Aksident

LUSHNJE-1-1280x714.jpg
Sej rie08:15 | 26/06/2019

Një 18-vjeçar humbi jetën në orët e para të mëngjesit në një aksident tragjik në autostradën Lushnje- Fier. Viktima është Klodian Sharka, nga Hyzgjokaj i Lushnjes.

Ai ishte pasagjer në një mjet tip Benz që humbi kontrollin dhe u përplas me 2  mjete të tjera në seri, tek vendi i quajtur Pushimi i Shoferit.

18-vjeçari Sharka humbi jetën në vend pas kësaj përplasjeje, pasi ka qenë pa rrip sigurimi dhe nga goditja e fortë ka dalë jashtë automjetit.

Ndërsa  drejtuesit e dy mjeteve, një 22 vjeçar nga Hysgjokaj dhe një 33 vjeçar nga Kopliku,  kanë mbetur të lënduar dhe janë dërguar në spitalin e Lushnjes, ku ndodhen nën kujdesin e mjekëve.

Dyshohet se shkak i aksidentit ka qenë shpejtësia e madhe e lëvizjes. Por grupi hetimor po punon për të sqaruar rrethanat e aksidentit./ABC News Albania 24/7

ksidenti-tragjik.jpg
G. P.11:35 | 23/06/2019

Një shqiptar 40-vjeçar ka humbur jetën dhe një tjetër është plagosur në një aksident të rëndë në Greqi. Ngjarja ka ndodhur në orën 02:30 të mëngjesit të kësaj të diele në Trikala, raportojnë mediat greke. Sipas tyre, automjeti me të cilin udhëtonin shqiptarët u përplas me një shtyllë betoni. Në vendngjarje mbërritën policia, ambulanca dhe zjarrfikësit.

Këta të fundit nxorrën nga automjeti i dëmtuar trupin e pajetë të shoferit shqiptar dhe pasagjerin që kishte mbetur i plagosur, gjithashtu shtetas shqiptar 40 vjeç. Ai u dërgua në spital për të marrë ndihmë mjekësore. Mediat greke nuk kanë bërë të ditur identitetin e viktimës. Paraprakisht dyshohet se shkak për aksidentin ka qenë shpejtësia e lartë çka solli edhe humbjen e kontrollit të automjetit./tvklan.al

aksidenti-thumane-logo.jpg
nev ila12:09 | 22/06/2019

Një person ka mbetur i plagosur paraditen e sotme në një aksident rrugor në aksin Thumanë -Fushë Krujë. Mësohet se një autoveturë ka goditur nga pas një fugon.

Nga aksidenti ka mbetur i plagosur drejtuesi i Benzit.

Ky i fundit është dërguar në spitalin e Traumës në Tiranë  dhe ndodhet nën kujdesin e mjekëve, shkak për aksidentin dyshohet të jetë bërë drejtuesi i autoveturës i cili ishte me shpejtësi tej normave të lejuara dhe për pasojë ka goditur nga pas fugonin duke e nxjerrë jashtë rruge./ABC News Albania 24/7

Untitled-1-Recovered-Recovered.jpg
G. P.09:23 | 20/06/2019

Një aksident i rëndë ka ndodhur në rrugën Korçë-Maliq këtë të enjte. Si pasojë ka humbur jetën një 21-vjeçare. Sipas asaj që njoftojnë uniformat blu, S.Xh. ishte këmbësore në rrugë.

Autor i kësaj ngjarje është një 73-vjeçar grek me inicialet P.B., i cili drejtonte mjetin tip “Toyota”. Shoferi u shoqërua nga policia për kryerjen e veprimeve të mëtejshme proceduriale. Ndërkohë grupi hetimor ka nisur punën për zbardhjen e plotë të rrethanave të ngjarjes.

Njoftimi i policisë:

Maliq/Informacion paraprak.

Në rrugën Korçë-Maliq, pranë fshatit Vloçisht, shtetasi grek P.B, 73 vjeç, banues në Greqi, duke drejtuar një mjet tip “Toyota”, ka aksidentuar shtetasen S.Xh, rreth 21 vjeçe, banuese në Leminot, këmbësore në rrugë, e cila për pasojë ka gjetur vdekjen.

Drejtuesi i mjetit është shoqëruar nga Policia, për kryerjen e veprimeve të mëtejshme proceduriale.

Grupi hetimor po punon për zbardhjen e rrethanave të ngjarjes.

/abcnews.al

AKSIDENTI-NE-KUKES-MBULIM.mpg_snapshot_00.03-1280x720.jpg
ent ela17:50 | 18/06/2019

Një person ka humbur jetën dhe dy të tjerë kanë mbetur të plagosur në një aksident rrugor në aksin rrugor Kukës – Morinë.

Në njoftimin e Policisë lokale thuhet se një mjet ka humbur kontrollin duke dalë nga rruga.

Për pasojë ka gjetur vdekjen drejtuesi i mjetit tip Opel dhe kanë mbetur të plagosur dy pasagjerët.

Mësohet se të lënduarit pasi kanë marrë ndihmën e parë në spitalin e Kukësit u dërguan për mjekim më të specializuar në spitalin e Traumës në Tiranë.

Grupi hetimor po punon për zbulimin e shkaqeve të aksidentit. /ABC News Albania 24/7

policia-4.jpg
Sej rie21:30 | 15/06/2019

Një aksident ka ndodhur në rrugën “Ali Demi”, Tiranë, ku  mjeti me drejtuese shtetasen me inicialet D.,T , është përplasur me një motor. Për pasojë ka mbetur i lënduar drejtuesi i motorit shtetasi me inicialet A.,T , i cili u dërgua në SQU nën kujdesin mjekësor. Drejtuesja e mjetit ndodhet aktualisht e shoqëruar në komisariat.  Në vendngjarje ndodhet grupi hetimor ku vijon punën për zbardhjen e rrethanave dhe shkakut të aksidentit./abcnews.al

makinaaa-policia.jpg
G. P.17:13 | 10/06/2019

Një makinë e policisë rrugore është përfshirë në një aksident këtë të hënë.

Ngjarja ka ndodhur në autostradën Tiranë-Durrës në kilometrin e 8. Sipas të dhënave paraprake nga policia e kryeqytetit mësohet se shoferi, punonjës policie ka humbur kontrollin dhe për pasojë mjeti ka dalë nga rruga duke u dëmtuar.

Raportohet se në automjet ishin dy punonjës të policisë rrugore të sektorit të linjave Tiranë. Asnjëri prej tyre nuk ka pësuar dëmtime, ndërsa në vendngjarje siç duket dhe nga video e siguruar nga ABC News është ngritur grupi hetimor për përcaktimin e shkakut të aksidentit./abcnews.al

makina-3.jpg
G. P.12:50 | 03/06/2019

Një 28-vjeçar ka humbur jetën në një aksident rrugor në fshatin Gjorm të Kurbinit. Ngjarja ka ndodhur në orët e paradites.

Mësohet se drejtuesi i mjetit ka humbur kontrollin e makinës duke dalë nga rruga. Për pasojë ka gjetur vdekjen i riu. Shkak i aksidentit tragjik dyshohet te kete qenë lagështira në rrugë.  /ABC News Albania 24/7

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono