aksidentet

SEMAFORET-RREZIK-AKSIDENTESH-1280x720.jpg
ent ela16:54 | 08/11/2018

Në Tiranë shumë semaforë në vend që të parandalojnë aksidentet rrugore bëhen shkak për to. Ato janë programuar në mënyrë të tillë që ndërpresin trajektoren e lëvizjes mes këmbësorëve dhe automjeteve. ABC News vëzhgoi situatën në disa prej kryqëzimeve kryesore.

Të kesh të drejtë nuk shpëton nga rreziku! Semaforët në shumë prej kryqëzimeve të Tiranës nuk koordinohen mes njëri-tjetrit duke u bërë burim aksidentesh.

Pershembull;  Automjetet që zbresin nga rruga “Luigj Gurakuqi” kanë të drejtë të kthehen në të djathtë, ndërsa këmbësorët të ngjiten nga sheshi “Skënderbej“ drejt Pazarit të Ri.

Në kryqëzimin e rrugës së “Barrikadave” kalimtarët lejohen të kalojnë në anën tjetër të rrugës njëkohësisht makinave u jepet e drejta të ngjiten drejt rrugës së “Dibrës”.

Në këtë kryqëzim të bulevardit “Dëshmoret e Kombit” automjetet kanë të drejtën e kalimit në të majtë, ndërsa këmbësoret nga trotuari pranë Kryesisë së Kuvendit tek ai pranë Kryeministrisë.

Ndërprerje të trajektores së kalimtareve me mjetet vihet re edhe në kryqëzimin mes shkollës nënte vjeçare “Kosova” dhe Liceut Artistik.

ABC News monitoroi situatën në katër prej kryqëzimeve në kryeqytet, por specialisti i sigurisë rrugore Artur Sulçe na tregon të tjera rrugë problematike në Tiranë.

“Unaza e vogël e cila pas muzeut ka problematikën e vet, ka problematikë kryqëzimi te gjykata e lartë, unaza e mesme, rruga e Elbasanit, ura  emadh e lanës ku ka trafik, ura Vasil Shanto dhe rrethrrotullimi i Zogut të Zi, kurse 21 dhjetori i ka më të zgjidhur këtë element dhe te Farmacia 10 mund të rikualifikohet dhe të ketë zgjidhje më të mirë”.

Semaforët në kryeqytet sipas Sulçes duhet të riprogramohen. Por  kjo nuk është e vetmja zgjidhje që jep eksperti i sigurisë rrugore.

“Do ishte mirë që pjesa më e madhe e kryqzimeve të kihsin semaforë intekigjentë dhe jion naalogë, që duke u kontrolluar nga qendra në fundksion të trafikit të rregullohej dhe ngjyra e semaforëve. Qendra nëse do ishte në efikasitet të plotë nëse do kapnit semaforin me jehsile e gjithë lëvizja do ishte e hapur”.

Derisa kjo të ndodhë, për të shmangur aksidentet këmbësorë e drejtues automjetesh duhet të bëjnë sytë katër pavarësisht asaj që tregon semafori. /abcnews.al

 

 

 

 

 

 

AKSIDENTET-RRUGORE.mpg_snapshot_00.24-1280x720.jpg
G. P.15:30 | 03/09/2018

Gjatë 3 muajve të verës, rrugët e Shqipërisë u përgjakën nga aksidentet rrugore. Sipas shifrave zyrtare të policisë, mbetën të vdekur 53 persona në muajt, qershor, korrik dhe gusht duke shënuar një rritje krahasuar me të njëjtën periudhë të një viti më parë.

Edhe pse pati një angazhim maksimal të efektivëve të policisë rrugore gjatë sezonit turistik veror, përsëri numri i aksidentet me pasojë vdekjen mbeti i lartë.

Vëtëm gjatë muajit gusht të 2018-s humbën jetën nga përplasjet e automjeteve 22 persona. Një shifër disa herë më lartë krahsuar me vendet e Bashkimit Europian në raport popullsie. Për gushtin e vitit të kaluar numri nga vdekshmëria ishte një më pak. Pjesa më e madhe e viktimave u shënua gjatë akseve kombëtare, veçanërisht në zonat bregdetare, aty ku ishte edhe përqëndrimi më i madh i efektivëve të policisë rrugore.

Po thuajse në të njëjtat shifra kanë mbetur edhe aksidentet rrugore me pasojë plagosje e rëndë dhe plagosje e lehtë, gjatë muajit gusht.
Gjatë muajit që lamë pas u regjistruan180 përplasje, ndërkohë rezulton se numri i personave të lënduar ka qenë më i vogël 5 persona më pak të plagosur se një vit më parë. Muaji gusht ka shënuar rekord edhe për pezullimin e patentave ndaj drejtuesve të automjeteve. 230 leje drejtimi iu morën shoferëve të cilët në shumicën e raste ishin nën efektin e alkoolit dhe tejkalim shpejtësie.

Muaji që ka pasur numrin më të vogël për aksidentet rrugore ka qenë korriku i 2018. Sipas shifrave zyrtare të Policisë, nga 1 deri në 31 korrik kanë vdekur 11 persona. Kjo shifër është 50 për qind më ulët krahasuar me të njëjtën periudhë të një viti më parë. Në total kanë ndodhur 118 aksidente në një muaj. 12 u plagosën rëndë dhe 129 të tjerë lehtë. Edhe kjo shifër rezulton më mirë krahasuar me korrikun e 2017, pasi ndodhën 199 aksidentete dhe mbetën plagosur rëndë 44 persona dhe 202 u lënduan.

Ndërkohë, qershori i 2018-s, shënoi shifra të larta për vdekshmërinë në aksidentet rrugore. 20 persona humbën jetën nga 12 që ishte një vit më parë. Sipas specialistëve, aksidentet rrugore, në 80 për qind të rasteve, kanë ndodhur si pasojë e gabimit të drejtuesve të mjeteve, teksa grupmosha që ka kryer më shumë aksidente janë nga 25 deri në 35 vjeç./abcnews.al

BILANCI-VIKTIMAT-GUSHT-ABC-1280x720.jpg
ent ela18:05 | 16/08/2018

Ngjarjet kriminale dhe aksidentet kanë marrë jetën e të paktën 25 personave në Shqipëri gjatë dy javëve të para të muajit gusht. “ABC News”. Shifra e denjë për një bilanc lufte është një këmbane alarmi për institucionet dhe për vetë qytetarët.

Numri i jetëve të humbura gjatë dy javëve të para të muajit gusht në Shqipëri ngjan me një bilanc të vëtetë lufte. Në harkun kohor të 15 ditëve janë shënuar të paktën 25 viktima, pasojë e ngjarjeve kriminale dhe aksidenteve.

Situata kulmoi në 10 gusht. Në Resulaj të Vlorës u shuan në mënyrë tragjike 8 persona anëtarë të dy familjeve, mes të cilëve edhe dy fëmijë të mitur. Sipas prokurorisë së qytetit bregdetar ata u qëlluan me kallashnikov nga 24 vjeçari Ridvan Zykaj, me të cilin kishin edhe lidhje gjaku. Zykaj u arrestua nga policia gati 12 orë pas ngjarjes dhe ishte vetë ai që tregoi armën e krimit, një kallash i mbetur nga viti 1997. Ai tha se ishte akuzuar me patëdrejtë nga një prej viktimave për vjedhje pulash.

Mëngjesin e të njëjtës dite, dora e krimit shkaktoi një viktimë në Shkodër. Fatbardh Lici, 53 vjeç u qëllua me breshëri plumbash teksa ishte duke pirë kafen e mëngjesit në një nga baret e zonës së njohur si ish-Poçeria në lagjen Kiras.

Përtej ngjarjeve kriminale, dhjetra jetë u prenë në mes nga aksidentet rrugore.

Më tragjiku ishte ai i datës 5 gusht në Kamëz. 38 vjeçarja Rozina Koleci humbi kontrollin e mjetit tip “Benz” me të cilin po udhëtonte nga Tirana drejt Kamzës. Ajo përplasi fillimisht një çiklist dhe më tej doli në trotuar duke marrë para një grua dhe dy vajzat e saj të mitra në trotuar. Nga përplasja humbën jetën ciklisti dhe një vajzë 7 vjeçare, ndërsa u plagos motra dhe nëna e saj.

Viktimë e një aksidenti rrugor përfundoi në 11 gusht në Divjakë edhe një fëmijë 6-vjeçar.  Ai u përplas nga një automjet i drejtuar nga një 35 vjeçare nga Tirana.

Veç këtyre dy ngjarjeve në aksidentet të tjera të shënuara në akse rrugore të vendit kanë vdekur tetë persona, drejtues mjetesh dhe këmbësore, si edhe plagosur disa të tjerë.

Në 9 gusht një adoleshent 14 vjeçar u fut të lahej në ujërat e lumit Mat pa mundur të dilte i gjallë nga aty, ndërsa një 58 vjeçar i nisur drejt Italisë me traget humbi jetën pas një komplikacioni shëndetësor.

Bilanci në fjalë është një këmbanë alarmi, jo vetëm për institucionet, por edhe për qytetarët shqiptarë. /abcnews.al

KRONIKE-MITAT-TOLA-PER-AKSIDENTET-ABC-M5-T2.mpg_snapshot_00.26-1280x720.jpg
ent ela18:56 | 10/08/2018

Tejkalimi i normave të lejuara të shpejtësisë është shkaku kryesor i aksidenteve që kanë ndodhur ditët e fundit. Në këtë përfundim ka arritur drejtori i përgjithshëm i policisë rrugore Mitat Tola. Në një deklaratë për mediat, Tola kërkoi të tregohet kujdes jo vetëm nga drejtuesit e mjeteve por edhe nga këmbësorët e drejtuesit e biçikletave.

Shpejtësia vazhdon të marrë jetë njerëzish. Thirrjen ndaj drejtuesëve të mjeteve që të tregojnë kujdes e bën drejtori i përgjitshmëm i policisë rrugore Mitat Tola.
Kujdes duhet të tregojnë edhe përdoruesit e biçikletave, motoçikletave dhe këmbësorëve. Jo në pak raste këta të fundit janë fajtorë.

Nisur nga aksidentet e fundit që kanë ndodhur në korrik dhe gusht ka një numër të evidentuar drejtuesesh femra që janë përfshirë në aksidente rrugore.
Vetëm javën e fundit janë 8 drejtuese mjeti femra të konstatuara në gjendje të dehur për të cilat ka filluar ndjekja penale.
Ndërkohë, policia rrugore vazhdon monitorimin në akset rrugore ku ka fluks lëvizjesh. Drejtori Tola kërkon zbatim të kodit rrugor me qëllim shmangien e aksidenteve./abcnews.al

MBULIM-POLICIA-RRUGORE.mpg_snapshot_00.35-1280x668.jpg
ent ela16:29 | 09/08/2018

Shtimi i aksidenteve rrugore me vdekje që kanë ndodhur këto ditë në kryeqtet, ka detyruar policinë të monitorojë në mënyrë të rreptë sjelljen e drejtuesve të automjeteve. Në ndihmë të policisë rrugore kanë qenë edhe agjentë me veshje civile, të cilët vëzhguan gjatë ditës dhe natës, disa nga rrugët me rrezik të shtuar në Tiranë. Nga kontrollet u konstatuan 95 drejtues mjetesh për përdorim celulari. 15 shoferë për gara me shpejtësi kryesisht në zonën e Unazës së Madhe. Ndërkohë, 8 drejtuesve të mjeteve u është pezulluar leja e drejtimit për drejtim mjeti nën ndikimin e alkoolit./abcnews.al

MITAT-TOLA-ABC-1280x720.jpg
ent ela17:51 | 03/08/2018

Pas pesë aksidenteve të ndodhura një ditë më parë me pasojë vdekjen e 4 personave, 3 prej të cilëve ishin kalimtarë, ka reaguar edhe drejtori i Policisë Rrugore Mitat Tola. Ai u bëri apel drejtuesve të automjeteve, motorëve dhe këmbësorëve që të respektojnë shpejtësinë, të përdorin rripin e sigurimit, të mos përdorin celularin gjatë drejtimit të automjetit, të evitojnë sjelljet e rrezikshme në rrugë si parakalimet e gabuara dhe manovrat e papërshtatshme, ndërsa drejtuesit e motomjeteve të përdorin kaskën mbrojtëse.

Deklarata e plotë e Drejtor i Policisë Rrugore, Mithat Tola

“Policia Rrugore, masa shtesë për menaxhimin e trafikut në sezonin e verës dhe parandalimin e aksidenteve – 3 Korrik 2018

Në vijim të masave të marra nga ana e Policisë së Shtetit për garantimin e rendit dhe sigurisë gjatë sezonit turistik veror 2018, Drejtoria e Policisë Rrugore kërkon të tërheqë vëmendjen e përdoruesve të rrugës për ditët në vijim:

Pavarërisht të dhënave pozitive në tërësi të periudhës së deritanishme, për ngjarjet me pasoja në rrugë, nisur nga ngjarjet e tre ditëve të fundit, nisur edhe nga shkaqet e evidentuara të këtyre aksidenteve, kërkojmë të adresojmë shqetësimin tonë sa më poshtë: 

– Drejtoria e Policisë Rrugore tërheq vëmendjen e drejtuesve të mjeteve të rritin kujdesin në drejtimin e mjeteve në rrugë. Të moderojnë shpejtësinë, të evitojnë sjelljet e rrezikshme në rrugë si parakalimet e gabuara dhe manovrat e papërshtatshme;

– Bashkëatdhetarëve turistë që ndodhen me pushime në vendin tonë të marrin kohën e duhur për pushim dhe udhëtim, sidomos kur janë familjarisht në udhëtim me mjetet e tyre, të evitojnë përdorimin e pijeve alkoolike;

Policia Rrugore ka evidentuar faktin së në aksidentet me pasojë të evidentuara ditët e fundit, janë përfshirë këmbësorë – ndaj apelojmë këmbësorët:

– të respektojë me korrektësi rregullat e qarkullimit;

– të kalojnë në vijat e baradha dhe mbikalimet, pasi edhe nga vëzhgimet e patrullave të Policisë Rrugore në rrugë urbane dhe interurbane, shumica e këmbesoreve nuk i respektojnë ose i respektojnë pjesërisht normat e sjelljes në rrugë.

– Në qendrat e banuara dhe në zonat rurale një tjetër kategori drejtuesish mjetesh të përfshirë në aksidente, janë edhe drejtuesit e çiklomotoreve. Shërbimet e Policisë Rrugore po vazhdojnë kontrollet për këtë kategori mjetesh, me synim evidentimin e atyre shtetasve që i drejtojnë pa lejedrejtimi përkatëse, që nuk vendosin kaskon mbrojtëse.

Tërheqim vëmendjen e grupit të çiklomotoreve që janë të punësuar për llogari të bareve dhe restoranteve – duke kërkuar nga pronarët e subjektve, plotësimin e kushteve për këta drejtues, kasko dhe veshje reflektuese të personalizuara konform kërkesave të legjislacionit shqiptar;

Në të gjitha Drejtoritë e Qarqeve dhe veçanërisht në zonat bregdetare, Policia Rrugore është duke kryer shërbime me orë të shtuara, me qëllim përballimin e fluksit të madh të automjeteve që qarkullojnë në territorin e Republikës së Shqipërisë gjatë sezonit veror.

Gjatë muajit Korrik 2018, Policia Rrugore ka arrestuar 101 drejtues mjeti për drejtim mjeti në gjendje të dehur, 164 drejtues automjetesh për drejtim pa leje drejtimi.

Ndërkohë, janë ndëshkuar rreth 7 mijë drejtues mjetesh për përdorim të celularit gjatë drejtimit të mjetit etj.

Policia Rrugore apelon të gjithë drejtuesit e automjeteve që gjatë fundjavës, ku fluksi i lëvizjes do të vazhdojë të jetë më i shtuar në disa akse rrugore, kryesisht ato që të çojnë drejt zonave bregdetare të tregojnë kujdes, të respektojnë shpejtësinë, të përdorin rripin e sigurimit, të mos përdorin celularin gjatë drejtimt të automjetit, dërsa drejtuesit e motomjeteve të përdorin kaskën mbrojtëse.

Policia Rrugore do të vijojë bashkëpunimin me radiot me shtirje kombëtare, përmes së cilave shpërdahen njoftime të vlefshme për drejtuesit e mjeteve, gjatë kohës që udhëtojnë, duke i këshilluar dhe orientuar ata për akset me më tepër trafik”. /abcnews.al

 

 

RRUGA-E-KOMBIT-AKSIDENTET-1280x720.jpg
ent ela12:46 | 08/05/2018

Në Rrugën e Kombit, segmenti Fushë Dukagjin- Kolsh cilësohet më i rrezikshmi dhe në pesë vjet kanë humbur jetën 14 persona. Aksidentet kryesisht janë bërë me makinat e tonazhit të rëndë. Po cilat janë problemet në këtë rrugë sipas inxhinierëve?

Luleve që kujtojnë pesë viktimat në aksidentet e të njëjtin vend, do ju shtohet edhe një tufë tjetër nga familja e Nikoll Gjonit.

42 vjeçari humbi jetën kur trajleri me të cilin po udhëtonte u përmbys këtu në Rrugën e Kombit, pranë fshatit Kolsh në Kukës.

Inxhinier Feti Gjici ishte projektuesi i njërit prej varianteve të autostradës, por që nuk u përzgjodh  fitues.

Njohës i mirë i terrenit tregon mangësitë dhe problemet teknike të rrugës, të cilat bëhen shkak për aksidente me humbje jete.

“Nga Fushë Dukagjini e deri te tuneli janë 22 kthesa, një kthesë duhet në një km, sepse rrezja është në të dyja anët”

Në një distancë 1.7 kilometër të segmentit janë pesë kthesa të rrezikshme.

Mesatarja e rrezes së tyre nuk i kalon 100 metra nga 400 që është norma e lejuar.

Pjerrësia e rrugës është mbi çdo lloj norme të lejuar në autostradë. Në këtë distancë prej 1.7 km  kuota nga pika fundore e segmentit deri në pikën më të lartë në Fushë Dukagjin është rreth 130 metër.

“Nga pjerrësia e madhe dhe mosrespketimi i kthesave sforcohet makina, motori dhe nuk funksionon”.

Inxhinieri Feti Gjici thotë se ky problem nuk ka zgjidhje.  Nuk mund të bëhet asnjë investim, por nëse ndonje ditë do mendohet për të shmangur rrezikun duhet zgjedhur varianti i segmentit në krahun tjetër të kodrës, ashtu siç ishte kërkuar nga grupi i inxhinierëve që mbrojtën atë variant.

“Duhet rikonstruksion i plotë ose të kalojë në variantin bazë që ka qenë”.

Aksidentet këtu janë bërë me mjetet e tonazhit të rëndë. Për shkak të ngarkesave dhe sforcimit të mjetit në zbritje humb funksionimi i sistemit të frenimit edhe kontrolli i drejtuesit mbi mjetin./abcnews.al

Gazetar i ABC News në Kukës: Bujar Muçmata

 

26853744_1781752878524702_1241996001_o.jpg
us er14:14 | 14/01/2018

Policia Rrugore e Tiranës ka intensifikuar punën për parandalimin e aksidenteve rrugore.

Vëmendje e veçantë i është kushtuar parandalimit të shpejtësisë sidomos në qendrat e banuara, por edhe në autostradën Tiranë – Durrës e anasjelltas, për parandalimin e drejtimit të automjetit nën efektin e alkoolit apo në gjendje të dehur, si dhe për ata që drejtojmë mjetin pa Leje Drejtimi.

Kontrollet janë përqëndruar edhe në përdorimin e rripit të sigurimit, në përdorimin e celularit gjatë drejtimit të mjetit, në përdorimin e kaskës mbrojtëse për motoçikletat, në automjetetet me xhama të errësuar, parakalimet e gabuara, lëvizjet në sens të kundërt, apo mangësi të tjera.

Në autostradë dhe në qendrat e banuara, Policia Rrugore gjatë 48 orëve të fundit ka evidentuar dhe ndëshkuar:

37 drejtues mjetesh që qarkullonin me shpejtësi tej normave të lejura.

Përsa i përket drejtimit të automjetit nën ndikimin e alkoolit apo në gjendje të dehur, gjatë 48 orëve të fundit janë arrestuar në flagrancë 4 drejtues mjetesh, nga këta:

3 drejtues mjetesh që drejtonin automjetet në gjendje të dehur apo tej mase të dehur si dhe 1 drejtues mjeti pa Leje Drejtimi.

Gjithashtu janë pezulluar 15 Leje Drejtimi për drejtim mjeti nën ndikimin e alkoolit.

Po gjatë 48 orëve të fundit janë vendosur gjithsej 994 masa administrative, nga këto:

68 masa për mos përdorin të rripit të sigurimit;

95 masa për parakalim të gabuar;

107 masa për përdorim celularit gjatë drejtimit të automjetit;

6 masa për mos respektim të sinjalistikës së semaforit;

59 masa për ata që qarkullojnë pa kaskë mbrojtëse;

659 masa për shkelje të tjera të Kodit Rrugor;

Janë bllokuar dhe 10 mjete për mos shlyerje të masave administrative mbi 3 të tilla.

Janë dërguar në komision 14 drejtues mjetesh që drejtonin mjetet me xhama të errësuar.

Policia Rrugore e Tiranës do të vijojë me të njëjtin intensitet kontrollet  me Drager e Radar në të gjithë territorin e qarkut të Tiranës, me qëllim parandalimin e aksidenteve rrugore, duke bërë më të sigurt rrugën për përdoruesit e saj.

vlcsnap-error255-3-1280x720.jpg
us er14:49 | 19/11/2017

Shifrat e Aksidenteteve rrugore me pasojë vdekjen ose plagosje të rëndë i ngjasojnë një bilanci lufte. ABC News siguron numrin e plotë të vdekshmërisë nga aksidentet, ku në 101 raste drejtuesit e automjeteve janë larguar pas përplasjes, duke shaktuar shumë viktima.

Numri i vdekshmërisë nga aksidentet rrugore ka kapur shifra të frikshme krahasuar me vendet e Bashkimit Europina.

Të udhëtosh me automjet por edhe të kalosh nga njëra anë e rrugës në tjetrën, mund të të kushtojë edhe jetën, pasi mungon ndriçimi, vijëzimi dhe po kështu edhe tabelat orientuese, si ato vertikale dhe horizontale.

ABC News ka siguruar shifrat e aksidenteve rrugore deri në tetor të 2017-s, krahasuar me të njëjtën periudhë të një viti më parë. Kështu, në total numri i aksidenteve për këtë 10-mujor është 1669, ndërsa për 2016 shifra ka qenë 1695. Pra në vitin shkuar ka pasur 26 aksidente më shumë. Por ajo që evidentohet më shumë nga policia rrugore është, se numri i viktimave nga aksidentet me pasojë vdekjen është 42 më pak krahasuar me 2016.

Gjithashtu një nurmër i lartë gjatë aksidenteve rrugorë është plagosja e drejtuesve të mjeteve por edhe personave që udhëtojnë me to. Deri në tetor 2017 janë plagosur rëndë 295 persona, teksa diferenca ka qenë më lartë për 2016 me 374 ose 79 të lënduar më shumë. I njëjti trend paraqitet edhe për plagosjet e lehta gjatë aksidenteve, ku në 2017 ka pasur më pak se në 2016.

Pavarësisht se policia ka marrë fushata të gjera për gjobitjen e drejtuesve të atomjeteve në 2017, kryesisht për drejtim automjeti në gjendje të dehur, apo mos vendosja e rripit të sigurimit dhe për përdorimi i celularit, ndëshkimi ka qenë më pakët krahasuar me 2016. Në total për 2017 janë vendosur masa administrative në të gjithë vendin 423 mijë gjoba, ndërkohë për 2016 kjo shifër ka qenë edhe më lartë pra 451 ndëshkime.

Një fenomen shqetësues për policinë rrugore është largimit i drejtuesve të automjete të përfshire ne aksidente me pasojë vdekje ose në plagosje të rëndë. Për këtë dhjetëmujor, numri i tyre është 101 raste. Më i theksuar ky fenomen është në Komisariatin e Policisë Rrugore Tiranë dhe në Policisë Rrugore Durrës./abcnews.al

 

 

 

vlcsnap-error583-1280x720.jpg
us er14:58 | 18/11/2017

Gropat e krijuara në rrugën e Kombit vënë në rrezik përdoruesit e saj. Drejtuesit e mjeteve thonë për ABC Neës se makinat pësojnë dëmtime sa herë kalojnë në aksin Kukës-Morinë dhe shpesh herë bëhen edhe shkak për aksidente.

Pamjet vijnë nga rruga e Kombit.

Këtu gjendja është përkeqësuar.

Në shtatë urat e papërfunduara gropat sa vijnë dhe zgjerohen.

Drejtuesit e automjeteve detyrohen të devijojnë rrugën për të shmangur dëmtimin e makinave.

Ata thonë se situata është e paprecedentë për një rrugë që kërkon të tjera standarde.

Sipërmarrësit e kontraktuar nga koncesionarët po meren me pastrimin e rrugës dhe përmirësimin e sinjalistikës.

Për mbushjen e gropave nuk eshte koha e pershtatshme.

Deri në pranverë përdoruesit e rrugës duhet t’i ruhen ndonjë aksidenti të mundshëm./abcnews.al

 

 

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono