aksi

15092019oplakrhth004-1280x960.jpg
ent ela12:44 | 15/09/2019

Policia greke ka asgjësuar një grup kriminal që trafikonte sasi të konsiderueshme armësh në aksin Shqipëri-Greqi. Në pranga kanë rënë 6 shtetas grekë, ndërsa janë sekuestruar 4 automatikë të tipit Kallashnikov dhe mbi 100 mijë fishekë që vinin nga Shqipëria.

Policia greke ka goditur një grup kriminal të përbërë nga shtetas vendas dhe të huaj, që importonte sasi të mëdha armësh luftarake nga Shqipëria. Në pranga kanë rënë 6 persona, të gjithë shtetas grekë, ndërsa janë sekuestruar 4 automatikë të tipit Kallashnikov dhe mbi 122 mijë fishekë. Sipas mediave helene, armët po transportoheshin me një makinë tip fuoristradë që drejtohej nga një 59-vjeçar grek, i nisur direkt nga Shqipëria. Armët kishin si destinacion ishullin e Kretës, ku janë vënë në pranga 4 prej personave të arrestuar. Nga hetimet, të cilat kanë zgjatur përreth 1 vit, ka rezultuar se armatimet dhe municionet në Shqipëri siguroheshin nga dy grupe kriminale, të cilat vepronin të ndara në nëngrupe dhe arrinin të plotësonin të gjithë kërkesën që vinte nga vendi fqinj. Në tërësi, në dosjen hetimore janë përfshirë 16 persona, 11 vendas dhe 5 të huaj, 6 prej të cilëve u arrestuan ditën e diel. Nga hetimi policor ka rezultuar gjithashtu se, nga nëntori i vitit 2018 e deri më sot ky grup kriminal ka kryer të paktën katër herë import të armëve nga Shqipëria. /ABC News Albania 24/7

ishti.jpg
ad min13:30 | 27/08/2019

Karburanti në aksin Lezhë-Milot, ku ndodhi shpërthimi i bombolës së gazit dhe për pasojë u plagosën 7 persona është bllokuar nga Inspektoriati Shtetëror Teknik dhe Industrial. Sipas këtij institucioni, karburanti nuk do të lejohet të vazhdojë punën, pasi nuk përmbushte kushtet teknike.

Inspektoriati Shtetëror Teknik Industrial ka bllokuar piken e karburantit Lezhë-Milot, pak ditë pasi depozita e gazit shpërtheu duke shkaktuar 7 të plagosur.

Sipas ISHTI pas verifikimeve të kryera nga grupi i punës rezulton se kjo pikë nuk i plotëson kushtet e sigurisë, ndërsa do të operohet edhe me sanksione të tjera që parashikon ligji ndaj subjektit.

Mbrëmjen e së shtunës në këtë pikë karburanti shpërtheu një depozite me 5 mijë litra gaz ku mbetën të plagosur 7 persona mes tyre edhe dy fëmijë si dhe u dëmtuan 10 automjete që ndodheshin të parkuara aty pranë.

Nga hetimet e kryera rezulton se ngjarja ndodhi pas rrjedhjes së gazit në momentin e furnizimit të një automjeti./ABC News Albania 24/7

zjarrrr.jpg
nev ila13:26 | 13/08/2019

Flakët përfshijnë një sipërfaqe toke në afërsi të rrugës nacionale Korçë-Ersekë, në vendin e quajtur “Antenat”.

Zjarri favorizohet nga era duke përhapur flakët, dy mjete zjarrfikëse po punojnë për të vënë në kontroll situatën.

Korçë, dyshohet se zjarri është i qëllimshem dhe se është vënë nga banorët për të pastruar tokën./abcnews.al

trafiku-rruga-thumane-1280x703.jpg
nev ila11:40 | 13/08/2019

Superstrada nga Fushë Kruja në Thumanë është bërë e pakalueshme.

Prej ditësh trafiku në këtë rrugë është i rënduar por ditën e sotme siç raporton gazetari i ABC News Ahmet Zani  në një gjatësi prej dy km rruga është bllokuar në dy korsitë e saj.

Makinat presin në radhë prej orëve të para të mëngjesit.

Fluksi është i madh dhe duket sikur ky është dhe shkaku i kësaj situate të rënduar që nuk po i jep dot zgjidhje as policia dhe askush tjetër./ABC News Albania 24/7

Balluku-per-kukes-morine.jpg
nev ila15:22 | 04/05/2019

Aksi rrugor Kukës-Morinë ka hasur shumë vështirësi gjatë ndërtimit, por kjo nuk do të shkaktojë vonesa për përfundimin e tij.

Ka pasur një vonesë, një vështirësi për shkak se asnjë lloj vinçi që ekziston në rajon nuk e merrte përsipër dhe kontraktori është detyruar të prodhojë një vinç enkas për t’i transportuar nga viaduktet e dubluara për t’i hedhur në viaduktin që po dublohet”, thotë inxhinieri i ARRSH.

Ministrja e Infrastrukturës dhe Energjisë, Belinda Balluku i kërkoi  firmës kontraktuale përfundimin brenda afateve të parashikuara të punimeve.

 “Ju duhet të bëni të pamundurën për të kapur afatet. Ky është një aks kombëtar shumë i rëndësishëm. Do ishte mirë që gjatë sezonit kjo pjesë të ishte dorëzuar për të mos krijuar dhe probleme në trafik i cili vjen dhe nga Kosova apo edhe vizitorët që janë shtuar kohët e  fundit dhe vijnë në zonën e Kukësit”, u shpreh Balluku.

Ministrja e Infrastrukturës dhe Energjisë, është në dijeni të problematikave që janë hasur për ndërtimin e këtij aksi por për të, i rëndësishëm është përfundimi i punimeve përpara mbërritjes së së pushuesve.

 “Sigurisht vështirësia e këtij projekti është e njohur edhe nga Autoriteti Rrugor Shqiptar edhe nga ministria, megjithatë një përpjekje e përbashkët e të gjithë institucioneve për të kapërcyer këtë vështirësi teknike dhe për ta mbaruar sa më shpejtë dhe në afat mundësisht projektin është shumë e rëndësishme për të gjithë ne”, theksoi ajo.

Krahas dublimit të urave, në aksin Kukës-Morinë është duke u punuar edhe sa i takon masave mbrojtëse inxhinierike si dhe sigurisë rrugore për të bërë këtë rrugë më të sigurtë për të gjithë përdoruesit e saj./ABC News Albania 24/7

 

 

 

AKSIDENTI-SHKODER-MBULIM_ABC-M1-T1.mpg_snapshot_00.02-1280x720.jpg
ad min11:03 | 19/10/2018

Një i moshuar ka humbur jetën për shkak të një aksidenti rrugor paraditen e sotme në aksin Shkodër-Mjedë. Mësohet se një makinë ka goditur një 70 vjeçar, që udhëtonte me motor. Drejtuesi i mjetit e ka transportuar në spital 70 vjeçarin Njac Rroku dhe është larguar. Por i moshuari ka ndërruar jetë, për shkak të plagëve të rënda. Pak orë pas ngjarjes policia ndaloi drejtuesin e mjetit, që aksidentoi për vdekje 70 vjeçarin. /abcnews.al

 

 

 

 

GJIKNURI-NE-KLOS-_ABC-M1-T1.mpg_snapshot_00.28-1280x720.jpg
ad min19:28 | 13/10/2018

Aksi rrugor Klos-Burrel do ti nënshtrohet një rikonstruksioni të plotë. Ministri i Infrastrukturës dhe Energjisë Damian Gjiknuri, i pranishëm në nisjen e punimeve tha se me rehabilitimin e rrugës banorët do të kenë përfitime dhe do të ndikojë pozitivisht në ekonominë shqiptare.

Nis puna për rehabilitimin e segmentit rrugor Burrel-Klos. Investimi në segmentin me gjatësi 18.6 km do të jetë në vlerën 3.7 milionë eurove. Projekti parashikon rehabilitimin e plotë të aksit rrugor. Për të inspektuar punimet nga afër ishte edhe ministri i Infrastrukturës dhe Energjisë Damian Gjiknuri. Ai tha se ka gati mbi 20 vjet që në këtë segment nuk është bërë asnjë investim.

Damian Gjiknuri, ministër i Infrastrukturës dhe Energjisë: “Për herë të parë po bëhet një rikonstruksion i thellë i gjithë kësaj rruge dhe realisht kjo ka qenë nga nyjet shumë të rëndësishme për ekonominë shqiptare, sepse ka edhe transportin e mallrave sidomos nga pjesa e Bulqizës drejt uzinës së Burrelit apo drejt portit të Durrësit. Nga pikëpamja strategjike kjo është një nga rrugët e rëndësishme që meritonte ndërhyrje me kohë. Ky investim serioz do ta ndihmojë shumë bashkinë e Klosit dhe bashkia e Klosit ka edhe një fat sepse me përfundimin e rrugës së Arbrit dhe me këtë lidhje të re në drejtim të Burrelit do të jetë një bashki që do të ketë një akses të jashtëzakonshëm në të gjitha drejtimet e Shqipërisë dhe komuniteti këtu do të ndjej përfitimet ekonomike”.

Ministri Gjiknuri ka edhe një përgjigje për të gjithë skeptikët që mendojnë se qeveria e ka harruar këte krahinë.

“Ne ironikisht hodhëm poshtë edhe skeptikët apo kritikët që para ca kohësh na thonin që e paskemi harruar këtë krahinë. Fatmirësisht ne për herë të parë po bëjmë një investim serioz në infrastrukturën rrugore që këtu e kanë pritur prej shumë e shumë vitesh. Unë ju uroj sukses dhe përfundim të shpejtë.”/abcnews.al

ambulancee-933x445.jpg
ad min19:15 | 21/12/2017

Më datë 21.12.2017, rreth orës 16:45, është marrë njoftim se në aksin rrugor Lezhë-Milot, tek Kryqëzimi i Shënkollit ka ndodhur një aksident.

Menjëherë në vendngjarje kanë mbërritur shërbimet e policisë ku kanë konstatuar se ishin përfshirë në aksident 3 automjete dhe konkretisht:

Automjeti me targa AA 550 GO me drejtues shtetasin A.M., ku dyshohet se si pasojë e mos ruajtjes së distancës, është përplasur me mjetin me targa AA 770 RF me drejtues shtetasin D.N.

Gjithashtu, mjeti me targa AA770RF me drejtues mjeti shtetasin D.N., si pasojë e përplasjes nga mjeti me targa AA550GO, është përplasur lehtë me mjetin me targa AA 558EY të drejtuar nga shtetasi A.G.

Si pasoje e këtyre përplasjeve , është lënduar vetem shtetasi A.M.,i cili është dërguar në spitalin Rajonal Lezhë dhe ndodhet jashtë rrëzikut për jetën .

Lëvizja në këtë aks rrugor është e lirë dhe po menaxhohet nga shërbimet e Policisë Rrugore.

Grupi hetimor në bashkëpunim me Prokurorinë e Rrethit Gjyqësor Lezhë ndodhen në vendgjarje dhe po punojnë për zbardhjen e plotë të shkaqeve te aksidentit.

vlcsnap-error242-1-1280x720.jpg
ad min19:02 | 18/12/2017

Verilindja u përfshi nga reshje të dendura bore, intensiteti i të cilave arriti kulmin në mëngjes rreth orës 7:30 minuta, por më vonë reshjet janë pakësuar. Aksi Kukës-Tunel i Kalimashit në rrugën e Kombit pati probleme menjëherë pas reshjeve. Temperaturat e ulta ndikuan në krijimin e menjëhershëm të ngricave. Gjashtë borëpastruese nisën menjëherë nga puna për pastrimine borës dhe hedhjen e kripës. Drejtuesve të mjeteve u është dashur të përdorin paisjet dimërore e të tregojnë kujdes gjatë udhëtimit. Në qytet trashësia e borës mbeti e papërfillshme, dy deri në tre cm, ndërsa në lartësitë mbi 500 metër ata kaluan 10 centimetra. Reshje të denduar bore pati edhe në Peshkopi e dhe Bulqizë. Në qytet trashësia arriti deri në 10 cm, kurse në zona të thella si Lura dhe Kalaja e Dodës mbi 40 cm. Rrugët kombëtare janë të kalueshme, por rrugët Peshkopi – Kukës dhe Peshkopi – Librazhd kalohen me zinxhirë. Në Bulqizë gjatë natës ka patur ngricë dhe borë dhe rrugët ishin pothuajse të pakalueshme, por në mëngjes kompania e mirëmbajtjes ka hedhur kripë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono