aksion pastrimi

41661513_2152457321695155_8039051881772744704_n.jpg
ent ela15:47 | 14/09/2018

Tirana do të jetë gati të presë të hënën për të pritur nxënësit për vitin e ri shkollor. Krahas investimeve për përmirësimin e infrastrukturës arsimore, Tirana do të zhvillojë një aksion të gjerë pastrimi në zona të ndryshme të kryeqytetit, kryesisht pranë shkollave.

Gjatë takimit me administratorët dhe drejtuesit e institucioneve nën varësi të Bashkisë së Tiranës, kryebashkiaku Erion Veliaj theksoi se është shumë e rëndësishme që, veç angazhimit të Bashkisë së Tiranës, dhe që ky aksion të jetë i suksesshëm, duhet edhe pjesëmarrja dhe angazhimi i qytetarëve.

“Do të kemi besoj të gjitha pikat e përcaktuara nga kolegët e bashkisë, kryesisht fokusi rreth zonave të shkollës, nëse fëmijët e gjejnë pastër, do sillen pastër. Nëse fëmijët e gjejnë zhul, do imitojnë prindërit që e bëjnë shkollën e tyre zhul. Ne kemi marrë masat këto 3 vite për të hequr të gjitha ndërtimet pa leje, në gjithë problematikat që keni pasur. Nëse fanepset dikush që fillon edhe improvizon një ndërtim, ju lutem na njoftoni, por për dijeninë time, kjo është disiplinuar”, tha Veliaj.

Një vëmendje do të tregohet edhe për disiplinimin e shitjes së ushqimeve pranë shkollave. “Do jeni shumë të kujdesshëm për ambulantët  pranë shkollave. Nuk ka rast që ta thonë nëse përmend rastin e “Vasil Shantos”. Është 50 metra tregu, tahmaja për të shitur te dera është e paprecedentë. Nuk ka asnjë arsye pse kalamajtë duhet të bëjnë kërcim me pengesa në mëngjes. Nuk ka qytet në botë që është civilizuar, duke u shtrirë njerëzit përtokë, nuk ka. Ambicia jonë është një qytet europian”, deklaroi ai.

Duke ndalur tek fillimi i vitit të ri shkollor, Veliaj nënvizoi se shkollat e reja dhe ato ekzistuese që i janë nënshtruar rehabilitimit do të jenë gati për vitin e ri shkollor në kryeqytet. Ai tha se Bashkia po punon deri në momentet e fundit edhe për rrugët dhe për unazën e mesme që do të jetë gati në nisjen e shkollës. “Sot jemi duke punuar në segmentet e fundit të unazës që dita e parë e shkollës të na gjejë me unazën e tretë, të mesme komplet të strukturuar. Shkollat po bëhen gati, por edhe rrugët do të jenë gati deri të dielën në darkë.Kështu që dua të falënderoj edhe kolegët që kanë kaluar gjithë verën pa pushime që të siguroheshim që të kapnim këto afate, pavarësisht kapriçove të motit”, tha ai.

Veliaj theksoi se  pranë kryqëzimeve dhe shkollave do të jenë edhe grupe vullnetarësh të cilët do të kujdesen që fëmijët. “Do ju kërkoj të gjithëve të mobilizoheni si vjet, edhe me koordinatoren tonë të vullnetarëve. Të gjithë vullnetarët, ata që janë me ndihmë ekonomike, që i marrin paratë pa bërë punë si solidaritet ndaj atyre në nevojë, për disa gjëra elementare ata dhe të rinjtë studentë që kemi mund të na ndihmojnë me trafikun, të ndalojnë makinat teksa shkohet në shkollë”, theksoi Veliaj.

blendi-klosiii.jpg
G. P.14:37 | 17/04/2018

Zhvillimi i turizmit, sipas ministrit të Mjedisit dhe Turizmit, Blendi Klosi, është i pamundur pa një mjedis të pastër.

Ministri Klosi u bë pjesë e aksionit të pastrimit në Divjakë nga ku theksoi se në këtë prag sezoni kërkesa është shumë më tepër se kapacitete turistike që ka vendi ynë.

1 mijë nxënës, studentë, Forcat e Armatosura, punonjësit e bashkive dhe agjencive të zonave të mbrotjura u angazhuan për pastrimin e plazhit të Divjakës.

Ndërkohë, ministri i Mjedisit dhe Turizmit deklaroi se aksioni i pastrimit ndërmarrë javën e tokës do të vijojë edhe pas 22 Prilli kohë, kur sipas ministrit Klosi shteti do të funksionojë ndryshe për sa i përket mbrojtjes së mjedisit./abcnews.al

blendi-klosi.jpg
G. P.15:56 | 16/04/2018

Me fillimin e javës së tokës, aksioni i pastrimit nisi nga ura pranë aeroportit të Rinasit dhe ajo e Gjoles, dy pika tepër të ndotura, sipas ministrit të Mjedisit dhe Turizmit.

Blendi Klosi ishte atje për të inspektuar aksionin e ndërmarrë nga Komanda e Forcave Detare bashkë me këshilltarin e kryeministrit, Sandër Lleshi dhe përfaqësues të prefekturës së Durrësit.

Ministri Klosi i bëri apel banorëve dhe bizneseve të mbështesin Forcat e Marinës për të pasur një mjedis më të pastër.
Forcat e Ushtrisë kanë nisur pastrimin në shtratin e lumit Drino pranë urës së Kordhocës në Gjirokastër./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono