aksion

policia-tirane-1.jpg
ger ta16:22 | 14/11/2019

Policia Rrugore njofton se ka proceduar administrativisht 89 drejtues autobusësh.

Sipas policisë aksioni është ndërmarrë pas vështirësive që karakterizon transportin publik urban qytetas. Drejtuesit janë konstatuar duke hapur dyert për të lënë dhe për të marrë pasagjerë jashtë stacionit të miratuar.

Njoftimi i plotë:

Duke parë vështirësitë që karakterizon transportin publik urban qytetas dhe shkeljet e konstatuara çdo ditë, të kryera në vazhdimësi nga drejtuesit e autobuzëve, me mënyrën e drejtimit dhe qëndrimit jo në hapësirën e caktuar sipas stacioneve të miratuara nga enti pronar i rrugës, të cilët cenojnë sigurinë e pasagjerëve dhe përdorueseve të tjerë të rrugës, ditët e fundit janë shtuar ndjeshëm kontrollet dhe masat administrative ndaj kësaj kategorie mjetesh, nga rrugorët e kryeqytetit.

Krahas monitorimeve dhe verifikimeve në terren, janë evidentuar edhe disa mangësi që kanë të bëjnë me sinjalizimin rrugor, të cilat do t’i adresohen entit pronar për t’u përmirësuar sipas standardeve të parashikuara në dispozitat ligjore.

Gjithashtu, në funksion të kontrolleve parandaluese, nga Policia Rrugore e Tiranës janë proceduar administrativisht 89 drejtues autobuzash, pasi janë konstatuar duke hapur dyert për të lënë dhe për të marrë pasagjerë jashtë stacionit të miratuar, si dhe janë proceduar 62 drejtues të tjerë, pasi mjetet e tyre janë konstatuar të pushuar në stacionet e autobuzave duke i penguar këta të fundit të pozicionohen në hapësirat e miratuara për marrjen dhe lënien e pasagjereve./abcnews.al

image-3-1280x960.jpg
Autor E17:33 | 13/11/2019

Shtatë banda që operonin në kuadrin e një grupi të strukturuar kriminal. Kjo është ajo që ka zbuluar policia greke gjatë përgjimit më shumë se një viti të një numri të madh personazhesh që merreshin me trafikun, përpunimin dhe shpërndarjen e lëndeve narkotike.

Madje, grupet sipas policisë greke kishin marrë formën e një karteli dhe merreshin vesh për çmimin e drogës që shpërdanin në zonë për të mbajtur nivele të larta fitimi.

Operacioni u finalizua me arrestimin e 22 personave, mes të cilëve ka edhe shqiptarë.

Policia gjeti në banesën që përdorej nga grupet kriminal një laborator të mirëfilltë droge që përpunonte kokainën e ardhur nga Amerika Jugore, hashashin e ardhur kryesisht nga Shqipëria dhe heroinën që vinte nga Turqia duke e shpërndarë më pas në tregun grek, raporton abcnews.al.

Sipas përllogaritjeve paraprake, policia mendon se vetëm njëri nga grupet shpërndante deri në 100 doza në 24 orë duke arritur xhiro 1 000-1 500 euro në ditë.

Secili prej grupeve ishin të specializuar në përpunimin dhe shpërndarjen e një droge të caktuar duke ndarë gjithashtu edhe zonat.

Njëri prej tyre i specializuar për kokainën, kishte arritur deri aty sipas mediave greke që ta çonte çmimin e një grami kokainë në 100 euro.

Për të shpërndarë lëndën narkotike grupi që dyshohet se përbëhej me 50 anëtarë në total, përdorte mediat e ndryshme sociale, por dhe aplikacione në internet me qëllimin që të shmangnin kontaktet e drejtpërdrejta me persona të tjerë.

Gjatë bisedave, ky grup përdorte kode specifike për të mos u kuptuar nga autoritetet.

Sipas mediave greke, hashashi kodohej si “goma”, ose “jeshile”, ndërsa tabletat “karamele”.

Heroina ishte koduar me fjalët “mish”, “gështenja” dhe “kafe”, ndërsa kokaina quhej “e bardhë” ose “dëborë”.

Policia greke sekuestroi një sasi të madhe parash, makina si edhe telefona celularë që përdoreshin nga grupi gjatë aktivitetit të tyre të paligjshëm. /abcnews.al

renea-fier.jpg
nev ila17:32 | 29/10/2019

Forcat operacionale të drejtorisë së përgjithshme të policisë kanë arritur të ndalojnë 3 persona dhe të sekuestrojnë një sasi droge e llojit çokollatë si dhe ka bllokuar dy automjete. Droga e llojit çokollatë është gjetur në dy automjetet e sekuestruara.

Pas atij në Portin e Durrësit, Policia e Shtetit ka vijuar aksionet blic në Tiranë, Fier dhe në Vlorë.

Ndërkohë policia ka dhënë edhe detajet e para të këtij operacioni.

Njoftimi i policisë: 

“Finalizohet me sukses operacioni antidrogë i koduar “Zhupani”.

Goditet një grup, i cili prodhonte dhe shpërndante lëndë narkotike.

Arrestohen në flagrancë 3 shtetas, sekuestrohen 43.5 kg lëndë narkotike kanabis në formë çokollate.

Pas një hetimi njëmujor me përdorimin e metodave speciale të hetimit, nga Seksioni për Hetimin e Narkotikëve në Drejtorinë Vendore të Policisë Fier, në bashkëpunim me Task-Forcën e Prokurorisë së Rrethit Gjyqësor Fier, Forcën e Posaçme Operacionale në Drejtorinë e Përgjithshme të Policisë së Shtetit dhe DVP Vlorë u finalizua operacioni antidrogë i koduar “Zhupani”.

Operacioni filloi që në orët e para të mëngjesit të sotëm në lagjen “1 Maj”, në Fier dhe u finalizua në qytetin e Vlorës.

Në përfundim të këtij operacioni, u bë arrestimi në flagracë i shtetasve:

A. M., 40 vjeç, banues në Fier.
M. K., 46 vjeç, banues në Fier
K. Sh., 40 vjeç, banues në Vlorë.

Këta shtetas, në bashkëpunim me njëri-tjetrin, prodhonin dhe shisnin lëndë narkotike në Qarkun e Fierit dhe Vlorës.

Gjatë operacionit u sekuestruan 43.5 kg lëndë narkotike e dyshuar kanabis në formë çokollate.

Materialet do i kalojnë Prokurorisë pranë Gjykatës së Shkallës së Parë Fier, për veprime të mëtejshme procedurale”./abcnews.al

tirane-dhe-vlorë.jpg
ad min15:05 | 29/10/2019

Pas atij në Portin e Durrësit, Policia e Shtetit ka vijuar aksionet blic në Tiranë dhe në Vlorë.

Policia njoftoi se aksioni në kryeqytet operacioni u zhvillua në Doganë. Aty u përfshinë 200 forca policore, ndërkohë që u përdorën drone dhe qen antidrogë. Uniformat blu shoqëruan 7 persona. Gjithsej u kontrolluan 67 kamionë, 23 magazina dhe objekte të ndryshme brenda doganës, 107 automjete dhe rreth 267 persona.

Gjatë kontrolleve, u sekuestruan në cilësinë e provës materiale 1 pistoletë, e cila do të dërgohet për ekspertim, disa vula të dyshuara si të falsifikuara e sende të tjera të kundërligjshme. Gazetari Andi Qosja raportoi më herët për abcneës.al se ky aksion do të shtrihet edhe në qytetet e tjera të vendit për të prangosur personat me rekorde kriminale.

Mësohet se ky operacion blic është shtrirë edhe në qytetin e Vlorës. Gazetari Elton Nikaj raportoi për abcneës.al se në aksion u angazhuan forcat RENEA dhe FNSH, ndërsa kontrollet patën subjekt persona të dyshuar për përfshirje të lëndëve narkotike dhe të kaluar kriminale./abcnews.al

aksioni-blic.jpg
ad min12:43 | 29/10/2019

Aksioni blic që u zhvillua disa ditë më parë në qytetin e Durrësit  ka vijuar këtë të martë në kryeqytet. Abcnews.al mëson se rreth 100 forca policie kanë blindur zonënn e Doganës në Tiranë.

Objekt i këtij operacioni është goditja e paligjshmërisë. Oficerët e policisë kanë kryer kontrolle ndaj automjeteve dhe personave që dyshet se lëvizin me armë apo fshehin lëndë narkotike.  Deri më tani nuk dihet rezultati i këtij aksioni, nëse ka apo jo persona të arrestuar pasi policia nuk ka dalë në një informacion zyrtar.

Sot ka pasur edhe pjesëmarrje të FNSH të cilët kanë qenë në mbështetje të njësisë Shqiponja dhe forcave të rendit. Gazetari Andi Qosja ka raportuar për abcnews.al se aksioni pritet të shtrihet në qytetet e tjera të vendit, ku është marrë një plan masash për të prangosur personat me rekorde kriminale./abcnews.al

policia-rrugpore.jpg
nev ila16:25 | 27/10/2019

Përgjatë 24 orëve të fundit, në të gjithë vendin, Policia Rrugore duke përdorur mjete dhe punonjës civil e me uniformë, ka konstatuar në të gjithë vendin qindra shkelje nga më të lehtat e deri tek ato që janë rrezik potencial për jetën e përdoruesëve të rrugës, nga të cilat, 432 masa administrative vetëm për parakalime të gabuara në të gjitha akset rrugore të vendit.

“Policia Rrugore do të përdorë të gjitha format, mënyrat e kontrollit dhe menaxhimit të trafikut rrugor, me qëllim parandalimin e aksidenteve rrugore dhe rritjen e parametrave të sigurisë në rrugë.

Policia Rrugore nisur dhe nga aksidentet e fundit, këshillon të gjithë përdoruesit e mjeteve dhe motomjeteveve, ciklistët dhe këmbësorët, të tregojnë më shumë kujdes gjatë lëvizjes, të respektojnë rregullat e qarkullimit rrugor, të denoncojnë në numrin 112 e në Komisariatin Dixhital çdo shkelje të Kodit Rrugor, sepse vetëm duke bashkëpunuar ne mund të parandalojmë aksidentet rrugore dhe të garantojmë të gjithë bashkë një mjedis të sigurtë“, ka njoftuar policia rrugore./abcnews.al

arrestimii1.jpg
ad min14:00 | 25/10/2019

Të paktën tre persona janë vënë në pranga nga policia e Durrësit si pasojë e operacionit që u zhvillua në port. Më herët u raportua, se uniformat blu zhvilluan një aksion “blic” pas informacioneve të marra në rrugë operative.

Abcnews.al ka siguruar videot e arrestimeve të tre personave.

Policia kishte marrë informata për drogë dhe armë në një kamion. Për këtë arsye u zhvilluan aksione të imtësihsme fizike dhe me skaner. Nuk dihen detaje të tjera rreth kësaj ngjarje, ndërkohë që policia nuk ka dalë ende në një komunikatë zyrtare./abcnews.al

portidurres.jpg
Autor E13:29 | 15/10/2019

Përfaqësues të Krimeve të rënda, agjentë doganorë dhe efektivë të Policisë së Shteti po kryejnë një aksion në portin e Durrësit. Kontrolle janë ushtruar në një kontenier me banane të mbërritur nga Ekuadori.

Burimet thonë se problemet paketimin kanë ngritur në dyshime se kontenieri me banane është prekur pas ngarkimit, çka ka detyruar autoritetet të urdhërojnë kontrollin e plotë të ngarkesës.

Nga autoritetet e Portit të Durrësit nuk ka ende asnjë informacion në lidhje me këtë aksion.

Ky port është shndërruar në një nga më problematikët në rajon, pasi jo në pak raste ka qenë ‘urë lidhëse’ e transportit të drogave të forta nga Amerika Latine drejt Evropës.

aksion-1280x720.jpg
ad min13:26 | 30/09/2019

Një aksion i Inspektoriatit Kombëtar të Mbrojtjes së Territorit në zonën e Orikumit është shoqëruar me përplasje me pronarët. Sipas tyre, aksioni është selektiv dhe shprehen se nuk kanë dijeni për projektin që prek pronat e tyre.

Një prej pronarëve u shpreh për kamerën e ABC News se do të largohet sapo të kenë projektin. “Unë fëmijët e mi, jetën e jap para këtij betonit këtu”, tha ai.

“S’ka të drejtë ai që me një eskavator të madh të vijë të më prishë punë që kam vite të tëra që e kam ndërtuar. Rris fëmijët me atë punë. Asnjë lloj projekti s’kemi parë. Në s’kemi bërë krim, jemi në punën tonë, jetojmë”, tha një pronare.

“Kemi një javë që kërkojmë takim me kryetarin e bashkisë, me të gjithë dhe na shmangen. E lamë sot në mëngjes të llafoseshim. As projekt asgjë, të keqen vëllai. Këtu është ahjt e prishim, njëri e prish, tjetrin s’e prish. I kemi mjetet tona, i prishim dhe vetë, por me projekt. Të bie projekt dhe iki vetë unë. Unë fëmijët e mi, jetën e jap para këtij betonit këtu. Ta dëgjojë kush të dojë se nuk mban më ujë pilafi. Më mirë të jem i vdekur familjarisht me fëmijët e mi. Baba më vdiq, nëna më vdiq nga infarkti do vdes dhe vetë. Ka vajtur aq thellë thika… nuk e di. Na thanë që do vijnë sot në mëngjes, tashi i kanë fikur të gjithë telefonat”, tha një pronar tjetër.

Ndërkohë policia ka qëndruar në distancë, por në gatishmëri për të qetësuar situatën. Në listë për t’u shembur janë rreth 60 objekte dhe ky aksion ka për qëllim lirimin e hapësirave për zbatimin e projektit të bregdetit. Ndërtimet që do të rrëzohen janë kryesisht biznese në plazh.

/abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono