akuzat

TAHIRI-NGA-TRAFIKANT-NE-SHPERDORUES-DETYRE.mpg_snapshot_03.23-1280x720.jpg
ent ela15:11 | 20/09/2019

Përballjen me drejtësinë ish ministri i brendshëm Saimir Tahiri e ka nisur dy vjet më parë. Një përmbledhje e procesit që nisi me akuzat për trafikant të lëndëve narkotike e që përfundoi me vendimin e gjykatës për shpërdorim detyre.

Kështu nisi karriera e Saimir Tahirit si ministër i Brendshëm në vitin 2013. Në pak kohë u listua më i suksesshmi ndër ministrat e tjerë të qeverisë Rama 1. Një vit pasi kishte marrë detyrën, nisën edhe akuzat e para të opozitës.

“Audi me targë AA003GB në pronësi të Saimir Tahirit gjatë vitit 2014 kishte kaluar me qindra herë kufirin Shqipëri-Greqi dhe se kishte dyshime të forta se nën përdorimin e kushërinjve Habilaj të ministrit të Brendshëm, me atë mjet ishte trafikuar drogë”.

Një vit më vonë ish shefi i antidrogës në Vlorë Dritan Zagani e akuzoi se dekonspironte aksionet e policisë për kapjen e trafikantëve të drogës.

Opozita kërkoi heqjen e imunitetit të Saimir Tahirit dhe dorëzimit të tij drejtësisë. Por mazhoranca kërkoi më shumë prova që të bindej.

Me kohën po veniteshin edhe deklaratat si ministri më I sukssesshëm deri sa një ditë kryeministri Edi Rama i heq të gjitha funksionet politike dhe e lë të lirë të gjejë të drejtën e tij.

Në nëntorin e vitit 2017 Saimit Tahiri u vu nën hetim nën dyshimet se kishte lidhje me grupin e vëllezërve Habilaj, kushërinj të tij, të cilët ishin pjesë e një organizate italo-shqiptare që trafikonte marihuanë nga Shqipëria drejt Italisë.

Shkak për nisjen e hetimeve u bë goditja e kësaj organizate në Catania nga autoritetet italiane e cila ndeshi në përgjiet e kryera mes trafikantëve emrin e ish ministrit Tahiri.

Socialistët iu bënë mburojë kur Prokuroria kërkoi arrestimin e ish ministrit, me pretendimin  se nuk kishin paraqitur asnjë provë.

Por ishte vetë Saimir Tahiri që vendosi në vitin 2018 të japë dorëheqjen nga mandati i deputetit. Pas përsëritjes së kërkesës së Prokurorisë, ish ministri qëndroi në arrest shtëpie derisa Gjykata  e Apelit vendosi që ai të hetohej në gjendje të lirë.

Gjatë vitit 2018 prokuroria e krimeve të rënda sekuestroi dhjetra prona të grupit Habilaj me vlerë miliona euro.

Saimir Tahiri në cdo seancë gjyqësore ka mohuar akuzat për përfshirjen e tij në trafik narkotikësh, apo se ka patur lidhje me grupin e Habilajve. Ai ka përsëritur se ky proces është politik.

Gjykata e Krimeve të Rënda ka pranuar kërkesën e ish-ministrit Tahiri për gjykim të shkurtuar, duke e ulur automatikisht në një të tretën masën e dënimit. Prokuroria kërkoi fillimisht 12 vjet burg duke e akuzuar ish ministrin për të paktën tre vepra të rënda penale: Trafik i narkotikëve kryer në bashkëpunim në formën e grupit të struktuar kriminal; Pjesëmarrje në grup të strukturuar kriminal dhe Kryerja e veprës në grup të strukturuar kriminal.

Por pas një seance maratonë që nisi prej orën 9 të ditës së enjte, rreth orës 22 të mbremjes gjykata i komunikon vendimin, sipas të cilit nuk është një trafikant siç është dyshuar këto dy vjet, por thjesht një funksionar i lartë shtetëror që ka shpërdoruar detyrën.

Ish-Ministri u dënua me 5 vite burg në total, por për shkak të gjykimit të shkurtuar, atij iu ul masa e dënimit me 3.4 vite burg dhe në përfundim iu konvertua në 3 vite shërbim prove, çka do të thotë se Tahiri nuk do të kryejë as një ditë burg.

Por nuk ka mbaruar këtu beteja ligjore e Saimir Tahirit. Ai është i vendosur ta apelojë vendimin për ta hequr edhe këtë njollë nga vetja. Se sa kohë do t’i duhet e sa mesazhe të tjera do të përcjellë nga dyert e gjykatës, kjo ende nuk dihet. /ABC News Albania 24/7

 

irani-shba-trump--1280x720.jpg
nev ila18:00 | 15/09/2019

Qeveria iraniane ka hedhur poshtë akuzat e bëra nga Shtetet e Bashkuara se ishte mbrapa sulmit ndaj impianteve saudite të naftës, me qëllim tronditjen e furnizimit botëror me energji.

Zëdhënësi i Ministris së Jashtme iraniane, Abaz Musavi, duke folur për televizionin shtetëror vendas i cilësoi akuzat e Uashingtonit si “të pakuptimta”.

Ndërkohë, një komandant i Gardës Revolucionare paralajmëroi se bazat amerikane dhe luftanijet e tyre në rajon janë nën rrezen e raketave iraniane.

Të gjithë duhet ta dinë se bazat amerikane dhe luftanijet e tyre në një distancë prej 2 mijë kilometrash përreth Iranit janë brenda rrezes së raketave tona”, deklaroi oficeri i lartë, i cituar nga një agjenci gjysmëzyrtare e lajmeve.

Ai shtoi se Irani është gati për një luftë totale me Shtetet e Bashkuara./ABC News Albania 24/7

MBULIM-PAMPURI.mpg_snapshot_00.06-1280x720.jpg
ent ela13:10 | 15/09/2019

Partia Demokratike akuzoi sot kreun e Agjencisë Shtetërore të Kadastrës, Artan Lame se po i përdor punësimet në administratën e institucionit që ai drejton për të emëruar njerëz nga listat e Partisë Socialiste. Ish-deputetja Oriola Pampuri solli në vëmendje disa përgjime të një viti më parë, ku Artan Lame pranonte ndërhyrjet e deputetëve për punësimet.

“Artan Lame tallet me shqiptarët kur flet për punësime me konkurs. Ai është regjistruar, duke pohuar se emërimet janë partiake dhe duke urdhëruar punonjësit të  punojnë në fushatë”, u shpreh Pampuri. Sipas saj, Lame vazhdon të mashtrojë shqiptarët me propagandën e Edi Ramës për punësime me konkurs. Kreu i Agjencisë së Kadastrës njoftoi gjatë kësaj jave hapjen e thirrjeve për punësime në këtë institucion, duke i bërë thirrje politikanëve që të mos ndërhyjnë më për vende pune. /ABC News Albania 24/7

190812-placido-domingo-mn-0910_517ff98609982e16c6ca90107b2c543f.fit-760w.jpg
ent ela12:20 | 05/09/2019

Tenori i famshëm spanjoll, Placido Domingo, është sërish në qendër të akuzave për ngacmime seksuale dhe sjellje të papërshtatshme. Agjencia e lajmeve Asociated Press pretendon se ka dëshmitë e 11 grave të tjera që akuzojnë Domingon.

11 gra të tjera akuzuan për ngacmim seksual legjendën e lirikës Placido Domingo. Dëshmitë kundër tenorit spanjoll janë mbledhur dhe njëherë tjetër nga agjencia amerikane e lajmeve Associated Press, të cilës gratë i kanë treguar se si këngëtari dhe drejtori i orkestrës i ka ngacmuar me sjellje  të papërshtatshme. Në një deklaratë për media, zëdhënësi i Domingos i cilësoi akuzat si tërësisht të pabazuara në fakte.

Një grua tregoi se në vitin 1999, drejtori i përgjithshëm aktual i operës së Los Angeles e kishte kapur me forcë në një nga dhomat e zhveshjes në opera. Të tjera gra treguan se kanë qenë objekt i shumë përpjekjeve për t’u puthur me forcë. Nëpunës të ndryshëm të prapaskenës së operas konfirmuan se ishin përpjekur të mbronin vajzat e reja nga Domingo dhe pse administratorët kanë injoruar këtë çështje deri në 2016-2017. /ABC news Albania 24/7

SHBA-FBI.mpg_snapshot_00.02-1280x720.jpg
ent ela19:29 | 29/08/2019

Ish-drejtori i FBI-së në Shtetet e Bashkuara është kritikuar për shkelje të ligjit pasi ka publikuar informacione sekrete mbi kontaktet e tij me presidentin Donald Trump, kur ky i fundit i kërkonte të mbyllte një hetim mbi një nga këshilltarët e tij.

Ish-drejtori i FBI-së, Xhejms Komej është kritikuar nga Departamenti amerikan i Drejtësisë për rrjedhje të informacioneve mbi ndërveprimet e tij me presidentin Donald Trump. Nga një hetim i realizuar Departamenti i Drejtësisë ka arritur në përfundimin se Komej kishte dështuar në përmbushjen e detyrës së tij për ruajtjen e informacioneve të klasifikuara. Departamenti deklaroi se Komej kishte shkelur rregullat e FBI-së, duke ia dhënë informacionin një miku të tij, që më pas ia kishte përcjellë një gazetari të “Nju Jork Tajms”. Megjithatë, kryeinspektori i Departamentit tha se nuk do të rekomandojë procedimin e Komej për shkeljen e kryer. Xhejms Komej ka qenë një kritik i zëshëm i presidentit Trump, që përpara se ai ta pushonte nga puna në maj të vitit 2017. Një raport i hartuar nga Departamenti i Drejtësisë sugjeron se, Komej i shkeli rregullat pas shkarkimit, duke shpërndarë pjesë të klasifikuara të një memorandumi mbi bisedat e tij me Trump. Ai kishte mbajtur kopje të memorandumit në një kasafortë në shtëpinë e tij dhe nuk kishte informuar FBI-në se kishte bërë një gjë të tillë. Memorandumi thuhet se përmbante bisedën ku Trump i kërkonte Komej të mbyllte hetimet e FBI-së mbi këshilltarin e tij për sigurinë kombëtare, Majkëll Flin. Ky i fundit u shkarkua më vonë për shkak të rolit të tij në kontaktet me zyrtarët rusë dhe u vetëdeklarua fajtor se kishte gënjyer FBI-në për takimet e zhvilluara me ta. /ABC News Albania 24/7

agim-kajmaku.jpg
nev ila17:31 | 27/08/2019

Deklaratave të sekretarit të Përgjithshëm të Partisë Demokratike, Agim Kajmaku iu përgjigj duke publikuar pasaportën e tij, me vulat e hyrje-daljeve nga pika e kalimit kufitar të Kakavijës.

“Tellalli i PD u mor me mua prape sot, po ska problem se e verteta vonon po nuk harron. Une paskam urdher arresti ne Greqi dhe hykam e dilkam sa here dua! Ja ku e kam qe kam hyre e kam dale nga Greqia para se te dilte emri kandidat”, shkruan Kajmaku në rrjetet sociale.

Kryebashkiaku i Vorës vijon më tej se, as është arrestuar e as dënuar në Greqi, por ka punuar me emër tjetër si të gjithë shqiptarët.

“Po te isha ne kerkim s’do hyja dhe dilja sipas qefit! Shume shpejt do gjejne nje babale tjeter se babale mua s’me bejne dot”, shkruan ndër të tjera Agim Kajmaku, në reagimin e tij./ABC News Albania 24/7

PROKURORI-PD_ABC-M4-T2.mpg_snapshot_00.12-1280x720.jpg
ent ela17:00 | 27/08/2019

Ndërkohë, Prokuroria e Përgjithshme i ka dërguar një kërkesë selisë blu që t’i vërë në dispozicion dokumentet që disponon për të shkuarën e Kryebashkiakut të Vorës Agim Kajmaku.

Pas akuzave të vazhdueshme të Partisë Demokratike për kryebashkiakun e Vorës Agim Kajmaku, prokuroria e Përgjithshme është vënë në lëvizje. Organi më i lartë i hetimit në vend i është drejtuar me një kërkesë selisë blu, me anë të së cilës i kërkon që t’i vërë në dispozicion të gjitha dokumentet që disponon, lidhur me të shkuarën kriminale që PD pretendon për Kajmakun. Kërkesa mësohet se i është dërguar sekretarit të Përgjithshëm demokrat, Gazment Bardhi.

Ndërkohë Njësia e Dekriminalizimit pranë prokurorisë së përgjithshme i ka kërkuar kreut të Bashkisë së Vorës, Agim Kajmaku, që të depozitojë në policinë shkencore gjurmët e gishtërinjve. Burime nga Prokuroria e Përgjithshme bëjnë me dije se, kryebashkiaku i Vorës nuk i ka dhënë ende gjurmet e gishtave. Prokuroria e Përgjithshme ka nisur hetimin për të verifikuar nëse kryetari i bashkisë së Vorës, ka çështje të hapura me drejtësine greke.

Sipas burimeve nga kjo Prokurori, fillimisht do të bëhen verifikimet në vendin tone për shkak se kryebashkiaku i Vorës ka ndryshuar emrin dhe më pas do të dërgohet letërporosi drejt institucioneve të drejtësisë në Greqi, lidhur me te shkuaren e Agim Kajmakut. Informacion në vendin tonë i është kërkuar zyrës së Gjendjes Gjyqësore dhe Drejtorisë së Përgjithshme të Gjendjes Civile, Ministrisë së Drejtësise dhe Prokurorive të Shkallëve të para dhe atyre të Apelit në Tiranë. /ABC News Albania 24/7

 

 

edi-rama-6.jpg
nev ila15:30 | 13/08/2019

Edi Rama distancohet prej drejtuesit të tij politik në Shkodër, Valdrin Pjetri duke thënë se ai nuk ka më asnjë lidhje me Partinë Socialiste derisa të dalë e vërteta ligjore.

Edi Rama lan duart me të preferuarin e tij për Shkodrën.

Pa vënë ende shiritin e kryebashkiakut,  kryeministri ka reaguar pas dokumenteve të publikuara nga PD për arrestimin e Valdrin Pjetrit, duke thënë se përgjegjësia është individuale.

“Jo Valdrini, po vëllai im të jetë, s’ka shans të hedhë asnjë hije dyshimi mbi PS dhe mbi mua, në raport me ligjin e me besnikërinë ndaj popullit! Përgjegjësia për çdo akt individual të padenjë është individuale. Përgjegjësia jonë është si reagojmë ndaj një akti të padenjë individual!”

Një lloj si me Sajmir Tahirin, Rama njoftoi se kandidati fitues i Shkodrës, nuk ka asnjë lidhje me Partinë Socialiste, derisa të dalë e vërteta.

“I edukuar, i zoti, i respektuar familjarisht në Shkodër e kudo ka punuar, po kjo s’mjafton më! Kurrë s’kam menduar se Valdrini mund të fshehë të vërtetën në raport me ligjin, po deri kur e vërteta ligjore të dalë, Valdrin Pjetri dhe Partia Socialiste i kanë rrugët e ndara plotësisht”.

Një paralajmërim e ka për të gjithë skuadrën e tij politike në Partinë Socialiste.

“E me këtë rast, të tërë ta fusin mirë në kokë: Unë s’kam ndërmend të toleroj askënd dhe as të marr përsipër raportin individual me ligjin të askujt! Shkoj në luftë për çdo ide, qëllim a shok armësh, po kosto veprimesh individuale të dyshuara si ky, as marr më, as lejoj më t’i marrë PS!”.

Pas një karriere të gjatë në drejtori të rëndësishme Valdrin Pjetri u kandidua nga Edi Rama për bashkinë e Shkodrës, dhe në 23 korrik, u caktua po nga Edi Rama si drejtues politik i gjithë qarkut Shkodër, duke zëvendësuar Ditmir Bushatin./ABC News Albania 24/7

valdrin-pjetri.jpg
nev ila14:00 | 13/08/2019

 

Pas deklaratave nga Partia Demokratike ka reaguar Valdrin Pjetri.  Kryetari i zgjedhur i Bashkisë sw Shkodrës  shkruan nw rrjetin sociale se tw vërtetën e tij e ka deklaruar para se tw kandidonte pwr postin e kryebashkiakut dhe  pak dite mw parw përmes dokumenteve zyrtare.

E vetmja e vërtetë është ajo që del nga zyrat e agjensive të zbatimit të ligjit dhe jo nga foltoret e PD”  shprehet Valdrin Pjetri.

Kryebashkiaku i zgjedhur i Shkodrës thotë se pret me padurim vendimin e përfundimit të procesit të verifikimit të figurës nga ana e autoriteteve zyrtare shqiptare dhe italiane./ABC News Albania 24/7

kukesiui.png
nev ila18:00 | 31/07/2019

Kukësi dhe Kastrioti hedhin poshtë akuzat për trukim të ndeshjes së tyre në Superligë. Gjtihsesi, UEFA dyshon dhe ekziston mundësia për t’u hapur një hetim

A mund të quhet një tjetër skandal i madh?

Për UEFA-n, dyshimet janë të mëdha, aq sa u detyrua të dërgonte raport për ndeshjen Kukësi-Kastrioti.

Ky raport, nxjerrë nga sistemi BFDS është depozituar prej kohësh nga UEFA në Federatën Shqiptare të Futbollit, siç bën me dijë gazeta “Panorama Sport”.

Nuk dihet se çfarë reagimi ka pasur nga institucioni që drejtohet nga presidenti Duka, por publikisht nuk është bërë me dijë asgjë.

Ndeshja përfundoi 3-1 për Kukësin, me krutanët që kaluan të parët në avantazh, dhe me kuksianët që realizuan tri herë në 10 minutat e fundit.

Reagimi i veriorëve erdhi fillimisht me deklaratat telefonike të presidentit Safet Gjici, duke hedhur poshtë akuzat, duke pohuar se skuadra e tij është dhe ka qenë gjithnjë e pastër, si dhe duke shtuar se është i hapur për hetim.

Më pas, Kukësi doli me deklaratë zyrtare si klub.

“Hedhim poshtë akuzat, – shkruhej në të, – deklarojmë me përgjegjësi se nuk ka asnjë element që të vërtetojë këtë akuzë. Ekipi ynë e pati ndeshjen jetike për të siguruar vendin e dytëpër të qenë i sigurt për Europën …”.

Nuk mungoi edhe reagimi i Kastriotit, që gjithashtu hodhi poshtë akuzat, ndërsa sulmoi gazetën që botoi lajmin.

Nuk dihet nëse do të ketë një hetim të UEFA-s për këtë sfidë të Superligës, luajtur në 30 maj të këtij viti, në javën e fundit, veçse alarmi është i madh pas dënimit të UEFA-s për Skënderbeun, konfirmuar edhe nga Gjykata e Arbitrazhit Sportiv në Lozanë./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono