al kaeda

leader.jpg
ad min23:23 | 08/10/2019

Trupat amerikano-afgane kanë eliminuar përmes një operacioni të përbashkët një lider të rëndësishëm të Al Kaedës. Terroristi strehohej në një bastion të talebanëve në provincën e Helmandit, gjë që ka vënë në dyshim angazhimin e guerrilasve në bisedimet e paqes me SHBA.

Një lider i lartë i Al Kaedës ka mbetur i vrarë në një operacion të përbashkët të forcave amerikane dhe atyre afgane. Lajmin e kanë bërë të ditur shërbimet e inteligjencës në Kabul, të cilat kanë saktësuar se operacioni është kryer muajin e kaluar, por vetëm tani ka qenë e mundur të konfirmohet rezultati i tij.

Asim Umar, drejtues i Al Kaedës në Azinë e Jugut mbeti i vrarë më 23 shtator në një banesë në provincën e Helmandit –saktësuan burimet pranë inteligjencës afgane, duke shtuar se në të njëjtin operacion humbën jetën edhe të paktën 40 civilë.

Operacioni i përbashkët amerikano-afgan u krye në rajonin Musa Kala, i njohur si bastion i talebanëve, ku Asim Umar dhe anëtarë të tjerë të Al Kaedës ishin strehuar. 6 bashkëpunëtorë të tij, përfshirë korrierin e mesazheve mes Umar dhe liderit numër 1 Ajman al Zauahiri, mbetën gjithashtu të vrarë.

Autoritetet afgane publikuan edhe foto të Umar, të gjallë dhe të vdekur, ndërkohë që detaje të tjera mbi operacionin dhe se çfarë u bë me trupat e civilëve të vrarë mbeten të paqarta.

Prania e një lideri të Al Kaedës në një bastion të talebanëve ngre dyshime mbi vullnetin e rebelëve për të prerë lidhjet me xhihadistët në kuadër të bisedimeve të paqes me Shtetet e Bashkuara./ABC News Albania 24/7

main.jpg
ent ela23:15 | 11/09/2019

Me rastin e përvjetorit të sulmeve të 11 Shtatorit, lideri i Al Kaedës, Ajman al Zauahiri, është rishfaqur në një video. Në fjalimin e mbajtur, Al Zauahiri ka deklaruar se rrjeti terrorist do të vazhdojë të luftojë kundër Shteteve të Bashkuara. Gjithashtu, ka vijuar kreu i Al Kaedës, në shënjestër të militanteve do të jenë edhe aleatët e Amerikës si Franca, Britania e Madhe dhe vende të tjera të Perëndimit. Ndërkohë, në Kabul të Afganistanit, një raketë ka rënë dhe ka shpërthyer në kompleksin e godinave ku ndodhet dhe Ambasada e Shteteve të Bashkuara. Lajmin e kanë bërë të ditur mediat amerikane, sipas të cilave nga shpërthimi nuk ka pasur persona të lënduar. /ABC News Albania 24/7

hamza-bin-laden.jpg
ad min10:50 | 01/03/2019

Një milion dollarë është shuma që Shtetet e Bashkuara të Amerikës kanë vendosur si shpërblim për atë që jep informacion të saktë për vendin ku jeton djali i Osama Bin Laden, i cili konsiderohet si lideri i ri i Al Kaedës

Shtetet e Bashkuara të Amerikës kanë vendosur një shpërblim prej një milion dollarësh për informacione rreth djalit të Osama Bin Laden, Hamza Bin Laden, i cili konsiderohet nga amerikanët si një figurë në ngritje në ekstremizmin islamik. Në mënyrë të veçantë shpërblimi është për këdo që mund të japë informacione të sakta se ku jeton ai. Vitet e fundit u mendua se ai mund të jetojë në Pakistan, Afganistan, Siri ose Iran.

Sipas raportimeve të BBC, vitet e fundit Hamza ka publikuar online mesazhe të ndryshme audio dhe video duke i bërë thirrje ndjekësve të tij që të sulmojnë Shtetet e Bashkuara të Amerikës dhe aleatët e tyre perëndimorë për të marrë hak për vrasjen e babait të tij, që ndodhi në vitin 2011 në Pakistan.

Nga informacionet që aktualisht janë të konfirmuar, ai është 30 vjeç dhe është i martuar me vajzën e Mohammed Atta, terrorist egjiptian që drejtoi një nga katër avionët e përdorur për sulmet e 11 Shtatorit 2001. Në letrat e Osama Bin Laden të sekuestruara në vendin ku ai jetonte, djali i tij prezantohej si lideri i ri i Al Kaedës./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono