Agron Tufa

agron-tufa-1280x734.jpg
nev ila16:49 | 17/11/2019

Kreu i Institutit të Krimeve të Komunizmit Agron Tufa në ditën e çlirimit të Tiranës apeloi për një bashkim të shqiptarëve përballë rrezikut që sipas tij i kanoset vendit. Gjatë një aktiviteti të zhvilluar në Tiranë, Tufa deklaroi se në vend shumica po instalon një diktaturë të re përballë së cilës duhet një reagim i menjëhershëm.

Ditën e çlirimit të Tiranës, të përndjekurit politikë e përkujtuan duke risjellë në vëmendje krimet dhe dënimet që regjimi komunist prodhoi për 45 vite në Shqipëri. Drejtori i Institutit të Krimeve të Komunizmit Agron Tufa apeloi që shqiptarët të zgjojnë ndjenjën e reagimit sepse sipas tij një regjim i ngjashëm po instalohet në vend.

Sipas Tufës, shqiptarët duhet të udhëhiqen te gjërat që i bashkojnë sepse vetëm në këtë mënyrë do të bëjnë të mundur rrëzimin e regjimit.

Në kohën kur në Tiranë organizoheshin ceremoni festive, pasardhësja e familjes Kokalari e përlotur rrëfeu kujtimin e fundit me të atin.

Në takimin e zhvilluar përpara Institutit të të Përndjekurve Politikë merrte pjesë edhe kreu i demokratëve Basha dhe ish-deputetë të opozitës./abcnews.al

DEBATI-PER-HEROJNTE-1280x720.jpg
ent ela17:50 | 04/11/2019

Ekspozita me portretet e heronjve në bulevardin “Dëshmorët e Kombit” ka ngjallur debate. Agron Tufa thotë se mes këtyre figurave ka personazhe që i kanë shërbyer sigurimit të shtetit. Drejtori i arkivit të shtetit Ardit  Bido thotë se specialistët kanë respektuar listën e propozuar me personalitetet që e kanë titullin “Heroi i  Popullit”.

100  heronj prej 3500 që mbajnë këtë titull janë ekspozuar në Bulevardin Dëshmorët e Kombit  në kuadër të 75 vjetorit të çlirimit. Drejtori i Institutit të krimeve të komunizmi Agron Tufa thotë se mes personave të zgjedhur, ka nga ata që i kanë shërbyer sigurimit të shtetit. Apo nga ata të cilët janë vrarë pas luftës.

Drejtori i Arkivit të Shtetit  Ardit Bidon thotë se ekspozita është realizuar nga Arkivi i Shtetit, ndërsa lista  është propozuar nga Komisioni Shtetëror i Festimeve.

Tufa thotë se dekorimi i Bulevardit Dëshmorët e Kombit i ngjan një profanie dhe kjo është një forme provokuese nga ana e organizatorëve.

Përveç emrave, Tufa kundërshton edhe formën e nderimit të të rënëve në luftë. 

Tufa thotë se në mes të këtyre heronjve ka nga ata që janë vrarë pas luftës dhe ata të cilët janë vrarë në luftë, por në përpjekje të hapjes së genocidit dhe ndezjes së luftës civile.

Histriani dhe Drejtori i Akademisë së Studimeve Albanologjike Maringlen Verlin Maringlen është i mendimit se prezantimi i i heronjve dhe i figurave të tilla kërkon një analizë të hollësishme para se të publikohen.

Tufa thotë se nuk është kërkuar institucionit asnjë mendim apo dokument.

Ndërsa  Ardit Bido si historian thotë se ka ardhur koha që të analizohen titujt e heronjve.

Ndërkohë që drejtori i Arkivit të Shtetit Ardit Bido thotë se ka emra të cilët nuk duhet të jenë. 

 Figurat e 100 heronjve do të prezantohen deri në fund të nëntorit në bulevardin “Dëshmorët e Kombit”. /abcnews.al

agron-tufa.jpg
ent ela08:32 | 28/10/2019

“Pse nuk e vrisni? Në autobus, ekzekutojeni!”. Janë këto kërcënimet me vdekje që Agron Tufa merr rregullisht  prej 6 muajsh për vete dhe familjen e tij. I ftuar në emisionin “ABC-ja  e mëngjesit të Enkel Demit, Tufa sqaroi se  në këtë situatë të kanë bërë gjyqin dhe të kanë dënuar me vdekje.

“Kërcënimet janë rregullisht konseguente si duket kjo është bërë kulturë masive. Ata që të bëjnë dëm janë ata të pazëshëm, por këta që kërcënojnë vazhdimisht me familje dhe me gjëra të ndryshme mund të merren, sepse shprehin mllefin, por kur bëhen vazhdimisht kjo krijon një ambient, krijon atë që e quaj yshtje, atmosferë që inkurajon disa të tjerë që e kanë hobi këtë gjë. Kur kjo vijon prej 6 muajsh sistematikisht të bëhet, ata flisnin pse nuk e vrisni në autobus, ekzekutojeni, i bie që të kanë bërë gjyqin dhe të kanë dënuar me vdekje”.

PD reagon për kërcënimet ndaj Tufës pas emisionit në Abc News

Sipas Tufës kjo situatë prodhohet prej atyre që kanë qenë mjeshtra të vrasjeve në kohën e diktaturës, dhe që vijojnë të drejtojnë edhe sot institucione të larta të shtetit.

“Dhe kur sheh sesi vriten njerëzit dhe askush nuk e gjen dot vrasësin kanë të bëjnë me natyrën fanatike të fansave dhe duke pasur parasysh se ky nuk është një diskutim në parim, por preken ato interesa që mbajnë dhe legjitimuar në sistemin tonë pikërisht ata që kanë qenë mjehstra të këtyre vrasjeve, ish oficerë të operativit të shtetit. Përderisa nga institucione të ndryshme të Evropës qenia e tyre në drejtim të institucioneve të shtetit janë denoncuar vazhdimisht që të spastrohen e mos të kenë të bëjnë me institucionet e shtetit sigurisht që kjo situatë vjen e prodhohet prej tyre.

Pjesa e fundit e këtij regjimi, ata që ishin në drejtim të sigurimit të shtetit apo organeve të drejtësisë janë të gjithë të montuar në punë kyçe, drejtorë të lartë të institucioneve të shtetit përfshi dhe parlamentin. Ata kanë vendosur një pozitë shumë të fortë dhe ata vendosin”. /abcnews.al

kineastet.jpg
ad min18:51 | 08/10/2019

Shfaqja e filmave të kohës së diktaturës vijon të ndajë artistët. Të pyetur nga ABC News, ata që janë pro, mbështeten në modelin e Spanjës, që ata filma i shfaq lirisht. Të tjerë mendojnë se shfaqja e filmave të para viteve 90 duhet shoqëruar me shënime.

Spanja i ka lënë të lirë shfaqjen e filmave të prodhuar nën ndikimin fashist sipas kritikut të artit spanjoll Daniel Verdu.

Ndërsa në Shqipëri, dy vite më parë ideja e drejtorit të Institutit të Krimeve të Komunizmit, Agron Tufa, për t’u bllokuar filmat që shtrembërojnë historinë ndau në dysh kineastët. Debati “Përballja me të shkuarën” nga syri i kinemasë e risjell edhe një herë në fokus. Skenaristja Natasha Lako, thotë të marrim shembull Spanjën.

Edhe regjisori Mevlan Shanaj është kategorisht kundër bllokimit. Ema Andrea, e cila e nisi karrierën artistike në prag të rënies së diktaturës thotë se shfaqja e këtyre filmave duhet shoqëruar me shënime.

Lako e Shanaj pranojnë se censura dhe autocensura asokohe për krijuesit ishte e fortë, por nuk i mohojnë vlerat historike edhe brenda skematizmit. Artistët edhe në vlerat e kinemasë sot ndajnë mendime të ndryshme.

Në debatin për historinë dhe kinemanë organizuar nga ambasada spanjolle ishin të pranishëm intelektual dhe dashamirës të filmit./ABC News Albania 24/7

PROVOKACIJA-30-PRILL-MONOLOGU-AGRON-TUFA-PJESA-1.mpg_snapshot_06.52-1280x720.jpg
ad min21:11 | 28/09/2019

Kreu i Institutit të Studimeve të Krimeve dhe Pasojave të Komunizmit, Agron Tufa, postuar në rrjetet sociale një mesazh anonim ku thotë se kërcënohet me vdekje. Tufa bën të ditur se mesazhi i është dërguar avokatit të tij, Kujtim Cakrani.

“Vini re gjuhën e vjetër të urrejtjes, të trashëguar, me sa duket, nga baballarët e tyre”, shkruan Tufa në Facebook, ndërsa bën publik të gjithë mesazhin anonim.

“Ju ballista e fashista, që sot bëheni avoketër dhe kërkoni të mbroni sojin tuaj që nxin luftën e hedh baltë dëshmorëve, jeni ata të djeshmit, qëduheshit vrarë të mos mbinit ju e që keni marrë zemër sot. U gënjen mendja për këtë se s’keni krahë. S’ka avokat në botë të fshijë gjakun e tyre, dhe të mbrojë atë institut kriminel me Agron Tufë e të tërëse ju jeni më të poshtër se armiqtë që mbroni. Po heronjtë kanë bërë luftën dhëmb për dhëmb, dhe Mehmet Shehun se fshinë dot si emër dhe ata që ishin më të mëdhenj se ai, do e fshini ju lepuj. Ai bëri gabim me 70 vetë që thoni se ka vrarë, sepse duhet t’u kish vrare të tërëve.

Po këtë tani do ta merrni vesh mirë, si i gjeti të parët tuaj se e keni bërë hak me gjithë ata që hedhin baltë dëshmorëve dhe ju i doni të hiqni emrat e heronjve dhe luftën që bënë dhe fituan me ju të fëlliqur. Ju dhe familjet tuaj balliste e fashiste nuk do keni vend më tek ne, se e shkruat vetë fundin tuaj. Si dolët avash nga llumi, si pa kuptuar, ashtu do t\ju heqim dhe ne avash të mëdhenj e të vegjël, se ka qen gabim i madh që për ju pati mëshirë. Të gjithëve gropa ju pret”, thuhet në mesazh.

/abcnews.al

PROVOKACIJA-30-PRILL-MONOLOGU-AGRON-TUFA-PJESA-1.mpg_snapshot_25.54-1280x720.jpg
ent ela21:07 | 30/04/2019

Duke iu referuar fakteve dhe dokumenteve, Tufa thekson se edhe lufta antifashiste si koncept dhe realitet duhet të zgjerohet dhe të mos mbahet peng i Partisë Komuniste.

“Edhe lufta antifashiste si koncept dhe realitet duhet të zgjerohet të mos mbahet peng i Partisë Komuniste, ka pas dhe të rënë dhe është e padrejtë që t’i përjashtosh këta.

Jam sulmuar fashist, ballist. Gjyshi im ka qenë partizan deri në ‘45 deri në Vashigrad, unë pra në këtë rast jam kolaboracionisti. Im gjysh ka qenë partizan po edhe po të kishte qenë ballist e legalist do isha kaq krenar, por ja mjafton që të ketë luftuar okupatorin, unë kështu e shoh nga viti 2019 kur po bisedojmë.

Ndjenja patriotike nuk është një gjë e re. Është e çdo populli për të luftuar pushtuesin dhe unë besoj se ato 70 mijë partizanë nga kjo ndjenjë kanë dalë të luftojnë okupatorin. Frytet e kësaj lufte dihen”.

Ndërsa përmend disa nga krimet, ai shprehet se brenda luftës çlirimtare kishte edhe përplasje civile që përgatiti terrenin e sundimit.

“Po si të bëjmë? të mbyllim sytë përballë këtyre krimeve, është djegia e shtëpive, konfiskimi i produkteve, ushqimeve që sipas ligjit të luftës janë të dënueshëm dhe hyjnë te kategoria e krimeve prandaj ishte e detyrueshme të lexohej libri”.

Nano: Luftë çlirimtare apo civile?

Tufa: Ishte çlirimtare, por kishte edhe përplasje civile. Pas prishjes së marrëveshjes së Mukjes vendosen përpjekjet e konfrontimit civil, ndeshja me Ballin, Legalitetin për të përgatitur terrenin e sundimit”.

Tufa përjashton bashkëpunimin e Mit’hat Frashërit me pushtuesit pasi nuk ka asnjë fakt, apo dokument bindës për këtë.

“Mit’hat Frashëri nuk ka bahskëpunuar me ushtritë pushtuese dhe nuk më ka bindur asnjëherë. Ku ta gjeja unë të kishte dokument dhe fakte bindëse”.

Ai foli gjithashtu edhe për masakrën e Tivarit për të cilën sipas tij janë përgjegjës Ramiz Alia, Gafurr Çuçi dhe Rrahman Parllaku.

“Janë kabllogramet e luftës, terreni në Kosovë, tre persona  përgjegjës, Ramiz Alia, Gafurr Cuci, Rrahman Parllaku atyre u dorëzohen dhe nga tërë informacioni ata shkojnë të dorëzohen të vëllezërit e tyre shqiptarë. I çohet kabllogram Enver Hoxhës kontingjenti prej 1500 ushtarësh t’i dorëzohet brigadës së 52 serbe që është brigadë ekzekutimi. Kabllogramet janë të sakta. Në këtë rast ç’na mbetet ne të diskutojmë”. /abcnews.al

PROVOKACIJA-30-PRILL-MONOLOGU-AGRON-TUFA-PJESA-1.mpg_snapshot_14.47-1280x720.jpg
ent ela20:58 | 30/04/2019

Drejtori i Institutit të krimeve të Komunizmit Agron Tufa ka sqaruar në studion e Provokacijas se i është drejtuar studios ligjore për të gjitha fyerjet, ofendimet, shpifjet dhe kërcënimet kundrejt grupit të PS dhe Kuvendit të Shqipërisë.

Nano: Polemika, ti ke berë dhe padi?

Tufa: I jam drejtuar studios ligjore për të më përfaqësuar për fyerjet dhe ofendimet, shpifjet, kërcënimet dhe fryma  e linçimit publik.

Nano: Polemika erdhi nga të dy anët.

Tufa: “Historian enverist nuk është fyerje, reagimi im është gjithnjë mbrojtës. Unë nuk kam sulmuar asnjëherë edhe këtë herë u sulmova nga salla e parlamentit dhe 26 herë shpërpjestimi ishte i llahtarshëm dhe mua për t’u dhënë përgjigje atyre mu desh të mos merresha me asgjë dhe t’u jepja përgjigje gjithë asaj trasheje të kuqe, e rubrika me letra të popullit. Unë një kriminel gjakatar i burgjeve të komunizmit dhe i lejon një faqësh, dy dhe lodheshin e fusnin  intermexo Edmond Cajën dhe kjo mu duke e pamerituar se gjithçka ishte gënjeshtër dhe kjo është yshtje popullore. Pra kemi një psikozë masive ndaj një personi, i cili nuk është anatër i asnjë partie, sheh punën e vet me përdisshmëri të ngarkuar. Unë nuk i kam fyer, por kur shoh që sulen me shpifje  shumë të ulëta më nxitin duke i dhënë dokumentin kresë”.

Tufa theksoi se sot është dërguar ankesa te komisionieri i diskriminimit kundrejt grupit të PS dhe Kuvendit të Shqipërisë për mbrojtje dhe respektim standardi.

“Unë tani kam një përfaqësim ligjor jam qetësuar dhe sot sa është dërguar ankesa te komisionieri i diskriminimit kundrejt grupit të PS dhe Kuvendit të Shqipërisë dhe kam kërkuar mbrojtje dhe të zbatohet me përpikmëri standardi meqë po na kërkojnë standardet e duhura për në BE, të na garantojnë një farë standardi. E kërkova dhe nuk ma ofruan. por gjithsesi”.

Sipas tij dy tumoret që ka Shqipëria st janë enveristët dhe ish oficerët e sigurimit të shtetit.

“E kam fjalën për segmentin enverist që s’ka lidhje me socialistët. Unë përdor vetëm termin enverist për ata që janë të pandryshueshëm. Enveristët kërcënojnë demkracinë, bëjnë trysni dhe parlamentit dhe kryeministri po e ha presionin e tyre dhe s’kanë asgjë të përbashkët me anëtarët e partisë. Dy tumoret e shqipërisë sot: enveristët 1 dhe ish-oficerët e siguimit të shtetit të montuar në mënyrë të dendur”. /abcnews.al

 

PROVOKACIJA-30-PRILL-MONOLOGU-AGRON-TUFA-PJESA-1.mpg_snapshot_06.52-1280x720.jpg
ent ela20:42 | 30/04/2019

“Mua më kanë shpallur me vdekje, gjyqi popullor është bërë mungon vetëm ekzekutimi. I doli tim biri një prind. Ka qenë një numër i gazetës “Dita” me uniformën fashiste time dhe i doli dikush djalit tim dhe i thoshte: E pe tët atë fashist”.

I ftuar në studion e Provokacijas në ABC News drejtori i Institutit të Krimeve të Komunizimit Agron Tufa ka shpjeguar atë që fshihet pas debatit publik dhe sulmet e akuzat ndaj tij.

“A kërkohet respektimi i standardeve evropiane në çdo gjë që bëjmë do zbatojmë atë ligj. Është bërë propagandë shkatërrimtare lidhur me të drejtat që na jep ligji me Institutin e studimeve për Krimet e komunizmit. Thuhet dhe kjo është e gënjeshtërt, që Instituti e ka që nga 1945. Krimet e komunizmit quhet periudha nga 1944-1990, si dhe periudha para 28 nëntorit deri në themelimin e Partisë Komuniste. Ne jemi marrë 90% me krimet  e kominizmit gjatë diktaturës dhe kemi bërë studime për publikun në maksimum dhe nuk jemi përqëndruar në emra dhe 1% jemi marrë me luftën”.

Tufa sqaron se debati bëhet për 265 emrat e librit studimor të Çelo Hoxhës, për të cilin ai sulmohet për shkak se drejton Institutin.

“Kemi një libër 350 faqe, studimor dhe origjinal i Çelo Hoxhës. 265 emra na faturohen. Ne që i quajmë kriminelë, nuk është është kështu. Janë përgjegjës për krimet e kryera në Shqipëri e Kosovë.

Libri i Çelo Hoxhës dhe sulmohet Agron Tufa se ai është përgjegjës, se ai është drejtor dhe pjesa dërrmuese është që kanë qenë të pranishëm në skenën e krimit dhe partizanë të rangjeve të larta nuk e kanë denoncuar asnjëherë.

Psh kur dënohet Kadri Hazbiu dalin 30 dëshmitarë për krimet e luftës të Kadri Hazbiut, pra ata i dinin dhe i thanë 30 vite më pas dhe shumica dërmuese i kemi pajisur me dokument origjinal”.

Për Tufën të gjitha këto sulme në media dhe Parlament janë një abuzim dhe yshtje e një segmenti fanatik popullor.

“Agron Tufa i ka quajtur kriminelë-ky është abuzimi i parë se një libër shkencor mund të hidhet poshtë nga një studim tjetër shkencor, por ti nuk e hedh dot në opinion. Gjërat janë të qarta dhe mund të ketë interpretime. Vetëm një specialist mund ta hedhë librin poshtë, por gjyqe masive popullore.

Ti po ysht një popull ose një segment të fanatizmit popullor dhe pasojat a i merr parasysh se ti po gënjen mashtron, po shfaq një situatë që nuk ka lidhje. Unë mbaj përgjegjësi për çdo akt që bëj, por jo të shfaqësh atë që nuk është e vërtetë. 26 ditë pa ndërprerje gazeta hapej me sulm ndaj një personi”. /abcnews.al

 

tarifa.jpg
ad min20:50 | 26/04/2019

Profesori i njohur, Fatos Tarifa, i ftuar në emisionin “Provokacija” i është përgjigjur drejtorit të Institutit të Krimeve dhe Pasojave të Komunizmit, Agron Tufa. Ky i fundit para pak ditësh hodhi padi mbi të dhe mbi disa intelektualë të tjerë për fyerje për shkak të detyrës.

Ish-ambasadori Tarifa tha se i konsideron gjërat që ka thënë si angazhim për të kryer detyrën e tij si intelektual. Tarifa e konsideron të drejtë e tij që të kritikojë diçka që ka pikëpamje të gabuar.

“Unë i përgjigjem dhe i përgjigjem kudo që të jem që nëse ai e quan këtë fyerje për shkak të detyrës zyrtare që ai ka, unë e quaj një angazhim për të kryer detyrën time intelektuale. Kjo është detyra ime, të kritikoj atë që shoh që shpreh një pikëpamje të gabuar, për të informuar opinionin publik dhe për të sjellë një pikëpamje tjetër. Nuk i trembem asnjë polemike, asnjë debati, asnjë akuze pse bëj detyrën time si intelektual”, tha Tarifa./abcnews.al

tufa.jpg
ad min17:15 | 21/02/2019

Instituti i Studimeve të Krimeve të Komunizmit boton kolanën prej 11 veprash me memuarët, kujtime dhe dëshmi mbi të shkuaën komuniste. Drejtori Agron Tufa thotë se kësaj here me mjaft rëndësi është edhe albumi i retushimit, ku shuheshin fotot e protagonistëve dhe vendosej gjithnjë si kryepersonazh Enver Hoxha. 

Instituti i Krimeve të Komunizmit promovi kolanën prej 11 veprash. Drejtori i i këtij institucioni, Agron Tufa, thotë se kësaj herë dominojnë rrëfimet e dëshmitarëve okularë të rrëfyera në vetë të parë.

Me mjaft interes është edhe botimi i një albumi fotografie, ku dëshmohet qartë retushimi i personazheve dhe mbivendosja e personave të tjerë, të cilët nuk kanë patur rëndësi në momente kyçe të historisë, kjo sipas Tufës vihet re që në periudhën e luftës dhe më tepër me instalimin e pushtetit komunist në Shqipëri.

Rrëfimi i së shkuarës përmes këtyre librave është njëra anë, ndërsa shpërndarja e këtyre librave në Shqipëri është shumë i rëndësishëm për t’u bërë e njohur kjo periudhë e historisë tek brezat. Tufa thotë se libri shpërndahet anekënd vendit.

Instituti i Krimeve të Komunizmit për botimin e kolanës vjetore ka një buxhet prej 3 milionë lekësh./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono