alarmi

markelian-kuqo-1-1280x708.jpg
ad min09:52 | 16/10/2019

Ditën e djeshme, autoritetet e Korçës u vunë në alarm pas një njoftimi për bombë në makinën e gjyqtarit Markeljan Kuqo. Pas kontrolleve rezultoi se alarmi ishte fals dhe ishte kryer nga 34-vjeçari, Neim Behari, i cili vuan një dënim për grabitje në burgun e Drenovës.

Abc Neës ka mësuar se Neim Behari ka pasur një proces gjyqësor me gjyqtarin Markeljan Kuqo, me objekt “ndryshimi i llojit të regjimit të sigurisë së burgut”.

Behari për shkak të llojit të krimit që ka kryer vuan dënimin në regjimin  e sigurisë së lartë të burgut të Drenovës dhe në padi ka kërkuar të kalojë në regjimin  e sigurisë së zakonshme.

Deri tani janë zhvilluar tre seanca gjyqësore ku e fundit  është mbajtur në datën 9 tetor dhe gjyqtari Markeljan Kuqo ende nuk ka konkluduar me vendim për kërkesën e të dënuarit për grabitje./abcnews.al

ZHDUKJA-E-DATERIT-VLORE_ABC-N2-T1.mpg_snapshot_00.02-1280x720.jpg
ent ela12:35 | 20/09/2019

Ambjentalistët në Vlorë kanë dhënë alarmin për zhdukjen e midhjes speciale, daterit. Krijesa ujore po tregtohet në restorante të ndryshme, ndërsa është e ndaluar me ligj. Përfaqësues të AKU-së thonë se janë gjobitur disa subjekte, por ende situata është jashtë kontrollit.

Dateri rrezikon zhdukjen. Prej vitesh kjo midhje dykapakore tregtohet në restorante të ndryshme. Gjuetia e këtyre specieve është konstatuar prej vitesh, pavarësisht se ndalohet me ligj.

Për të parandaluar dëmtimin e florës dhe faunës përgjate bregdettit u mblodhën në një takim-ekspedite organizatat ambjentaliste, përfaqësues të Autoritetit Kombëtar të Ushqimit , rojet bregdetare dhe përfaqësues nga ministria e Turizmit. Ambjentalisti Simo Ribaj flet për një situatë alarmante pasi gjate sezonit veror janë shkatërruar shkëmbinj për të nxjerre Daterin.

Nertil Bellaj, drejtori i Autoritetit Kombëtar të Ushqimit për qytetin e Vlorës thotë se 7 subjekte janë gjobitur për tregtimin e paligjshëm të daterit vitin që shkopi si dhe 8 subjektet këtë vit.

Sipas Bellajt ligji pritet të përmirësohet, si edhe të rriten masat ndëshkuese për të parandaluar gjuetinë e këtyre specieve unike.

Dateri, quhet “shpuesja e shkëmbit”, dhe bën pjesë te molusqet (butakët) dykapakorë (Bivalvia).

Eshtë një nga më të kërkuarat në treg  Kjo ka bërë që ky lloj të jetë objekt i vazhdueshëm i grumbullimit dhe tregtimit. /ABC News Albania 24/7

17595927_303.jpg
ent ela09:40 | 16/09/2019

Enti Federal i Mjedisit ka gjetur thuajse te të gjithë fëmijët e kontrolluar mbetje plastike. Disa syresh janë të dëmshme për shëndetin. Gjithsej janë kërkuar 15 lëndë plastike te ndryshme te 2500 fëmijë.

Studimi bazohet në analiza të bëra në  periudhën 2003-2017. Rezultati i tyre është alarmues: “Mbeturinat e 11 lëndëve plastike janë gjetur në urinën e 97 përqind fëmijëve. “Kjo, sigurisht, është dramatike. Lëndë të tilla nuk duhet të gjenden në trupat e fëmijëve”, tha zëdhënësja e Grupit Parlamentar të Të Gjelbërve në Bundestag, Bettina Hoffmann. Veç kësaj, lëndë të tilla, që dëmtojnë hormonet,  supozohet të luajnë një  rol nxitës në të ashtuquajturat sëmundjet e civilizimit, siç janë obeziteti, çrregullimet e fertilitetit, kanceri dhe vonesat në zhvillim.

Më të vegjlit janë më të prekurit

Studimi citohet në një përgjigje të qeverisë gjermane ndaj një pyetjeje të grupit parlamentar “Të Gjelbrit” për dëmtimin e popullsisë nga mbetjet kimike. Ai nxjerr në pah se se sa më i lartë të jetë prodhimi i lëndëve plastike, aq më shumë gjenden ato në trupat e fëmijëve, i tha bashkautorja e studimit, Marike Kolossa-Gehring, revistës së përjavshme, DerSpiegel.

Sipas saj, grupmosha më e ndjeshme është ajo e fëmijëve parashkollorë. “Është e papranueshme që çdo i katërti fëmijë – midis moshave tre dhe pesë vjeçare –  të ketë aq shumë mbeturina plastike në trup, sa të mos përjashtohet me siguri rreziku i dëmit nga këto lëndë toksike,” ankohet Hoffmann.

Më shqetësueset janë sidomos nivelet e larta të acidit perfluorooctanoic (PFOA). Ai përdoret, për shembull, për veshjet e aktiviteteve në natyrë. Sipas Agjencisë Federale të Mjedisit, kjo lëndë dëmton fertilitetin dhe mëlçinë. Vitin e ardhshëm, ky acid do të jetë i ndaluar në të gjitha vendet e BE-së.
Familjet më të varfra janë më të prekura 

Në këtë studim, Agjencia Federale e Mjedisit ka pyetur edhe për ambientin në të cilin jetojnë fëmijët, se a jetojnë buzë një rruge me shumë trafik, a pihet duhani në shtëpi, cilat prodhime përdoren më shpesh në jetën e përditshme, për shembull, a përdoren detergjentë të ashpër në pastrim ose zbutës pas larjes së rrobave, çfarë lëndësh përdoren në shtëpi për mbulesa, perde apo qilima. Rezultati: te fëmijët që rriten në familje të varfra janë gjetur më shumë mbetje plastike se te fëmijët me një status të lartë shoqëror.

Nga këndvështrimi i të Gjelbërve, këtu nevojitet ndërhyrja e politikës. Nuk mjafton përpjekja e konsumatorëve të shmangin përdorimin e panevojshëm të plastikës. “Askush nga ne nuk mund të mbrohet vetë nga ky rrezik”, thotë Hoffmann. “Ne nuk e dimë se ku janë këto lëndë. Prandaj politika duhet të marrë përsipër t’i ndalojë këto lëndë në treg.

Edhe pas shume kohe ende ne trup

Se sa e rëndësishme është që lëndë të tilla të dëmshme të hiqen nga qarkullimi, këtë e dëshmon edhe një tjetër rezultat i studimit afatgjat të Entit Federal të Mjedisit. Në trupat e fëmijëve janë gjetur edhe mbeturina plumbi ose të një pesticidi të ndaluar prej shumë kohësh, DDT, megjithëse në periudhën e studimit, 2003-2017,  ndotja me këto lëndë ka qenë shumë e ulët. Por shumë shpesh, derisa këto substanca të zhduken përfundimisht, duhet të kalojnë vite të tëra. /DW

KRONIKE-EUROSTAT-JEP-ALARMIN_ABC-M4-T2.mpg_snapshot_00.15-1280x720.jpg
ent ela20:15 | 09/09/2019

Shqipëria zë vendin e fundit në Evropë për financimin në sektorin e shëndetësisë. Të dhënat janë publikuar në raportin më të fundit të Zyrës Evropiane të Statistikave, Eurostat.

Përballja me shifrat e rendit Shqpërinë të fundit në Kontinentin Evropian për financimin e shëndetësisë.

Raporti i Eurosta tregon se në bazë të GDP se Buxhetit për financimin e shëndetësisë vendi ynë renditet 3,5 herë më poshtë se mesatarja e Bashkimit Evropian, dy herë ndaj asaj të Rajonit, dhe tre herë më poshtë krahasuar me Bosnjeën.

Ndërsa në vlera absolute të financimit prej Buxhetit për frymë popullsie, kjo diferencë ndaj mesatares së vendeve të Bashkimit Evropian rritet në afro 10 herë.

Kritikët e qeverisë kanë përsëritur se Financimet nga Buxheti jane fryre artificialisht duke i llogaritur ato 2,8%, të GDP, ndërsa në të vërtetë janë vetëm 2%, pa përmendur këtu çështjen e Qendrës së Traumës.

Kjo sepse 0,8 % të GDP të llogaritur vijnë nga të ardhurat e Kontributeve Direkte, pra nga sektori sigurativ, që mund të jetë publik autonom, privat ose të dyja bashkë e ku kontribuohet drejtpërsëdrejti nga qytetarët, pra këto nuk duhet të llogariten si pjesë e financimit të Buxhetit të Shtetit, por vetëm si pjesë e shpenzimeve.

Problem tjetër janë shpenzimet (jo financimet) për Shëndetësinë, që janë “kokëposhte” (anti sociale), sepse pagesat direkte nga publiku (direkt nga xhepi), zënë mbi 50% të shpenzimeve me tendencë rritje galopante, parametër ky shumë larg nivelit minimal social europian. /ABC News Albania 24/7

 

veliera-hollandeze-1280x720.jpg
nev ila11:00 | 31/08/2019

 

Një velierë me emrin AIOLOS me flamur hollandez  pësoi avari kur ndodhej në gadishullin e Karaburunit duke dhënë sinjalin SOS.

Me marrjen e sinjalit rojet bregdetare dhe policia kufitare i dhanë ndihmën e parë.

Veliera me anë të rimorkimit nga rojet bregdetare mbërriti në portin e Sazanit për riparimin e defektit .

Më pas anija me dy persona në bord u largua për në destinacionin e radhës./ABC News Albania 24/7

Dorian-uragani-1280x856.jpeg
nev ila13:06 | 28/08/2019

 

Qendra kombëtare për uraganët në Shtetet e Bashkuara të Amerikës ka shpallur gjendjen e alarmit për një stuhi tropikale dhe një uragan në Porto Riko ndërsa stuhia tropikale Dorian vazhdon të lëvizë nëpërmjet Karaibeve drejt ishullit që është territor amerikan.

Parashikohet që Dorian të kalojë pranë ose në jug të Porto Rikos pasditen e të mërkurës dhe në mbrëmje si një stuhi tropikale, ndërsa mundësitë janë që të kthehet nga uragani. Guvernatorja e ishullit shpalli gjendjen e jashtëzakinshme ndërkohë që në vitin 2017 ishulli u shkatërrua nga dy uraganë./ABC News Albania 24/7

1563945343_103127_1563949105_noticia_normal_recorte1-1280x752.jpg
ad min12:00 | 24/07/2019

Vendet e Evropës Perëndimore janë përfshirë nga vala e të nxehtit duke bërë që në shumë qytete evropiane të shpallet gjendja e alarmit. Ekspertët paralajmërojnë se në ditët në vijim temperaturat do të jenë dhe më të larta.

 Vala e të nxehtit ka përfshirë Evropën perëndimore. Temperature rekord janë shënuar jo vetëm në Spanjë, Francë, Portugali dhe Itali; por dhe në Mbretëri të Bashkuar, Belgjikë, vendet e Ulëta, Gjermani dhe Zvicër.

Në Spanjë temperaturat arrijnë më shumë se 40 gradë, e njëjta gjë ndodh dhe në Francë ku 59 departamente janë vendosur në gjendje alarmi.

Në Itali për të enjten parashikohet gjendje alarmi për të paktën 13 qytete mes të cilave dhe Roma e Firence. Mbretëria e Bashkuar mund të thyejë rekordin e 38.5 gradëve.

Gjendje alarmi për shkak të temperaturave të larta për herë të parë është vendosur dhe në Belgjikë. Në Bruksel shërbimet kryesore do të ndalojnë në orën 13, të mërkurën, të enjten dhe të premten.

Zëdhënësja e organizatës metereologjike botërore u shpreh se temperaturat e larta janë pasojë e ndryshimeve klimatike. Në Portugal pasojat e valës së të nxehtit kanë qenë më të rënda. Qendra e vendit është përfshirë nga zjarret që kanë shkaktuar më shumë se 40 të plagosur. Zjarrfikësit për momentin e kanë situatën në dorë por gjithsesi gjendja e alarmit mbetet në fuqi./ABC News Albania 24/7

varferii-1280x626.jpg
ad min13:00 | 26/06/2019

Sipas një raporti të fundit të Kombeve të Bashkuara, ndryshimet klimatike do të shkaktojnë 120 milion të varfër të rinj Brenda vitit 2030. Po sipas këtij raporti vetëm të pasurit do të kenë mundësi t’i shmangen varfërisë

Philip Alston, relator special i Organizatës së Kombeve të Bashkuara, ka dhënë alarmin për varfërinë ekstreme dhe pasojat e saj. Planeti në fakt, rrezikon një apartheid klimatik në të cilin të pasurit kanë mjetet për tu larguar nga varfëria ndërsa pjesa tjetër e botës do të vuajë. Alston në raportimin e tij para këshillit të të drejtave të njeriut, i gjykoi masat e marra nga kombet e bashkuara sit ë papërshtatshme dhe jo të mjaftueshme për të shpëtuar planetin tokë nga tragjedia e pashmangshme

Australiani Alston është pjesë e një grupi ekspertësh të pavarur të kombeve të bashkuara. Paralajmërimi kryesor i raportit, i mbështetur në kërkimet e fundit shkencore dhe i prezantuar në Gjenevë, është se të varfrit në botë rrezikojnë të jenë më të prekurit nga rritja e temperaturave dhe nga mungesat e mundshme të ushqimit si dhe nga konfliktet që mund të shoqërojnë këto ndryshime

Parashikohet se vendet në zhvillim do të vuajnë të paktën 75 për qind të pasojave të ndryshimeve klimatike, pavarësisht faktit se gjysma më e varfër e popullsisë botërore prodhon vetëm 10 për qind të emetimit të dioksidit të karbonit.

Ndryshimi klimatik kërcënon të anulojë progresit e 50 viteve të fundit në fusha si shëndeti global si dhe reduktimi i varfërisë. Alston paralajmëroi se ndryshimet klimaterike mund të varfërojnë 120 milion persona Brenda vitit 2030. Akoma sot, shtoi ai, shumë vende po bëjnë hapa miopë në drejtimin e gabuar./ABC News Albania 24/7

uji-obsh.jpg
nev ila12:35 | 18/06/2019

Sipas raportit më të fundit të UNICEF dhe organizatës botërore të shëndetësisë, në botë një person në tre nuk furnizohet me ujë të pijshëm të sigurtë. Ndërsa për tre miliard persona nuk është e mundur as të lajnë duart pasi nuk kanë ujë dhe sapun në shtëpi.

Në botë një person në tre nuk ka akses në ujë të pijshëm të sigurt. Alarmi është dhënë nga raporti “Progres në ujë të pijshëm” i përgatitur nga UNICEF dhe organizata botërore e shëndetësisë. Jo vetëm: më shumë se gjysma e botës nuk ka akses në shërbime higjeno shëndetësore të sigurta. Sipas raportit furnizimi i thjeshtë me ujë nuk mjafton pasi nëse nuk është i pastër apo i sigurtë, nuk mund të ndihmohen fëmijët në nivel global.

Po sipas raportit, rreth 2.2 miliard persona në nivel botëror nuk kanë shërbimet e duhura për tu furnizuar me ujë të pijshëm, ndërsa janë 4.2 miliard personat që nuk kanë shërbime të sigurta higjenike. Për tre miliard persona ndër të tjera, nuk është e mundur as larja e duarve pasi nuk kanë ujë dhe sapun.

Sipas UNICEF dhe OBSH nëse vendet do të dështojnë në përpjekjet për të garantuar ujë të sigurt dhe shërbime higjeno-shëndetësore do të vazhdojnë të bashkëjetojnë me sëmundje, që prej kohësh duhej të ishin pjesë e librave të historisë./ABC News Albania 24/7

bimet-alarmi-1280x843.jpg
ad min13:30 | 12/06/2019

Shkencëtarët japin alarmin se shumë lloje bimësh rrezikojnë të zhduken dy herë më shpejt se disa specie kafshësh. Gjatë 250 viteve te fundit janë zhdukur më shumë se 571 lloje bimësh.

Nëse për shumë specie kafshësh prej shumë vitesh është dhënë alarmi për zhdukjen e tyre, janë të tjera formë jetësh që rrezikojnë të zhduken edhe më shpejt. Sipas një raporti të përbashkët kërkimor anglo – suedez, bimët po zhduken dy herë më shpejt se zogjtë, gjitarët dhe amfibët së bashku.

Kërkuesit kanë analizuar studime të mëparshme, arkiva digjitale ndërkombëtarë dhe ekzemplarë lulesh të ruajtura në muzetë kryesore të botës. Ata zbuluan se 571 specie  të ndryshme janë zhdukur në 250 vitet e fundit. Zhdukja ka qenë më masive për pemët dhe bimët në ishuj ku shpesh rriten specie bimore që nuk gjenden në vende të tjera.

Autorët e studimit shkruajnë se zhdukja e bimëve përfaqëson një rrezik dhe për organizma dhe ekosisteme të tjera, përfshirë dhe mirëqenien e njerëzve. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono