Akërni

IMPIANTI-FOTOVOLTAIK-I-AKRENISE-1280x720.jpg
ent ela14:24 | 10/11/2018

Përfundon faza finale e ankandit të hapur ndërkombëtar për ndërtimin e impiantit fotovoltaik në zonën e Akërnisë. Me investimin prej 70 milionë euro do të ndërtohet nga kompania fituese 100 Mega Wat në total-njofton Ministria e Infrastrukturës dhe Energjisë.

Për herë të parë do të ndërtohet në Shqipëri një park diellor i cili është parashikuar të jetë më i madhi në Ballkan. Hapi final është hedhur për realizimin e investimit 70 milionë euro në Akërni të Vlorës.

Ministria e Infrastrukturës dhe Energjisë njofton se është përzgjedhur fituesi.

Ai është Konsorciumi India Power Coporation një nga kompanitë më të mëdha energjitike të Indisë, me eksperiencë 100 vjeçare, me kapacitete të instaluara prej 1500 MË, që përfshin kapacitetet të prodhimit të energjise termike, erës dhe energji diellore dhe e zotëruar nga Grupi  Kanoria Foundation, një konglomerat ekonomik indian me një portofol asetesh prej 15 Miliardë USD.

Afati i zbatimit të investimit të projektit me vlerë rreth 70 milionë euro është 18 muaj. Ministria Infrastrukturës dhe Energjisë vlerëson si sukses rezultatet e këtij ankandi pasi ka arritur të sigurojë një nga çmimet më të ulëta në rajon për këtë lloj teknologjie, (Greqia 63 Euro/MW dhe Turqia 62 Euro/MW), më e ulët se çmimet mesatare të importit në vendin tonë, dhe një kapacitet shtesë në 50 MW, duke e bërë këtë ofertë shumë të leverdishme për tregun energjitik në vend.

Ministria njofton se do të fillojë menjëherë negocimin e kontratës me qëllim zbatimin sa më parë të projektit të Akërnisë. /abcnews.al

vlcsnap-error809-1280x720.jpg
ent ela13:23 | 19/01/2018

Në Akërninë e Vlorës lajmi për ndërtimin e aeroportit i ka bërë banorët entuziastë për jetët e tyre. Tokat e kripura tashmë do të kenë një tjetër vlerë. Por cila është historia e aeroportit të Akërnisë. ABC News sjell pamje dhe historinë e tij.

 

4.5 km i gjatë dhe 1.5km i gjerë.

Janë këto permasa aktuale të aeroportit në zonën e Akërnisë.

Kjo pistë avionësh ka funksionuar prej 60 vjetësh, por aeroporti i ri cilësohet një investim strategjik që do të sjellë zhvillim.

Ai është ndërtuar filimisht në vitin 1963 dhe ishte një aeroport ushtarak.

Kjo është një zonë e kripur. Dhe Akërnia tashmë pritet të marrë një vlerë tjetër. Banorët që aktualisht jetojnë mes kripës dhe kanaleve, mendojnë të nisin investimet.

Kryesisht në fushën e turizmit. Tokat e tyre do të kenë tjetër çmim. Në garë për ndërtimin e tij janë tri kompani turke.

Gazetar i ABC News, Vlorë: Elton Nika


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono