akuza

ursula-macron.jpg
nev ila19:03 | 11/11/2019

Emmanuel Macron i ka hapur derën Rusisë në Ballkanin Perëndimor. Kështu ka deklaruar Presidentja e Komisionit Evropian, Ursula von der Leyen, pas vendimit për të mos hapur negociatat për Shqipërinë dhe Maqedoninë e Veriut.

Ursula von der Leyen u kërkoi liderëve të Unionit që të fillojnë menjëherë bisedimet e pranimit. Ajo pretendoi se Rusia ose Kina mund të plotësojnë boshllëkun nëse BE nuk është e pranishme në këtë rajon.

Gjatë fjalës së saj në 30-vjetorin e rënies së Murit të Berlinit, von der Leyen tha se Evropa “kishte kërkuar shumë nga Maqedonia e Veriut dhe Shqipëria, dhe ata i kanë përmbushur të gjitha”.

“Tani ne duhet të jemi të vërtetë me fjalën tonë dhe të fillojnë bisedimet e pranimit.”

Ajo tha se, liderët e BE kanë vonuar mundësinë e anëtarësimit për vendet e Ballkanit Perëndimor që prej 2003.

Ajo paralajmëroi nëse Brukseli nuk ofron një perspektivë evropiane për shtetet e Ballkanit Perëndimor “të tjerët do të mbushin boshllëkun – Kina, Rusia, Turqia ose Arabia Saudite”./abcnews.al

mayorga-2-1280x719.jpg
Klejdi Kaimi13:07 | 08/11/2019

Ka të reja për cështjen Mayorga dhe Cristiano Ronaldo mund të qetësohet. Së fundmi është bllokuar padia e saj, pasi gjykatësi, Daniel Albregts, i ka deklaruar avokatit të Kathyrn Mayorga se çështja  është vendosur që të gjykohet nga një organ më i lartë, nëse do zhvillohet gjyq.

Majorga kërkon sërish dëmshpërblim dhe deklaron që kishte firmosur pa qënë e vetëdijshme vite më parë, kur mori një “thes” me dollarë. Ndërkohë, avokatët e Ronaldos kërkojnë nga gjyqtari që çështja të mbyllet përfundimisht ose ta mbyllin në mënyrë private mes palëve.

Historia- Gjithçka filloi në Las Vegas në vitin 2009, ku u takuan në një nga diskot e qytetit. Sipas deklaratës së Mayorgës, e cila tashmë është një modele në Las Vegas, pas qëndrimit në pub ajo shkoi me portugezin në suitën e tij në ‘Palms Hotel and Casino’. Ajo e akuzon Ronaldon se ai e detyroi për të qëndruar në dhomë dhe për ta kaluar natën bashkë.

Në gjyqin e zhvilluar në vitin 2010 Kathyrn e fitoi, duke e detyruar yllin portugez ti paguajë një dëmshpërblim prej 375,000 $.Por, avokatët e Ronaldos fituan ditën e djeshme në sallën e gjyqit të drejtën për ti hequr të gjitha akuzat ndaj 34-vjeçarit. Gjithashtu edhe dëmshpërblimin që pagoi në 2010 ndaj Mayorgës. /abcnews.al

spiunet-e-twiter.jpg
nev ila13:42 | 07/11/2019

Departamenti amerikan i drejtësisë akuzoi zyrtarisht dy ish nënpunës të rrjetit social Twitter për spiunazh për llogari të Riadit. Njëri prej tyre me shtetësi amerikane, u arrestua.

Dy ish nënpunës të Twitter janë akuzuar nga departamenti amerikan i drejtësisë se janë spiunë në shërbim të Arabisë Saudite. Sipas akuzave, të dy kishin për detyrë që të mblidhnin informacione në llogaritë e disa disidentëve apo kritikëve të Riad. Një nga të dy, me nënshtetësi amerikane, u arrestua.

Kjo është hera e parë që autoritetet federale amerikane akuzojnë publikisht Riadin, një nga aleatët kryesorë në Lindjen e Mesme, për spiunazh.

Ish nënpunësi i dytë i Twitter, që akuzohet për spiunazh, është saudit, dhe sipas departamentit amerikan të drejtësisë , në vitin 2015 ai ka arritur të marrë informacione personale nga 6 mijë llogari, për t’ia dorëzuar më pas Riadit.

Njëri nga këto profile i përkiste Omar Abdulaziz, nëj nga personat më të afërt me Jamal Khashoggi, disidenti saudit dhe gazetarit të Uashington Post që u vra një vit më parë nga agjentë sauditë në Stamboll./abcnews.al

sokol-mece-shperthimi-karburanti.jpg
nev ila12:19 | 06/11/2019

 Një ditë pas shpërthimit në Portëz të Fierit është arrestuar pronari i pikës se gazit. Ai akuzohet për shkelje të rregullave në pune. Policia e Fierit ka arrestuar pronarin e shpërndarjes së gazit ku ndodhi shpërthimi një ditë më parë.

62 vjeçari akuzohet për shkelje të rregullave të sigurisë në punë. Shpërthimi i fuqishëm në Portëz mendohet se ka ardhur si pasojë e tejnxehjes së elektromotorrit. Ky i fundit shërben për vënien në punë të pompës që përcjell gazin nga depozitat me gaz, në autobotë.

Nga shpërthimi nuk pati të lënduar por u dëmtuan banesat dhe bizneset përreth zonës ku ndodhen depozitat me gaz. Shpërthimi u dëgjua deri në qytetin e Fierit. Fillimisht zjarri ra në sistemin e shpërndarjes.

Pas 30 minutash ndodhi shpërthimi në një nga depozitat. Situata u menaxhua nga vetë punonjësit e stacionit të gazit. Zjarrfikësit u njoftuan pasi ndodhi shpërthimi çka lë të paqartë nëse incidenti do ishte shmangur po të lejohej ndërhyrja e zjarrfikësve. /abcnews.al

sportradar-1280x720.jpg
Vladimir Prenga13:27 | 02/11/2019

Bastet e paligjshme janë një fenomen që drejtësia në vende të ndryshme është munduar shpesh ta luftojë. Në Itali, i penduari Fabio Lanzafame ka dëshmuar dhe ka bërë që të arrestoheshin 33 persona në Kalabri, 13 në Siçili dhe 22 në rajonin e Puljas.

Akuzat janë nga më të ndryshmet, për aktivitet të paligjshme bastesh, mashtrime të rënda deri në dëmtimin e shtetit dhe pastrim parash. Nga ky operacion u bllokuan asete deri në vlerën e 4.8 miliard eurove.

Grupet mafioze, mes viteve 2015-2017, kishin arritur të çanin në tregun e basteve në internet dhe fitimet ishin shumë të mëdha. Ato krijonin kompani anonime në Maltë dhe ishullin Curacao dhe ofronin baste me kuota më të larta se kompanitë legjitime, si dhe bënin pagesa “cash”.

Lanzafame, që tani është marrë në mbrojtje, është truri i gjithë këtij aktiviteti. Kuotat bliheshin nga Betradar, filial i Sportdadar, teksa pagesat bëheshin në të zezë, sikurse thotë italiani i arrestuar.

Kompania zvicerane ka konfirmuar bashkëpunimin me Probet&Soft Sportwetten GmbH, që zotërohej nga Lanzafame. Në artikullin e “Businessinsider” raportohet se Sportradar nuk ka raportuar për pesë ndeshje të Catania, ku kishte baste të çuditshme. Gjithashtu flitet edhe për pagesa dhe emaile të shkëmbyera në lidhje me hetimin.

Kompania e kontraktuar nga UEFA për të evidentuar ndeshjet me probleme, Sportradar (sistemi BFDS i ndërtuar prej tyre evidentoi luhatjet e koeficienteve në ndeshjet e Skënderbeut dhe më pas UEFA dënoi korçarët), ka hedhur poshtë akuzat, teksa shkruan në faqen zyrtare se gjithçka është e pavërtetë, jo korrekte dhe e deformuar nga “Businessinsider”. /abcnews.al

/abcnews.al

lippi.jpg
Vladimir Prenga16:58 | 01/11/2019

Marcello Lippi, ish-trajneri i kombëtares italiane të futbollit dhe aktualisht në drejtim të Kinçs, është akuzuar nga mediat se nuk po bën aspak punën e tij edhe pse paguhet 23 milionë euro në vit.

Kohë të vështira në Kinë për Fabio Kannavaro dhe Marcello Lippi. Guangzhou Evergrande ka dërguar të parin në një kurs të detyruar kulture, duke ia besuar ekipin kapitenit të skuadrës dhe duke hapur dyert e një përjashtimi të pritshëm.

Ndërsa ish-trajneri i kombëtares italiane akuzohet nga mediat kineze se nuk po bën punën e tij dhe se qëndron pjesën më të madhe të kohës në Itali, pavarësisht se paguhet 23 milionë euro në vit. Në qendër të akuzave është vendimi i Lippit, trajner i kombëtares, që të mos drejtojë ekipin në kampionatet në Azinë Lindore që do të luhen muajin e ardhshëm në Korenë e Jugut.

Federata Kineze e Futbollit deklaroi se në vendin e tij në stol do të jetë ish-mesfushori i Everton, Li Tie, ndërsa trajneri 71-vjeçar do të jetë në Itali. Reagimi i mediave kineze ka qenë shumë i ashpër, sidomos  Oriental Sports Daily, që shkruan se Lipi po lë pas dore detyrimet e tij, në momentin që detyra e tij është trajnimi i kombëtares së futbollit.

Media kineze e akuzon se nuk ka aspak interes për zhvillimin afatgjatë të futbollit kinez. Lipi do të kthehet në Itali për Krishtlindje pas ndeshjes me Sirinë në mes të muajit nëntor: “një pushim – shkruan Tencent Sports – që mund të zgjasë katër muaj”. /ABC NEWS ALBANIA 24/7

haradinaj-1-1280x696.jpg
nev ila12:32 | 01/11/2019

Kryeministri në detyrë Ramush Haradinaj sërish  ka thumbuar kryeministrin e Shqipërisë Edi Rama për çështjen e shkëmbimit të territoreve Kosovë- Serbi duke thënë se ai, së bashku me presidentin Thaçi dhe ambasadoren e Kosovës në Washington kanë punuar për ndarjen e Kosovës.

Në pyetjen e gazetarëve rreth debatit të mbrëmshëm në Këshill të Sigurimit të OKB-së të ministrit të jashtëm serb Ivica Daciq me ambasadorjen e Kosovës në Washington Vlora Citaku, kryeministri në detyrë Ramush Haradinaj akuzoi këtë të fundit se bashkë me kryeministrin Rama dhe presidentin e Kosovës Hashim Thaçi kanë punuar për ndarje të Kosovës.

“Plot zyrtarë të Kosovës që janë rreshtuar pro ndarjes në emër të shkëmbimit të territoreve kanë bërë gabim të madh, të gjithë ata që kanë qenë pjesë e kësaj, qoftë Vlora, presidenti Thaci qoftë kryeministri Rama. Ky gabim nuk ua ndalon atyre në situata të tjera ti shërbejnë vendit për tema të tjera. Por po është e vërtetë kanë qenë pjesë e kampanjës për ndarje të Kosovës në emër të shkëmbimit të territoreve“, tha Haradinaj.

Sipas tij angazhimet e tyre për këtë temë do të dalin në pah në të ardhmen.

“Krejt ekipa që e kanë përkrahur presidentin Thaci, kryeministrin Rama dhe presidentin Vuçiç gradualisht krejt do ti keni në media, në wekiliksa dhe në e-maila do ti gjeni angazhimet e tyre për këtë temë“.

Ka kohë që dy kryeministrat kanë përplasje verbale rreth cështjes së marrëveshjes finale Kosovë Serbi por që nga samiti I Berlinit këta të dy nuk kanë folur më asnjëherë mes vete./abcnews.al

 

policia-compressor-1-1.jpg
ad min10:39 | 31/10/2019

Dy gra kanë përfunduar në pranga nga Policia e Shkodrës për shkak se akuzohen për gjobëvenie. Sipas policisë Ersada Fregjaj 28 vjeçe dhe Merita Bregu 46 vjeçe të dyja nga Velipoja, kanë kanosur dhe i kanë kërkuar 500 mijë lekë një gruaje tjetër. Policia sapo mori denoncimin organizoi operacionin për arrestimin e grave. Sipas policisë midis të arrestuarave dhe denoncueses ka patur një konflikt për motive të dobëta.

Njoftimi i policisë Shkodër:

Finalizohet operacioni policor i koduar “Truma”

Arrestohen në flagrancë 2 shtetase për veprën penale “Shtrëngimi me anë të kanosjes ose dhunës për dhënien e pasurisë”.

Nga strukturat e Drejtorisë Vendore të Policisë Shkodër, në bashkëpunim me Prokurorinë e Gjykatës së Shkallës së Parë për Krimet e Rënda Tiranë, pas një pune të mirëorganizuar, u bë finalizimi i operacionit policor të koduar “TRUMA”, si rezultat i të cilit është bërë arrestimi në flagrancë i shtetaseve:

E. F. 28 vjeçe, banuese në Velipojë, Shkodër dhe M. B. 46 vjeçe, banuese në Shkodër.

Kapja dhe arrestimi i tyre u bë pasi në lagjen “Vasil Shanto”, në vendin e quajtur “Truma”, në bashkëpunim me njëra-tjetrën, nëpërmjet kanosjes, i kanë marrë shumën 50 000 lekë një shtetaseje.

Në cilësinë e provës materiale u sekuestrua shuma 50 000 lekë dhe dy aparate celulare.

Materialet iu referuan Prokurorisë pranë Gjykatës së Shkallës së Parë për Krimet e Rënda Tiranë, për veprën penale “Shtrëngimi me anë të kanosjes ose dhunës për dhënien e pasurisë” e kryer në bashkëpunim./abcnews.al

monika-kryemadhi-11-1280x712.jpg
nev ila22:28 | 28/10/2019

 Kryetarja e LSI, Monika Kryemadhi ka akuzuar qeverinë për gjendjen në të cilën ndodhen sot fermerët, të cilët kanë lajmëruar vazhdimin e protestave. Kryemadhi tha se kërkesët e fermerëve janë minimale, dhe sipas saj me uljen e TVSH-së, qeveria goditi prodhimet shqiptare dhe rriti importet e huaja.

/abcnews.al

akuza-rusi-1280x712.jpg
nev ila21:43 | 28/10/2019

Një diplomat rus është larguar nga Bullgaria pas hmetimve të nisura nga prokuroria rreth operacioneve të spiunimit. Diplomati rus është takuar disa herë me zyrtarë të lartë bullgarë, duke përfshirë edhe një zyrtar që ka pasur qasje në informacion të klasifikuar rreth Bullgarisë dhe çështjeve të lidhura me Bashkimin Evropian.

Një diplomat rus është larguar nga Bullgaria pasi prokurori i këtij shteti ka nisur një hetim rreth operacioneve të mundshme të spiunimit.

Një diplomat i paidentifikuar rus, i cili është një nga nëntë të ashtuquajturit Sekretarët e Parë në Ambasadën e Rusisë në Sofje, dyshohet se ka mbledhur informacion të klasifikuar, bazuar në një deklaratë të Zyrës së Prokurorit në Bullgari.

Diplomati rus, I cili është larguar nga Bullgaria pasi prokurorët bullgarë kanë nisur një hetim lidhur me operacione të mundshme spiunimi, është takuar disa herë me zyrtarë të lartë bullgarë, duke përfshirë edhe një zyrtar që ka pasur qasje në informacion të klasifikuar rreth Bullgarisë dhe çështjeve të lidhura me Bashkimin Evropian.

Po ky diplomat është thënë të ketë pasur informacione për një shtet të huaj, bazuar në deklaratën e prokurorit. Bullgaria është bërë vend anëtar i NATO-s në mars të vitit 2004, derisa i është bashkuar bllokut evropian më 2007. Rëndësia e këtij shteti për NATO-n është rritur që nga koha kur Rusia aneksoi Gadishullin e Krimesë nga Ukraiana më 2014, si dhe për shkak të mbështetjes së separatistëve pro-rusë në Donbas./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono