aksidenti

aksidenti-pogradec-3.jpeg
nev ila20:54 | 20/01/2020

Një aksident ka ndodhur mbrëmjen e sotme në qytetin e Pogradecit. Aksidenti ka ndodhur në vendin e quajtur “tuneli panoramik” në hyrje të qytetit.

Mësohet se nga përplasja kokë më kokë e 2 automjeteve tip mercedes-benz, kanë mbetur të plagosur 6 persona.

Burime nga bluzat e bardha, thonë për ABC News, se të plagosurit janë në gjendje të rëndë për jetën.

Ata kanë marrë dëmtime të shumta në trup, dhe 3 prej të plagosurve ndodhen në reanimacion.

Policia po punon për sqarimin, dhe rrethanat që kanë shkaktuar këtë aksident të rëndë./abcnews.al

Romero-United.jpg
Klejdi Kaimi14:28 | 20/01/2020

Portieri i Manchester United, Sergio Romero, ka pësuar një aksident me makinë këtë mëngjes. Argjentinasi ka përplasur Lamborghinin e tij me bordurat e rrugës, kur ai po shkonte në qëndrën stërvitorë të United.

Incidenti ndodhi në afërsi të fushës stërvitore Carrington, ku rruga ishte e ngrirë nga temperaturat e ulëta në Manchester. Fatmirësisht, numri 2 i portës së ‘Djajve të Kuq’ nuk pati asnjë dëmtim dhe sipas gazetarit të ‘BBC Sports’, Simon Stone, Romero arriti në kohë në stërvitje.

 

Romero, portieri i Manchester United

 

Dëmin më të madh e ka makina e portierit, Lamborghini 170.000 £, e cila ka mbetur e përplasur mes bordurave të rrugës. Romero u transferua në Premier League në vitin 2015, ku erdhi si zëvendësuesi ideal i De Geas. Ish-portieri i AZ Alkmaar numëron 9 paraqitje këtë sezon në të gjitha kompeticionet, ku e ka mbajtur plot 7 herë portën e paprekur. Romero ishte në stol ditën e djeshme, ku United u mposht 2-0 nga Liverpool në ‘Anfield Road’. /abcnews.al

aksidenti-lushnje-vlore.jpg
nev ila19:32 | 09/01/2020

Aksidentet rrugore vijojnë të përgjakin rrugët në vend. Një i vdekur e tre të plagosur është bilanci i tre aksidenteve të ndodhura në vend. Aksidenti më i rëndë ndodhi në Lushnje ku humbi jetën një 52 vjeçar që udhëtonte me motor. Të plagosurit në Lushnje dhe Vlorë janë jashtë rrezikur për jetën.

Një person humbi jetën, ndërsa tre tjetër mbetën të plagosur në tre aksidentet të ndodhura në Lushnje dhe Vlorë.

Shpëtim Bajaziti nga fshati Ardenicë e Lushnjës humbi jetën mesditën e së enjtes teksa udhëtonte me motoçikletë. Policia e Lushnjes bën me dije se kur viktima ka marrë kthesën, kamaleci i motorrit ka prekur asfaltin, çka ka sjellë rrëzimin nga mjeti. Fatkeqësisht në momentin e aksidentit Bajaziti nuk mbante në kokë kaskën mbrojtëse. Për shkak të plagëve të marra 52- vjeçari ndërroi jetë rrugës për në spital.

Në orët e pasdites një tjetër aksident me dy të plagosur u regjistrua sërish në Lushnje. Të plagosur mbetën një çift bashkëshortësh të cilët udhëtonin me një motorr të improvizuar për grumbullimin e hekurave dhe kanaçeve.

Uniformat blu bëjnë me dije se çarçafi me të cilën ishte mbuluar motorri kapi  rrotën e pasme të mjetit, duke sjellë rrëzimin e tij.

Ndërsa në Babicë të Vlorës një automjet tip fuoristrade doli  nga rruga.

Për pasojë është dëmtuar një person i moshuar, i cili ishte pasagjer në makinën e përfshirë në aksident. Për shkak të plagëve të marra ai u dërgua në spitalin e Vlorës dhe ndodhet nën kujdesin e mjekëve./abcnews.al

 

auto_aksidenti_autostrade_naten1480753749.jpg
nev ila19:01 | 08/01/2020

Policia ka njoftuar se pasditen e sotme një person rreth 60 vjeç, ka gjetur vdekjen e menjëhershme si pasojë e përplasjes nga një automjet.

Ngjarja e rëndë ka ndodhur në autostradën Tiranë-Durrës në Marikaj, ndërsa këmbësori po tentatonte të kalonte nga njëra anë e autostratës në anën tjetër.

Drejtuesi i mjetit që ka përplasur këmbësorin është shoqëruar ndërkohë në komisariat për veprime të mëtejshme. Policia po punon për sqarimin e rrethanave të këtij aksidenti të rëndë.

Njoftimi i policisë:

“Tiranë/Informacion Paraparak

Rreth orës 17:15 në aksin rrugor Tiranë- Durrës, në vendin e quajtur “Marikaj” një këmbësor ende i paidentifikuar rret 60 vjeç ka kaluar nga njëra anë e autostradës në tjetrën dhe për pasojë është goditur për vdekje nga fugoni tip “Benz” me drejtues shtetasin F. V, i pajisur me leje drejtimi dhe çertifikatë të aftësisë profesionale.

Drejtuesi i fugonit tip “Benz” shtetasi F. V, është shoqëruar në komisariat për veprime të mëtejshme hetimore.

Policia rrugore dhe grupi hetimor ndodhen në vendngjarje, ku po vijon punën për sqarimin e rrethanave të ngjarjes si dhe identifikimin e shtetasit që ka ndërruar jetë”./abcnews.al

aksidenti-berat--1280x720.jpeg
nev ila21:24 | 06/01/2020

Një aksident me pasoja tragjike ka ndodhur mbrëmjen e sotme në Berat. Mësohet se aksidenti ka ndodhur minutat e fundit dhe sipas informacioneve një person ka humbur jetën.

Mësohet se viktima Gramoz Zani, 55 vjeç, ishte duke kaluar rrugën në gjendje të dehur, kur i ka prerë rrugën automjetit tip mercedez benz me targa AA973YJ.

Nga përplasja 55 vjeçari ka përfunduar në asfalt. Menjëherë kanë mbërritur në vendngjarje autoambulanca dhe forcat e policisë.

Autoambulanca me ekipin mjekësor kanë transportuar Zanin në repartin e urgjencës, por ai ka ndërruar jetë disa minuta më pas.

Pas aksidentit të rëndë policia ka shoqëruar drejtuesin e mjetit, shtetasin R.H. Ekspertët e policisë rrugore, po hetojnë rreth shkaqeve të aksidentit në këtë aks problematik.

Mësohet se viktima Gramoz Zani ishte një person i braktisur, i alkoolizuar dhe që jetonte prej kohësh rrugëve në zonën e Kombinatit.

Ndërkohë policia ka dhënë dhe informacionin paraprak në lidhje me këtë ngjarje:

Njoftimi i policisë:

“Berat

Informacion paraprak

Në rrugën Berat-Urë Vajgurore, në vendin e quajtur “Ura e Hanit”, një mjet tip Benz me drejtues shtetasin R.H, banues në Drenovic, ka aksidentuar kembësorin shtetsin G.Z, 55 vjeç, i cili ka ndërruar jetë.

Grupi hetimor po punon për zbardhjen e rrethanave të shkaqeve të aksidentit”./abcnews.al

eksperti.jpg
ger ta16:21 | 06/01/2020

Viti 2020 nisi me të njëjtin trend rritës të aksidenteve fatale në rrugët e vendit.

I tillë ishte edhe aksidentimi i dy kalimtarëve në zonën e Porcelanit në kryeqytet mesditën e 2 janarit. Sipas eskepertit të sigurisë rrugore Islam Qibini, ngjarje të rënda mund të parandalohen në atë zonë nëse instalohen semaforë apo vendoset kurriz artificial mbi karrexhatë.

“Duhet të jetë një kurriz artificial, i cili e detyron drejtuesin e mjetit të ngadalësojë shpejtësinë, mujd të ketë edhe një semafor për rregullimin e trafikut”, shprehet Qibini.

Grupmoshat nga 18-30 janë më të predispozuar për shkaktimin e aksidenteve me vdekje. Eksperti thekson se, fokusi i policisë rrugore duhet përqënduar në këtë drejtim.

Aksidentet rrugore nuk parandalohen nga aksione ditore të policisë rrugore. ABC Neës bërë një vëzhgim të hënën në disa akse kryesore të kryeqytet ku nuk rezultoi asnjë radar dixhital për të monitoruar shpejtësinë e automjeteve.

Islam Qibini thekson se një problem tjetër mbetet edhe mënyra e vjeljes së gjobës, pasi sistemi i adresave në vendin tonë në shumë qytete nuk është azhornuar ende./abcnews.al

korce-elvis-josifi-1280x720.jpeg
nev ila16:17 | 04/01/2020

Një ngjarje e rëndë ka ndodhur mesditën e së premtes në qytetin e Korçës, ku një 35 vjeçar humbi jetën pas një incidenti në punë.

Punëtori  35- vjeçar, Elvis Josifi ka ndërruar jetë në vend për shkak të goditjes tepër të fortë. Grupi hetimor nisi punën për të zbardhur rrethanat dhe shkaqet e ngjarjes.

Burime konfidenciale për Abc News thonë se familjarët janë përplasur me përgjegjësit e firmës gjatë ceremonisë mortore. Po të njëjtat burime bëjnë me dije se nëna e viktimës ka hedhur akuza ndaj firmës se i kanë vrarë djalin teksa ai punonte për bukën e gojës.

“Më vranë djalin që e kisha rritur me sakrificë dhe mundime. Djali im nuk vlen sa një drekë. Mos u tallni me gjakun e djalit tonë. Të kalben në burg ata që ma vranë dritën e syve”.

Këto janë fjalët rrënqethëse teksa firma ku punonte Ervisi kishte kërkuar të mbulonte shpenzimet e ceremonisë mortore. ABC News ka shkuar tek banesa e 35 vjeçarit ndërsa nëna dhe motra e tij nuk kanë pranuar të flasin në kamera .

Ndërkohë për ABC News ka folur edhe një nga fqinjët e Elvisit:

“Djalë flori, djalë që nuk kishte asnjë të metë. Nuk e di pse i ndodhi kështu. Jemi shqetësuar shumë. Ai jetonte me prindërit, kishte dy motra dhe një vëlla. Elvisi ishte vëllai i madh, ai nuk e linte një ditë punën.  Kishte vite që punonte në ndërtim por nuk e di në çfarë firme. Çfarë t’ju them më shumë, djalë që nuk e bën më nëna, lum ajo familje që e kishte”.

Dhimbje dhe lot ishte ajo çka gjeje në apartamentin modest të familjarëve të Ervisit ku sot e përcollën në banesën e fundit./abcnews.al

Screenshot_1-9-600x346.jpg
Autor E12:12 | 04/01/2020

Shoferi i një automjeti që udhëtonte në California regjistroi me aparatin e tij celular një aksident të jashtëzakonshëm.

Ndërsa makina i afrohet një kthesë të majtë, një makinë sportive shfaqet papritmas, duke përshkuar me shpejtësi rrugën.

Mjeti nuk merr kthesën, por ecën drejt duke kaluar shkëmbin dhe më pas rrëzohet në det.

Personi, i cili bëri videon njoftoi menjëherë autoritetet, të cilët filluan hetimet.

Videoja është bërë publike nga autoritetet dhe jo nga personi që regjistroi pamjet tronditëse.

 

nev ila17:32 | 03/01/2020

Një ditë pas aksidentit të rëndë me dy viktima në zonën e Porcelanit në Tiranë, nipërit e të moshuarës që humbi jetën, thonë se e afërmja e tyre ishte nisur për vizitë tek djali.

Dyshohet se shkak i aksidentit kanë qenë shpejtësia e njërit mjet dhe parakalimi i gabuar nga shoferi tjetër. Të dy drejtuesit e mjeteve të arrestuar për aksidentin kanë pranuar fajin.

Ishte nisur për një vizitë tek djali, por humbi jetën pa përshkuar gjysmën e rrugës.

Bëhet fjalë për Hidajete Salliun e cila bashkë me Erion Ballën gjetën vdekjen nga përplasja e dy automjeteve në rrugën “Xhanfize Keko” në Tiranë ndërkohë që po ecnin në trotuar.

Një dite pas ngjarjes në vendin ku ndodhi aksidenti takuam dy nipat e 73 vjeçares.

Ndërsa sheh pamjet e regjistruara nga kamerat e sigurisë, shfaqur në media, nipi i të moshuarës  ka një thirrjë për të gjithë drejtuesit e automjeteve.

Shkak i aksidentit sipas policisë ka qenë shpejtësia me të cilën makina tip Wolkswagen Beetle me drejtues Etjon Lazri lëvizte nga zona e Porcelanit në drejtim të sheshit “Shtraus”.

Po ashtu automjeti tip Wolkswagen  Golf 6 drejtuar nga Edmond Murati ka bërë një manovër të gabuar për të hyrë në rrugë dytësore, duke i prerë rrugën makinës së Lazrit.

36 vjeçari Murati dhe 31 vjeçari Lazri u vunë nën prangat e uniformave blu pak pas ngjarjes.

Burime nga Policia i thanë ABC News se të dy të arrestuarit kanë pranuar fajin  ndërkohë që nuk mbajnë mend saktësisht çastin e aksidentit.

Etjon Lazri para efektivëve ka deklaruar se ka qenë me shpejtësi, është përpjekur të devijojë rrugën, por nuk ka arritur të shmanget.

Ndërsa Edmond Murati ka treguar se ka tentuar të parakalojë, por për shkak të shpejtësisë së automjetit që vinte pas tij nuk ka arritur t’i shpëtojë përplasjes. /abcnews.al

 

aksidenti-Korce-1280x960.jpeg
nev ila14:43 | 30/12/2019

Aksident në aksin Korçë-Pogradec në afërsi të Maliqit. Mësohet se paraditen e sotme dy automjete tip Mercedez Benz dhe Wolkswagen janë përplasur me njëra tjetrën dhe për pasojë janë plagosur 5 persona. Nuk bëhen me dije rrethanat e aksidentit dhe detaje të tjera.

Lajmi në përditësim…./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono