akuza

nasser-e1582195849266.jpg
Vladimir Prenga11:40 | 20/02/2020

Telashe për presidentin e PSG, Nasser Al-Khelaifi. Kreut të klubit francez i janë ngarkuar vepra penale dhe akuzohet për ryshfet ndaj ish-Sekretarit të Përgjithshëm të FIFA-s, Jerome Valcke. Ky i fundit është akuzuar për pranimin e ryshfeteve për të drejtat televizive të Kupës së Botës.

Al-Khelaifi është kreu i BeIN Media Group, si dhe është pjesë e Komitetit Ekzekutiv të UEFA-s Zyra e Prokurorit të Përgjithshëm në Zvicër, ka dalë me një njoftim për shtyp dhe ngarkon Valcke me akuzat e pranimit të ryshfeteve, falsifikim dokumentesh dhe keqmenaxhim të rënduar kriminal.

Valcke u pezullua për 12 vite nga futbolli, pasi u shpall fajtor për skandalin e biletave të Kupës së Botës, për abuzimet me shpenzimet e udhëtimeve dhe për përpjekjet e tij për të shitur të drejtën televizive nën vlerën e tregut. Gjithashtu akuza tjetër ndaj tij ishte për shkatërrim të provave. /abcnews.al

balliuuuu-1280x770.jpg
eri Ida11:22 | 19/02/2020

Gjykata Penale ka shtyre seancën paraprake për ish deputetin Klevis Balliun dhe disa banorë të Unazës së Re.

Balliu përmes një deklarate për mediat është shprehur se seanca është shtyrë pasi nuk kishte prova, është një seancë false është shprehur ai sepse nuk ka asnjë provë për këtë pasi të gjitha janë presione politike.

“Une jam marrë si i pandehur me disa banorë nga unaza e re, kjo ishte seanca paraprake që u shty duke marrë parasysh se këto bëhen thjesht si presione politike për të hequr dorë. Unë jam nga Mokra dhe nuk e kemi zakon frikën, e dyta është se jam anëtar i PD-së dhe jemi rritur me vlerat për tu përballur me drejtësinë dhe jo për tju fshehur asaj. Dhe së treti kemi një mbështetje që është ajo e qytetarëve ndaj këto presione nuk fuksionojnë. Unë ftoj të gjithë qytetarët që hapin sytë dhe kërkojnë se çfarë po ndodh, shikoni se si qytetarë të thejshtë, dhe anëtarë të opozitës qoftë unë apo të tjerë që enden dyerve të gjykatave tek dyert ku gjenden njerëz të dënuar për akuza të ndryshme për krime vrasje që lirohen nga gjykata me urdhër të Edi Ramës.

Prokuroria nuk e di për çfarë më akuzon, fillimisht më akuzuan se kam thyer krahun e një polici, por polici me gjithë krahë të thyer është zhdukur, nuk jam njohur me ndonjë provë apo ndonjë fakt. Pse nuk fuksionon ligji për dhunën e ushtruar te banorët e bregut të lumit, pse nuk funksionon ligji kur hidhet gazi lotsjellës brenda banesave, pse nuk fuksionon ligji për ata që janë kapur duke vjedhje votat dhe janë kapur në përgjime, sepse këtu nuk ka drejtësi e ka zhdukur Edi Rama me Erion Veliaj”, tha Balliu.

Ndërkohë gazetarja e ABC News Glidona Daci bën me dije se seanca është shtyrë se disa nga avokatët mbrojtës kanë kërkuar kohë që të njihen me dosjet dhe gjithashtu një person që akuzohet nuk është njoftuar për akuzat e tij ndaj dhe është bërë shtyrja e seancës./abcnews.al

arber-cekaj-gjyq.jpg
R D10:51 | 19/02/2020

Shtyhet për në datë 4 mars seanca në Gjykatën e Posaçme ndaj të pandehurit Arbër Çekaj, i cili akuzohet për trafikimin e 613 kg kokainë. Me kërkesë të tij sot në seancë ishin edhe përfaqësues të ambasadës amerikane.

Avokatët pretenduan se njëra nga provat që është paraqitur nga prokuroria, CD me bisedat në whatsap mes midis Arber Çekaj dhe Donaldo Lushjat, nuk hapet.

Gazetarja e Abc News, Glidona Daci raporton se gjatë seancës Çekaj debatoi me gjykatësit duke i thenë se ‘unë nuk jam hetuar siç duhet dhe se procesi ndaj meje është një farse pasi nëse do te zhvillohej një proces i drejtë do të ishte tjetër kush në burg‘. Gjithashtu avokatët pretenduan se prokurori ka bërë dënim në bllok për tre akuzat dhe nuk i ka spsecifikuar vitet e dënimit për secilën veper penale.

Prokurori i çështjes, Kondili u shpreh se ka kërkuar 5 vite dënim për akuzën grup i strukturuar kriminal që është dënim standart dhe 16 vite për Cekajn për akuzën e trafikut të drogës dhe kryerjen e veprave penale nga organizata kriminale.

Gjykata vendosi se që t’i jepet e drejta mbrojtes që të hapet me program nga IT e gjykatës, CD që ata pretendojnë se nuk hapet. Ndërsa Çekaj ndër të tjera u tha gjykatësve se ‘ju po me shikoni sot në sy për arsye se në sallë gjenden edhe perfaqësues të ambasadës amerikane‘.
/abcnews.al

harlov.jpg
in a16:38 | 14/02/2020

Një 42-vjeçar, shqiptar i quajtur Andi Bushati është dënuar me 13 vite burg.

Mediat e huaja shkruajnë se shqiptari është dënuar në Britani pasi në vitin 2017 kishte sulmuar dy gra. Mësohet se 42-vjeçari kishte tentuar me forcë t’i detyronte për të kryer marrëdhënie seksuale me të. Bushati etiketohet si një ‘përdhunuesi i Harlow’.

Mësohet se ai u arrestua më 7 korrik të 2017 në Harlow, ndërsa sulmet kishin ndodhur gjatë një viti, në korrik 2016 dhe 2017.

42 vjeçari u shpall fajtor për katër akuza, për përdhunim, dy akuza sulmi fizik dhe një akuzë sulmi seksual, dhe do të deportohet në Shqipërinë pas përfundimit të dënimit të tij.


grupi-bajri.jpg
R D15:20 | 07/02/2020

Pas rreth dy vitesh hetime nga ish-Prokuroria e Krimeve të Rënda, dosja “Bajri, do të hetohet nga Prokuroria e Shkodrës. Gjykata e Posaçme në seancën për informacionin dy mujor konstatoi se nuk është kompetence e SPAK-ut për të vijuar hetimet. Për të akuzuarit Safet Bajri, Ilir Bajri, Behar Bajri, Astmer Bilali, Ismet Idrizi, Emrah Plaku, Enver Bajri ka rënë akuza e grupit të strukturuar kriminal dhe do të hetohen tashmë në Shkodër. Enver dhe Behar Bajri u përfaqësuan nga avokati Alban Bengasi ndërkohë Safet Bajri, Ilir Bajri, Astmer Bilali,Ismet Idrizi dhe Emrah Plaku janë përfaqësuar nga avokati Arbër Hoxhaj.

7 personat e dyshuar akuzohen “armëmbajtje pa leje”, “paracaktim rezultateve sportive” dhe “ndërtim të paligjshem”.

Ata u arrestaun në kuadër të operaciomnit “OAZ” që u zhvillua më 22 shator të 2018 dhe në pranga ranë 11 persona. Çështja në ngarkim të tyre nisi nga Shkodra dhe më pas u trasferuar tek Krimet e Rënda, për shkak të akuzave, që ishin ngritur në ngarkim të tyre. Kur u zhvillua operacioni ata akuzoheshin për një sërë veprash penale “Vrasje me dashje e mbetur në tentativë”, në bashkëpunim, “Vrasje me dashje”, e kryer në bashkëpunim, “Prodhim dhe mbajtje pa leje të armëve dhe municioneve luftarake”, “Organizim i llotarive të palejuara”, “Pastrim i produkteve të veprës penale” të kryer në bashkëpunim, “Shtrëngim me anë të kanosjes ose dhunës për dhënie të pasurisë”, kryer në bashkëpunim, “Përkrahje e autorit të krimit”, ‘Moskallëzim krimi”, “Prodhim e shitje e lëndëve narkotike”, të gjitha këto të kryera në kuadër të një grupi të strukturuar kriminal.

Ndërsa në fund të vitit 2019 prokurori Anton Martini kërkoi të caktohej një tjetër masë sigurie në ngarkim të tyre. Pasi dyshohet se Behar Bajri drejtonte grupin e tij duke përdoror si karrem të dashurën, e cila ndikonte në punësimet në Spitalin e Shkodrës dhe Ilir Rustemi Bajri nga burgu vinte gjoba. Të dy hetimet u bashkuan në një te vetme. Behar Bajri (Rustemi) dyshohet se se në qershor të 2002 ka vrarë ish të fejuarën e tij, 15 vjeçaren me iniciale F.H. /abcnews.al

noka.jpg
So Nila12:59 | 05/02/2020

Zbatimi në terren i paketës anti-KÇK të qeverisë ka ngjallur debat dhe akuza nga Partia Demokratike. Këtë herë demokratët përmes ish-ministrit të Brendshëm dhe ish-deputeti i PD Flamur Noka, kanë sjellë këtë të mërkurë dy emra të tjerë të rinj për kryeministrin Edi Rama, per te cilet kerkojne verifikim te pasurise Olsi Rama dhe Ermal Hoxha.

Noka deklaroi para mediave se “ligji antiKÇK nuk zbatohet për miqtë dhe bashkëpunëtorët trafikantë droge të Olsi Ramës. Pasuria e Ermal Hoxhës, i dënuar për ngritjen e laboratorit të parë të kokainës në Shqipëri, nuk verifikohet nga policët e Ramës”.

Ndër të tjera në fjalën e tij ish deputeti demokrat është shprehur se Shqipëria nuk ka nevojë për ligje të reja propagandistike, që nuk zbatohen kurrë për miqtë, familjarët dhe klientët e kryeministrit, por Shqipëria ka nevojë për një qeveri dhe një kryeministër që nuk është peng i krimit të organizuar.

Fjalë e plotë:

Edi Rama është i pafuqishëm për të luftuar krimin e organizuar, sepse ai është vetë krimi i organizuar. Me pasuritë e trafikantëve të drogës, Edi Rama ka lidhur pushtetin dhe pasurimin e paligjshëm të tij dhe të familjes së tij.

Në vend të shoë-t qesharak dhe turizmit policor nga një qytet në tjetrin, e ashtuquajtura Forca e Ligjit mund të bënte shumë punë në Tiranë me trafikantët e drogës në miqësi dhe në biznes me vëllanë e kryeministrit.

Pasuritë e Ermal Hoxhës, bashkëpunëtorit të Olsi Ramës për ngritjen e laboratorit të kokainës në Xibrakë, nuk duhet të mbeten të paprekshme. Financieri i grupit të strukturuar kriminal, që, menjëherë pas ardhjes në pushtet të Edi Ramës, ngriti laboratorin e parë të kokainës në Shqipëri, nuk duhet të ketë mbrojtjen e Olsi Ramës nga ligji i Edi Ramës.

Fatkeqësisht, rastet si ky i Ermal Hoxhës, Saimir Tahirit apo Taulant Ballës me mikun e tij trafikant droge, që merr tendera publikë tregojnë sesa thellë e ka kriminalizuar Edi Rama politikën dhe vendimmarrjen.

Fatmirësisht, shqiptarët janë vetëdijësuar se ligji në duart e Edi Ramës është vetëm një mjet që i shërben pushtetit të tij dhe jo interesit publik.

Në çdo sondazh online, ku qytetarët votojnë të lirë, tregon mosbesimin e thellë të shqiptarëve tek kjo qeveri dhe tek ky kryeministër.

Shqiptarët e dinë se nuk ka asnjë shans që Edi Rama të luftojë krimin e organizuar, pasi ai është produkti politik i parave të pista të krimit të organizuar.

Gjatë gjithë karrierës se tij politike, Edi Rama ka siguruar vota dhe para prej krimit të organizuar, duke u dhënë trafikantëve të drogës leje ndërtimi, koncesione, tendera dhe pasuri publike.

Për të luftuar krimin e organizuar, Shqipëria nuk ka nevojë për ligje të reja propagandistike, që nuk zbatohen kurrë për miqtë, familjarët dhe klientët e kryeministrit. Shqipëria ka nevojë për një qeveri dhe një kryeministër që nuk është peng i krimit të organizuar.

Partia Demokratike është e vetmja forcë e madhe politike që mund ta sigurojë këtë. Ne kemi treguar se vullnetin për të goditur krimin dhe për të luftuar korrupsionin, dy armiqtë më të mëdhenj të zhvillimit dhe mirëqenies së shqiptarëve./abcnews.al

1545737203_policiaefierit.jpg
So Nila10:56 | 22/01/2020

Policia e Fierit ka vënë në pranga tre persona, të cilët akuzohen për vepra të ndryshme penale.

Informacionet bëjnë me dije se një nga të ndaluarit është 69 vjeçari T. Xhi cili ishte shpallur në kërkim për falsifikim të dokumentave.

Gjithahstu në prangat e uniformave blu të policisë së Fierit kanë rënë edhe dy shtetas të tjeë njëri për lëndë narkotike dhe një tjetër pasi drejtonte automjetin në gjendje të dehur.

Njoftimi i policisë:

Vijojnë kontrollet e policisë në të gjitha akset rrugore të Qarkut Fier.

Nga kontrollet e ushtruara bije në pranga një shtetas i shpallur në kërkim për falsifikim të dokumentave, arrestohet 1 shtetas pasi dispononte lëndë narkotike në automjet dhe arrestohet 1 tjetër pasi drejtonte automjetin në gjendje të dehur.

Specialistët për Hetimin e Krimit Ekonomik e Financiar në DVP Fier, ndaluan shtetasin e shpallur në kërkim:

  • T. Xh., 69 vjeç, banues në Dërmënas, Fier.

Ndalimi i këtij shtetasi u bë pasi Gjykata e Shkallës së Parë Fer me vendimin e datës 16.10.2017, e ka dënuar me 1 vit burg për veprën penale “Falsifikim i letërnjoftimeve, pasaportave ose vizave”.

Specialistët për Hetimin e Narkotikëve në DVP Fier, arrestuan në flagrancë shtetasin:

  • D. M., 27 vjeç, banues në Elbasan.

Arrestimi i këtij shtetasi u bë pasi në vëndin e quajtur “Rreth rrotullimi i Parkut” Fier, gjatë kontrollit të ushtruar në automjetin e tij tip “Volksëagen”, në pjesën e brendshme të motorrit, u gjet dhe sekuestrua në cilësinë e provës matëriale një sasi lënde narkotike e dyshuar kanabis sativa.

Specialistët e Sektorit të Qarkullimit Rrugor në DVP Fier, arrestuan në flagrancë shtetasin:

  • B. D., 42 vjeç, banues në Lushnje.

Arrestimi i këtij shtetasi u bë pasi në vendin e quajtur “Fiershegan”, është kapur nga shërbimet e policisë duke drejtuar në gjendje të dehur automjetin tip “Ford Fokus”.

Materialet për këta shtetas i kaluan Prokurorisë pranë Gjykatës së Shkallës së Parë Fier për veprime të mëtejshme proceduriale./abcnews.al

enkelejd-alibeaj.jpg
R D17:23 | 18/01/2020

Ka dhënë dorëheqjen sot shefi i Policisë së Qarkullimit të Dibrës, Robert Aga. Aga është i njohur pasi ka dalë në përgjimet e dosjes “184” për shit-blerjen e votave. Por dorëheqja erdhi pasi vëllai i tij, Pajtim Aga u arrestua për trafik droge. Për këtë ka reaguar Partia Demokratike, duke deklaruar se vëllezërit Aga e mbushën Dibrën me drogë, me garancinë e Kryeministrit Rama. Sipas Enkelejd Alibeajt me lekët e drogës janë blerë zgjedhjet në Dibër. Ai i kërkoi SPAK-ut të nisë hetimet menjëhere për të vënë para drejtësisë ata që vodhën zgjedhjet.

“Mjafton që SPAK- u të ketë vullnet për të çuar para drejtësisë që nga trafikantët e rëndomtë të drogës që kanë vjedhur zgjedhjet, si Robert dhe Pajtim Aga, deri tek porositësit e masakrës së zgjedhjeve në Dibër Edi Rama, Damian Gjiknuri dhe Saimir Tahiri”, u shpreh ai.

Deklaratë e Enkelejd Alibeaj nga selia e PD-së:

Arrestimi i përsëritur për trafik droge i Pajtim Agës së dosjes 184, përveçse dëshmon përshkallëzimin e fenomenit kriminal, konfirmon se krimi, trafiku i drogës dhe liria për të vepruar e kontingjentit kriminal ka mbështetjen e shtetit, të qeverisë dhe policisë.

Kur krimi lidhet me zgjedhjet, ai ka mbështetjen direkte të Edi Ramës.

Pajtim Aga, i arrestuari për trafik droge është vëllai i Robert Agës, drejtorit famëkeq të policisë së Dibrës në vitin 2016, i cili del në përgjimet e publikuara nga BILD si “ushtari i bindur” i Ministrit të Brendshëm Saimir Tahiri.

Ky është shefi i policisë që garantoi mbjelljen e Dibrës me hashash prej të vëllait, tani të arrestuar, i njëjti shef policie që terrorizoi qytetarët e Dibrës për të vjedhur votat e tyre, bashkë me Bablokun e krimit Edi Rama, Damian Gjiknuri, Sajmir Tahiri, Xhemal Qefalia, Ulsi Manja, Pjerin Ndreu e të tjerë.

E gjithë kjo bandë vjedhësish votash, arriti që nën përdorimin e parasë, terrorit policor dhe administratës, të vidhnin votat e dibranëve. I madh e i vogël brenda e jashtë Shqipërisë janë njohur me bëmat e kësaj bande qeveritare, nga Zëri i Amerikës, nga Bild-i gjerman e media të tjera botërore.

I arrestuari recitivist për trafik droge dhe vëllai i tij shef policie në Dibër janë ekzekutues të realizimit të planit për vjedhjen e zgjedhjeve, për të cilin interesohej vetë Babloku Edi Rama.

Robert Aga ishte ai që merrte garanci nga kryeministri dhe ministri i brendshëm, që “të mos e çante kokën” për asgjë, mjaftonte që gostia e bandës qeveritare, me votat e vjedhura, të shantazhuara, të terrorizuara, të blera me paratë e drogës e kanabisit, të kënaqte babëzinë për pushtet dhe para të bandës qeveritare me në krye Bablokun.

Nuk ka provë më të qarte, e më të freskët se kjo ngjarje për t’i kujtuar kujtdo brenda vendit e deri në Bruksel, Berlin e Paris, se plani i vetëm i Edi Ramës për zgjedhjet në Shqipëri është bashkëpunimi gjithnjë e më i fortë, gjithnjë e më i qëndrueshëm, me bandat e krimit dhe bosët e trafikut.

Kjo është një provë e freskët për Prokurorinë, veçanërisht për SPAK-un, se çështjet e korrupsionit të lidhura me krimin elektoral të blerjes së votave i ka përpara syve.

Mjafton që SPAK- u të ketë vullnet për të çuar para drejtësisë që nga trafikantët e rëndomtë të drogës që kanë vjedhur zgjedhjet, si Robert dhe Pajtim Aga, deri tek porositësit e masakrës së zgjedhjeve në Dibër Edi Rama, Damian Gjiknuri dhe Saimir Tahiri. /abcnews.al/

“Jam ushtari yt”, shkarkohet nga detyra kreu i Policisë Rrugore Dibër

vangjel-duke.jpg
nev ila21:38 | 12/01/2020

Kreu i Partisë Bashkimi për të Drejtat e Njeriut Vangjel Dule e quan të dështuar qeverinë Rama në lidhje me respektimin e të drejtave të minoritetit grek. Ai renditi dhe argumentat e tij pas një ceremonie për 29 vjetorin e krijimit të Omonias që u mbajt në Derviçan të Gjirokastrës.

Dule u ndal dhe tek çështja  e regjistrimit të minoriteteve dhe në atë të pronave.

Edhe për vrasjen e Kacifas, Dule i kërkoi llogari qeverisë që e ka lënë pas dorë zbardhjen e ngjarjes.

Takimin e përshëndeti dhe zv ministri i jashtem grek Konstantinos Vllasi që tha se qeveria shqiptare nuk duhet të gabojë më në cencusin e 2020, dhe të reduktojë numrin e minoritetit grek, por dhe të kryejë regjistrimin real të pronave./abcnews.al

Arbër-cekaj-kryesor-649x365.jpg
R D13:35 | 08/01/2020

Arber Çekaj i arrestuar për trafikimin e 613 kg kokaine, ka mohuar akuzat dhe ka kërkuar të lirohet nga burgu. Ai gjithashtu ka sulmuar prokurorin duke thënë se nuk e di çfarë ka me mbiemrin Kuliçaj por do vijë edhe e drejta ime në rruge ligjore. “Unë jam në burg, se jam prej Tropojë. Se kam pas një mbiemër, (Kuliçaj) që si pëlqen prokurorit. Ai e ka personale me familjen time”, tha ai në sallën e gjyqit.

Më tej ai ka bërë ironi me prokurorin e SPAK-ut, Edvin Kondili duke thënë se ” nëse s’ka një prokuror tjetër të bëhet si në “champion league”, te merret nje prokuror nga jashtë. Të marrim një nga Serbia meqënëse tani kemi dhe marredhenie të mira”.

Duke raportuar nga Gjykata e Posaçme Antikorrupsion, gazetarja e Abc News, Glidona Daci tha se gjykata ka rrëzuar kërkesën e avokatëve të tre personave të dyshuar për trafikimin e kokainës.

Avokatët duke iu referuar Kodit të Procedures Penale për ndryshimin e statusit të gjykatës, thanë se brenda 10 ditësh gjykata duhet të caktojë masën e sigurisë. “Dukeqenëse nuk keni zbatuar këtë procedurë kërkojmë që të shuhet masa e sigurisë”, u shprehen ata.

Por gjykatësit Danjela Shirka, Etleva Deda dhe Ilirjana Olldashi rrëzuan kërkesen e avokatëve për shuarjen e masës së sigurisë ndaj Donaldo Lushajt, Armando Pezakut dhe Arber Çekajt.

Ndërkohë avokati i Cekajt ka kërkuar dhe pezullimin e gjykimit derisa KLP të shqyrtojë kërkesën per përjashtimin e prokurorit Edvin Kondili.  Seanca gjyqësore është shtyrë për në datën 23 janar.

/abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono