alarm

ambasada.jpg
ad min19:00 | 30/10/2019

Një telefonatë anonime alarmoi policinë e kryeqytetit këtë të mërkurë pasi flitej për një bombë në ambasadën ceke.

Uniformat blu shkuan menjëherë në vendin e ngjarjes dhe po ushtrojnë kontrolle brenda dhe jashtë ambienteve të ambasadës.

Deri më tani nuk është gjetur asgjë. Sipas burimeve të policisë bëhet fjalë për një alarm të rremë.

Prandaj ata janë duke punuar edhe për gjetjen e personit që bëri telefonatën anonime./abcnews.al

alarmi.mp4_snapshot_00.05-1280x720.jpg
Autor E14:14 | 15/10/2019

Një telefonatë ka alarmuar policinë e Korccës sipas të cilës një gjyqtari i ishte vendosur lëndë shpërthyese në makinë.

Gazetarja Daniela Zizi bën me dije për abcnews.al se alarmi është dhënë nga burgu i Drenovës në Korçës.

Në foto: Gjyqtari Markelian Kuqo

Gjyqtari në fjalë është ai që ka dhënë vendimin për lirimin me kusht të Gert Gjinararit, i njohur ndryshe edhe si Gert Gjenerali, i cili ka qenë i dënuar për vrasjen e Naim Zyberit.

Pas verifikimeve të bëra policia nuk ka zbuluar asgjë në makinën e gjyqtarit Markelian Kuqo duke e klasifikuar rastin si një alarm fals.Megjithatë, edhe pse policia ka thënë se alarmi është fals, mësëohet se makina në këto momente është rrethuar nga forcat RENEA dhe ato të xhenios pasi dyshohet se pakoja gjendet brenda. Gjithashtu policia ka marrë në mbrojtje gjyqtarin. /abcnews.al

mushkonjat-divjaka-1280x700.jpg
nev ila14:17 | 04/07/2019

Pushuesit po e braktisin Divjakën për shkak të mushkonjave. Kurse banorët thonë se po kalojnë një periudhë tepër të vështirë. Këtë sezon nuk është dezinsektimi i zonës dhe mushkonjat kanë vërshuar në pyll dhe në bregdet.

Atë që po u bëjnë mushkonjat nuk ua bënë as gjarpri. Pushues e banorë në Divjakë po kalojnë në depresion nga insektet . Gjenden kudo ditën, natën. Në pyll, fusha dhe bregdet.

Të gjithë janë të alarmuar. Pickimet nuk kursejnë askënd. Fëmijë, burra e gra, ankohen se mushkonjat u kanë mërzitur pushimet.

Dezinsektimi këtë vit nuk është kryer. Por bashkia e Divjakës i është drejtuar disa herë me shkresa Ministrisë së Shëndetësisë dhe s’ka marrë asnjë përgjigje.

Vetë vendorët po ndjehen keq në këtë sezon turistik. Insektet u kanë ulur numrin e turistëve në Divjakë.

Ajo që po u ndodh me mushkonjat u duket si betejë të cilën e kanë humbur. Në një situatë të tillë duken dhe qesharak.

Një vit më parë, në pranverën e 2018- ës u bë dezinsektimi i insekteve në të gjithë territorin e plazhit.  Kjo është koha e luftimit të larvave të mushkonjave, pasi vonesat sjellin probleme dhe më të rënda./ABC News Albania 24/7

 

 

 

 

 

2668005.jpg
nev ila11:50 | 28/05/2019

Dy të burgosur, një shqiptar dhe një sirian u arratisën mbrëmë nga burgu i Avlonës në Greqi. Media greke “zougla.gr” ka publikuar sot fotot e të arratisurve .

I arratisuri shqiptar nga qelia e burgut grek është shtetasi me inicialet Al. XH. Bashkë me të, ka thyer sigurinë e qelisë edhe shtetasi sirian me inicialet Ag. Ab.

I burgosuri shqiptar, sipas gazetës greke, është një 22 vjeçar i përfshirë në vrasjet e ndodhura se fundmi në burgun e Koridhalos. Ai cilësohet si pjesë e së ashtuquajturës “mafia e burgut” në Koridhalo.
Dy të burgosurit arritën te arratiseshin pasi goditen edhe një oficer policie jashtë perimetrit të burgut, i cili qëlloi në ajër me armë për t’i trembur.

Shqiptari, i lindur në vitin 1996, u arrestua për trafik droge dhe u dënua me 16 vjet burg. Ndërsa siriani i lindur në vitin 1998, u arrestua për imigracionin e paligjshëm dhe u dënua me shtatë vjet burg./abcnews.al

download-1-1.jpg
ad min19:10 | 13/05/2019

Moti i keq që ka përfshirë Ballkanin Perëndimor ka shkaktuar probleme në Bosnje, ku janë përmbytur disa fshatra. Ndërkohë, në Serbi e Kroaci autoritetet po mbajnë nën mbikëqyrje lumenjtë Danub dhe Sava, për shkak të rritjes së nivelit nga reshjet e dendura.

Vala e motit të keq, me shira të dendura dhe erëra të forta, ka krijuar probleme në vendet e Ballkanit perëndimor, në disa prej të cilave është dhënë dhe alarmi për rrezik nga përmbytjet. Situata paraqitet kritike kryesisht në Bosnje e Hercegovinë, ku në zonën Prijedor lumenjtë janë tejmbushur duke shkaktuar frikë tek banorët e fshatrave të ndryshëm. Sipas raportimeve të mediave lokale, rreth 200 shtëpi janë përmbytur dhe po ashtu rrugët përreth, të cilat janë bërë të pakalueshme. Skuadra të shumta shpëtimi janë vënë në lëvizje për t’u ardhur në ndihmë banorëve, në veçanti të moshuarve dhe të miturve.

Ndërkohë, alarmi nga moti i keq është shtrirë edhe në Serbi dhe Kroaci, ku shirat janë po ashtu të dendur dhe erërat agresive. Nën vëzhgimin e autoriteteve janë lumenjtë e mëdhenj, kryesisht Danubi dhe Sava, të cilët vetëm 5 vjet më parë shkaktuan përmbytje të paprecedenta në të njëjtën periudhë të gjysmës së dytë të majit. Ndërkohë, në Maqedoni ekipe për menaxhimin e krizave janë mbledhur në fshatin Lisiçe të Poshtme, në rrethinat e Shkupit, për të zhbllokuar kalimin e lumit Vardar, pasi nën urën e tij janë grumbulluar degë të mëdha druri dhe mbeturina./ABC News Albania 24/7

 

prishtine.jpg
ad min18:59 | 12/04/2019

Pas grabitjes së ndodhur në aeroportin “Nënë Tereza” në Tiranë edhe në Kosovë është parashtruar çështja e sigurisë në aeroportin e Prishtinës. Duke iu drejtuar qeverisë, ekspertë të fushës kanë deklaruar se struktura ka nevojë për masa shtesë monitorimi.

355 kamera janë të vendosura në Aeroportin Ndërkombëtar të Prishtinës për të vëzhguar situatën e sigurisë. Në Qendrën për Menaxhimin e Kufijve thonë se aeroporti është në mbikëqyrje vazhdimisht gjatë 24 orëve, por kanë kërkuar avancimin e sistemit të monitorimit. Këtë kërkesë ia kanë bërë zv/kryeministrit Fatmir Limaj gjatë vizitës që i bëri kësaj qendre.

“Këto kapacitete të avancohen dhe të ofrohet një siguri në mënyrë që të mos jemi një aeroport i shënjestruar sepse nuk ka siguri”, tha Samir Krasniqi

“Ky vend ka kapacitete e resurse që t’i bëjë të gjitha detyrat. Është pozitive që vendi ynë është i sigurt dhe institucionet tona i bëjnë detyrat si duhet”, tha Fatmir Limaj, zv/kryeministër i Kosovës…

Krasniqi kërkoi gjithashtu nga Limaj që të shqyrtojnë edhe një herë çështjen e kontrollit të kufirit me Shqipërinë. Kjo qendër për monitorimin e kufijve konsiderohet një ndër qendrat më të mira në rajon./abcnews.al

rruga-shengjin-1280x706.jpg
ent ela17:50 | 09/04/2019

Në rrugën e Shëngjinit kanë rënë sërish rrugë dhe vendorët nuk janë aspak entuziast për situatën pavarësisht masave të marra deri tani. Ato kërkojnë ndërhyrje serioze pasi rrugë drejt Shëngjinit po qarkullohet në panik.

Pas shiut nisën të bien edhe gurë. Në rrugën e Shëngjinit po qarkullohet në panik. Zona që nuk është mbrojtur me rrjeta është më rrezik. Investimi muajve më parë nuk i dha zgjidhje të plotë problemit. Këtu disa nga drejtuesit e mjeteve devijojnë rrugën.

Ata po përdorin si portë hyrëse drejt qytetit rrugën e Kunës. Thonë se kanë frikë nga rrëshqitja e mundshme e gurëve. Për drejtorin e shërbimeve ne bashkinë e Lezhës  gurët nuk janë të mëdhenj por nëse do bien mbi makina, pasojat janë të rënda.

Lushi premton vazhdimin e investimit për mbrojtjen e rrugës. Administratori i Shëngjinit Gjok Deda është më i shqetësuar. Ai thotë se jeta e kalimtareve është sërish në rrezik.  Jemi shumë pranë sezonit turistik dhe do ketë fluks, ndaj duhet ndërhyrjë.

Gurët nisen të bien në rrugë që të hënën dhe  krijuan probleme në lëvizjen e automjeteve. Pavarësisht se bashkia ndërhyri për largimin e tyre, firma mirëmbajtëse nuk duket aq e pranishme për të monitoruar situatën.

Gjergj Figuri, gazetar i ABC News, Lezhë

laguna-1280x694.jpg
ent ela17:15 | 04/04/2019

Një nga zonat më të bukura në Lezhë është ndotur. Ajo ehte Laguna e Kunës në Vain dhe specialistët japin alarmin për dëmtimin e biodiversitetit.

Do të ishte atraksion më vete nëse kjo bimësi do ishte kurora e lagunës. Në fakt janë algat që mbulojnë ndotjen në ujë. Kjo është Laguna e Kunës në Vain të Lezhës.

Prej tre vitesh ka këtë pamje.  Ndotja vjen kryesisht nga ujërat e zeza përmes hidrovorit. Specialistët janë në alarm për situatën e krijuar në Kune. Po degradohet biodiversiteti dhe po dëmtohen habitatet ujore.

Bashkia e Lezhës fajëson institucionet mjedisore. Zyrtarët thonë se ato nuk përmbushin detyrimet  dhe nuk bëjnë kontrolle. Nëse nuk do të ndërhyhet për të zgjidhur këtë problem, atëherë në rrezik është edhe bregdeti i Kunës që komunikon me lagunën. Pasojat do të preknin turizmin, situatë që në fakt u regjistrua një vit më parë./abcnews.al

britani-1-1280x667.jpg
ent ela23:22 | 04/03/2019

24 vrasje me armë të ftohta që nga fillimi i vitit kanë alarmuar Mbretërinë e Bashkuar. Autoritetet kanë premtuar marrjen e masave për reduktimin e fenomenit, që ka prekur kryesisht adoleshentët e që për momentin ngjason me një epidemi.

Dy adoleshentë mbetën të vrarë në sulme me armë të ftohta në Britani gjatë fundjavës, duke e çuar numrin e të rinjve të vrarë me thikë që nga fillimi i vitit në 24 persona dhe duke bërë që fenomeni të kthehet në shqetësim kombëtar. Ministri i Brendshëm britanik, Sajid Xhavid reagoi duke deklaruar se gjatë javës do të zhvillojë takime me krerët e policisë, në përpjekje për të gjetur mënyrat e duhura për të frenuar problemin, të cilin e cilësoi si një “dhunë të pakuptimtë”.

“Nuk mund të fshihemi përpara këtij problemi. Kemi të bëjmë me një dhunë serioze që po përçan komunitetet dhe po u merr familjeve fëmijët e tyre”, deklaroi Xhavid në një seancë parlamentare. Policia deklaron se rritja e krimeve me armë të ftohta në një vend si Anglia, ku armët e zjarrit janë të vështira për t’u gjetur, vijnë si pasojë e faktorëve të ndryshëm, mes të cilëve rivaliteti mes bandave të drogës, ai mes të rinjve, si dhe provokimet në rrjetet sociale.

Problemi është ngjitur në majat e klasifikimit të agjendës politike në Mbretërinë e Bashkuar pasi shifrat zyrtare tregojnë se vrasjet e këtij lloji arritën rekordin vitin e kaluar. Sipas të dhënave, numri i fëmijëve nën moshën 16 vjeç që kanë rënë pre e sulmeve me thikë u rrit me 93 për qind në periudhën 2016-2018.

Një pjesë e mirë e vrasjeve kanë ndodhur në lagjet e varfra të Londrës. Në të njëjtën kohë, policia britanike është përballur me një shkurtim të theksuar të stafit dhe buxhetit, në kuadër të masave anti-krizë të imponuara nga kryeministrja Theresa Mej./abcnews.al

antonio-guterres.jpg
ad min13:50 | 25/02/2019

Bota po përballet me një valë ksenofobie, racizmi dhe mungese tolerance, ndërsa të drejtat e njeriut po humbasin terren në nivel global.

Është ky alarmi i dhënë nga Sekretari i Përgjithshëm i Kombeve të Bashkuara, Antonio Guterres, në Këshillin për të Drejtat e Njeriut në Gjenevë.

Ai theksoi se si në tre vitet e fundit janë vrarë më shumë se një mijë gazetarë dhe aktivistë për të drejtat e njeriut./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono