aksion

Screenshot_1-8.png
R D17:43 | 13/02/2020

Avokati i njohur Jordan Daci duke folur në abcnews.al për paketën ligjore anti-KÇK tha se “këto ndryshime bien ndesh me Kodin e Procedurës Penale”. Sipas tij, prokurorët e gjyqtarët nuk do munden të bëjnë drejtësi për shkak se ky aksion është pompuar fort në opinionin publik nga qeveria.

Sai përket përgjimeve, që do bëhen nga policia pa urdhër prokurorie, Daci tha se do të vijë dita kur këto mjete do të kthehen kundër atyre që i votuan. Sepse polici mund të përgjojë edhe shefat e tij, mund të përgjojë edhe Ramën. Pra siç thotë ajo shprehja tek gropa që hap për tjetrin bie vetë.

Gazetari Endri Xhafo e pyeti edhe për operacionet blic që po zhvillon policia në rrethe dhe sipas njoftime zyrtare janë bllokuar disa automjete si dhe po verifikohen shumë persona. Avokati Jordan Daci shpjegoi se me ligj nuk lejohet të ndalosh këdo që të del përpara. Vetëm një OPGJ mund të bëjë kontrollin fizik tha ai.

Xhafo: Pra nëse më ndalon polici dhe më thotë hap bagazhin e makinës, mund ti them jo?

Daci: Polici ka të drejtë të kontrollojë dokumentet e automjetit. Kontrolli personal dhe kontrolli i makinës bëhet vetëm me vendim gjykate. Këtu ka edhe përjashtime… Policia kur ka informacion për një eksponent të rrezikshëm, kriminal që lëviz me armë etj, ka të drejtë ta ndalojë dhe kontrollin e bën Oficeri i Policisë Gjyqësore”, shpjegoi Jordan Daci.

I pyetur nëse mund ta rrëzojë Kushtetuesja ligjin anti-KCK, Daci tha se “këtë paketë ligjore mund ta çojnë në Kushtetuese një seri subjektesh, si OJF, Avokati i Popullit, që duhet të dalë të prononcohet. Po kështu janë institucionet kushtetuese, 1/5 e deputetëve mund ta çojnë në Kushtetuese. Edhe kjo shumicë që po e voton në parlament e di se është anti-kushtetues, por në mungesë të kësaj gjykate përfitojnë dhe bëjnë ligje që nuk qendrojnë. Unë mendoj se anëtarët e ardhshëm të Kushtetueses do kenë integritet dhe do ta rrëzojnë këtë ligj”.

Problemet që shkaktoi vettingu

Avokati i njohur u pyetur edhe për procesin e vettingun, ndërsa u shpreh se “unë jam i pari që dua të pastrohet gjyqësori. Por mendoj se përfitimi është më i vogël se kosotja që po paguajmë, sepse po shpërdorohet. Unë si qytetar dua të shkoj në gjykatë të marr dretjësi sa më shpejt. Gjysma e paditësve që janë të moshës 65 vjeç e lart sdo kenë shansin të marrin drejtësi. Kjo sepse me largimin e gjyqtarëve krijohet një numër i madh dosjesh që presin për gjykim. Nëse në Gjykatën e Tiranës koha e gjykimit ka qenë nga 3 muaj deri në 1 vit, tani shkon mbi 1 vit edhe për çështje lehtësisht të zgjidhshme. Edhe diçka tjetër në Apelin e Tiranës po shqyrtohen çështjen e vitit 2016 dhe kjo do të vijë duke u përkeqësuar.  /abcnews.al

policia-kontrolle1.jpg
nev ila17:15 | 09/02/2020

Që prej më shumë se tre ditësh rrugët e vendit janë blinduar nga forca të policisë rrugore, të ndërhyrjes së shpejtë dhe shqiponjave. Me dhjetëra postblloqe janë ngritur në pika të ndryshme të qarqeve dhe janë ndaluar qindra persona me automjete luksoze.

Në qarkun e Durrësit janë bllokuar dy makina të blinduar që i përkasin Durim Bamit dhe Dashamir Gjokës. Ndërsa për verifikim janë shoqëruar 10 automjete luksoze.

Burime të ABC News pranë komsaritatit të Durrësit thonë se 10 makinat luksoze do të verifikohen nëse janë blerë nga burime financiar ligjore apo jo. Nëse poseduesit e tyre justifikojnë të ardhurat do t’i rimarrin mjetet.

Në ambientet e komisariatit Vlorë ndodhen 3 automjete që do të verifikohen.

Për arsye hetimi policia e Vlorës nuk jep emrat e personave që janë shoqëruar për verifikimin e 3 makinave të luksit dhe burimin e parave me të cilat janë blerë.

Kontrolle të rrepta po ushtrohen në tre akse rrugore në Fier për verifikimin e makinave luksoze. Deri tani janë shoqëruar 150 automjete në komisariatin e fierit ku janë bërë verifikim për drejtuesit e tyre.

Burime nga policia  e Fierit tregojnë se ende nuk ka persona të arrestuar pasi nga verifikimet e deritanishme pjesa me e madhe rezultojnë me dokumentacion të rregullt.

Prej aksioneve të 24 orëve të fundit në Shkodër janë sekuestruar 4 automjete që kanë patur problem me dokumentacionin.

Në Shkodër policia ka verifikuar mbi 100 mjete në terren por kanë rezultuar të rregullta.

6 grupeve të kontrolli policisë të Elbasanit nuk i kanë dalë 72 orë që të sekuestrojnë mjete luksoze.

Gjithsesi mësohet se në terren në Qarkun e Elbasanit janë ndaluar për verifikim rreth 300 mjete të luksit.

Në Korcë nuk raportohen makina apo prona të sekuestruara.

Në oborrin e godinës së Policisë së Korçës dhe ato pak mjete që duken nga pamjet janë të bllokuar për shkaqe të tjera dhe nuk kanë lidhje me aksionet e ditëve të fundit. Përgjatë gjithë rrugës nga Korça në Pogradec kamera e ABC News u përball me disa postblloqe dhe mjete që ishin ndaluar për verifikimi.

Policia rrugore dhe efektivët e tjerë më të specializuar të FNSH dhe Shqiponjave vijojnë kontrollet në zona të ndryshme të vendin duke ndaluar për verifikim çdo mjetë luksoz dhe të tjera në rastet kur kanë dyshime se ato mund të jenë blerës me para të paligjshme apo mund të jetën vjedhur./abcnews.al

 

policia-fier.jpg
nev ila20:36 | 07/02/2020

Kontrolle të rrepta të policive vendore nëpër rrethe janë evidentuar gjatë mbrëmjes së sotme. Kontrollet janë zhvilluar në Tiranë, Elbasan, Fier edhe Berat. Me sa duket bëhet fjalë për një operacion në rang kombëtar.

Në akset hyrëse dhe dalëse të këtyre qyteteve është shtuar prania e uniformave blu dhe forcave të ndërhyrjes së shpejtë, duke intensifikuar kontrollet në pjesën më të madhe të automjeteve kryesisht ato luksoze.

Kontrollet për persona që rezultojnë të shpallur në kërkim, armë apo drogë kanë bërë që uniforma të shumta policorë të zbresin në terren për disa minuta, ndërsa prania e tyre ka qenë më e madhe në zonat kyçe të hyrje-daljeve në këto qytete.

Mësohet se kontrollet do të vijojnë edhe gjatë ditëve të ardhshme./abcnews.al

vlore-policia.jpg
So Nila10:49 | 23/01/2020

Policia e Vlorës si rezultat i kontrolleve të ushtruara mbrëmjen e së mërkurës në qytet ka vënë në pranga 4 persona.

Informacionet bëjnë me dije se tre nga të artrestuarit ishin shpallur në kërkim për “Moskallëzim krimi”, ndërsa një nga të ndaluarit është konstatuar duke drejtuar mjetin pa leje drejtimi.

Njoftimi policisë:

Si rezultat i kontrolleve të shtuara në qytet, për kapjen e autorëve përgjegjës për vepra të ndryshme penale, Policia ka arrestuar 4 persona, 3 prej të cilëve ishin shpallur në kërkim.

  • L. A., 27 vjeç, banues në fshatin Drithas, Vlorë.

Ky shtetas ka qenë në kërkim për veprën penale “Moskallëzim krimi” dhe në vitin 2017 Gjykata e Shkallës së Parë e ka dënuar me 2 vite burgim.

  • R. A., 60 vjeç, banues në fshatin Drithas, Vlorë.

Ky shtetas ishte në kërkim për veprën penale “Moskallëzim krimi” dhe në vitin 2019, Gjykata e Shkallës së Parë Vlorë e ka dënuar me 1 vit burgim.

  • A. S., 35 vjeç, banues në fshatin Risili, Vlorë.

Ky shtetas ka qenë i shpallur në kërkim dhe në vitin 2018 Gjykata e Rrethit Gjyqësor Vlorë e ka dënuar me 8 muaj burgim, për veprën penale “Moskallëzim krimi”.

Sarandë, Policia ka arrestuar në flagrancë shtetasin K. B., 34 vjeç, banues në Gjashtë, Sarandë.

Ky shtetas u kap në aksin rrugor Gajdar-Krane duke drejtuar automjetin pa leje drejtimi.

Materialet iu referuan Prokurorisë, për veprime të mëtejshme./abcnews.al

 

vlore-renea.jpeg
nev ila21:10 | 21/01/2020

Aksion në disa zona të qytetit të Vlorës. Aksioni fillimisht është përqendruar në lagjen  “10 korriku” , lagjen “Çole” dhe zona të tjera.

RENEA dhe Policia e Vlorës ka ushtruar kontrolle në automjete por edhe për persona në kërkim.

Pas kapjes pak ditë më parë të Xhevair Jonuzit në fshatin Hoshtimë të Vlorës, RENEA dhe policia e Vlorës vijojnë kontrollet./abcnews.al

renea-1280x720.jpg
ger ta09:01 | 18/01/2020

Një skenë si në filma ka ndodhur në fshatin Hoshtimë të Vlorës, ku një 47-vjeçar i dënuar me 25 vite burg për vrasje ka hapur zjarr ndaj forcave RENEA, në tentativë për t’i shpëtuar arrestimit.

Sipas policisë, forcat Speciale Renea kanë bërë rrethimin e banesës së shtetasit Xhevahir Jonuzi, 47 vjeç, banues në fshatin Hoshtimë te Vlorës.

Gjatë vendosjes së perimetrit të sigurisë, 47 vjeçari Jonuzi ka parë forcat e Policisë dhe ka dalë me vrap nga banesa me armë zjarri pistoletë, të cilën e mbante në dorë. Renea i ka bërë thirrje të dorëzohej dhe të hidhte armën e zjarrit, por shtetasi Jonuzi ka hapur zjarr në drejtim të forcave speciale duke rrezikuar jetën e tyre.

Në proporcion të drejtë me zjarrin e personit, Forcat speciale Renea i janë kundërpërgjigjur për ta neutralizuar dhe gjatë shkëmbimit të zjarrit Xhevahir Jonuzi   mbeti i plagosur në këmbë.

Ekipi i Reneas i ka dhënë ndihmën e parë  të plagosurit dhe e ka dërguar menjëherë në spital, ku dhe ndodhet jashtë rrezikut për jetën.

Në nëntor të vitit 2018 policia e Vlorës e kishte emrin dhe foton e tij ndër tetë personat me të kërkuar dhe me rrezikshmeri mjaft të lartë në qarkun e Vlorës.

Njoftimi i plotë:

Operacion policor për kapjen e një personi shumë të kërkuar, me rrezikshmëri të lartë shoqërore.

Operacioni policor i koduar “Hoshtima”,  zhvilluar nga Forcat Speciale Renea, Drejtoria e Forcës së Posaçme Operacionale në Policinë e Shtetit, në bashkëpunim me DVP Vlorë.

Në tentativë për t’i shpëtuar Policisë,  47-vjeçari i kërkuar, i dënuar me 25 vjet burg për vrasje, hapi zjarr ndaj forcave të Policisë duke u rrezikuar jetën e tyre, por mbetet i plagosur gjatë shkëmbimit proporcional të zjarrit.

Në zbatim të planit të masave për kapjen e pronave me rrezikshmëri të lartë shoqërore, atyre në kërkim dhe që mbajë e qarkullojnë me armë zjarri, forcat speciale Renea, në bashkëpunim me DVP Vlorë, mëngjesin e sotëm, rreth orës 07:05  kanë finalizuar operacionin policor të koduar “Hoshtima”.

Duke marrë parasysh rrezikshmërinë e presonit, si dhe informacionet që ky shtetas mbante armë zjarri, Forcat Speciale Renea kanë bërë rrethimin e banesës së shtetasit Xhevahir Jonuzi, 47 vjeç, banues në fshatin Hoshtimë.

Gjatë vendosjes së perimetrit të sigurisë, 47 vjeçari Jonuzi ka parë forcat e Policisë dhe ka dalë me vrap nga banesa me armë zjarri pistoletë, të cilën e mbante në dorë.

Renea i ka bërë thirrje të dorëzohej dhe të hidhte armën e zjarrit, por shtetasi Jonuzi ka hapur zjarr në drejtim të forcave speciale duke rrezikuar jetën e tyre.

Në proporcion të drejtë me zjarrin e personit, Forcat speciale Renea i janë kundërpërgjigjur për ta neutralizuar dhe gjatë shkëmbimit të zjarrit Xhevahir Jonuzi   mbeti i plagosur në këmbë.

Ekipi i Reneas i ka dhënë ndihmën e parë  të plagosurit dhe e ka dërguar menjëherë në spital, ku dhe ndodhet jashtë rrezikut për jetën.

Këtë shtetas Gjykata e Rrethit Gjyqësor Vlorë e ka dënuar me 25 vite burg për “Vrasje me paramendim”.

Po ndaj këtij shtetasi, në vitin 2018,  Gjykata e Vlorës ka vendosur masën e sigurisë “Arrest në burg”, për veprat penale “Prodhimi dhe shitja e lëndëve narkotike” dhe “Kultivimi i bimëve narkotike”.

Në përditësim…/abcnews.al

balliu-klevis-1280x636.jpg
ger ta22:24 | 08/01/2020

IKMT ka njoftuar se ditën e nesërme do të rinisë aksionin për prishjen e disa banesave në zonën e Unazës së Re.

Konkretisht janë gjashtë banesa që pritet të prishen. Për të folur për këtë ishte i ftuar në studion e Abc News, ish-deputeti i PD, Klevis Balliu. Ish-deputeti u shpreh se një ndër ndërtesat që është planifikuar për tu shembur nesër është edhe godina ku janë strehuar banorë të prekur nga tërmeti i 26 nëntorit.

Një nga godinat që prishte aty është ajo që për afro një muaji ka strehuar qindra banorë të prekur nga tërmeti. Banorë të cilët janë të vërifikuar që janë prekur nga tërmeti, janë sjellë edhe nga sgoqata bamirësie. Këto familje nesër për të prishur këtë godinë për hir të interesave private të Erion Veliajt, njeriut që shiste fiq dhe sot është miliarderi i Shqipërisë me ashensor privat në shtëpi. Për këtë arsye po prishet edhe kjo godinë që realisht nuk e kap projekti.

Kjo po bëhet për të sheshuar unazën që këtë të vazhdojnë programin për ngritjen e kullave të tyre. Përballë kësaj godine ai ka dhënë leje ndërtimi për  një kullë. Tërmeti i 26 nëntorit u prishi shtëpitë, “tërmeti Rama” kërkon t’u prishë edhe strehimin këtyre”, deklaroi Balliu.

I pyetur se çfarë do të ndodhë nesër dhe se a do të ketë protestë, ku IKMT do të nisë aksionin, Balliu tha se do e vendosin me banorët.

Janë çështje që do i shikojmë nesër si do e mendojnë banorët. Në një mënyrë apo në një tjetër Rama këtë kërkon, ti arrestojë, ti dhunojë. Kjo godinë po shembet me VKM”, u shpreh ish-deputeti, teksa shtoi se banorët e strehuar në këtë godinë nuk janë informuar për aksionin e nesërm. /abcnews.al

renea-shkoder.jpg
ger ta10:06 | 15/12/2019

Policia e Shkodrës dhe RENEA kanë zhvilluar një aksion gjatë natës në kryeqendrën e veriut. Abcnews.al mëson se operacioni është shtrirë në disa zona, ndërsa janë arrestuar 3 persona.

Të arrestuarit ndodhen në policinë e Shkodrës, ndërsa aksioni është zhvilluar në disa lokale dhe lojera fati.

Sakaq, janë shoqëruar 10 persona, si dhe është sekuestruar lëndë narkotike.  Operacioni ka nisur mbrëmë rreth orës 21:30 në disa zona ku dyshohet se mund të jenë të përfshirë edhe persona që kane lidhje me ngjarjet kriminale në Shkodër. Nje pjesë e kontrolleve janë kryer në lagjen Kiras./abcnews.al

policia-tirane-1.jpg
ger ta16:22 | 14/11/2019

Policia Rrugore njofton se ka proceduar administrativisht 89 drejtues autobusësh.

Sipas policisë aksioni është ndërmarrë pas vështirësive që karakterizon transportin publik urban qytetas. Drejtuesit janë konstatuar duke hapur dyert për të lënë dhe për të marrë pasagjerë jashtë stacionit të miratuar.

Njoftimi i plotë:

Duke parë vështirësitë që karakterizon transportin publik urban qytetas dhe shkeljet e konstatuara çdo ditë, të kryera në vazhdimësi nga drejtuesit e autobuzëve, me mënyrën e drejtimit dhe qëndrimit jo në hapësirën e caktuar sipas stacioneve të miratuara nga enti pronar i rrugës, të cilët cenojnë sigurinë e pasagjerëve dhe përdorueseve të tjerë të rrugës, ditët e fundit janë shtuar ndjeshëm kontrollet dhe masat administrative ndaj kësaj kategorie mjetesh, nga rrugorët e kryeqytetit.

Krahas monitorimeve dhe verifikimeve në terren, janë evidentuar edhe disa mangësi që kanë të bëjnë me sinjalizimin rrugor, të cilat do t’i adresohen entit pronar për t’u përmirësuar sipas standardeve të parashikuara në dispozitat ligjore.

Gjithashtu, në funksion të kontrolleve parandaluese, nga Policia Rrugore e Tiranës janë proceduar administrativisht 89 drejtues autobuzash, pasi janë konstatuar duke hapur dyert për të lënë dhe për të marrë pasagjerë jashtë stacionit të miratuar, si dhe janë proceduar 62 drejtues të tjerë, pasi mjetet e tyre janë konstatuar të pushuar në stacionet e autobuzave duke i penguar këta të fundit të pozicionohen në hapësirat e miratuara për marrjen dhe lënien e pasagjereve./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono