Aksident

555-1280x699.jpg
ent ela18:45 | 14/02/2019

Dy pista hetimi janë ngritur në lidhje me aksidentin e ndodhur në aksin Tetovë-Shkup, ku humbën jetën 14 persona. Prokuroria e Shkupit ka bërë me dije se po ndjek atë të defektit teknik dhe atë të gabimit njerëzor, për të cilën ka marrë në pyetje edhe shoferin e autobusit.

Prokuroria Themelore e Shkupit, që po kryen hetimet mbi aksidentin e së mërkurës në aksin Tetovë-Shkup po ndjek dy pista. Përveç asaj të një gabimi njerëzor, hetuesit kanë kërkuar edhe një kontroll teknik për autobusin, për të verifikuar nëse mjeti ka patur defekte. Sipas mediave maqedonase, kontrolli do të kryhet nga ekspertët e Fakultetit të Makinerisë.

Lidhur me pistën e parë, prokuroria ka deklaruar se drejtuesi i autobusit, Manoil Trifunovski nuk ishte në gjendje të dehur në momentin e tragjedisë. Në një komunikatë për shtyp thuhet se, analizat e gjakut kanë treguar se drejtuesi nuk kishte konsumuar alkool, barna apo substanca të tjera psikotrope.

Gjithashtu, me kërkesë të prokurorisë do të bëhet edhe zbardhja e tabulatëve të telefonit të shoferit, për të verifikuar nëse në momentin e aksidentit ai ishte duke përdorur celularin e tij. Menjëherë pas aksidentit, drejtuesi i autobusit u shtrua në spital ku mori mjekimet e nevojshme dhe ditën e enjte ka dalë për t’u kuruar në ambjente shtëpiake.

Ai u mor në pyetje nga prokurorët dhe mësohet të jetë shprehur se nuk mban mend detaje nga moment i rrëzimit të autobusit. Sa i takon pistës së dytë, lidhur me njoftimin e organit të akuzës ka reaguar kompania që zotëron autobusin, e cila ka saktësuar se mjeti është prodhuar në vitin 2001, i është nënshtruar rregullisht kontrolleve teknike dhe se hera e fundit ka qenë muajin e kaluar./abcnews.al

aksidenti.jpg
G. P.19:49 | 13/02/2019

13 persona kanë humbur jetën dhe dhjetëra të tjerë kanë mbetur të plagosur si pasojë e një aksidenti rrugor të ndodhur në Maqedoni, ku një autobus humbi kontrollin dhe doli nga korsia e qarkullimit, në aksin Tetovë-Shkup.

 

Një aksident tragjik me 13 viktima ndodhi pasditen e së mërkurës në Maqedoni, në autostradën Tetovë-Shkup, pranë fshatit Llaskarcë. Një autobus me pasagjerë ka humbur kontrollin, ka dalë nga rruga dhe është përmbysur. Bilanci i viktimave u konfirmua nga ministri i Shëndetësisë, Venko Filipçe në një konferencë për shtyp, ndërsa zëvendësministri i Brendshëm, Agim Nuhiu deklaroi se ekipet e policisë, shëndetit publik dhe zjarrfikësit koordinuan operacionet për t’u ardhur në ndihmë të mbijetuarve.

Nga goditja e fortë, rreth 40 persona të tjerë mbetën të plagosur dhe u dërguan nga ekipet e emergjencave në spitalet e Shkupit. Një  pjesë e mirë e tyre janë nga Gostivari. Lajmin e bëri të ditur kryetari i kësaj komune, i cili saktësoi se disa prej të lënduarve janë në gjendje kritike për jetën. Ndërkohë raportohet se mes pasagjerëve është edhe një grua shtatzënë, e cila ndodhet po ashtu në gjendje të rëndë në Qendrën e Urgjencës në Shkup. Për zbardhjen e shkaqeve të aksidentit është hapur një hetim nga Prokuroria Themelore, e cila ka dërguar ekspertët e saj në vendin e ngjarjes. Burime nga ky institucion kanë deklaruar se prokurorët e çështjes do të urdhërojnë autopsinë e viktimave, si dhe analizat e gjakut të shoferit të autobusit./abcnews.al

 

aksidenttii.png
ent ela08:46 | 13/02/2019

Një këmbësor ka humbur jetën në një aksident në rrugën Elbasan-Metalurgji pranë fshatit Katund i Ri. Sipas policisë nuk është identifikuar akoma mjeti që ka shkaktuar ngjarjen pasi ai është larguar menjëherë. Viktima është një 24 vjeçar nga Elbasani. Policia është vënë në kërkim të makinës dhe drejtuesit të saj për të zbardhur plotësisht rrethanat e ngjarjes. /abcnews.al

aksident-naten-1.jpg
G. P.21:56 | 12/02/2019

Një aksident ndodhi mbrëmjen e kësaj të marte në aksin rrugor Korçë-Maliq. Një 59-vjeçar këmbësor në rrugë mbeti i plagosur në afërsi të fshatit Bulgarec. Ai ndodhet në spital nën kujdesin e mjekëve.

Mësohet se policia ka shoqëruar në komisariat drejtuesin e mjetit tip “Range Rover”. Autoritetet po punojnë për të zbardhur shkaqet e aksidentit./abcnews.al

AKSIDENTI-NE-KORCE-MBULIM.mpg_snapshot_00.01-1280x720.jpg
G. P.20:34 | 12/02/2019

Një aksident i rëndë ka ndodhur në qendër të qytetit të Kavajës këtë të martë. Mësohet se një mjet përplasi 35-vjeçarin S. B.

Për pasojë, i riu gjeti vdekjen e menjëhershme.  Sipas informacioneve paraprake nga policia, pasi ka shkaktuar aksidentin, autori ende i paidentifikuar u largua nga vendi i ngjarjes.

Shërbimet e policisë po punojnë për identifikimin e mjetit si dhe drejtuesit të tij./abcnews.al

efektivja-vlore.jpg
ent ela18:00 | 11/02/2019

Efektivja e paraburgimit të Vlorës Elmira Binaj ka mbetur e plagosur në një aksident rrugor pasditen e sotme në rrugën e varrezave në këtë qytet. Një mjet që po vinte nga Llakatundi dhe që dyshohet se ishte  me shpejtësi tej normave të lejuara, është përplasur me mjetin ku ndodhej efektivja Binaj. Makina e saj ishte e ndaluar në momentin e aksidentit. E plagosura po merr ndihmën mjekesore në spitalin rajonal të Vlorës dhe ndodhet jashtë rrezikut për jetën./abcnews.al\

AKSIDENT-NE-ELBASAN-MBULIM_ABC-1280x720.jpg
ent ela10:42 | 11/02/2019

Një aksident në seri ka ndodhur në orët e para te kesaj te hene në qytetin e Elbasanit. Ngjarja ndodhi në Unazën Jugore vendin e njohur si “Kryqëzimi i kinezëve”. Tre automjete janë përplasur mes tyre për pasojë kanë mbetur të plagosur 2 pasagjerë që janë transportuar për në spitalin e Elbasanit dhe sipas mjekëve ndodhen jashtë rrezikut për jetën. Në vendin e ngjarjes shkoi policia, e cila administroi provat për të përcaktuar shkaqet e këtij aksidenti. /abcnews.al

aksident-1.jpg
ent ela17:27 | 06/02/2019

Një person është plagosur rëndë pasi është përfshirë në një aksident në hyrje të qytetit në segmentin rrugor Stacioni i Trenit-Ura e Dajlanit. Mësohet se një automjet tip Fouristrade ka përplasur një person që po lëvizte me biçikletë.

Ndërkohë që një tjetër automjet që ndodhej pas Fuoristradës ka devijuar nga rruga me qëllim shmangien e një tjetër përplasje personit të dëmtuar i cili ndodhej në asfalt, duke përfundur në trotuar. I dëmtuari është dërguar në spital, por gjendja e tij paraqitet  mjaft e rënduar. Policia ka ndaluar drejtuesit e dy automjeteve të përfshira në aksident./abcnews.al

elbasan.jpg
G. P.15:49 | 06/02/2019

Një 35-vjeçar ka humbur jetën ndërsa ka qenë duke punuar. Sipas njoftimit të Policisë së Elbasanit ngjarja ka ndodhur në lagjen “Emin Matraxhiu” të këtij qyteti dhe viktima është Silurjan Begaj.

Të njëjtat burime tregojnë se ai ka qenë duke punuar për hapjen e themeleve të banesave dhe e ka zënë dheu poshtë. Për pasojë ka ndërruar jetë në vend. Policia ka nisur hetimet për zbardhjen e plotë të rrethenave të ngjarjes./abcnews.al

aksident.jpg
ent ela14:12 | 03/02/2019

Të paktën 7 persona mbetën të vrarë dhe shumë të tjerë të plagosur ditën e diel, si pasojë e një incidenti hekurudhor të ndodhur në lindje të Indisë. Të paktën 11 vagonë dolën nga shinat në një stacion të shtetit të Biharit, 50 kilometra larg shtetit qendër, Patna. Incidenti konsiderohet një ogur i zi për hekurudhat e Indisë, të njohura për problematikën e tyre për shkak të mbipopullimit. Vitin e kaluar 60 persona humbën jetën kur një tren pasagjerësh që po udhëtonte me shpejtësi të lartë depërtoi mes një turme njerëzish që rrinin pranë shinave në lindje të Indisë. Hekurudhat shtetërore të vendit aziatik, të ndërtuara kryesisht gjatë regjimit kolonial, kanë probleme serioze sa i takon sigurisë për shkak se në dekada kanë munguar investimet për mirëmbajtjen e tyre. Vlerësohet se rrjeti hekurudhor në vendin aziatik përdoret nga 23 milionë persona në ditë./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono