2019 do të paguajë rreth 105 milionë euro për koncesionet dhe PPP-të e oligarkëve të Edi Ramës.   Për të financuar kërkesat e studentëve, me një faturë rreth 16 milionë euro, mjafton që Edi Rama: Të anullojë koncesionin korruptiv të inceneratorëve për të cilin i paguan njeriut të Arben Ahmetajt 18 milion euro në vit.  Ose të anullojë koncesionet korruptive në shëndetësi, për të cilat shqiptarët u paguajnë miqve dhe klientëve të Edi Ramës 33 milionë euro në vit, por nuk marrin shërbim. Për plotësimin e kërkesave të studentëve jo me mashtrime, por me akte konkrete, mjafton që Edi Rama të anullojë 27 milionë eurot që i paguan klientëve të tij Kastrati e Salillari për koncesionin e pavlerë të Rrugës së Kombit apo klientit tjetër Gjoka Konstruksion për koncesionin korruptiv të Rrugës së Arbrit”. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono