akuza

babis-1.jpg
G. P.13:45 | 14/09/2019

Janë rrëzuar akuzat kundër kryeministrit çek Andrej Babis, i cili akuzohej për mashtrim. Sipas policisë, kreu i ekzekutivit ka përfituar dy milionë euro nga fonde europiane të destinuara për ndërtimin e një qendre pritjeje në periferi të kryeqytetit.

Prokuroria e Pragës ka arkivuar akuzat kundër kryeministrit çek Andrej Babis, i cili akuzohej për mashtrim. Sipas policisë, miliarderi ka përfituar dy milionë euro subvencione europiane të destinuara për ndërtimin e një qendreje pritjeje, dhjetë vjet më parë, në periferi të kryeqytetit.

Sipas hetuesve kompleksi i ndërtuar nuk përputhej me të dhënat pasi ndodhej në orbitën e gjigandit industrial Agrofert, në atë kohë në pronësi të Babis. Ky i fundit e kishte zgjidhur problemin duke i kaluar pronësinë të afërmve të tij. Gjithsesi, gjykata vendosi se provat konfirmojnë që bëhej fjalë për një sipërmarrje të pavarur e cila korrespondonte me kërkesat. Por fjala e fundit i takon Prokurorit të Përgjithshëm.

Në pranverë, Praga u përfshi nga një valë protestash anti-qeveritare ku morën pjesë një numër shumë i madh manifestuesish, të cilët kërkonin dorëheqjen e kryeministrit. Në një nga protestat morën pjesë 250 mijë persona, një rekord që pas rënies së regjimit komunist. Gjithsesi Babis dhe pse me një mazhorancë të brishtë në parlament, vijon të qëndrojë në pushtet dhe partia e tij është e para në vend./ABC News Albania 24/7

arbjan-mazniku.jpg
G. P.22:36 | 31/08/2019

Pas akuzave të Partisë Demokratike, ka reaguar nënkryetari i Bashkisë së Tiranës Arbian Mazniku. Ky i fundit është shprehur se akuzat nuk janë të vërteta. Sipas nënkryetarit, në Barcelonë është mbajtur ceremonia e dhënies se çmimeve “European Prize for Urban Public Space”, ku sheshi “Skënderbej” fitoi çmimin e parë.

“Kompania fituese mori përsipër të mbulojë shpenzimet për grupin nga Shqipëria, duke mos shpenzuar fonde publike të Bashkisë së Tiranës për një çmim që i jepej si Bashkisë, si kontraktorit për realizimin”, sqaroi Mazniku.

Partia Demokratike ka akuzuar nënkryetarin e Bashkisë së Tiranës se pranoi t’i paguheshin në Spanjë hotele luksoze, nga një firmë që fiton rregullisht pjesën dërrmuese të tenderave publike të kryeqytetit./ABC News Albania 24/7

wagim-kajmaku-pd.jpg
G. P.14:04 | 27/08/2019

Pas akuzave të vazhdueshme të Partisë Demokratike për kryebashkiakun e Vorës Agim Kajmaku, prokuroria është vënë në lëvizje. Ajo i është drejtuar me një kërkesë selisë blu, me anë të së cilës i kërkon që t’i vërë në dispozicion të gjitha dokumentet që disponon, lidhur me të shkuarën kriminale që PD pretendon për Kajmakun.

Kërkesa mësohet se i është dërguar sekretarit të Përgjithshëm demokrat, Gazment Bardhi. Sipas njësisë se dekriminalizimit, kryebashkiaku i Vorës nuk i ka dorëzuar ende gjurmët e gishtave./ABC News Albania 24/7

GUARDIOLA-SITI-PROTESTA.mpg_snapshot_00.15-1280x720.jpg
ent ela17:50 | 26/08/2019

Pep Guardiola ka lëshuar akuza të rënda për gjykimin dhe teknologjinë në Premier Ligën angleze. Trajneri i Mançester Sitit pretendon se ekipit të tij nuk iu dha një penallti.

Gjatë sezonit të kaluar u shpreh se ndjeu diferencim për ekipin e tij në krahasim me të tjerët.

Pep Guardiola lëshoi një tjetër akuzë të fortë lidhur me drejtësinë në futbollin anglez, duke lënë të nënkuptohet (madje, fare qartë) se Mançester Siti do të duhet të luftojë jo vetëm kundër kundërshtarëve në fushë, por edhe ndaj atyre jashtë saj.

Mjaftoi një pyetje për një penallti të mundshme në ndeshjen ndaj Bornemuthit që katalanasi të mos fshihej aspak.

“Sfida për ne do të jetë e jashtëzakonshme këtë sezon, – tha ai, – pas fitores së dy titujve radhazi, sfida do të jetë e madhe. Unë nuk pashë ndonjë penallti për ne, unë pashë prekje të pastër me dorë në ndeshjen e kaluar, por jo penallti këtë herë. Ju lutem, jo 11-metërsh”.

Ishte momenti ku David Silva u rrëzua në zonë në ndeshjen e kampionatit, dhe mendoi se do t’i jepej penallti.

Gjyqtari Marriner nuk e sinjalizoi, ndërsa VAR-i e mori në shqyrtim, por edhe pse kishte provë për kontakt, sërish nuk u dha penallti.

Siti u dëmtua shumë javën e kaluar kur një gol ndaj Totenhemit në sekondat e fundit, u anulua për një prekje të topit me dorë.

Kjo bëri që ndeshja të përfundonte në barazim 2-2, dhe tani kampionët të jenë 2 pikë prapa Liverpulit.

Guardiola ishte shprehur javë e muaj më parë, se Mançester Siti nuk kishte marrë vlerësimin e merituar, ndërsa mediat më shumë ishin përqëndruar tek Liverpuli apo Mançester Junajtidi. /ABC News Albania 24/7

placito-domingo-1280x826.jpg
nev ila15:32 | 13/08/2019

Tenori i famshëm Placido Domingo është akuzuar për ngacmim seksual. Akuzat janë bërë nga një numër i konsiderueshëm femrash, në një denoncim në agjencinë e lajmeve “Asoshiejtid Pres”. Vetë artisti i ka hedhur poshtë akuzat e bëra në adresë të tij duke i cilësuar të pasakta.

Tenori i famshëm Plaçido Domingo është akuzuar nga gra të ndryshme për ngacmime seksuale. 8 këngëtare dhe një balerinë kanë deklaruar se ishin ngacmuar nga këngëtari spanjoll i operës, në një seri incidentesh të ndodhura në tre dekada, duke filluar nga fundi i viteve ‘80.

Sipas mediave ndërkombëtare, ngacmimet kanë ndodhur në vendtakime të ndryshme si për shembull në kompanitë e operave, ku muzikanti i njohur mbante poste kyçe.

Ndërkohë, 6 gra të tjera e akuzojnë Domingon, që është i martuar me sopranon Marta Ornelas që prej vitit 1962, se i ka bërë të ndihen të shqetësuara nga propozimet e tij për marrëdhënie seksuale.

Dhjetëra persona të tjerë në ambjentet e muzikës kanë deklaruar se kanë qenë dëshmitarë të sjelljeve të papërshtatshme të tenorit kundrejt grave të reja në moshë. Sipas “Asoshiejtid Pres”, sjelljet e tij ishin një sekret i njohur në botën e operas.

Domingo, aktualisht 78 vjeç, nuk i është përgjigjur kërkesës së agjencisë së lajmeve për një koment, por ka reaguar përmes një deklarate.

“Akuzat që vijnë nga këta individë të paidentifikuar e që datojnë rreth 30 vjet më parë janë shumë shqetësuese dhe njëkohësisht të pasakta”, thuhet në deklaratën e tenorit.

Artisti i famshëm shton se, njerëzit që kanë punuar me të e dinë se ai nuk është dikush që do të lëndonte, ofendonte apo turpëronte qëllimisht dikë./ABC News Albania 24/7

valdrin-pjetri.jpg
nev ila22:40 | 10/08/2019

Pas akuzave të ngritura nga Partia Demokratike e cila këmbëngul se kryebashkiaku i zgjedhur i Shkodrës, Valdrin Pjetri është i dënuar në Itali për trafik droge, ka reaguar vetë Pjetri në rrjetet sociale. Kryebashkiaku i zgjedhur ka publikuar dy prej dokumenteve zyrtare italiane ku sipas tij janë prova të cilat vërtetojnë se ai nuk ka llogari të hapura me drejtësinë italiane.

“Nuk dua të hyj në baltën e PD-së, e cila ka javë që kërkon të njollosë figurën time.

Ja ku janë çertifikatat e pastërtisë së figurës time në shtetin Italian.

Të tjerat i’a kam lënë atyre që duan të mbulojnë dështimet e tyre disa vjeçare duke njollosur emrin tim.

Ditë më të mira po vijnë për Shkodrën dhe banorët e saj”, shkruan Pjetri.

Prova e vetme e paraqitur deri tani nga PD është sistemi TIMS, sipas të cilit Pjetri nuk ka qenë në Itali pas vitit 2002 kur mendohet të jetë dëbuar, deri në vitin 2010./abcnews.al

aliabeaj-1280x701.jpg
Sej rie15:45 | 09/08/2019

Partia Demokratike ka akuzuar kryeministrin Rama se nën qeverisjen e tij vendi është kthyer në një parajsë të krimit të organizuar. Në një deklaratë nga selia blu, ish-deputeti i Partisë Demokratike, Enkelejd Alibeaj iu referuar reportazhit të RAI 3, kur tha se autoritetet italiane pohojnë se vendi është kthyer në një qendër të trekëndëshit të trafikut të drogës Meksikë-Kolumbi-Shqipëri. Për demokratët vendi është shndërruar në lavatriçen më të madhe në Ballkan për pastrimin e miliardave të drogës.

 

Basha-11.jpg
Sej rie09:15 | 05/08/2019

Ndërsa Lulzim Basha vijon të sulmojë kandidatët e maxhorancës për kryebashkiakë, me emra të përveçëm. Në një postim në Facebook mëngjesin e sotëm, kreu demokrat i referohet përgjimit të publikuar nga BILD , ku dëgjohet kryebashkiaku i sapozgjedhur i Lezhës Pjerin Ndreu, duke shkruar:

“Ja si hajduti psiqik vodhi zgjedhjet me krimin e organizuar për të plaçkitur Shqipërinë me ta dhe me oligarkët grabitqarë!”

Sipas Bashës, vetëm zgjedhjet e lira dhe të ndershme me një qeveri tranzitore pa hajdutin psiqik, dhe ndëshkimi i politikanëve që vodhën zgjedhjet, do ta çlirojnë demokracinë dhe drejtësinë nga kjo bandë kriminale.

“Kësaj radhe zgjidhja e krizës kalon nga politikanë me pranga në duar!”- përfundon Lulzim Basha mesazhin e tij./ABC News Albania 24/7

bardhi-1280x731.jpg
Sej rie16:28 | 03/08/2019

Partia Demokratike kërkoi nga kryeministri Rama një reagim për pastërtinë e figurës së kryebashkiakut të ri të PS të zgjedhur në Shkodër, Valdrin Pjetri.  Një ditë pasi i kërkoi Prokurorisë verifikimin e formularit të dekriminalizimit të plotësuar nga Pjetri, sekretari i Përgjithshëm i PD, Gazment Bardhi këmbëngul për një shpjegim nga kandidati i PS-së  se përse nuk ka shkelur për 10 vite në shtetin Italian. “Bashkë me Valdrin Pjetrin, hesht dhe Edi Rama, që krenohej me të dhe mezi po priste ta përdhoste edhe Shkodrën me pakicën e tij”, – tha numri dy i PD.

Por pas akuzave të Partisë Demokratike, Pjetri u tregua i hapur për çdo verifikim. “Jam i hapur mbi çdo verifikim timin, por jo mbi  “ Indicie Publike”– tha ai.

“Askush më mirë se Institucioni i Prokurorisë së Përgjithshme nuk mund të kthejë përgjigje kërkesës se  z. Bardhi dhe te çdo personi tjetër të interesuar apo kurioz”,– sqaroi kryebashkiaku i ri i Shkodrës./ABC News Albania 24/7

policia-e-shtetit.jpg
G. P.09:15 | 02/08/2019

Ministria e Brendshme ka reaguar ndaj akuzave të Partisë Demokratike për tenderin e uniformave të Policisë së Shtetit.

Sipas Ministrisë, pretendimet e PD janë të pavërteta, duke sqaruar se “Procedura e kufizuar” është një prej llojeve të procedurave të parashikuara nga ligji për prokurimin publik, përmes së cilës çdo operator ekonomik mund të kërkojë të marrë pjesë në fazën e parë që është edhe parakualifikimi, por vetëm operatorët ekonomikë të përzgjedhur në fazën e parë, mund të dorëzojnë oferta teknike dhe ekonomike.

Gjithashtu në reagim, Ministria e Brendshme sqaron se afati kohor në dispozicion të operatorëve ekonomik për paraqitjen e kërkesave për pjesëmarrje në Fazën e parë, i përcaktuar në dokumentet e tenderit dhe njoftimin e kontratës është 25 ditë, nga 20 ditë që është afati minimal ligjor.

Ministria deklaron se afati minimal i përcaktuar në ligj, për dorëzimin e ofertave në fazën e dytë është 20 ditë, por duke patur parasysh kompleksitetin dhe rëndësinë e procesit të përgatitjes së ofertës teknike dhe ekonomike, ku përfshihen edhe kampionet/mostrat e uniformës dhe dokumente të tjerë teknikë, afati që do të lihet në dispozicion do të jetë më se i mjaftueshëm dhe i arsyeshëm për përgatitjen e ofertave nga të gjithë operatorët e kualifikuar./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono