agron duka

agron-dukaa.jpg
ad min21:29 | 20/09/2019

Mazhoranca ka kërkuar që të shkarkohet Presidenti i Republikës, Ilir Meta, pas çdekretimit të zgjedhjeve të 30 Qershorit. Madje për këtë është ngritur dhe një komision hetimor. Mirëpo nëse ky i fundit largohet nga pozicioni i kreut të shtetit dhe rikthehet aktiv në politikë a mund ta rivalizojë liderin e opozitës Lulzim Bashën?

Ishte kjo pyetja e gazetarit Mustafa Nano, drejtuar kreut të PAA-së, Agron Duka, i cili ishte i ftuar këtë të premte në emisionin “Provokacija”. Ai tha se Basha do të vazhdojë të jetë lideri i opozitës për shkak se është kryetari i partisë më të madhe.

“Do ishte e mirë që pushtetet të ishin të balancuara. Ikja e Ilir Metës dhe marrja e të gjithë llojeve të pushteteve nga Edi Rama më shqetëson. Nuk më shqetëson se çfarë do bëhet nesër, kush do jetë i pari i kësaj pune, Basha apo Meta. Realisht Basha ka parti më të madhe se gjithë të tjerat kështu që në politikë imponohet, nuk është punë sensi. Kam përshtypjen që Basha do vazhdojë të jetë lideri i opozitës në Shqipëri sido që të ndodhë”, tha Duka.

Për sa i përket, çështjes së shkarkimit, duka tha se Presidenti Ilir Meta nuk mund të shkarkohet.

“Ata e kanë besoj, por nuk mendoj që mund të shkarkohet. Megjithatë ata kanë thirrur një opinion të komisionit të Venecias dhe vlerësoj që kjo varet ga opinioni që ata japin. Nga ajo që i unë, Presidenti mund të shkarkohet përveç të tjerave , në raste të shkeljes së rëndë të Kushtetutës. Pikëpyetja e madhe është: Është shkelje e rëndë kushtetutës apo jo. Këtë e vlerësojnë specialistë. Nuk besoj që do ishte e udhës që unë të jap një mendim me këtë lloj formimi që kam, ndërkohë që është thirrur një komision me specialistë nga më të mirët në botë që të japë mendimin përfundimtar këtë punë.

Nëse flas sipas përshtypjeve të mia mendoj që shtyrja e zgjedhjeve që një përpjekje e Presidentit për të çtensionuar situatën sepse në atë kohë ishin disa protesta të vazhdueshme të cilat në disa raste patën disa përshkallëzim”, tha Duka.  /abcnews.al

duka-agron.jpg
ad min21:19 | 20/09/2019

Gjykata e Krimeve të Rënda dha të enjten 5 vite burg për ish-ministrin e Brendshëm Saimir Tahiri për shpërdorim detyre. Dënimi, për shkak të gjykimit të shkurtuar, konvertohet në 3.4 vite shërbim prove.

Kreu i Partisë Agrare Ambientaliste, Agron Duka, ishte i ftuar në emisionin “Provokacija”, ku komentoi këtë vendim. Sipas tij po tentohet të shmanget vëmendja nga kanabizimi i vendit.

“Gjykoj që tentohet të shmanget përshtypja për 2016-n. Gjykoj që sido që të dilte gjyqi, rezultati, dënohej apo jo Tahiri, një gjë është e qartë që në vitin 2016, vendi u kanabizua dhe këtë nuk e bëri vetëm Saimir Tahiri, e bëri qeveria shqiptare me në krye Edi Ramën”, tha Duka.

Sipas Dukës, kjo qeveri nuk është duke e shmangur situatën e vitit, 2016, por përkundrazi duke e agravuar më shumë. Ai tha se Rama e kanabizoi vendin me vetëdije. Qëllimi, sipas tij, ishte pasurimi i disa njerëzve dhe përdorimi për zgjedhjet. Mirëpo sipas kreut të PAA-së, më vonë u kthye në bumerang për qeverinë./abcnews.al

agron-duka.jpg
ad min15:10 | 15/08/2019

Aleati i Partisë Demokratike, Agron Duka ka hedhur poshtë çdo mundësi që në 13 Tetor të zhvillohen zgjedhje të reja vendore. Në një intervistë për ABC News, kreu i Partisë Agrare Ambientaliste thotë se situata me kandidatin e Shkodrës e thellon krizën, duke sjellë nevojën për një marrëveshje të gjerë politike. Duka është i bindur se edhe nëse Valdrin Pjetri do të shkarkohet si kryebashkiak i Shkodrës, Presidenti Meta nuk do të dekretojë datë të re për zgjedhje në këtë qytet. 

Agron Duka respektoi dekretin e Presidentit të Republikës për zgjedhje vendore në 13 Tetor, por pavarësisht kësaj është i bindur se ajo është një datë e rrëzuar. Në një intervistë për ABC News, kreu i Partisë Agrare Ambientaliste mohon përçarje me aleatët e tij në koalicionin opozitar për regjistrimin në KQZ, duke sqaruar se regjistrimi ishte edhe një detyrim për kryebashkiakët opozitarë që nuk morën pjesë në zgjedhje.

“Ne në respekt të dekretit të Presidentit, disa nga partitë opozitare u regjistruan për zgjedhjet e 13 Tetorit. Ju thoni sa shanse ka? Zero shanse ka që të bëhen zgjedhje. Pyetja që bëhet është pse disa nga partitë u regjistruan dhe parti të tjera jo? Mendoj që ne thjesht shprehëm respektin për dekretin e Presidentit”, tha Duka.

Hetimi për pastërtinë e figurës për rastin e kandidatit socialist të Shkodrës,Valdrin Pjetri dhe mundësia për shkarkimin e tij për Dukën pritet ta thellojnë akoma më shumë krizën. Aleati i Bashës është i bindur se Ilir Meta nuk do të rrëzojë veten  dhe s’do dekretojë një datë të re.

“Situata që po kalojmë është e pakuptimtë. Ju bëni pyetje se çfarë do të bëjmë me Shkodrën. Nuk ka matematicien që ta gjejë se ça do bëhet. Mazhoranca thotë njoh 30 Qershorin, opozita thotë njoh 13 Tetorin. 13 Tetori i kaloi të gjitha afatet kushtetuese. Nuk bëhet më që të ribëhen zgjedhjet në Shkodër nëse ky zotëria penalizohet me ligjin e dekriminalizimit. Duhet dekreti i Presidentit. Presidenti ka dhënë dekretin me 13 dhe nuk jep datë tjetër. Ça do bëhet? E zgjidh Gjykata Kushtetuese. Gjykatë Kushtetuese nuk ka. Gjithë kjo situatë e pakuptimtë kërkon t’i thërrasim arsyes që të gjithë”, tha Duka.

Zgjidhja duhet të vijë vetëm përmes një marrëveshjeje. Por Duka është kategorik kur shprehet se pakte si ai i 2017-s mes Ramës e Bashës, politika shqiptare nuk duhet t’i përsërisë më.

“Larg qoftë. Vetëm ajo jo. E 2017-s, ajo tregoi që nuk zgjidhi asgjë. Përkundrazi e ricikloi krizën. Nëse bëhen marrëveshje të tilla për të ricikluar kriza në leverdi të individëve të veçantë kjo është në dëm të Shqipërisë. Duhen marrëveshje që të kenë një zgjidhje të qëndrueshme”, tha Duka.

Kur pushimeve të Gushtit po i vjen fundi, politikës i duhet që me nisjen e Shtatorit të marrë vendime të forta. Ndërkombëtarët pritet të vazhdojnë përpjekjet e tyre për të ndërmjetësuar, por zgjidhja njësoj si dy vjet më parë mund të vij edhe në orët e fundit.  /ABC News Albania 24/7

aleatet-ne-Fier.jpg
nev ila12:03 | 06/06/2019

Pesë partitë e grupimit të qendrës së djathtë i kërkojnë presidentit të Republikës që të deklarojë shtyrjen e zgjedhjeve lokale me 6 muaj. Gjatë një takimi që zhvilluan me qytetarë në Kamëz, partitë opozitare thonë se kjo është një betejë për jetë a vdekje.

Presidenti Ilir Meta nuk duhet ta vonojë vendimin për shtyrjen e zgjedhjeve. Thirrjen ia drejton  “Grupimi i Qendrës së Djathtë”.

“I kërkoj Presidentit të Republikës, si autoriteti kushtetues i vetëm i këtij vendi, i cili duhet të garantojë unitetin e popullit, i cili duhet të garantojë një shoqëri demokratike e pluraliste, duhet të garantojë nga pikëpamja kushtetuese një shoqëri që bazohet mbi votën e lirë, të deklarojë shtyrjen e zgjedhjeve lokale me 6 muaj. Në qoftë se Presidenti i Republikës ka deklaruar që është i gatshëm, në qoftë se do të ketë mirëkuptim politik, ne sot kuptojmë që nuk ka mirëkuptim nga pushteti i krimit. Prandaj është e rëndësishme që të shtyjmë zgjedhjet për 6 muaj dhe të ndërtojmë një qeverisje tranzitore”, tha Fatmir Mediu.

Çfarë ka ndodhur me zgjedhjet në të shkuarën tashmë është një arsye më shumë pse duhet formuar qeveria tranzitore dhe kryeministri të japë dorëheqjen thanë kryetarët e partive të grupimit të qendrës së djathtë.

“Nuk kanë vjedhur persona të veçantë, apo kryetarë bashkish, ka qenë ky shefi i vjedhjeve. Nuk mund të vidhte Dako pa bekimin e këtij, i ka bekuar ky këta, por ç’është më e keqja, mirë se i ka bekuar për vjedhje, por këta njerëz i ka marrë dhe i ka çuar në pushtet”, tha Duka.

“Në tavolinën evropiane politikanë të korruptuar si Edi Rama nuk mund, dhe nuk do të rrinë asnjëherë të barabartë. Jemi brez i humbur, ne po se po, por mbi ne rëndon edhe përgjegjësia nëse do të jetë i humbur edhe brezi i fëmijëve tanë. Nuk mund t’ia falim një brez të tërë, të shoqërisë sonë, Edi Ramës dhe interesave të tij okulte. Duhet të ndërgjegjësohemi”, deklaroi Vangjel Dule.

“Duhet me e ndalu’, me e thy’, këtë lloj rrethi të keq. Na takon të ngrihemi, të rezistojmë, kjo është betejë jetë a vdekje”, tha Shehi.

 “E vetmja mënyrë me të është përballja, dhe përballja është protesta. Çdo gjë e ka një lloj fundi, për atë, të merituar, ta mbyllim me një ‘Rama ik’ të fuqishëm”, tha Nard Ndoka.

Në këtë organizim, që tashmë njihet si “Forumi për Zgjedhje të Lira” partitë opozitare diskutuan për krizën politike, institucionale dhe ekonomike në të cilin ndodhet vendi./ABC News Albania 24/7

mediu.jpg
ad min15:35 | 22/05/2019

Krerët e pesë partive opozitare aleate të Lulzim Bashës gjatë takimit me mbështetësit në qytetin e Lezhës, pasi i ftuan të jenë pjesëmarrës në protestën e 25 Majit, theksuan arsyet përse kryeministri Rama nuk mund të jetë në krye të qeverisë që do të zhvillojë zgjedhje brenda standardeve demokratike.

Grupimi i Qendrës së Djathtë, pesë aleatët e demokratëve në opozitë, tezat e tyre i artikuluan në Lezhë.

“Ky po i përcakton kundërshtarët vetëm, po regjistron vetë jashtë çdo rregulli, po i voto dhe thotë “Kështu bëhet se kështu dua unë””, tha Duka.

Qeveria kalimtare është rruga e vetme për mos zvarritjen e kësaj krize, sipas tyre, përballë të cilës qëndron alternative opozitare.

“Lulzim Basha si lider i opozitës sot ka një përgjegjësi shumë të madhe. Përveç aksionit opozitar, përveç kauzës për largimin e kryeministrit do japim dhe alternativa bindëse për qytetarët dhe ai tashmë ka filluar ta bëjë një gjë të tillë, të gjithë e shohim”, tha Ndoka.

Precedent për largimin e kryeministrit përpara zgjedhjeve ekziston, kujton Mediu, madje shumë pranë nesh.

“Kemi një precedent rajonal, siç është precedenti i Maqedonisë së Veriut ku u ra dakord për qeverisje tranzitore ku Gruevski nuk ishte kryeministër dhe për të përgatitur zgjedhjet”, tha Mediu.

Arsyeja për këtë është më e qarta për shqiptarët, sipas kreut të LZHK-së.

“Ky ka filluar i ka marrë të gjitha. Ky ka vënë ato emrat e lezetshëm, jo tepsia, jo timoni që të qeshin pak njerëzit, mirëpo ky në fakt u ka futur dorën në xhep njerëzve. Domethënë merr paratë e shtetit publik. Ky ka marrë drejtësinë, ky ka marrë ekonominë, edhe Akademinë e Shkencave. Se për çfarë i duhet Akademia e Shkencave, ka ndonjë peshë për ekonominë? Në këto rrethana bëhen zgjedhjet? Nuk bëhen dot. Ky merr para, media, çfarë zgjedhjesh të bëjmë”, tha Shehi.

Ndaj pjesëmarrja në protestën e së shtunës duhet të jetë tregues i refuzimit të kësaj farse sipas aleatëve të demokratëve.

“Të shtunën ta shumëfishojmë praninë tonë në protestën e madhe të opozitës së bashkuar”, tha Dule./ABC News Albania 24/7

byro-politike-dt-15-maj.mpg_snapshot_15.38-1280x720.jpg
ent ela21:11 | 15/05/2019

Apeli i ndërkombëtarëve dhe rruga e opozitës ka qenë pjesë e debtit në studion e Byro Politike të Juli Xhokaxhi në ABC News me të ftuarit Enkelejd Alibeaj ish deputet i PD, Agron Duka, kreu i PAA-së, Anila Basha, gazetare dhe Mentor Kikia kryeredaktor i Klan Plus.

Për ish deputetin demokrat Alibeaj më i rëndësishëm se reagimi ndërkombëtar është situata ku ndodhet vendi dhe arsyet që e çuan opozitën në një vendim të tillë, në një kohë kur kriza është e shumëfishtë, shteti ka rënë dhe shoqëria shqiptare është nën depresion.

Alibeaj: “Lajmi kryesor është ajo që po kalon sot Shqipëria, kriza e shumëfishtë politike, institucionale, ekonomike, psikike. Ky është dhe nëna e të gjitha problemave dhe ky na agreson të gjithëve si shoqëri e shtet për të sotmen dhe të ardhmen.

Më e rëndësishme është arsyeja pse jemi në këtë situatë, rrënjët e problemit dhe mbi të gjitha si dilet nga kjo situatë, çështje kardinale për tu zgjidhur.

Bardhi ka nxjerrë dhe saktësimin e qëndrimit tonë. Dënojmë dhunën, çdo lloj dhune por duhet të saktësoj një gjë, si u prishën shtepite te Bregu i Lumit, unaza e re, si vidhen 20 mln euro, dhunë e strukturuar që është gjeneratori i cdo lloj reagimi. I shkon shteti me skafandër helmon pleq e fëmijë.

Shoqëria shqiptarë është në depresion se i janë mohuar të drejtat elementare si shqoëri civile, shteti ka rënë. Ka vetëm një zgjidhje, dyndje e madhe te ambasada gjermane të rinj e të reja”.

Në kundërpërgjigje të tij gazetarja Basha ka theksuar se historikisht krizat në këto 29 vite nuk janë zgjidhur me vullnet politik, por ajo akuzon opozitën se ka humbur kontaktin e merealitetin dhe po bllokon punën e qytetarëve dhe bizneseve me dhunën në protesta.

Basha: “Krizat asnjëherë nuk janë zgjidhur me vullnetin politik të palëve. Në 29 vjet ky vend i ka parë të gjitha, me vrasje protestuesish, me molotov, me shkatërrim institucionesh. Përse degradojmë në këtë pikë se duke ju parë ju në TV për 30 nuk kemi zgjidhur gjë. Ju nuk bëni forumi demokratike, keni shkëputur kontaktin me realitetin, keni djegur 50 kosha në tiranë. Ç’kusur kam unë që jetoj në Tiranë të paguaj taksa. Ti vësh zjarrin kryeqytetit, të bllokosh punën e bizneseve duhet të mbani përgjegjësi. Si nuk jeni mërzit duke i vënë flakën Shqipërisë, po alarmohen gjithë bizneset”.

Alibeaj: “Ne po vuajmë nga uzurpimi i pushtetit. Dhunë ishte dhe rrëizmi i bustit të Enver Hoxhës dhe jemi në të njëtën situatë si para 30 viteve. Se ata që janë atje e ndjejnë në lëkurën e tyre, se ata shprehin revoltën e  tyre, se këtu nuk bëhen zgjedhje. Kur na është eliminuar vota  e lirë dhe ky kyeministër njeh vetëm këtë gjuhë”.

Në këndvështrimin e tij Kikia thekson se të vetmen rrugë që e ka në dorë opozita, është dhuna, pasi ka dorëzuar mandatet dhe nuk pranon të ulet në dialog.

Kikia: “Ka një përpjekje nga ana e PD për të mos e konsideruar dhunë mënyrën e veprimit të protestuesve. Ndërkohë Pd është e bindur që e vetmja rrugë që ka në dorë është dhuna se ka dorëzuar mandate,i  ka lëshuar ultimatum qeverisë të ikë kryeministri, nuk ulet në bisedime dhe rrugën e ka një sens prapa nuk ka kthim. Artikulimet janë nga njëra protestë në tjetrën që protesta do intensifikohet më shumë.

Çfarë do të thotë më shumë përshakllëzim se tym e flakë, por më duket përpjekje për të hedhur gurin e fshehur dorën. Ti duhet ta pranosh publikisht që arma ime është flaka dhe nuk pres që Rama të dorëzohet por ta detyroj. Me afrimin e datës së zgjedhjeve dhe premtimin se zgjedhjet nuk do bëhen meraku im është se kemi dy kokëfortësi. A ka rrezik të na çojë përplasje që për ta shuar do jetë e vështirë?”

Alibeaj: “Rruga jonë e vetmje është zgjedhje të lira dhe të ndershme. Kemi humbur ligjin, kushtetutën demokracinë e të drejtën për të zgjedhur. Kur sheh një mur përballë si ky që ka ngritur Rama, demokracinë  e kanë humbur shqiptarët. Kemi protestë se revolta është kaq e madhe, se një revoltë që nuk është e orintuar politikisht shkon ne anarki, ndërkohë sot duhet dikush t’i ofrojë zgjidhje politike dhe këtë e kemi bërë ne”.

Për kreun e Partisë Agrare Ambjentaliste, sot po ndodh ajo që ai kishte paralajmëruar dy vjet më parë në zgjedhjet e 2017, ku njerëz të botës së krimti rrëmbyen kutitë  e votimit. Dhe në këtë situatë të vetmen zgjidhje ai sheh tërheqjen e Ramës, në të kundërt ka përplasje.

 Duka: “Ka riciklim krizash, ka gabime që bëhen nga të dy palët Anila, ta dish se kjo dhunë nuk është rrufe në qiell të pastër. U kam thënë dhe miqve të mis socialstë që këtë që po bëni në zgjedhjet e 2017 nuk do kalojë kaq lehtë dhe kjo dhunë një ditë do shpërthente. Këto po paguajnë këtë dhunë. Kam qenë në të gjitha qendrat e Durrësit dhe kam bërë sherr, jemi kacafytur me njerëzit e botës së krimit të cilët i zaptuan kutitë e votimit si ujqërit. Problemi është si do shikohet? Një pozicion i opozitës, e cila nuk ka as mandate, me qeveri tranzitore dhe nga ana tjeter një Kryeminstër, i cili hiqet sikur klima politike është e qetë. Do të marrë 61 bashki, mundohet të bëjë një opozitë farsë. Të dy palët kanë një pozicion stoik, por ndërkohë opozita nuk ka asgjë në dorë. Rama e ka në dorë, po nuk u tërhoq ai kjo punë do shkojë në përplasje”. /abcnews.al

 

metaa.jpg
ad min14:38 | 30/04/2019

Presidenti Ilir Meta ka pritur në një takim kryetarët e 5 partive aleate të demokratëve. Ata i kanë kërkuar kreut të shtetit organizimin e një tryeze dialogu mes mazhorancës dhe opozitës, kërkesë, e cila ka gjetur mbështetjen e presidentit.

Kur ora shënoi 11 pa tre minuta, pesë krerët e Grupimit të Qendrës së Djathtë kaluan portën e godinës presidenicale.

Fatmir Mediu, Dashamir Shehi, Agron Duka, Nard Ndoka dhe Vangjel Dule, në tryezën e kreut të shtetit artikuluan kërkesën e zyrtarizuar në pikën një të platformës së propozuar prej tyre për arritjen e një marrëveshje kushtetuese në zgjidhje të krizës politike.

Presidenti mësohet të ketë theksuar se ka paralajmëruar domosdoshmërinë e vendosjes urgjente të dialoguar për shmangien e përshkallëzimit të konfliktit.

“Mosregjistrimi i të gjitha partive opozitare të legjislaturës së fundit parlamentare rrezikon jo vetëm standardet e zgjedhjeve, por edhe pluralizmin politik në vend. nuk është asnjëherë vonë për të reflektuar dhe për të gjetur zgjidhje që do të rivendosnin normalitetin kushtetues, institucional dhe demokratik të vendit”.

Për këtë kreu i shtetit meta ka konfirmuar vijimin e kontributit të tij me të gjitha format dhe mundësitë, për të kërkuar reflektimin e të gjithëve. Ky ishte edhe mesazhi që morën aleatët.

Takimi vjen pas mos regjistrimit të partive opozitare në zgjedhjet e 30 qershorit dhe skadimit të afatit të përcaktuar në Kodin Zgjedhor për partitë politike./abcnews.al

presidencaaa.jpg
ad min12:20 | 30/04/2019

Presidenti i Republikës, Ilir Meta zhvilloi një takim me partitë e vogla të opozitës këtë të martë në lidhje me krizën politike. Kreu i republikanëve Fatmir Mediu, ai i LZHK-së, Dashamir Shehi, kreu i Partisë Agrare Ambientaliste Agron Duka, ai i demokristianëve Nard Ndoka dhe kryetari i Bashkimit për të Drejtat e Njeriut, Vangjel Dule mbërritën në Presidencë në orën 11:00.

Në përfundim të takimit mes Presidentin Ilir Meta dhe partive të vogla opozitare, kreu i republikanëve Fatmir Mediu theksoi se situata aktuale politike është shumë problematike dhe duhet të përpiqemi që të ndalojmë që vendi të shkojë në një konflikt që nuk i shërben qytetarëve.

Ai nënvizoi se Presidenti vlerësoi kërkesën e partive të vogla dhe do të fillojë veprimet për diskutime me palët e tjera politike.

“Presidenti i Republikës ka bërë gjithçka që mundet ai në autoritetin e tij që reforma në drejtësi të jetë në përputhje me garantimin e pavarësisë së gjyqësorit dhe interesave të një pushteti gjyqësor që i shërben interesave të qytetarëve. Presidenti ka ndërmarrë iniciativa edhe me mazhorancën edhe me opozitën dhe do vazhdojmë në këtë rrugë që zgjedhjet të jenë sa më zgjedhjet të jenë sa më përfshirëse sa më pluraliste dhe jo të devijojnë nga akset kushtetuese siç kemi shqetësimin edhe ne. Presidenti i Republikës vlerësoi kërkesën e partive tona. Në vlerësim të kërkesës sonë dhe qëndrimeve tona do të ndërmarrë veprimet e veta dhe në diskutim me partitë e tjera politike. Ka nevojë me diskutim për të gjitha palët për këto çështje”, tha Mediu.

Takimi me presidentin është kërkuar nga ky grupim i qendrës së djathtë, me qëllimin që t’i kërkohet kreut të shtetit ndërmjetësimi i një tryeze politike gjithëpërfshirëse për zgjidhjen e krizës.

Ndërkohë me anë të një reagimi nga zyra e shtypit, Presidenti  theksoi se do vazhdojë kontributin e tij për zgjidhjen e krizës.

“Presidenti Meta nxit dialogun dhe zërat e arsyeshëm, për dekurajimin e përshkallëzimit të mëtejshëm të krizës. Kreu i Shtetit do të vazhdojë kontributin e tij, me të gjitha format e mundësitë për të kërkuar reflektimin e të gjithëve, me qëllim garantimin, jo vetëm të bashkëjetesës demokratike, por edhe ecurinë e suksesshme dhe të besueshme të reformave të lidhura me integrimin evropian”, thuhej në komunikatën për shtyp.

Opozita ka nisur aksionin antiqeveritar përmes protestave dhe djegies së mandateve të deputetëve që prej 16 Shkurtit. Opozita joparlamentare i humbi mundësitë ligjore për të marrë pjesë ne zgjedhjet vendore të 30 Qershorit, pasi ka përfunduar tashmë afati i regjistrimit në KQZ për pjesëmarrje në këto zgjedhje.

Edhe për këtë çështje, Presidenti Meta shpreh shqetësimin e tij.

“Kreu i Shtetit shprehu shqetësimin se mosregjistrimi i të gjitha partive opozitare të legjislaturës së fundit parlamentare rrezikon jo vetëm standardet e zgjedhjeve, por edhe pluralizmin politik në vend”.

Opozita kërkon shtyrjen e zgjedhjeve dhe krijimin e një qeverie tranzitore që do të garantonte zgjedhjet, sipas saj të lira dhe larg mundësive për shitblerje të votës./abcnews.al

agron-duka.jpg
ad min15:04 | 30/03/2019

Në një intervistë për ABC News i pyetur lidhur me pjesëmarrjen në zgjedhje, kreu i Partisë Agrare Ambientaliste Agron Duka edhe pse shprehet kundër bojkotit elektoral në parim, pjesëmarrjen në zgjedhjet e 30 qershorit e sheh si zvarritje të mëtejshme të krizës politike.

Kandidaturën e tij për kryetar Bashkie në Durrës, aleati i demokratëve në krye të Partisë Agrare Ambientaliste e sheh të mundshëm vetëm në një rast.

“Nëse opozita e bashkuar në kushte normale dhe jo në këtë kushte vendos, atëherë unë mund të kandidoj dhe sakrifikoj. Them sakrifikoj sepse në Durrës është zonë e vështirë ku ka pasur gjithë ato problematika të cilat keni dëgjuar. Mendoj se akoma nuk është çliruar nga ato problematika që ka pasur”.

Kushte normale, të cilat nuk i sheh të mundshme në zgjedhjet e ardhshme.

Une s’kam qenë asnjëherë për bojkot zgjedhjesh, por në kushtet aktuale ku jemi, në këtë lloj krize politike, kushtetuese dhe ekonomike nuk e shoh të arsyeshme që PAA që unë përfaqësoj të mund të shkojë në zgjedhjet lokale të përcaktuara me datën 30 Qersshon për arsye se bëjmë gjë tjetër veçse zvarrisim krizën dhe nuk zgjidhim asgjë”.

Kërkesat e Dukës janë ato të opozitës së bashkuar…

“Që do të thotë nëse opozita dhe mazhoranca do të bien dakord për kushtet që ka vënë. Pra të hyjnë në zgjedhje pa Ramën kryeministër, me qeveri tranzitore që përgatit infrastrukturën e zgjedhjeve”.

Për këtë të fundit kërkon edhe një zgjidhje afatgjatë, në ndërtimin e së cilës duket se orientohet edhe vullneti i opozitës së bashkuar sipas tij.

“Unë dhe shumë të tjerë të politikës kemi ngulur këmbë që sistemi aktual deformon votën e qytetarëve dhe kërkojmë sistem tjetër ku të ketë elementë mazhoritar. Mund të jetë sistem me lista të hapura dhe korrektim kombëtar apo qoftë kombinim i sistemit mazhoritar me proporcional. Faktikisht me Bashën kemi patur komunikime të vazhdueshme dhe jemi në konsultime që të dalim publikisht me një version tonin për një sistem të tillë. Mendoj se nga opozita ka vullnet pozitiv”.

Ndryshimin e Kodit Zgjedhor me votat e opozitës së re parlamentare Agron Duka  nuk e sheh si një zgjidhje të qëndrueshme. Kjo për shkak të mungesës së legjitimitetit në përfaqësim të deputetëve të rinj që në gjuhën që njeh më mirë, atë bujqësore, i etiketon si OMGJ – organizma të modifikuar gjenetikisht./abcnews.al

agroniii.jpg
ad min20:59 | 12/02/2019

Zgjedhjet vendore të këtij viti do të mbahen më 30 Qershor. Ende është herët për të folur për kandidatët të cilët do të garojnë. Por Agron Duka në “Provokacija” tregoi nëse do të kandidojë për Bashkinë e Durrësit apo jo.

Ai theksoi se këtë do ta mendonte ta bënte vetëm nëse do të dilte i vetëm dhe jo si kandidat i përbashkët me opozitën.

Agron Duka: Nuk më pëlqen faktikisht të dal si kandidat i përbashkët. Ndoshta nëse do të dal i vetëm është për t’u menduar se në fund të fundit mund të jetë detyrim i grupit shoqëror që të tregojmë dhe ne forcën tonë.

Mustafa Nano: Shanset do jenë më të mëdha nëse do jeni krah opozitës?

Agron Duka: Varet. Thonë që politika është e artit të së pamundurës. Unë edhe mund ta provoj vetëm, kurse në koalicion nuk e kam menduar ndonjëherë të dal. Por ne kemi caktuar grupe pune që po identifikojnë persona që mund të kandidojnë në disa bashki, të cilën do tentojnë të fitojnë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono