Akademia e Sigurisë

romina-kuko.jpg
ad min12:40 | 03/10/2019

Policimi vullnetar është nisma e re e qeverisë. Këtë të enjte, zv/ministrja e Brendshme, Romina Kuko, gjatë një konference për mediat bëri publike të tjera detaje rreth funksionimit të policisë vullnetare.

Ajo tha se personat që do të jenë pjesë e kësaj policie nuk do të paguhen, pasi është e bazuar në vullnetarizëm. Për sa i përket pjesës së përzgjedhjes, Kuko tha se personat do të trajnohen dhe në fund do të certifikohen.

Gjithashtu ata do të jenë të pajisur me një unifomë e cila ka shenjat e saj dalluese.

“Lidhur me pjesën e pagesës së tyre e thotë vetë fjala  është policia vullnetari dhe është i bazuar tërësisht në vullnetarizëm. Pra është një shërbim që kryet pa pagesë. Është një shërbim që kryhet nga qytetarët që duan të angazhohen në shtimin e sigurisë sidomos në komunitetet dhe në lagjet ku ata banojnë. Lidhur me pjesën e përzgjedhjes, me trajnimin e tyre, do të ketë… ne kemi miratar kuadrin e përgjithshëm për organizmin dhe funksionimin e policisë vullnetare. Hapi i dytë do të jetë një akt që do jetë urdhër i Drejtorit të Përgjithshëm, i cili do të përcaktojë të gjitha detajet, duke filluar nga momenti i aplikimit, tek momenti i trajnimit, momenti i certifikimit dhe pastaj deri tek momenti i angazhimit të tyre”, tha Kuko.

Por si është menduar procesi i aplikimit?

“Secili person dhe individ që do dojë të aplikojë për t’u bërë polic vullnetar do duhet të japë një kërkesë tek drejtoria vendore e policisë e vendit ku banon. Specifikisht në Tiranë kemi 6 Komisariate. Më pas do të ketë një testim në Akademinë e Sigurisë  për aftësitë fizike, intelektuale, etj. deri në nivelin që kërkohet. Pasi kalohet testi i parë do të bëjnë një trajnim të specifikuar në Akademinë e Sigurisë ku do të certifikohen si policë vullnetarë. Ka një benefit, patjetër që nuk ka pagesë si shërbim, por ka një benefit sepse në fund të ditës je një person i certifikuar për të ushtruar këtë shërbim. Ne kemi projektin e oficerëve të policisë në shkolla. Ne e kemi testuar idenë e ofrimit të sigurisë në publik nga civilë. Këta persona nuk do kenë mundësi të arrestojnë të kryejnë hetime. Ajo është diçka që i përket ekskluzivisht Policisë së Shtetit”, tha Kuko./abcnews.al

policia-e-shtetit.jpg
ad min14:49 | 17/07/2018

Policia e Shtetit bën të ditur në një njoftim për mediat se më 20 korrik do të hapet procesi i aplikimeve për ata që janë të interesuarit të konkurojnë në Akademinë e Sigurisë së Policsë për “Patrullë të Përgjithshme”.

Në përfundim të të gjithë procesit të konkurimit do të përzgjidhen 150 kandidatë fitues, ku do të vazhdojnë Shkollën Bazë të Policisë, nga të cilët 19 % për gjininë më pak të përfaqësuar dhe 1.9% për minoritetet.

Aplikimi do të bëhet pranë Drejtorive Vendore të Policisë, ku aplikanti ka vendbanimin e përhershëm, ndërsa afati përfundimtar i dorëzimit të dokumentave do të jetë 20 Shtatori./abcnews.al

veliaj.jpg
ad min14:54 | 16/04/2018

Punonjësit e Policisë Bashkiake po trajnohen nga Akademia e Sigurisë për t’u aftësuar në fushën e sigurisë publike. Grupi i parë i punonjësve të kualifikuar u certifikuan në një aktivitet ku mori pjesë zv/ministri i Brendshëm, Julian Hodaj, Drejtori i Akademisë së Sigurisë, Bilbil Mema dhe kryetari i Bashkisë së Tiranës, Erion Veliaj. Kryebashkiaku tha se në tre vjet Policia Bashkiake nuk ka ndryshuar vetëm imazhin, por mbi të gjitha cilësinë e shërbimit ndaj qytetarëve. Ndërkohë, Bashkia e Tiranës pritet të ndërmarrë një tjetër nismë për të rritur më tej sigurinë në kryeqytet, atë të policimit në komunitet.
/abcnews.al

vlcsnap-error650-1280x720.jpg
ent ela11:58 | 05/02/2018

Kryetari i Bashkisë së Tiranës Erion Veliaj i bëri apel biznesve dhe familjarëve të formalizojnë marrëdhënien e tyre me ndërmarrjen e ujësjellësit. Nëse kapen në paligjshmëri kryetari i bashkisë paralajmëroi arrestimin e tyre.

Kryetari i Bashkisë së Tiranës Erion Veliaj kërcënon me burg këdo që kapet duke vjedhur ujin e pijshëm. Nga Akademia e Sigurisë në Sauk, ku punonjësit e policisë bashkiake do të trajnohen për një shërbim më cilësor ndaj qyetarëve, Veliaj i drejtoi apelin e tij së pari sipërmarrësve.

 

Ndërkohë kryebashkiaku paralajmëroi për një tjetër aksion që do të nisë së shpejti në Tiranë dhe ku do të jetë e nevojshme ndërhyrja e policisë.

 

Banorët e Tiranës sot sipas kryebashkiakut kanë më tepër besim se bashkia do t’jua zgjidhë problemin. Policia bashkiake tregoi Veliaj merr rreth 36 mijë ankesa në vit përmes telefonatave dhe ndërhyn në rreth 700 raste në ditë./abcnews.al

vlcsnap-error427-1-1280x720.jpg
ad min16:19 | 23/12/2017

Akademia e Sigurisë, institucioni arsimor që përgatit punonjësit e policisë do të reformohet. Rreth kësaj teme zyrtarë të lartë të Ministrisë së Brendshme,  të Arsimit, Drejtësisë dhe ekspertë të institucionee të tjera shfaqën gjate nje tryeze propozime konkrete për përmirësime në infrastrukturë, në stafin pedagogjik, apo dhe kurikula.

“Ne kemi nevojë që këtu të kemi më të mirët, më të zotët dhe më të ndërshmit”.

Janë këto cilësitë e kërkuara nga ana e Ministrit të Brendshëm, Fatmir Xhafaj, për pedagogët e Akademisë së Sigurisë, institucionit arsimor ku përgatiten punonjësit e policisë. I pranishëm në një tryeze diskutimi mbi reformimin e kësaj akademie ministri Xhafaj theksoi krijimin e kushteve për afrimin e tyre.

“Pres vetëm të shohë se cilat janë propozimet, qoftë për çështjen e pagave, qoftë për elementë të tjerë, që  ligjet i lejojnë apo që ne mund t’i përshtasim për të thithur kapacitetet më të mira në fushën e kriminologjisë dhe drejtësisë penale, por edhe në fushën e sigurisë”.

Ministrja e Arsimit, Lindita Nikolli rrëfeu hapat konkretë në shndërrimin e Akademisë së Sigurisë në një institucion me status të veçantë të arsimit të lartë dhe shtimin e studimeve master.

“Në momentin që përcaktojmë statusin, ne bëjmë riorganizimin konform statusit dhe ligjit të ri të Arsimit të Lartë, përcaktojmë tipologjinë e programeve të formimit të studimit duke u përafruar me standardet më të mira, që do të thotë kurikula dhe gjitha të tjerat. Ne ecim përpara me procesin e akreditimit’’.

Drejtori i Akademisë së Sigurisë, Bilbil Mema, shprehu nevojën që të gjithë punonjësit e institucioneve të sigurisë publike duhet të kalojnë në filtrat e akademisë.  “Pra të gjithë institucionet e sigurisë publike duhet të vijnë në akademi, të testohen dhe të seleksionohen për të mbajtur në punë ata që plotësojnë kriteret’’.

Të pranishit në diskutim ranë dakord për ngritjen e një grupi të përbashkët pune për të hartuar paketën ligjore me ndryshimet e propozuara./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono