agron xhafaj

salianji-gjykata-1280x689.jpg
ent ela13:46 | 09/10/2019

Ngja gjykata penale e Tiranës ish deputeti demokrat Ervin Salianji ka deklaruar se prokuroria ka falsifikuar provat për ekspertim të Agron Xhafajt. Në një deklaratë për mediat Salianji tha se Prokuroria nuk ka çuar në Angli mostrat e zërit të marra nga prokuroria po nuk dihet nga janë marrë dhe nuk dihet nëse zëri i marrë është i Geron Xhafajt apo Alfred Alizotit.

“Kemi denoncuar herë pas herë për dosjen Xhafaj. Jemi në situatë të re të provave të reja të dala. Falsifikim i procesit për të çuar para drejtësisë denoncuesit e aferave mafioze, por për të shmangur hetimin për trafik droge të Agron Geron Xhafajt.

Dua t’ju paraqes disa prova të reja më kryesorja është falsifikimi i aks ekspretimit nga ana e prokurorisë të Agron Xhafajt. Prokuroria nuk ka çuar në Angli mostrat e zërit të marra nga prokuroria po nuk dihet nga janë marrë dhe nuk dihet nëse zëri i marrë është i Geron Xhafajt apo Alfred Alizotit”.

Salianji publikoi gjithashtu ssot edhe 4 dënime të tjera të Alfred Alizotit, përmes të cilit, thotë Salianji me të cilin kanë shpëtuar nga dënimi një grup të strukturuar kriminal e mafioz.

“Bëjmë publike për herë të parë 4 dënime të dëshmitarit të rremë të një prej llumit të shqoqërisë me të cilin kanë shpëtuar nga dënimi një grup të strukturuar kriminal e mafioz. Afred Alizoti ka 4 dënime për vjedhje me dhunë pengmarrje e raste të tjera. Policia e ka gjetur të stërvitur se ka bërë pikërisht rolin që po  bën sot”.

Salianji paralajmëroi se në ditët në vijim PD do të publikojë të dhëna për lidhjen e Agron Xhafajt me drogën e kapur këto ditë në Greqi.

“Mos harroni dhe tonelatën e kapur këto ditë në Greqi dhe lidhjen e punëmarrësit e punëdhënësit me Agron Xhafajn, po për këtë do të kemi ditë tjetër se ka ikur nga vëmendja e medias”. /abcnews.al

 

Babale-1280x700.jpg
Sej rie18:30 | 17/04/2019

Gjykata e Krimeve të Rënda pushoi hetimet për procedimin e regjistruar pa emër për trafik narkotikësh, pas publikimit te audio-përgjimit të “Babales”.

Gjykata e Krimeve të Rënda ka vendosur që të pushojë hetimet për dosjen e cila ishte e regjistruar pa emër, pas publikimit nga Partia Demokratike të audio-përgjimit të ashtuquajtur të “Babales”. Procedimi penal mbi te cilin nisen hetimet, ishte regjistruar për trafik të lëndëve narkotike.

Prokuroria e Krimeve të Rënda e përfaqësuar nga Përparim Kulluri e nisi hetimin për trafikim të lëndëve narkotike por pa i vendosur një emër konkret dosjes.

Pas disa muajsh hetime Krimet e Rënda e ndanë dosjen “Balale”në dy pjesë ku trafikimi i drogës do hetohej nga Krimet e Rënda dhe “kallëzimi i rrem” do hetohej nga Prokuroria e Tiranës. Më herët Prokurori Kulluri i kishte pezulluar hetimet dhe e kishte kthyer dosjen për rihetim në polici, por duke qenë se polica nuk mundi të siguronte asnjë të dhënë të re shtese për këtë procedim penal, prokurori kërkoi që të pushohen hetimet.

Nga ana tjetër Gjykata e Tiranës ka dërguar për gjykim për kallëzim të rreme 4 të pandehur , ish-deputeti i PD-së Ervin Salianji, gazetari Jetmir Olldashi, Albert Veliu i njohur ndryshe si “Dëshmitari X” dhe Fredi Alizotin,  person i cili dyshohet se ka imituar zërin e Agron Xhafajt në audio-përgjimin e publikuar nga Partia Demokratike./abcnews.al

albert-veliu.png
G. P.16:55 | 26/10/2018

Prokuroria për Krimet e Rënda shpalli moskompetencë për hetimin e çështjes “Babalja”. Dosja me katër persona të akuzuar për “kallëzim të rremë”, mes të cilëve edhe deputeti Ervin Salianji, i ka kaluar Prokurorisë së Tiranës.

Prokuroria për Krimet e Rënda ia ka kaluar Prokurorisë së Tiranës përgjegjësinë e hetimit të çështjes “Babalja”. Më shumë se gjashtë muaj nga nisja e procedimit penal pas publikimit të një audio-regjistrimi ku pretendohej se Albert Veliu, Babalja, fliste me vëllain e ministrit të Brendshëm për çështje droge, Krimet e Rënda shpallën moskompetencë. Shkak është bërë akuza e “kallëzimit të rremë” e ngritur ndaj katër personave për çështjen, vepër penale jashtë kompetencës së Krimeve të Rënda. Nga ana tjetër, kjo prokurori do të vazhdojë hetimin për “trafikun e narkotikëve” veprën penale për të cilën u regjistrua procedimi penal. Dosja “Babalja” u dërgua në Prokurorinë e Tiranës me katër persona nën hetim, deputetin Ervin Salianji, Albert Veliun, Fredi Alizotin dhe gazetarin Jetmir Olldashi.

Hetimi i çështjes “Babalja”, histori që trazoi jo pak skenën politike në vend, mori tjetër rrjedhë pasi Fredi Alizoi pranoi të kishte qenë aktruesi i zërit të Agron Xhafajt, vëllait të Fatmir Xhafajt, në audio-përgjimin e “Babales”. Por, pas arrestimit të tij në Tetor 2018 u publikua një video-përgjim ku pohonte se ishte shoqëruar për Prokurorinë për Krimet e Rënda nga kreu i Policisë së Shtetit. Për llogari të hetimit dhe dinamikave të papritura të tij, Prokuroria për Krimet e Rënda mori deklarimet e më shumë se 15 personave, mes të cilëve edhe deputetët Salianji e Taulant Balla, si dhe ish-kreut të Policisë Bashkike të Tiranës, Florenc Hoxha./abcnews.al

ALIZOTI-ANKIMI-DATA-1280x720.jpg
ent ela15:52 | 17/10/2018

Gjykata e Apelit për Krimet e Rënda ka caktuar datën e seancës për shqyrtimin e ankimit të Fredi Alizotit, personit te dyshuar se aktroi  zërin e  Agron Xhafajt. Alizoti ka kundështuar masën e sigurisë “arrest në burg” caktuar nga Shkalla e Parë për të, në 6 tetor. Burime pranë gjykatës konfirmuan se seanca në Apel është caktuar në 24 tetor në orën 09:00. Në ankimin e depozituar disa ditë mëparë, Alizoti kërkon një masë më të butë sigurie se “arresti në burg”. Në seancën e zhvilluar në Shkallën e Parë të Krimeve te Renda, avokati i Alizotit, Ilir Dode tha se klienti i tij e kishte provuar se nuk ka rrezik t’i fshihej hetimit dhe se duhet të kujdesej për nënën e sëmurë. /abcnews.al

ervin-salianjiiiiiii.png
G. P.12:09 | 12/10/2018

Në vizitën e tij të tretë për dosjen “Babalja” tek Krimet e Rënda, deputeti i Partisë Demokratike, Ervin Salianji dha shpjegime në cilësinë e personit nën hetim. Gjatë dy orëve ai iu përgjigj prokurorëve, duke sqaruar si siguroi videon dhe emra të personave të tjerë që kanë dijeni për çështjen.

Për të dytën herë brenda pak ditësh, deputeti i Partisë Demokratike, Ervin Salianji, u paraqit në Prokurorinë për Krimet e Rënda për t’u pyetur nga prokurorët e dosjes “Babalja”. Për gati dy orë ai dha shpjegime prokurorëve, por këtë radhë në cilësinë e personit nën hetim për akuzën e “kallëzimit të rremë”. Vend të konsiderueshëm në seancë kanë zënë pyetjet për video-përgjimin e Fredi Alizotit të publikuar prej tij të martën në programin “Opinion”. Salianji ia faturoi një deklarate të kryeministrit Edi Rama statusin e tij të ri si “person nën hetim”, por theksoi se kishte identifikuar persona të tjerë që kanë dijeni për çështjen.

“Fakte të tjera që gjenden në fashikullin e Prokurorisë, prokurorisë mund t’i kenë dalë nga vëmendja që Taulanti prej Librazhdi dhe Ard Veliu nga Delvina kanë paguar dhe kanë dhënë “një pako të mirë”  për dëshmitarin kryesor të prokurorisë”.

Pyetjes nëse i beson videos së parë apo të dytë të Fredi Alizotit Salianji iu përgjigj:

“Unë besoj në Zot, tek Alizoti beson Edi Rama”.  ​

Sipas burimeve pranë Krimeve të Rënda në deklarimet e tij Salianji ka pohuar se video-përgjimin e Fredi Alizotit e ka siguruar në qershor të këtij viti. Sipas tij, atë e kishte lënë në recepsionin e selisë së Partisë Demokratike Florenc Hoxha, ish-kreu i Policisë Bashkiake Tiranë. Sipas Salianjit, videoja e Alizotit ishte realizuar në momente relaksi dhe qetësie të plotë.  /abcnews.al

xhafaj.png
G. P.15:32 | 11/10/2018

Ministri i Brendshëm, Fatmir Xhafaj deklaron se personi i akuzuar për sasinë e 613 kilogramë kokainë të bllokuar në Durrës, nuk do të ekstradohet nga Gjermania. Sipas tij, kjo gjë vjen pasi në Gjermani ai po hetohet për një tjetër rast.

Ekstradimi nga Gjermania i Arbër Çekaj drejt vendit tonë, i akuzuar për sasinë e 613 kilogramë kokainë të bllokuar në Durrës disa muaj më parë vijon të mbetet në vend numëro. Ministri i Brendshëm, Fatmir Xhafaj, deklaroi se Çekaj po hetohet për një tjetër rast nga auturitet Gjermane.

“Ka një ndryshim në këtë gjë, nuk është çështje ekstradimi më, por është çështje hetimi të përbashkët. Mbetemi këtu, se kjo nuk më takon mua, u takon autoriteteve të hetimit të Prokurorisë së Krimeve të Rënda, Policisë shqiptare dhe zyrës përkatëse të Policisë Kriminale gjermane”, u shpreh Xhafaj.

Xhafaj theksoi në prani të Peter Henzler, zv/presidentin e policisë Federale të Gjermanisë, se operacionet e përbashkëta do të vijojnë ndërmjet dy shteteve.

Dua të bëj me dije se ne kemi disa operacione të përbashkëta, disa hetime të përbashkëta midis Policisë së Landeve dhe Policisë shqiptare në kuadër të operacionit “Forca e Ligjit” dhe në kuadër të operacionit “Anti-skifter”. Kemi disa operacione të suksesshme të realizuara gjatë këtij viti dhe kemi disa hetime të përbashkëta në proces, të cilat janë diskutuar midis përfaqësuesve të Policisë Kriminale gjermane dhe Policisë shqiptare dhe janë të nivelit operacional, që nuk i përkasin Ministrit”, tha Xhafaj

“Bisedat që ne patëm me Ministrin, por gjithashtu edhe bisedat në nivel policor, treguan që duhet të bëjmë përpjekje akoma më të mëdha, duhet të nisim përpjekje të reja, t’i intensifikojmë për të luftuar autorët që kryejnë vepra penale për t’i çuar ata para gjyqit, por edhe për t’ua marrë atyre fitimet e marra nga veprimtaria kriminale.Për këtë qëllim Shqipëria, Ministri konkretisht, ka hartuar një strategji, e cila është mbresëlënëse. Elementet shumë profesionale të kësaj strategjie japin gjithashtu edhe një shans dhe mundësi të mirë për ta luftuar krimin në mënyrë efikase”, u shpreh Peter Henzler.

Më herët ministri i Brendshëm, Fatmir Xhafaj dhe zyrtari gjerman i Policisë Kriminale, nënshkruar sëbashku me Drejtorin e Përgjithshëm të Policisë një projekt konkret, të quajtur “Orka”, i cili do të jetë në mbështetje të luftës kundër krimit organizuar./abcnews.al

bardhii.png
G. P.15:02 | 11/10/2018

Paracaktimin e fatit të hetimeve të prokurorisë, për rastin e përgjimit të vëllait të ministrit të Brendshëm, Agron Xhafaj, nga kryeministri Rama dhe vetë Fatmir Xhafaj,demokratët dolën që ta denoncojnë me dokumenta. Për këtë i erdhi në ndihmë pikerisht Fredi Alizoti, personi që u pretendua të ketë imituar zërin e Agron Xhafës në audio-përgjim.

Demokratët dolën përsëri me dokumenta.

“Shqiptarët dëgjuan vetë sesi ‘aktori’ jo vetëm nuk ishte vetëofruar, por ishte gjetur, blerë e shantazhuar nga vetë Drejtori i Përgjithshëm i Policisë së Shtetit, që e kishte paketuar të gatshëm e të përpunuar, natën, në Prokurorinë e Krimeve të Rënda”.

Atë ç’ka Fredi Alizoti tha në përgjimin që iu bë, e vërtetojnë vetë dokumentat e këtij hetimi sipas Bardhit. Si në materialin video të përgjimit të Alizotit, ashtu edhe në procesverbalin e marrjes së dëshmisë nga prokuroria, data 1 qershor, ora 8 e darkës, si dhe prokurori që e administroi atë, përputhen plotësisht, theksojnë demokratët. E nuk mbaron këtu.

“Shqiptarët do shohin me dokumente zyrtare që hetimi nuk është bërë nga prokuroria, por nga vartësit e Fatmir Xhafës në Policinë e Shtetit. Prokurorët vetëm kanë noterizuar çfarë i është dërguar nga vartësit e Fatmir Xhafës”.

Kjo ka ndodhur me tre provat shkencore të administruara në hetim të cilat mund të provonin versionin “rozë” të Fredi Alizotit, sipas demokratëve, dhe ato janë qelizat dhe tabulatet telefonike si dhe akti i ekspertimit të zërit në audiopërgjim.

  • Verifikimi dhe analizimi i qelizave telefonike të shtetasve Albert Veliu, Agron Xhafaj dhe Fredi Alizoti, për të përcaktuar shkencërisht nëse në orën dhe datën e pretenduar kur është realizuar përgjimi, kanë qenë apo jo në të njëjtin vend, i është deleguar për hetim nga prokurori, pikërisht Fatmir Xhafës. Pra prokurorët i kanë kërkuar Fatmir Xhafës që të hetojë Agron Xhafën.
  • Edhe verifikimin dhe analizimin e tabulateve telefonike, për të përcaktuar shkencërisht komunikimet telefonike midis tyre, i është deleguar për hetim nga prokurori, pikërisht Fatmir Xhafës.
  • Marrjen e mostrave të zërit të Agron Xhafës, që janë përcaktuese për të përcaktuar shkencërisht nëse zëri në përgjim është apo jo i Agron Xhafës, i ka marrë vetë Fatmir Xhafaj.

Është kjo arsyeja përse laboratori privat britanik ka konstatuar se kampionët e zërit janë të dobwt duke mos përcaktuar dot përfundimisht nëse zëri është apo jo i Agron Xhafës, sipas demokratëve, e gjithsesi kjo nuk përjashtoi konlkuzionin se zëri i Agron Xhafës është i ngajshëm me atë në audio-përgjimin e Albert Veliut. Tani një pyetje të thjeshtë:

“Pse prokurorët nuk kanë guxuar të verifikojnë përgjimin e Fredi Alizotit, i cili në datë 27 Maj 2018, deklaron se ka marrë një ofertë nga pala tjetër”.

Kjo për të njëjtën arsye që Donika Prela, në krye të prokurorisë për Krime të Rënda, caktoi prokurorin Gentain Osmani në këtë çështje, pa short, si e kërkon rregulli.

Janë të gjitha këto të dhëna, përpos fakteve të njohura derimëtani ato që vërtetojnë se Fatmir Xhafaj ka hetuar të vëllain Agron Xhafaj, në një skenar të hartuar nga Edi Rama dhe të zbatuar nga strukturat shtetërore të një diktature mafioze e cila tashmë zyrtarisht ka nën kontroll edhe drejtësinë, perfundon selia blu./abcnews.al

ll.png
G. P.14:42 | 09/10/2018

Videoja është e pamanipuluar, zëri është i Agron Xhafës dhe pavarësisht tentativave të prokurorisë për të sabotuar ekspertizën e huaj, kjo e fundit doli në konkluzionin se zëri në regjsitrim është i përafërt me atë të Agron Xhafës. Deklaratën kryedemokrati Lulzim Basha e bëri pasi parashtroi faktet që sipas tij e mbështesin këtë tezë.

“Fakti janë ato që kemi deklaruar që në fillim. Video është e pamanipuluar, zëri në të është i Agron Xhafajt. Sado që të manipulojnë hetimet nuk do ia dalin sot. Shikoni faktet dhe gjykoni vetë. Prokuroria ka çuar në Angli një kopje të videos të dalë nga mediat dhe jo materialin bruto, duke ulur cilësinë e dëgjimit dhe identifikimit e zërave. Ky është veprim i qëllimshëm i prokurorisë që ekspertiza ta ketë sa më të vështirë që të verifikojë që zëri është i Agron Xhafaj. Kampionët e zërit të Agron Xhafajt janë marrë në shkelje të çdo lloj procedure dhe vetë laboratori në Londër ka thënë që ato janë të dobëta. Ekspertiza private angleze, e dyta, se e çuan dhe njëherë në Itali dhe nuk e morëm vesh ça u tha laboratori atje. Ekspertiza angleze nuk përjashton mundësinë që të jetë zëri i Agron Xhafaj, përkundrazi ka dalë në konkluzion që zëri në video dhe zëri në laborator të çuara kastile me cilësi të dobët janë të afërt dhe mund të jetë zëri i Agron Xhafaj”, u shpreh Basha.

Kjo sepse sot prokuroria për kreun e selisë blu nuk është më thjeshtë e kapur, por kthyer në celulë kriminale që fsheh prova të funksionarëve politik të kapur në krim dhe mbyll hetimet e kriminelëve të tyre në terren.

Këtë lojë të pisët luajnë edhe institucionet ligjzbatuese në vend sipas Bashës , duke rrezikuar jetët e qytetarëve si asnjëherë më parë. Shembull?

“Ngjarja e fundit në Tiranë që na u shit për 4 ditë si përplasje për një këngëtare, është zbuluar se është përplasje për pazare droge, ku janë përfshirë trafikantë të njohur dhe të dokumentuar për lidhje me pushtetin. E mbani mend kur Saimir Tahiri u nis për në Gjermani? Pasi i ktheu pasaportën? E dini me kë ishte në Gjermani? Me këtë (Ervin) Matën e përfshirë në lokal në goditjen me armë mes bandave rivale. Ku ka ndodhur kjo? Në zemër të Tiranës, në një lokal të preferuar nga ministri Arben Ahmetaj dhe politikanë të tjerë”, tha Basha.

Në Shqipëri ka rënë rendi kushtetues sipas Lulzim Bashës dhe kjo në kushtet e një grushti shteti ku institucionet nuk punojnë kërkon një zgjim të gjerë të qytetarëve të cilët janë edhe të dëmtuarit e drejtpërdrejt dhe të përditshëm sipas tij./abcnews.al

albert-veliu.jpg
G. P.16:11 | 19/06/2018

Dosja e “dëshmitarit X”, Albert Veliu, që turbulloi jo pak politikën në vend, duket se ka mbetur vetëm në fazë verifikimesh.

Organi i akuzës së Krimeve të Rënda, është në prite të përgjigjes së ekspertizës së zërit të dërguar jashtë vendit për të parë nëse personi i pretenduar në atë përgjim është Agron Xhafaj, vëllai i ministrit të Brendshëm, Fatmir Xhafaj, apo një montazh.

Në këto kushte, kur dëshmitari kryesor Veliu ka braktisur Shipërinë dhe ka kërkuar azil politik në Kosovë, atëherë edhe marrja e tij në pyetje bëhet e vështirë për të qenë në dispozicion të prokurorisë shqiptare.

Ministria e Brendshme nuk konfirmon nëse ka ardhur kërkesa për azil nga Kosova për “dëshmitarin X” të PD, pasi ky i fundit pretendon se i rrezikohet jeta në vendin tonë.

Një nga pistat që po verifikon prokuroria është ajo e përgjimit të rremë, si edhe inskenimi i historisë për trafikun e drogës nga Vlorë drejt brigjeve italiane.

Ndërkohë, provat tashmë janë në dosjen e Prokurorisë së Krimeve të Rënda dhe pritet që në ditët në vijim të ketë zhvillime, pasi anëtarët e grupit hetimor janë duke analizuar çështjen nga fillimi i saj, ku nuk përjashtohet mundësia të ketë urdhër-arreste për persona të tjerë, që pritet të ndiqen penalisht për akuzën e “Krijimit të provave të rreme”./abcnews.al

cutillo.jpg
G. P.19:50 | 05/06/2018

Ambasadori Italian në Tiranë, Alberto Cutillo, ka deklaruar nga Shkodra se reforma në drejtësi është një reformë e thellë dhe shqetësim për ambasadorin është mos kompletimi i Gjykatës Kushtetuese. I pyetur nga gazetarët për çështjen “Tahiri”, ai tha se në Katania është një proces, por që nuk ka lidhje me ish-ministrin Tahiri.

“Opozita dhe qeveria është normale të mos jenë dakord, por gjithsesi është e rëndësishme që të gjejnë të përbashktën e objektivit që na pret. Reforma në drejtësi është një reformë e thellë dhe duke qenë e tillë ka edhe probleme në fazën e saj fillestare. Ajo që më shqetëson është moskompletimi i Gjykates Kushtetuese, e cila është e paralizuar. Di që në Katania është një proces që po ecën përpara, që nuk është direkt për ish-ministrin Tahiri dhe di aq sa dini ju për çfarë është folur për këtë çështje”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono